INUMAN NG 2 KAWANI NG MMDA NAUWI SA SUNTUKAN, 1 PATAY

(NI KOI HIPOLITO)

NAMATAY habang ginagamot sa Taguig-Pateros District Hospital ang isang empleyado ng Metro Manila Development Authority (MMDA) matapos suntukin ng kapwa nito empleyado sa isang inuman bandang alas-5:40 ng hapon sa Hagonoy, Pumping Station, C6 Road, Barangay Hagonoy, Taguig City.

Nakilala ang biktima na si Alberto Delgado, 57, MMDA utility at residente ng Reyes St., Barangay New Lower Bicutan sa Taguig, habang ang suspek ay kinilalang si Jazz Orena, 33, MMDA mechanical operator, ng Block 4 Extention, Barangay West Rembo ng Makati City.

Base sa ipinadalang report kay Taguig City police chief PCol. Alexander Santos nagkainuman muna umano ang biktima at ang suspek subalit nauwi sa mainitang pagtatalo na ikinapikon ng suspek.

Nagkasuntukan ang dalawa hanggang matumba ang biktima at mabagok ang ulo.

Binawian din ng buhay ang biktima bandang 7:27 ng gabi dahil sa tinamong sugat sa ulo.

Pansamantalang nakakulong na ngayon ang suspek sa Taguig City police station ang suspek at nakatakdang kasuhan ng homicide sa piskalya.

 

Please follow and like us:
Read More

PRICE ROLLBACK SA PRODUKTONG PETROLYO

oil45

(NI ROSE PULGAR)

MAGPAPATUPAD ng katiting na bawas presyo sa mga produktong petrolyo ang mga mga kompanya ng langis sa bansa epektibo bukas ng umaga (Oktubre 22).

Pinangunahan ng kompanyang Pilipinas Shell, PTT Philippines , Seaoil, Phoenix Petroleum Philippines, Petro Gazz, Chevron, at Total ang bawas presyo na P0.25 sa kada litro ng gasolina, P0.10 sa kada litro ng diesel at P0.25 sa kada litro ng kerosene na epektibo ng alas-6:00 ng umaga.

Inaasahan naman na susunod na magpalabas ng abiso ng rollback sa presyo ng mga produktong petrolyo ang ilan pang malalaki at maliliit na kompanya ng langis sa bansa sa kahalintulad na halaga.

Ang ipinatupad na bawas presyo ay bunsod sa patuloy na paggalaw ng presyuhan nito sa pandaigdigang pamilihan.

 

 

Please follow and like us:
Read More

12 FIXERS TIMBOG SA QC

(NI JEDI PIA REYES)

TINUTUNTON na rin ngayon ng Land Transportation Office (LTO) ang mga tauhan nitong hinihinalang kasabwat ng mga fixer ng ahensya na nahuli sa inilunsad na operasyon, Lunes ng umaga.

Ayon kay LTO Law Enforcement Service Acting Director Atty. Clarence Guinto, handa umano ang ilan sa mga hinuling fixer na ituro ang kanilang kasabwat mula sa LTO.

Aabot sa 12 fixers umano sa LTO na nag-ooperate sa Barangay Pinagkaisahan, Quezon City ang dinampot ng LTO at Quezon City Police District (QCPD) at iniharap sa media.

Ang isa sa kanilang mga biktima ay sinasabing siningil siya ng P3,000 para makapasa sa professional licensure exam ng LTO.

Nahaharap ngayon ang 12 suspek sa mga kasong paglabag sa Anti Red Tape Law, Usurpation of Authority, at QC Anti-Fixing Ordinance.

Apela naman ni Guinto sa publiko, iwasang makipagtransaksyon sa mga fixer o sa sino man na nasa labas ng tanggapan ng LTO na nangangakong sila ay tutulungan na magkalisensya kapalit ng malaking halaga.

Mabilis na aniya ngayon ang transaksyon sa LTO at mas mura ang babayaran kaya’t sa mga lehitimong counters lang nito lumapit para humingi ng assistance o gabay.

 

Please follow and like us:
Read More

ENFORCER NA LOLO SINAGASAAN NG TINIKITAN NA DRIVER

crime12

(NI GUILLERMO OCTAVIO)

PATAY ang isang enforcer matapos umanong sagasaan ng isang truck driver na hinuhuli dahil sa paglabag sa batas trapiko, sa Caloocan City, Lunes ng umaga.

Hindi na umabot nang buhay sa ospital si Jesus Paulite, Jr., 61, ng Caloocan City Department of Public Safety and Traffic Management (DPSTM), ng Sta. Maria, Bulacan, sanhi ng pinsala sa ulo at katawan matapos sagasaan ng Mitsubishi tractor head na may plakang 030101, na minamaneho ng nadakip na suspek na si Rommel Cabillos.

Napag-alama na nagmamando ng trapik sa kanto ng Samson Road at Heroes del 96  sa harap ng STI College ang biktima dakong alas -7:50  nang parahin ang minamanehong tractor head ng suspek na patungong Bonifacio Monument Circle dahil sa paglabag sa batas trapiko.

Nang hingin ng enforcer ang lisensya ni Cabillo ay dinedma lang nito ang biktima at itinuloy ang pagmamaneho at sinadyang banggain ang lolong enforcer na bumulagta sa kalsada.

Sa halip hintuan, sinagasaan pa ni Cabillo si Paulite na dagli nitong ikinamatay.

 

Please follow and like us:
Read More

PARAK BINARIL SA TUPADA

(NI GUILLERMO OCTAVIO)

AGAW-buhay ang isang pulis nang barilin sa tupadahan sa Caloocan City.

Kinilala ang biktima na si Senior Master Sergeant Carlito De Guzman na nakatalaga sa NPD-Mobile Force Battalion.

Napag-alamang may nagnguso sa pulisya na may nagtutupada at bumabatak sa isang bahagi ng Barangay 188.

Bukod dito, sinabi rin ng nagnguso na may mga armadong lalaking nakapaligid sa gradas.

Kasamang rumesponde si De Guzman sa nasabing tupadahan ala-1:30 ng hapon noong Sabado ngunit naispatan agad ng mga armadong lalaki , pinagbabaril at nahagip sa tiyan.

Nang makitang bulagta na ang parak ay tumakas ang mga salarin habang itinakbo ng mga kasama sa pinakamalapit na ospital kung saan siya nakatakdang sumailalim sa operasyon.

Nakumpiska sa pinangyarihan ng insidente ang 11 basyo ng bala ng kalibre .45 at limang sachet ng shabu.

Patuloy na nag-iimbestiga ang pulisya upang matukoy at madakip ang namaril kay De Guzman.

Please follow and like us:
Read More

2 PULIS BINUGBOG, TINANGAYAN NG BARIL NG TAMBAY

(NI ALAIN AJERO)

SUGATAN ang dalawang pulis matapos romansahin ng gulpi ng isang pangkat ng mga kalalakihan sa harap ng resto-bar sa Malabon City.

Kinilala ang mga biktima na sina P/Cpl. Jefferson Apit, nakatalaga sa Malabon Police Community Precinct (PCP) 7; at Pat. Janrex Anguluan, ng PCP-1 habang malayang nakatakas ang mga hindi nakilalang suspek.

Nabatid na nasa paradahan ng IAMS Restobar sa  Brgy. Tañong ang mga biktima Linggo ng madaling-araw para umano bumili ng pagkain nang pagtulungan ng mga suspek si Cpl. Apit na pasakay na sa kanyang motorsiklo.

Kumaripas si Apit papuntang barangay hall ng Tañong at humingi ng tulong habang tinangkang habulin ni Anguluan ang mga suspek matapos na magpakilalang pulis.

Gayunpaman, pagsapit sa 2nd Street sa Brgy. Tañong, ay si Anguluan  naman ang binugbog ng mga suspek na umano ay nawalan ng malay kaya’t nakuha ng mga suspek ang kanyang service firearm. Itinakbo sa Tondo Medical Center si Anguluan kung saan siya patuloy na inoobserbahan.

 

Please follow and like us:
Read More

2 PATAY, 2 PULIS, REPORTER SUGATAN SA ANTIQUE

(NI NICK ECHEVARRIA)

DALAWA ang patay habang apat na iba pa ang sugatan, kabilang ang dalawang pulis at isang reporter, sa naganap na pamamaril sa San Jose, Antique, Lunes ng umaga.

Nakilala ang mga nasawi na sina Ana Anacleto, 24, at Erven James Checa, 32, habang sugatan naman sina P/Sgt. Cyril Valdevieso, P/SSgt Albert Talidong at Stephen Checa, correspondent ng isang lokal na newspaper sa Iloilo, at kapatid ng napatay na si Erven.

Ayon kay P/Lt.Col. Mark Darroca, Chief ng San Jose Police, naaresto ang suspek na nakilalang si Venom Dio, na binaril sa binti ng mga nagrespondeng pulis.

Nabatid sa paunang imbestigasyon ng pulisya na ang suspek na si Dio, may-ari ng isang water refilling station, ay nagkaroon ng pakikipagtalo hanggang sa tutukan ng baril si Erven na namamahala naman sa katabing computer shop.

Agad humingi ng tulong si Stephen sa San Jose Police Station nang makita nitong tinututukan ng baril ng suspek ang kanyang kapatid.

Gayunman, nabaril na ni Dio ang magkapatid at si Anacleto nang dumating ang mga nagrespondeng pulis.

Maging sila ay pinaputukan din ng suspek gamit ang 9mm hand gun dahilan para gumanti sila ng putok.

Nakakulong na ngayon sa San Jose Police detention cell ang suspek  na nagtamo rin ng tama ng bala sa binti.

Dinala naman sa Angel Salazar Memorial General Hospital ang iba pang mga nasugatan para lapatan ng lunas.

Patuloy na inaalam ng mga imbestigador ang dahilan ng pamamaril.

 

Please follow and like us:
Read More

INAABANGAN ANG PASABOG NG NANAY NI JULIA BARRETTO

pwede ed deleon(NI ED DE LEON)

SINABI ni Atong Ang na ang tanging relasyon niya kay Gretchen Barretto ay magka-sosyo sila sa casino at sa sabong. Usually sa mga sugalan, may tinatawag na mga “financier”, at sa kanila kumukuha ng pera ang mga nagsusugal kung kinakapos. May tubo naman iyon at doon sila kumikita. Sinabi rin ni Ang na kasosyo rin niya ang long -time partner ni Gretchen na si Tony Boy Cojuangco sa Okada.

Kasabay noon, sinabi ni Atong na ang talagang kaibigan at ka-close ni Gretchen ay hindi rin siya kung di ang kanyang asawa. Taliwas iyon sa bintang ng pamangkin ni Gretchen na si Nicole na nagsabing boyfriend niya si Atong at inagaw lang ni Gretchen.

Ipinaliwanag din ni Atong na ang naging koneksiyon lang nila ng isa pang Barretto, si Claudine ay nang magkaroon iyon ng kaso sa isang dating mayor, na tinulungan niyang ayusin. Noong mga panahong iyon ay nagsasama pa bilang mag-asawa sina Claudine at Raymart Santiago.

Si Nicole naman ay sinasabi niyang “pinag-aral ko iyan, pero ang talagang nagtatrabaho sa akin ay ang nanay niya”. Wala siyang sinabi kung bakit pinag-aral niya si Nicole, at wala rin siyang comment sa claims noon na siya ay naging girlfriend ng negosyante.

Magbibigay din daw ng statement ang long-time partner ni Gretchen na si Tony Boy Cojuangco.

Sa kabilang kampo naman, nanawagan na si Julia Barretto sa publiko na tigilan na ang pambabatikos sa kanyang pamilya, at sinasabi niyang dapat matigil na ang lahat, kasabay ng pag-amin na nasira rin siya sa nangyari, pero may mga nag-aabang pa kung ano ang pasasabugin ng nanay niyang si Marjorie kagaya ng sinabi noon.

Kung iisipin mo nga naman, sa kaguluhan sa kanilang pamilya, wala nang masyadong masisira sa iba dahil sila ay mga private citizens na. Ang talagang lumalabas na casualty riyan ay si Julia, dahil siya ang nag-aartista sa ngayon at ang kasiraan ng kanyang pamilya,kasiraan din niya.

Pagkatapos ng lahat ng kaguluhang iyan, pati na ang lumalabas na naging participation ni Julia sa kaguluhan, napakahirap na damage control ang kanyang kailangan. Aywan kung susugalan siya ng network sa mga bagay na iyon.

AGA MUHLACH MASAYA SA B RATING NG NUUK

Rated B ng Cinema Evaluation Board ang pelikula ni Aga Muhlach na Nuuk. Para sa kanya ay ok na iyon,dahil ibig sabihin ng B rating, maganda ang pelikula. Kung A kasi, art film iyon at hindi masyadong pinapasok ng audience ang mga pelikulang rated A.

 

Please follow and like us:
Read More

 2 GAY MILLIONAIRE INTERESTED KAY BIGGIE MATINEE IDOL

hunk

pwede ed deleon(NI ED DE LEON)

ISANG din namang male model na noon pa napabalitang ‘malambot din ang kilos” kung hindi man “bumabalikwas din ang kilay”, ang umaaming naka-date daw niya nang tatlong ulit ang sikat na matinee idol ngayon na natsitsismis ring may “malaking pag-asa sa kinabukasan”. Mukhang happy and contented naman daw, batay sa kanyang mga kuwento, ang male model na bumabalikwas ang kilay.

Totoo pala ang tsismis kung ganoon, na nagrereklamo din daw minsan ang girlfriend ng matinee idol na hindi siya makalakad nang diretso pagkatapos ng kanilang mga nagiging dates. Totoo daw iyon at hindi acting na pam-best actress lang.

Aba talaga naman palang may maipagmamalaki ang matinee idol. Hindi kagaya ng nakita mo lang na nasa video Tito KC. Kaya pala interesado rin sa kanya ang dalawang gay millionaire. Sino kaya ang magwagi?

 

Please follow and like us:
Read More

TABLOID COLUMNIST, 1 PA, PATAY SA AMBUSH

(NI JG TUMBADO)

PINAGBABARIL hanggang sa mapatay ng riding in tandem ang isang kolumnista at maging ng isa pa nitong kasama habang sakay sa kotse sa bayan ng Arayat, Pampanga Linggo ng gabi.

Nakasalampak pa sa driver’s seat nito at wala nang buhay bunsod ng apat na tama ng bala ng baril sa ulo at katawan nang datnan ng pulisya ang biktima na si Jupiter Gonzales, kolumnista ng diyaryong Remate at kasamang si Christopher Tiongson, na dead on arrival sa Arayat District Hospital.

Batay sa report kay Police Lt. Colonel Dale Soliba, chief of police ng Arayat, sakay umano ang dalawa sa isang kulay abong Nissan Almera na minamaneho ni Gonzales patungong Olongapo City nang sila ay buntutan at paulanan ng bala ng dalawang armadong lalaki na lulan sa motorsiklo sa bahagi ng Barangay Cacutud, dakong alas 10:30 ng gabi.

Si Gonzales ay nagsusulat bilang kolumnista sa nabanggit na tabloid at kilala bilang kritiko ng ilegal na pasugalan, partikular ang peryahan sa ilang mga lugar sa National Capital Region (NCR) at maging sa Central Luzon.

Kinondena naman ng Presidential Task Force on Media Security ang pagpaslang kay Gonzales na ayon kay Under Secretary Joel Sy Egco ay reresolbahin ang kaso sa lalong madaling panahon.

Kasabay nito, nagtatag na ng Task Force Gonzales ang PTFoMS, katuwang ang Pampanga Provincial Police Office at Arayat Municipal Police upang mabilis na matukoy ang mga nasa likod ng pamamaslang.

Please follow and like us:
Read More

PIA: VHONG AND I, WE’RE COOL, WE’RE GAME!

boy abunda(NI BOY ABUNDA)

MASAYANG -masaya si Pia Wurtzbach dahil naging bahagi siya ng ‘Hope in A Star’ online campaign. Isa itong adbokasya na mayroong layunin na makatulong sa pag-aaral o edukasyon ng mga batang kapus-palad sa bansa. “Any time that I can offer my time and my help for a good cause, I always offer. I don’t feel like I’m exclusive to one advocacy lang naman. If I can offer my services to other advocacies then I’m game to do it. When I saw the campaign that they were doing Hope in a Star, I said ‘yes!’ right away because I was also a student before. I also had experience in school before,” nakangiting pahayag ni Pia.

Ang dating aktres na si Nanette Medved-Po ang founder ng Hope in A Star. Kasama ni Pia sina Nadine Lustre, James Reid, Iza Calzado at Luis Manzano sa nasabing online campaign. “Growing up I realize na napaka-importante talaga ng education and I wouldn’t be here now without everything that I learned in those four corners of the classroom. Everything that i learned from the teachers and the books and my classmates. So it’s really important that we give these kids a safe space where they can sit down and learn and be comfortable at the same time. It’s not just building classrooms, it’s like really building futures. Sana marami pang ibang artista who can offer also some experience for free for a good cause. Sana dumami pa kami,” paglalahad ng Miss Universe 2015.

Samantala, nilinaw ni Pia ang napabalitang hindi na umano matutuloy ang pelikulang pagtatambalan nila ni Vhong Navarro. Nasimulan na ang shooting ng bagong proyekto pero napahinto raw ang paggawa nito. “They want it to look really good. So they’re still at work up to now. Kami ni Vhong we’re okay but then mabuti na rin siguro ‘yon that we got to shoot an hour’s worth of scenes already then ni-review muna bago dinecide na maybe we need to do some changes. We wouldn’t want it to come out half-baked. We want to make sure that it’s a 100% what we want to show everyone. Para hindi masayang ‘yung pinaghirapang pera ng mga manonood at saka para hindi rin kami mapahiya. Para sa ating lahat ito so mabuti na rin siguro. From what I’ve been told, it is just a delay. Vhong and I are on standby. We’re cool, we’re game to shoot again anytime,” pagdedetalye ng dalaga. -Reports from JCC-   

 

Please follow and like us:
Read More

NPA KINONDENA SA RECRUITMENT NG ‘CHILD WARRIORS’; 2 NA SUMUKO

NPA

(NI JUN V. TRINIDAD)

QUEZON – Mariing kinondena ng militar ang umano’y patuloy na recruitment ng New People’s Army (NPA) ng mga ‘child warriors’ matapos matuklasan na ang tatlo sa 26 na sumukong rebelde sa lalawigang ito noong nakaraang linggo ay mga ‘menor-de-edad’.

“We condemn in strongest sense the NPAs’ evil act of violating our children’s innocence,” ani Brig. General Arnulfo Marcelo Burgos Jr., commander ng Army 2nd Infantry Division sa pahayag.

Binigyang-diin ni Burgos na may ‘written and unwritten rules in warfare’ na nagbibigay proteksyon sa mga babae at bata sa larangan ng armadong tunggalian.

Sa report na inilabas ni Capt. Jayrald Ternio, hepe ng 2nd ID public affairs office, sinabing ang tatlo, kabilang na ang isang 17-anyos na babae, ay kabilang sa 26 na sumukong NPA sa bayan ng General Nakar sa lalawigang ito nitong nakaraang Miyerkoles at Huwebes.

Ayon kay Ternio, ang menor-de-edad na amasona ay pinilit lang umano ng NPA na sumanib sa kilusan at pinagbawalan na umalis ng kampo matapos na samahan ang isang kaibigan sa tinawag na ‘exposure’ sa larangang gerilya.

Wala namang paraan upang makumpirma ang katotohanan ng naratibo ni Ternio at ng sinasabing sumukong amasona.

Ang mga sumukong komunistang gerilya na ang karamihan ay mga katutubong Dumagat mula sa bulubundukin ng Sierra Madre ay kabilang umano sa NPA’s Guerilla Front Cesar na may operasyon sa mga lalawigan ng Quezon, Laguna at Rizal.

Ang mga nagbalik-loob na rebelde ay tatanggap ng ayuda mula sa gobyerno sa ilalim ng Enhanced Comprehensive Local Integration program (E-Clip).

Please follow and like us:
Read More

FLIPTOP RAPPER BINARIL SA ULO

BALA sa ulo ang tumapos sa buhay ng kilalang Fliptop rapper na si LilJohn sa Imus City, Cavite, Linggo ng hapon.

Namatay noon din sa sa Barangay Carsadang Bago 1, Imus City, Cavite ang 35-anyos na si Jon Ross Delos Santos o mas kilala bilang ang FlipTop rapper na si LilJohn.

Sinabi ni Police Lt.Col. Junar Alamo, hepe ng Imus City Police, nakaupo ang biktima sa motorsiklo nito sa tapat ng tindahan ng pagkain sa main road ng Legian 2B subdivision nang barilin sa ulo.

Itinakbo pa siya sa ospital ng Imus pero idineklarang dead on arrival.

Dalawang basyo ng bala ang nakuha sa pinangyarihan ng krimen.

Taga Tambo, Parañaque ang biktima na kilala sa pakikilahok sa mga FlipTop rap battle.

Iniimbestigahan pa ang motibo sa pamamaril.

Nagpaabot ng pakikiramay ang FlipTop Battle League sa official Facebook page nito.

“Sa kabila ng ginagawa namin sa entablado, at sa kabila ng kahit anong di mapagsangayunan ng mga kasapi nito, may special unspoken bond talaga lahat ng emcees at hiphop, lalo’t mula sa indibidwal at kolektibong pinagdaanan at pinaghirapan para sa kultura natin, para sa naging kung ano siya ngayon,” ayon sa grupo.

“Kaya sobrang bigat, sobrang lungkot… Mula sa buong FlipTop, lahat ng nakasama mo sa hiphop, at lahat ng napasaya at nainspira mo sa battle rap…” dagdag pa ng FlipTop.

 

Please follow and like us:
Read More

UAAP SEASON 82 MEN’S BASKETBALL: PERFECT ATENEO

NANATILING walang talo ang Ateneo na  tinapos ang kampanya ng University of the East sa UAAP Season 82 men’s basketball tournament  makaraang ilampaso ito, 84-50, Linggo sa Ynares Center, Antipolo.

Dahil sa panalo, nag-imprub ang kartada ng Ateneo sa 12-0 at nangangailangan na lang ng dalawang panalo para awtomatikong makapasok sa finals.

Bumida sa Blue Eagles sina Isaac Go 13 puntos, Ange Kouame 11 points, eight rebounds at three blocks, at Thirdy Ravena 11 points, seven boards at two assists.

Sa simula lang lumamang ang Red Warriors, 4-0, at pagkaraan nito ay rumatsada na ng puntos ang Blue Eagles at lumamang ng 17 puntos, 40-23, sa pagtatapos ng first half.

Sa halip na magrelaks pagpasok ng third quarter, lalo pang kumamada ang Ateneo at pinalaki ang abante sa 28 para sa 53-25 iskor.

Walang awang pinalobo pa ng Blue Eagles ang kanilang lamang sa 36 points, 82-46, sa three-point play ni Go, 1:03 minuto na lang ang nalalabi sa laro.

Bumagsak sa 3-9 panalo-talong record ang UE na pinangunahan ni Alex Diakhite 15 points, 15 rebounds at four assists, habang nagdagdag si Rey Suerte ng 10 points, four boards at two dimes.

Please follow and like us:
Read More

TINGIN SA TINGI (3)

LANDFILL

Itatak sa Isip, Puso ang Disiplina

(Ni Mac Cabreros)

TINAYAN ng Department of Environment and Natural Resources (DENR) at Asian Development Bank (ADB) na kapag nagpa­tuloy ang bultong paggamit ng sachet, mangangailangan ang bansa ng 200 bagong landfill na kasing laki ng Metro Manila o 600 metro kilometro sa darating na mga taon.

Batid ng ating pamahalaang, lalo ng DENR, local government units (LGUs) at iba’t ibang sektor o grupo, na lawak at tindi ng masamang epekto ng basura sa kalikasan, sa kabuhayan ng mamamayan, at ekonomiya ng bansa.

Dahil dito, iba’t ibang programa at proyekto ang itinataguyod gaya ng maayos at tamang pangangasiwa sa basura o waste management, pagpapatupad sa batas at ordinansa saan nagpapataw ng karampatang parusa sa sinumang lalabag dito, pagtuturo ng tamang waste disposal kung saan dapat itong paghiwahiwalayin ang mga nabubulok sa hindi gayundin i-segragate ang maari pang pakinabangan o ibenta at i-recycle para ma­ging ‘pera.’

Isinulong din ang pagbabawal ng paggamit ng biodegradble bilang pampabalot sa kalakal at paggamit ng resusable at biodegradable na bag kapag namalengke.

May ilang mambabatas din ang naghain ng panukalang nagbabawal ang paggamit ng non-biodegradable straws at stirrers, ban sa SUP, pagregulate sa produksyon, pag-angkat, pagbenta, paggamit ng plastic.

“The country will not be ready to phase out plastic use until cost-effective alternatives are available,” pahayag Jeremiah Sebastian ng Pollution Control Association of the Philippines.

“The problem with banning plastic in general is we tend to see the ‘evil’ side, focusing on why it was there in the first place. But there is no such thing as eco-friendly packaging – only friendlier. It’s a matter of minimizing the environmental impact of a particular material. That’s where life-cycle assessment comes into play,” diin Sebastian.

Naiulat na pinabalik ng administrasyong Duterte ang basurang mula Canada. Maraming grupo ang nagtuturo sa mamamayan kung paano ga­wing pera ang basura. Marami rin ang naghahanap ng solus­yon para maagapan ang problema. Maraming kompanya mismo ang gumagawa ng hakbang upang mabawasan kung hindi man ay matigil ang paggamit ng plastic. May nagsusulong na pagkunan ang ener­hiya ang basura sa pagtatayo ng waste-to-energy plants. May mga grupong sumisigaw: Ayaw namin sa plastik.

At saan nga dapat magsimula ang solusyon sa basura? Sa gobyerno sa pamamagitan ng iba’t ibang ahensya nito o sa lokal na pamahalaan? Sa iba’t ibang sektor o grupo? O, di kaya tayo mismo ang dapat unang gumalaw?

Tama po, disiplina sa sarili ang dapat nating pairalin. Hindi lamang itatak sa isip at puso natin ang katagang: ‘Reuse/recycle the past, reduce the present, save the future.’ Isagawa natin ito nang taus-puso. Bawat isa sa atin ay may mahalagang papel na dapat gampanan. Nasa ating kamay ang pangangalaga sa kalikasan. Ang pagsalba sa buhay natin at ng sunod na henerasyon. Kumilos tayo ngayon para sa ating kinabukasan.

Please follow and like us:
Read More

2 PATAY SA LANDSLIDE SA DAVAO

(NI AMIHAN SABILLO)

PATAY ang dalawa katao makaraang tamaan ng intensity 6 na lindol sa Davao Del Sur, Sabado ng umaga.

Ayon kay Mark Timbal, spokesperson ng National Disaster Risk Reduction and Mangement Council (NDRRMC), ala-1:00 ng umaga niya natanggap ang report na nadaganan ng lupa ang mga kabahayan sa ibaba ng bundok sa munisipalidad ng Magsagsay.

Sa ngayon, hindi pa matukoy ni Timbal ang pagkakilanlan at edad ng dalawa.

Sinabi na maliban sa 2 patay, 18 naman ang injured o nasugatan dahil sa landslide sa Brgy. Poblacion at San Isidro.

Inaalam  pa rin  ang kabuuang bilang ng mga bahay na nasira sa magsaysay.

Patuloy din ang clearing operations sa lugar.

Please follow and like us:
Read More

‘WAG NA SANANG MAGKAMALI MULI SI PRRD

KAAA BOOM

WAG na sanang muling magkamali si Pa­ngulong Rodrigo ‘Roa’ Duterte sa pagpili ng magiging hepe ng pambansang pulisya. Bakit?

Alam naman natin ang nangyari kay dating PNP Chief General Oscar Albayalde na bago matapos ang kanyang termino ay nasira pa ang kredibilidad matapos siyang iugnay ni Baguio City Mayor Benjamin Magalong sa 2013 drug raid kung saan ni-recycle daw ng labindalawa niyang dating tauhan na tinaguriang ‘ninja cops’ ang shabu na kanilang nakumpiska.

Nakaabot sa aking ka­a­laman na masusi na raw pinag-aaralan ng aking Lolo Digong ang pagpili sa mamumuno sa PNP at balak nitong i-backtrack ng sampung taon ang mga kandidato para sa PNP chief.

May tama naman ang ating pangulo dahil nga sa pangyayari kay Albayalde noong siya pa ang provincial director ng Pampanga, anim na taon na ang nakararaan.

Ang problema nga­yon, mayroon daw isang heneral na kuwestyunable ang pagkatao dahil ito raw ay may pagka-binabae o sa madaling salita, ‘Silahis’… nakupo… naloko na.

Nakarating din sa a­king kaalaman na noong nag-aaral pa lamang sa Philippine Military Aca­demy (PMA) ang heneral na ito ay meron daw itong minolestiya na under class na gwapo. Naaktuhan daw ito habang isinasagawa ang kalaswaan sa kapwa nito kadete. Paktay tayo d’yan. Nakarating na kaya sa kaalaman ni PRRD o naamoy na kaya niya ang malansang pagkatao ng heneral na ito? Ayaw pa naman ni Lolo Digong ko sa mga bading kasi base sa kwento niya, naranasan din niya na mamolestiya noon.

Mabalik tayo kay hene­ral, sangkot din daw ito sa pag-recycle ng droga dahil noong siya pa raw ang hepe ng isang siyudad sa Metro Manila ay tumanggap daw ito ng 400K para palayain at hindi na kasuhan ang asawa ng isa sa mga drug lord na nakakulong sa National Bilibid Prison (NBP). Nangyari raw ang nabanggit na insidente noong 2010?

Mayroon pa raw isang insidente na tumanggap ang heneral ng 150K para palayain naman ang isang Chinese na nahulihan ng shabu. Naloko na!

Bukod dito, isang alyas Jun daw ang gina­gamit ng heneral na ito para makinabang sa video karera. Mahilig din daw magsabong si General?

Ang dami namang ilegal na kinasasangkutan ang opisyal na ito. Ano kaya ang nangyari at hindi man lang siya nakasuhan?

Kaya naman para kay Pa­ngulong Digong, dapat ay ma­ging matalino po kayo sa pagpili para hindi na mabahiran pa ng kontrobersya ang pamunuan ng pambansang pulisya.

Sana rin ay hindi kasama itong si General sa listahan ng mga pinagpipilian ng pangulo. KAAA…BOOM! (KAAA…BOOM!!! / JOEL GOROSPE)

Please follow and like us:
Read More

PWEDE NAMAN PALA ANG DALIAN TRAINS PINAGDUSA PA ANG MRT COMMUTERS

CHRISTIAN BOMB

PORMAL nang ginamit ng MRT-3 ang isa sa 48 Dalian trains na inangkat ng administras­yong Aquino sa isang kompanya sa China noong late 2015.

Sa pagpasok ng gob­yernong Duterte noong July 2016, hindi ginamit ang naturang mga tren dahil ayon sa Department of Transportation (DOTr) ay hindi raw ito akma sa riles at napakadelikado raw gamitin.

Dahil sa isiniwalat ng DOTr, nagkaroon ng imbestigasyon dito ang Senado, at kinuwestyon nang todo-todo ng mga pro-Duterte senator ang mga dating tauhan ni ex-Pres. Aquino sa Department of Transportation and Communications (DOTC) dahil corruption daw ang ginawa ng mga ito, na naglabas ng P3.8 billion sa pera ng bayan para bumili ng mga tren na hindi naman daw kapaki-pakinabang.

Matagal na nagkaroon ng imbestigasyon dito ang Senado hanggang humantong sa sinampahan ng kasong graft sa Ombudsman ang mga dating tauhan ni ex-Pres. Aquino sa DOTC.

Habang nakaimbak ang Dalian trains ay nagkaroon ng sunod-sunod na aberya ang mga lumang tren ng MRT-3.

Dahil kinakapos na ang mga tren na gina­ga­mit sa MRT-3 ay sinubukan ng DOTr na gamitin ang isang unit ng Dalian train noong nakaraang Martes, at good news! Akma naman pala sa riles ang Dalian train at maa­yos ang naging biyahe nito kaya hanggang nga­yon ay nagagamit na ito sa operasyon ng MRT-3.

At dahil kapaki-pakinabang naman pala ang mga Dalian trains ay nangangahulugan ito na ginamit lang ang mga tren na ito pampulitika para siraan ang administrasyong Aquino.

Iyan ang masama minsan sa mga politiko, na gagawin ang lahat makapanira lang sa mga kalaban nila sa pulitika kahit na ang magdusa pa ay ang taumbayan. Kasi isipin n’yo, higit tatlong taon pinagdusa ng Duterte government ang MRT commuters sa kakulangan ng mga tren, iyon pala, maayos, akma sa riles at kapaki-pakinabang naman ang Dalian trains.

oOo

TIMBRE: Paging NCRPO Director, Gen. Debold Sinas, isang alyas “Jess” daw ang nango­ngolekta ng intelihensya sa mga gambling lord sa Que­zon City. Nagpapatuloy pa rin daw ang operasyon ng lotteng ni alyas “Rose” sa Pasig City. Nagkalat daw ang mga kubrador ng bookies ni alyas “Toto” sa Makati City. (CHRISTIAN’S BOMB / CHRISTIAN HERNANDEZ)

Please follow and like us:
Read More

PROBLEMA SA TRAPIK AT PARADAHAN

yourservice

RAMDAM na ramdam na natin ang hirap sa trapiko hindi lamang sa kahabaan ng EDSA kundi maging sa mga lagusan into. Dati-rati naman ay hindi ganito kahirap bumiyahe.

Pero ngayon, talagang laking pahirap na ang trapiko sa bagal. Isama pa natin dito ang mga sagabal sa daan tulad ng mga inaayos na kalsada, mga sirang sasakyan, mga interseksyon na nagbuhol-buhol dahil ayaw magbigayan ang mga motorista. Isama mo pa ang mga ginagawang imprastruktura tulad ng skyways.

Malimit na nating nababalitaan ngayon ang walang humpay na clea­ring operation ng MMDA at maging mga tauhan ng local government units tulad ng Maynila, Quezon City, Pasig at San Juan. Ngunit kakaunti lang ang ginhawang naidudulot nito. Aminin na natin — sobrang dami na ng mga sasakyan at limitado lang talaga ang mga nagagamit nating daan para ito’y daluyan. Kaya huwag na tayong magtaka bakit mas masikip ngayon ang EDSA kaysa noong unang panahon. Ito’y dahil patuloy na dumarami ang mga sasakyan ngunit hindi naman nadaragdagan ang a­ting mga daan.

Sang-ayon ako sa kasalukuyang minumungkahi ng MMDA at ng ibang mga alkalde na kinakailangang magkaroon ng disiplina sa daan — oo, alam natin na kailangan talaga ito. Ngunit, sana naman pagtuunan din nila ng pansin at gumawa ng plano sa pagpapagawa ng karagdagang daan — maging skyway man ito, two-level highway tulad sa ibang bansa, railway system para sa pampublikong sasakyan at iba pa. Sapagkat kapag hindi tayo nagdagdag ng daan o mga istruktura para sa pampublikong sasakyan — sisikip at sisikip ang ating mga kasalukuyang daanan dahil walang tigil ang pagdami ng mga sasakyan lalo na ngayon at may mga malikhaing pamamaraan ang mga nagbebenta nito, tulad ng low down at low monthly schemes — upang kayanın ng mas maraming tao na bumili nito.

Sa aking munting pa­lagay — sa isyu ng pag­dagdag ng mga kalsada o daan — maaring gamitin ng estado ang kapangyarihang tinatawag da­ting eminent domain para ma-expropriate ang mga lupang kinakailangan dito. Sa isyu naman ng parking, sana may mga negosyante na magtayo ng mga multi-level parking upang magkaroon ng alternatibong paradahan ang mga may sasakyan ngunit walang garahe. Maganda naman ang negosyong ito — nakatutulong pa sa problema ng illegal parking sa ating mga kalsada. Sa isyu naman ng disiplina — maa­ring taasan ang mga babayaran o multa sa paglabag ng mga batas trapiko at maging masigasig ang mga enforcer natin sa pagpapatupad nito.

Ang gusto ko lang naman iparating ay ito — ang problema sa trapik at sa par­king ay problema nating lahat. Hindi ito isang simpleng problema na kakayaning lutasin ng isang solusyon o mungkahi lamang. Mareresolba lamang natin ito sa pamamagitan ng pagtutulong-tulong ng lahat ng ahensya ng pamahalaan na naatasan sa suliraning ito — hindi isang solusyon kundi maraming pamamaraan na haharap sa iba’t ibang aspeto ng problemang ito — kakulangan ng kalsada, parami nang paraming sasakyan, kakulangan sa paradahan, disiplina, at mga alternatibong pamamaraan ng pampublikong sasakyan.

Matalino ang ating mga kababayan — naniniwala ako na kapag nagtulong-tulong tayo, mabibigyan natin ng pangma­tagalang lunas ang problemang ito. (@YOURSERVICE / ATTY. DAVID AQUINO)

Please follow and like us:
Read More