MEAL, LOAD ALLOWANCE DAGDAG BENEPISYO SA PULIS NG SEA GAMES

PULIS-8

(NI LYSSA VILLAROMAN)

IPINAHAYAG ni National Capital Region Police Office chief, Brigadier Debold Sinas na makatatanggap ng allowance ang mga pulis na nakatalaga sa 30th Southeast Asian Games.

“Lahat ‘yan sa first pa lang na deployment, you receive P500 saka P100, for the allowance and cellphone load tapos daily mayroon pa ‘yang pagkain, P100 per meal—three times po ‘yan,” ayon kay Sinas.

Sinabi ni Sinas na dalawang shift ang kanilang isasagawa bilang bahagi ng security measure ng SEA games.

“Maski sa gabi ka naka-shift, mayroon kang allowance na P300,” ayon kay Sinas at dagdag pa nito na ang meal allowance ay matatangap lamang ng mga pulis sa kanilang isasagawang daily accounting.

Pahayag pa ni Sinas na nasa 10,000 security forces ang naka-deploy na sa ilang bahagi ng Metro Manila na ang 8,000 ay mga pulis samantalng ang 2,000 ay galing naman sa kanilang counterpart na militar.

Sinabi pa ni Sinas na ang mga pulis na naka-deploy sa SEA games ay handa na upang tugunan ang kanilang mga responsibilidad sa panahon ng SEA games.

Nasa 27,000 pulis ang naka-deploy na sa apat  ng region ng bansa kung saan gaganapin ang iba’t ibang sport events.

Ayon pa kay Sinas na nasa 1,680 atleta na ang dumating sa bansa at kasalukuyan ngayong nanunuluyan sa mga hotel sa Metro Manila.

“As of now, 6 a.m., 1,680 athletes na po ang dumating sa lahat ng 27 billet areas. There are 30 billet areas, ‘yung tatlo wala pa po naka-schedule pa po sa December ang arrival noon,” ayon kay Sinas.

Sinabi rin ni Sinas na ang crime rate sa capital region simula November 25 hangang 28 ay bumaba dahil sa heightened police visibility.

 

Please follow and like us:
Read More

EDSA IWASAN MUNA SA PAGBUBUKAS NG SEA GAMES — MMDA

traffic edsa12

(NI LYSSA VILLAROMAN)

INABISUHAN ng Metro Manila Development Authority (MMDA) ang lahat ng motorista na iwasan ang EDSA mula 12:00 ng tanghali hangang 5 ng hapon sa pagbubukas ng 30th Southeast Asian Games.

Ayon kay MMDA EDSA traffic czar, Bong Nebrija, inaasahan na nila ang mabigat na daloy ng trapiko sa mga naturang oras dahil sa isasagawa nilang stop-and-go scheme upang bigyan ng prayoridad ang mga bus na magdadala sa mga atleta sa Philippine Arena sa Bocuae, Bulacan.

Ang mga bus ng mga delagado ay dadaan sa yellow lane dahil ang request para sa special lane kagaya noong ASEAN summit ay huli na ng isinumite.

“From 12 noon up to 5 in the afternoon, ‘yan po ‘yung window hours na we will be expecting different convoys that will start passing through EDSA… Kung pupuwede ang pakiusap po namin sa ating mga kababayan na iwasan po ang northbound ng EDSA,” ayon kay Nebrija .

Nagbigay din ng babala ang MMDA sa mga private vehicles na huwag sumunod sa mga bus ng mag delegado dahil sila ay huhulihin.

“’Wag susunod sa convoy dahil kung hindi po kayo part ng convoy at nahuli po kayo patatabihin po kayo at lalo lang po kayo made-delay,”  ani Nebrija.

Ang mga manonood naman ng SEA games ay inabisuhan din ni Nebrija na sumakay sa mga accredited na buses papunta sa venue ng SEA games.

Sinabi pa ni Nebrija na maaga pa lamang bago mag-12:00 ng tanghali ay magsisimula na ang mga accredited na buses ay magsasakay na papuntang Philippine Area na magmumula sa Trinoma Mall, sa Parañaque Integrated Terminal Exchange, SM Mall of Asia at Ayala Clover Leaf.

Please follow and like us:
Read More

TEACHER NA TULAK, TIMBOG SA PARAK

SHABU-ARRESTED

(NI JG Tumbado)

NATIMBOG ng pulisya ang isang 40-taong gulang na guro matapos itong magbenta ng shabu sa ikinasang drug bust operation sa bayan ng Dalaguete sa probinsya ng Cebu.

Nakilala ang teacher na tulak na si Roy Ysao, ng Sitio Lalin, Barangay Poblacion at nagtuturo sa Dalaguete National High School.

Si Ysao ay dinakip ng mga operatiba ng Municipal Station Drug Enforcement Group pasado alas 9:00 ng umaga ng Biyernes sa tapat mismo ng nabanggit na paaralan.

Narekober ng pulisya mula sa posesyon ng suspek ang isang plastic sachet na naglalaman ng shabu at nagkakahalaga ng mahigit P2,000.

Sinabi ni Police Sergeant Bricel Ricaborda ng Dalaguete Police, matagal ng isinailalim nila sa surveillance ang guro bago matagumpay na nadakip ito.

Nag-ugat ang operasyon laban kay Ysao nang ituro siya ng isang naarestong lalaki na estudyante na sa kanya nagmumula ang iniiskor nitong shabu.

Please follow and like us:
Read More

40-ANYOS GINANG PINATAY; DROGA SINISILIP NA MOTIBO

cebu

(NI JG TUMBADO)

PATAY ang isang 40-anyos na ginang nang pagbabarilin ito sa loob ng kanyang tahanan sa Cebu City.

Tig isang tama ng bala ng baril sa leeg at braso ang sinasabing dahilan ng pagkamatay ng biktima na si Vicenta Abano, naninirahan sa Block 3 Missionaries, Barangay Suba.

Nabatid sa imbestigasyon ng pulisya, pasado alas 12 ng hatinggabi ng Biyernes nang pasukin sa loob ng bahay ang biktima ng dalawang naka-bonnet na lalaki at pinagbabaril nang matunton sa kanyang kuwarto.

Bago ang pagpatay sa ginang ay sinundan na siya ng mga suspek habang pauwi sa bahay nito sa nabanggit na lugar at nang malamang mag-isa lamang ito ay doon na isinakatuparan ang krimen.

Pero, ayon kay Cebu City Police Office (CCPO) Director Police Col. Gemma Cruz Vinluan, paghihiganti umano o personal na galit ang motibo sa pagpatay sa ginang.

Bagaman hindi pa nila natutukoy kung sino ang nasa likod ng paglikida kay Abano ay may ilang persons of interest na ang pulisya.

Sinabi ni Vinluan na si Abano ang ikaapat sa pamilyang pinatay sa loob lamang ng limang buwan ng taong kasalukuyan.

Ang biktima ay anak ng barangay chairman ng Jagoliao sa Getafe, Bohol  na si Alejandro Abano, na tinambangan noong June 28.

Habang pinagbabaril din ang nakababatang kapatid ni Vicenta na si Ninolito Abano sa loob ng kanyang auto repair shop sa Barangay San Nicolas, July 29 kung saan napatay din ang kanilang pinsan na lalaki.

Dagdag pa ni Vinluan, isa rin sa kanilang sinisilip sa dahilan ng pagpaslang kay Vicenta ay ang koneksyon nito sa ilegal na kalakalan ng shabu.

Patuloy pa ang pagsisiyasat ng mga awtoridad sa krimen.

Please follow and like us:
Read More

SOLONG ROBBER NANLOOB, NAN-RAPE, TUMANGAY NG P2-M

armed robbery12

(NI ROSE PULGAR)

NILOOBAN ng nag-iisang hindi kilalang lalaki ang isang bahay at ginahasa pa ang isang 19-anyos na estudyante at tinatangay ang mahigit sa P2 milyong alahas, gadgets at cash sa Paranaque City, Biyernes ng madaling araw.

Humahagulgol pa ang estudyante na itinago sa pangalang ‘Tina’ nang ito’y ay dumulog sa tanggapan ng Paranaque City Police  matapos siyang pasukin at halayin sa loob ng kanyang silid ng armadong suspect matapos takuting papatayin kapag pumalag sa kanyang kagustuhan.

Batay sa isinagawang imbestigasyon ni Police Cpl. Mary Ellen Ramos ng Paranaque Police Women and Children’s Protection Desk (WCPD), unang pinasok ng suspect ang silid ng kapatid ni Tina na si Mark, 21, sa ikalawang palapag ng kanilang tirahan sa Better Living Subdivision, Barangay Don Bosco dakong alas-2:30 ng madaling araw at iginapos ang dalawang kamay, gamit ang packaging tape, bago binusalan ng damit ang bibig nito.

Nang maisagawa na ng suspect ang paggapos kay Mark tumuloy ang suspect sa silid ng dalaga at dito pinagsamantalahan.

Kasunod na pinasok naman ng suspect ang master’s bedroom at puwersahang binuksan ang mga drawer at cabinet na kinalalagyan ng mga mamahaling alahas, kabilang ang Patek Philippe at Audemars Piguet na relos na may kabuuang halagang P1,980,000; P50,000 cash at P105,000 halaga ng digital camera.

Natangay din ng suspect sa kanyang pagtakas ang tatlong laptop at dalawang mamahaling cellular phone ng magkapatid na may kabuuang halagang P295,000.

Nang matiyak naman ng dalaga na nakaalis na ang kawatan, pinuntahan niya ang silid ng kapatid, kinalag ang pagkagapos at inalis ang busal bago magkasabay nilang tinungo ang silid ng kasambahay na si Julie Lajo, 30, sa unang palapag ng bahay na inabutan pa nilang natutulog at ito ay kanilang ginising at agad na ipinagbigay alam sa mga barangay tanod at pulisya ang insidente.

Sa ngayon ay masusi namang binubuisisi ng pulisya ang kuha ng close circuit television (CCTV) camera sa lugar na posibleng maging daan upang makilala ang nag iisang suspect lalu na’t natuklasan ng pulisya na kabisado niya ang kabuuan ng bahay.

Batay naman sa natanggap na report ni Police Col. Robin Sarmiento, hepe  ng Paranaque City Police , ipinarada ng suspect sa tabi ng kalye ang dalang motorsiklo bago sinira ang gate ng bahay ng mga biktima at pagpasok sa loob ay sinungkit sa pamamagitan ng sanga ng punong-kahoy ang susi ng bahay na nakasabit lamang sa tabi ng pinto.

Sinabi pa ni Sarmiento, kanya nang inatasan ang kanyang mga tauhan na magsagawa ng masusing imbestigasyon ang naganap na insidente.

 

Please follow and like us:
Read More

DARAANAN NI ‘TISOY’ PINAGHAHANDA NG PAGASA

(NI ABBY MENDOZA)

MAIHAHALINTULAD sa nanalasang bagyong Reming at Glenda ang padating na bagyong Tisoy kaya ngayon pa lamang ay inaatasan na ng Philippine Atmospheric Geophysical and Astronomical Services Administration (Pagasa) ang mga Local Disaster Risk Reduction and Management Office na maging handa.

Ayon sa Pagasa, parehas ang direksyon na tinatahak ng bagyo na may international name na Kammuri sa direksyong tinahak ng bagyong Glenda noong November 28, 2006 at bagyong Reming noong July 2014.

Sa bagyong Reming ay 106 ang nasawi, 1250 ang sugatan, 5 ang missing at P38.6 Bilyon ang pinsala.

Sa talaan ng Pagasa si bagyong Glenda ay nag iwan ng 734 patay,  2,360 ang sugatan, 762 ang mawawala at P5.4 Bilyon ang naging pinsala.

Sa monitoring ng Pagasa ay mas lumakas pa ang typhoon ‘Kammuri’.

Namataan ito sa layong 1,470 km sa Southern Luzon ,sa labas pa rin ng Philippine Area of Responsibility, taglay ang lakas ng hangin na 140 kph at bugso na 170 kph.

Sa araw ng Sabado o Linggo ng umaga ito inaasahang papasok ng PAR at maglalandfall sa Catanduanes.

Nilinaw naman ni Pagasa Weather Division Chief Dr. Esperanza Cayanan na sa ngayon ay nanatiling maliit ang tiyansa na maging super typhoon ng paparating na bagyo.

Paliwanag ni Cayanan na iba ang pamantayan na ginagamit ng Joint Typhoon Warning Center ng America sa ginagamit na batayan ng Pagasa.

Ang bagyong Tisoy ay maaaring magdala ng malalakas na pag-ulan at thunderstorms sa Bicol Region at Samar provinces simula sa Lunes.

Habang sa Central Luzon, Bicol Region, Southern Luzon at Metro Manila ay maaaring makararanas ng malalakas na hangin at pag-ulan sa Martes at Miyerkules.

Samantala umapela ang PAGASA  sa publiko na iwasan ang pagpapakalat ng maling impormasyon sa social media ukol sa bagyo. Tanging ang mga impormasyon na galing sa Pagasa ang siya lamang paniwalaan para maiwasan ang kalituhan.

 

Please follow and like us:
Read More

MAHIGPIT NA SEGURIDAD IPATUTUPAD SA MAYNILA

PNP150

(NI DAHLIA S. ANIN)

SA pagbubukas ng SEA Games bukas, mahigpit na seguridad ang paiiralin ng Manila Police District sa nga venue at hotel sa Maynila kung saan idaraos ang ibang palaro.

Ayon kay Lt. Col. Carlo Manuel Magno, tagapagsalita ng MPD, halos 4,000 pulis ang nakatakdang magbantay sa buong panahon na ginaganap ang SEAG.

Isa na dito ang Rizal Memorial Sports Complex (RMSC), kung saan idaraos ang football. Tinatayang nasa 400 pulis ang magbabantay sa lugar para tiyakin ang seguridad ng mga delegado at atleta.

Maging ang Weightlifting, Taekwondo, Soft Tennis, Tennis, Gymnastics, at Artistic at Rhythmic Aerobics ay sa RMSC din gaganapin.

Sa paligid naman ng Manila Hotel kung saan nakatakdang magcheck-in ang mga delegado at atleta ay babantayan ng 300 na kapulisan.

Ilang nga pulis din ang itinalaga sa iba pang hotel tulad ng Century Park Hotel na pinakamalapit sa RMSC.

Mananatili pa rin naman na nakabantay ang iba nilang puwersa sa kanilang mga trabaho, lalo na’t umiiral sa lungsod ang mahigpit na kampanya kontra droga, maging sa smoking at vaping ban, kahit na nakatutok sa SEAG ang MPD.

Please follow and like us:
Read More

SELOSONG EX-LOVER NAPATAY NG GINANG

(NI SIGFRED ADSUARA)

TULUYAN nang tinapos ng isang 34-anyos na negosyanteng ginang ang pagiging seloso ng kanyang dating live-in partner nang barilin at mapatay nito nang  sumugod sa kanilang bahay matapos na pagselosan ang kanyang driver, sa Imus City, Cavite.

Namatay sa pinangyarihan ng insidente si Roderick Linazan, driver  ng Green State Subd., Brgy. Malagasang 1F, Imus City, Cavite dahil sa tama ng bala sa katawan habang ginagamot sa Ospital ng Imus si Rolly Ayop, 32, may-asawa ng  Green Valley Subd. Brgy San Nicolas 3, Bacoor City, Cavite dahil sa saksak sa katawan.

Hawak naman na ng pulisya ang suspek na si Mary Car  Canete, 34, may-asawa, ng B23, L21, Phase 2, Green State subd, Brgy Malagasang 1F, Imus City, Cavite.

Sa ulat ni SMSgt Ronaldo Orozco ng Imus City Police Station, sumugod umano si Linazan sa bahay ng kanyang dating live-in partner dakong alas-10:10 kamakalawa ng umaga nang nalaman nito na  may lalaki ito saloob.

Kinompronta ni Linazan si Ayop na humantong sa kanilang pagtatalo hanggang sa  bugbugin siya ng una kaya pumasok ang si Ayop sa loob ng bahay pero sinundan pa rin siya  hanggang sa kumuha ng kutsilyo si Linazan at sinaksak ito.

Narinig naman ng suspek ang komosyon kaya lumabas ito at nakita ang dalawa kaya bumalik ito ng kanyang kuwarto at kinuha ang kanyang baril  at kinompronta ang dating live-in partner  at ipinutok ito na nagresulta sa kanyang agarang kamatayan.

Si Ayop ay isinugod naman sa ospital ng mga kapitbahay.

Ayon kay report, apat na buwan na umanong hiwalay ang dalawa dahil sa pagiging seloso ng lalaki, bagama’t biniyayaan sila ng isang anak.

Nabatid pa na kapapasok lamang na driver ng suspek si Ayop.

Narekober sa crime scene  ang isang kalibre 45 na baril na inaalam pa kung lisensiyado ito at isang kitchen knife.

Please follow and like us:
Read More

“SHALL I FREEZE MY EGGS OR NOT?”

(NI VINIA VIVAR)

HINDI masabi ni Ruffa Gutierrez ang estado ng love life niya nang makatsikahan namin siya last Wednesday sa block screening ng Unbreakable na pinagbibidahan ng kapatid niyang si Richard Gutierrez with Bea Alonzo and Angelica Panganiban.

May tsika kasing hiwalay na siya sa French-Israeli boyfriend na si Jordan Mouyal pero ayaw itong pag-usapan ni Ruffa.

“Huwag na nating pag-usapan ang mga love life,” she said.

Pero hindi ba niya naiisip na panahon na rin naman para mag-asawa siya?

“Alam mo, wala namang akong balak mag-asawa ulit or magkaroon ng anak ulit. Because I have 2 kids already,” she confessed.

Dati raw ay naisip pa niyang i-freeze ang eggs niya para sa proseso ng pagkakaroon ng anak ulit.

“Iniisip ko nga, two years ago, “shall I freeze my eggs or not?” Pero parang it’s already hard to take care of 2 by yourself,” sey ni Ruffa.

Ang goal na raw niya ngayon ay maging donya siya pagsapit ng 50 years old.

At ang nakakatuwa, magkabati na naman sila ng mommy niyang si Annabelle Rama kaya lalo tuloy malakas ang hinala na break na talaga sila ng boyfriend.

“Okay naman kami ni Mommy. Minsan nagkaka-problema lang kami tungkol sa boyfriend. ‘Yun lang naman, eh. Wala namang ibang problema sa amin.

“Gusto niya yata, tumanda akong dalaga,” sey pa ni Ruffa.

By the way, kasama rin ng aktres ang dalawa niyang anak na sina Lorin and Venice sa naturang block screening para suportahan of course si Richard. Naroroon din ang kanyang magulang na sina Anabelle at Eddie Gutierrez.

Kasalukuyan nang ipinapalabas sa mga sinehan ang Unbreakable mula sa direksyon ni Mae Cruz-Alviar.

“RICHARD HAS ARRIVED AS AN ACTOR”

Proud na proud naman si Tito Eddie sa ipinakitang acting ni Richard sa Unbreakable. Tinapos niya talaga ang buong pelikula at nang kunan ng press ng reaksyon, all praises siya sa movie at sa acting ng buong cast kabilang siyempre ang anak niya.

“Alam mo, Richard has arrived as an actor,” bulalas ni Tito Eddie.

He explained, “ibang-ibang Richard ang mapapanood n’yo rito. Well, of course, magagaling ‘yung dalawang babae (Bea and Angelica). Kaya Richard was carried away in all his scenes. Lahat naman sila, magagaling, eh. Pati ang support.”

Sey pa ni tito Eddie, napakahusay daw ng kwento at story kaya ipinahayag din niya ang pagbati kay direk Mae. Hindi nga raw siya umiiyak sa mga pelikula, pero sa Unbreakable ay naiyak daw siya.

“Ibang-iba ang istorya at grabe ang twist. Hindi ordinaryong pelikula ito,” sabi pa ni Tito Eddie.

Ayon naman kay tita Annabelle, usually raw ay nakakatulog daw siya kapag nanonood ng pelikula pero sa Unbreakable raw ay talagang hindi siya nakatulog.

“First time na hindi ako nakatulog, umiyak pa ang beauty ko,” sey ni Tita Annabelle.

 

Please follow and like us:
Read More

SENIOR CITIZEN NA BAKWIT PATAY SA EVACUATION CENTER

north cotabato 12

(NI DONDON DINOY)

MAKILALA, North Cotabato  – Binawian ng buhay ang isang senior citizen na bakwit matapos hindi kayanin ang pabago-bagong panahon sa loob ng evacuation center sa Barangay Bulakanon, nitong bayan, Huwebes

Ayon sa ulat, kinilala ang nasawi na si Evie Damali, 60, ng Purok 1, Barangay Bato sa lugar, na isa rin sa mga lugar na ideneklarang high risk area at pinagbawalan pa silang bumalik sa lugar.

Sinasabing nagkasakit na noon ang matanda pero mas lumala lamang dahil na rin sa pabago-bagong panahon na kanilang nararanasan sa evacuation center, mainit sa tanghali at minsan malakas naman ang ulan kapag gabi at wala ring maayos na tulogan.

Pansamantalang lumikas ang kanilang pamilya sa evacuation center sa Barangay Bulakanon habang naghahanap pa ang lokal na pamahalaan ng lugar na kanilang posibleng paglilipatan.

Patuloy ang paalala ng kagawaran ng kalusugan sa lahat ng mga bakwit na kung may hindi magandang nararamdaman ay agad na komunsulta sa mga doctor sa mga bawat incident command post ng LGU.

Batay sa pinakahuling datos, umakyat na sa 22 ang nasawi dahil sa lindol sa buong North Cotabato.

 

Please follow and like us:
Read More

200 NA PATAY SA HIV/AIDS SA DAVAO REGION

(NI DONDON DINOY)

DAVAO CITY–Aabot na sa 200 na indibidwal sa Davao Region ang namatay dahil sa human immunodeficiency virus-acquired immunodeficiency syndrome (HIV-Aids) sa unang kalahati ng taong 2019.

Ayon kay Davao City Reproductive Health and Wellness Center (RHWC) head Dr. Jordana Ramiterre, base sa datos ng Department of Health-Epidemiology Bureau (DOH-EB), nakapagtala ang rehiyon ng kabuuang 191 indibiduwal, kung saan 137 nito galing sa Davao City.

Dagdag ni Ramiterre na ang bilang sa rehiyon ay ang pang-lima sa rankings na may pinakamaraming kaso ng HIV-Aids na 3,476 at 2,902 nito ay mula dito sa lungsod.
Nilinaw din ng opisyal na may mga indibidwal na “tested” na positibo sa sakit ang nanggaling sa katabing probinsya.
“Baka medyo tumaas ang kaso dito dahil sa influx of population,”  ayon kay Ramiterre noong Huwebes, Nobyembre 28, sa isinagawang iSpeak media forum sa City Hall ng lungsod.

Ayon sa DOH-EB, ang National Capital Region ang nanguna sa pinakaraming kaso ng HIV-Aids na may 23,634, sumunod ang Calabarzon na 11,122, Central Luzon na may 8,341, Central Visayas na aabot sa 5,561, at Davao Region.
Sinabi ni Ramiterre na karamihan sa nakakuha ng virus ay mga lalaki, habang ang vulnerable age group ay mula sa 15 hanggang 34 anyos, na kinokonsidera na “reproductive age group”.
Aniya, ang pagtaas ng bilang ay “multifactoral”, na puwedeng makuha dahil sa unsafe sex, hereditary, o blood transmission.
Sinabi ng opisyal sa pangkalusugan na ang social media ang isa rin sa mga dahilan ng pagtaas ng kaso ng HIV-Aids sa bansa, dahil madali na lang paghahanap ng sexual partner dito.

Ngunit nilinaw naman nito na hindi pa rin makonsidera na “accurate”, ang datos na ito dahil may mga indibidwal na hindi pa “tested”, ngunit nahawaan na ng virus.

May 300 centers ang lungsod para sa pagsagawa ng HIV-Aids testing at treatment.
Nagsagawa na ang RHWC ng community-based testing, upang marami pang indibidwal ang sasailalim nito. Namigay din ng pre-exposure profilaxis bilang preventive measure sa mga indibidwal na hindi pa nahawaan ng HIV/Aids, ngunit vulnerable na makakuha nito.

 

Please follow and like us:
Read More

MANILA TRAFFIC ENFORCER HULI SA KOTONG

kotong

SWAK sa kulungan at patung-patong na kaso ang kakaharapin ng enforcer ng Manila Traffic and Parking Bureau (MTPB) matapos umanong mangikil sa isang driver sa Sampaloc, Maynila.

Nagsumbong sa Sampaloc Police ang 25-anyos na driver mula Sta. Cruz, Maynila matapos kikilan ng traffic enforcer na nakilalang si Mark Ordinaryo, 22-anyos.

Miyerkoles nang patawan ang driver ng violation na reckless driving habang binabaybay ang Barlin corner Tolentino Street sa Sampaloc.

Nang ibigay ang Ordinance Violation Receipt (OVR), humirit umano ang enforcer na bigyan siya ng P4,000 kapalit ng hindi pag-ticket sa driver.

Hindi umano kinagat ng driver ang hinihingi ng suspek at napansin din nito na tampered o gamit na at hindi original copy ang OVR na ibinigay sa kaniya.

Ayon sa suspek, may anim na buwan pa lamang siya sa MTPB. Nakatakdang kasuhan ang suspek ng kasong robbery extortion.

 

Please follow and like us:
Read More

BARIL INIYABANG; BUNGO NG SEKYU SUMABOG

crime12

(NI NILOU DEL CARMEN)

SABOG ang bungo ng isang security guard  matapos pumutok  ang nilalaro nitong  baril  harap ng kanyang mga katrabaho sa isang hotel sa Batangas City Huwebes ng gabi.

Kinilala ang biktima na si Jorney Ugmad, 21, ng Valenzuela City at security guard ng Dreaming Forest hotel sa   Barangay  Libjo, Batangas City.

Batay sa imbestigasyon, nangyari ang insidente alas 6:30 ng gabi habang ipinagyayabang ng biktima ang kanyang 9mm na baril sa dalawang roomboy ng hotel.

Ayon sa dalawang roomboy, tinanggal umano ng sekyu ang magazine at mga bala saka itinutok ang baril sa ulo at kinalabit.

Subalit laking gulat umano ng mga ito nang pumutok ang baril at bumulagta ang biktima dahil sa tama sa sentido.

Hindi na naisugod pa sa ospital ang biktima na namatay noon din.

Ayon sa mga imbestigador ng Batangas City police, posibleng may ‘tangay’ umano ang baril na hindi natanggal kahit inalis ang magazine at hindi rin  napansin ng biktima.

Ganunpaman, tuloy pa rin ang imbestigasyon at tinitiyak na walang foul play sa pangyayari.

 

Please follow and like us:
Read More

BAGYONG KAMMURI LUMALAKAS SA PAGPASOK SA PH

POSIBLE umanong maging super typhoon ang binabantayang ‘Bagyong Kammuri’ na papangalanang ‘Tisoy’ pagpasok ng Philippine Area of Responsibility (PAR)

Ayon sa 4am weather update ng Pagasa, huling namataan ang bagyo sa layong 1.350 kilometro Silangan ng Southern Luzon.

Taglay nito ang lakas ng hanging aabot sa 130 km kada oras malapit sa gitna at pagbugsong aabot sa 160 km bawat oras.

Kumikilos ito pa-Kanluran sa bilis na 25 km kada oras at inaasahang papasok ng PAR sa pagitan ng Sabado ng gabi at Linggo ng umaga.

Ayon sa Pagasa, pagpasok ng PAR ay aabutin pa ng tatlong araw bago ito tuluyang tumama sa Southern Luzon partikular sa Bicol Region.
Ngayong araw, magdadala ng maulap na kalangitan na may kalat-kalat na pag-ulan, pagkulog at pagkidlat sa northeast monsoon o Amihan sa Cordillera Administrative Region, Cagayan Valley at mga lalawigan ng Aurora at Quezon.

Ang Metro Manila at nalalabing bahagi naman ng Luzon ay bahagyang apektado na rin ng Amihan at makararanas ng pulo-pulong mahihinang pag-ulan.

Sa Visayas at Mindanao asahan ang maalisangang panahon na may posibilidad ng mga panandaliang pag-ulan dulot ng localized thunderstorms.

Samantala, nakataas ngayon ang gale warning at ipinagbabawal ang paglalayag sa mga baybaying dagat ng:
– Batanes
– Cagayan kasama ang Babuyan Islands
– Isabela
– Aurora
– Ilocos Norte
– Ilocos Sur
– La Union
– Pangasinan
– Camarines Norte
– Northern coast ng Camarines Sur
– Catanduanes
– Eastern coast ng Quezon kasama ang Polillo Island
– Northern coast ng Northern
– Eastern Samar

Please follow and like us:
Read More

LABADAN, LALABAN SA SEAG

(NI DENNIS IÑIGO)

IBIBIBIGAY ng teenage-wonder gymnasts na si Breanna Labadan ang lahat upang maisakatuparan ang pangarap na makapaglaro sa Southeast Asian Games.

Kinakitaan ng malaking potensyal ang 13-anyos na si Labadan, tubong Butuan City, na ngayon ay nagpapakitang gilas sa rhythmic gymnastics.

Nito lamang Nobyembre ay tatlong gintong medalya ang kinubra niya sa junior Individual All-Around titles mula sa Hungary at Denmark.

Ibinulsa ng dating St. Scholastica’s College student ang titulo sa 2019 Magic Cup Rhythmic Gymnasts meet at RG Friends Masters Gymnastics meet 2019. Nakamit rin niya ang tansong medalya sa Royal Crown Gymnastics sa Greece noong Mayo.

Ang pagningning ng teen-gymnasts’ sa pandaigdigang kompetisyon ay nagsimula sa Palarong Pambansa nang magbulsa siya ng five gold medals sa 2018 Vigan Games kung saan kinatawan niya ang National Capital Region (NCR). Kabilang sa mga napanalunan niya ang All-Around rope, ball apparatus, at club apparatus.

Sa ngayon ay hindi na sasabak pa si Labadan sa Palaro dahil miyembro na siya ng training pool ng Philippine Gymnastics team.

“Nahirapan din po ako dahil sa pagod sa training kaya minsan din po hindi na ako nakakapag-focus nang maayos. Kaya binabawi ko na lang po siya sa tulog para po may energy ako pagkagising ko,” wika ni Labadan sa 50th

“Usapang Sports” ng Tabloids Organization in Philippine Sports sa National Press Club sa Intramuros,  Maynila kahapon.

Gaya ni 2020 Tokyo Olympics-bound Carlos Edriel “Caloy” Yulo, pangarap ng teen-sensation na mapasabak sa Quadrennial Games at maging sa Olympics balang-araw kaya’t matindi ang pag-eensayo niya sa ilalim ng batikang coach na si Dora Vass ng Hungary.

 

 

Please follow and like us:
Read More

ANAK NG PASIG GAGAWING KAMBAL

PASIG CITY-4

(Ni Mac Cabreros)

SA distrito ng PaMaMariSan (Pasig, Mandaluyong, Marikina, San Juan), tanging ang Marikina City ang may dalawang Congressional District o Kinatawan sa Mababang Kapulungan ng Kongreso.

Kinakatawan ngayon ni dating Metro Manila Development Authority at Mayor Bayani F. Fernando ang Unang Distrito para sa 18th Congress (2019-2022) na binubuo ng Barangay Barangka, Calumpang, Industrial Valley Complex, Jesus de la Peña, Malanday, San Roque, Sta. Elena, Sto. Niño at Tañong na may populasyon noong 2015 na 178,876 at naninirahan sa 9.03 metro kilometro. Si Rep. Stella Luz A. Quimbo naman ang Kumakatawan sa barangay Concepcion Uno, Concepcion Dos, Fortune, Marikina Heights, Nangka, Parang at Tumana na may populasyong 271, 866 (2015) at naninirahan sa 13.62 metro kilometro. Si dating Rep. Marcelino “Marcy” Teodoro (15th Congress/2010-2013) ang kasalukuyang Alkalde ng Lungsod ng Marikina.

Dati, iisang distrito lamang ang Marikina City bilang Unang Distrito ng lalawigan ng Rizal noong 1907 hanggang 1972. Kinatawan din ito ng Region IV-A sa Interim Batasang Pambansa noong 1978 hanggang 1984 at nakagrupo ang Pasig sa regular na Batasang Pambansa noong 1984 hanggang 1986. Nang matapos ang 1986 EDSA revolution at nabalik ang House of Representatives noong 1987, si Democlito J. Angeles ang Kinatawan ng Marikina City sa 8th Congress (1987-1992). Nagkaroon ng dalawang distrito ang Lungsod amendahan ng Republic Act No. 9364 ang RA 8223 o City charter at maaprobahan noong Disyembre 15, 2006.

Sa Pasig City, isinusulong ng Liga ng mga Barangay ang paghahati sa lungsod sa dalawang distrito.

Sa pamamagitan ni Rey de Jesus, chairman ng Barangay Caniogan, ipinaabot nito kay Rep. Roman Romulo ang sulat na humihiling para isalang sa Kongreso ang panukalang magdagdag ng isa pang Distrito sa lungsod. Ang hakbang ay kinatigan ni Barangay San Nicolas chairman Rigor Enriquez na pangulo ng Liga, gayundin ng nakararaming Barangay Chairman.

“Pasig is a huge city and a budget from only one congressman is not sufficient to fully address the needs of the constituents,” banggit ng sulat.

Pinatungkulan ng grupo na mula 755,300 na residente noong 2015, lumobo na ito sa 850,000, umaalagwa ang negosyo at umaangat ang ekonomiya sa Lungsod kaya nararapat lamang na hatiin sa dalawa ang Congressional district dito.

Dahil magdodoble ang pondong mapupunta sa lungsod, mas maraming taga-Pasig ang makikinabang sa serbisyo ng gobyerno sa pamamagitan ng mga programa at proyekto.

Para kay Rep. Romulo, pabor siya sa nabanggit na hakbang.

Aniya, matagal nang balak nito ngunit hindi lamang natutuloy dahil sa ilang aspeto o pangyayari na dapat masunod.

Batid ng mambabatas na mahabang proseso ang pagdaraanan ng panukala. Mula ito sa pagsasalang, paghihimay ng mga kongresista, deliberasyon sa komite, at pagbasa at pagtalakay at pag-aaproba ng buong Kongreso hanggang sa pagpirma ng Punong Ehekutibo ng bansa.

Ngunit, aniya, magandang behikulo para bumilis ang pagsulong ng panukala kapag nagkaroon ng pagbabago sa Konstitusyon o ChaCha.

Tulad ng Marikina City, ang Pasig ay naging kinatawan ng Unang Distrito ng Rizal noong 1907-1972. Nagkagrupo ang Marikina at Pasig sa Regular Batasang Pambansa noong 1984 hanggang 1986. Nabigyan ng sariling silya sa House of Representatives noong 1987.

Kapag natuloy ang plano, alin kaya sa mga barangay ang magiging bahagi o sakop ng bawat Distrito?

Please follow and like us:
Read More

ESTUDYANTENG MANONOOD NANG LIVE, ILIBRE–PANELO

(NI CHRISTIAN DALE)

ILIBRE o huwag nang pagbayarin ang mga estudyante na manood ng iba’t ibang games sa 2019 Southeast Asian Games.

Ito ang suhestiyon ni Presidential spokesperson Salvador Panelo upang maraming estudyante ang makapanood ng kada dalawang taong biennial meet.

Kung hindi papayag ang 30th SEA Games organizers, bigyan man lamang ang mga estudyante na gustong manood nang live sa iba’t ibang venues ng kahit 50% discount.

“Baka pwedeng yung mga estudyante  huwag na lang pagbayarin siguro, pero yung mga may sweldo naman, eh, magbayad,” ani Panelo.

Ayon pa sa Presidential spokesman, kailangan ng organizers ng SEAG ng panggastos para sa maintenance kaya okey lang na magbayad ang mga may trabaho, ngunit sana ay libre o kahit bawasan naman ng kalahati ang tiket para sa mga estudyante

Nauna nang hiniling ni Samahang Weightlifting ng Pilipinas president Monico Puentevella kay Pangulong Rodrigo Roa Duterte na kung pupwedeng wala nang bayad ang karamihan sa events sa SEA Games.

Katwiran ni Puentevella, maraming Pinoy ang gustong manood ng mga laro ngunit walang perang pambili ng ticket.

“After watching the exciting football match between our team drawing Cambodia with only half the stadium filled with cheering football Pinoy fanatics, I’m sure there were many more waiting outside who wanted to just experience the games but couldn’t come in because they couldn’t afford the tickets,” sabi ng mambabatas.

Saad pa ng dating Philippine Olympic Committee chairman, sapat naman ang bilyon-bilyong pisong nakuha ng Philippine South East Asian Games Organizing Committee (PHISGOC)  para ma-subsidize ang mga ticket at ibigay na lang sa bawat Pilipinong gustong sumuporta sa aing mga pambansang atleta.

“And since we are using billions of government funds anyway, why are we still commercializing the games? Aren’t these billions enough? How can we avail of the home court advantage in this manner?”

Sinabi pa ni Puentevella, “outside the opening and closing ceremonies and probably our national sport, basketball, it’s about time we free all the games before the official opening. I’m sure the President will approve this for the sake of the sport-loving masses.”

Isang libong piso hanggang P12,000 ang presyo ng tiket sa SEA Games opening ceremony bukas (Nobyembre 30) sa Philippine Arena, habang sa Disyembre 11 naman ang closing ceremony sa New Clark City.

Please follow and like us:
Read More

PH WOMEN VOLLEY TEAMS: DO-OR-DIE EVERY GAME

(NI ANN ENCARNACION)

NGAYONG araw magsisimula ang kampanya ng Philippine men at women’s team sa 30th Southeast Asian Games beach volleyball competition sa Subic Tennis Center.

Pangungunahan ang women pairs nina Sisi Rondina at Bernadeth Pons, at Dzi Gervacio at Floremel Rodriguez. Ang men’s team naman ay binubuo nina Edmar Bonono at Jude Garcia, at Anthony Arbasto at James Buytrago.

Sinusulat ito ay hinihintay pa ang resulta ng draw na dinaluhan ng mga coach at team managers ng mga magko-compete na teams.

“Bawat bansa ay mayroong isinaling 2 teams,” pagbabahagi ni Dzi Gervacio sa Twitter. “Sa Men’s division, dahil 8 ang teams na sumali meron silang semis at finals. Sa Women’s Division, walang semis/finals. Bawat game ay do or die.”

Huling nagwagi ng medalya ang Pilipinas sa women’s beach volley noong 2005 Manila SEA Games kung saan nanalo ng tanso ang pares nina Heidi Ilustre at Diane Pascua.

Ipagpapatuloy naman ng walang talong Malditas ang laban nito patungo sa quarterfinals sa pagsagupa sa Malaysia sa Biñan Football Stadium.

Kailangan naman manalo ng Azkals U23 kontra 2017 SEAG runner-up sa men’s football na Malaysia upang makasama sa apat na koponan na uusad sa cross-over semifinals.

Nabigo ang Azkals U23 sa huli nitong laban kontra sa Myanmar matapos na mabigong pigilan ang kalaban sa huling 11 minuto ng labanan.

Ipagpapatuloy din ng national floorball ang kampanya nito sa ikalimang araw ng kompetisyon kontra Malaysia sa men at women’s category sa U.P. College of Human Kinetics Gym.

Sa unang pagkakataon ay sasabak naman ang mga batang miyembro ng Philippine Skating Union para sa qualifying event sa Ice Skating rink sa SM Megamall.

Unang sasalang ang national skating team sa Senior Ladies – Short Program, bago susundan ng Senior Men -Short Program.

Please follow and like us:
Read More

2 EMPLEYADO NG DPWH NASA HOT WATER

PASABOG

PARANG nakasa­lang sa mainit na kawali itong dalawang kupal na empleyado ng DPWH makaraang mabulgar at madiskubre ng ilan sa mga kasamahan nito ang  kanilang modus sa loob ng opisina.

Ang estilo nitong mga walang modo na empleyado, sa halip na gampanan ang kanilang from day to day assigned task, mas pina-priority nitong mga kupal ang pangingikil sa mga kontraktor?

Ang akala ko, sorry maraming nasisira sa akala! Take note, mga reader, ang pagkakaalam ng publiko, stop na ang corruption sa loob ng DPWH! Oh my God!, patawarin mo sila sa kanilang taliwas na mga pag-iisip.

Lalong tumindi ang kurapsyon sa loob ng ahensiyang ito, ito ay ipina-aalam ng inyong abang lingkod sa mga naniniwala sa maling akala, na bago maniwala, be sure there is proof, ika nga.

Balik tayo sa dalawang kupal, ang ginagawa nitong dalawa, kapag may collection ang DPWH stakeholder, huwag na natin pala­limin, mga kontraktor, hindi uusad ang papel sa kamay nitong dalawang empleyado kung hindi magpe-personal appearance ang kontraktor or any representatives from the  company.

Kasi, anong kasi? Ganito po ‘yan, bago gawin nitong dalawa ang kanilang trabaho, kailangang ibigay muna ang padulas na tig-isang libong piso sa bawat isa sa kanila, or else hahayaang amagin sa kanilang drawer ang papeles ng kawawang kontraktor.

Secretary Villar, ano ba yan? Baka natutulog sa pansitan ang ilan sa mga nakapaligid sa ‘yo? Wake up, Wake up! Huwag patu­log-tulog, naiisahan kayo nitong dalawang kupal!

Sa next isyu, inisyal muna ng pangalan ang lalabas, kung baga sa old song, I know alam ito ng mga gaynor, hano! ‘Yun bang  Killing me softly! (PASABOG / FROILAN MORALLOS)

Please follow and like us:
Read More

MGA DAPAT BANTAYAN SA SEA GAMES

SEA GAMES-2

Kilala na ng karamihan sa mga sports fans ang mga tulad nina weightlifter Hidilyn Diaz, gymnast Carlos Yulo, boxing champion Nesthy Petecio at syempre ang buong Gilas Pilipinas team na maglalaro sa paparating na Southeast Asian Games.

Hindi lang dahil sa kanilang international success ang dahilan kung bakit nakilala ang mga pangalang nabanggit kungdi dahil na din sa tuloy-tuloy na exposure na nakukuha ng mga ito sa media.

Sa 30th SEA Games na sisimulan bukas, inaasahan na mas maraming atleta ang mabibigyan ng magandang exposure at makilala ang kanilang mga sports na karamihan ay hindi pa pamilyar ang mga pinoy.

Bukod sa lahat ng mga major media entities ng print, online at broadcast, Malaki din ang magiging  kontribusyon ng social media para magkaroon ng awareness ang mga tao sa laro ng mga pambansang atleta ng Pilipinas.

Sa matagal na panahon, dinomina ng basketball, boxing, billiards at volleyball ang sports pages at maging mga broadcast shows na halos matabunan na ang ibang sports.

oOo

Nakatakdang ng ng malaking ingay sa SEA Games si Fil-Am karateka Joane Orbon na dating world-rated sa kaniyang dibisyon.

Ipinanganak si Orbon sa San Jose, California habang ang mga magulang nito ay tubong Ilocos Sur at Bicol na nag-migrate sa United States.

Ang 25-year-old na si Orbon ay 10-time US Open champion bukod pa sa pagiging three-time gold medal winner ng Pan-American Games.

Pinakamataas na ratings ni Orbon sa world rankings at number six sa -61kg ngunit unti-unti itong bumaba dahil sa mga natamong injuries at inactivity.

Nagkaroon ng ilang delays sa activity si Orbon dahil sa trinabaho nito ang mga papeles para maging official member ito ng Philippine national team.

Sa tulong ni Karate Pilipinas Sports Foundation, Inc. (KPSFI) president Richard Lim, pormal na nakuha ng Pilipinas ang recognition ni Orbon bilang official member ng Team Pilipinas buhat sa International federation ng nasabing sport, ang World Karate Federation.

Bukod sa SEA Games, inaasahan din ang pagsabak ni Orbon sa mga Olypic qualifiers sa susunod na taon sa asam na makalaro sa 2020 Tokyo Olympic Games.

oOO

Si skateboarder Jaime De Lange ang nakikita naman na magiging mukha ng kanilang sport matapos ang Southeast Asian Games.

Downhill Skateboarding ang event ni De Lange kung saan ang pagkarera pababa ng kabundukan sakay ang isang mas malapad na skateboarding ang sport ng Muntinlupa-born athlete.

Si De Lange ang maituturing na top skateboarder ng Southeast Asia dahil sa pagiging beterano nito sa mga international events.

Batak din ang 23-year-old na si De Lange sa numerous World Cup qualifiers na ilang beses na din na ginanap sa Pilipinas.

Bukod kay De Lange, gagawa din ng pangalan sa kani-kanilang sports sina Cebuano Andrew “Kim” Remolino ng Triathlon, Wakeboarder Mikee Teh Selga ng Davao at Leyteno Michael Comaling ng Modern Pentathlon.

Please follow and like us:
Read More

PATUNAYAN NI MAGALONG NA MALINIS ANG PULIS-BAGUIO

BAKBAKAN NATIN

POKUS na uli si Mayor Benjamin Magalong sa Lungsod ng Baguio matapos ang kanyang natatanging papel sa imbestigasyon ng Senate Blue Ribbon Committee hinggil sa pagkakasangkot ng ilang pulis sa ilegal na droga, partikular sa panahon ng pagiging direktor noon ni Gene­ral Oscar Albayalde sa Pampanga noong 2013.

Kahit bagitong alkalde, maraming plano si Magalong sa Baguio upang maresolba ang problema sa napakatin­ding trapik, basura at mga punong ipinapuputol ng mga negosyante.

Pero ang mabigat na kagyat na hamon kay Magalong ay ang katiyakang walang pulis na sangkot sa ilegal na droga at sugal.

Kahit malayo ang Baguio, may problema rin ang lungsod na ito sa ile­gal na droga at sugal.

Siyempre, dapat kumikilos ang puwersa ng Philippine National Police (PNP) na nakatalaga sa Baguio laban sa ilegalidad na ito.

Ngunit hindi maiiwasan bilang alkalde na maglalabas din siya ng direktiba sa PNP ng lungsod hinggil sa kaayusan at katahimikan ng lungsod, lalo pa’t dinarayo ng ma­raming turista ang Baguio.

Inaasahan ding maghihigpit si Magalong sa lokal na pulisya upang matiyak na walang sangkot sa kanila sa katiwalian.

Kahit saang lugar sa bansa, kabilang na ang Baguio City,  sa ilegal na droga at ilegal na sugal madalas masangkot ang mga pulis, lalo na iyong mga takam na takam sa pera.

Sa tingin ko na ay kailangang tiyakin at patunayan ni Mayor Magalong na walang kahit isang pulis ng lungsod ang dapat masangkot sa katiwaliang ito.

Kailangan niyang tiyaking malinis ang pulis sa Baguio, sapagkat dahil sa operasyong “agaw-bato” (pagbabawas ng malaking halaga ng shabu sa nakumpiskang shabu mula sa drug lord) na ginawa ng sinasabing “13 ninja cops” kaya nalaglag si Albayalde sa kanyang pagiging PNP chief.

Dapat ding tiyakin ni Mayor Magalong na wala sa mga pulis ni Col. Allan Rae Co na patong o tumatanggap ng lingguhang tara mula sa mga gambling lord sa Baguio upang bigyan ng proteksyon ang ilegal na pasu­galan na naglipana sa Baguio.

Sa totoo lang, kung mayroong lingguhang tara ang mga pulis mula sa gambling lords, siguradong tiba-tiba sa “protection money” na natatanggap ang mga pulis mula sa mga gambling lord.

Sa Baguio po ay talamak ang drop ball at color games.

Nangunguna sina alyas “Patrick,” alyas “Tuy-oy,” alyas “Buda,” alyas “Jimmy,” alyas “Edna,” alyas “Bobby” at alyas “Jasmin”.

Ayon sa source, ang pa-drop ball ni Patrick ay matatagpuan sa Brgy. Legarda at Brgy. Bokaokan na mistulang “mini-casino”.

Permanente o puwesto pijo ang mini-casino ni alyas Patrick, ayon sa source.

Pokaragat na ‘yan!

Ang drop ball ni alyas Tuy-oy ay makikita sa Dangwa/Mallcom Plaza.

Iyong ilegal na pasu­galan ni alyas Buda ay lantaran sa Slaughter.

Sa Magsaysay nakapuwesto ang pa-drop ball ni alyas Jimmy.

Hindi rin pahuhuli ang ilegal na pasugalan nina alyas Edna, alyas Bobby at alyas Jasmin.

Ang puwesto ni alyas Edna ay sa likuran ng Andoks.

Sa Hill-Top at Magsasay nakapuwesto ang pa-drop ball nina alyas Bobby at alyas Jasmin.

Ibinunyag din ng source na sa Salughter din makikita ang pasugalan ni alyas “Marilyn”.

Si alyas “Josie” ay mayroong puwesto rin sa Magsaysay.

Ang matindi sa ile­gal na pasugalan ay ang Baguio na pinapabayaan lang ni Col. Co, gayong lantarang tumataya ang mga minor de edad dito.

Tambayan din ng mga adik ang karamihan sa mga pasugalang ito.

Madalas ding nagaganap sa mini-casino ni alyas Patrick ang bilihan ng shabu.

Ang bagong impormasyong nakarating sa akin ay protektado ang lahat ng ilegal na pasugalan sa Baguio City ng mga korap na pulis.

Kapag binibigyan ng proteksyon ng mga korap na pulis ang mga taong ilegal ang negosyo ay pihadong hindi mawawala ang sugal sa Baguio.

Sino man ang mga korap na tauhan ni Col. Co ay siguradong nakahihiya sa PNP ang mga ito.

Ang masama, bahagi ng perang ibinubuhay ng mga korap na pulis na ito sa kanilang mga pamilya ay galing sa “protection money” na ibinibigay kada linggo ng mga gambling lord sa kanila.

Dapat kumilos si Mayor Benjamin Magalong laban sa talamak na ilegal na pasugalan sa nasabing lungsod.

Utusan ni Magalong si Col. Co na ipatigil ang lahat ng ile­gal na pasugalan sa lahat ng kalsada at sulok ng Baguio City.

oOo

Alam ko na kayong mga mambabasa ay higit na maraming nalalaman kaysa inyong lingod.

Kaya, tawag o magtext na sa: 0998 – 565 – 0271. (BAKBAKAN NATIN / NELSON BADILLA)

Please follow and like us:
Read More