PASAY CITY FIRE: 50 PAMILYA NAWALAN NG TIRAHAN

fire

(NI ROSE PULGAR)

NASA 50 pamilya ang nawalan ng tirahan makaraang tupukin ng apoy ang isang residential area dahil sa umano’y electrical overload sa naganap na sunog sa Barangay Santo Nino sa Pasay City, Sabado ng hapon.

Nagtungo naman si Pasay City Mayor Emi Calixto-Rubiano, upang tutukan ang pagbibigay ayuda sa mga nasunugan na agad inilipat sa evacuation center sa Malibay sa lungsod.

Batay sa inisyal na ulat, nagsimula ang sunog sa Barangay Sta. Nino, Barangay 145 sa nasabing lungsod, dakong 12:49 ng hapon.

Mabilis na kumalat ang apoy at natupok ang 10 bahay na pawang gawa sa light materials at kahoy.

Umabot sa ikaapat na alarma ang sunog bago tuluyang naapula ito habang tinatayang P100,000 halaga ng naabong ari-arian.

Batay sa imbestigasyon sala-salabat umano ang koneksiyon ng kuryente sa lugar na hinihinalang sanhi ng pagsiklab ng apoy sa lugar.

Sinisi naman ni Barangay chair Reynaldo Legazpi sa kawalan ng disiplina ng mga residente na hinayaan na magkaroon ng sala-salabat na koneksiyon ng kuryente sa lugar.

Sa ngayon ay patuloy pa rin nagsasagawa ng mopping operation ang mga kagawad ng pamatay sunog upang masigurong ligtas na ang naturang lugar.

 

Please follow and like us:
Read More

300 PAMILYA NAWALAN NG TIRAHAN SA SUNOG SA PANDACAN

(NI RENE CRISOSTOMO)

NAGTAMO ng 2nd degree burns ang isang residente nang malapnos ang katawan nito sa sunog na tumupok sa 150 kabahayan kung saan aabot sa 300 pamilya ang nawalan ng tirahan sa Pandacan, Manila, Sabado ng umaga.

Base sa ulat ng Manila Fire District ng Bureau of Fire Protection,naganap ang sunog ng bandang alas-9:55 ng umaga sa two-storey residential apartment sa Barangay 833, sa Pandacan.

Dahil sa pawang gawa sa light material, kumalat ang apoy na umakyat sa ika-5 alarma makalipas ang  kalahating oras,  bandang alas-11: 57 ng tanghali nang ideklarang fire out  ang sunog.

Sa report ng BFP, nahirapan ang ilang pamatay sunog dahil masikip umano ang mga daanan

Nabatid pa na  naubusan umano ng tubig ang ilang trak ng bumbero habang ang mga residente din naghakot ng tubig para makatulong sa pag-apula ng apoy at mapigilan ang pagkadamay pa ng ibang kabahayan.

Ayon kay Fire Senior Supt. Rudolfo Denaga, incident commander, sumiklab ang apoy mula sa kusina ng ground floor sa 1022-E Pandacan St.

Ang biktimang nakilalang si John Cacho ang naisugod sa pagamutan dahil sa lapnos na tinamo nito.

Please follow and like us:
Read More

CALL CENTER AGENT KULONG SA MINOLESTIYA NA 16-ANYOS

(NI FRANCIS SORIANO)

SWAK sa kulungan ang isang 30-anyos na call center agent matapos umanong arestuhin dahil sa akusasyon ng pangmomolestiya ng isang 16-anyos na dalagitang estudyante sa Valenzuela City, Sabado ng madaling araw.

Ayon kay Valenzuela City Police Chief P/Col. Carlito Gaces, natutulog umano nitong Biyernes ang Grade 10 student na biktima at kanyang pinsan sa Brgy. Karuhatan kung saan nagpasya ang mga ito na magpalipas ng gabi.

Dakong alas- 4:45 ng madaling araw, habang natutulog ang biktima sa sofa nang bigla niyang maramdaman na may humawak sa kanyang kanang kamay at nang imulat ang mga mata ay nakita niya ang suspek na nakahiga sa kanyang tabi.

Subalit bago makabangon ang biktima, hinawakan pa umano ng suspek ang kanyang puwit at ipinasok ang daliri nito sa kanyang maselang bahagi ng katawan.

Dahil dito ay agad na umuwi ang biktima upang magsumbong sa kanyang magulang na nagresulta sa pagkakadakip nito.

Please follow and like us:
Read More

DAYUHANG NEGOSYANTENG  ‘NANG-AAPI’ NG PINOY, BINALAAN NI ISKO

(NI RENE CRISOSTOMO)

NAGBABALA sa mga dayuhang negosyante na ipapasara ni Manila Mayor Francisco ‘Isko Moreno’ Domagoso na ipasasara nito ang mga negosyo sa lungsod ng Maynila na mapapatunayang hindi nagbabayad ng tamang buwis at hindi tumatalima sa lahat ng panuntunan at batas.

Ang babala ay ginawa ng alkalde matapos makatanggap ng ulat na ilang manggagawa ang hindi nabibigyan ng tamang bayad at benepisyo na itinatakda sa ilalim ng batas.

“If you are chaotic in your country, don’t bring it here. As long as you pay the right taxes, follow rules, live and let live tayo,” pahayag pa ng alkalde.

“Ayoko na banyaga na nga kayo, aapihin nyo pa ang Pilipino pag dating sa sweldo nila. Don’t hire if you cannot pay what they deserve—SSS, Pag-Ibig– or I will close your shop,” babala pa niya.

Sinabi pa ng alkalde na hanggang maaari ay ayaw niyang gumawa ng malupit na hakbang kaya’t binabalaan muna niya ang mga ito.

Gayunman, kung sa kabila aniya ng kanyang babala ay ipagpatuloy ng mga ito ang kanilang mga maling gawain ay wala na siyang magagawa kundi gumawa ng kaukulang aksiyon hinggil dito.

“Now if despite our warning the injustice or wrongdoing persists, then there is no more reason for those who will be affected by the actions of the city government to complain,” aniya pa.

Samantala, nanawagan rin siya sa mga establisimyento na bigyan ang mga senior citizens at mga persons with disability ng pagkakataon na maging produktibong mamamayan ng Maynila sa pamamagitan nang pagbibigay ng oportunidad sa mga ito na makapagtrabaho.

Please follow and like us:
Read More

BOMB FACTORY NATUMBOK NG MILITAR, 12 BOMBA NABAWI

(NI JESSE KABEL)

LABING-DALAWANG improvised explosive device ang na-recover ng military matapos ang dalawang magkakasunod ng engkuwentro nang matumbok ng mga tauhan ng Philippine Army ang hinihinalang pinagkakanlungan ng mga kasapi ng Bangsamoro Islamic Freedom Fighters sa ilalim ng pamumuno ng  Karialan faction sa  Cotabato.

Ayon sa ulat ng military, unang nakasagupa ng mga elemento ng 7th Infantry Battalion ang grupo ni Katato Samad sa  Sitio Blah sa Barangay Manaulanan, Pikit  Biyernes ng madaling araw.

Ilang oras ang nakalipas, muling nakasagupa ng mga sundalo ng 7th IB ang isa pang grupo ng Bangsamoro Islamic Freedom Fighter terrorists malapit din sa lugar ng unang engkuwentro.

“Military troops currently clear the objectives and block possible withdrawal routes of eluding terrorists,” pahayag pa ni  Maj. Gen. Diosdado Carreon, Joint Task Force Central Commander.

Ayon kay Maj. Gen. Carreon may 12 improvised explosives ang na-recover na hinihinaang itinanim ng mga terorista matapos ang serye ng sagupaan.

Nabatid na si Samad ay isang expert at SOG battalion commander ng  BIFF’s 1st Division.

“Terrorists are on the run as we mount offensives and close in on rebel fighters. Our forces deliberately operate to run down and neutralize terrorists behind the series of bomb attacks and ploys in central Mindanao,” pahayag naman ni  Lt. Gen. Cirilito Sobejana, commander of Western Mindanao Command.

Ayon kay Sobejana, tuloy tuloy ang ikinasang combat operations sa mga kalaban bilang  preemptive actions laban sa mga terorista.

 

Please follow and like us:
Read More

‘MAANGAS’ NA KAINUMAN, BINOGA NG KALIBRE .45 SA INUMAN, PATAY

crimeshooting12

(NI ANNIE PINEDA)

HINDI umano nakayanan ang sobrang kaangasan ng binata dahilan para barilin ito ng kanyang kainuman, kaninang madaling araw sa lalawigan ng Isabela.

Inoobserbahan ngayon sa ospital ang biktima na kinilalang si Carlos Aguiatan, 34, binata, habang tugis naman ang suspek na kinilalang si Elmer Mmaclay, 54, at kapwa residente Brgy. Rizal, Santiago City, Isabela.

Batay sa report ng PNP Santiago, bandang alas 2:00 ng madaling araw nang maganap ang insidente sa labas ng bahay ng biktima at suspek.

Lumabas sa imbestigasyon, nag-iinuman ang suspek at biktima nang bigla

umanong maangasan ang suspek sa biktima dahilan para barilin niya ito sa ulo saka tumakas.

Dinala naman sa ospital ang biktima para lapatan ng lunas .

Narekober naman sa pinangyarihan ng insidente ang isang basyo ng bala ng kalibre .45.

Nagpapatuloy naman ang imbestigasyon sa nasabing insidente.

 

Please follow and like us:
Read More

LOLA, 82-ANYOS, PISAK SA MOTORSIKLO 

(NI ANNIE PINEDA)

PISAK ang isang lola matapos masagasaan ng humaharurot na motorsiklo, sa Davao City.

Kinilala ang biktimang si Pacita Ococa, 82, ng Purok 2-A Poblacion Laac, Laak, Davao de Oro.

Sumuko naman sa pulisya ang suspek at driver ng motorsiklo na kinilalang si Janrey Tibor, 22, ng Purok 1, Macopa, Laak, Davao de Oro,

Batay sa report ng Laak PNP, dakong alas 12:30 hapon nang maganap ang insidente sa Purok 2-A, Poblacion, ng nasabing probinsya.

Lumabas sa imbestigasyon ng pulisya, minamaneho ng suspek ang kanyang motorsiklo pauwi sa kanilang bahay nang bigla na lamang niyang mahagip ang biktima.

Kaagad naman dinala sa ospital ang biktima pero idineklara na ring patay ng mga doktor sanhi ng matinding pinsalang tinamo sa katawan.

Please follow and like us:
Read More

BANGKAY NG LALAKI ITINAPON SA KALSADA

crime12

(NI ANNIE PINEDA)

NAKATAKIP ng duct tape ang mga mata nang matagpuan ang bangkay ng isang lalaki na pinaniniwalaang biktima ng summary execution o salvage, iniulat kaninang umaga sa General Santos City.

Inilarawan lamang ang biktima na nasa edad 20 hanggang 30 at maraming tattoo sa iba’t ibang parte ng katawan.

Batay sa report ng Maasim Police Station, natagpuan ang bangkay ng biktima sa Purok Kugunal, Brgy. 7 Hill, Maasim, Sarangani .

Sa pag-imbestiga ng pulisya, nakitaan ng mga tama ng bala ng baril sa katawan ang biktima, nakagapos ang mga kamay at katabi ang karatulang “carnapper ako”.

Hinala ng mga awtoridad, posibleng pinatay ang biktima sa ibang lugar at itinapon lamang ito sa nabanggit na bayan dahil walang nakakakilalang residente sa biktima .

Nagpapatuloy naman ang imbestigasyon ng otoridad sa nasabing pangyayari.

 

Please follow and like us:
Read More

BINATA MALUNGKOT ANG PASKO, NAG-SUICIDE

suicide12

(NI ANNIE PINEDA)

NAGPASYANG wakasan ang sariling buhay ng isang binata sa araw ng Pasko sa pamamagitan ng pagbigti dahil umano sa kalungkutan, iniulat kaninang umaga sa probinsya ng Victorias City.

Wala nang buhay nang matagpuan ang 25-anyos na biktimang hindi pinangalanan at residente ng nasabing lugar.

Batay sa report ng Victorias-PNP, natagpuan na lamang ang biktima sa loob ng kanyang silid na walang buhay at nakabitin gamit ang pisi.

Kuwento ng ina, bago ang insidente malungkot ang kanyang anak at hindi ito lumabas ng kanyang kuwarto sa araw ng Pasko, Disyembre 25.

Kinabukasan, Disyembre 26, binuksan ng ina ang silid ng biktima para alamin kung tulog pa rin ito, subalit laking gulat na lamang niya nang makitang nakabitin ang biktima at wala nang buhay.

Sinabi naman ng mga kaibigan ng biktima, na nagtaka sila kung bakit hindi dumalo sa kanilang Christmas party at nalaman na lamang na patay na ito.

Iniimbestigahan na ng pulisya ang naturang insidente.

 

Please follow and like us:
Read More

NASA CHRISTMAS PARTY; 5 PULIS-BULACAN SINIBAK

(NI ELOISA SILVERIO)

SINIBAK ni Bulacan Police Provincial Office (PPO) acting director PCol. Emma Libunao ang buong hanay ng kapulisan ng 3rd Maneuver Platoon ng First Police Provincial Mobile Force Company (1stPPMFC) ng Bulacan PPO makaraang wala ni isang pulis sa nasabing tanggapan nang magsagawa ng inspection dito Biyernes ng umaga.

Kinilala ang mga sinibak sa puwestong mga pulis na sina PCapt. Norheda Usman, Platoon Leader at ang mga tauhan nito na sina PMSgt. Siegfried Dizon, PSSgt. Benjamin Villasis Jr., Pat. Ronald Manzanade Jr at Patw. Imee Sheryl Florentino pawang mga nakatalaga sa Bulacan PPO-1stPPMFC-3rd Maneuver Platoon na nakabase sa Barangay Turo, Bocaue, Bulacan.

Ayon kay Col. Libunao, dahilan ng pagkakasibak sa puwesto ni Usman at mga tauhan nito ay ‘abandonment of post’ kung saan sa isinagawang inspeksyon sa kanilang tanggapan ay walang pulis na naka-duty dito.

Bukod dito ay  maraming kapabayaan na nakita si Libunao kay Usman bilang platoon leader kabilang na ang lumang directory kung saan dapat ay napalitan na ang mga pangalan ng mga superior officers mula sa Chief PNP, regional director at provincial director.

“Hindi maayos at walang aabutan o hihingan ng assistance ang publiko kapag nangailangan ng tulong dahil wala ngang pulis,” ayon kay Libunao.

Nabatid na ilang araw pa lang ang nakalipas bago ang inspeksyon ay una nang nagsagawa ng pagbisita sa tanggapan ni Usman ang mga personnel ng Provincial Internal Affairs Service (PIAS) kung saan wala rin umanong inabutan na pulis kaya’t pinagpaliwanag ito sa tanggapan ng PIAS sa Malolos.

Sinasabing umattend umano ang mga tinanggal na pulis ng Christmas party kaya walang tao sa naturang tanggapan.

Sinabi ni Libunao na dapat umanong mayroong pulis sa tanggapan ng 3rd Maneuver Platoon lalo na at kasagsagan ngayon ng bentahan ng paputok dahil sa paghahanda sa pagpalit ng taon.

Napag-alaman na ang nasabing tanggapan ay nakabase sa ilang kilometrong firecrackers and pyrotechnic store zone.

Pinalitan ni PLtCol. Anthony Manglo si Usman na nasa floating status sa 1stPPMFC sa Bulacan PPO.

 

Please follow and like us:
Read More

BAHAY NG INDONESIAN SA EXCLUSIVE VILLAGE, NILIMAS NG KAWATAN

crime robber12

(NI NILOU DEL CARMEN)

NILIMAS ng mga kawatan ang bahay ng isang Indonesian national sa isang ekslusibong subdivision sa Sta. Rosa, Laguna, Biyernes ng hapon.

Namasyal lamang ang pamilya ng biktimang si Suswadi Budi, 50, tubong  Binjai, Indonesia, subalit pag-uwi nila sa kanilang bahay sa Valenza Crown Asia sa Barangay Sto. Domingo ay nadatnan nila na bukas na ang bahay at nagkalat ang ibang mga gamit na hindi nadala ng mga salarin.

Kasama sa nawala ang mga dokumento at personal na gamit  ng mag-anak kabilang ang  mga ATM cards, mga Id card, driver license at kanilang mga  passport.

Natangay din ang isang laptop at mga alahas na nagkakahalaga ng  P36,000, at iba’t-ibang pera na 23,000 Thailand Baht,  1-million Indonesian Rupiah, 1, 150 US dollar, at 50 Euro.

Kinakalap na ng mga pulis ang mga kuha ng CCTV sa lugar at inaalam na rin kung paano nakapasok ang mga magnanakaw sa naturang exclusive subdivision.

 

Please follow and like us:
Read More

‘URSULA’ LUMABAS NA NG PH; DAANG MILYONG PINSALA INIWAN

WALA na sa Philippine area of responsibility ang bagyong Ursula matapos makapaminsala ng milyun-milyong ari-arian at nakapatay ng higit 25 katao nitong Pasko, ayon sa Pagasa.

Marami pa rin ang nawawala sa bagyong Ursula nakapamuksa at nakatangay ng daan-daang kabahayan at bangka sa maraming bahagi ng Visayas.

Ilang lugar sa Leyte, Aklan, Eastern Samar at Oriental Mindoro ang isinailalim sa state of calamity para matulungan ng mga lokal na pamahalaan para sa libu-libong kababayan na naapektuhan ng malakas na ulan.

Wala pa ring kuryente ang malaking bahagi ng Capiz at lubog pa rin sa baha dulot ng pinsala ng bagyong Ursula.

Please follow and like us:
Read More

PBA, BUBUO NG 3×3 LEAGUE

(NI ANN ENCARNACION)

IPAGPAPATULOY  ng Philippine Basketball Association (PBA) ang matagumpay na 3×3 basketball sa pagbuo ng isang liga na sisimulan nito sa gaganaping draft sa Pebrero 2020.

Ayon sa social media post ng PBA, bubuksan ang rehistrasyon para sa mga aspiring  players sa gaganaping PBA 3×3 sa Pebrero 17.

Mga basketball player na edad 17-anyos pataas, Filipino o may lahing Pinoy ang maaaring sumali sa draft.

Para sa mga interesadong sumali, dapat na magsumite ng application form, original Philippine Statistics Authority (PSA) issued birth certificate, certificate of recognition mula sa Bureau of Immigration para sa Fil-foreign applicants, at 2×2 picture.

Ang deadline ng submission ng lahat ng requirements ay sa Pebrero 7. At para sa karagdagang detalye, tumawag sa (02) 84702768 at hanapin si Rosc Teotico.

Ang 3×3 league ay inaprubahan kamakailan lamang ng PBA board at isasagawa katuwang ang Samahang Basketbol ng Pilipinas (SBP).

Gayunpaman, hindi pa inihahayag ang mga detalye kung kailan opisyal na sisimulan ang 3×3 basketball league.

Please follow and like us:
Read More

LGU EMPLOYEE SA DAVAO DEL SUR PATAY SA AMBUSH 

(NI DONDON DINOY)

MAGSAYSAY, Davao del Sur – Patay sa pamamaril ang isang empleyado ng lokal na gobyerno matapos sundan ng mga kriminal ang minamaneho nitong motorsiklo, alas 9:10 ng umaga ng  Biyernes.

Ang mga suspek ay inilarawan ng mga nakasaksi na nakasakay ng isang kulay puti na Innova kung saan inabangan ang biktima at binaril pagdating nito sa Badagoy solar drier ng Brgy. Poblacion.

Kinilala ni Police Major Jeffmar Tercero, hepe ng Magsaysay Police Station, ang biktima na si Philip Marl Delosa Ruelo.

Ayon kay Tercero na bigla na lang umalingawngaw ang putok ng baril at nahulog ang biktima mula sa kanyang motorsiklo.

Tinangka pang dalhin ang biktima sa Davao del Sur Provincial Hospital ngunit dead on arrival na ito.

Hindi pa masabi ni Tercero kung ano ang motibo ng pamamaril maging ang pagkakilanlan ng mga suspek na nakita umanong pabalik-balik sa lugar bago mangyari ang krimen.

Inabisuhan din ng pulisya ang publiko na agad magbigay ng impormasyon kaugnay sa mga suspek upang agad malutas ang kaso.

 

Please follow and like us:
Read More

BABY, 3 PA SUGATAN SA ROAD MISHAP SA MAKATI

accident12

APAT katao ang sugatan, kabilang ang apat na buwang sanggol, nang magbanggaan ang dalawang kotse lulan ang apat katao, kabilang na ang isang apat buwang sanggol, sa Guadalupe Bliss Friendship, Barangay Cembo, Sabado ng madaling-araw.

Ayon sa isang testigo, mabilis ang takbo ng dalawang kotse at hinala niya’y tila naka-inom ang mga driver.

Agad namang isinugod sa ospital ang mga biktima.

Tumanggi pang magbigay ng pahayag ang Makati Traffic Sector na iimbestigahan pa ang insidente.

Ayon kay Neri Sotelo ng Public Safety Department ng Makati City, accident prone ang nasabing kalsada dahil pa kurbada ito at walang warning sign.

Dagdag pa niya, nagpapalagay na sila ng signboard kasunod ng salpukan na rin na mga motorsiklo bago pa nagbangaan ang dalawang kotse.

Please follow and like us:
Read More

LASING, WALANG GAWANG MAGALING

ALAK-11

(Ni Guillermo Octavio / Huling labas)

TOTOONG walang buting maidudulot ang pagpapakasawa sa alak. Marami ang napapasama at napapariwara dahil sa pag-inom ng alak nang sobra. Hindi nga masama ang uminom ng alak suba­lit kailangang kaya itong dalhin ng isipan. Hindi puwedeng mangibabaw ang espiritu ng alak sa utak ng umiinom dahil kapag nangyari iyon, tiyak na gulo ang mangyayari.

 Walang basagan ng trip

Noong Marso, agaw-buhay ang isang closed-circuit television technician nang pagsasaksakin ng kainuman nang tangkaing umawat ng biktima sa pagtatalo ng suspek at isa pa nilang kainuman  sa Malabon City.

Itinakbo sa Valenzuela Medical Center sanhi ng mga saksak sa katawan si Rannie Garcia, 32, ng 144 Compound, Orange Rd., Barangay  Potrero.

Naaresto naman ang suspek na nakilalang si Renato Badidles, 58,  kapitbahay ng biktima.

Alas-3:40 ng hapon,  umiinom ang biktima, ang suspek at  isa pa nilang kapitbahay na si Wilson Alising, 23, sa loob ng  compound.

Nang tumama na ang alak ay nagtalo ang suspek at si Alising at nang umawat si Garcia ay sa kanya nabaling ang galit ng suspek at tinarakan ang biktima ng screw driver.

Marso rin nang pagsasaksakin at paluin ang isang lalaki ng  grupo ng mga lasing na kalalakihan na binawalan nitong umihi sa tabi ng kanyang bahay sa Caloocan city.

Duguang isinugod sa ospital ang biktimang si  Jerome Sambayon, 38 ng Phase 8 Blok 77 Lot Excess Brgy. 176 Bagong Silang.

Alas-5:45 ng hapon nang mapansin ni Sambayon ang isang tropa ng mga nag-iinuman at nang matuklasang ginawang comfort room ang gilid ng kanyang bahay ay sinita niya ang mga ito.

Kumuha ng bote ang mga suspek  bago pinagtulungang pagpapaluin sa ulo ang biktima na tatakbo sana papasok ng bahay ngunit bumunot pa ng patalim ang isang suspek at inararo ng saksak ang biktima.

Abril naman nang halihawin ng saksak habang umiihi ang isang lalaki ng kainumang best friend na pinauuwi na ng biktima dahil sa kalasi­ngan, sa Malabon City.

Isinugod sa Tondo Medial Center si John Renz, 22, ng 22 Perez Street, Barangay Tonsuya ng lungsod, dahil sa saksak sa leeg at kanang balikat.

Palaisipan naman sa mga pulis kung sino ang sumaksak sa suspek na si Redenze Manaclang, 24,  kapitbahay ng biktima,  na may saksak din sa dibdib at likod nang mahuli sa follow-up operation.

Ayon sa pulisya, alas-2 ng madaling-araw ay tuloy pa sa pagtagay sina Rez at Manac­lang sa kahabaan ng Perez Street, Barangay Tonsuya.

Bilang bespren, pinayuhan ni Renz si Manaclang na umuwi na dahil  lasing na ito at  tumayo na rin si Renz para umuwi ngunit nagpaalam muna ito sa kaibigan na iihi lamang.

Habang dyumidyinggel ang biktima ay sumalipawpaw ang ihi nito nang pagsasaksakin ng tila nahihibang na si Manaclang saka tumakas dala ang ginamit na patalim.

Nakita ni Ryan Revecencio, pinsan ni Renz, na du­guan ito kaya itinakbo sa sa nasabing pagamutan ang kaanak.

Nalaman ng iba pang kaanak ni Renz ang kinaroroonan ni Manaclang at humi­ngi ng tulong mga pulis  at ipinadakip ngunit nang dakpin ay duguan din ito dahil sa mga saksak kaya dinala sa  Jose Reyes Memorial Hospital si Manaclang  at kinasuhan ng frustrated murder

Noon namang Hulyo, hindi na nalagok ng isang 20-anyos na lalaki ang iniaabot  sa kanyang tagay nang aksidenteng mabaril ng kanilang tanggero na iniabot ang baso ng alak gamit ang kamay na may tangang baril sa Caloocan City.

Idineklarang dead-on-arrival sa Tala Hospital sanhi ng tama ng bala sa kanang bahagi ng katawan ang biktimang si  Jomar Selagan, ng San Jose Del Monte, Bulacan at agad na tinugis ng mga pulis ang suspek na si Leo Mape, 19, residente ng Caloocan City, na tumalilis matapos ang insidente.

Nabatid, lumalaklak ng alak ang bitkima at suspek kasama ang isang Christian De Oro, 19,  sa Barangay 185, Malaria  alas-10:30 ng gabi nang may hugutin si Mape mula sa kanyang baywang.

Baril pala ang binunot ni Mape at sinimulang ibida ito sa mga kaharap at nang iaabot na ang tagay ni Selagan ay hawak pa rin niya ang armas.

Aksidenteng nakalabit ni Mape ang baril at pagputok ay tinamaan ng punglo ang biktima na isinugod sa nasabing osptital ngunit sa daan pa lamang ay nalagutan na ito ng hininga.

Hulyo rin nang masakote sa Caloocan City ang isang lasing na driver matapos na mabundol ang isang tricycle na minamaneho ng isang se­nior citizen sa Navotas City  at  maikipaghabulan sa mga pulis.

Lasing pa nang masakote si Ralf Alcalde, 44, ng Block 16, Lot 57, Phase 2 Area 2, Brgy Longos, Malabon City, sa Samson Road nang tinangka niyang takbuhan ang nabanggang tricycle ni Ricardo San Pedro, 71, ng C-4 Road, Brgy Bagumbayan North, Navotas City.

Itinakbo sa Tondo Medical Center si San Pedro para magamot habang ang gray na Suzuki Ciaz, na may conduction no. G0-M126 na minamaneho ng suspek ay dinala sa Navotas impounding area.

Binabagtas ni Alcalde ang  M. De Vera St. Brgy. Navotas West dakong alas-10:15 p.m. nang mabangga ang minamanehong tricycle ng matandang biktima.

Matapos mabangga ay nawalan ng control si  San Ped­ro at bumangga sa puwitan ng  isang Navotas police mobile patrol car, isang Toyota Avanza na sakay na dalawang pulis.

Sa halip na huminto para tulungan ang biktima, humarurot si Alcalde papuntang  C-4 Road, at hinabol ito ng mga nagmamalasakit na riders at sa tulong ng mga pulis ay nadakma  ang suspek sa Samson Road.

Kasong reckless imprudence resulting in physical injury, damage to government and private property at  paglabag sa anti-drunk and drugged driving act ang ikinaso laban sa suspek sa Navotas City Prosecutor’s Office.

Kaya’t ngayong Kapaskuhan, para sa kapakanan ng iba, ng kanilang pamilya, ng ating pamilya, at para na rin sa pansarili nating kaligtasan, mga kaibigan, hinay-hinay lang ang tagay upang ang alak ay mailagay sa tiyan at hindi sa bao na may bumbunan.

Please follow and like us:
Read More

NAG-AMOK NA SEKYU  SA DPWH, TATLO PATAY

PASABOG

ISANG malaking dagok sa pamunuan ng Department of Public Works and Highways (DPWH) ang nangyaring patayan sa loob ng parking area bago ang Kapaskuhan dahil ayon sa history ng DPWH, ito ang kauna-unahang insidente na tatlo ang  namatay on the spot sa bakuran ng ahensiyang ito.

Bakit kanyo? Ibig sabihin, walang binatbat o inutil ang namumuno ng security services, na siyang may hawak ng Cata­lina at Bisang Pass security agency na nakabantay sa mga exit at entry ng DPWH.

Para sa kaalaman ng avid readers ng kulom na ito, itong Bisang Pass at Catalina security agency ay isa ang may-ari, at mind you mga mambabasa, kaya bagyo ito sa DPWH ay dahil kamag-anak ito ng isang director.

Kaya kahit medyo hindi maganda ang serbisyo ng security agency na ito, walang pumupuna dahil, hindi ko alam kung mga takot, o baka naman dahil sa tinatawag na pakikisama.

Okey ba director? At hindi lang ‘yan, kapag mayroon nagiging problema ito sa loob ng DPWH, ito ang humaharap sa halip na itong may-ari ang gumawa ng paraan para maayos ang gusot.

At ito ngayon ang katanungan ng inyong lingkod, ito bang si Wilfredo Gamayon, ang suspek sa triple murder o pumatay sa tatlong biktima, ay dumaan sa Neuro exam? (PASABOG / FROILAN MORALLOS)

Please follow and like us:
Read More

RALI VS CPP-NPA-NDF

BOMBAHAN NA FINAL

KAKAIBA ang nangyari ngayong taon sa nakaraang mga taon ng anibersaryo ng Communist Party  of the Philippines-New Peoples Army-National Democratic Front of the Philippines (CPP-NPA-NDF).

Nitong nakaraang Huwebes (Dec. 26) ay nagkaroon ng nationwide protest ang iba’t ibang grupo laban sa CPP- NPA-NDF.

Ang ipinoprotesta ng iba’t ibang grupo ay hindi magandang karanasan ng kanilang mga anak, kapatid at kamag-anak  sa kamay ng CPP-NPA-NDF.

Sabi nga ng mga magulang na nakausap ng silipero ng ‘BOMBAHAN NA’, ang kanilang mga anak na nadoktrinahan ng CPP-NPA-NDF habang nag-aaral sa universities at colleges sa iba’t ibang lugar, ay nagiging matigas ang ulo.

Bukod sa hindi na sumusunod sa kanilang mga magulang ang mga estudyante na nadoktrinahan ng CPP-NPA-NDF, ay nasisira na rin ang kanilang mga pag-aaral.

Nawawalan na rin ng pagmamahal ang mga ito sa kanilang mga magulang, kapatid at kamag-anak.

Sabi pa ng mga magulang, malaki ang ipinagbago ng ugali ng kanilang mga anak sa makaraang madoktrinahan ng  CPP-NPA-NDF.

Iba na rin ang kanilang pananalita, laging bukang-bibig nila ang paglaban sa gobyerno at sa mga awtoridad.

“Sir, sawa na po ang taumbayan sa mga pananalita ng CPP-NPA-NDF dahil wala naman silang napala sa grupong rebelde/terorista,” sabi pa ng silipero ng ‘BOMBAHAN NA’.

Natatandaan pa natin noong ng nakaraang mga taon, ang CPP-NPA-NDF pa ang nagsasagawa ng mga rali tuwing anibersaryo (Dec. 26) nila, pero ngayon taumbayan na mismo ang gumagawa nito laban sa kanila.

“Iisa lang po ang ibig sabihan niyan sir, unti-unti nang nawawala ang tiwala sa kanila (CPP-NPA-NDF)”, ayon pa sa isang silipero ng ‘BOMBAHAN NA’.

“Tuwing nalalapit po ang kanilang anibersaryo taon-taon ay ambush dito, ambush doon ang nangyayari, na kadalasang may nadadamay na mga sibil­yan, tama po ba yun?,” pagtatanong ng isang sumama sa rali.

Partikular na tinukoy ay ang naganap na ambush kamakailan sa Brgy. Libuton, Borongan City, Eastern Samar na ikinamatay ng isang pulis at ilang sibilyan.

Hindi matanggap ng mga taga-Eastern Samar ang ginawa sa kanilang mga kamag-anak na sibilyan na nadamay sa nasabing ambush.

Kaya nagbanta ang Estehanon na gaganti sila sa mga rebelde sa nasabing pang-ambush.

Sabi pa ng mga residente sa kanayunan, perwisyo sa kanilang kabuhayan ang CPP-NPA-NDF dahil hindi sila magkapagtanim nang maayos sa kanilang mga sakahan, dahil kung anong hingiin ng mga ito  at kapag hindi naibigay ay nagtatanim ng galit sa mga magsasaka na humahantong pa sa kamatayan.

“Hikayos nga po kami sa aming pagsasaka ay hinihingian pa kami ng mga rebelde at ‘pag hindi kami nagbigay ay papatayin nila kami,” banggit ng magsasaka. Sa ganang akin po, kung ano po ang tama ay ‘yun po ang sundin nyo.

Maligaya at ligtas na pagsalubong ng Bagong Taon!

oOo

Pasabugin ang katiwalian, isumbong sa ‘BOMBAHAN NA’ mag-email sa joel2amongo@yahoo.com//operarioj45@gmail.com. (BOMBAHAN NA! / JOEL AMONGO)

Please follow and like us:
Read More