3 PULIS-MAGUINDANAO, HULI SA DRUG BUST

(NI JG TUMBADO)

TATLONG aktibong miyembro ng Philippine National Police (PNP) na nakadestino sa Police Regional Office-12 (PRO12) ang dinakma ng mga awtoridad sa isinagawang drug bust operation sa Parang, Maguindanao.

\Nakilala ang nasakoteng mga pulis na sina Patrolman Sandiali Mangundacan Manalao, Staff Sgt. Fahmi Bangon Como, at Master Sgt. Monjel Nassal Aradais na pawang nakatalaga sa Lanao del Sur Provincial Police Office (LDSPPO).

Ikinasa ang nabanggit na operasyon ng pinagsanib na puwersa ng LDSPPO-Inteligence Branch; Provincial Drug Enforcement Unit; Parang Municipal Police Station at Philippine Drug Enforcement Agency (PDEA-Bangsamoro Autonomous Region) sa Barangay Nituan, alas-9 ng gabi ng Miyerkoles.

Batay sa isinumiteng report kay Police Regional Office-12 Director Brig. General Alfred Sotto Corpuz, agad sinunggaban ng mga nakaantabay na operatiba ang tatlong pulis ng pagbentahan ng mga ito ng shabu ang undercover agent.

Bukod sa ilang pirasong sachet na naglalaman ng shabu ay nakumpiska din mula sa kotse ng tatlong pulis ang ilang piraso ng baril, ilang plaka ng sasakyan, ilang piraso ng police ID at kanilang mga police uniform.

Matagal na umanong minanmanan ng mga awtoridad ang mga pulis na una ng itinuturong sangkot sa ilegal na kalakalan ng shabu sa lugar.

Please follow and like us:
Read More

CEBU CITY POLICE CHIEF SINIBAK SA MAYOR NAVARRO AMBUSH

cebu200

(NI JG TUMBADO)

TULUYAN nang sinibak sa pwesto bilang direktor ng Cebu City Police Office (CCPO) si Police Col. Gemma Vinluan kaugnay sa pananambang at pagpatay kay Clarin, Negros Occidental Mayor David Navarro.

Ang naturang hakbang ay iniutos mismo ng bagong talagang Police Regional Office 7 Director (Central Visayas) na si Brig. General Valeriano De Leon.

Sa kanyang pahayag, epektibo nitong Miyerkoles, Oktubre 30, 2019, ang suspensyon ni Vinluan para hindi maapektuhan o magkaroon ng white wash ang imbestigasyon ng National Bureau of Investigation (NBI) kaugnay ng pag-ambush sa alkalde.

“I issued administrative relief of Police Colonel Gemma Vinluan, City director of Cebu City police office, to make her available in the investigation being conducted,” pahayag ni de Leon.

“It will provide a perception of impartial investigation sparing us of suspicion of possible whitewash,” dagdag pa ng opisyal.

Napatay si Navarro noong araw ng Biyernes, Oktubre 25, 2019, habang inihahatid sa City Prosecutors Office sa Cebu City sakay sa police mobile patrol  kasama ang ilang police escorts nito at maging ng dalawang nakababatang kapatid na babae.

Una nang inireklamo si Navarro ng pananakit sa isang masahista at pagpapagawa pa ng malaswang akto sa isa pang babaeng masahista sa loob ng spa noong gabi ng Huwebes.

Nasa 10 lalaki na pawang armado ng matataas na kalibre ng baril ang humarang sa convoy at lumikida kay Navarro.

Posible umano na mga miyembro ng PNP ang may kagagawan sa paglikida kay Navarro dahil sa hindi umano umakto ang mga pulis, kabilang ang isang police official, sa pangyayari batay na rin sa naging pahayag ni Pangulong Rodrigo Duterte.

Please follow and like us:
Read More

2 PATAY SA ‘DI BINAYARANG RESTO BILL

accident121

(NI ROSS CORTEZ)

DEAD on the spot ang dalawa sa tatlong sakay ng dalawang motorsiklo, habang sugatan ang isa pa, sa habulan sa Barangay Sabang, sa lungsod ng Dasmariñas Cavite, alas-2:00 ng madaling araw kanina.

Sa tala ng pulisya, sakay ng unang motorsiklo  ang magkapatid na sina Edgardo at Teddy Laudato, habang hinahabol sila ng ikalawang motorsiklo  na minamaneho ni Eurigine Jiao, may-ari ng bar.

Galing umano sa isang resto bar a pag aari ni Jiao, ang magkapatid na Laudato at nag inuman, ayon sa mga saksi na tumangging humarap sa kamera, hindi umano kumpleto ang ibinayad ng mga ito sa kanilang bill at agad na umalis ng bar.

Dito na sila hinabol ng may ari ng bar na si Jiao, sa malas, pagdaan sa kurbadang kalsada sa Brgy Sabang, hindi nakapagpreno ang driver ng unang motor na si Edgardo Laudato, at diretsong sumalpok sa sementadong pader sa tabing kalsada.

Segundo lang ang pagitan at sumalpok din ang ikalawang motorsiklo na minamaneho ni Jiao sa kaparehong pader na sinalpok ng unang motorsiklo.

Resulta nito, agad binawian ng buhay sina Edgardo at Jiao, habang naitakbo naman sa ospital si Teddy

Sa panayam sa residente sa lugar na si Diane De Guzman, bago ang aksidente, nakarinig sila ng malakas na kalabog.

Nakita na ang nakahandusay  na  mga biktima;  dalawa ay hindi na gumagalaw at ang isa ay nangingisay habang nadugo ang bibig.

Ayon mga residente, malimit ang aksidente sa lugar dahil sa pakurbadang daan dito.

 

Please follow and like us:
Read More

PINAY, CHINESE BF HULI SA ‘EXTRA SERVICE’

(NI ROSE PULGAR)

ARESTADO ang isang Pinay at kasintahan nitong Chinese national  at tatlong massage therapist ang nasagip matapos salakayin ng mga pulis ang isang spa na nag-aalok ng extra service sa Las Pinas City, Huwebes ng madaling araw.

Kinilala ang mga suspect na sina Mysa Dela Cruz, may-ari ng Rodmiles Wellnes Spa at boyfriend nitong si Yuwen Thao, isang Chinese National.

Batay sa report ng Southern Police District, dakong alas-12:30 ng madaling araw nang maaresto ang mga suspect matapos ang ikinasang entrapment operation ng Las Pinas City Police sa nasabing spa na umanoy pag-aari sa  BF Resort Village sa Barangay Talon  Dos.

Narekober naman sa mga suspect ang P3,000 na ginamit sa entrapment operation, logbook at mga gamit na condom.

Habang nasagip naman ng mga awtoridad ang tatlong babae na massage therapist sa isinagawamg operation.

Nakakulong ngayon ang magkasintahan at sasampahan ng kasong Anti Hunan Trafficking Act.

 

Please follow and like us:
Read More

10-ANYOS GINAHASA, PINATAY

(NI JG TUMBADO)

ISANG nang malamig na bangkay nang matagpuan ang 10-anyos na babae na hinihinalang ginahasa muna bago brutal na pinaslang sa bayan ng Murcia sa Negros Occidental, araw ng Miyerkoles.

Sa plantasyon ng tubuhan nadiskubre ang bangkay ng biktima na tinukoy sa pangalang Kim Lachica, naninirahan sa Barangay San Miguel.

Nabatid sa imbestigasyon ng pulisya, walang saplot pang-ibaba ang biktima nang ito ay matagpuan ng isa sa kanyang kaanak na tumulong na rin sa paghahanap bandang alas-9:00 ng gabi.

Base pa sa report, inutusan lamang umano na pumunta sa tindahan sa Purok Silhigan ang bata.

Nag-alala ang pamilya ng biktima dahil hindi pa ito bumabalik sa kanilang tahanan kaya’t nagpasya silang hanapin na ito.

Patuloy ang imbestigasyon ukol sa insidente upang malaman ang pagkakakilanlan ng salarin.

Please follow and like us:
Read More

MARCOS BRIDGE BUKAS NANG MULI

(NI KEVIN COLLANTES)

BINUKSAN na kanina sa publiko ang Marcos Bridge na may limang buwan ding isinailalim sa pagkukumpuni.

Ito ay bilang pagtupad ni Public Works and Highways (DPWH) Secretary Mark Villar sa  pangako kay Marikina City Mayor Marcelino Teodoro na bago sumapit ang Undas ay bubuksan nang muli sa publiko ang Marcos Bridge.

Mismong sina Villar at Teodoro ang nanguna sa reopening ng eastbound at westbound side ng Marcos Bridge nitong Huwebes ng umaga bilang antisipasyon sa inaasahang pagdagsa ng mga tao sa lungsod ngayong Undas.

Matatandaang may limang buwang isinara ang naturang 40-taong gulang na tulay upang isailalim sa pagkukumpuni.

Nangako naman si Villar kay Teodoro mabuksan muli ang tulay sa publiko bago ang Undas, na mas maaga ng anim na buwan kumpara sa ‘target date of completion’ nito sa Abril, 2020.

“Tunay sa pangako si Secretary kasi nakiusap kami sa kanya na kung pupuwede ay bago mag-‘Undas’ mabuksan itong tulay na ito, dahil inaasahan natin mahigit sa kalahating milyong katao ang dadalaw sa mga sementeryo rito sa Marikina,” ani Teodoro.

Anang alkalde, malaking tulong ang muling pagbubukas ng tulay lalo na at inaasahan nilang mahigit 200,000 sasakyan ang papasok sa Marikina ngayong Undas.

Bukod kina Villar at Teodoro, ang reopening ng tulay ay sinaksihan rin nina DPWH NCR Director Ador Canlas, JH Pajara Construction President Jaime H. Pajara, at DPWH First Metro Manila District Engineer Medel Chua.

Please follow and like us:
Read More

MAS MALAKING PINSALA NAITALA SA 6.5 LINDOL

(NI DONDON DINOY)

MAGSAYSAY, Davao del Sur–Lalo pang nadagdagan ang bilang ng mga sugatan at halaga ng pinsala matapos muling yanigin ng lindol ang lalawigan, Huwebes ng umaga.

Ayon sa Philippine Institute of Volcanology and Seismology (PhiVocs), alas 9:15 ng umaga, naramdaman ang magnitude 6.5, dalawang araw matapos tumama ang magnitude 6.6 na lindol sa katulad na epicenter sa Tulunan, North Cotabato.

Base sa Phivolcs bulletin, tectonic pa rin ang pagyanig na may 2-kilometrong lalim at nasa 28 kilometro norteast ng Tulunan.

Dito sa karatig bayan, sugatan din sa noo ang 4-anyos na si John Samuel Masamloc, residente ng Brgy. Malawanit, dahil tumakbo ito palabas at nadapa sa kasagsagan ng pagyanig.

Sinabi ni Anthony Allada, tagapagsalita ng lokal na gobyerno, na posibleng lolobo pa ang bilang ng 958 pamilya na lumikas sa kanilang tahanan.

Isa sa mga nakitang problema ang paguho ng ilang istruktura sa mga evacuation center.

Domoble pa ang mga bitak sa kanilang munisipyo.

Nagkakaubusan na rin ng mga tent at trapal dahil maraming residente sa lalawigan ang nag-panic buying at piniling manirahan sa gitna ng mga palayan at ilalim ng punong mangga.

Dagdag sa problema ng mga bakwit ang malalakas na ulan sa gabi dahil sa nararanasang sama ng panahon.

Ilang parte rin ng Davao-Cotabato national highway ang binantayan ng kasundaluhan dahil may ilang mga tulay ang nakitaan ng bitak at maraming parte ng daan ang one-way dahil nasira sa walang humpay na pagyanig.

Sa Bansalan, Davao del Sur kung saan tumama ang Intensity 7, tuluyan ng pinasara ng lokal na gobyerno ang merkado publiko matapos magkabitak-bitak ang dalawang palapag na public mall.

Sa Brgy. Batasan, Makilala, patay si Barangay Kapitan Cesar Bangot matapos madaganan ng gumuhong pader ng barangay hall.

Gumuho rin ang ilang istruktura sa Makilala Medical Specialist Hospital at inaalam pa ang kalagayan ng mga pasyente sa loob.

Sa ngayon, inaalam pa ng mga otoridad kung saan pa ang mga lugar na nasira ng lindol kung saan inaasahan na mas lumaki ang dulot na pinsala.

Matatandaang nagdulot na ng malaking pinsala ang magnitude 6.3 na lindol noong Oktubre 16.

 

Please follow and like us:
Read More

4 PATAY, 8 SUGATAN SA PANIBAGONG 6.5 LINDOL SA COTABATO

(NI JG TUMBADO)

MULING niyanig ng malakas na lindol ang Mindanao region kung saan apat ang nasawi kabilang ang isang barangay chair sa bayan ng Tulunan, North Cotabato,kaninang umaga.

Nakilala ang nasawing kapitan na si Cesar Bangot ng Barangay Batasan.

Sa nakarating na report sa National Disaster Risk Reduction and Management Council (NDRRMC), gumuho ang Barangay gym sa kasagsagan ng 6.5 magnitude earthquake sa bayan ng Tulunan pasado alas 9 ng umaga at nadaganan si Bangot ng bumagsak na debris ng gusali.

Tatlo pang indibidwal ang nasawi sa iba’t ibang lugar sa bayan ng Tulunan, Davao City at Kidapawan City na patuloy pang inaalam ang pagkakakilanlan ng mga Ito.

Walo naman ang iniulat na nasugatan na dinala sa ibat ibang ospital kung saan nakilala ang iba sa kanila at ito ay sina Catley Ubas, 27, Naser Enog, 27, Baswil Ledya, 60, at ang Korean national na si Park Jung O, 61.

Maraming kalsada rin sa Makilala ang nakitaan ng malalaking bitak matapos ang panibagong malakas na pagyanig.

Kabilang sa ilang mga gusali na gumuho sa panibagong lindol ay ang Ecoland 4000 condominium sa Davao City at ang Eva hotel sa Kidapawan City.

Habang sa Digos City naman sa Davao del Sur ay gumuho din ang gusali ng Triple F store kung saan nasa mahigit 30 empleyado nito ang nasaktan sa bumagsak na mga debris.

Please follow and like us:
Read More

3D ONLINE DIRECTORY SA SEMENTERYO NG MANDALUYONG INILUNSAD

(NI MAC CABREROS)

HINDI mahihirapan ang mga bibisita ng kanilang yumaong kamag-anak nakahimlay sa sementeryo sa Mandaluyong City,  ngayong Undas.

Ito, ayon kay Mayor Menchie Abalos, ay sa tulong ng digital directory kiosk sa Mandaluyong cemetery at 3D online directory sa Garden of Life Park cemetery.

“Visiting residents and relatives will have less time looking for the location for the niche or columbary (burial vault) of their deceased,” pahayag Mayor Abalos nang bumisita sa Mandaluyong City cemetery at
Garden of Life Park cemetery kasama ang mga opisyal ng Pamahalaang Lungsod.

Binanggit nito na i-type lamang ang pangalan ng namayapa at lilitaw na sa directory ang mapa kung nasaan nitso o kolumbaryong nakahimlay ito at ditto madaling mapuntahan ng kamag-anak.

Sa  3D online directory naman ng Garden of Life Park, makikita sa internet website www.mandaluyong.gov.ph kung nasaan ang nitso ng yumao.

“This service, which can be used on a desktop computer or mobile phone, is ideal for people living outside Metro Manila or abroad who cannot personally visit the cemetery,” pahayag pa Mayor Abalos at
binanggit na lilitaw ang 3D image ng sementeryo.

Nabatid na ang nabanggit na serbisyo at kahalintulad sa patok ngayon sa online na e-burol para sa ating kababayan nasa malayong lugar gaya ng OFW na hindi makauwi sa burol ng kanilang mahal sa buhay dahil nakatali sa trabaho at iba pang kadahilanan.

Please follow and like us:
Read More

BAKIT SI ATONG ANG, ‘DI SI TONYBOY ANG NASA PICS NI GRETCHEN?

GRETCHEN12

pwede ed deleon(NI ED DE LEON)

NANG magbalik si Gretchen Barretto sa Pilipinas, tsismis na namang nakita silang magkasama ng negosyanteng si Atong Ang sa party ng isa raw nilang kaibigan. Aywan naman kung bakit ang inilabas sa social media ay iyong picture ni Gretchen na kasama si Atong, ganoong sa okasyon mismong iyon ang talagang kasama ni Gretchen ay ang kanyang long time partner na si Tony Boy Cojuangco.

Ganyan talaga ang tsismis lalo na sa social media.

Maiiwasan ba na makita si Gretchen sa isang circle kung saan naroroon din si Atong? Palagay namin malabo iyon dahil kagaya nga ng sinabi nila, magkakasosyo sila sa negosyo. Ang long time partner ni Gretchen na si Tony Boy Cojuangco ay kasosyo  ni Atong sa mga negosyo sa casino. Inamin din naman ng negosyante na magkasosyo naman sila ni Gretchen sa mga negosyo ring iba sa casino at sa sabong. Papaanong hindi magkikita ang mga iyan kung mayroon nga silang mga common interests, at iisa ang circle ng mga kaibigan nila.

Parang masyado lang naging malisyoso ang usapan dahil sa naging pagpapalitan ng akusasyon sa awayan ng mga Barretto na wala rin namang kinahinatnan. Kung sa bagay, mabuti naman at natatahimik na nga sila ngayon at sana ganyan na lang. Hindi man sila magkasundo dahil sa mga namagitan sa kanila, basta wala na lang taltalan ayos na rin iyon.

Minsan sinasabi ngang nakakahiya rin naman na ang simpleng usapin lang ng isang pamilya, aba eh umabot pa hanggang sa mga diyaryo sa abroad. Papaano namang hindi mapi-pick up ng mga diyaryo sa abroad, eh nakita naman ninyo ang naglabas ng interview sa TV tungkol doon biglang nagkaroon ng mataas na ratings.

 

 

Please follow and like us:
Read More

KANDILA NG KAHILINGAN, KAILANGAN BA PARA SA MGA PATAY?

KANDILA NG KAHILINGAN

(Ni Nenet L. Villafania)

BUKAS at sa susunod na araw ay ipagdiriwang ang Araw ng mga Patay kaya’t iba’t ibang kandila ang makikita sa mga tindahan at department store at iba pang pwedeng pagkuhanan at pagmulan ng mga bagay na dinadala sa sementeryo sa pagbisita sa mga namapayapang mahal sa buhay.

May mura, may mahal, may maganda, may ordinaryo. Ako, mas pinipili ko ang simpleng kandila dahil mas mura ito at mas madaling bitbitin.

Kung Katoliko kayo at mahilig magsimba, palaging may makikita kayo sa lahat ng mga simbahan na candle burners o tirikan ng mga kandila. Bawat isang nagbi-bisita Iglesia, namamanata man o hindi, ay bumibili ng kandilang nagkakahalaga ng hindi bababa sa P10 para itirik, kasabay ng pag-usal ng kahilingan at dalagin sa Diyos o sa santong pinamamanataan.

 Nakagawian, ngunit talaga bang kailangan?

Malaking negosyo ang kandila tuwing Biyernes sa Quiapo, tuwing Miyerkoles sa Baclaran, tuwing Huwebes sa Saint Jude, tuwing Martes sa San Loretto at tuwing Sabado sa Lourdes. Wala namang araw na pinipili ang Santo Nino de Cebu, Manila Cathedral, San Agustin, San Sebastian, at kung anu-ano pang simbahan. Lahat yan, may tindera ng kandila na iba-iba pa ang kulay, kaya tinanong ko sila kung ano ang ibig sabihin ng mga kulay ng kandila.

Tina, 17, Quiapo Church –,Dalawang klase lang po kasi ang itinitinda kong kandila. Pula at puti lang. Ayoko po kasi ng itim dahil masama po iyon. Sabi po ng lola ko na siya talagang nagtitinda dito, pulang kandila ang sisindihan kung humihingi kayo ng tulong sa Nazareno tungkol sa trabaho at pag-ibig. Puti naman po pag para sa kalusugan ng pamilya. Mas mabenta po ang pula, pero marami ring bumibili ng puti.

Aling Josie, Lumang Simbahan, Nasugbu, Batangas – Nakagawian na ng lahat ng nagsisimba sa Lumang Simbahan na magtirik ng kandila tuwing dadalaw sila dito. Dalawang klase ang kandila namin, puti at pula. Mas mura ang pula dahil ako mismo ang guma­gawa nito, pero pareho lang yan. Ang dasal naman, pag mula sa puso, kahit ano pa ang kulay ng kandila mo, maririnig ng Diyos.

Dindi Perez, 27, devotee ng Saint Jude – Iba-ibang kulay ng kandila ang binibili at itinitirik ko tuwing Huwebes pag nagsisimba ako at humihiling kay St. Jude. Depende kung ano ang hinihingi ko. Halimbawa, pink pag gusto kong magkasundo kami ng boyfriend ko, yellow pag gusto kong magkaroon ng pera, green ‘pag bago pa lang ako sa trabaho para swertihin, white pag mayroon akong problemang gustong lutasin at kung ano-ano pa.

Guia de la Cruz, travel and tours proprietor,  Pasay City.Wala lang. Nakasanayan lang kaya lagi akong may nakatirik na kandila sa office. Hindi naman ako gaanong naniniwala sa mga kulay-kulay na yan, pero sa totoo lang, may natutupad. Tingnan mo nga, lahat ng kasabay ng Golden Spring Travel and Tours, tsugi na, ako, andito pa rin. Saka binigyan ako ni Lord ng pinakahihiling kong anak. Ano pa ba ang mahihiling ko? Maayos na negos­yo, anak, pamilya, sapat na yon.

Nabatid ng manunulat na ito na may ibig sabihin ang itim na kandila at ginagamit ito sa kasamaan. Sinasabing ang itim na kandila ay pang-akit sa masamang espiritu kaya marami ang ayaw magtinda subalit mayroon ilan na ayaw maniwala kung kaya’t sige lang ang kanilang pagbebenta.

Sa totoo lang, sabi ng mga paring nakausap ko na ayaw ipabanggit ang kanilang mga pangalan, walang kinalaman ang kandila sa mga dasal at hi­ling ng sinuman. Nasa puso raw ang paghiling at pamamanata, at kung para ito sa iyo, ay siguradong ibibigay ng Diyos sa tamang panahon.

Wala rin daw kinalaman ang kandila sa kaligtasan ng mga namatay nating mahal sa buhay, ngunit makatutulong ang ating pag-alala at mga dasal upang makaakyat sila sa langit. Sa Araw ng mga Patay, puting kandila po ang sisindihan ko para sa mga mahal naming yumao, simbulo ng kalinisan ang aming layuning nawa ay nasa mabuti silang kalagayan sa langit.

Please follow and like us:
Read More

PAGPATAY KAY MAYOR NAVARRO MALA-PELIKULA

BOMBAHAN NA FINAL

HINDI akalain ng BOMBAHAN NA ang estilo ng pananambang sa pelikula ay ganun din sa tunay na buhay.

Bakit nasabi natin ‘yan?

Kung ang pagpatay kay Clarin, Misamis Occidental Mayor David Navarro kamakailan ay katulad ng nangyari sa reenactment ng PNP Region V ay parehong-pareho sa pelikula na kitang-kita ang kapalpakan ng mga pulis.

Ang nangyari, base sa reenactment, pinalagpas muna ng mga salarin ang unang convoy na escort ni Mayor Navarro bago hinarang ang kanyang sinasakyan na marked vehicle ng PNP kung saan kasama niya ang kanyang mga escort at kasunod ang isa pang sasakyan na may sakay ding mga police escort.

Tinutukan ng mga criminology… este mga kriminal pala ang dalawang sasakyan nang hindi pumapalag ang mga escort na pulis ni Mayor Navarro.

Kaya naman mala­yang nakuha at pinababa sa sasakyan ng mga armadong lalaki si Mayor Na­varro saka tinadtad ng bala sa mukha at iba’t ibang parte ng katawan.

Tameme ang mga pulis habang pinauulanan ng bala ng armalite ang alkalde na walang kalaban-laban.

Sabi nga ng kapatid ni Mayor Navarro, wala man lang siyang narinig na putok mula sa kanilang mga kasamang pulis.

Balik po tayo dun sa parang pelikulang nangyari, kadalasan po kasi ang mga pulis sa pelikula kung dumating ay tapos na ang banatan. Darating sila para ipunin na lang ang mga patay.

Saka maghahanap ng punerarya na kanilang kontak para kunin ang mga bangkay.

Ganun po ba sir? Ba­kit po, may komisyon po ba ang mga pulis sa mga patay na kanilang inire-refer sa mga punerarya? Tanong ng silipero ng BOMBAHAN NA.

Hindi naman po ako awtoridad o nag-aral pagdating sa pag-escort, halatang may milagrong nangyari sa pagpatay kay Mayor Navarro.

Natural pag-escort ang mga pulis ay alertado yan pero dito sa pangyayari ay mga kalmado lang sila. Anyare?

Sa pagkakaalam po ng BOMBAHAN NA, sa sandaling may humarang na sasakyan sa convoy ng escort sa kanilang dadaanan ay yuko agad sila at takpan ang kanilang binabantayan sabay paputok ng kanilang mga baril sa kalaban na humarang sa kanila.

Sabay suporta naman ng putok ng kani-kanilang mga baril din ang mga escort na nasa likod ng sasakyan ni Mayor Na­varro. Bakit wala, sabi pa ng mga utol ni Mayor na kasama niya sa sasakyan?

Isa pang malaking katanungan ay kung bakit nakalayo agad ang unang sasakyan ng escort din ni Mayor Navarro?

Planado po ba sir? Tanong pa ng isang silipero ng BOMBAHAN NA.

Inamin naman ni PNP Region 7 Director, Chief Supt. Val de Leon na mabilis ang pangyayari kaya walang nagawa ang kanyang mga tauhan kundi itaas na lang ang kanilang mga kamay.

Ibig sabihin, mas mabilis ang mga kriminal kesa sa mga awtoridad?

Parang inamin ni Gen. Val na totoo pala ang nangyayari sa pelikula na mabagal ang mga pulis pagdating sa mga ganyang pangyayari.

Hindi po kinakampihan ng BOMBAHAN NA si Mayor Navarro, ang sa atin lang po ay maging makatotohanan po tayo.

Paano po makakakuha ng tiwala ang mga pulis mula sa taumbayan kung ganyan ka-lousy ang pinaggagawa nila?

Hawak na ng maraming pulis si Mayor Navarro napatay pa ng mga kriminal?

Maging si Pangulong Duterte ay duda sa pagpatay kay Mayor Navarro.

Kaya ang National Bureau of Investigation (NBI) ay pasok sa imbestigasyon sa kaso.

Hala! Sige, abangan na lang po natin ang gagawing imbestigasyon ng NBI.

Pangarap po nating lahat na maibalik ang tiwala ng taumbayan sa mga pulis, sana po sa pamamagitan ng hihiranging bagong PNP chief ay magawa nya ito.

Mabuhay po ang Pambansang Pulisya!

oOo

Pasabugin ang katiwalian, isumbong sa BOMBAHAN NA mag-email joel2amongo@yahoo.com

Please follow and like us:
Read More

NCRPO DIRECTOR SINAS KAILANGANG TUMATAG

NIPIS

SANA’Y kayanin ni National Capital Region Police Office Director P/BGen. Debold Sina ang kahihinatnan ng kanyang pagiging malupit sa mga mamamahayag na nakatalaga sa NCRPO Press Club na binastos nito noong nakaraang linggo nang magtungo ito sa kanyang satellite office sa Kamuning Police Station.

Binastos ni Sinas ang presidente ng NCRPO Press Club na si Lily Reyes nang bastusan nitong kunin ang satellite office ng NCRPO director na siya ring ginagawang opisina ni Reyes at mga kasamahan sa grupo.

Hindi naman inaangkin ng NCRPO Press Club ang opisina bagaman doon tumitigil ang mga mamamahayag dahil ito ang ipinagkaloob sa kanilang tanggapan ng noo’y hepe ng NCRPO na si Chief Supt. Joel Pagdilao at hindi naman nakipag-agawan sa mga mamamahayag sina da­ting NCRPO directors Generals Oscar Albayalde at Guillermo Eleazar.

Bukod tanging si Sinas ang malakas ang loob na bastusin ang presidente ng NCRPOPC sa harap nina Quezon City Police District acting director P/Col. Ronnie Montejo at NCRPO Deputy Regional Director P/BGen. Crizaldo Nieves nang harap-harapang kuhanin ang tanggapan at palayasin si Reyes sa opisinang matagal-tagal ding kinalinga ng huli.

Ora-orada ang gina­wang pagkuha ni Sinas at halos agawin na ang susi ng tanggapan mula kay Reyes eh meron naman siyang tanggapan sa Bicutan. Eh ano nga ba ang dahilan at halos ayaw na ni Sinas na makatuntong pa sa NCRPO Sattelite Office ang mga taga media?

Tahimik lang si Lily Reyes sa ginagawang pangwawalanghiya sa kanya ni Sinas subalit dahil nandiyan lang si Carmi Martin (read as Karma) tila nakaganti na ang taga NCRPOPC nang magpa-presscon si Sinas na nang maupo sa silya ay bumagsak dahil hindi kinaya ang kanyang bigat.

Nakita tuloy na dapat physically fit ang mga pulis lalo na ang mga opisyal dahil sila ang ehemplo ng kanilang mga tagasunod. Ano nga ba ang aasahan sa matabang pulis kapag nagkaroon na ng responde lalo’t habulan?

Sa ginawang pambabastos ni Sinas sa mamamahayag, marami ang nag-init sa kanya at ngayon ay nakatutok sa kanyang mga gawain. Kaya naman sa loob ng tatlong buwang ibinigay ng Philippine National Police hierarchy sa  kanya upang ipakita na deserve niya ang puwesto, kailangang humanda at tumatag si Sinas dahil hindi biro ang ginagawa niyang pamamahiya kaya’t marami ang pupuna ngayon sa kanyang mali ginawa at gagawin pa.

Dahil maging maingat si Sinas sa kanyang mga desisyon at aksiyon dahil mainit ang mata ng mga mamamahayag sa kanya na ang iba pa nga ay nagbitiw ng salitang “lintik lang ang walang ganti.”

Pero hindi na kaila­ngang mga mamamahayag ang gumawa ng hakbang upang makaganti kay Sinas dahil mismong kapalaran na ang guma­ganti tulad nang pagbagsak niya sa upuan.  Maging ang ibang tao ay siyang gumagawa ng pamamahiya kay Sinas dahil sa matalim na tabas ng dila nito.

Tiyak na marami pang darating kay Sinas na problema sa kanyang pamumuno sa NCRPO. Malamang sa alamang ay ito ang hinihintay na pagkakataon ng mga mamamahayag upang maipadama sa hepe ng kapulisan sa Metro Manila na kakailanganin niya ang tulong ng media.

Abangan kung kayang tumatag ni Sinas na itsa-puwera ang media sa panahon ng kanyang pag­hahari sa NCRPO. (NIPIS / LEA BOTONES)

Please follow and like us:
Read More