CARLOS YULO NAKAGINTO SA SEA GAMES GYMNASTICS

HINDI binigo ni World champion Carlos Edriel ‘Caloy’ Yulo ang sambayanang Filipino nang makuha ang gold medal sa individual all-around event sa men’s artistic gymnastics, ngayong Linggo sa Rizal Memorial Coliseum.

Ipinakita ni Yulo na walang tatalo sa kanya sa ipinakitang gilas sa floor exercise, ang paborito nitong event. Si Yulo na kuwalipikado sa 2020 Tokyo Olympics sa pamamagitan ng World Championships sa Stuttgart noong Oktubre ay kumpiyansa sa lakas at tikas na ipinakita sa manonood ng Sea games.

Binigyan siya ng mga hurado ng iskor na 14.650 bago pa man sa pommel horse na pumangatlo sa iskor na 13.600. Sa rings ay nakakuha rin ito ng iskor na 13.600.

Si Yuklo ay nakaiskor ng 14.55 sa vault, 14.4 sa parallel bars, at 13.75 sa horizontal bars. (PHOTO BY MJ ROMERO)

 

Please follow and like us:
Read More

RURU KAY BIANCA SA HBO ASIA: I’M SO PROUD OF YOU

AKO PA BA NI ROSE GARCIA(NI ROSE GARCIA)

MUKHANG naging daan pa ang nangyaring insidente sa pagitan nina Ruru Madrid at Bianca Umali sa parking lot ng SM Megamall, after ng premiere night ng Cara X Jagger para mas maging “open” sila ngayon.

Kung matatandaan, lumabas nga ang diumano’y muntik nang masagasaan ni Bianca si Ruru dahil sa diumano’y pagseselos na tinanggi naman ng huli, kinabukasan din.

Na kinabukasan din sa Havana Night party ng GMA-7 ay nakitang magkasama na at parang walang nangyari talaga sa dalawa.

Kahit matagal na kasing nali-link, hindi mo mariringgan ang dalawa na nagme-mention o nagta-tag sa isa’t isa.

Parang, “bawal ma-link, huh”

Eh, nangyari nga ang insidente. Yung inaakala ng ilan na baka maging daan na yun at maghiwalay na ang dalawa, mukhang mas nagpatibay pa sa kung ano ang meron sila.

Heto’t buong ningning pang nag-post sa kanyang Instagram account ng pagka-proud sa rumored girlfriend. Nakasama kasi si Bianca sa “Halfworld season 3” ng HBO Asia, the first Philippine based series.

Buong ningning ngang post ni Ruru, “Halfworld Season 3. I’m so proud of u.” sa picture ng Kapuso young actress at kasunod ang face kiss emoticon.

Sabi tuloy sa isang comment ng netizen, “in love much si Ruru.”

Para sa franchise ng ABS-CBN…

I AM WISHING FOR THE BEST–DR. BOY ABUNDA

Sa ngayon ay ayaw munang isipin o mag-react ng King of Talk Show na si Boy Abunda hinggil sa usapin ng franchise renewal ng ABS-CBN.

Sabi nga ni Kuya Boy, “Ang feeling ko, I’m wishing for the best. I am not familiar with the problem. Hindi ko alam ang detalye ng problema. Pero, ano man yun, sana ay maayos.”

Nang tanungin nga ito kung may naiisip ng back-up plans sakali man na hindi nga mapagbigyan ng gobyerno ngayon ng renewal ang network, mabilis ang naging sagot ni Kuya Boy nang, “Ang dami kong offer na magturo.”

What about in television?

“Hindi ko alam how to behave. I am under contract with ABS-CBN and I will remain loyal to ABS-CBN. My contract is still at the end of 2020.

“Halimbawa at mangyari ang mga mangyayari, I will address that as it happens. But I will honor my contract and my relationship, my friendship with people of ABS-CBN.”

Diretsahan namang sinasabi ni Kuya Boy na gusto raw niyang talaga na magturo.

“I’d like to ba able to– malay natin, with this AMA Online Education, I’d like to put-up my own school.

“Pero simple lang, alam niyo yung academe of the arts. May public speaking, may acting. Baka puwedeng ilang “artes” ang tawag namin sa National Commission for Culture of the Arts, sa tulong ng AMA.”

Hindi naman nga imposible lalo na at ang ngayo’y kinikilala na as Dr. Eugenio “Boy” Abunda is the new spokesperson for AMA Oed Master’s and PhD programs.

 

Please follow and like us:
Read More

SHIRMP FARM PINALIBUTAN NG KURYENTE; 1 NANGISAY

electrocution

(NI ANNIE PINEDA)

NAGKIKISAY hanggang sa bawian ng buhay ang isang lalaki nang magnakaw umano ito ng hipon dahilan para ma-trap sa inilagay na live wire sa palibot ng fish pond at nakuryente, iniulat kaninang umaga sa General Santos City.

Kinilala ang biktimang si Clinton Van del Rosario, 25, ng Purok Islam, Barangay Burias, ng nasabing lungsod.

Nahaharap naman sa kasong reckless imprudence resulting to homicide ang may-ari ng fish pond na kinilalang si Elvi Benzonan, ng Prk. Punsad Barangay Burias, Glan.

Batay sa report ng Glan Municipal Police Station, dakong alas 4:00 ng madaling araw nang maganap ang insidente sa loob ng fish pond sa nasabing lugar.

Lumabas sa imbestigasyon ng pulisya, pumasok umano ang biktima kasama ang dalawa pa nitong kaibigan para magnakaw ng hipon sa loob ng palaisdaan.

Halos nakakuha umano ng isang sakong hipon ang biktima habang bantay ang dalawa nitong kasama nang bigla na lamang nagkikisay ang biktima at lumutang nang patay sa palaisdaan.

Kuwento naman ng dalawang kasama ng biktima, humingi pa ng tulong si del Rosario subalit pinabayaan lamang umano ng may-ari ng fish pond.

Inamin naman ng may-ari ng fish pond na sinadya nilang maglagay ng live wire para sa mga magnanakaw, pero iligal umano ang ginawa nito na dapat sana ay isinuplong sa pulis ang mahuhuli nitong magnanakaw.

 

Please follow and like us:
Read More

GINANG NILOOBAN, NIRATRAT NG 4 NAKA-HELMET

crimeshooting

(NI ANNIE PINEDA)

PATAY  ang isang ginang matapos itong pasukin sa loob ng kanyang bahay ng apat na armadong kalalakihan na nakasuot ng helmet, sa Agusan del Norte.

Kinilala ang biktimang si Lilian Catingog, 44, residente ng Sitio Macasihi, Brgy. Camagong Nasipit, Agusan del Norte.

Batay sa report ng Nasipit Police Station, dakong alas 8:00 ng gabi nang maganap ang insidente sa loob ng bahay ng biktima.

Bigla na lamang pumasok ang apat na suspek at walang sabi-sabing pinagbabaril ang biktima na tinamaan sa iba’t ibang parte ng katawan na agad nitong ikinamatay.

Matapos ang pamamaril mabilis na tumakas ng mga suspek sakay ng dalawang motorsiklo.

Sa ngayon nagpapatuloy ang ginawang pagsisiyasat ng pulisya para alamin ang tunay na motibo sa krimen at pagkakakilanlan sa mga suspek.

 

Please follow and like us:
Read More

PUMATAY SA P6-M UTANG; LALAKI ARESTADO SA MURDER NG NEGOSYANTE

CRIME12

(NI ANNIE PINEDA)

HAWAK na ng mga awtoridad ang persons of interest sa pamamaril sa mag-asawang negosyante na ikinasawi ng mister na pinaniniwalaan dahil sa umano’y P6-milyon pagkakautang ng suspek sa mag-asawa, iniulat kaninang umaga sa probinsya ng Ifugao.

Kinilala ang nasawi na si Orlando Dumlao Jr., habang ginagamot naman sa ospital ang misis nitong si Michelle Dumlao, at kapwa residente ng Rumang-ay Echauge, Isabela.

Batay sa report ng Alfonso Lista Police Station, naganap ang insidente habang naka-convoy ang sasakyan ng mag-asawa sa suspek nang bigla na lamang paulanan ng bala ng baril ang mga biktima.

Kaagad naman dinala sa ospital ang mag-asawa pero nalagutan na rin ng hininga si Orlando habang nagtamo ng tama sa balikat ang misis.

Lumabas sa imbestigasyon ng pulisya, nagpapautang ang mag-asawa ng mga binhi at abono sa San Juan, Alfonso Lista, Ifugao.

Sinabi pa ni Michelle, unang beses pa lamang nilang magtungong mag-asawa sa Alfonso Lista, Ifugao kaya’t naging convoy nila ang sasakyan ng kaibigan na siyang tinututukan ngayon ng mga awtoridad na person of interest.

Sa himpilan ng pulisya, itinanggi naman ng suspek ang akusasyon laban sa kanya samantalang wala naman maalala si Michelle na may atraso sa kahit kaninuman.

 

Please follow and like us:
Read More

4 MIYEMBRO NG PANDAY SINING ARESTADO SA BANDALISMO

(NI DAHLIA S. ANIN)

APAT na miyembro ng grupong Panday Sining ang inaresto ng Manila Police District makaraang mag-vandal sa gitna ng pagdiriwang ng kaarawan ni Gat Andres Bonifacio noong Sabado.

Ayon sa ulat ng MPD-General Assignment and Investigation Section (MPD-GAIS), bandang alas 5:30 ng hapon nang dakmain ang mga suspek sa kahabaan ng Plaza del Carmen Street sa harap ng San Sebastian St. sa Maynila.

Ang mga ito ay kinilala na sina Jeanne Vaugn Nico Quijano, 24; Joven Frrancis Laura, 24; post grad student ng De La Salle University,  Mikhail Collado, 18, binata at 4th year college student ng St. Benilde at isang menor de edad na kapwa nakatira sa España St., Sampaloc, Maynila.

Nahuli ang mga ito ng mga tauhan ng District Intelligence Division ng MPD habang aktong nagba-vandal sa poste ng LRT sa Recto Avenue. Nanlaban pa umano ang mga ito at  itinulak ang mga operatiba kaya dinala sila sa MPD-GAIS upang doon imbestigahan.

Kasong Maliscious Mischief, R.O. 797 (Resisting Arrest) at R.O. 1600 (Interferring Police Duties) ang haharapin ng mga naaresto.

Sa kanyang panig, ito ang pahayag ni Manila City Mayor Francisco “Isko Moreno” Domagoso sa mga vandal na inaresto ng Manila Police District.

“You were warned. Nag-abiso na ako. Nananawagan po ako na huwag ninyo nang ulitin. Inulit niyo pa rin. Sinusubukan niyo kung may batas at liderato sa Maynila. Kailangan niyo pong harapin ngayon ang bisa ng batas.”

 

Please follow and like us:
Read More

MAJOR WINNERS SA LUNA AWARDS ‘NO SHOW’

(NI BOMANI BATUNGBAKAL)

KAYA ba wala ang karamihang major winners sa 37th Luna Awards ng Film Academy of the Philippines (FAP) nitong Nobyembre 30, Sabado nang gabi sa Maybank Performing Arts Theater, BGC, Taguig City dahil wala talagang leakage.

Kahit iika-ika ay dumating si Direk Chito Roño na nominadong best director para sa Signal Rock.

Second to the last ang announcement ng best director at hindi niya iyon nahintay. Nakaalis na si Direk Chito sa venue nang ihayag ang kanyang pagkapanalo.

Ang tumanggap ng kanyang tropeo ay si Christian Bables, na gumanap bilang pangunahing karakter na si Intoy sa movie.

Ayon sa katotong Jun Lalin, inihatid kapagkuwan ni Christian kay Direk Chito ang tropeo sa Manila Peninsula Hotel.

WALA SI BEST ACTOR DANIEL; WALA RIN SI BEST ACTRESS GLAIZA

Wala ang best actor na si Daniel Padilla (The Hows of Us). Nasa Dubai, UAE ito kasama si Kathryn Bernardo for a prior commitment.

Wala ang best actress na si Glaiza de Castro (Liway). Dumalo si Glaiza sa Nominees’ Night noong Nobyembre 20 sa Delgado.112 restaurant, QC.

Ang tumanggap ng award ni Glaiza ay ang direktor ng Liway na si Kip Oebanda.

Inilahad ni Direk Kip na lahat ng mga nakapaligid kay Glaiza ay ayaw  na gawin ng aktres ang nasabing indie movie.

“She was doing a teleserye that required her to do kickboxing on heels, and do stunts. And so, dumarating siya sa set namin, walang tulog,” kuwento ni Direk Kip.

“Blonde ang buhok niya, kukulayan namin nang isang oras. Pero despite that, naglakad siya sa putik, sa bundok.

“Dumating sa point, by the end of Luway na hindi na siya makabigay ng emosyon. Kasi, ubos na ubos na ubos siya sa role.

“At ginamit namin iyon sa cut.

“Ganoong klaseng artista si Glaiza de Castro, and she deserves this.”

Pumalakpak nang husto ang audience.

WALA RIN SI BEST SUPPORTING ACTOR ARJO

Wala ang best supporting actor na si Arjo Atayde (Buy Bust). Ikailang pagwawagi na ba niya ito na absent siya sa awards night?

Nasurpresa ang best supporting actress na si Daria Ramirez (Signal Rock).

“Hindi ko po ito ine-expect tonight, really,” masayang sambit ni Daria,  a takaw-pansin ang cleavage.

Masigabo ang palakpakan ng mga tao.

Pagpapatuloy ni Daria, “Suwerte pala uli ang paglabas ng cleavage ko! For the very long, long time after… 1978? Yes! Aguila. Yes.

“Well, to 37th Film Academy Luna Awards, thank you so much for this award talaga! Maraming-maraming salamat po!

“At sa bumubuo ng Signal Rock, of course, my son Intoy is here… Christian Bables. And my director, our director, Chito Roño. And the rest of the group ng Signal Rock.”

Hmmn… Pebrero 1980 ipinalabas ang Aguila na pinagbidahan ni Fernando Poe Jr. Kaya sa 5th Gawad Urian noong 1981 naging best supporting actress si Daria.

UMUWI NANG MAAGA SI BEST DIRECTOR ROÑO

Ang best director sa Luna Awards ay si Chito Roño para sa Signal Rock, pero ang best picture ay ang Goyo: Ang Batang Heneral na idinirek ni Jerrold Tarog para sa TBA Studios.

Nasurpresa ang producer na si Vincent Nebrida na napabulalas, “Oh my God! The competition was tough!”

Ani Vincent, hinahangaan niya lahat ng mga pelikulang nominado ngayong taon sa Luna Awards.

“Of course, when I’m surprised, I’m also very humbled and very proud of this, ‘no, of this award that I’m accepting obviously, and especially on behalf of the two driving forces ng TBA Studios, namely Mr. Ed Rocha and Mr. Fernado Ortigas.

“If we could just give them an applause, kasi, talagang sila po ang nagdadala…”

Pumalakpak ang audience.

“I thank you both,” pagpapatuloy ni Vincent. “Thank you, Ed, Fernando. And of course, itong Goyo, you know, ito ang pangalawa sa trilogy na gusto naming matapos, ‘no?

“Pangatlo ‘yung tungkol kay Quezon. Thank you po sa Goyo team. Direk Jerrold, congratulations! Congrats and thank you to you and to all your team, ‘no?

“Maraming salamat! Ako po’y hindi makapaniwala na sa amin ang award na ito. Pero thank you po, we very much appreciate it.

“And patuloy po kami sa TBA Studios sa pag-aprreciate, you know, ng mga biyayang ito, blessings na ito.

“In fact, magse-shameless plug po ako. Iyon pong susunod na pelikula namin na pang-MMFF called Write About Love, it’s a tribute po to all the scriptwriters. OK.

“So, bihira ‘yon. Romcom siya pero tribute po sa lahat ng manunulat!”

Bida sa Write About Love sina Miles Ocampo, Rocco Nacino, Joem Bascon at Yeng Constantino.

Magpi-premiere night ito bukas, Disyembre 2, Lunes nang gabi sa SM Megamall.

GOYO, 3; LIWAY, 3

Tatlo ang awards ng Goyo: Ang Batang Heneral — best picture, best musical score (Jerrold Tarog), at best sound design (Albert Michael Idioma at Alex Tomboc).

Tatlo rin ang awards ng Liway — best actress (Glaiza de Castro), best screenplay (Zig Dulay at Kip Oebanda), at best editing (Chuck Gutierrez).

Dalawa ang awards ng Signal Rock — best director (Chito Roño) at best supporting actress (Daria Ramirez).

Dalawa rin ang awards ng Gusto Kita With All My Hypothalamus — best production design (Maolen Fadul) at best cinematography (Neil Daza).

Tig-isa ng award ang The Hows Of Us (best actor, Daniel Padilla) at Buy Bust (best supporting actor, Arjo Atayde).

Apat ang pinagkalooban ng special awards — Regal Matriarch Lily Monteverde (Fernando Poe Jr. Lifetime Achievement Award), Nova Villa (Manuel de Leon Award for Exemplary Achievement), Soxie Topacio at Wenn Deramas (Lamberto Avellana Memorial Award).

Ang host ng programa ay si Jon Santos. Ang director ay si Ice Seguerra.

Magkatuwang sa 37th Luna Awards ang FAP at FDCP (Film Development Council of the Philippines).

Wala sa awards night si Leo Martinez, na director general ng FAP sa loob ng 16 na taon. May shooting daw ito out of town.

Wala rin ang bagong director general ng FAP na si Vivian Velez.

Sabi ni FDCP Chairperson and CEO Liza Diño-Seguerra, “6:00 PM, nagpasabi siya sa staff ko na hindi siya makakarating.”

Ang nag-welcome remarks tuloy ay si Ms. Boots Anson-Rodrigo.

Dumalo si Vivian Velez sa Nominees’ Night noong Nobyembre 20 sa Delgado.112 restaurant, QC. Doon sila unang nagkita ni Liza Diño-Seguerra.

Inaasahang magmi-meeting sina Vivian at Liza upang maging malinaw ang mga bagay-bagay.

 

Please follow and like us:
Read More

ZERO INCIDENT NAITALA SA SEA GAMES OPENING

(NI NICK ECHEVARRIA)

WALANG naitalang untoward incident ang Philippine National Police (PNP) sa pagbubukas ng 30th Southeast Asian Games sa Philippine Arena sa lalawigan ng Bulacan, nitong Sabado.

Ito ang ipinahayag ni PNP Officer in Charge Lt. Gen. Archie Gamboa nitong Linggo kasabay ng pasasalamat sa ipinakitang kooperasyon ng publiko para matiyak ang tagumpay sa opening ceremony sa ng Philippine SEA Games.

Sa naturang  opening ceremony, sinaksihan  ng mga manonood ang parada ng may 8, 750 mga atleta mula sa mga bansang, Brunei, Cambodia, Indonesia Laos, Malaysia Myanmar, Thailand, Leste, Singapore, Timor, Vietnam at Pilipinas kung saan ipinamalas din ng bansa ang magandang kultura at tradisyon nito sa pamamagitan ng sayaw.

Nasa kabuuang 19, 767 na mga police personnel ang ikinalat para tiyakin ang maayos na pangangasiwa ng bansa bilang host country sa pinakamalaking sports event na ito  sa rehiyon.

Gayunman, ayon kay Gamboa, mananatiling naka-alerto ang PNP upang bantayan at maiwasan ang anumang posibleng krimen sa habang idinadaos ang SEA Games.

May nakahanda ring contingency plan ang PNP sakaling makaapekto ang paparating na bagyong Tisoy sa schedule ng mga palaro para tulungan ang Disaster Risk Reduction and Management Council (DRRMC) sakaling mangailangan ng mga preventive evacuation.

Ito na ang ikaapat na pagkakataong nag-host ang Pilipinas ng SEA Games, ang una ay noong noong 1981, 1991 at 2005.

Ang 30th SEA Games ay gaganapin sa iba-ibang lugar sa bansa tulad sa bagong tayong Clark City Sports Hub sa Capas, Tarlac; Subic Zambales; Laguna; Batangas; Tagaytay; Imus, Cavite; at sa bagong renovate na Rizal Memorial Sports Complex sa Metro Manila, kung saan nakataya ang 530 gintong mga medalya.

Sa 11 bansang kalahok sa SEA Games, umaasa ang Pilipinas na mapapasama sa top 3 ng 30th SEA Games.

Please follow and like us:
Read More

BABAE NAIPIT SA KOTSENG BUMANGGA SA TREN, PATAY

(NI JG TUMBADO)

DEDBOL ang isang babae matapos mabangga at makaladkad ng tren ng Philippine National Railways (PNR) ang sinasakyan nilang kotse sa Biñan, Laguna noong gabi ng Sabado.

Nakasakay ng Toyota Altis sina Joel Pablo, 28, at Mary Anne Valenzuela, 21, at patawid ng Halang crossing ng PNR nang mabangga ng tren ang kanilang kotse, ayon sa ulat ng Biñan police.

Inabot ng 7 oras bago naialis sa sasakyan ang katawan nina Valenzuela na idineklarang dead on arrival sa ospital at Pablo na nananatili pa rin sa ospital matapos magtamo ng mga injury.

“Hindi napansin siguro ng driver, nag-uusap siguro sila, na approaching ito (train),” ani Lt. Col. Danilo Mendoza, hepe ng Biñan police.

Nahaharap sa kasong reckless imprudence resulting in homicide and serious physical injuries sina Ryan Arias at Jay Constantino, ang mga driver ng tren.

Iginiit naman ni PNR Operations Manager Joseline Geronimo na may crosskeeper na naka-duty nang mangyari ang insidente pero pinilit daw ng mga biktima na tawirin ang riles kahit may warning signal na mula sa PNR train.

Nakatakdang isailalim sa rehabilitation ang Halang crossing, na tatayuan ng mga fence at karagdagang signage, ani Geronimo.

Tiniyak ng pamunuan ng PNR na tutulungan nila ang mga pamilya ng mga biktima.

Please follow and like us:
Read More

BINARIL NA BRODKASTER BINAWIAN NA NG BUHAY

(NI DONDON DINOY)

DAVAO CITY–Binawian na ng buhay ang dating station manager ng Radyo Ni Juan sa Tacurong City, Sultan Kudarat, 31 araw matapos pagbabarilin.

Ang biktimang si Benjie Caballero, kasapi ng National Union of Journalists of the Philippines (NUJP) Kidapawan chapter, ay limang beses na timaan ng bala sa iba’t ibang parte ng katawan, habang naghihintay ng traysikel sa harap ng kanyang bahay noong Oktubre 30.

Agad itong isinugod sa St. Louis Hospital kung saan sumailalim sa isang surgical operation upang maalis ang mga balang pumasok sa kanyang baga.

Ipinasok ito sa intensive care unit ng ospital matapos ang maselang operasyon.

Nobyembre 30 nang inilipat ito sa Southern Philippines Medical Center (SPMC) sa  Davao City ngunit, dakong alas 3:23 ng madaling araw kanina, Linggo, Disyembre 1, sinabi ng kapatid nitong si Abdullah na binawian na ng buhay.

Si Caballero, ayon sa kanyang mga kaibigan at kasama sa trabaho, ay isang hard-hitting radio commentator kung saan maraming nasa gobyerno ang kanyang inatake sa kanyang public affairs program sa Radyo Ni Juan FM.

Ayon sa mga imbestigador, patuloy nilang inaalam kung sino ang responsable sa pamamaslang kay Caballero

Si Caballero ay isang Muslim at nakatakdang ilibing ng kanyang pamilya sa ilalim ng ritwal ng Islam sa kanyang lugar sa M’lang, Cotabato, ngayong araw.

Naging kasapi din ng Kapisanan ng mga Brodkaster ng Pilipinas (KBP) si Caballero.

Please follow and like us:
Read More

REP. NOGRALES: SIERRA MADRE PROTEKTAHAN

Rep Fidel Nograles-Sierra Madre-2

NAIS ng isang mambabatas mula sa Rizal na masigurong nabibigyan ng proteksyon ang bulubundukin ng Sierra Madre.

Ito ang layunin ni Rizal 2nd District Rep. Fidel Nograles kaya isinusulong niya sa Kamara ang pagbuo ng Sierra Madre Development Authority.

Magiging pangunahing gawain ng naturang ahensiya ay magsagawa ng komprehensibong survey ng pisikal at mga likas na yaman gayundin sa mga potensyal na makikita sa Sierra Madre region at gumawa ng komprehensibong tala at detalyadong plano batay sa resulta ng survey, at gumawa ng disenyo upang mapangalagaan at gamitin nang mabuti ang likas-yaman na matatagpuan sa rehiyong ito.

Ang SMDA ay maaari ring “gumawa ng rekomendasyon sa tamang mga ahensya para sa pananalapi o paglalaan ng pondo, technical support, pisikal na tulong at ang antas ng prayoridad ay nakatuon sa mga proyekto sa agrikultura, pang-industriya at komersyal, humiling o humingi ng tulong mula sa pamahalaan o alinman sa mga sangay nito.”

Ito rin ay gagawa ng “plano, pinansyal ng programa o magsagawa ng mga proyektong pang-imprastraktura tulad ng river, flood and tidal control projects, waste water and sewerage works, dams and water supply, mga kalsada, irigasyon, pabahay at iba pang kahalintudad na patrabaho, kung kinakailangan na isama ito sa konteksto ng ipatutupad na plano sa pagpapaunlad at mga programa kabilang na ang pagsasaayos, relokasyon o paglilipat sa mga residenteng naninirahan sa lugar na maaaring kailanganin at kapaki-pakinabang sa mga awtoridad.”

“Kailangan natin ng isang government body na may sapat na ngipin para siguruhin na ang pagsasaayos sa Sierra Madre ay kayang gawin na hindi masasalaula at hindi rin mababalewala ang karapatan ng mga katutubo na kung ilang siglo nang naninirahan dito at nagsilbing tagapag-alaga nito,” pahayag ni Nograles, na nagsanay ng abogasya sa Harvard.

Ayon pa sa mambabatas, ang pagnanais na magamit ang likas-yaman ng Sierra Madre ay maaaring makaambag sa pambansang kaunlaran ngunit dapat maging balanse na pangmatagalan at tama ang pag-iingat sa kalikasan.

Please follow and like us:
Read More

NEGOSYANTE, BABY, SUGATAN SA PAMAMARIL

(NI JESSE KABEL)

PINAGSISIKAPAN ngayon ng mga mangagamot na makaligtas sa pagkapilay o mapinsala ang mga buto ng isang anim na buwang sangol na nadamay nang pagbabarilin ang kanyang lolo ng riding in tandem sa Prk. Tony ko, Brgy. Zone III, Koronadal City.

Sa inisyal na imbestigasyon ng Koronadal PNP, sugatan din ang target ng asasinasyon na si Mario Arguez Liboon, 57, negosyante; habang ang apo na si alyas Lina ay nahagip din ng punglo sa paa.

Agad tumakas ang suspek sakay ng motorsiklo patungo sa inaaalam na direksyon gamit ang mga CCTV sa paligid.

Narekober sa crime scene ang dalawang basyo ng kalibre 45.

Patuloy na iniimbestigahan ng pulisya ang insidente.

Please follow and like us:
Read More

PANGALAWANG GINTO NG PINAS: WONG NAKAKUHA NG GINTO SA WUSHU

ISA na namang ginto, sa pagkakataong ito sa wushu, ang nasungkit ng Pilipinas sa idinaraos na SEA Games sa bansa.

Napanatili ni Agatha Wong ang galing sa larangan para nakuha ang gold medal sa taolu taijiquan event sa  Southeast Asian Games wushu, Linggo ng umaga, sa World Trade Center.

Bago ang ginto ng Wong, nauna nang nasungkit ni John Chicano, ang ginto ng triathlon para sa bansa sa 30th Southeast Asian Games.

Ikalima sa siyam na atletang lumahok, nakakuha si Wong ng iskor na 9.67. Nanguna rin si Wong sa naturang event sa 2017 SEA Games sa Kuala Lumpur.

 

Please follow and like us:
Read More

GOLD-SILVER NASUNGKIT NG PINAS SA MEN’S TRIATHLON SA SUBIC

NASUNGKIT ni John Chicano ang unang gold sa Southeast Asian Games men’s triathlon sa Subic, Linggo.

Runner-up naman ang kababayan na si Kim Remolino.

Isa na naman itong 1-2 finish para sa Pilipinas sa event na inaasahang madodomina ng manlalarong Pinoy.

Nagpakitang gilas na ang mga Pinoy sa 2017 Games sa Kuala Lumpur at ang pinakahuling panalo ay nagpapatunay sa upuan bilang pinakamagaling sa sport sa rehiyon.

Si Chicano ay silver medalist dalawang taon na ang nakararaan kay Nikko Huelgas.

Samantala, si Kim Mangrobang at Kim Kilgroe ay sasabak sa women’s race na naka-iskedyul ng alas-8:15 ng gabi.

Please follow and like us:
Read More

BAWAL ANG JUDGEMENTAL (2)

SHABU BUYER

(Ni Guillermo Octavio)

Kung kaya ng babae, kaya rin ng bading

NAPATUNAYAN ng mga babae at lalaki na sa ngalan ng pag-ibig ay kaya nilang itaya ang kanilang mga buhay at sariling kaligayahan mapasaya lang at maibigay ang kagustuhan ng kanilang mga mahal sa buhay.

Hindi lamang babae’t lalaki ang humahamak sa batas nang dahil sa pag-ibig kundi maging mga bading.

Noong Hunyo, sa karsel humantong ang isang parlorista at ang dyowa nitong tulak nang maaktuhang nag-aabutan ng shabu sa kalsada sa Valenzuela City.

Swak sa selda ang tulak na si Jordan Tanaun alyas “JM”, 28, ng Block 3,  Bukid, Malinta; at dyowa nitong hairstylist na si Jeffrey Gadi alyas “Paula”, 29, ng Phase 1, Barangay Bagbaguin, Caloocan City.

Nabulaga ang dalawa alas-4:25 ng umaga nang abutan ni Tanaun ng isang plastic sachet ng shabu si Gadi sa Maysan Road, malapit sa lumang city hall.

Dinaluhong ng mga pa­rak ang mga suspek at nakumpiska kay Tanaun ang da­lawang plastic sachet ng shabu at P200 bill habang nasamsam kay Gadi ang isang sachet ng shabu.

Pagtatagpong palihim nabuking

Noon ding Hunyo, ibina­libag sa selda ang isang babae at ang umano’y karelasyon nitong construction worker matapos mabulagang bumabatak  ng shabu sa Caloocan City.

Arestado sina Monaliza Alapide, 47, ng 12 Wyoming St. at Cirilo Paz Jr., 50, ng Santiago St., kapwa ng Vista Verde Executive Village, Caybiga, Barangay 166, ng lungsod.

Alas-3 ng umaga ay may nagnguso sa mga pa­rak na may rumaratrat sa isang bahay sa naturang village.

Pagresponde ng mga pa­rak ay nabulaga nito ang mga suspek na humihigop ng usok ng shabu sa ­Copenhagen St., Vista Verde ­Executive Village, Barangay Llano.

Hindi na pumorma ang dalawa at nakumpiska sa mga ito ang nakabukas na transpa­rent sachet, isang plastic sachet na naglalaman ng, isang lighter at ­dalawang strip ng aluminum foil.

Sweet November

Tila wala ngang kasingtamis ang Nobyembre kaya’t ginawa ang pelikulang “Sweet November” at ni-remake noong 2001 at pinagbidahan ni Keanu Reeves, na kilala ng millennials bilang si “John Wick” at “Ted” ng naunang henerasyon, at ang magandang bebot na si Charlize Theron, na maniwala kayo o hindi ay may dugong Aprikano,  kung saan…panoorin n’yo na lang kung matibay kayo sa antok.

Nitong Nobyembre kalaboso ang isang babaeng ­tin­edyer at ang umano’y sugar daddy nitong tulak nang kapwa masakote sa isang buy-bust operation sa Malabon City.

Ibinalibag sa magkahiwalay na selda ang sinasaibing magsing-irog na sina Orlando Ocampo, alyas “Body,” 45; at  ng bubot na chikas nitong si Chrizialyn Pingol, alyas “Desiree,” 18; kapwa walang hanapbuhay at residente ng Barangay Longos, ng lungsod.

Alas-12:30 ng madaling-araw nang madamba ang mga suspek sa Barangay Longos matapos bentahan ng shabu na nagkakahalaga ng P300 ang isang undercover police.

Walong sachet ng shabu na tumitimbang ng halos 1.9 gramo na may street value na halos P12,700 ang nakum­piska sa mga suspek.

Nobyembre din nang hi­git sa P144,000.00 halaga ng shabu ang makumpiska sa ­dalawang pares ng magsing-irog  na nasakote sa magkahiwalay na buy-bust operations sa Navotas City.

Dakong alas-2:15 ng hapon nang malambat sina Marlon Ramirez, 21 at kanyang kinakasamang si Roan Joyce Santiago, 19, sa Market 3, Fishport, Barangay North Bay Boulevard North.

Nakumpiska sa mga suspek ang anim na plastic sachets ng shabu na tumi­timbang sa 7.3 gramo at nasa  P46,640.00 ang halaga, coin purse at P300 marked money.

Alas-2:30 ng madaling araw naman nang mahuli sa F. Pascual, Barangay Tangos South sina Roberto Alcantara alyas Puroy, 46; at dyowang si Rhodora Joaquin alyas Doray, 40;  matapos bentahan ng isang sachet ng  shabu ang isang pulis na poseur-buyer kapalit ng P1,000 marked money.

Nasamsam sa mga suspek ang dalawa pang plastic sachet ng shabu bukod sa naiskor ng undercover agent na tumi­timbang sa 14.4 gramo at nasa P97,920.00 ang street value.

Sa lungsod naman ng Caloocan, nadamba ang nasa drug watchlist na si Christian Pio, 33, at ang kinakasama nitong si Marife Dominguez 36, na dati nang sumuko sa kasagsagan ng Oplan Tokhang ngunit nagbalik sa shabu nang dahil sa kapritso ni Pio.

Tatlumpu’t limang sachet ng shabu ang nakumpiska sa dalawa na may tinatayang ha­lagang P81,609.00.

Please follow and like us:
Read More

MAGTIWALA

PINOY ABROAD

ANG paksang nais kong bigyang pansin ay ang salitang “magtiwala” – katagang madaling sabihin ngunit mahirap gawin. Basically, ang Pilipino ay madaling magtiwala kahit kanino o sa ano pang bagay. Sa ngayon, tila baga nasa panahon tayo ng maraming pagdududa at hindi  basta nagtitiwala sa ating kapwa o sa sistema. Marahil, sa ating pamilya ay lubos tayong may tiwala o kaya sa ating mga kaibigan. Subalit marami ring mga kaibigan ang hindi tapat sa atin at pinagkakanulo pa tayo. Gayundin ang mga kapatid sa kapwa kapatid ay walang tiwala sa isa’t-isa pagdating sa mga manahan.

Sariwain natin ang ilang karanasan sa ating kasaysayan. Di ba ang Panginoong Jesukristo ay itinatwa ni Pedro at si Judas ay ipinagkanulo ang ating Panginoon? Gayundin ang mga lider at mga politiko na kung saan nilalaglag o tinatraydor ang kanilang mga kasama para sa pansariling kapakanan. Halimbawa, Marcos-Enrile-Ramos, Erap-Chavit, Gloria-Hyatt 8, Samson-Delilah, Caesar-Anthony at iba pa.

Kaya kadalasan ang mga payo, “save your ass first!” Kaya sa panahon ngayon ay mahirap magtiwala talaga, maging sa mga kaibigan tila ba may padududa sa isa’t-isa. Wika nga, “What a crazy world!”

Gayundin sa sarili minsan ay nag-aalinlanganan na magtiwala sa kakayahan at pagdedesisyon. Bagama’t mayroon ding lubos na may tiwala sa sarili o overconfident, na kadalasan ay mali ang mga desisyon na ginagawa o diskarte.

Magtiwala, kailan pwede at kailan hindi? Kanino dapat at hindi dapat magtiwala? Wow, tanong na mahirap sagutin! Alam din natin, na marami rin ang nagtitiwala sa kanilang kakayahan, kayamanan at kalakasan, koneksyon at pinag-aralan.

Alam ba ninyo? Mayroong ginintuang katuruan tungkol sa magtiwala? Sa aklat ng Kawikaan na kalipunan ng mahahalaga at makabuluhang payo ng isang dakilang pantas at hari na naging gabay niya sa kanyang pamumuno at pamumuhay ang nag wika, “Magtiwala ka sa Panginoon nang buong puso mo at huwag kang manalig sa iyong sariling kaunawaan: 6 Kilalanin mo siya sa lahat ng iyong mga lakad, at kanyang ituturo ang iyong mga landas. (Kawikaan 3:5-6)

Samakatuwid, dito pala tayo dapat magtiwala sa Panginoon Diyos na nagbibigay ng karunungan, kaligtasan, kapayapaan at tagumpay sa buhay. Siya ang maglalapit ng tao’t sistema na ating tunay na mapagkakatiwalaan! Tiwala lang sa ating Panginoon! Hindi siya nagbabago, “the same yesterday, today and forever!” (comment and prayer, givalencia777@gmail.com) (PINOY ABROAD / Guillermo Valencia)

Please follow and like us:
Read More

REKLAMO VS RIZAL HPG

KAAA BOOM

ANO itong nakarating sa atin na mga sumbong na ilan daw sa mga miyembro ng Philippine National Poice-Highway Patrol Group ay nagmimistulang mga holdaper ng lansangan. Naku po! anong nangyari?

Ang siste napakasipag daw ng HPG-Rizal na manghuli ng mga motorista na may mga delikwenteng rehistro o anumang paglabag sa batas ng trapiko which is tama naman ang kanilang ginagawa. Pero pero pero… kapag nakapanghuli raw ang mga ito, dito na raw nangyayari ang panghoholdap he he he he? Ano raw ‘yun holdapan… bwahaha.

Nakarating sa ­aking kaalaman na sa oras na wala kang maipakita na rehistro o paso na ang iyong registration imbes na ­tiketan ay dadalhin daw ng mga ito ang iyong sasakyan sa kanilang opisina sa hilltop, hala bakit? At malaking BAKIT?

Ganyan ang akin naging katanungan dahil may isang opisyal ng PNP traffic ang nakausap natin hinggil sa impound-impound. Aniya’y ang mga sasakyan na hinahatak o ini-impound lang ay ang mga sangkot sa banggaan lalo na kung may taong nasaktan o namatay habang iyong mga nahuhuling walang lisensya, expired license, expired registration, hindi daw kailangang i-impound at sa halip, tiketan lang. Ganun pala iyon? E bakit ini-impound ng HPG Rizal ang kanilang huli imbes na tiketan?

Sa oras daw na dinala ng HPG-Rizal ang sasakyan sa opisina ay dito na raw nangyayari ang holdapan? Paano? Tinatakot ang may-ari na kanilang i-impound ang kanilang saksakyan kasabay ng pananakot na mahal ang tubos ng na-impound na sasakyan – P11,000 daw. Wow! Kamahal naman! Bwahahaha.

Pero may natitirang kabaitan daw ang mga ­operatiba ng HPG-Rizal kasi sa oras na walang ganung kalaking pera ang kanilang hinuhuli ay may discount daw, pwede raw kalahati lang P6,000 pero walang resibo iyon ha!

Kung walang P6,000 o kalahati, puwede naman kung hanggang sa magkano lang ang kaya ng tinakot. Kung P3,000 higit ang laman ng bulsa ng hinuli para hindi na i-impound ang sasakyan, puwede na. He he he he, ayos walang resibo yun? Ang tanong, kaninong bulsa napunta ang ibinayad ng mga motorista sa HPG-Rizal, sa kaban ba ng bayan o sa kanilang bulsa?

Mahina ako sa kwentahan kaya nga mass communication ang aking kinuha pero susubukan kung kwentahin kung gaano kalaki ang naholholdap ng mga tauhan ng HPG-Rizal, kung totoo itong sumbong sa akin?

Kung P6,000 sa sampung motorista na kanilang ­i-impound, magkano ito?… P60,000 puctha ang laki ‘di ba? P60,000 times 20 days dahil nagpapahinga naman daw ang mga HPG-Rizal sa panghuhuli…he he he… pero kung ating susumahin ay nasa P1.2M ang kanilang magiging koleksyon kada buwan…Wow tiba-tiba ‘di ba?

Ayaw na ayaw ng aking Lolo Digong ‘yan mas lalo pa ang aking kuya na si Senator Bong Go… Alam kaya ito ng bagong upo na si  PNP-HPG chief, P/Brig. Gen. Dionardo Carlos? Magaling na pulis itong si Carlos mas lalo na nung siya pa ang spokesperson ng PNP. Kaya naman hindi ako magtataka kung agad na paiimbestigahan ng heneral ang ganitong gawain ng HPG-Rizal.

Ito pa ang siste, wala raw sinisino ang mga ito, basta holdap este huli-huli nila, walang pwedeng kumausap kahit mataas na tao o anumang katungkulan sa gobyerno, ganun ka-astig ang mga ito… Bwahaha, ganun? ‘Di kau na ang TIBA-TIBA!!!

‘Di ba General Carlos ang HPG, ang dapat na gawain nito ang hulihin ang mga karnaper o ang mga holdaper ng mga lansangan eh bakit tila kabaliktaran yata ang ginagawa ng HPG-Rizal…’di ba may TAMA AKO HENERAL? KILOS NA PO SIR! KABOOM… (KAAA…BOOM!! / Joel Gorospe)

Please follow and like us:
Read More

40% NG NGCP PAG-AARI NG CHINA

BAKBAKAN NATIN

HINDI na maganda ang pagpasok o pamumuhunan ng People’s Republic of China sa Pilipinas, ­sapagkat maging ang kumpanyang namamahala sa sistema ng ­kuryente ng bansa ay napasok na rin ng China.

Ayon sa rekord ng National Grid Corporation of the Philippines (NGCP), ang State Grid Corporation of China (SGCC) ay 40 porsiyento ang pag-aari sa NGCP.

Ang Monte Oro Grid Resources Corporation (MOGRC) na pag-aari ni Henry Sy Jr. at ang Calaca High Power Corp. (CHPC) na pag-aari naman ni Robert Coyiuto Jr. ay 60 porsiyento ang pinagsamang sapi sa NGCP.

Ang nasabing consortium ay mayroong 25-taong concession contract at 50-taong prangkisa upang patakbuhin at pamahalaan ang power transmission system ng Pilipinas alinsunod sa Republic Act No. 9511.

Substansiyal na puhunan ang 40 porsiyento para sa isang negosyo.

Labing-isang porsiyento na lang, China na ang siyang pangunahing may-ari ng NGCP.

Nakababahala ang isyung ito.

Ibig sabihin kasi ng pagkakaroon 40% na sapi ng pamahalaan mismo ng China sa NGCP ay puwedeng maging batayan ng ‘paninikil’, ‘pananakal’ at ‘pananakot’ ng China sa Pilipinas, sapagkat kuryente ang pinatatakbo at pinamamahalaan ng NGCP.

Totoong hindi nilabag ang Saligang Batas sa nasabing kasunduan, sapagkat 40 porsiyento lang naman ang pinapayagan ng Saligang Batas na ­maging pinakamalaking pag-aari ng dayuhang kumpanya sa kumpanya sa bansa.

Ngunit hindi ‘yan ang punto rito.

Ang punto ay electric transmission system ang isyu rito.

Ang pagtatayo nga ng ilang negosyenteng Intsik ng prostitution den sa ilang bahagi ng bansa ay hindi na maganda, ito pa kayang 40% sa NGCP?

Iba pang bagay ang pagtatayo ng industriyang Philippine Offshore ­Gaming Operator (POGO) na kontrolado ng mga ­negosyanteng Intsik.

Hindi haka-haka o pagpapakalat ng pekeng balita na maaaring may masamang gawin ang China sa Pilipinas.

Tandaan natin na agresibo ang China sa pag-angkin nito sa West ­Philippine Sea (WPS).

Lahat ginagawa ng China upang masolo ang WPS.

Ngayon ngang panahon ay nakapagtatayo ng military facilities ang China sa maraming bahagi ng WPS.

Tapos, lahat ginagawa ng China upang hindi makapangisda ang mga mangingisdang Filipino sa karagatang bahagi ng WPS.

Walang magawa ang administrasyong Duterte laban sa China.

Hindi man lang nito ipagtanggol ang mga mangingisdang Filipino laban sa pambubusabos ng China.

Kaya posibleng mayroong gawin ang China sa Pilipinas, ngayong 40 porsiyento ng NGCP ay pag-aari ng kumpanyang pag-aari ng pamahalaan ng China.

Maaaring gawin ng China ang lahat ng diskarte upang  maging ‘sakal sa leeg’ nito ang Pilipinas.

Sabi nga ni Melvin Matibag, pangulo ng state-owned National Transmission Co. (NTC), sa Senado na mayroong kapasidad ang China na kontrolin at sa mas masahol ay ipatigil ang ­power transmission system ng bansa.

Kaya dapat imbestigahan nang mabuti ng Senado ang 40 porsiyentong pag-aari ng China sa NGCP.

oOo

Alam ko na kayong mga mambabasa ay higit na maraming nalalaman kaysa inyong lingkod.

Kaya tawag o mag-text na sa: 0998 – 565 – 0271. (BAKBAKAN NATIN / Nelson Badilla)

Please follow and like us:
Read More