6 MIYEMBRO NG CARNAPPING, GUN FOR HIRE GROUP ARESTADO

(NI NICK ECHEVARRIA)

NASAKOTE ng pinagsanib na pwersa ng mga tauhan ng 6th Infantry Division (ID) ng Philippine Army at PNP Criminal Investigation and Detection Group (CIDG) sa isang operasyon ang anim na miyembro ng notoryus na carnapping at gun for hire group sa North Cotabato, Miyerkoles ng madaling araw.

Ayon kay Maj. Gen. Diosdado C. Carreon, commander ng 6th ID, naaresto ang anim makaraang isilbi ng militar at pulisya ang search warrants laban sa nabanggit na grupo sa Brgy. Inug-ug sa bayan ng Pikit sa nasabing lalawigan pasado alas-2:00.

Hindi na umano nagawang makapanlaban ng mga suspek na pinaniniwalaang responsable sa mga serye ng patayan, carnapping at highway robberies sa naturang lugar. matapos na masorpresa ang mga ito sa isinagawang operasyon.

Kinilala naman ng CIDG-North Cotabato ang mga naaresto na sina Toto Pañares 34, Ibrahim Guimalan, 33 , Jonathan Batunga, 19, Ibrahim Katogan, 20, Bohari Katogan, 20, at Kus Minga, 59, na pawang mga residente ng Barangay Inug-ug.

Nakumpiska sa mga suspek ang (2) M16 Armalite rifles, (1) M1 Garand rifle, (1) homemade .30 caliber rifle, (2) M19 pistols, granada at mga bala.

Binigyang diin pa ni Carreon na siya ring kasalukuyang pinuno ng Joint Task Force Central (JTFC) na ang mga nahuling armadong miyembro ng lawless groups ang itinuturong may kagagawan ng paghahasik ng takot sa mga residente ng Pikit at sa mga katabing bayan nito.

Naniniwala ang mga awtoridad na malaking tulong ang pagkaka-neutralisa sa grupo ng mga suspek sa isinasagawang imbestigasyon kaugnay sa dumadaming bilang ng mga patayan at iba pang uri ng kriminalidad sa lugar.

 

Please follow and like us:
Read More

ASST. CITY PROSECUTOR SUGATAN SA AMBUSH

(NI FRANCIS SORIANO/PHOTO BY AJ GOLEZ)

NASA mabuting kalagayan na ngayon ang assistant chief inquest prosecutor ng Caloocan City matapos tambangan at pagbabarilin sa harapan ng Chinese restaurant malapit sa Caloocan City Hall at East Grace Park, Martes ng hapon.

Kinilala ni PCol Noel Flores, hepe ng Caloocan City Police Station, ang biktima  na si Chief Assistant Inquest Prosecutor Elmer Susano.

Ayon kay Flores, si Susano ay pauwi na ng kanyang bahay lulan ng kanyang Toyota Hilux pick-up truck nang ito ay panandalian huminto sa naturang restaurant para magpatake-out ng pagkain sa B. Serrano Street corner 9th Avenue, dakong 3:00 ng hapon.

Base sa inisyal na imbestigasyon, nasa loob na ng kanyang sasakyan ang biktima nang ito ay pagbabarilin  ng mga hindi pa kilalang suspek lulan ng dalawang motorsiklo na riding-in-tandem.

Gayunman,  hindi inakala ng mga suspek na bulletproof ang naturang sasakyan ng biktima kaya nagkaroon pa umano ng ilang metro na habulan hanggang sa tuluyang umatras ang mga salarin.

Narekober sa crime scene ang 13 piraso ng empty shells na hindi pa matukoy na kalibre ng baril.

Inamin din ni Susano sa mga awtoridad na bago ang insidente ay nakatatangap na siya ng mga death threats.

Bunsod nito,  nagsasagawa ng mas malaliman na imbestigasyon ang Caloocan PNP kung saan ay nirerebisa na nila ang kopya ng closed-circuit television (CCTV) footage ng insidente para matukoy ang pagkakakilalan ng mga suspek.

Samantala,  matatandaan na noong May 2017 ay inambush din si Assistant City Prosecutor Diosdado Azarcon, kung saan ay napatay ito, makaraan pagbabarilin ng tatlong beses sa ulo ng dawalang motorcycle-riding-in-tandem sa Barangay 63, West Grace Park.

Please follow and like us:
Read More

DATING PANGASINAN REP. ESPINO LIGTAS SA AMBUSH; SECURITY AIDE PATAY

(UPDATE)

SUGATAN ngunit ligtas na sa kritikal na kalagayan si dating Pangasinan governor Amado Espino, Jr., matapos tambangan sakay ng kanyang Toyota Land Cruiser, Miyerkoles ng hapon.

Nabatid na bandang alas-4:30 ng hapon nang pagbabarilin ng grupo ng armado ang sasakyan ni Espino sa Magtaking in San Carlos City.

Isa sa mga aide ni Espino, isang pulis, ang namatay sa ambush habang isinugod naman si Espino  sa Holy Blessed Family Hospital, sa San Carlos City, ayon kay San Carlos City Mayor Julier Resuello.

Nilinaw din ni Resuello na isang aide lamang ni Espino ang nasawi at hindi higit pa rito tulad nang unang naibalita.

Apat sa iba pang aide ni Espino ang kritikal lulan ng backup na sasakyan na Toyota Innova, ayon pa kay Resuello.

Gayong sugatan, nagawa pang isugod ng driver ang dating mambabatas sa ospital na may 150 metro ang layo.

Nabatid pa na nagawang kubabawan ng security aides si Espino habang binabaril ng mga armado.

Nagtamo si Espino ng mga tama ng bala sa braso at katawan at inoobserbahan pa rin ng mga doktor. Patuloy na isinasagawa ang imbestigasyon gayundin ang motibo sa pananambang kay Espino, dating kumatawan sa 5th district ng Pangasinan.

Please follow and like us:
Read More

‘MISTER’ SINUNDO SA INUMAN; ‘MISIS’ GINAWANG PUNCHING BAG

rape

(NI CHERK BALAGTAS)

ISANG babae ang natamo ng mga pinsala sa ulo at katawan matapos gawing punching bag ng kanyang kinakasamang na-badtrip matapos sunduin niya ito sa inuman sa Lungsod ng Navotas, Martes ng gabi.

Sa ulat ng Navotas City Police – Women and Children Protection Desk (WCPD), ganap umanong alas-11:30 ng gabi nang maganap ang insidente sa bahay ng biktimang itinago sa pangalang Joan, 22, sa kahabaan ng Abiola Street, Barangay Tangos South ng nasabing lungsod.

Bago ang insidente ay nakikipaginuman umano ang suspek na kinilalang si Jervi James De Guzman, 26, helper, sa isang shipyard company hindi kalayuan sa kanilang bahay nang sunduin ni Joan at pilit na pinauuwi.

Ngunit sa halip na umuwi ay hindi nito pinansin ang kinakasama kaya’t umuwi na lamang na mag-isa ang biktima, ilang sandali pa ay dumating na rin ang suspek at sinipa ang kanilang pintuan pabukas, nang makita ang biktima ay dinakma niya ito at doon na inumpisahang pagsusuntukin sa kanyang ulo at iba pang bahagi ng katawan na naging sanhi ng mga pinsalang tinamo nito.

Agad namang dumating ang ina ng biktima na itinago rin sa pangalang Angelina, 43, na mabilis na inawat ang suspek ngunit sa halip na magpaawat ito ay maging siya ay pinagsusuntok din ng suspek sa kanyang ulo na nagtamo rin ng pinsala.

Mabilis din namang nakaresponde ang mga tauhan ng barangay na sina  B/T Jose Dainog at B/T Renaldo Dela Cruz at inaresto ang suspek, agad nadala sa pinakamalapit na pagamutan ang dalawang biktima at nilapatan ng lunas.

Sa ngayon ay nasa kustodiya na ng Navotas City detention cell ang suspek na nahaharap sa kasong Physical injury in relation to RA 9262 o Violence Against Women and Their Children Act at Slight Physical Injury.

Please follow and like us:
Read More

CARETAKER BINAUNAN NG ITAK SA ULO 

crimebolo123

(NI ANNIE PINEDA)

NAKABAON pa ang itak sa ulo ng isang caretaker makaraan tagain ito ng hindi pa kilalang suspek habang natutulog sa tinutuluyan nitong bunk house sa probinsya ng South Cotabato.

Kinilala ang biktimang si Joel Eleuterio, 32, caretaker ng Templonuevo Quarrying Site , nanunulyan sa Barangay San Vicente, Surallah, South Cotabato.

Batay sa report ng pulisya, dakong alas 8:00 ng umaga nang matagpuan ang bangkay ng biktima ng kanyang mga kasamahan sa loob ng bunk house na naliligo sa sariling dugo at nakabaon pa ang itak sa ulo nito.

Sa imbestigasyon ng pulisya, posibleng natutulog pa ang biktima nang pasukin ito ng suspek at tinaga ng itak sa ulo.

Nagpapatuloy naman ang imbestigasyon ng pulisya para alamin ang motibo sa krimen at pagkakakilanlan sa suspek.

Please follow and like us:
Read More

BAGYONG ‘MARILYN’ NASA PAR NA BUKAS

bagyo1

(NI ABBY MENDOZA)

INAASAHANG ganap nang bagyo ang Low Pressure Area(LPA) na nasa labas ng bansa at bukas inaasahang papasok ng Philippine Area of Responsibility(PAR).

Ayon sa Philippine Atmospheric Geophysical and Astronomical Services Administration(PAGASA) pagpasok ng bagyo sa PAR ay tatawagin itong bagyong Marilyn, taglay nito ang lakas ng hangin na aabot sa 55 km/h at bugso na 70kph.

Bagama’t nasa labas ng PAR ay apektado na umano ng buntot ng bagyo ang Occidental Mindoro,Oriental Mindoro,

Romblon,Marinduque, Palawan, Bicol at Visayas na nakakaranas ng katamtaman hanggang malakas na pag-uulan.

Hindi inaasahan ng Pagasa na maglalandfall ang bagyo na mananatili umano sa loob ng PAR hanggang sa araw ng Linggo kaya asahan ang maulan na weekend.

 

 

Please follow and like us:
Read More

ANGELICA, CONCERT PRODUCER NA RIN

(NI BOY ABUNDA)

BUKOD  sa pagiging isang aktres ay abala rin ngayon si Angelica Panganiban bilang isang producer. Kasama ng dalaga na magpo-produce ang mga kaibigang sina John at Camille Prats, Isabel Oli at Sam Milby sa kauna-unahang concert nilang Hueniverse Music Festival na gaganapin sa September 28 sa Filinvest Events Grounds.

“Matagal na namin ‘to pinag-uusapan. Nagsimula ‘to tuwing nagpupunta ako sa mga music festival abroad. Lagi akong excited ‘pag nagkukuwento ako sa kanila with my experiences and na-inspire din sila na makagawa din nga tayo sa Philippines,” nakangiting bungad ni Angelica.

Muling lumakas ang benta sa merkado ng OPM (Original Pilipino Music) kaya hindi nagdalawang isip ang aktres at mga kaibigan para ituloy ang nasabing concert. “Nakakatuwa kasi makikita na ulit ‘yung mga OPM artist natin na nakakatuwa, kasi mainit na ulit sila ngayon. Marami na ang mga Pilipino na sususuporta sa OPM,” dagdag ng dalaga.

Para kay Angelica ay masarap sa pakiramdam na mayroon siyang ibang bagay na pinagkakaabalahan maliban sa pag-arte sa harap ng kamera. “Something different. Lahat naman siguro kasi nakaka-depressed na artista na lang ba ako habang buhay ko? Wala na ba akong ibang kayang gawin? Lilimitahan ko na lang ba ang sarili ko? Kaya very fulfilling na may iba pa akong kapasidad and i-explore ang sarili ko sa ibang areas pa na hindi naman din malayo sa acting, na halos nasa isang industry pa rin naman,” paliwanag ng aktres.

Pagkatapos mag-produce ng concert ay pinapangarap naman ni Angelica na makapag-produce ng pelikula. Malaki ang pasasalamat ng dalaga sa mga kasamahang kapwa artista at producer dahil talagang magkakatulong sila sa pagbuo ng nasabing concert. “Very understanding naman sa akin. Nagbibigay naman kami ng input and hindi naman din kami nagpapahuli sa mga chat and talagang updated kami kahit na hindi kami madalas na present sa mga meeting,” pagbabahagi ni Angelica. -Reports from JCC-

 

Please follow and like us:
Read More

BANGKAY NG BABAE ITINAPON SA HIGHWAY

zambales12

(NI JG TUMBADO)

NAKATALI na parang baboy ang mga paa at kamay at wala nang buhay nang madiskubre, Miyerkoles ng umaga ang bangkay ng isang babae sa gilid ng national highway ng San Felipe, Zambales.

Inilarawan ng mga imbestigador ang biktima na nasa edad na 35 hanggang 40 anyos, may taas na 5’2 hanggang 5’4 talampakan.

Suot ng babae ang pantalon na asul ngunit walang damit pang-itaas habang nakabalot ang ulo nito ng garbage bag.

Mayroong tattoo sa kanyang batok at likod ang babae.

Inaalam na ng pulisya ang posibilidad na biktima ng summary execution ang hindi pa nakikilalang babae.

Please follow and like us:
Read More

LOLO ITINUMBA NG TANDEM

(NI JG TUMBADO)

UTAS ang isang senior citizen makaraang pagbabarilin sa Barangay Mabini, Daraga sa Albay, Martes ng gabi.

Kinilala ni Police Major Maria Luisa Calubaquib, tagapagsalita ng Bicol regional police, ang biktimang si Eriberto Lomerio, 64.

Ayon sa imbestigasyon ng pulisya, minamaneho ni Lomerio ang kanyang traysikel dakong alas-6:40 ng gabi nang sabayan ng suspek at malapitang pagbabarilin ng suspek.

Isinugod pa si Lomerio sa Daraga Doctors Hospital ngunit hindi na umabot ng buhay. Patuloy nang sinisiyasat ng pulisya ang motibo at nasa likod ng krimen.

 

Please follow and like us:
Read More

3 MAGKAKAANAK PATAY, 2 BATA SUGATAN SA TONDO FIRE

(NI HARVEY PEREZ)

HALOS hindi na makilala ang tatlong magkakamag-anak na kinabibilangan ng mag-ina matapos matusta nang hindi malalabas sa nasusunog nilang bahay, Miyerkoles ng umaga sa Honorio Lopez Boulevard, Tondo,Maynila.

Nabatid na  unang napaulat na nawawala ang mga biktimang sina Mara Beneza, 23,  anak niyang si Leo Lance Tequillo, 4, at pamangking si Andrei Tequillo, 5, pero nang maapula  na ang apoy  ay nakita ang kanilang sunog na bangkay  sa loob ng kanilang bahay na magkakayakap.

Sinabi ni Fire Insp. John Jalique, hepe ng Intelligence and Investigation ng Manila Fire Department, may dalawang bata pa na nasa edad 7 at 8 ang nagtamo ng first at second-degree burns sa na isinugod sa pagamutan.

Sa imbestigasyon ni  FO1 Axel Ramos, ng Manila-Bureau of Fire Protection (BFP), alas  6:17 ng umaga nang sumiklab ang sunog sa isang 2-palapag na residential building sa Honorio Lopez Boulevard, sa Tondo.
Sinabi ni   Michelle Bacanza, kaanak ng mga biktima at residente rin sa lugar, hindi nakalabas ang mga biktima  sa nasusunog nilang tahanan.

Naapula ang sunog dakong alas 6:55 ng umaga na  umabot  sa  ikalawang alarma ang sunog.
May  10  bahay na yari sa light materials ang nadamay na masunog , 20 pamilya ang nawalan ng tahanan at aabot sa P50,000 ang napinsalang ari-arian.

Patuloy na iniimbestigahan ng arson ang sanhi ng sunog na hinala naman ng ilang residente sa lugar na sinadya dahil pinaalis na umano sila sa lugar.

 

 

Please follow and like us:
Read More

MISIS PATAY SA TAGA NG MISTER

(NI NICK ECHEVARRIA)

PATAY ang isang ginang matapos pagtatagain ng kanyang sariling mister sa loob ng kanilang bahay sa Poblacion District 2, Mobo, Masbate.

Sa report na ipinarating ni P/ Major Alwin L. Magayanes, acting chief ng Mobo Municipal Police Station (MPS), sa Police Regional Office (PRO) 5, nakilala ang biktima na si Venus Cardino, 47.

Nabatid sa naantalang ulat na pinagtataga ang biktima ng kanyang mister na si Fernando Cardino, 58, barangay tanod, makaraang magkaroon ng mainitang pagtatalo ang mag-asawa sa loob ng kanilang bahay na nauwi sa pananaga ng suspek sa ginang na ikinamatay nito matapos magtamo ng mga malalalim na sugat.

Nadakip naman ng mga tauhan ng Mobo MPS sa follow-up investigation ang suspek na nakakulong na ngayon sa Mobo detention cell, matapos sampahan ng reklamo kaugnay sa kasong parricide sa Provincial Prosecution Office sa Masbate City sa nasabing lalawigan.

Please follow and like us:
Read More

SEN. BONG PURSIGIDO KAY PIA WURTZBACH

ang kulit ni Lolit(NI LOLIT SOLIS)

PURSIGIDO talaga itong alaga kong si Sen. Bong Revilla na gumawa ng pelikula kasama si Pia Wurztbach.

Hindi ko lang alam kung kasama pa rin diyan si Robin Padilla, pero willing siyang hintayin ang availability ng Miss Universe.

Kung medyo maluwag na raw ang schedule niya sa next year, tamang-tama lang daw dahil iyun na rin ang target nilang magsimula sa paggawa ng pelikula.

Pero alam  ko may commitment pa si Pia sa Star Cinema sa pelikula nila ni Vhong Navarro. Hindi pa raw matapos-tapos iyun dahil na rin sa schedule ni Pia, kaya siguro tatapusin pa muna niya yan.

Ang bongga ni Pia huh! Hindi niya alam ngayon kung alin ang uunahin niya, ang kay Vhong o kay Bong!

Na-inspire kasi si Bong na gumawa na ng pelikula dahil maganda ang feedback sa mga pelikula niyang ipalalabas sa GMA Blockbuster tuwing Linggo ng hapon.

Nung last Sunday lang ito nagsimula na kung saan ipinalabas yung Dugo ng Panday niya, mataas ang rating at for the first time, natalo nito ang pelikula ni FPJ.

Mahirap kasing talunin ang mga pelikula ni FPJ na kahit paulit-ulit, pinapanood pa rin.

Siguro na-miss pa rin naman talaga si Bong ng mga fans niya kaya gustung-gusto na nilang mapanood ito sa TV o sa pelikula.

Siguro next year, okay na ring bumalik na si Bong sa showbiz dahil sabi nga niya, iyun naman talaga ang first love niya.

DATU BARON NA BA ANG DAPAT ITAWAG NATIN KAY GEISLER?

Paano na pala natin tawagin si Barong Geisler, Datu Baron na?

Eh nung nag-Take It per Minute me Ganun kami nina Cristy Fermin at Mr.

Fu nung nakaraang Martes, dumaan dun si Jerry Olea. Naikuwento nga niya sa amin na pupunta raw siya sa seremonya na kung saan gagawaran si Baron ng pagkilala na isa na siyang Datu.

Ang nagkaloob daw nito sa kanya ay ang royal family na sina King Raja Mohammadmamay Hasan Abdurajak at Queen Maria Makiling Helen Fatima Nasaria Panalino Abdurajak.

Nakakaloka! Hindi ko sila kilala kahit napakahaba ng pangalan nila. Pero sabi nila, sila raw ang tagapagmana ng trono ng Royal Imperial Lupah Sug Islamic United Kingdom of Sulu & North Borneo.

May ganun palang kaharian? Hindi ko knows yan mga bakla!

Pero kung ano man yun, baka maganda ang magagawa nito kay Baron dahil sabi nga niya, narinig lang daw ang testimony niya sa isang birthday nitong royal family na ito na sinasabi niyang malaki ang nagawa ng Diyos sa kanya para magbago.

Ngayon ay reformed Baron na siya, kaya pinagkaluuban ito ng Certificate of Royal Appointment and Recognition na may medalya pa at singsing with matching royal ID.

Kaya si Datu Baron Frederick van Geisler na ang turing sa kanya na isa  na raw siyang Ambassador for Peace and Prosperity.

Doon na rin sinagot ni Baron ang tungkol sa napabalitang babaliks siya sa rehab at nagpaalam na raw ito sa Ang Probinsyano.

Sabi niya, tuloy pa rin daw siya sa Ang Probinsyano at pumupunta lang daw siya sa dating pinag-rehab niya para magbigay ng talk at nagka-counseling pa rin.

May mga times daw kasing nadi-depress siya, kaya pumupunta siya roon para makipag-usap sa kanila dun.

Sabi ni Baron sa interview sa kanya ni Jerry; “Whenever I feel depressed, or ina-attack ako ng bad elements, ng demonyo…I have a spiritual family to go to. It’s a house. Penuel Home. We pray. May structure.

“I just go there. I’m a gradute there kasi. So, I’m always welcome.

“So, siguro, people na-misconstrue.”

Sana nga tuluy-tuloy na itong pagbago ni Baron ngayong may posisyon na siya huh!

Magaling pa naman siyang aktor at talagang nagmarka siya sa Ang Probinsyano.

RAYVER AT JULIE ANNE MAY CHEMISTRY 

Marami pala ang nakapansin na may chemistry raw sina Julie Anne San

Jose at Rayver Cruz.

Wala kasi ako dun sa mediacon ng The Clash na nasa second season na. Pero iyun ang sinasabi ng mga bakla dun na bagay silang dalawa.

Nakita kasi yan sa Studio 7 na bagay silang tingnan sa Duets with Me na segment nila.

Kaya kahit nandiyan pa ang Studio 7 tuwing Sabado, sila pa rin ang kinuhang The Clash Masters sa second season ng singing competition na ito.

Sabi ni Julie Anne; “Kasi one of the factors po talaga na kailangan sa isang show ay magkaroon ka ng chemistry dun sa mga katrabaho mo.

“Hindi naman po mahirap katrabaho si Rayver.”

Dugtong naman ni Rayver; “Ang bilis kasi namin  mag-jive. Sa mga prod numbers, natuwa ang mga tao.

“Naging close pa kami sa Studio 7.”

Tuloy pa rin ang mga original na Clash panel na sina Aiai delas Alas, Christian Bautista at Lani Misalucha.

Sina Ken Chan at Rita Daniela naman ang Journey hosts.

Ang layo na nang narating nitong tandem nina Ken at Rita ha?

Meron pa silang primetime series na One of the Baes na malapit na ring magsimula.

 

 

 

 

Please follow and like us:
Read More

4 PATAY, 16 SUGATAN SA SALPUKAN NG BUS, WING VAN

(NI DONDON DINOY)

DAVAO CITY–Apat na ang naitalang namatay habang nasa 16 ang sugatan matapos ang banggaan ng isang pampasaherong bus at isang wing van sa Binugao, Toril nitong lungsod, pasado alas- 3:00 ng hapon, Martes, Setyembre 10.

Ayon sa Toril Police Station, isang Mindanao Star Bus na lulan ang maraming pasahero at wing van na puno ng kargamento ang nagsalpukan.

Wasak ang kabilang bahagi ng dingding ng wing van matapos pumasok sa driver side ng bus at dahilan upang masugatan ang mga pasahero.

Agad binawian ng buhay ang pasaherong si Judy Mejares, 50, habang sa Southern Philippine Medical Center (SPMC) naman binawian ng buhay ang mga pasaherong sina Theresa Gonzales, at mag-asawang Julieta, 53 at Rodrigo Tulin.

Napag-alaman na mayroong 21 pasahero ang bus galing sa North Cotabato at papunta sa Ecoland Terminal dito sa lungsod nang mangyari ang sakuna.

Napag-alaman na nakalabas na kahapon ng umaga ang 11 biktima ngunit nasa operating room pa ang ilan sa kanila.

Kabilang sa mga naiwan sa pagamutan ang 37-anyos na drayber ng bus na si Andro Saiden Abdulwahab; Jeffrey Abarquez, 29; Lizel Ramos, 25; Lucresia Gomez, 74; Patrocenia Gomez, 81; Dorotea Masangay, 81; at Emediline Masangay, 51.

Isa umanong retiradong sundalo ang namatay na si Rodrigo Tulin habang ang asawa nitong si Julieta ay kawani ng Department of Social Welfare and Development sa bayan ng Monkayo, Compostela Valley Province, na pauwi na sa kanilang lugar galing sa Midsayap, North Cotabato.

Patuloy na ino-obserbahan sa SPMC ang natitirang mga biktima habang patuloy pa ang imbestigasyon ng otoridad sa malagim na trahedya.

 

Please follow and like us:
Read More

BUTANDING, TAO MAY KAUGNAYAN

BUTANDING-2

(Ni Mac Cabreros / Huling Labas)

Eco-tourism Pinalalakas

ANG butanding tulad ng tao ay hindi magkakapareho dahil bawat isa ay may kanya kanyang pagkakakilanlan tulad ng marka sa balat habang tao ay gayundin dahil maging sa finger prints ay magkaiba.

Inaalagaang mabuti ang mga butanding dahil kabilang ang mga ito sa nagpapalakas ng turismo ng bansa at sinasabing hindi ito tulad ng mga pating na kumakain at nananakit ng tao. Ang mga ito ay malapit sa tao na sa katunayan ay puwedeng laruin.

Katuwang ang World Wide Fund for Nature– Phi­lippines o WWF, itinataguyod ang programang ‘Sharks: Res­toring the Balance’ upang mapanatili ang dami o bilang ng mga butanding sa lugar.

Katunayan, ayon sa WWF, may 104 butanding ang bagong naispatan sa Ticao Pass nitong Enero  hanggang Hunyo taon kasalukuyan at nadagdag sa dating bilang ng butanding dito para sa kabuuang 676 na ngayon.

Nasa 1,724 ang kabuuang bilang ng butanding sa buong bansa.

“Their presence suggests that the Ticao Pass may be a pupping ground for whale sharks, further increasing the ecological significance of the area,” pahayag WWF-Philippines Donsol Project Manager Manuel Narvadez, Jr.

“These whale sharks that pass by Donsol aren’t just important due to their value to local tourism. More than that, they play an important, systemic role in providing resi­lience to the local ecosystem.”

“The number of whale sharks spotted in Donsol indicates that its waters are now rich with plankton, which is their primary food. They have even come here with their young,” dagdag Narvadez.

Dahil malaki ang kaugnayan ng mga butanding sa buhay ng mga tao lalo sa eco-tourism, target ngayon ng Pamahalaan ng Donsol at WWF-Philippines na palawakin ang Marine Protected Areas o MPA sa lalawigan ng Sorsogon at karatig munisipa­lidad sa lalawigan ng Masbate.

“Whale shark tourism at Donsol is a long established eco-tourism venture, which the WWF-Philippines team helped get up and running. After so many years, it is very gratifying to see local communities and the whale sharks continuing to benefit,” paha­yag Dr. Andy Cornish, lider ng Sharks: Restoring the Balance, isang programa ng WWF para mapangalagaan ang mga pa­ting at rays sa Pilipinas, Ecuador, Mexico, Pakistan at Tanzania.

“Protecting more marine areas near Donsol could play a key role in enhancing protection for these endangered ocean nomads for generations to come,” dagdag Dr. Cornish.

Magkatuwang na kumikilos ang LGU at WWF-Philippines para mapanatiling maganda ang habitat ng mga butanding. Pero mayroon din tayong papel na dapat gampanan.

Ayon sa mga eksperto, iwasan nating manghuli at kainin o ibenta ang mga butanding. Kung lumangoy malapit sa kanila, iwasang hawakan o gumawa ng anuman na makasama sa likas nilang buhay. Higit sa lahat, iwasang magtapon ng basura lalo ang plastic sa karagatan dahil ‘nakakain’ (kasama ang iba pang marine animals) na siyang ikamamatay ng mga ito.

Please follow and like us:
Read More

NCAA SENIORS BASKETBALL: EAC DAPA SA SAN BEDA

(PHOTO BY MJ ROMERO)

NANATILING walang mantsa ang kartada ng San Beda makaraang ilampaso ang Emilio Aguinaldo College, 98-66, sa NCAA seniors basketball tournament Martes sa Filoil Flying V Centre, San Juan.

Maaga pang nanalasa ang Red Lions na nagbaon ng pitong tres sa second quarter upang magukit ng double digits na kalamangan, 54-23.

Nagtuloy-tuloy ang mainit na opensa ng San Beda hanggang sa fourth quarter kung saan lumobo pa ang abante nito sa 41 points.

Kasalukuyang may 10-0 panalo-talong kartada ang Red Lions sa NCAA Season 95, habang nasa laylayan ng team standings ang EAC sa 1-9 record nito.

Nagtulong-tulong para sa panalo ng San Beda sina Evan Nelle na nagposte ng 13 points at 11 assists; Clint Doliguez 13 points, pitong rebounds at dalawang steals; AC Soberano 12 points; MVP frontrunner Calvin Oftana 12 points at walong rebounds; at Donald Tankoua 13 points at walong rebounds.

Nanguna naman para sa Generals si Marwin Taywan na nagtala ng 19 points, limang assists, tatlong rebounds at tatlong steals, habang nagdadag si JP Maguliano ng 17 points at pitong rebounds.

Please follow and like us:
Read More

WITNESS SA GCTA FOR SALE DAPAT ILAGAY SA WPP!

HAGUPIT NI BATUIGAS BOMBA

SA patuloy na pagdinig sa Senado kaugnay sa kontrobersiyal na pagpapalaya sa mga heinous crime convict, unti-unting nabibigyan ng linaw ang isyu ng Good Conduct Time Allo­wance (GCTA) for sale sa Bureau of Corrections (BuCor).

Sa imbestigasyon ng Senate Blue Ribbon Committee na pinamumunuan ni Senador Richard Gordon, ipinatawag ang isang Yolanda Camelon na asawa ng isang bilanggo na nagbigay umano ng pera kay Senior Insp. Maribel Bansil, BuCor Officer, para sa maagang paglaya ng asawang si Godfrey Gamboa. Halagang P50,000 umano ang napagkasunduan nila ni Bansil para makalaya nang maaga ang kanyang asawa sa pamamagitan ng GCTA.

Naghintay ang mag-asawang Godfrey at Yolanda sa pangako ni Bansil subalit hindi natupad kaya nagdesisyon ang mga ito na bawiin na lamang ang P50,000 subalit pinababalik-balik lamang si Camelon kaya nagsumbong na ito sa mga senador.

Isiniwalat ni Camelon sa Senado na nanghihingi umano ng pera si Bansil sa kanya para ibigay sa hepe ng documentation division ng BuCor na si Ramoncito Roque at ang u­nang P10,000 ay sa bahay pa umano ni Roque idineliber hanggang sa mabuo ang halagang P50,000.

Sa pagtatanong ng mga senador kay Roque, inamin nito na isinoli na niya ang pera kay Camelon pagkaraan ng ilang araw kung saan nagpahayag ang mga senador na bakit pinatagal pa bago isinoli ang pera kay Camelon.

Si Godfrey Gamboa ay nakatakda nang lumaya sa darating na Oktubre 14, taong kasalukuyan. Pero nabalitaan niya ang tungkol sa GCTA for sale kaya napag-usapan nilang mag-asawa na magtanong-tanong tungkol dito para makalabas siya nang maaga.

Inihayag din ng mag-asawa ang kagustuhang ibulgar sa Senado ang lahat ng kanilang nalalaman kaugnay sa GCTA for sale. Nakahanda na rin umano si Gamboa kung anoman ang mangyayari sa kanyang buhay sa sandaling bumalik ito sa bilangguan.

“Alam mo ba na wala ka namang mapapala kung magsasalita ka rito sa Senado? Pagtatanong ni Senador Lacson. Sumagot naman si Gamboa na “nakahanda na ako at maaaring mapatay ako sa loob ng bilangguan dahil sa aking pagsisiwalat sa katotohanan. Naawa ako sa aking  mga kapwa bilanggo, ang iba namamatay na lamang lalo na ang mga walang dalaw. Karamihan sa mga maagang nakalaya ay ang may mga kasong heinous crime samantalang ang mga simpleng kaso lamang ay hindi makalaya.”

Tinanong naman ni Senador Ping Lacson si DOJ Secretary Menardo Guevarra kung maaari bang habang nasa custody nila si Gamboa ay mapabilang o maisama sa computation ng kanyang paglaya at sinabi naman ni Guevarra na titingnan nila kung paano ang computation at posible rin na maisama sa Witness Protection Program (WPP) si Gamboa.

Sa ganang akin, sa sanda­ling matapos ang pagdinig ng mga senador sa GCTA for sale at kapag naibalik si Gamboa sa kulungan na hindi pa ito mapalaya ay nanganganib ang kanyang buhay dahil marami itong isiniwalat na anomalya sa loob ng BuCor kasama na rin ang kanyang asawa na si Camelon.

Kaya sana, huwag pumayag ang mga senador na maibalik sa kulungan si Gamboa dahil na-consumate na nito ang kanyang sentensiya na apat na taon kaya nga nakatakda na siyang lumaya sa darating na Oktubre. (HAGUPIT NI BATUIGAS / MARION BATUIGAS)

Please follow and like us:
Read More

BOC EXAMINER SIBAK SA HIGIT P1-M KOTONG

customs naia12

(NI KOI HIPOLITO)

SINIBAK sa puwesto ni Bureau of Customs NAIA District Collector Carmelita M. Talusan si BOC Examiner/Customs Operations Officer III Carmelito D. Mantal na nakatalaga sa Arrival Operations Division ng Port of NAIA dahil sa alegasyon ng pangingikil sa isang biktimang pasaherong Korean national sa loob ng Ninoy Aquino International Air port .

Ayon sa sulat ni Atty. Lourdes Mangawang, Deputy Collector for Passenger Service, isang Korean national na si Lee Sungchul ang dumating sa bansa sakay ng Flight 535057 galing Japan.

Inireklamo nito ng extortion si Mantal na humihingi diumano ng halagang Thirty million yen o higit isang milyon piso sa nasabing biktimang dayuhan na agad naman pinabulaanan ng inirereklamong empleyado ng BOC.

Gayunman, nang tingnan ang CCTV malapit sa lugar ng insidente ay nakitang may basehan ang reklamo ng dayuhan laban kay Mantal.

Dahil dito agad na kinumpiska at kinansela ang MIAA ID/Access Pass ng suspek at binawalan na rin itong magsagawa ng Authority to Render Overtime Service o (ATROS) at inalis na rin ito sa kanyang puwesto habang iniimbestigahan ang kasong isinampa laban sa suspek.

 

Please follow and like us:
Read More

ANG SALITA NI PDUTERTE PARA SA KANYA AY BATAS!

CHRISTIAN BOMB

MATAPOS mabalita na binigyan ng release order ni dating Bureau of Corrections (BuCor) Director General Nicanor Faeldon ang 10 presong drug lords na nakapiit sa New Bilibid Prison (NBP), na pawang testigo sa drug case ni Sen. Leila de Lima na mailipat sa Marine barracks sa Fort Bonifacio, ay inamin ni Pangulong Rodrigo Duterte na siya ang nag-utos nito sa dating BuCor director.

Ang naging desisyon na ito ni Pangulong Duterte, ayon kay Sen. Franklin Drilon ay mali.

Ayon kay Drilon, dahil ang korte ang humatol na makulong sa Bilibid ang mga preso, ang dapat daw na ginawa ng gobyerno ay humingi ng pahintulot o release order mula sa korte.

Sa ginawang iyan ni Pangulong Duterte ay pagpapakita ito na wala siyang respeto sa korte.

Nuon pa man ay ipinakikita na ng gobyernong Duterte ang pagsalaula nila sa batas, dahil ang kunin nilang testigo laban kay Sen. De Lima ang mga presong nahatulan na ay labag din sa batas.

Nakasaad kasi sa batas na sinomang nahatulan na ng korte ay hindi na puwedeng tumestigo sa anomang kaso, pero sa kaso laban kay De Lima, mga preso sa bilibid ang ginamit na testigo ng administrasyong Duterte.

Bilang pangulo, dapat ay si Presidente Duterte ang unang nagpapakita ng respeto sa batas, pero ang masaklap, ipinakikita niya sa publiko na wala siyang respeto sa Saligang Batas ng Pilipinas.

Katunayan nga, sa isyung iginigiit nuon ng oposisyon kay Pangulong Duterte na sabihin nang personal kay Chinese Pres. Xi Jinping na batay sa Konstitusyon, ay pag-aari ng Pilipinas ang West Philippine Sea (WPS), ay nasabi ng Pangulo, na ang Saligang Batas ng Pilipinas ay isang uri lang ng papel at ikinumpara pa ito sa “toilet paper.”

Sa sinabing ito ni Pa­ngulong Duterte ay waring ang gusto niyang ipakita sa mundo, na ang salita niya ang batas ng Pilipinas at hindi ang mga nakasaad sa SaligangBatas.

oO0

TIMBRE: Paging PNP Chief, Director Ge­neral Oscar Albayalde! Namamayagpag daw ang pasugal na color games, beto-beto at drop balls ni alyas “Baby” sa bisinidad ng Target Mall sa Sta. Rosa City; Pulo sa Cabuyao City at Landayan sa San Pedro City, pawang sa Laguna. Sa Tarlac, largado na rin daw ang operasyon ng jueteng nina “Peping” at “Bebot”. Sa Marikina City, tuloy raw ang operasyon ng lotteng at bookies ni “Rose.” (CHRISTIAN’S BOMB / CHRISTIAN HERNANDEZ)

Please follow and like us:
Read More

BIGAS

yourservice

ANG ating Kongreso ay binuo sa ilalim ng a­ting saligang batas upang magsuri, pag-aralan at sumulat ng mga batas na makatutulong sa pagsulong ng ating mga adhikain sa bayan. Kabilang dito ang seguridad sa ating soberenya at kasarinlan, seguridad sa ating kaligtasan, seguridad sa kalusugan, at seguridad sa pananatili ng ating uri ng pamumuhay.

Isama na rin natin ang isa sa mga pinakaimportanteng aspeto ng pamumuhay natin bilang Pilipino — ang seguridad sa pagkain, lalong-lalo na sa pananim at suplay ng bigas. Kalakip sa aspetong ito ang pananatili ng isang resonableng pamilihan sa bigas mula sa magsasaka hanggang sa merkado.

Ngunit nakatatakot na ang mga nangyayari nga­yon sa ating mga kababayang magsasaka.

Kabi-kabila ang balitang hirap na hirap na sila dahil sa epekto ng isang batas na inilabas ng a­ting Kongreso — eto ang tinatawag nating Rice Tariffication Law — na naglalayong payagan ang pagpasok o pag-angkat ng mga murang bigas mula sa ating mga kapitbahay na bansa. Ano ang naging epekto nito? Ang naging epekto ng batas na ito ay ang pagbaha ng napakaraming bigas na inangkat mula sa ibang bansa at sa murang halaga. Natural, mas bibilhin o tatangkilikin ng mamimili ang murang bigas na ito kesa bumili ng bigas na local. Lalong-lalo na ngayon sa hirap ng buhay at sa mahinang kapangyarihan ng piso — natural lamang na mas bebenta ang mga i­nangkat na bigas — at mas malaking kita ito sa mga negosyanteng umangkat.

Sino ngayon ang talo? Sino ngayon ang napinsala dahil dito? Tayo ba? Hindi naman — dahil bilang mamimili, tila mas pabor sa atin na may mas mura tayong bibilhin na bigas. Ang tunay na naagrabyado rito ay ang ating mga magsasaka. Dahil sa kaganapang ito, dahil sa isang batas na naglayong ibsan ang taas ng presyo ng bigas — bumaba naman nang sobra ang presyo ng lokal na bigas para maari itong makipagkumpitensya sa inangkat na uri ng bigas. Ang resulta — lugi ang ating mga magsasaka dahil hirap nilang bawiin ang puhunan na ginamit sa pagtatanim at pag-ani ng bigas.

Ang solusyon naman ng pamahalaan — magpautang ng labinlimang libo kada magsasaka.

Sapat na ba ito? Natural hindi — lalo pa nga nitong pinahihirapan ang mga magsasaka dahil ito ay utang at hindi subsidiya. Panandaliang lunas lamang ito — para lang may masa­bi na may ginagawa ang pamahalaan para tugunan ang problema ng mga magsasaka.

Sa aking munting palagay, hindi puhunan o kakulangan ng puhunan ang problema — kung maari lamang ay balikan ng a­ting mga mambabatas, sa tulong ng mga numumuno sa Kagawaran ng Pagsasaka ang batas na pasimuno sa kaganapang ito. Totoo siguro namaganda ang hangarin ng nagsulong ng batas na ito sa Kongreso — ngunit hindi natin pwedeng ipikit ang ating mga mata sa hirap at hinagpis na tinatamo ngayon — oo ngayon — ng ating mga kababayang magsasaka. Ang suliraning ito ay umeepekto sa isang aspetong napakalapit sa ating mga puso bilang mga Pilipino — ang industriya ng ating pagsasaka at ang kinabukasan ng pamumuhay ng ating mga magsasaka. Hahayaan na lamang ba nating mamatay ang lokal na pagsasaka at ang pagtanim at pag-ani ng lokal na bigas at umasa na lamang sa pag-angkat mula sa ibang bansa? Tuluyan na lamang ba nating papatayin at kalilimutan ang pamumuhay at industriyang agraryo at tayuan na lamang natin ang ating mga lupaing sakahan ng malls? Kayo na ang humusga. (@YOURSERVICE / ATTY. DAVID AQUINO)

Please follow and like us:
Read More