63-ANYOS NA LOLANG SASAMBA, UTAS TRAK

north cotabato 12

(NI BONG PAULO)

DEAD on arrival sa ospital ang isang senior citizen matapos mabangga ng pickup truck sa harap ng simbahan ng Iglesia Ni Cristo, sa Barangay Baguer, Libungan, North Cotabato.

Kinilala ang biktima na si Luzviminda Norilla Galvez, 63, balo, ng Sitio Baleleng ng naturang barangay.

Habang kinilala naman ang driver ng pick-up truck na nakabangga sa biktima na si Jhon Leo Tobias Reoma, 26, ng Barangay Presbitero, Pigcawayan.

Sa ulat ng Libungan PNP, patawid sana ang biktima para magsimba nang biglang mahagip ng humaharurot na Mitsubishi Strada na minamaneho ng suspek nasi Reoma pasado alas-7:00 ng umaga ng Linggo.

Tumilapon ang biktima at nagtamo ng mga bali sa iba’t ibang parte ng katawan.

Kaagad na isinugod sa pagamutan si Galvez ngunit idineklara itong dead on arrival.

Kalaboso na ngayon ang suspek at mahaharap sa kasong isasampa laban sa kanya.

 

Please follow and like us:
Read More

BAKBAKANG BIFF, MILITAR: 3 UTAS, 5 SUGATAN SA MAGUINDANAO

maguindanao map12

(NI BONG PAULO)

TATLO katao ang napatay kabilang na ang isang sundalo at dalawang mga rebeldeng Moro na pinaniniwalaang kaalyansa sa mga ISIS habang limang iba pa ang sugatan nang magkabakbakan ang mga sundalo at Bangsamoro Islamic Freedom Fighters (BIFF) sa sapa na sakop ng Barangay Tukanalipao, Mamasapano, Maguindanao, Linggo ng umaga.

Kinilala ang nasawing sundalo na si Sgt. Randy Alivar habang ang mga sugatan naman ay sina Privates First Class Ruel Sumilhig at Allan James Cabildo, lahat ay mga kasapi ng 33rd Infantry Battalion.

Dalawang mga BIFF ang nasawi habang tatlo naman ang sugatan na hindi pa nakilala.

Sa ulat ni Major Arvin John Encinas, tagapagsalita ng Western Mindanao Command, nagsimula ang bakbakan alas-9:00 ng umaga nang makasagupa ng mga sundalo mula sa 33rd Infantry Battalion ang mga pangkat ng BIFF habang nagsasagawa ng foot patrol sa nasabing lugar.

Ayon kay Encinas, ang mga BIFF ay posible umanong sa ilalim ng paksiyon ni Abu Torayfe na nakasagupa ng mga sundalo sa isang ilog.

Please follow and like us:
Read More

KONTRABANDO WINASAK SA BILIBID

(NI LYSSA VILLAROMAN)

WINASAK ang iba’t ibang uri ng kontrabando na nakumpiska sa mga selda ng mga preso sa loob ng New Bilibid Prison (NBP) sa pamamagitan ng pagsagasa ng pison sa mga ito, Lunes ng umaga sa Muntinlupa City.

Pinangunahan ni Bureau of Correction (BuCor) Director General Gerald Bantag ang pagsira sa mga kontrabando makaraang masuhin ang mga laptop at iba pang nakumpiskang mga cellphone na ginagamit sa iligal na transaksyon ng droga sa loob ng NBP.

Kabilang sa mga sandamakmak na electronic gadgets na winasak sa labas ng NBP matapos ang flag raising ceremony ang iba’t ibang uri ng cellphone, laptops, powerbank chargers, portable WiFi at mga improvised na patalim.

Sinabi ni Bantag na kusa namang isinuko ng mga inmates ang kanilang mga itinagong kontrabando makaraan ang sunud-sunod na pagsasagawa ng clearing operations sa loob ng maximum security compound sa NBP.

Dagdag pa ng BuCor chief na nagsunog din ang mga tauhan ng BuCor ng iba’t-ibang klaseng tabako na umabot sa isang malaking drum.

Napag-alaman din na may nag-aalok sa mga NBP prison guards ng P150,000 kapalit ng isang cellphone at ng hindi pumayag ang naturang gwardiya ay itinaas pa ito sa halagang P200,000.

Ayon naman sa intelligence report ng NBP, may banta umano sa buhay ni  Bantag na sinang-ayunan naman ng naturang hepe ng BuCor.

Ani Bantag, hindi siya nababahala sa mga banta na kanyang natatanggap at kanya pang pag-iibayuhin ang kanyang sinimulan na trabaho upang mapigil ang korapsiyon sa loob ng NBP.

Kasabay nito, nangako pa si Bantag na kanyang pahahabain ang kanyang balbas hanggang sa panahon na maging maayos na ang sitwasyon at matapos na ang problema sa loob ng NBP.

Please follow and like us:
Read More

BULLY BINOGA, KRITIKAL 

crime22

(NI JG TUMBADO)

AGAW-buhay ngayon sa ospital ang isang lalaking nam-bully  matapos barilin sa Cebu City, Linggo ng gabi.

Dinakip ng pulisya ang biktima ng ‘bullying’ na si Rolando Toradio, 37, habang nakilala naman ang binaril nito na si Amador Santing, 47, na nasa Intensive Care Unit (ICU) bunsod ng isang tama ng bala ng baril sa kanyang ulo.

Inamin naman ni Toradio ang ginawa nitong pamamaril kay Santing.

Paliwanag ng suspek sa pulisya, matagal na umano siyang kinukutya ni Santing na palaging sambit nito sa kanya ay “baliw” kapag nagkikita umano sila sa kalsada sabay tingin sa kanya ng masama.

Napag-alaman sa imbestigasyon ng pulisya, nakainom umano si Toradio nang matiyempuhan muli ng bully na si Santing kung saan ay dala na ng suspek ang baril nito at sadyang nagpakita sa huli.

Narekober ng mga awtoridad ang .38 revolver na baril na ginamit sa pamamaril sa biktima habang nahaharap sa kaso sa paglabag ni Toradio sa ilalim ng RA 10591 o ang comprehensive Firearms and Ammunition Regulation Act at frustrated murder.

Please follow and like us:
Read More

GAMBLING LORD, UTAK SA BROADCASTER AMBUSH SLAY

(NI JG TUMBADO)

ISANG aktibong pulis ang itinuturong gunman sa pagpaslang kay local radio broadcaster na si Dindo Generoso sa Dumaguete City, Negros Oriental.

Kasabay nito ay tinukoy na rin ng pulisya ang isang gambling lord na siyang itinuturong mastermind sa krimen.

Ayon kay Police Brig. General Valeriano De Leon, Police Regional Office Director sa Central Visayas, kinilala nito ang gunman na si Police Cpl. Roger Rubio na nakatalaga sa 2nd Provincial Mobile Force Company (2nd PMFC).

Sinabi ni De Leon na posible pa umanong nasa Negros area lang si Rubio at hindi pa nakalalayo nang tuluyan.

Bukod kay Rubio, isang gambling lord naman na pinangalanang Tomacino Aledro ang sinasabing mastermind sa paglikida kay Generoso na ngayon ay nakalabas na ng bansa at nagtatago sa Estados Unidos.

Nitong nakaraang linggo ay nauna nang nadakip ang mga kasabwat ni Rubio na sina Teddy Reyes at Glenn Corsame, batay na rin sa kuha ng CCTV footage at ilang mga saksi sa krimen.

Nakikipag-ugnayan na ang Negros police sa Bureau of Immigration at maging sa International Police (Interpol) upang mahabol at madakip ng tuluyan si Aledro.

 

Please follow and like us:
Read More

P5-M KOTONG SA BIDDER; 3 PULIS SIBAK

(NI JG TUMBADO)

SISIBAKIN na sa serbisyo anumang araw ang tatlong pulis na umanoy magkakasabwat na nangotong sa isang bidder ng 3,000 unit ng body cameras ng Philippine National Police (PNP).

Ito ang ipinahayag ni PNP Officer-in-charge Lt. General Archie Gamboa sa regular na pagpupulong balitaan sa Camp Crame, nitong Lunes.

Kinilala ni Gamboa ang tatlong police officials na pawang mga may ranggong Major na sina Emerson Sales, Rholly Caraggayan, at Angel Beros na miyembro ng Bids and Awards Committee Technical Working Group.

Ayon kay Gamboa, sina Sales at Caraggayan ay nag-AWOL na o absent without leave, habang si Beros naman ay aktibo pa sa serbisyo.

Matatandaang noong 2017, nanawagan ang publiko na dapat magkaroon ng body cameras ang mga pulis kapag sumabak sa anti-illegal drugs operations.

Inilabas ang P334 milyong pondo noong 2018 pero naantala ang pagbili ng body cameras dahil hanggang ngayong patapos na ang 2019 ay nasa bidding process pa rin ang programa.

Sinabi ni Gamboa na ngayong 2019 ay nadiskubre ng pamunuan ng pambansang pulisya ang umano’y extortion kung saan aabot sa P5 milyon ang nakulimbat ng tatlong pulis mula sa isang pribadong kompanya.

Nabulgar lamang ang anomalya nang magsumbong na ang bidder sa kabila ng lahat ng naibigay nitong ‘pampadulas’ sa tatlong pulis ay na-disqualify pa rin ito sa post-evaluation process.

Sa kasalukuyan ay sibak na sa kani-kanilang posisyon ang tatlo habang isinasailalim sa imbestigasyon ng Internal Affairs Service ng PNP.

Please follow and like us:
Read More

TRICYCLE NAHULOG SA SAPA; 1 PATAY, 4 SUGATAN

accident12

(NI KEVIN COLLANTES)

PATAY ang isang babae habang sugatan naman ang kanyang apat na kaanak nang mawalan ng preno at mahulog sa isang creek ang kanilang sinasakyang tricycle sa Antipolo City nitong Linggo.

Binawian ng buhay habang nilalapatan ng lunas sa pagamutan ang biktimang si Bernadette Candelaria, 28, habang sugatan at ginagamot na rin ang mag-amang sina Anthony Candelaria, Jr., 1; at Anthony Candelaria, 38; pawang residente ng Sunta Ville, Barangay San Isidro, gayundin sina Ana Candelaria, 31; at Yousef Alotaibi, 43, na kapwa naman taga-Barangay Cupang, Antipolo City.

Batay sa ulat ng Antipolo City Police Station, alas-3:45 ng hapon nang maganap ang aksidente sa Upehco Road, sa Barangay San Luis.

Sakay umano ng isang pulang Kawasaki tricycle, na may plakang QW 3982 ang mga biktima na minamaneho ng isang hindi pa kilalang driver nang habang binabaybay ang Upheco Road ay bigla na lang nawalan ng preno ang sasakyan.

Tuluyang nahulog sa creek ang tricycle na nagresulta sa pagkasira nito at pagkasugat ng mga pasahero na kaagad na isinugod sa pagamutan ngunit namatay rin si Bernadette.

Samantala, matapos ang insidente ay mabilis namang tumakas ang driver ng tricycle na tinutugis na ngayon ng mga awtoridad upang papanagutin sa insidente.

 

Please follow and like us:
Read More

SARAH SOBRANG PROUD, HAPPY KAY MATTEO

SA tsika-tsika  sa  shoot  ng  ABS-CBN Christmas Station ID 2019, naibahagi ni  Popstar Princess ang sobrang pagka-thankful niya na  parte pa rin siya  ng  Kapamilya network.

“Of course, very thankful at masarap sa pakiramdam na bahagi pa rin po tayo ng Kapamilya network. Thankful” say ni Sarah.

Sobrang pasalamat din ang 31-year-old singer na bida sa pelikulang  Unforgettable,  na naging  comeback niya sa  big screen.

“‘Yung good reviews lang po panalong-panalo na po kami. Masayang-masaya na po ako. So maraming salamat po sa lahat ng naka-appreciate at nakanood,” ani pa niya.

Sa pag-amin na ang critically-acclaimed film ay espesyal sa puso niya dahil siya’y isang  dog lover, ikinuwento niya kung bakit malapit ito sa knyang puso.

“Malapit na malapit. Marami po. Priceless eh. Kahit na medyo napapagod ka ‘pag naglilinis ka ‘pag nag-poop sila. Pero ansarap po ng ginagawa kasi mahal na mahal mo sila at mahal na mahal ka din nila,” dagdag pa niya.

Kahit si Sarah Geronimo ay mum tungkol sa kanyang  engagement, aba’y naglalaan din siya ng panahon para pasalamatan ang lahat na nagpadala  ng mainit na congratulatory messages.

“Thank you so much. Maraming salamat po,” saad niya.

“Basta masaya ang ibang tao,” say ng isang  Sarah Geronimo. Dumugtong siya ng:

“Opo naman. Sobra.”

Noong  November 10 episode ng   ASAP,  proud niyang isinuot ang engagement ring  niya sa  show.

Kailan lang ,  ang kapatid ni Matteo ay ni- reveal na ang kapatid niya ay sobrang isang taon ng engaged sa  coach ng The Voice PH.

Wala pang naikuwento na detalye sina Matteo at Sarah tungkol sa magiging kasal nila sa 2020.

OSCARS DERBY, A BLOODBATH

The Oscar 2020 Best Actor category is going to be an absolute bloodbath:

Predicted Winner: Adam Driver (Marriage Story)

Expected Winner: Joaquin Phoenix (Joker)

Darkhorse: Eddie Murphy (Dolemite is my Name)

Longshot:  Jonathan Pryce (Two Popes)

A Shot in the Dark: Robert De Niro (The Irishman)

Expected to Get a Nomination: Adam Sandler (Uncut Gems)

Anything is Possible: Robert Pattinson (The Lighthouse)

Why Not: Roman Griffin Davis (Jojo Rabbit)

 

Please follow and like us:
Read More

BADING BUMIGAY SA PROBLEMA, NAG-SUICIDE 

(NI ANNIE PINEDA)

TINAPOS ng isang bading ang sariling buhay sa pamamagitan ng pagbigti bilang solusyon sa matinding problemang iniinda nito, sa Guimaras.

Kinilala lamang ang biktima sa alyas na ‘Ash’, 32, ng Buenavista , Guimaras.

Batay sa imbestigasyon ng Buenavista PNP, umaga ng Linggo, nang matagpuan ang katawan ng biktima na nakabitin sa loob ng kanilang bahay gamit ang lubid.

Nabatid, bago ang insidente, nag-text pa ang biktima sa kanyang pamangkin na gusto na niyang magpahinga dahil sa mga problema.

Wala naman nakikitang foul play ang pamilya ng biktima sa insidente.

Please follow and like us:
Read More

KAGAWAD PATAY SA KARAMBOLA NG 4 SASAKYAN

accidentsign1

(NI JESSE KABEL)

DEAD on arrival sa pagamutan  ang isang barangay kagawad nang masangkot sa karambola ng apat na sasakyan sa Barangay Tambo, bayan ng Pamplona, Camarines Norte .

Kinilala ang biktima na si Raymundo Constantino, 52.

Sa imbestigasyon, nagpaalam ang biktima sa kanyang asawa  na may may bibilhin lamang sana sa bayan nang maganap ang sakuna.

Ayon sa pulisya, kinain ng van na minamaneho ng German national na kinilalang si  Volker Michael ang linya ng kasalubong na sasakyan, na tumama sa nakaparadang tricycle at motorsiklo ni Constantino.

Ayon kay Police Senior Master Sergeant Rolando Notado, may hawak ng kaso, nabangga ng driver ng southbound na Toyota Hi-Ace van ang Isuzu DMax sa kabilang direksiyon.

Nabangga rin ang  tricycle na nakaparada habang tinamaan pa ang isang motorsiklo.

Hindi na umabot nang buhay sa ospital ang biktima Posible umanong nakaidlip ang driver ng van  kaya nangyari ang insidente.

“Sabi nu’ng asawa niya nabigla na lang daw at nakita niya na nabangga na. Siguro naka-idlip siya, seconds lang nakaidlip siya. Dahil matulin nabangga niya ‘yung isang sasakyan. Pumasok siya sa kabilang linya,” dagdag ni Notado.

Sinampahan na ng kasong reckless imprudence resulting in homicide and damage to properties si Michael.

Please follow and like us:
Read More

ISKO DISMAYADO; VENDORS SA YLAYA, BAWAL NA

(NI DAHLIA S. ANIN)

LABIS na nadismaya si Manila Mayor Isko Moreno sa surprise inspection na kanyang ginawa sa kalsada ng Ylaya sa Binondo, Maynila, kung saan tumambad ang tambak na basura.

“Kayo ba’y hindi nahihiya? Hindi ba kayo nahihiya nya’n? O talagang baboy lang kayo sa bahay?,” tanong ni Isko sa mga tindero sa kanyang pag-iinspeksyon.

Wala umanong kusa ang vendors na patuloy sa pag-iiwan ng mga basura sa lugar. Kooperasyon lamang umano ang kanyang hinihingi sa mga ito na ito nang payagan niyang makapagtinda basta susunod sa mga patakaran tulad ng paglilinis sa kanilang kapaligiran.

Agad niyang ipinagbawal ang pagtitinda sa nasabing lugar.

Ani Isko, kung patuloy lang ang pagkalalat ng mga vendor ay tumigil na lamang sila sa pagtitinda.

Lahat ng basura sa umaga at gabi ay nagsasama kaya naman nagiging bundok ng basura ang hinahakot araw-araw sa Divisoria.

Una nang pinaalis ni Isko ang mga vendor sa Recto Avenue at Juan Luna St. at inilipat ang mga ito sa Carmen Planas, Ylaya, Zamora at Santo Cristo St.

Mula ng umupo bilang mayor ay pinangarap ni Isko na isulong ang kalinisan at disiplina sa lungsod, kaya inalis ang lahat ng obstruction sa mga pangunahing kalsada sa Maynila.

Please follow and like us:
Read More

LALAKI TINAGPAS NG BESTFRIEND

(NI ANNIEL PINEDA)

HINDI inakala ng isang lalaki na ang mismong matalik pa nitong kaibigan ang maglalagay sa kanya sa bingit ng kamatayan, matapos pagtatagain habang nag-inuman nang hindi magkaunawaan, sa lalawigan ng Capiz.

Kinilala ang bikitmang si Marlon Frio, 40, ng Barangay Duran, habang nadakip naman ang suspek na kinilalang si Noel Fabuna, 56, ng Bgy. Sto. Angel, Dumalag, Capiz.

Batay sa report ng Dumalag Police Station, naganap ang insidente sa Barangay San Miguel, Dumalag, Capiz, habang nag-iinuman ang magkakaibigan .

Subalit, makalipas ang ilang oras, nagkaroon ng hindi pagkakaunawan ang dalawa na nauwi sa pagtatalo, kaya kumuha ng itak ang suspek at pinagtataga ang biktima sa ulo at iba’t ibang parte ng katawan.

Kaagad naman dinala sa ospital ang biktima para lapatan ng lunas at patuloy na inoobserbahan.

Nadakip naman ang suspek ng mga rumespondeng awtoridad at nahaharap sa kasong frustrated murder.

 

Please follow and like us:
Read More

9 MANGINGISDA NAWAWALA SA DAGAT

OCCIDENTAL MINDORO1

(NI JESSE KABEL)

PATULOY na pinaghahanap  ngayon ang siyam na mangingisda na pumalaot sa nag-aalimpuyong dagat bunsod ng typhoon Quiel sa  Mindoro Island sakay ng dalawang fishing boat makaraang hindi makadaong mula noong Sabado.

Sa report na ipinarating sa local Office of Civil Defense , inabot ng malalaking  alon ang dalawang fishing vessel sa bahagi ng Mindoro Strait ang dalawang fishing boats makaraang pumalaot noong Nov, 4 at Nov. 5.

Araw ng Sabado dapat ay nakabalik na sa Mamburao ang mga bangka pero bigo silang makadaong.

Ayon sa pamilya ng mga  nawawala walang tigil nilang tinatawagan ang mga mangingisda subalit hindi sila ma-contact.

Patuloy din ang ginagawang pakikipag ugnayan  sa Philippine Coast Guard (PCG)  upang makapagsagawa ng search and rescue operations sa mga nawawalang F/B Marx Man At F/B  Ariana-Je, na naglalayag sa Mindoro Strait, ayon sa impormasyong ibinahagi ni  Bernard Mayo, secretary ng Tuna Fisherfolk Association.

Nabigo umano makauwi ang grupo isang araw matapos manalasa ang may limang metrong alon na sumira sa may 90 kabahayan at mga bangka sa kalapit na bayan ng  Paluan.

“Wala pa kaming contact… Sana maging ligtas pa sila hanggang ngayon dahil kawawa naman iyong mga nag-aalala sa kanila,” ani Mayo.

Please follow and like us:
Read More

COED NATULOG NANG LASING, ‘DI NA NAGISING

crime43

(NI ANNIE PINEDA)

HINDI na nagising pa ang isang college student mula sa himbing nitong pagkakatulog matapos makipag-inuman sa harap ng kanyang boarding house, iniulat kaninang umaga sa Cagayan de Oro City.

Kinilala ang biktimang si Jomel Enot Sebuya, 27,  estudyante sa Caraga State University, at taga Purok-1, Barangay Charito, Bayugan City Agusan Del Sur.

Batay sa report ng Butuan City Police Station-4, dakong alas 12:-00 ng tanghali nang madiskubre ang bangkay ng biktima sa loob ng boarding house nito sa Purok-6, Barangay Ampayon,  Butuan City.

Lumabas sa pagsisiyasat ng pulisya, dakong alas 4:00 ng hapon nakikipag-inuman pa ang biktima sa mga kaibigan sa harap ng kanilang boarding house at pagsapit ng alas 8 ng gabi ay pumasok na ito sa kanyang silid saka natulog.

Kuwento ni Jomari Sanchez, 24, binata, kasama ng biktima sa boarding house, nagtaka na lamang sila at tanghali na ay hindi pa lumalabas sa kanyang kuwarto si Sebuya.

Dito, kanilang binuksan ang silid para tingnan kung natutulog pa ito at bumulaga sa kanilang harapan ang wala nang buhay na biktima.

Tumanggi naman ang ama ng biktima na si Joey Sebuya, na isailalim sa otopsiya ang bangkay ng anak dahil naniniwala itong sinumpong sa kanyang sakit ang biktima na naging dahilan ng kamatayan nito.

 

Please follow and like us:
Read More

SHABU SA HELMET: ANGKAS DRIVER, BABAE ARESTADO

NASA 20 sachet ng hinihinalang shabu ang nakuha sa driver ng Angkas at pasahero nito sa Cubao, Quezon City, Linggo ng gabi.

Gayunman, itinanggi ng driver ang akusasyon at sinabing isinabay lang niya ang babae at pagbaba nito ay nagulat na lamang siya na puno na ng shabu ang helmet.

Giit naman ng babaeng pasahero, ibinugaw siya ng kanyang kaibigan para kitain ang driver.

Nagtalik umano sila, pero sa halip na pera ay shabu ang ipinambayad sa kanya.

Magkaiba man ang pagkakasalaysay nila sa umano’y nangyari, parehas silang makukulong. Sa buy-bust na isinagawa, nabilhan ng droga ang babae matapos nitong kumuha ng supply sa lalaki. Bukod sa helmet, may nakuha ring shabu sa bra ng babaeng suspek.

Parehong nasa watch list ang mga suspek, ayon kay Police Captain Ramon Aquiatan, hepe ng Cubao Police Station. Ang babaeng suspek ay una nang sumuko habang ang lalaki naman ay kalalaya lamang noong 2018.

Please follow and like us:
Read More

KAMANDAG NG LAWAY

rabies-2

Walang dapat maulol, walang kailangang mamatay

(Ni Guillermo Octavio)

NOONG Hulyo, nalat­hata sa Diaryo Bomba na isang lalaki ang nagbigti gamit ang mga pinunit na damit para wakasan na ang kanyang paghihirap matapos makagat ng aso sa Davao City.

Sinabi ng nurse sa  ospital kung saan nilapatan ng lunas ang lalaki, madalas ay nagwawala ito at naging bayolente, isa sa mga senyales ng late stage ng rabies encephalitis o mas kilala sa Pilipinas bilang simpleng rabies, isang malalang sakit na nakukuha mula sa kagat ng aso at iba pang hayop.

Sinadya ng PeryodikoFi­lipino Inc. na hindi babanggitin ang pangalan ng lalaki para iwasang muli ang pamimighati ng kanyang mga maiwang mahal sa buhay. Ang lalaking ito, katulad ng marami ay hindi dapat namatay, nahihirapan, at lalo na nauulol, kung sapat at wasto lamang ang kaalaman.

Ano ang rabies?

Ang rabies ay isang viral disease na kumakalat sa pamamagitan ng mga apektadong hayop.  Maaari itong maisalin sa pamamagitang ng kagat, kalmot o pagkalapit sa may impeksyong laway ng mga apektadong hayop.

Kagat ng aso ang pangunahing pinanggagalingan ng rabies.  Apatnapung  porsyento ng mga tinatamaan nito ay mga batang 14-taong-gulang pababa at tinatayang nasa 250 hanggang 300 Pinoy ang namamatay dito kada taon.

Maiiwasan sana ito, gaya ng naunang nabanggit, kung sapat, at wasto ang kaalaman, sapagkat ang maling impormasyon, kung minsan, ang siyang nakakaulol.

Maling pang-unawa sa rabies

Sa mga gustong mang-bash, hindi na kailangang sumunod pa ang “akala” sa katagang “mali” dahil wala pa namang akala sa kasaysayan ng sangsinukob na napatuna­yang tama.

Kabilang sa mga maling paniniwala sa rabies ay lahat ng aso’t pusa ay isinisilang na may rabies.  Ang mga hayop ay isinisilang na malusog at walang sakit at nahahawa lamang sa mga hayop na mayroon nang rabies.  Marami ring naniniwala na mas mabagsik ang rabies ng mga tuta at ku­ting.  Mali rin ito sapagkat mabagsik ang rabies, tuta man o malaking aso, kuting man o pusang pwede nang maki­paglampungatan.

May mga naniniwala na sa kagat lamang ng hayop maaaring maisalin ang rabies, at ito ay mali rin.  Maaa­ring maisalin ang rabies sa pamamagitan ng kalmot, at ang nakasanayan ng ating mga ninuno na pagpapadila sa ha­yop ng sugat.  Tandaan na nasa laway ng may sakit na hayop ang rabies.

Bukod dito maraming Pilipino pa rin ang sumasampalataya sa “tandok,” o “tambal” o pag-aaalis ng rabies gamit ang sungay ng hayop, at iba pang alternatibong pang­gagamot gaya ng paggamit batong buhay o paglalagay ng bawang sa kagat ng hayop para maiwasan ang rabies.  Paumanhin sa mga naniniwala, ngunit walang sapat na paliwanag ang mga pamamaraang ito batay sa agham, at tanging post-exposure prophylaxis lamang maiiwasan ang rabies makaraang makagat.

Mga dapat tandaan

Ang dapat itanim ng mga mamamayan sa kanilang kukote ay 100% silang matotodas kapag sila ay nagkaroon na ng rabies, sapagkat sa sandaling lumitaw na ang mga senyales nito ay wala na itong lunas.

Kung 100% porsyento mang tiyak ang kamatayan kapag nagka-rabies,  100 % din namang maaaring maiwasan ang rabies sa mga hayop at tao.

Dapat na pabakunahan ang mga alagang hayop. Aso at pusa,  laban sa rabies pag-edad ng tatlong buwan at kada taon matapos ito.  Dapat ding pakaininin ng wasto ang mga alaga, bigyan ng sapat na kalinga at atensyon.

Bukod dito dapat na malinis at komportable ang kulungan o anumang pinananatilihan ng mga alaga at nararapat na tiyaking hindi sila nakagala sa mga kalsada upang maiwasang makapangagat.

Mga dapat gawin sanda­ling makagat ng hayop

Sa sandaling makagat ng hayop, dapat hugasan ang sugat gamit ang sabon sa dumadaloy na tubig sa loob ng 15 minuto,  Linisin din ang sugat gamit ang 70% alcohol o tincture of iodine.

Para makatiyak, dapat na sumangguni sa doktor o sumangguni sa pinakamalapit na Animal Bite Treatment Center.

Dapat na itali o ikulong ang nakakagat na hayop at obserbahan sa loob ng 10 hanggang 14 na araw. Huwag patayin ang aso.

Kung kusang mamatay ang aso sa loob ng nasabing panahon, humingi ng tulong sa beterinaryo para sa pagpapasa ng specimen para sa rabies testing.

Mga kaparusahan sa pabaya sa alaga

Nakasaad sa Republic Act  9482 0 Anti-Rabies Act of 2007 na ang mga may alagang hayop na ayaw itali ang kanilang aso kapag nasa labas ng kanilang tahanan ay dapat pagmultahin ng P500 kada insidente.

Yaon namang nabigo o ayaw na iparehistro at pabakunahan laban sa rabies ang kanilang mga alaga ay may multang P2,000.  Bukod dito, kapag nakakakagat ang hayop na ayaw pabakunahan, obligado ang amo nito na pabakunahan ang kanyang alaga at ang makakakagat nito.

P10,000 naman ang multa kapag ayaw paobserbahan ng may-ari ang kanyang alagang aso kapag ito ay nakakagat, at P25,000 naman kapag ayaw nang paobserbahan ang alagang nakakagat ay tumanggi pang sagutin ang gastos sa pagpapagamot ng nakagat.

Nawaý  may napulot kayo sa pitak na ito.  Tandaan, walang dapat maulol, walang kailangang mamatay  sa rabies.

Please follow and like us:
Read More

PVL OPEN CONFERENCE SWEEP: CREAMLINE KAMPEON!

(NI LOUIS AQUINO/PHOTO BY MJ ROMERO)

WINALIS ng Creamline ang Petro Gazz, 29-27, 25-22, 27-25, sa kanilang best-of-three finals series Sabado sa The Arena, San Juan para angkinin ang Premier Volleyball League Open Conference title.

Umiskor ng 18 puntos si Alyssa Valdez, habang nagdagdag ng 16 ang tinanghal na Open Conference MVP na si Jema Galanza para sa Cool Smashers na nagtala ng pambihirang 20-0 record sa buong tournament.

“Alam niyo, napakasarap sa pakiramdam na nananalo talaga, lalo na’t na-sweep din namin,” sabi ni Valdez, nagtamo ng mid-foot injury sa kalagitnaan ng conference.

“We grew as a team din this conference, actually napakahirap ng pagkuha ng panalo namin, but I believe we had so many struggles and challenges this conference, that’s why we pulled through,” dagdag niya.

Lamang pa ang Petro Gazz sa third set, 19-16, nang tatlong magkakasunod na puntos ang pinalo ni Valdez upang itabla ang iskor sa 19-all.

Muling inagaw ng Gazz ang abante, 21-20, ngunit umatake ng back-to-back si Galanza upang muling makuha ng Creamline ang kalamangan, 23-22.

Nakuha ng Angels ang set point, 24-23, matapos tumama sa antena ang tira ni Galanza, na agad bumawi para muling itabla ang iskor sa 25-all.

Dinala ni Valdez sa match point ang Cool Smashers at sa error ni Angels’ Paneng Mercado ay tuluyang naselyuhan ang panalo ng Creamline.

Ito ang third title overall ng koponan matapos silang magkampeon sa Open Conference at Reinforced Conference noong nakaraang taon.

Samantala, dahil sa pag-sweep ng Creamline sa Petro Gazz, awtomatikong nakuha ng BanKo  ang bronze medal finish.

Nakuha ng Banko ang Game One sa straight sets, habang nakabawi ang Motolite sa four sets sa kanilang Game Two best-of-three for third series.

Please follow and like us:
Read More

GINAWANG LARO NG BASKETBALL ANG PROBLEMA SA DROGA

yourservice

LUMALALA pa rin and problema natin sa illegal na droga. Pagkalipas ng i­lang taon — tila lumala ang problema. Pagkatapos ng napakaraming operasyong “tukhang”, ang pagkamatay ng napakaraming indibidwal na and sabi’y sangkot sa pagkalakal at paggamit ng illegal na droga — ay maririnig natin mismo sa ating pangulo na nagkamali siya sa pagdeklara noon na kakayanin niya supilin at solusyunan ang problemang ito sa loob lamang ng anim na buwan. And deklarasyong ito’y ibinigay matapos din nating matanggap ang naunang deklarasyon na mahihirapan din and pamahalaang ito sa problema sa trapik sa EDSA. Ngayo’y maririnig natin na inaa­lok na sa pangalawang pangulo ang hamon at oportunidad na maging traffic czar.

Sa ngayon — laman na ng ating mga pahayagan at maging sa social media ang usaping ito — maging ang mga tao at supporter ng bawat panig ay nagsisali na sa usapin, para lamang tayo nasa paligsahan, kumbaga kanya-kayang pagbubuyo ng manok sa isang sabong.

Nakalulungkot mang isipin na ganito na ba tayo? Ginagawa na lamang ng nakararami nating mga kababayan na isang laro, isang paligsahan — isang sabong ang mga isyu at problema ng ating bansa. Tila mas gusto pa natin makita, marinig, masaksihan ang palitan ng mga maaanghang na salita mula sa dalawang panig kesa magkaisa tayo para mabigyang lunas ang hiniharap nating problema.

Hindi din ito laro o paligsahan sa pagalingan — tandaan ito’y tungkulin ng pamahalaan at kailan man hindi dapat gawing plataporma upang magpataasan ng ihi o yabang sa isa’t isa. Ang mga personalidad na nagsisali sa usapin ay karamiha’y opisyal ng ating pamahalaan. Ano ‘to? Parang mga high school na nagyayabangan? Matatanda na tayo — siguro naman mas mainan na magtrabaho na lamang tayo. Ang hirap kasi sa karamihan, mas inu­una o inaalala ang manatili sa kanilang trabaho kaysa gawin ang kanilang trabaho. Hindi atin ang posisyong a­ting kinalalagyan ngayon kundi ito’y bigay ng taong bayan — at niluklok kayo sa pwesto at sa poder ng kapangyarihan upang gampanan ang sinum­paang tungkulin na pagli­lingkuran ang bayan.

Sa aking munting palagay — problema na­ting lahat ang problema sa illegal na droga. Hindi ito problema ng iilan lamang kundi ng lahat — ikaw, ako, sila — tayong lahat. Hindi ito isang laro na maari nating gawing isang libangan sa social media. Lalong-lalo na hindi dapat nating ituring na isang laro na maaari nating ipasa ang responsibilidad sa iba, parang isang bolang ipinapasa sa larong basketball.

Itigil na natin ang pasa­ringan at umpisahan na na­ting gawing tama ang ating trabaho. Maglatag na tayo ng isang makabuluhan at makatotohanang plano upang maharap at mabigyang solusyon ang lumalaking problema sa illegal na droga.

Mas nakakatakot na ang problema natin dito sa kadahilanang ngayon na natin nakikita sa sangkot sa illegal na gawaing ito ang ilan sa mga tiwaling pulis. Hindi lamang iilan — kundi nakikita natin na ito’y isang gawaing laganap saan man sa ating bansa, at saang hanay ng kapulisan. Imbes na nagkaroon tayo ng pagkakataon noon na magkaroon ng isang tunay at makataru­ngang kampanya laban sa illegal na droga — salungat dito ang nangyari — nagkaroon ng pagkakataon ang mga tiwa­ling pulis na magpursige sa kanilang mga maling gawain at tuluyang maging kriminal. (@YOURSERVICE / ATTY. DAVID AQUINO)

Please follow and like us:
Read More

VP LENI “THE ONE” NGA BA SA PAGRESOLBA NG WAR ON DRUGS?

KAAA BOOM

USAP-USAPAN ngayon ang pagtalaga ni Pangu­long Duterte kay VP Leni Robredo bilang Co-chair ng Anti-illegal drugs commitee noong nakaraang linggo. At lalo pang umingay nang tanggapin nito ang posisyon bilang Co-Chairperson. Tinalo nga ng balita ang ilang linggong away serye ng Barretto sisters at iba pang naglalaking balita.

At dahil din sa pagkakatalaga ni Madam VP Leni umani rin ito ng iba’t ibang reaksyon sa madlang pipol. Mayroong nagsabing hindi niya kaya, mayroon ding nagsasabi na patibong lang ito, gagamitin lamang siya ng administrasyon, may pumupuri at mayroon din namang naduduwal dahil sa  pagtanggap nito ng posisyon. Pati nga mga pulitiko ay nagulantang din at nagbigay ng kani-kanilang  sariling opinyon.

Pero ang tanong ay… Is she “The One” na nga kaya na makapagpapatigil sa mala-kanser na droga na patuloy na sumisira sa ating mga kababayan??? Ako po ay nagtatanong lang.

Kasi nga naman, mula noong iniutos ng Pangu­long Duterte ang War on Drugs ay hindi na rin tumigil si Madam VP sa pagbibigay ng kumento hanggang dumating sa punto na mabanggit nito ang salitang “TWEAK”… Hehehe kaya napikon ang Lolo Digong natin at naglabas ng kautusang gawin siyang Co-Chairperson ng anti-illegal drugs committee na noong una ay inakalang joke lang pero sa kalaunan eh ser­yoso pala ang aking Lolo Digong.

Sa totoo lang po mga kabayan, bilang isang tv & radio reporter noon at maralitang radio anchor ngayon ang inyong lingkod, hindi po ganoon kadali ang pagsugpo sa ilegal na droga bakit ka niyo??? Dahil nga napasok na nito ang pulitika, law enforcement unit at mismong mga matataas na opisyal ng bansa ay nabulag na rin ng laki ng kwartang naibibigay sa kanila maprotektahan lamang ng mga sindikato ang kanilang negosyong drugs. Sabi nga ng Lolo Digong natin, hindi niya akalain na ganoon na kalala ang problema natin sa droga na dahilan ng kaliwa’t kanang krimen sa iba’t ibang dako ng bansa. At kung ito ay hahayaan lamang eh posibleng maging narco country ang bansang Pilipinas. Ang tanong ay… Papayag po ba tayo?

Aminado naman ho ang Pangulong Duterte na nagkamali ito sa binitawan niyang salita noon na mapatitigil niya ang lumalalang problema sa droga within 3 to 6 months. Ganoon pa man ay ipinagpatuloy pa rin ito sa pamamagitan ng tokhang at nakita naman po natin ang resulta. Sabi nga, marami talaga ang madadamay na inosente sa labang ito kung hindi tayo mag-iingat.

Pero, balikan po natin ang tungkol kay Madam VP Robredo kung kaya kaya niya talaga? Bakit ko po muling natanong ito… Dahil kahit mga kaalyado nito tulad ni Cong. Erice na ­ating nakapanayam, ay naniniwalang kulang sa experience si Madam VP. Kung ganoon pala eh bakit ngawa siya nang ngawa laban sa administra­syon tungkol sa usaping droga? Nagpapapansin lang kaya siya? O baka naman may pinuprotektahan siya kaya ayaw tumigil sa kasasawsaw sa isyu ng war on drugs? Eh, nagtatanong lang naman…

Sandali po lamang ho no, pare-pareho lamang po tayong pro-life sa usaping drug war pero hindi po natin maiiwasang may magbuwis ng buhay sa mga alagad ng batas o sa mga pusher, user at drug lords kapag nagsagawa ng operasyon.

Sana nga lang eh walang katotohanan ang mga kumakalat na balita na bawal ang magdala ng armas ang nga pulis kapag may operasyon laban sa ilegal na droga hehehe… Kasi kung ganoon, ano kaya ang dadalhin nila? Lugaw pang amusal? Hi hi hi… batuta? O ang manicure at pedicure? Wahahaha o pang make-up… Nagtatanong lang naman po eh hehehehe…

Wish lang ho natin na sana sa pagtanggap ni VP Leni ng posisyon bilang Co-chair ng anti-illegal drugs committee eh siya ang maging daan upang magkaisa tayong mga Filipino at  mawala na ang kulay sa pulitika na dahilan ng pagkakawatak-watak nating lahat at maging iisang kulay ang ating bansa at ito ay kulay dugong bughaw.

At sana rin madali na siyang ma-interview at hindi naghahanap ng resume at profile ng mga reporter… hehehe kaaa… boom!!! (KAAA…BOOM!!! / JOEL GOROSPE)

Please follow and like us:
Read More

KAYA PALA PANAY BANAT NI LENI GUSTONG MAGING GABINETE

CHRISTIAN BOMB

NOONG una ay tutol ang oposisyon na tanggapin ng kanilang lider na si Vice President Leni Robredo ang alok sa kanya ni Pangulong Duterte na maging co-chairman ng Inter-Agency Committee on Anti-Illegal Drug (ICAD), pero nang tanggapin ito ng bise presidente ay naobliga ang mga tinatawag na “dilawan” na suportahan si Robredo.

Bago inalok ng puwesto ni Duterte si Rob­redo ay binatikos nito ang gobyerno dahil palpak daw ang “war on drugs” nito, at dahil nabuwisit ang Presidente sa pagpuna sa kanyang giyera kontra droga ay inalok nito na maging co-chairman ng ICAD ang bise presidente.

Nagkakaisa ang mga miyembro ng oposisyon na nagsabi kay Robredo na huwag tanggapin ang alok.

Ito na ang siste, nang tanggapin ni Robredo ang posisyon, nagkakaisa na ngayon ang statement ng oposisyon na sumusuporta sila sa bise presidente bilang co-chairman ng ICAD.

Diyan makikita na itong mga nasa oposisyon ay walang mga isang salita o palabra de honor.

Dapat kasing ginawa nila ay binatikos si Robredo sa pagtanggap ng panibagong posisyon sa gobyerno, kasi panay ang batikos nila kay Duterte, pero nang alukin ng posisyon, sinunggaban agad.

Lumalabas kasi na kaya lang binabatikos ni Robredo ang Presidente ay dahil gusto lang pala nitong magkaroon uli ng puwesto sa Gabinete ni Duterte.

oOo

TIMBRE: Paging PNP-OIC Gen. Archie Gamboa at NCRPO Director Gen. Debold Sinas, isang alyas “Jess” daw ang kumukuha ng payola sa gambling lords sa Quezon City… isang alyas “Tata Delo” raw ang payo­la collector sa Maynila. (CHRISTIAN’S BOMB / CHRISTIAN HERNANDEZ)

Please follow and like us:
Read More