TSERMAN NA ‘NPA’ PATAY SA SAGUPAAN

cppnpa12

(NI JESSE KABEL)

ISANG aktibong barangay chair na sinasabing miyembro ng New People’s Army ang napaslang sa sagupaan sa pagitan ng military at mga komunsitang rebelde sa bayan ng Milagros lalawigan ng Masbate, nitong Miyerkoles, ayon sa ulat ng Philippine Army 2nd Infantry Battalion at 2nd Masbate Provincial Mobile Force.

Dead on the spot si Barangay Chair Wolfert Dalanon, alyas Ka Ompong, matapos ang may isang oras at kalahating bakbakan.

Nakuha ng mga sundalo sa sinagawang clearing operation sa encounter site ang isang M16 rifle, isang M653 rifle, carbine, laptop at mga subversive documents na may high intelligence values.

Nabatid na nirespondehan ng magkasanib na puwersa ng 2nd Infantry Battalion (2IB) at  2nd Masbate Provincial Mobile Force Company (2MPMFC) ang sumbong ng mga residente hinggil sa presensiya ng Communist Terrorist Group (CTG) sa  Barangay San Antonio.

Bago pa malapitan ay nagkaroon na ng palitan ng putok nang lumaban ang grupo ng communist terrorists na nasa ailalim ng Komiteng Seksyon sa Platoon 1 (KSPN 1), Larangan 2, Komiteng Probinsya 4 ng Bicol Regional Party Commitee (BRPC).

Sinasabing si  Dalanon ay miyembro ng communist terrorist group at  aktibong sumusuporta sa mga illegal activities at recruitment schemes ng makakaliwang hanay.

Nabatid na base sa ulat, nagsasagawa ng pagsasanay ang mga rebeldeng NPA sa barangay ni Dalanon nitong mga nakalipas na araw at dapat sana ay araw na ng kanilang graduation nang sumalakay ang military at pulis.

Please follow and like us:
Read More

DONASYON NA PAGKAIN SA BAKWIT HINIGPITAN

(NI DONDON DINOY)

MAKILALA, North Cotabato — Nagpatupad ng mahigpit na seguridad at ilang panuntunan ang lokal na gobyerno sa pagbibigay ng pagkain sa mga evacuation centers.

Ito’y matapos malason ang 30 katao sa pagkain na dinala sa evacuation center.

Nasa mabuting kalagayan na umano ang mga biktima matapos makaranas ng pananakit ng tiyan makaraang kumain ng pastil. Maliban sa pananakit ng tiyan, nagsusuka rin ang mga biktima kasabay ng kanilang loose bowel movement (LBM).

Pawang mga residente ng Barangay Patulangon at Malabuan nitong bayan ang nakaranas ng pagkalason na agad dinala sa pagamutan.

Samantala, sinabi ni North Cotabato Acting Vice Gov. Shirlyn Macasarte Malabuan-Villanueva, na nagpalabas na sila ng direktiba na temporaryo muna nilang i-ban ang pamimigay ng hot meal o packed lunch sa mga bakwit upang maiwasan ang katulad na insidente.

 

Please follow and like us:
Read More

ILANG LUGAR NA TINAMAAN NG LINDOL NAGIGING ‘GHOST TOWN’ NA

(NI DONDON DINOY)

DIGOS CITY- Ilang lugar na sa lalawigan ng Davao del Sur ang nagmistulang  ‘ghost town’ na matapos magsilisan ang mga pamilyang natamaan ng tatlong magkakasunod na malalakas na lindol.

Delikado na rin ang mga lupa na pinagtayuan ng kanilang bahay matapos mapaligiran ng mga bitak.

Mabibilang na lamang ang mga nananatili sa Sitio Bandera, Brgy. Balabag nitong lungsod, na lubhang apektado ng lindol matapos masira ang mga pader at iba pang istruktura ng kanilang bahay.

May ilan ding pamilya ang bumalik sa lugar upang magligpit ng mga gamit na na maaari pang gamitin sa pagpapatayo ng bahay.

Problema ngayon ng residenteng si Evangeline Ipil kung saan sila titira matapos ideklara ng Philippine Institute of Volcanology and Seismology (PhiVocs) na “no habitation” na ang kanilang lugar matapos makita ang malalaking bitak ng lupa.

Nanawagan sila ngayon sa lokal na gobyerno na agad hanapan ng relocation site dahil mahirap umanong manatili sa evacuation centers.

Maliban sa nawalan ng tirahan, nawalan na rin ng kabuhayan ang maraming residente sa lugar.

Suspendido pa rin ang klase sa lahat ng paaralan dahil sa mga gumuhong istruktura.

Sa Magsaysay, Davao del Sur, pinalikas din ang mga residente sa walong mga barangay na apektado ng lindol.

Ayon kay Anthony Allada, tagapagsalita ng lokal na gobyerno,  nailigtas na rin ang anim na residente sa Brgy. Maibo matapos ma-trap sa gumuhong lupa.

Tinatayang nasa 3,100 pamilya na ang apektado sa lindol at nasa iba’t-ibang evacuation centers.

Malaki rin ang pasasalamat ni Mayor Arthur Davin sa lahat ng nagpaabot ng kanilang tulong at inaasahan ang mabilis na pagbangon ng bayan mula sa bangungot ng kalamidad na kumitil ng 7 buhay.

Noong Miyerkoles, ipinaabot rin ni Muntinlupa City Mayor Jimmy Eresnedi ang tulong na P1-milyon para sa lokal na gobyerno.

 

Please follow and like us:
Read More

BIANCA MUNTIK PATAYIN SI RURU DAHIL SA SELOS

AKO PA BA NI ROSE GARCIA(NI ROSE GARCIA)

MEDYO duda pa kami no’ng una naming malaman ang nangyari raw na insidente sa parking lot ng SM Megamall, after ng premiere night ng Cara X Jagger between rumored couple na sina Ruru Madrid at Bianca Umali.

Pero may nakausap kaming reliable source at eye witness mismo sa nangyari.

Selos nga ba ang dahilan kaya muntik na raw masagasaan ni Bianca si Ruru nang bigla nitong tabigin si Ruru at pinaharurot ang minamanehong sasakyan. Nakita pa namin si Bianca before the premiere night. Iinterbyuhin nga sana namin pero hindi pina-interview ng staff ng APT Entertainment, ang isa sa producer ng Cara X Jagger.

Ang totoo, nagulat kami na dumating sa premiere night si Bianca. Lalo pa nga’t iwas na iwas silang dalawa ni Ruru na ma-link o pag-usapan, yet, umapir sa premiere. Eh, ang siste raw, matagal ng pinagseselosan ni Bianca si Jasmine Curtis-Smith, kesehodang ilang taon na ang relasyon nito sa non-showbiz boyfriend dahil very vocal si Ruru sa pagsasabing crush niya ang dalaga.

Naunang lumabas ng sinehan si Bianca, pero diumano, mukhang naghintay raw yata sa parking lot at lumapit pa sa kotse ni Ruru para malaman kung sino ang kasama. At nakitang nandoon sa likod si Jasmine at iba pa. Pero ang katabi raw ni Ruru ay ang director nila na si Ice Idanan.

Reliable ang source namin na ang chika pa, may tampuhan na raw sina Ruru at Bianca bago pa ang premiere night kaya raw siguro naging ganoon ka- “intense” ang emosyon ni Bianca.

Anyway, super open kami sa side ni Bianca.

 

Please follow and like us:
Read More

EX-CAVs PLAYER PINALIT KAY WELLS

AYAW nang magbakasakali muli ni San Miguel Beer Leo Austria at mag-All-Filipino kapag hinarap nila ang Rain or Shine sa krusyal na laro sa Petron Special road game sa Sabado sa Lapu-lapu City kaya’t kinuha ng koponan bilang reinforcement si ex-Cleveland Cavalier player John Holland bilang kapalit ng injured na si Dez Wells.

“Since sinabi ni Wells he can’t play on Saturday, we got a backup. We can’t afford na walang import for the second time,” paliwanag ni Austria.

Napilitang lumaro nang walang reinforcement ang Beermen kontra Blackwater Elite noong Miyerkoles, mabuti’t sinuwerte at nanalo via overtime, 99-96.

Ngunit ayaw nang sumugal muli ni Austria kontra E-Painters kaya’t kinuha nila si Holland bilang pansamantalang kapalit ng nasa ‘injured list’ na si Wells.

“Very crucial ang game namin on Saturday. If he (Wells) cannot play, so there must be somebody who could replace him. The good thing is, this win can give us a lot of option eh, dahil kung natalo kami mahirap eh. But regarding Saturday’s game, may import or wala, makakalaro o hindi, we have to play at our best dahil we have a chance to make it (to the Top 4),” ayon kay Austria.

Dagdag ng SMB coach, bagama’t nagpapraktis na muli si Wells, hindi pa ito 100% na physcially ready. “He’s practicing well nung Monday, tsina-challenge niya every player na matapat sa kanya expecially on penetration but we’re surprised yesterday he skipped practice because something’s wrong with his foot.”

Samantala, bagama’t maganda ang inilaro ni five-time MVP na si June Mar Fajardo kontra Elite kung saan nagposte siya ng 30 points at 13 rebounds, aminado siyang kailangang mag-level up ng Beermen kung gusto nilang makuha ang inaasam na grandslam feat.

“Kailangan namin manalo kasi nga sunod-sunod na talo namin, kailangan namin makahabol sa standings, sa top 4 para 2 to beat advantage,” sabi ni Fajardo.

 

Please follow and like us:
Read More

MISTER SOBRANG NA-MISS SI MISIS, NAGBIGTI

(NI ANNIE PINEDA)

HINDI umano nakayanan ng isang mister ang labis na pangungulila sa kanyang misis dahilan para wakasan ang sariling buhay sa pamamagitan ng pagbigti, sa lalawigan ng Capiz.

Nakabitin nang matagpuan ang 50-anyos na biktimang hindi pinangalanan ng kanyang kaanak at residente sa bayan ng Pontevedra, Capiz.

Ayon kay Edwin Basulgan, kalihim ng barangay, umaga ng Martes, tinawag ng kanyang anak ang biktima para sana kumain ng agahan pero hindi ito sumasagot.

Tinungo ito ng kanyag anak sa higaan para sa gisingin sa pag-aakalang tulog pa ito ngunit bumulaga sa kanyang harapan ang nakabitin na ama sa biga ng kanilang bahay gamit ang lubid.

Nabatid na nagtatrabaho ang misis ng biktima sa ibang bansa at kanyang anak at apo nito ng kasama sa bahay.

Paniwala ng kaanak , posibleng nangulila ang biktima sa kanyang asawa dahil gabi-gabi itong umiinom ng alak para maibsan ang kalungkutan.

Patuloy naman ang imbetigasyon ng pulisya sa nasabing insidente.

 

Please follow and like us:
Read More

BIRTHDAY BOY PATAY SA PALAKOL NI KUYA 

crime ax 12

(NI ANNIE PINEDA)

SA mismong araw din ng kanyang kapanganakan  binawian ng buhay ang isang lalaki makaraan palakulin ng kanyang kuya sa kalagitnaan ng inuman sa selebrasyon ng kaarawan ng una, iniulat sa probinsiya ng Negros Occidental.

Kinilala ang biktimang si Juagquino Cadungog, 41, habang sumuko naman sa pulisya ang suspek na kinilalang si Roger Cadungog, 43, at kapwa residente ng Sitio Patol, Barangay Caliling Cauayan, Negros Occidental.

Batay sa report ng Cauayan Municipal Police Station, nag-iinuman ang magkapatid kasama ang ibang kaibigan sa kanilang bahay nang magkaroon umano ng hindi pagkaintindihan ang mag-utol.

Bigla na lamang umanong hinampas ng matigas na bagay ng batang Cadungog ang kanyang kuya, kaya sinubukan umano ng suspek na pakalmahin ang biktima pero tinangka niya itong suntukin.

Dahil dito, mabilis na kinuha ng suspek ang palakol na nakasandal sa kanilang dingding at pinalakol sa ulo ang kapatid nito na agad namatay.

Matapos ang insidente, kusa naman sumuko sa pulisya ang suspek, subalit hindi wala naman planong magsampa ng kaso ang kanyang pamilya .

 

Please follow and like us:
Read More

PROBLEMA SA TUBIG TATAGAL HANGGANG SUMMER

WATER MANILA

(NI DAHLIA S. ANIN)

MAAARING abutin hanggang summer ang problema sa suplay ng tubig sa National Capital Region, ayon sa Pagasa.

Ito ay sa kabila ng mga pag-ulan na posibleng makapuno ng dam hanggang matapos ang taon.

Sa pinakahuling tala ng ahensya, nasa 188.37 meters ang antas ng tubig sa Angat dam mula sa 188.34 noong Miyerkoles na malayo pa sa 210 meters na target bago matapos ang taon.

Kaya tinitipid ng mga water concessionaire ang tubig upang umabot hanggang summer ang suplay nito.

Gayunman, nangangamba ang ahensya na bumaba pa sa below normal operating level ang tubig sa dam bago matapos ang Enero sa susunod na taon.

Patuloy naman nagsasagawa ng mga water treatment facilities ang mga water concessionaire at iba pang concerned government agency upang maibsan ang kakulangan sa suplay ng tubig.

Please follow and like us:
Read More

BAGYONG QUIEL, ISA NANG SEVERE TROPICAL STORM

bagyo

(NI ABBY MENDOZA)

LUMAKAS pa at isa nang severe tropical storm ang bagyong Quiel na maghahatid ng pag-uulan subalit hindi magla-landfall.

Ayon sa Philippine Atmospheric Geophysical Astronomical Services Administration (Pagasa) huling namataan ang bagyo sa Coron, Palawan, kumikilos ang bagyo sa bilis na 15kph, taglay ang lakas ng hangin na 95kph at bugsong 115kph.

Nakararanas ng katamtaman hanggang malakas na pag-uulan sa Cagayan kabilang ang Babuyan Islands at Kalinga, Apayao, Ilocos Norte, Zambales, Bataan, Palawan, Mindoro provinces, Antique, Iloilo at Guimaras.

Nagbabala ang PAGASA ng pagbaha at landslide sa lugar dahil sa magiging tuloy tuloy na pag-uulan sa buong araw ng Biyernes.

Itinaas din ng Pagasa ang travel warning sa northern at western seaboards dahil sa malalakas na alon.

Inaasahang sa Sabado ng umaga ay lalabas na ng Philippine Area of Responsibility (PAR) ang bagyo.

 

Please follow and like us:
Read More

SUSPEK SA AMBUSH SA DOLE OFFICIAL NAHAGIP NG CCTV

(NI HARVEY PEREZ)

MAY mukha na ang dalawang gunman na nanambang sa isang opisyal ng Department of Labor and Employment (DOLE) noong Nobyembre 3 ng hapon  sa Malvar St. Malate, Maynila.

Sa press briefing ni NCRPO PBGen Debold Sinas, nakita umano  sa CCTV ang paglabas sa kanyang tanggpan ng biktimang si Helen Dacanay, 59, senior labor and employment officer na nakatalaga sa DOLE Manila head office, at residente ng Block 11, Lot 1, Casimiro THMS Queensrow East, Molino, Bacoor, Cavite at pagsunod ng dalawang lalaking  naka-motorsiklo na posibleng kasamahan ng mga gunman.

Sinundan umano ng dalawang suspek ang kotse ni Dacanay na Honda Brio, na may plakang ACA-7338, at habang binabaybay ang Malvar Street, pagitan ng Singalong at Benitez Streets, ay  nakita rin na bumaba sa sinasakyan nilang motorsiklo ang dalawang gunman  at naghintay sa daraanan ng biktima at nang mapatapat  sa kanila ay saka pinagbabaril si Dacanay.

Nakita  rin sa CCTV na sumakay muli sa motorsiklo ang dalawang gunman   at iniwan ang motor sa Linao St. bago sumakay ng tricycle .

Ilang sandali pa ay may dumating na lalaki at sumakay sa iniwanang motor ng suspek.

Kasabay nito,nanawagan si Sinas sa publiko na kaagad na ipagbigay alam sa Manila Police District (MPD) ang anumang impormasyon sa pagkakilanlan ng mga suspek para mabilis na maaresto ang mga gunman.

Samantala, patuloy pa rin ang MPD-homicide section sa isinasagawang imbestigasyon para matukoy ang motibo ng pagpaslang sa biktima.

Naniniwala ang pulisya na mga hired killers ang  mga pumatay kay Dacanay.

Please follow and like us:
Read More

10 BABAE NAISALBA SA PROSTITUTION DEN SA CAVITE

PROSTITUTION DEN

TULUYAN nang ipinatigil  ng Cavite police ang operasyon ng isang massage spa na hinihinalang front  ng prostitusyon makaraang arestuhin ang dalawang empleyado nito habang naisalba naman ang 10 kababaihan sa isinagawang entrapment operation sa Bacoor City, Cavite.

Kasong paglabag sa R.A.10364 (The Expanded Anti-Trafficking in Persons Act of 2012 ) laban sa mga naarestong suspek na sina Jovelyn Panimbang, alias “Angel”, 30,  Cashier at King Top Massage Health Club at residente ng Sagana Compound, Brgy. Habay 2, Bacoor City, Cavite at Rominic Carampot , 23, Room Boy at residente ng Brgy. Santiago, General Trias, Cavite (Arrested)  habang kinilala ang may-ari nito na si Epifanio  Alindog  ng  KM 17 Barangay Panapaan 4, Bacoor City, Cavite at large

Sa ulat ni PSSgt Edison Fetalculin ng Bacoor City Police Station, bago ang isinagawang entrapment operation ay nakatanggap ng tawag ang Cavite police sa ilang concerned citizens na ang nasabing spa massage ay nagiging front ng prostitusyon.

Agad namang nagsagawa  ng surveillance ang kapulisan upang ma-validate ang sumbong   kung saan napatunayan na hindi lamang pagmamasahe ang kanilang serbisyo sa kanilang mga customer  at  ginagawa ang transaksiyon ng mga naarestong suspek  sa loob ng nasabing massage SPA.

Bunsod nito dakong alas-12:05 ng madaling araw nang nagsagawa ng entarpment operation ang mga miembro ng Bacoor CPS at kawani ng City Social Welfare Development Office (CSWD) sa King Top Massage Health Club Spa na matatagpuan sa Brgy Panapaan 4, Bacoor City, Cavite kung saan inaresto ang dalawa habang ang may-ari ng massage SPA ay wala sa lugar .

Hawak na nagyon ng Bacoor CPS ang mga naarestong suspek habang ang 10 kababaihan ay nasa pangangalaga ng CSWD). SIGFRED ADSUARA

Please follow and like us:
Read More

TERMINAL NG BALIWAG TRANSIT ISINARA

IPINASARA ng Quezon City government ang terminal ng Baliwag Transit dahil sa umano’y mga pekeng papeles na isinumite ng pamunuan.

Pinangunahan ni Quezon City Mayor Joy Belmonte at Metropolitan Manila Development Authority (MMDA) ang pagpapasara sa terminal ng Baliwag Transit sa North Avenue.

Ayon kay Belmonte, walang permit ang Baliwag Transit para mag-terminal sa naturang lugar at ang gamit na permit sa operasyon ay para sa ibang sangay sa Quezon City.

Posible rin umanong kasuhan ang pamunuan ng terminal dahil sa hinalang peke ang mga dokumentong isinumite sa kanyang tanggapan para makapagsagawa ng operasyon sa lungsod.

Please follow and like us:
Read More

AWARDS PINAKYAW NG UST

MANALO o matalo, waging-wagi ang University of Santo Tomas (UST) sa UAAP Season 82 men’s basketball tournament matapos hakutin ang top individual honors kahapon.

Nakuha ni Beninese big man Soulemane Chabi Yo ang Most Valuable Player honors matapos manguna sa kanyang 76 statistical points at mag-average ng 16.93 points at 14.71 rebounds per game sa unang season niya sa Growling Tigers, No.4 seed at may 8-6 panalo-talong record.

Kasama rin siya sa Mythical Team na kinabibilangan din nina De La Salle University’s Justine Baltazar at Jamie Malonzo, University of the Philippines’ Kobe Paras, at University of the East’s Rey Suerte.

Pumangalawa si Baltazar sa MVP race na may 64 SPs at may averages ng 15.14 points, 11.8 rebounds, at 1.07 blocks per game.

Hindi rin nagkamali na lumipat sa UP si Paras na nag-average ng 17.4 points, 5.67 rebounds, at 1.9 assists per game.

Napili naman Top rookie ang isa pang Growling Tigers member na si Mark Nonoy matapos mag-average ng 10 points, 3.86 rebounds, at 2.29 assists.

Ngayon lang ulit nagkaroon ng MVP at Rookie of the Year ang UST makaraaan ang sampung taon nang tanghaling MVP si Dylan Ababou at RoY si Jeric Teng noong 2009.

Nakumpleto ng UST ang sweep sa individual awards sa Season 82 nang tanghalin din MVP sa women’s division ang Congolese center na si Grace Irebu.

Si Irebu, na inakay ang Tigresses sa 11-3 record at second seed sa pagtatapos ng elimination round, ay may 90 SPs at kasama rin sa Mythical Team.

Kabilang din sa wome’s basketball Mythical Team sina Adamson University’s Nathalia Prado (86 SPs), National University’s Jack Animam (78.57 SPs), Far Eastern University’s Clare Castro (66.64 SPs), at La Salle’s Kent Pastrana (57 SPs).

Si Pastrana rin ang nakakuha ng Rookie of the Year honors.

Please follow and like us:
Read More

2 BEBOT HULI SA P6.8-M SHABU SA QC

DALAWANG babae ang nahuli kasabay ng pagsamsam ng halos isang kilo ng hinihinalang shabu ng Philippine Drug Enforcement Agency – National Capital Region (PDEA-NCR) sa isang buy-bust operation Miyerkoles ng gabi sa tapat ng isang mall sa Quezon City.

Umaabot umano sa P6.8 milyon ang nakuha sa dalawa, ayon kay PDEA investigation agent Mary Arguelles.

Dagdag pa niya, anim na buwan ang surveillance ng PDEA para sa isinagawang operasyon.

Nakipagtagpo sa PDEA agent na nagpanggap na buyer ang magkumare.

Pero ayon sa dalawa, napag-utusan lang sila na i-deliver ang kontrabando, kapalit ng P50,000.

Inihahanda na ng PDEA ang kasong paglabag sa Comprehensive Dangerous Drugs Act laban sa dalawang suspek. (PHOTO BY JIMMY CARBO)

Please follow and like us:
Read More

1 PA TERORISTA, HULI SA SULU; BOMBA ITINURO

(NI AMIHAN SABILLO)

NASUKOL din ng Joint Task Force Sulu ang isa pang miyembro ng Abu Sayyaf sa Indanan, Sulu, Miyerkoles ng gabi.

Ayon kay Major General Corleto Vinluan Jr, Commander ng JTF Sulu, isinagawa nila ang operasyon para matugis ang lahat ng teroristang ASG matapos mapigilan ang tangkang suicide bombing ng 3 terorista nitong Martes.

Tinukoy ang ASG member na si alyas ‘Mang’ na umamin sa mga militar sa eksaktong kinalalagyan ng mga Improvised Explosive Device sa ASG safehouse sa Brgy. Paligue, Indanan, Sulu.

Maliban sa pagkakaaresto, nakakuha rin ng 16 na pipe bombs ang tropa ng 41st Infantry Battalion sa lugar.

Nang suruin, lumalabas na identical o kapareho ang mga narekober sa mga IED na nakuha sa mga nasawing suicide bomber.

Samantala, nagpasalamat naman si Vinluan sa Tausug community na tumutulong sa kanila sa pagbibigay ng impormasyon sa presensya ng mga terorista.

 

Please follow and like us:
Read More

RADIO BROADCASTER PATAY SA AMBUSH

 

INAMBUS at napatay ang isang radio broadcaster sa Dumaguete City, Negros Oriental.

Ayon sa inisyal na imbestigasyon ng Dumaguete City police, tinadtad ng bala ang kotseng sinasakyan ng biktimang si Dindo Generoso.

Isang broadcaster at blocktimer sa DYSR FM sa Dumaguete City ang biktima at papunta na sa kanyang radio station nang tambangan,  Huwebes ng umaga.

Nagpapatuloy ang imbestigasyon upang makilala ang nasa likod ng ambush.

Si Generoso ay kumandidatong mayor sa Dumaguete City noong 2016 elections.

Please follow and like us:
Read More

8 PATAY SA SALPUKAN NG VAN, BUS

(NI NILOU DEL CARMEN)

WALO ang patay at apat ang malubhang nasugatan sa salpukan ng pampasaherong bus at van sa Maharlika highway,   Pamplona, Camarines Sur,  Miyerkoles ng alas-8:00 ng gabi.

Base sa inisyal na report ng Pamplona police,  nangyari ang banggaan sa Barangay San Vicente sa pagitan ng JHV passenger bus (EVP-129) na patungong Maynila at sa isang UV Express (EVU 222) na patungong Naga City galing ng Daet,  Camarines Norte.

Kasama sa nasawi ang driver ng van at ang dalawang lalaking pasahero at limang babae na pawang dead on the spot.

Apat pang pasahero ng van ang isinugod sa ospital sa Naga City.

Tumakas naman ang hindi  nakikilalang driver ng bus.

Inaalam na rin ng mga awtoridad ang pagkakakilanlan sa mga nasawi.

Patuloy pa ang isinasagawang imbestigasyon at inaalam pa ang dahilan ng malagim na aksidente.

 

Please follow and like us:
Read More

NFA, SWAK O LIGWAK  SA KASONG GRAFT?

NFA-7

(Ni Nelson Badilla / Ikaapat na bahagi)

NAUNANG pumalpak ang National Food Authority sa dapat ay trabaho nito bilang pangunahing instrument ng pamahalaan upang paunlarin ang kabuhayan ng mga magsasaka.

Hindi naisakatuparan ng NFA ang responsibilidad nitong siguruhing sapat ang bigas na makararating sa mga pamilihan upang may makain ang bawat pamilyang Filipino.

Noong nagkaroon ng matinding krisis sa bigas at nagkaroon ng malaking problema ang mga magsasaka dahil bagsak ang presyo ng kanilang produktong palay, wala umanong ginawang hakbang ang NFA o walang konkretong solusyon na maihayag ang nasabing tanggapan upang mabigyang kalutasan ang problema ng sambayanan.

At dahil sa kapalpakan ng NFA, naniniwala si Atty. Jose Sonny Matula, beteranong propesor ng mga batas sa ma­raming paaralan ng mga naghahangad maging abogado, na posibleng masampahan ng kasong kriminal ang pamunuan ng NFA.

Ayon kay Matula, ito ay dahil sa desisyon at aksyon ng nasabing tanggapan sa paggamit ng P7 bilyong pondo bilang pambayad ng utang nito sa Land Bank of the Phi­lippines (LBP) at Development Bank of the Philippines (DBP) na taliwas at tahasang paglabag sa orihinal na paglalaanan ng nasabing multibilyong pondo na itinakda at ipinag-utos ng General Appropriations Act of 2018.

Iginiit ni Matula na maaaring nagkasala ang pamunuan ng NFA ng paglabag sa ilang probisyon ng Anti-Graft and Corrupt Practices Act.

Ang pahayag ni Matula ay matapos  hingian ng  Peryodiko Filipino Inc. ng pahayag kaunay sa  hakbang ng NFA  na ipambayad ang P7 bilyong pondo nito sa pagkakautang sa bangko sa halip na ibili ng bigas upang  maging ‘buffer stock’ sa loob ng partikular na panahon.

Idiniin ni Matula, pa­ngulo rin ng Federation of Free Workers (FFW) at Nagkaisa labor coalition, kailangang mayroong managot sa maling praktis ng NFA upang ma­tuldukan na ito sa mga susunod na taon.

Umamin ang pamunuan ng NFA sa paggastos ng P7 bilyon.

Sa isang kalatas nito, idiniin ni NFA administrator Judy Carol Dansal na naging “masinop” lang ang NFA sa pagbabayad nito ng utang sa sa LBP at DBP.

Ani Dansal, mas pinili ng NFA na mabawasan ang “interest” at “documentary stamp tax expenses” sa mga pagkakautang ng NFA, kaya ito ang inuna ng ahensiya kaysa sa bilhin ang P7 bilyong halaga ng palay ng mga magsasaka sa iba’t ibang panig ng bansa.

Ayon kay Dansal, nakatipid ang NFA sa kanilang ginawa.

Iginiit din niya na tapos na ang nasabing kontrobersiya noong 2018.

Noong 2018 din ay binili ng NFA ang mga palay ng mga magsasaka at mga bigas na galing sa ibang mga bansa, bilang bahagi ng food security program ng NFA.

Ipinagyabang pa ni Dansal na sinang-ayunan naman ng NFA Council ang kanilang hakbang.

Bagaman nadiskubre ng Commission on Audit (COA) ang malaking pagkakasala ng NFA,  hindi naman ito nagsampa ng kasong kriminal laban sa pamunuan ng NFA sa Office of the Ombudsman.

Maging kasong administratibo ay walang kinaharap na reklamo ang NFA.

Kaya naman, paniwala ni Atty. Matula,  ‘mistulang absuwelto’ ang pamunuan ng NFA bagaman lumabag ito sa ilang probisyon ng ng Anti-Graft and Corrupt Practices Act.

Ang ulat ng COA tungkol sa maling paggastos ng P7 bil­yon ay maaari nang batayan upang maghain ng kaso sa Office of the Ombudsman laban sa mga opisyal at kawani ng NFA na may kinalaman sa isyu.

Ang gagawin naman ng Ombudsman ay magsasagawa ito ng mas malalim na imbestigasyon upang magamit nilang batayan kung nararapat bang sampahan ng kaukulang kasong kriminal ang pamunuan ng NFA at iba pang taong sangkot sa pagbabayad ng utang ng NFA sa LBP at DBP gamit ang P7 bilyong pambili ng mga bigas galing sa mga magsasakang Filipino o hindi. (Itutuloy)

Please follow and like us:
Read More

QUEZON NIYANIG NG MAGNITUDE 5.5 LINDOL

phivolcs lindol12

NIYANIG ng magnitude 5.5 na lindol ang lalawigan ng Quezon alas-4:52 Huwebes ng madaling-araw.

Ayon sa Phivolcs, ang episentro ng lindol ay sa layong 42 kilometro Hilagang-Silangan ng bayan ng Jomalig.

May lalim ang pagyanig na 7 kilometro at tectonic ang origin.

Naitala ang sumusunod na intensities:

Intensity IV – Guinayangan, Quezon
Intensity II – Marikina City; Navotas City; Quezon City
Intensity I- Muntinlupa City

Instrumental Intensities:
Intensity IV – Guinayangan, Quezon; Jose Panganiban, Camarines Norte
Intensity III – Pili, Camarines Sur; Mauban, Lopez and Mulanay, Quezon
Intensity II – Marikina City; Malolos City; Gumaca and Dolores, Quezon; Baler, Aurora
Intensity I – Iriga City; Malabon City; San Juan City; Quezon City; Pasig City; Guagua, Pampanga.
Talisay, Batangas; Palayan City

Samantala, marami ang nakaramdam ng pagyanig sa bahagi ng Makati, Pasay at Taguig.

Walang inaasahang pinsala sa ari-arian ngunit posible ang aftershocks ayon sa Phivolcs.

Please follow and like us:
Read More

TRADE RUMORS NAGING INSPIRASYON NI MANUEL

SA halip masira ang diskarte dahil sa trade rumors, ginalingan pang lalo ni Vic Manuel ang laro para tulungan ang Alaska Aces na manatiling buhay ang pag-asa sa playoffs berth ng PBA Governors Cup at tanghaling PBA Press Corps-Cignal Player of the Week.

Tinalo ng 32-anyos na si Manuel sa nasabing weekly honors ang kanyang rookie teammate na si Abu Tratter at pitong iba pang players kabilang sina Kiefer Ravena, Jericho Cruz, at Poy Erram ng NLEX, rookie Bong Quinto, Chris Newsome, at Raymund Almazan ng Meralco, at veteran Barangay Ginebra guard LA Tenorio.

Kumamada si Manuel ng 23 points at 10 rebounds sa huling panalo ng Alaska kontra NorthPort Batang Pier, 106-99, noong Linggo para pagandahin ang record ng Aces sa 3-6 panalo-talo.

Nauna rito kumalat ang balitang ite-trade din si Manuel sa ibang team gaya ni Chris Banchero.

“Last week, kinausap na kami ng management. Yun nga, mukhang papunta na kami sa Phoenix ni Chris. Tapos biglang nabago, hindi natuloy,” ani Manuel.

“Si Chris nakausap ko na rin at sabi nga niya, dun na kami at mukhang reunion kami with Calvin (Abueva) and coach Louie (Alas),” dagdag niya.

Ngunit sa halip sa Phoenix, na-trade si Banchero sa Magnolia kapalit nina Rodney Brondial at Robbie Herndon.

Tinext naman ni Manuel ang kanyang coach na si Jeffrey Cariaso upang linawin kung mate-trade din siya? At nagulat umano siya sa isinagot nito sa kanya.

Sa pahayag ni Manuel na lumabas sa spin.ph, tiniyak umano sa kanya ni Cariaso na hindi siya mate-trade.

“Na-touch ako tapos sabi ko nga, stay na ko. Saka nagustuhan ko rin kako yung mga bagong players ng team. Kaya stay na ko,” paniniguro ni Manuel.

Please follow and like us:
Read More

SABUNGERO SI DPWH OFFICIAL

PASABOG

MATINDI itong isang opisyal ng Department of Public Works and Highways (DPWH) sapagkat tila manhid na ito. Kumbaga, walang takot kay Secretary Mark villar at kay tatay Digong.

Ito ay dahil sa kabila na ipinagbabawal sa lahat ng opisyal at kawani ng pamahalaan ang pagsusugal sa ilalim ng civil service Law at sa iba pang batas na umiiral sa bansa, tila walang paki itong si DPWH official. Tuloy pa rin siya sa pagsasabong kahit itaya pa ang kanyang trabaho, basta’t masunod lamang ang kanyang layaw. Laki sa layaw itong si mokong! Ngeek!

Ganito ang style ni mokong, kahit may pasok sa opisina, nakukuha nitong pumunta sa sabungan. Hindi kasi niya maaaring palampasin ang kanyang vice, hindi vice mayor ito readers kundi bisyo.

Hindi raw talaga mabitiwan nitong opisyal na ito ang pagsasabong kahit pa siguro ipagpalit ang kanyang asawa gagawin niya, dahil adik na ito sa sabong.

Ito pa Secretary villar, ituturo ko na sayo kasi tila natutulog kayo nang mahimbing kaya napababayaan mo itong si mokong. Para makasigu­ro kayo na hindi ito fake news, kapag may sabong sa “Roligon” (sa Pasay po ito sa mga hindi nakakaa­lam), parating present itong si mokong at ayon sa aking sniper, kahit walang pera gumagawa ito ng pa­raan masunod lamang ang kanyang layaw.

Dahil sa pagkalulong sa sabong ni mokong, kadalasan ay palpak ang kanyang trabaho kaya minsan ay nagrereklamo ang mga DPWH stakeholder ngunit hindi ito nakararating kay Villar sapagkat tila protektado ng isang ‘galunggong’ na opisyal.

Oh my God, patawarin mo itong si mokong dahil tila nalilihis ng tamang daan.

Ito ang matindi, gina­gamit daw ni mokong ang pera ng taumbayan sa kanyang bisyo.

Palibhasa’y may hawak na pera kaya inuutang niya muna at kapag nanalo ay saka babayaran ang nalustay na pera ng gob­yerno.

Clue? Hayaan muna natin mag-isip ang mga taga-DPWH kung sino si mokong. Gawin natin ang tinatawag na “Killing me Softly” para mahimasmasan, kumbaga bibigyan natin ng pagkakataon na magbago pero kung hindi ay unti-unti natin ipada­dama kay mokong ang lupit ni Pasabog. (PASABOG /FROILAN MORALLOS)

Please follow and like us:
Read More

KOLORUM NA COURIER COMPANY DUMAMI

BOMBAHAN NA FINAL

NAGLIPANA ang mga kolorum o fly-by-night courier company sa Pilipinas.

At alam niyo ba kung sino ang mga may-ari nito? Mga Tsekwa na naman.

Ayon sa silipero ng BOMBAHAN NA, wala raw pakinabang ang gobyerno rito dahil mga wala raw binabayarang buwis ang mga ito.

Kaya naman ‘tubong lugaw’ ang negosyo ng mga Tsekwang ito sa ba­yan ni Juan.

Hindi na magtataka ang BOMBAHAN NA, na mga Chinese ang nasa likod nito dahil sa dami na nilang nakapasok sa Pilipinas.

Kahit saang gusali sa Metro Manila at kalapit na mga lalawigan ay makakakita kayo ng Chinese nationals.

Hindi maikakaila dahil kakaiba ang itsura nila, mga singkit at mahilig silang tumambay sa tapat ng mga gusali na kanilang tinutuluyan.

Balik po tayo sa mga kolorum na courier company.

Isa po sa mga itinuturong ilegal ay ang kilalang Alibaba.com

Para sa kaalaman ng mambabasa ng BOMBAHAN NA, ang Alibaba.com ay pag-aari ng Alibaba Group Holding Li­mited, isang Chinese multi-national conglomerate holding company specia­lizing sa e-commerce, retail, internet at technology.

Itinatag ang kompanyang ito noong Abril 4, 1999 sa Hangzhou, China.

Isa lang sa may-ari nito ay ang pinakama­yamang tao sa mundo na si Jack Ma.

Kamakailan ang ma­mang ito ay nasa Pilipinas at nagtungo pa sa Palasyo ng Malakanyang.

Ganun?

Kawawang local courier company sa Pilipinas, apektado ng negosyo ni Jack Ma.

Sana silipin ng gob­yerno partikular ng Bureau of Internal Re­venue (BIR), Department of Trade and Industry (DTI) at Securities and Exchange Commission (SEC) kung paano nilang matutulungan ang local mga courier company para hindi sila tuluyang magsara.

Sila po ang mga lehitimong nagbabayad ng buwis at tumutulong sa pamahalaan sa oras ng pangangailangan.

Sila rin po ang nagbibigay ng maraming trabaho sa mga Pinoy.

Sa ganang akin, dapat ay magkaroon ng matibay na regulasyon ang gobyerno ukol dito.

Kailangan ikonsidera nila ang kapakanan ng local courier company kesa malalaking kompanya na pagmamay-ari ng mga dayuhan dahil wala namang pakinabang ang gob­yerno sa kanila.

Dapat mag-level up na rin ang mga batas ng Pilipinas, kailangan makasabay tayo sa mabilis na pagbabago ng teknolohiya sa buong mundo.

Sa ayaw at sa gusto natin ay kailangan natin mag-adjust pati ang ating mga batas.

Halos lahat na ng klase ng pagbili at transaksyon ay idinadaan na sa Internet ngayon. Kung hindi kikilos ang ating mga mambabatas at mga nakaupo sa gobyerno ay lalong mapag-iiwanan ng ibang bansa ang Pilipinas.

Matatalino ang lahi ni Juan kaya lang may pagkatamad iyong iba.

Kailangan ngayon pa lang ay kumilos na tayo at baka paggising natin sa mga susunod na araw ay sinakop na tayo ng China.

Tulong-tulong po tayo para sa kaunlaran ng Inang Bayan.

oOo

Paglilinaw lang po dun sa kolum natin noong nakaraang Oktubre 31 patungkol kay Mayor David Navarro na pinatay sa Cebu City, hindi po PNP Region 5 yun, kundi PNP Region 7 ang tinutukoy po natin dun. Nagkamali lang po tayo ng pag-type ng numero.

oOo

Pasabugin ang katiwalian, isumbong sa BOMBAHAN NA mag-email joel2amongo@yahoo.com at operarioj45@gmail.com

Please follow and like us:
Read More

BAGONG MUNDO NI ROBREDO

NIPIS

NOONG Oktubre 31, taong kasalukuyan, itinalaga ni Pangulong Rodrigo Duterte si Vice President Leni Robredo bilang co-chairperson ng Inter-Agency Committee on Anti-illegal Drugs (ICAD) upang pamunuan ang kampanya ng pamahalaan laban sa bawal na droga hanggang matapos ang kanilang termino sa Hun­yo 30, 2022.

Posibleng napikon na rin si Pangulong Duterte sa walang katapusang pagkontra ni Robredo sa tuloy-tuloy na kampanya ng administrasyon laban sa salot na droga.

Nasabi ng ikalawang pinakamataas na pinuno ng bansa na huwang nang ipagpatuloy ang kampanya laban sa droga na mabilis na nakuha ang reaksyon ni Presidente Duterte kaya’t maraming sagot ang naglabasan.

Sa bandang huli, nang masukol na si Robredo, sinabi nito na hindi naman niya sinabing ihinto o itigil ang kampanya. Ang sabi niya umano ay “not to continue” na parang sinasabi niya na iba naman sa pahayag na “stop”.

Naku, nagkalokohan na. Abogado si Robredo at abogado rin si Pangulong Duterte kaya nasa utak nila ang tamang interpretasyon ng mga nabitiwang salita.

Kahapon, hinihintay ng madla ang sagot naman ni Robredo sa hamon sa kanyang tanggapin ang pagiging co-chair ng ICAD. Hindi lang si Senate President Vicente “Tito” Sotto at Senator Bong Go ang humamon kay Robredo subalit ang buong bansa.

Kaya naman nang ianunsiyo ang pagtanggap ni Robredo sa posisyong ibinigay sa kanya bilang hamon kaugnay sa kampanya sa droga ay halos tumigil ang inog ng mundo ng  mga taong may koneksyon at nabubuhay sa droga.

Maging ang mga oposisyon ay namangha nang tanggapin ni Robredo ang offer sa kanya subalit bandang huli ay pawang nakangisi na rin ang mga kakampi ng da­ting mambabatas ng Bicol dahil sa binitiwan niyang salita.

Sinabi ni Robredo na kaya niya tinanggap ang alok ng pangulo ay dahil nais niyang matigil ang patayan ng mga inosente at mapapanagot ang mga kailangang managot lalo na ang mga opisyal na abusado, ang mga “ninja cops” at ang mga nagpapalusot ng tone-toneladang droga.

Wow! Very good si Madam VP. Tipong pabayani effect ang kanyang dialogue. Lalo na sa binitiwan niyang salita na ang alok sa kanya ay pamumulitika lang sapagkat hindi naman siya susundin ng mga ahensiya dahil gagawin ng mga ito ang lahat para hindi siya magtagumpay, ay handa siyang tiisin.

Parang nakakaloko naman ang kanyang binitiwang salita. Hindi pa siya nagsisimula sa trabaho ay may mga agam-agam na kaagad siya sa kanyang utak. Parang sinasabi niya sa mga tao na kahit anong gawin niya ay hindi siya magtatagumpay sa kanyang trabaho.

Eh di sana, hindi mo na lang tinanggap. Dapat, aksyon muna o magpasikat ka muna bago mo sabihing hindi ka susuportahan o susundin ng mga ahensiyang nasa ilalim ng pamumuno mo.

Hindi ba puwedeng tigilan ang pamumulitika? Di ba dapat ay magkaisa kayo ni Pangulong Duterte sa laban sa droga? Ang dapat ninyong unahin ay ang kapakanan ng bansa at hindi ng partidong sumusuporta sa inyo.

Sana matularan man lang ng mga namumuno sa bayan ang slogan ni dating Pangulong Manuel L. Quezon na “ My lo­yalty to my party ends where my lo­yalty to my country begins.”

Maisapuso at isip  sana ng magkabilang kampo ang awitin ni Virna Liza  na “Magkaisa” na ang sumulat ng liriko ay walang iba kung hindi ang Se­nate President na si Sen. Tito Sotto. Nawa’y magsama nga ang bawat mamamayang Pilipino at lutasin ng kapitkamay ang lahat ng suliraning kinakaharap ng bansa.

Wala na muna sanang pasaringan ang magkabilang kampo at sa halip ay pag-usapan kung ano ang dapat gawin ni Robredo sa kanyang bagong puwesto nang sa ganoon ay magkaalaman kung hanggang saan ang kapangyarihang ipinagkaloob ng pangulo. (NIPIS / LEA BOTONES)

Please follow and like us:
Read More