NISPEROS PVL PLAYER OF THE WEEK

(NI LOUIS AQUINO)

NAPILING Player of the Week ng Sports Vision Premier Volleyball League (PVL) Season 3 Collegiate Conferencence ang spiker na si Faith Nisperos ng Ateneo Lady Eagles.

Naging markado si Nisperos nitong Linggo sa panalo ng Ateneo kontra sa Letran, 25-16, 22-25, 25-13, 25-20, matapos magposte ng 19 puntos.

Sa kabila ng pagkawala ng key players na sina Deanna Wong at Ponggay Gaston, nagawa pa rin manalo ng Lady Eagles sa pangunguna ng rookie na si Nisperos, high school standout mula sa National University.

Maging si Ateneo coach Oliver Alamdro ay na-impressed kay Nisperos. “I’m reiterating to her naman kasi na it’s not about the points… importante ay you know what to do, correct what yung kailangan i-correct.”

“What’s nice with Faith is she really listens and tries harder para ma-correct yung details na kino-correct sa kanya,” dagdag ni Alamdro. “She has the talent and she is still growing. Talagang unti-unti lang dapat.”

Aminado naman ang 5-foot-9 na si  Nisperos na marami pa siyang dapat i-improve sa kanyang laro.

“Well as a starter, I have a lot to improve on pa. I’m thrilled and overwhelmed na I’m already here in Ateneo playing.”

Kabilang sa mga tinalo ni Nisperos sa PoW sina Adamson troika Trisha Genesis, Lucille Almonte at Louie Romero, Klarissa Abriam ng CSB, Imee Hernandez ng UST, Regine Arocha ng Arellano, at Charina Scott ng Perpetual.

Ang naturang weekly award ay ibinibigay ng mga reporter sa print at online na nagko-cover sa liga.

 

Please follow and like us:
Read More

BEBOT NIRAGASA NG TREN

(NI CHERK BALAGTAS)

HINDI pa rin kilala ang babaeng namatay nang salpukin ng rumaragasang tren ng Philippine National Railways (PNR) sa Lungsod ng Caloocan, Linggo ng hapon.

Ang nasawi ay inilarawan na nasa pagitan ng edad 30-40 taong gulang, may taas na 5’2, katamtaman ang katawan at nakasuot ng gray na t-shirt at floral printed na shorts.

Sa ulat ng Caloocan City Police ay ganap  alas-5:50 ng hapon nang maganap ang insidente sa PNR Railtrack na sakop ng Interior 10, Barangay 33 ng nasabing lungsod.

Binabagtas ng PNR train ang nasabing lugar patungo ng Tutuban sa Maynila na ino-operate ni Leo Luares nang masapul ng tren ang biktima at sa lakas ng impact, tumilapon ito ng ilang metro at bumagsak sa basketball court sa lugar.

Mabilis namang isinugod ng mga residente sa lugar ang biktima sa Caloocan City Medical Center ngunit hindi na rin pinalad na mabuhay at nasawi rin ganap na alas-8:35 ng gabi.

Please follow and like us:
Read More

MPD STATION COMMANDER ‘ABSENT’ SA PRESINTO,  SINIBAK

MPD LOGO

(NI HARVEY PEREZ)

SINIBAK sa kanyang puwesto ni Manila Police District  Director PBGen. Vicente Danao ang station commander ng MPD-Police Station 9 nang hindi abutan ni Manila Mayor  Francisco “Isko” Moreno Domagoso sa kanyang puwesto matapos  na mag-ikot, Lunes ng madaling araw sa  Maynila.

Nabatid na kaagad ini-relieve si PColonel Glen Ganipac , station commander ng MPD-PS 9 matapos itong hindi makita ni Moreno nang puntahan  sa kanyang presinto.

Itinalagang kapalit ni Ganipac si PColonel Ian Ang, dating taga MPD Strategy Management Planning, para maging kapalit ni Ganipac.

Ayon kay Moreno,  ala 1:00 ng madaling araw nang mag-ikot siya sa MPD-PS 9 kung saan limang pulis lamang ang kanyang inabutan dahilan para ipa-relieve si Ganipac.

“Habang ako ang Mayor ng Maynila bumili na kayo ng maraming toothpick pantukod sa mga mata ninyo para ‘di kayo makatulog,” pabirong sabi ni Moreno.

Dapat umano na laging gising ang mga pulis, partikular na sa gabi, para mabigyan nila ng seguridad ang mga mamamayan ng Maynila.

Please follow and like us:
Read More

BABAE BINISTAY NG 2 GUNMAN

shooting6

(NI KEVIN COLLANTES)

PATAY ang isang babae nang paulanan ng bala ng dalawang hindi kilalang lalaki sa Tanay, Rizal, Linggo ng gabi.

Wala nang buhay nang idating sa Tanay General Hospital ang biktimang si Danica Manuel, residente ng naturang lugar, dahil sa mga tama ng bala sa iba’t ibang bahagi ng katawan habang nakatakas ang mga hindi kilalang salarin.

Batay sa ulat ng Tanay Municipal Police Station, nabatid na nakatayo lamang ang biktima sa gilid ng Sampaloc Road, sa Barangay Plaza Aldea, Tanay, nang bigla na lang lapitan at kaagad na pagbabarilin ng mga suspek, dakong alas-9:30 ng gabi.

Kaagad tumakas ang mga salarin patungong direksiyon ng Sitio Lubigan, bitbit ang mga armas na ginamit sa pagpatay matapos bumagsak ang biktima.

Naisugod pa ng mga saksi sa pagamutan ang biktima ngunit patay na ito.

Masusi naman nang iniimbestigahan ng mga awtoridad ang krimen para matukoy ang motibo sa pagpatay, at kung sino ang mga taong nasa likod ng pamamaslang.

Please follow and like us:
Read More

DANCE SHOWDOWN, NAUWI SA RAMBOL; 1 PATAY

crime34

(NI KEVIN COLLANTES)

NAMATAY ang isang lalaki nang saksakin ng hindi kilalang suspek matapos na mauwi sa rambol ang dance showdown ng kani-kanilang grupo habang nag-iinuman sa loob ng isang resto bar sa Tanay, Rizal, Linggo ng madaling araw.

Isang tama ng saksak sa katawan ang ikinamatay ng biktimang si Eris San Juan, habang inaalam pa naman ng mga awtoridad kung sino ang nakasaksak sa kanya.

Sa imbestigasyon ng Tanay Municipal Police Station, nabatid na bago ang krimen ay masayang nag-iinuman si San Juan at  apat pa niyang kaibigan sa loob ng Barendilla Resto Bar, sa Barangay Sampaloc, Tanay, dakong alas-2:30 ng madaling araw, habang nasa kabilang mesa naman ang grupo ng suspek.

Maya-maya ay nagkahamunan umano ang dalawang grupo na magkaroon ng dance showdown.

Gayunman, sa hindi pa batid na kadahilanan ay nagkapikunan ang mga ito na nauwi sa rambol.

Namagitan at umawat naman sa dalawang grupo ang  mga tauhan ng bar at pinayuhan ang mga ito  na magsiuwi na lamang.

Habang naka-backride sa tricycle ang biktima, kasama ang kanyang mga kaibigan, upang umuwi na sana sa kanilang tahanan ay bigla na lamang umanong nahulog sa behikulo ang biktima.

Kaagad naman itong tinulungan ng kanyang mga kaibigan at dito nila natukoy na may tama pala ito ng saksak sa katawan, na nagresulta sa kanyang kamatayan.

Masusi nang iniimbestigahan ng mga awtoridad ang krimen upang matukoy kung sino ang dapat managot dito.

 

 

Please follow and like us:
Read More

TATAY BINARIL SA HARAP NG ANAK

north cotabato 12

(NI BONG PAULO)

PATAY ang isang haligi ng tahanan nang paslangin ng dalawang gunmen sa harap mismo ng kanyang anak sa isang mababang Paaralan sa Barangay Silik sa bayan ng Pikit, North Cotabato, Lunes ng umaga.

Kinilala ang biktima na si Elmer Amahan Baclayon, 27, magsasaka at residente ng Barangay Kolambog ng nasabing bayan.

Ayon kay Police Corporal Paul Vincent Fulleros, imbestigador ng Pikit PNP, alas-7:00 ng umaga habang inihatid ng biktima ang kanyang anak na lalaki nang biglang lumapit ang dalawang mga suspek at pinagbabaril ito.

Nagtamo ng maraming tama ng bala sa iba’t-ibang bahagi ng kanyang katawan ang biktima na naging sanhi ng agarang pagkamatay nito.

Narekober sa crime scene ang limang basyo ng bala mula sa kalibre .45 na pistol na ginamit sa pamamaril.

Samatala, alas-10:00 naman ng umaga ng Lunes ay isang John Joel Santos, 25, ang binaril naman sa Poblacion sa bayan ng Pikit.

Naglalakad lamang umano ang biktima sa harap ng barangay hall nang barilin ng hindi pa nakilalang gunman.

Nakatakas ang suspek kaya hindi ito napuruhan sa kabila ng ilang beses itong pinagbabaril.

Kapwa iniimbestigahan ang dalawang magkahiwalay na pamamaril sa bayan ng Pikit sa loob ng isang araw.

 

Please follow and like us:
Read More

100 KABAHAYAN NASUNOG SA CAINTA

(NI KNOTS ALFORTE)

TINATAYANG aabot sa 100 kabahayan o 200 pamilya ang apektado nang sumiklab ang apoy sa informal settlers sa Cainta, Rizal, ngayong Lunes.

Agad pinauwi ang mga estudyante dahil kalapit lamang ng nasusunog na kabahayan ang ICCT School, na umabot sa ikatlong alarma ang sunod.

Ayon sa inisyal na report, dakong alas-9:10 ng umaga nang may tumawag sa BFP Cainta hinggil sa nasusunog na kabahayan sa Sitio Bagong Sibol, Brgy San Isidro, Cainta, Rizal.

Agad na nakalikas ang mga nakatira dala ang kani-kanilang mga gamit habang patuloy sa pag-apula ng apoy ang mga pamatay-sunog. Hanggang ngayon ay inaalam pa ng BFP Cainta ang pinagmulan ng apoy, ayon kay S/INSP. Richard Erichson Malamug Fire Marshal ng Cainta Bureau of Fire Protection.

 

Please follow and like us:
Read More

POLICE STATION NIRATRAT, HINAGISAN NG GRANADA

NPA

(NI JESSE KABEL)

ILANG ULIT na niratrat at saka hinagisan ng granada ng mga hinihinalang miyembro ng New People’s Army (NPA) ang isang police station sa Legazpi City, Linggo ng gabi.

Target ngayon ng military at pulis ang mga tumakas na rebeldeng responsible sa panghaharas sa istasyon ng pulis kung saan nadamay ang kalapit na simbahan at isang bahay.

Nagtamo ng maraming butas ang  bubungan  ng police community precinct 4 sa Barangay Taysan dahil sa sumambulat na rifle grenade mula sa  M-203 grenade launcher. May ilang bintana rin ang nabasag.

Natamaan din ng bala ang mga katabing bahay at simbahan.

Ayon kay Lt. Col. Aldwin Gamboa, hepe ng Legazpi police, tumagal ng ilang minuto ang pamamaril sa police station na  malapit  sa mga kabahayan.

Nabatid na ilang beses nang hinaras ng mga hinihinalang NPA ang nasabing istasyon.

 

Please follow and like us:
Read More

LASING NA PULIS-CAVITE, NAMARIL, ARESTADO

PNPLOGO1

(NI SIGFRED ADSUARA)

NAWALAN sa katinuan dahil sa kalasingan ang isang 38-anyos na pulis Cavite nang barilin nito ang isang  pipi’t bingi na lalaki habang naglalaro ng volleyball sa Trece Martires City,Cavite.

Ginagamot ngayon sa Gen. Aguinaldo Memorial Hospital ang biktimang si Hermes Guevarra, alias Metmet, ng Block 7 Lot B-7, L-42, Phase 1, Regina Ville 2000, Brgy. Inocencio, Trece Martires City, Cavite, matapos barilin ni PMSgt Paulo Gagua, 38, nakatalaga sa Trece Martires City Police Station, at residente ng B-16, L-8, Phase 1, Regina Ville 2000, Brgy. Inocencio, Trece Martires City.

Sa ulat ni PSSgt Rene Bibon ng Trece Martires CPS, dakong alas-6:30 Linggo ng gabi nang naganap ang insidente sa bahay ng biktima.

Nauna dito, naglalaro ng volleyball ang biktima at Dexter Dimaranan sa gitna ng kalsada sa nasabing subdibisyion nang dumating ang suspek na lango sa alak at galit na kinompronta ang dalawa sa kanilang paglalaro.

Ilang sandali pa ay bigla na lamang sinuntok ng pulis ang biktima sa likod.

Sa takot ng dalawa ay tumakbo pauwi sa kanilang bahay pero sinundan siya ng pulis at sa pagkakataong ito ay armado siya ng kanyang service firearm at hinanap ang biktima sa ama nitong si Jessie Guevarra pero nang sinagot ng huli ay sampal ang kapalit.

Ilang sandali pa ay nahanap ng suspek ang biktima sa kanilang kusina kung saan dinala ito sa kalapit na creek hanggang sa nakarinig na lamamg sila ng putok ng baril.

Pinuntahan ng mga kamag-anak ng biktima kung saan naabutan nila sa creek na may tama ng bala sa tiyan kaya isinugod ito sa ospital.

Ayon kay Binon, posibleng naingayan lamang ang nasabing pulis at dahil lasing na lasing kaya ito nagalit.
Naaresto naman ang suspek sa isinagawang follow up operation.

Please follow and like us:
Read More

PULIS NAG-AMOK SA KASALAN, 1 PATAY

(NI JG TUMBADO)

ISINAILALIM sa hospital arrest ang isang bagitong pulis matapos itong masugatan sa pag-aamok nito sa isang wedding reception kung saan isa ang nasawi at isa pa ang sugatan sa San Jose Del Monte, Bulacan, araw ng Linggo.
Nakilala ang suspek na nagpapagaling sa ospital dahil sa tama ng bala sa kanyang braso si Patrolman Jessie James Gubat, nakatalaga sa San Jose Del Monte City Police na kasalukuyang bantay sarado ng kanyang mga kabaro.

Sa ipinarating na report kay Police Regional Office 3 Director Col. Joel Coronel, pasado alas-12:00 ng tanghali nang bulabugin ni Gubat ang kasiyahan ng malalapit na kaibigan at kaanak ng bagong kasal sa kanilang wedding reception sa Barangay Citrus.

Napag-alamang hindi kalayuan ang ginaganap na selebrasyon sa bahay ng pulis kung saan agad sinugod at hinanap nito ang puntirya na biktima na si Cleevan Rosal, kapatid ng babaeng bride.

Naisentro ang kasiyahan ng mga tao sa matinding pagtatalo ng dalawa hanggang akmang bubunot na ng baril ang pulis subalit nasunggaban ito ni Rosal at nagpambuno ang mga ito.

Sa kalagitnaan ng pambubuno ay pumutok ang service firearm ni Gubat at tinamaan ang braso nito kasunod pa ng isang putok na kung saan ay tinamaan ng ligaw na bala ang binti ng groom o ang bayaw ni Rosal na nakilala lamang sa alyas “Reggie”.

Tumakbo papasok ng bahay si Rosal subalit sinundan ito ng pulis at doon na sunud-sunod na pinagbabaril ang una na naging sanhi ng pagkamatay nito.

Iniimbestigahan pa ng pulisya ang motibo ng pamamaril ni Gubat na agad nang sinibak sa kanyang pwesto kasunod ng agarang pagsasampa laban sa kanya ng kasong administratibo, murder at frustrated murder.

Samantala, boluntaryo namang sumuko sa kanyang mga kasamahang pulis si Patrolman June Zamora ng Talisay City Police dahil sa pagpatay nito sa 71 taong gulang na Japanese national na si Akira Togo.

Bago mag alas-5:00 ng hapon ng Linggo nang sumuko si Zamora sa mismong himpilan nito ilang oras makalipas ang isinagawang pamamaril kay Togo sa Toledo City pasado alas-9:00 ng umaga.

Ayon kay Police Brig. General Debold Sinas, ng Police Regional Office-7 sa Central Visayas, matinding selos umano ang motibo sa nangyaring krimen.

Nasagap umano ni Zamora ang alegasyon ng umanoy pakikipagrelasyon ng kanyang live in partner sa biktimang banyaga.

Please follow and like us:
Read More

2 POLICE ESCORT NG MGA GURO, SUGATAN SA AMBUSH

patikul sulu12

(NI NICK ECHEVARRIA)

DALAWANG pulis ang sugatan habang inihahatid ang mga guro mula sa Department of Education (DepEd), sa pananambang ng mga hinihinalang miyembro ng Abu Sayyaf Group (ASG) sa Sulu, Lunes ng umaga.

Naganap ang insidente sa Brgy. Igasan, Patikul, Sulu bandang alas-7:45 ng umaga habang nagsasagawa ng route security ang nasabing mga pulis bilang escort ng mga guro na nakatalaga sa Silangang bahagi ng Patikul nang paulanan ng bala ng mga bandido.

Sa report ng Police Regional Office BARMM kay PNP Spokesman P/BGen. Bernard Banac, nakilala ang dalawang sugatang pulis na sina P/Cpl. Angelo Canapi at P/Pat. Nijar Awwalon, ng 2nd Mobile Force Company ng Sulu Provincial Police Office.

Dahil sa pananambang nagtamo ng tama bala ng baril sa kanang braso si Canapi samantalang sa  noo naman nasugatan si Awwalon na kapwa dinala sa  Integrated Provincial Health Office (IPHO) sa Brgy. Busbus, Sulu para lapatan ng lunas.

Kaagad namang ipinag-utos ni PRO-BARMM Director P/BGen. Marni Marcos ang pagtugis sa mga salarin para papanagutin sa batas.

Hinangaan naman ng pamunuan ng Philippine National Police, ayon kay Banac, ang dalawang pulis na hindi natinag sa malalakas na armas ng mga salarin na nakaligtas sa ambush sa pagganap ng kanilang sinumpaang tungkulin.

 

Please follow and like us:
Read More

KIM NALUNGKOT SA BFF NA SI ERICH

(NI VINIA VIVAR)

AYAW nang makihalo pa ni Kim Chiu sa contoversy nila Gerald Anderson, Julia Barretto at Bea Alonzo. In her recent interview with some members of the entertainment press ay natanong ang akres kung ano ang masasabi niya tungkol sa issue ng tatlo at maikli lang ang naging pahayag niya tungkol dito.

“Wala, huwag na tayo sumali dun kasi lahat naman sila, (may) pinagdadaanan sila ngayon and siyempre hindi biro yun, masakit yun. So lahat sila, may pinagdadaanang pain, so respetuhin na lang natin yung mga desisyon nila,” ani Kim.

Natanong din ang aktres tungkol sa pagba-back-out ni Erich Gonzales sa serye nila ni Xian Lim na Love Thy Woman at aminado siyang nalungkot siya.

“Una, nalungkot, and hindi rin siya nakapagpaalam sa amin. Staff na lang nagsabi na wala na siya. So, hindi na rin namin. . .hindi ko na rin inano, kasi siyempre, respeto na rin kung ‘yun ang gusto niyang mangyari or desisyon,” sabi pa nito.

Hindi rin daw nila alam kung ano ba talaga ang nangyari at kung ano talaga ang reason ni Erich sa pagre-resign.

May tsika nga kasing hindi nagustuhan ni Erich ang role niya sa serye na naging kontrabida siya pero ayon kay Kim ay hindi raw niya ito alam.

Si Yam Concepcion ang pumalit kay Erich at ani Kim ay excited din siya to work with her dahil napanood daw niya ito sa Halik at sobrang intense raw ng aktres kaya feeling daw niya ay matsa-challenge siya.

 ANDREA AT  KHALIL NANINIWALANG MAY GHOST

Parehong naniniwala sa ghosts ang mga bida ng The Ghosting na sina Andrea Brillantes at Khalil Ramos dahil may personal experience na sila tungkol dito.

Kwento ni Andrea, “ako po, dati kasi, nakatira kami sa Taytay, Rizal, medyo bundok po siya. And hindi ko alam kung pinagti-trip-an po lang ako ng yaya ko that time, pero usually, magigising ako ng 4am or 3am, tapos may naririnig akong creepy na tawa du’n sa bintana.”

Bukod dito, sa tapat daw ng bahay nila ay isang abandoned house at walang nakatira pero makikita raw nila na nagbubukas pa rin ang mga ilaw dito.

Ayon naman kay Khalil, hindi pa raw siya nakakakita pero ilang beses na raw siyang nakaramdam ng medyo kakaiba.

“Last night lang, actually, meron akong ano. . .hindi ko na lang inisip na baka super-natural ‘yun, pero biglang namatay ‘yung electric fan ko, hinugot sa saksakan eh ako lang naman ang nandu’n sa kuwarto ko kagabi,” kwento ni Khalil.

Marami pa raw siyang weird stuff na na-experience pero ang pinamalala raw ay nangyari sa lumang bahay nila medyo haunted.

“’Yung mga kasambahay namin, nakakakita raw sila roon pati ‘yung daddy ko.

“Ako, ang naramdaman ko, may narinig akong nagwawalis sa labas, waling tinging pero 3am na. Tapos biglang sobrang lakas ng hangin, humampas ‘yung bintana ng kwarto ko. Takbo ako sa ilalim ng kumot, tapos tinawagan ko mommy ko, para pumasok, buksan ‘yung ilaw, kasi sobrang takot ako.

“Pero yup, naniniwala ako kasi nangyayari talaga siya, eh,” sabi ni Khalil.

Pagbibiro naman ni Andrea, “sa ABS (ABS-CBN), madami,” sabay-tawa. “Mga bata na sasamahan ka sa elevator.”

When asked kung The Ghosting na ba talaga ang original title ng horror film or sinadyang palitan lang because of the Gerald Anderson-Bea Alonzo-Julia Barretto controversy, ayon kay Khalil, “the title was conceptualized way before the issue came up, so,no relation to whatever controversy is out there.”

Ang The Ghosting ay tumatalakay sa Solante urban legend tungkol sa isang batang babae na may dala-dalang headless doll at humihingi ng tulong sa mga passersby na tulungan siyang makauwi which happens to be a mysterious red house na siya lang at ang mga biktima niya ang nakakakita.

Sa pelikula ay walang romantic angle sina Khalil at Andrea dahil magtutulungan sila upang malutas ang misteryo at maalis ang sumpa.

Showing na sa Aug. 28 ang The Ghosting mula sa direksyon ni Joey de Guzman hatid ng Reality Entertainment.

 

 

Please follow and like us:
Read More

BABAENG DUMALAW SA PARTNER SA BILIBID, PINASLANG

crimeshooting12

(NI KIKO CUETO)

PATAY sa pamamaril ang isang babae nang tambangan ng riding-in-tandem sa labas mismo ng istasyon ng pulis malapit sa gate ng Bureau of Jail Management and Penology.

Kinilala ang biktima na si Crystal Faith Jastava, 24, residente ng Bago City, Negros Occidental.

Sa imbestigasyon ng pulis, dakong 11 ng umaga noong Linggo nang bumisita ang babae sa kanyang live-in partner na nakulong dahil sa pagbebenta ng ilegal na droga.

Gumamit umano ang biktima ng pekeng pangalan para makapasok sa BJMP Male Dormitory.

Sinabi ng pulis na may dalawang ID card ang biktima at kabilang na rito ang isang pass sa loob ng BJMP facility.

Nakuhanan naman ng video ang paglabas at pamamaril sa biktima.

Ayon sa pulisya, malaki ang posibilidad na droga na ang nasa likod ng krimen.

 

Please follow and like us:
Read More

EX-DENR SEC GINA LOPEZ PUMANAW NA

(NI KIKO CUETO)

PUMANAW na si dating Environment secretary, at ABS-CBN Foundation chief Regina Paz “Gina” Lopez sa edad na 65.

Sa pahayag ng ABS-CBN, sinabing namatay si Lopez dahil sa multiple organ failure.

Kilalang environmental activist si Lopez at nagsilbi na chairperson ng ABS-CBN Foundation Inc (AFI).

“Gina was the pillar of strength that pushed AFI to achieve what seemed to be impossible. Her caring heart and selfless kind of love inspired people within and beyond the organization to help and serve others,” sabi ng ABS-CBN sa pahayag.

“While we mourn with Gina’s family and loved ones, we also pray that her legacy continues to live on in the heart of every Kapamilya she had touched in her lifetime. We will never forget her and will continue to honor her remarkable contributions not only to ABS-CBN, but the entire nation. Thank you Gina, for showing us how it is to live in the service of the Filipino,” sabi ng ABS-CBN.

Ayon naman kay ABS-CBN Chair Mark Lopez hanga siya sa kanyang pinsan.

“Today, we lost not just a family member but a person we deeply admire and respect,” ani Mark Lopez, pinsan ng pumanaw, sa hiwalay na pahayag.

“At an age when people are just figuring out what they want to do in life, she already knew her purpose. She left a comfortable life to devote her time and energy to help uplift other people’s lives,” dagdag ni Lopez.

Taong 2016 pag-upo ni Pangulong Rodrigo Duterte, nagsilbi bilang kalihim ng Department of Environment and Natural Resources (DENR) si Lopez, kung saan nakipaglaban siya sa mga dambuhalang kompanya ng pagmimina.

Ngunit noong 2017, hindi pinalad na makumpirma sa puwesto si Lopez.

Sa kabila nito, itinuloy ni Lopez ang kaniyang adbokasiya sa kalikasan, na nagsimula mula pa noong kabataan niya.

 

 

Please follow and like us:
Read More

TIME IS UP

JICA-1

‘The Big One’, hinog na — JICA

(Ni Fernan J. Angeles / Huling Labas)

KAUGNAY ng kinakatakutang malakas na lindol na inaasahang yayanig sa malaking bahagi ng Metro Manila, inilabas na din ng Philippine Institute of Volcanology and Seismo­logy (Phivolcs), ang talaan ng mga barangay na direktang hagip ng East at West Valley Fault na bumabagtas sa mga lalawigan ng Rizal, Bulacan, Cavite, Laguna at Metro Manila.

Gamit ang Valley Fault System Atlas, mga koleksiyon ng detalyadong mapang naglalarawan ng mga lugar na sakop ng faultline, 12 barangay ng mga bayan ng San Mateo at Montalban ang itinala ng Phivolcs.

Sa kabuuan, 84 barangay mula sa mga nasabing lalawigan at rehiyon ang partikular na binanggit sa nasabing listahan.

Ang Valley Fault System ay nahahati sa dalawa — ang East Valley Fault na may bumabagtas sa mga bayan ng San Mateo at Montalban sa lalawigan ng Rizal at ang West Vallet Fault na tumatahak naman sa mga lungsod ng Quezon City, Marikina, Pasig, Makati, Taguig at Muntinlupa.

Una nang naglabas ng babala ang Phivolcs sa anila’y posibleng paggalaw ng lupa sa gawing West Valley Fault.

“We don’t usually use the word ripe because the fact would indicate that the West Valley Fault can move in our lifetime simply because the last earthquake that happened from this fault, most likely the 1658 earthquake 357 years ago, and the interval of movement of the fault is roughly between 400-600 years.  So that’s very close,” ani ni Phivolcs director Renato Solidum.

Una nang nai-ulat sa mga pahayagan ang posibilidad ng pagtama ng isang magnitude 7.2 na lindol para sa West Valley Fault.

Sa parehong pagtataya, sinabi din na posible namang yanigin ng isang magnitude 6.2 lindol ang East Valley Fault.

Tinataya ding aabot sa P2.3 trilyon ang halagang kakailanganin ng pamahalaan para naman sa rehabilitasyon pagkatapos ng lindol.

Bahagi ng West Valley Fault sa labas ng Metro Manila

Bulacan:

San Jose Del

Monte City:

San Isidro

Ciudad Real

San Roque

Norzagaray:

San Lorenzo

Doña Remedios

Trinidad:

Camachin

Kabayunan

Sapang Bulak

Bayabas

Camachile

Pulong Sampalok

Laguna:

San Pedro:

Calendola

Gsis

Sampaguita Village

San Antonio

San Vicente

Riverside

United Bayanihan

Biñan:

Biñan (Poblacion)

Malamig

San Francisco (Halang)

Sta. Rosa:

Sto Domingo

Cabuyao:

Casile

Calamba:

Canlubang

Cavite:

Gen. Mariano

Alvarez:

San Jose

Carmona:

Bancal

Cabilang Baybay

Lantic

Mabuhay

Silang:

Carmen

Inchican

EAST VALLEY FAULT

Rizal:

San Mateo:

Ampid I

Dulongbayan Ii

Guinayang

Guitnangbayan Ii

Malanday

Maly

Santa Ana

Rodriguez

(Montalban):

Burgos

Macabud

San Jose

San Isidro

San Rafael (Rosario)

Please follow and like us:
Read More

4 ARESTADO SA P5-M SHABU SA PAMPANGA

(NI JG TUMBADO)

AABOT sa P5-milyong halaga ng iligal na droga ang nasamsam mula sa apat na suspek na dinampot ng pulisya sa bypass road, Barangay Sindalan, San Fernando City, Pampanga, Linggo ng umaga.

Kabilang sa mga dinakip ang tatlong high value target na sina Acmali Francisco, alyas Balbas; Mohammer Haji Ganda; at Jalal Mauyag Sumdad.

Kasama rin sa inaresto ang isang Michael Evance Villacorta, alyas Kim, na nasa watchlist din ng pulisya.

Una nang ikinasa ng mga otoridad ang buy bust operation matapos ang ilang araw na surveillance sa mga suspek.

Nagpositibo ang lakad nang mahulog sa patibong ang mga ito nang magbenta ng iligal na droga sa poseur buyer.

Nasamsam mula sa apat ang walong malalaking plastic bag na naglalaman ng tinatayang 810 gramo ng hinihinalang shabu na may street value na P5.5 milyon, gayundin ang isang baril, at dalawang sasakyan.

Please follow and like us:
Read More

EX-HOUSTON PLAYER, BAGONG IMPORT NG TNT

(NINA ANN ENCARNACION, LOUIS AQUINO)

GAYA ni Terrence Jones, isang dating player din ng Houston Rockets, si KJ McDaniels, ang magiging import ng TNT Katropa sa 2019 Governor’s Cup.

Umaasa ang TNT management na makatutulong nang malaki ang 26-anyos na si McDaniels sa kanilang kampanya sa pangatlo at huling PBA conference ngayong taon.

Naging second round pick ng Philadelphia 76ers noong 2014 si McDaniels at nang sumunod na taon ay napunta sa Rockets kung saan nakasama niya si Jones sa 2015-2015 NBA season.

Naglaro din si McDaniels sa Brooklyn Nets, Las Vegas sa G-League, Grand Rapid Drives at Oklahoman City Blue sa G-League.

Samantala, matapos ang PBA stint ay balitang magbabalik sa NBA sa dating koponan na Houston Rockets si Jones, tinanghal na 2019 Commissioner’s Cup Best Import.

Umano’y nakuhang muli ni Jones ang atensyon ng Rockets matapos na ihatid ang Katropa sa Commissioner’s Cup finals, na napanalunan ng San Miguel Beer sa Game 6.

Maliban sa Rockets, naglaro din ang 6-foot-9 na si Jones sa New Orleans Pelicans at Milwaukee Bucks.

Sa kabila ng napipintong pagbabalik sa NBA, bukas pa rin umano si Jones na maglaro sa PBA sa kabila ng mga kinasangkutang gusot kontra sa ilang Beermen, ang pinakahuli ay kay Arwind Santos na pinagmulta ng P200K ng PBA dahil sa ‘racial action’ laban sa naturang import.

Please follow and like us:
Read More

LORENZANA, TIYOPENG DEFENSE SECRETARY

CHRISTIAN BOMB

IBINULGAR ni AFP Western Mindanao Command (Westmincom) Commander Lt. Gen. Cirilito Sobejana na limang warship ng China ang pumasok nang walang paalam sa dagat na nasa teritoryo ng Pilipinas.

Nakababahala na ang ginagawang ito ng puwersa ng China dahil nadadalas na ang pagdaan ng kanilang mga Chinese military warship nang hindi man lang nagpapaalam sa Philippine government.

Dahil diyan, binatikos ni Defense Sec. Delfin Lorenzana ang ginawang ito ng China.

Ang problema lang kay Lorenzana, hanggang batikos lang siya.

Naturingan siyang Defense secretary ng bansa pero walang aksyon sa ginagawang paglabas-masok ng Chinese military warship sa loob ng teritoryo ng Pilipinas.

Ang dapat ginawa ni Lorenzana nang maipara­ting sa kanya ni Gen. Sobejana ang isyung ito ay kinausap niya ang commander-in-chief na si Pangulong Rodrigo Duterte at sabihin magpadala na agad ng diplomatic protest sa China dahil hindi katanggap-tanggap ang madalas na pagdaan ng mga Chinese military warship sa karagatang sakop ng Pilipinas nang walang paalam.

Dapat bilang defense secretary ay ipakita ni Lo­renzana sa mamamayang Pilipino at sa mundo na karapat-dapat siya sa kanyang posisyon.

Kausapin niya ang Presidente tungkol sa isyung ito at panindigang dapat na silang umaksyon, na kapag hindi nakuha ang China sa diplomatic protest ay dapat humingi na ng tulong ang Pilipinas sa United Nations (UN) para mapigilan na ang pagla­labas-masok ng Chinese military warship sa karagatang sakop ng Pilipinas.

Ang problema nga lang ay tila hindi kayang sabihan nang ganyan ni Lorenzana si Pangulong Duterte.

Ilang beses nang ginawa ni Lorenzana na kapag may ginagawang hindi kanais-nais ang China sa dagat ng Pilipinas ay nagpapatawag siya ng press conference at dito niya inilalabas ang kanyang himutok laban sa China, pero ang masaklap, kapag napagsabihan ng Presidente na kilalang pro-China na manahimik siya sa isyu, natatameme na siya sa pang-aabuso ng China sa teritoryo ng Pilipinas, at dahil diyan, ang nagiging tingin ng mundo sa kanya ay tiyopeng Defense secretary.  (CHRISTIAN’S BOMB / CHRISTIAN HERNANDEZ)

Please follow and like us:
Read More

KRIS, THINGS HAPPEN FOR A REASON — DEREK

(NI GORGY RULA)

NASA Instagram account ni Kris Aquino ang palitan ng mensahe nila ni Derek Ramsay na nagbibigay ng mensahe nang pampalubag loob sa nangyari sa MMFF entry sana nilang (K)Ampon.

Wala naman daw mababago ang pagkakaibigan nila pagkatapos naunsyami ang pelikulang pagsasamahan sana nila.

Nag-comment si Derek sa isang IG post ni Kris na; “@krisaquino things happen for a reason and I’m positive you and I will work on something amazing soon. You are so right that rules are rules.”

Sinagot naman ni Kris ng “@ramsayderek07 thanks for the call BUT more than that THANK YOU for the almost 15 years of friendship. Love to your mom & it was wonderful hearing your dad’s voice.”

Na kaagad namang sinagot ni Derek ng “@krisaquino yes 15 solid years. It’s unfortunate that this project won’t push through but you and I both know that there will be something bigger and better at the right time.”

Si Gabby naman ay nag-post sa kanyang IG account ng mensahe para kay Kris na; “The comeback is always stronger than the setback.”

Sinagot din ni Kris ng; “You are truly a WONDERFUL person. God blessed me because I got a chance to reconnect with you.”

Ngayong Lunes pa lang ipadadala ng MMFF Execom ang kanilang sulat sa producers ng (K)Ampon.

Bale doon pa lang malaman ang official na decision nila, pero ang dami nang nasabi at napag-usapan sa social media.

Kaya inaasahang doon pa lang maglalabas ng official statement ang producer na inaasahang manggagaling ito kay Atty. Joji Alonso.

Wala pa kasi silang pahayag kung itutuloy pa rin ba nila ang shooting.

Kasi may mga nagsasabing puwede namang ituloy pa rin ang shooting at tapusin ito bago ang deadline ng finished films sa September 20.

Natanggal man siya sa apat na official entries dahil hindi na si Derek ang leading man, puwede pa ring makapasa sa Selection Committee kung maganda ang kalabasan ng pelikula, at si Gabby na ang lead actor nito.

Pero sana, tahimik na lang muna si Kris at iiwas muna sa social media. Pwede silang magtuloy ng shooting na tahimik lang at i-submit na lang uli sa MMFF   .

Wala pa munang pahayag si Atty. Joji kaugnay dito, pero nag-post lang siya sa kanyang Instagram account ng “Moving on. No looking back. We will get there.”

 

Please follow and like us:
Read More

HINDI PUWEDE ANG PUWEDE NA, PUWEDE BA?!

GO FOR GOLD final

HINDI talaga quality-conscious ang Filipino.

Lagi nating naririnig ang, “Okey na yan.” O, “pwede na yan” sa pang araw-araw.

Sa marketing, sinasabi na price-driven ang consumption ng ating mga kababayan. Ang desisyon ng majority kung ano ang bibilhin ay nadidiktahan ng kung ano ang mas affordable o ano ang pinakamura. Lalo na siguro sa masa, walang gaanong brand loyalty kaya’t madali ang brand switching if the price is right. Tama po ba?

Kaso, hindi natin napapansin na sa katitipid natin – mas lalo tayong napapamahal. Wrong economics! Ika nga ng tatay kong si Teodoro.

Di n’yo ba napansin? Akala mo nakatipid ka, pero mas madalas kang bumibili?

Para lang yung promo girls o sales ladies sa department store, pagda­ting sa ladies stockings, CityLady ang most preferred brand nila. Kahit pa nung Lady President pa ang brand name nito, ito talaga ang binibili ng halos lahat ng sales ladies. Dahil sa bukod sa pinakamaganda at mas natural ang kulay skintone ng CityLady, napakakomportable at napakatibay ng stockings na ito.

Ngunit dahil may sumulpot na brand na mura ang halaga, marami ang lumipat dito ora mismo. Kahit pa maliit ang sukat nito at hindi sakto sa katawan nila. Madali pang masira.

Yung iba sinubukan din ang isang sikat na brand ng medyas kahit hindi sila kilala sa paggawa ng ladies stockings. Ginaya lang ang kulay ng stoc­kings at packaging ng most preferred brand, maraming sumubok.

Short term talaga mag-isip ang Pinoy, hindi pang kalahatan o long-term. Basta pakiramdam nila nakatipid sila ng ilang piso, okay na yon! Di nila inaalintana na panandalian ang binili nilang produkto sa murang halaga.

Kaya tuloy pati ang ating mga negosyante o mga manufacturer na kaya namang gumawa ng dekalidad na produkto – nahawa na at napipilitan na gumawa ng inferior o cheapipay na produkto para lang mapababa nila ang presyo nila para kayang bilhin ng masa.

Hindi rin maganda ang mensahe natin sa mga manggagawa kung sila mismo ay gumagawa ng mga produktong mura na tinitipid ang materyales at iba pang sangkap nito. Mas lalo nating pinalalaganap ang mentalidad na “puwede na.”

Dapat sana matutunan ng mamimiling Pinoy na piliin at bilhin ang produktong dekalidad. Kahit pa mas mahal ito ng ilang piso. We deserve more for every peso we spend. Kumbaga, imbes na gaano kamura – value for money dapat ang ating batayan.

Sa ganitong paraan, lahat tayo ay makikinabang sa bandang huli. Tigilan na natin ang pagsasakripisyo ng quality sa lahat ng aspeto ng ating buhay. Para naman tuluyan nang umunlad ang ating bansang Pilipinas.

Tingnan nyo tuloy, pati sa pamamahala ng ating mga opisyal ng gobyerno … panay mga “puwede na” ang ating mga binoboto sa puwesto. Maawa naman kayo sa Pilipinas!

Hindi puwede ang puwede na, puwede ba?  (GO FOR GOLD / PAUL SISON)

Please follow and like us:
Read More

KAPIT-TUKO

yourservice

ANG tinatawag nating serbisyo publiko ay itinuturing na isang pribilehiyo hindi lamang sa ating mga batas kundi maging sa ating Saligang Batas. Sabi nga nila — “public service is a public trust” — ito’y isang konsepto sa ating batas na nagsasabing hindi natin pagmamay-ari ang anomang katungkulang ating hinahawakan.

Kaya kung anoman ang ating posisyon o katungkulan o kapangyarihang pinanghahawakan sa pamahalaan — lahat ito’y ipinagkaloob lamang sa atin ng ating mga kababa­yan. At nakakamtan lamang natin ito sa dalawang paraan — unang-una sa halalan kung saan ikaw ay pipiliin ng mga boboto sayo sa puwesto. Ang pangalawa naman, kung ikaw ay hihirangin ng isang taong may kapangyarihang ibigay sa iyo ang katungkulan at kapangyarihan sa loob ng pamahalaan.

Ito ang totoong katayuan ng tinatawag nating serbisyo publiko — ito’y ibinibigay, ipinagkakatiwala at ginagamit lamang para sa kapakanan ng karamihan.

Ngunit, nakalulungkot malaman na may mga tao — na sa pagkaganid sa kapangyarihan, dinag­dagan pa ng kayabangan ngunit tila wala namang alam kung paano maging isang ulirang kawani ng pamahalaan — ay pilit na iginigiit ang kanyang pag-upo sa isang puwesto na wala naman siyang kapasidad o kwalipikasyong gampanan.

Tila nakalilimutan na ng karamihang nagbabad na sa kapangyarihan na hindi nila pag-aari ang katungkulang kanilang inuupuan. Lalong-lalo na wala silang karapatang ibigay o ilipat na lamang ang katungkulan o pwestong ito kung kaninoman nila nais mailipat, lantarang isina­santabi ang mga alituntunin natin sa serbisyong sibil at maging ang utos ng ating Saligang Batas.

Sa aking munting palagay — panahon nang iwasto natin ang nakagisnang maling kaugalian. Huwag na tayong pabaya. Kay tagal na nating hinayaang maging ganito ang kalakaran at sistema sa ating serbisyong sibil sa pamahalaan. Panahon na sigurong baguhin natin at itama ayon sa alituntunin ng ating mga batas tungkol sa pagpili ng ating mga pinuno sa lahat ng antas ng ating pamahalaan — maging ito’y nasa ehekutibo, sa Kongreso at sa iba’t ibang ahensya. Bakit pa tayo maghahalal ng mga pinuno o kinatawan sa Senado at sa Kamara kung hindi naman natin ipatutupad ang mga batas na ihahain ng mga ito? Panahon na upang maging matapang tayo at panindigan ang utos ng ating batas at ng Konstitusyon.

Sabi nga nila — we are a nation of laws, not of men — ibig sabihin, dapat natin ipatupad ang batas kahit sino pa ang tatamaan. Huwag nating hayaang ibigay ang posisyon at kapangyarihan sa isang taong wala namang kwalipikas­yon upang gampanan ang tungkuling pinipilit niyang kunin. Ang malungkot pa rito, tila ayaw tanggapin ang katotohanang hindi siya kwalipikado at nagpupumilit magbigay ng mga palusot para lamang makamit ang iginigiit. Dito pa lamang ay makikita mo na hindi ang paglilingkod sa bayan ang pangunahin sa kanyang saloobin kundi ang makamit ang kapangyarihan. Tila wala sa kanyang kaalaman ang responsibilidad ng katungkulang ninanais kundi naiintindihan lamang ang kalakip na pribilehiyo at kapangyarihang nakadikit dito. Nakatatakot ang ganitong mga tao — hindi paglilingkod-bayan kundi pang-aabuso lamang ang gagawin nito gamit ang isang katungkulang dapat ginagamit sa kapakanan ng karamihan. Marami pong ganito — mga kapit-tuko sa katungkulang ‘di naman nila naiintidihan.  (@YOURSERVICE / ATTY. DAVID AQUINO)

Please follow and like us:
Read More