MISTER NAG-SUICIDE HABANG KA-VIDEO CHAT ANG MISIS

(NI ANNIE PINEDA)

HINDI nakayanan ng isang janitor ang labis na pangungulila sa kanyang asawa dahilan para tapusin ang sariling buhay nito sa pamamagitan ng pagbigti, sa Iligan.

Kinilala ang biktimang si Lindif Lungtad Ligutom, 26, janitor sa paaralan ng MSU IIT at residente ng Purok 7 Tambo, Hinaplanon, Iligan City.

Batay sa report ng pulisya, dakong alas 9:30 ng umaga nang matagpuan ang biktima na nakabitin sa pintuan ng kanilang bahay.

Sa pagsisiyasat ng pulisya, Agosto 14, nang umalis papuntang ibang bansa ang misis ng biktima para doon magtrabaho.

Ipinakita pa ng biktima sa kanyang asawa sa pamamagitan ng video chat ang kanyang pagpapakamatay.

Kuwento ng kapitbahay ng biktima na si Rogel Bacus, nagulat ng lamang siya nang makita si Ligutom na nakabigti sa pintuan ng bahay nito gamit ag nylon cord at wala nang buhay.

 

Please follow and like us:
Read More

ATENEO MUNTIK MASILAT NG LETRAN

(NI LOUIS AQUINO)

MUNTIK nang ma-upset ng Letran ang Ateneo de Manila University ngunit sa huli ay nanaig ang UAAP champions Lady Eagles, 25-16, 22-25, 25-13, 25-20, sa pagsisimula ng Premier Volleyball League Season 3 Collegiate Conference Sabado sa FilOil Flying V Centre, San Juan.

Nanguna para sa Ateneo si Faith Nisperos na pumalo ng 19 puntos kasama ang 17 attacks at dalawang aces, habang pitong aces sa kabuuang 13 ng Lady Eagles kasama ang eight kills ang kinamada ni Vanessa Gandler.

“We have to adjust our rotation because Ponggay (Gaston) got sick… You know naman hindi kompleto ‘yung lineup namin, so we really have to make a way find a way with what we have,” sabi ni Ateneo coach Oliver Almadro.

Binulaga naman ng College of St. Benilde Lady Blazers ang Far Eastern University Lady Tamaraws makaraang talunin ang huli sa straight sets, 28-26, 25-22, 25-17.

Nagtulungan sina Klarissa Abriam at Chelsea Umali para sa Benilde sa pagposte ng 23 combined markers kontra sa Lady Tams.

Walang hirap na tinalo rin ng Adamson Lady Falcons ang San Beda University Lady Spikers sa tatlong sets, 25-18, 25-22, 25-16.

Sinandalan ng Lady Falcons ang kanilang neophyte na si Lucille Almonte at bagong setter na si Louie Romero para sa kanilang panalo sa unang laro.

 

Please follow and like us:
Read More

JULIA INULAN MULI NG BASHING SA POST ABOUT JOSHUA

AKO PA BA NI ROSE GARCIA(NI ROSE GARCIA)

NAGBITIW daw ng salita si Julia Barretto, ito ay sa kabila ng katotohanan na break na sila ng ka-loveteam na si Joshua Garcia na “I will love that guy until my last breath.”

Ang dahilan daw na nasabi ito ni Julia ay dahil very supportive raw sa kanya kahit anong mangyari at kilalang-kilala raw siya ni Joshua.”

Pero dahil na rin sa pagkaka-ugnay niya sa break-up nina Gerald Anderson at Bea Alonzo, gayundin sa break-up nila ni Joshua, tila kahit na nagbitiw ng ganitong statement si Julia, hindi pa rin ito positibong tinanggap ng ilang netizens kung ang pagbabasehan namin ay ang mga komentong nabasa namin.

Ilan sa mga comments na nabasa namin, “Julia really likes to take the public for a fool.” “Walang naniniwala.” “That guy talaga? Julia, parang awa mo na wag ka na lang magsalita. Lalo lang lumalala. Juskulord.”

At marami pang-ibang negatibong komento.

Meron din namang dumipensa kay Julia at sinabing sana raw, alamin muna ang context kung bakit nasabi ni Julia yun.

 

Please follow and like us:
Read More

DATING BILANGGO TINADTAD NG BALA

crimeshooting

(NI ROSE PULGAR)

PATAY ang isang dating bilanggo ng Mandaluyong City Jail na may kasong droga nang pagbabarilin ng hindi pa nakikilalang lalaki kamakalawa ng gabi sa Barangay 145 Zone 16 Pasay City.

Tadtad ng tama ng bala sa ulo at sa iba’t ibang bahagi ng katawan buhat sa hindi pa batid na kalibre ng baril ang biktimang si Fernando Ibanez, 57, ng Twin Pioneer St., Extension, Barangay 189, Zone 20, ng nabanggit na lungsod at namatay noon din.

Lumalabas sa report  na natanggap ni Police Col. Bernard Yang , hepe ng Pasay City Police, dakong alas -11:45 Biyernes ng gabi nang maganap ang insidente sa kahabaan ng Guiho St., Barangay 145, Zone 16, Pasay City.

Sinabi ni Yang na nakatanggap sila ng report mula sa isang concerned citizen hinggil sa naganap na barilan sa naturang lugar.

Nang respondehan ng mga pulis ay dito na nila natagpuan ang nakahandusay na duguan ang biktima.
Base sa record, kalalaya lamang ng biktima sa pagkakakulong nito sa Mandaluyong City Jail dahil sa umano’y kaso ng droga.

Hinala naman ng pulisya na posibleng may kinalaman sa droga ang pagpatay dito at sa ngayon ay patuloy pa rin silang nagsasagawa ng masusing imbestigasyon.

 

Please follow and like us:
Read More

P400-K CASH, CREDIT CARDS, TINANGAY NG ‘BASAG-KOTSE’ 

crime robber12

(NI NICK ECHEVARRIA)

NILIMAS ng mga hindi pa nakikilalang miyembro ng “Basag Kotse” ang P400,000 na cash, credit cards at ATM cards mula sa isang  puting Toyota Fortuner (VAN 99) sa Marikina City, na pag-aari ng isang negosyante.

Nabatid na bandang alas-8:00 ng gabi nitong Biyernes nang iparada ng negosyanteng si Tony Pangan, 39, ang kanyang kulay puting Toyota Fortuner (VAN 99) sa harap ng Alchemy sa kahabaan ng Lilac St., Brgy. Concepcion Dos, Marikina City, para magkasiyahan kasama ang kanyang mga kaibigan.

Bandang ala-1:00 na ng madaling araw nitong Sabado nang madiskubre ng biktima ang insidente nang bumalik ito sa kanyang sasakyan matapos ang limang oras na kasayahan.

Nagulat na lamang ang negosyante nang makitang basag na ang kaliwang bahagi ng bintana sa likuran at nawawala na ang kanyang sling bag na naglalaman ng P400,000 cash, mga credit cards, ATM Cards, lisensya at mga identification cards.

Patuloy na iniimbestigahan ng pulisya ang insidente.

 

Please follow and like us:
Read More

CATRIONA GRAY KINONDENA ANG GINAWA SA TRANSWOMAN

ANG GARA NI VINIAHindi rin napigilan ng ating Miss Universe na si Catriona Gray na mag-react sa nangyari sa transwoman na si Gretchen Diez na pinagbawalang gumamit ng comfort room for women sa isang mall at dinala pa sa police station.

Tulad din ng ibang netizens and celebrities, kinondena rin ni Catriona ang ginawa sa transwoman at sey niya sa kanyang mahabang post sa Instagram account, ang naturang insidente raw ay nagpapatunay na kailangan na talagang i-implement ang SOGIE (Sexual Orientation and Gender Identity and Expression) Equality Bill.

“LGBTQ+ rights are HUMAN rights – mga karapatang pangkaligtasan at kalayaan mula sa diskriminasyon, karahasan at pagmamalupit batay sa pagkakakilanlan.

“The incident happened in a city that has an existing anti-discrimination bill. Ibig sabihin, walang saysay ang isang bill na hindi maipatupad sa isang komunidad.

“Kasabay ng hinihinging pagpasa ng #SOGIEEQUALITYBILL, dapat din tayong humiling ng mga sumusunod bilang isang komunidad:

“1. ‘Accessible forms of information for the public such as educational drives, programs and awareness campaigns”: para mas maintindihan natin ang mga pangangailangan ng LGBTQ+ community at para malaman natin ang mga bagay na maaari pa nating magawa bilang mga kaalyado o mga taong may awa sa kapwa.

“2. ‘A SOGIE workplace policy’: para sa lahat ng mga pampublikong tagapaglingkod at mga taong may impluwensiya sa komunidad.

“Gusto ko ring pagtuunan natin ng pansin ang katotohanang wala dapat makaranas ng anumang uri ng pagpapahiya at pang-aabuso (emotional, physical o sexual), LGBTQ+ man o hindi.

“The whole arguement of shifting the blame to the victim for reasons of being trans to justify abuse – is still victim blaming and IS NOT RIGHT,” ang parte ng mahabang post ni Miss U 2018.

Pagtatapos pa ni Catriona, “ang LGBTQ + ay nakikipaglaban para sa kanilang mga karapatan – ang karapatan sa kaligtasan, proteksyon at pagkakapantay-pantay – ay laban din natin.”

As we all know, si Catrina ay strong supporter din ng LGBTQ kaya naman inaasahan na naming magsasalita siya talaga sa insidenteng ito.

Please follow and like us:
Read More

2 BABAENG CUSTOMS OFFICIAL SUGATAN SA PAMAMARIL

crime32

(NI LYSSA VILLAROMAN)

SUGATAN ang dalawang babaeng opisyal ng Bureau of Customs (BoC) matapos na silay ay harangin at barilin ng apat na hindi kilalang suspek,  Biyernes ng gabi sa Makati City.

Kinilala ng pulisya ang mga biktima na sina Maricon Manalo, 56, OIC sa Formal Entry Division (BoC) at ng Parkview Homes, Barangay Sun Valley, Paranaque City at Marietta Lasac, 60, Principal Appraiser sa naturang division ng BoC at ng Barangay Sun Valley, Paranaque City.

Ang dalawang biktima ay naka-confine sa Makati Medical Center matapos magtamo si Manalo ng tama ng baril sa kaliwang kamay  samantalang si Lasac ay nagtamo ng bala ng baril sa katawan.

Base sa imbestigasyon ng pulisya, ang insidente ay naganap dakong alas- 8:30 ng gabi sa panulukan ng Lapu-Lapu Avenue at Victoria St., Barangay Magallanes, Makati City.

Ayon sa pulisya, ang dalawang biktima, kasama ang kanilang staff na si Charlene Salazar, ay sakay ng kanilang sasakyan na isang kulay gray na Toyota Altis na may plakang DAH-4106 pauwi sa kanilang bahay ng mangyari ang insidente.

Pahayag ng mga biktima na habang binabagtas nila ang lugar ay bigla silang hinarang ng isang sasakyan na lulan ng apat na kalalakihan.

Dagdag pa ng mga biktima na pinipilit sila na bumaba ng apat na kalalakihan sa kanilang sasakyan at isa dito ay binasag ang salamin ng bintana ng kotse sa drivers seat kung saan si Manalo ang nagmamaneho.

Agad naming inatras ni Manalo ang kanilang  sasakyan upang makaiwas sa kapahamakan subalit sila ay pinagbabaril ng apat na suspek.

Pagkatapos ng pamamaril ay tumakas ang mga suspek at ang mga biktima naman ay dinala sa nabanggit na ospital ng rescue team.

Sa ngayon ay iniimbestigahan pa ng mga pulis  at inaalam na rin kung may kinalaman sa trabaho nila sa BoC ang naganap na pamamaril sa mga biktima.

 

Please follow and like us:
Read More

ELECTION OFFICER, ISA PA PATAY SA ROAD MISHAP

motoraccident12

(Ni JG TUMBADO)

Isang election officer ang nasawi matapos masangkot sa aksidente sa kalsada sa Catarman, Samar.

Nasawi habang isinusugod sa ospital ang 45 taong gulang na si Gerald Apelo, election officer sa bayan ng Mapanas.

Batay sa imbestigasyon ni Patrolman Ramil Pedringal ng Catarman Municipal Police, sakay si Apelo sa kanyang motorsiklo patungo sa bayan ng Catarman ng siya ay masalpok ng kasalubong nitong motorsiklo sa bahagi ng national highway sa Barangay Pambujan dakong alas-6 ng gabi ng Biyernes.

Nawalan umano ng kontrol sa pagmamaneho ang driver ng kabilang motorsiklo at tuluyang mapadako sa linya ni Apelo na dahilan ng aksidente.

Patay ang naturang driver ng kabilang motorsiklo habang malubha naman ang kondisyon ng angkas nito na kapwa wala pang pagkakakilanlan ng pulisya.

Nabatid pa sa report na may suot na helmet si Apelo at protection gear ang katawan nito subalit dahil sa tinamong matinding bugbog at sugat sa binti at ulo ay binawian din ito ng buhay.

Sinasabing kapwa galing ang mga biktima sa piyesta sa magkahiwalay na lugar sa nabanggit na bayan ng San Roque at Catarman.

Please follow and like us:
Read More

NAGPAHIRAM NG CELLPHONE; SINAKSAK NANG BINAWI

crime34

(NI ANNIE PINEDA)

DUGUAN ang isang caretaker makaraan saksakin ito ng kawatan na ang istilo ay manghihiram ng cellphone sabay saksak, iniulat kaninang umaga sa probinsya ng Cauayan City.

Kinilala ang biktimang si Dominique Liquanan, 21,  caretaker ng restoran, habang nadakip naman ang suspek na kinilalang si Ricarte Cristobal, 21, kapwa residente ng Sillawit, Cauayan City.

Batay sa report ng Cauayan City Police Station, naganap ang insidente sa nasabing lugar habang ang biktima ay nakatayo lamang sa kalsada.

Dito, nilapitan siya ng suspek at unang nagpapakilala na isang Jay-Ar Pasamonte, saka hiniram saglit ang cellphone ni Liquanan.

Ilang minuto ang makalipas, kinuha na ng biktima ang kanyang cellphone subalit sa halip na cellphone ang ibalik sa kanya, pinag-uundayan na ito ng saksak ni Cristobal saka tumakas sakay ng tricycle.

Kaagad naman nakahingi ng tulong ang biktima at nadala ito sa ospital at patuloy na ginagamot ang mga tinamong saksak sa katawan.

Sinabi naman ng pulisya, na istilo ng suspek ang ‘hiram sabay tangay.’

Sinampahan naman ng kasong Frustrated murder sa tanggapan ng Prosecutor si Cristobal.

 

Please follow and like us:
Read More

3 PATAY SA PAMAMANHIKAN, TRAK LUMANGOY SA DAGAT 

(NI ANNIE PINEDA)

NAUWI sa madugong trahedya ang pamamanhikan ng isang pamilya makaraan tatlo ang nasawi habang 12 ang sugatan nang mawalan ng preno at mahulog sa dagat ang sinasakyan nilang mini canter truck, iniulat kaninang umaga sa probinsya ng Negros Oriental.

Kinilala ang mga namatay na sina Jenalyn Lubrido Capriano, 40; Maricel Dalmacio Lubrido; at Haide Cantoy Lubrido, 53, habang ginagamot naman sa ospital ang 12 sugatan kasama ang driver ng truck na kinilalang si Rolanda Amaca, mga taga Bacolod City.

Batay sa report ng San Carlos City Police Station, dakong alas 4:00 ng hapon (Agosto 16) nang maganap ang insidente sa Brgy. Codcod, San Carlos City .

Lumabas sa pagsisiyasat ng pulisya, pauwi ang mga biktima sakay ang nasa 20 katao matapos mamanhikan ang kaanak nilang si Wljun Balbuena na hindi nakasama sa sasakyan pag-uwi.

Pagsapit sa nasabing lugar, bigla na lamang nawalan ng kontrol ang trak nang mawalan ng preno dahilan para mahulog ito sa dagat.

Kaagad naman dinala sa ospital ang mga biktima pero nalagutan na rin ng hininga ang tatlo habang patuloy na ginagamot ang mga sugatan.

Nagpapatuloy naman ang imbestigasyon ng pulisya sa insidente.

Please follow and like us:
Read More

REBELDE NAGBALIK-LOOB SA GOBYERNO, ITINUMBA 

(NI ANNIE PINEDA)

HINDI inakala ng isang lalaki na ang pagbabalik-loob nito sa gobyerno ang magiging dahilan ng kanyang kamatayan matapos itumba ng umano’y  kanyang dating mga kasamahan rebeldeng New People’s Army (NPA), sa probinsya ng Makilala, Cotabato.

Kinilala ang biktimang si Arnulfo Cartalaba, 46, may asawa at habal-habal driver habang sugatan si Arnold Gahil, 34, kapwa residente ng Brgy Biangan Makilala North Cotabato.

Batay sa report ng Makilala-PNP,  naganap ang insidente sa bahagi ng Purok 1A , Barangay Kisante, Makilala, Cotabato.

Lumabas sa imbestigasyon ng pulisya, sakay ang mga biktima ng motorsiklo nang bigla na lamang silang pinagbabaril ng apat na hindi kilalang suspek gamit ang kalibre.45 na pistola.

Tumakas naman ang mga suspek patungo sa liblib na lugar sa bayan ng Makilala.

Sa dami ng tama ng bala ng baril sa katawan ni Cartalaba agad itong binawian ng buhay habang dinala sa ospital si Gahil na tinamaan ng mga ligaw na bala.

Napag-alaman na ang biktima ay dating NPA na nakinabang sa Enhanced Comprehensive Local Integration Program (ECLIP) ng gobyerno sa Catitipan, Buhangin, Davao City noong January 2019.

Patuloy naman ang imbestigasyon ng pulisya sa insidente.

 

Please follow and like us:
Read More

CHINESE SINISI SA PAGTAAS NG KASO NG KIDNAPPING

crime kidnapping12

(NI AMIHAN SABILLO)

PAGDAGSA ng mga Chinese national na nagsusugal sa bansa ang dahilan kung bakit tumaas ang bilang ng mga kidnapping incidents sa mga Tsino.

Ito ang inihayag ni Police Lt. Col Elmer Cereno, tagapagsalita ng PNP-Anti kidnapping group.

Ayon kay Cereno,  nakapagtala umano sila ng 52 kaso ng casino-related kidnapping incidents kung saan naaresto ang 119 Chinese kidnappers.

Sa paunang imbestigasyon ng PNP-AKG marami umano ang mga Chinese nationals na nagsusugal sa bansa na dinadala ng mga junket operators mula sa mainland China, na pawang hinihikayat na magbakasyon sa Pilipinas, at kapag nandito na ay dinadala sa mga casino para magsugal, kasabay ng pinapautang pa ng kapital o pangsugal.

Kapag natalo o wala ng pambayad ay dito na kinikidnap, ikinukulong sa isang hotel room, binubugbog, at tinatawagan ang kanilang pamilya sa China para magpadala ng pang-bayad utang sa pamamagitan ng wire-transfer.

Ayon kay Cereno inilunsad ni PNP-AKG acting Director Police Col Jonnel Estomo, ang mas mahigpit na koordinasyon sa kanilang foreign counterparts, Department of Justice (DOJ), National Capital Regional police office (NCRPO), Bureau of Immigration (BI), NAIA management at iba pang PNP territorial units.

Mag-oorganisa din aniya ang AKG ng “summit on casino debt related kidnappings”, kasama ang iba’t ibang law enforcement agencies at casino and hotel operators para mailatag ang action plan kontra dito.

Please follow and like us:
Read More

EMPLEYADO NG DUMAGUETE LOCAL GOV’T HULI SA SHABU

SHABU-ARRESTED

ARESTADO ang 46-anyos na empleyado ng lokal na pamahalaan ng Dumaguete City sa ikinasang anti-drug operation sa Barangay Camanjac, Biyernes ng gabi.

Nabatid sa sa hepe ng Philippine Drug Enforcement Agency (PDEA) sa Negros Oriental na si Grace Cruz, itinuturing na high-value target ang naarestong suspect.

Anim na taon na umanong nagtatrabaho ang suspect sa lokal na pamahalaan sa Special Enforcement Unit ng lungsod.

Dalawang malaking sachet ng hinihinalang shabu na tinatayang nagkakahalaga ng P68,000 ang nakumpiska sa suspect.

Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspect.

 

Please follow and like us:
Read More

PSC DISMAYADO SA MAHINANG PROMOSYON NG 30TH SEAG

psc21

(NI ANN ENCARNACION)

DISMAYADO si Philippine Sports Commission (PSC) chairman at Team Pilipinas chef de Mission William “Butch” Ramirez sa kawalan ng promotional materials, visual advertisement at information campaigns tungkol sa 30th South East Asian Games.
Kaya’t nais ni Ramirez na gamitin ng Philippine Southeast Asian Games Organizing Committee (PHISGOC) Foundation Inc. ang natitirang apat na buwan bago ang SEAG, sa pagpopromote sa kada dalawang taong torneo na ihohost ng bansa sa ikaapat na pagkakataon.
“We would like to see signs on all venues, competition and non-competition, that this is the place where the game is to be played immediately,” ani Ramirez matapos pirmahan ang Tripartite Agreement kasama ang Philippine Olympic Committee (POC) at PHISGOC Foundation Inc.
“Matagal na natin gustong palagyan ng mga promotional materials like sa mga airports, along our roads and streets. There should be tarpaulins to create awareness that these are venues where the sport is being played hindi lang sa Subic and Clark,” sabi ni Ramirez.
Isasagawa ang 530 events sa 56 sports sa 44 na lugar sa Subic, Clark, Tarlac, Manila, Tagaytay, Batangas at Laguna.
Hangad ni Ramirez na higitan pa ang nagawa ng bansa sa mga naunang paghohost nito sa SEAG noong 1981, 1991 at 2005.
Nakatakdang magsama-sama sa Pilipinas para sa 30th SEA Games sa Nobyembre 30 hanggang Disyembre 11 ang kabuuang 9840 atleta mula sa 11 Southeast Asian countries para sa kada dalawang taong torneo.

Please follow and like us:
Read More

P500,000 SHABU MULA BILIBID NASAMSAM; 2 HULI

(NI JG TUMBADO)

UMAABOT sa P500,000 halaga ng shabu ang nasabat sa dalawang miyembro ng sindikato ng droga na nagpapakalat sa Southern Luzon, Huwebes ng gabi.

Kasabay ng anti drug operation ay ang pagkakadakip sa dalawang suspek na nakilalang sina Ruel Casao, 47 at Warren Villena, 41, sa Barangay Bolbok pasado alas 7 ng gabi sa Batangas City.

Ayon kay Batangas City police chief Lt. Col. Sancho Celedio, nasamsam mula sa mga suspek ang 80 gramo ng shabu na tinatayang aabot sa P540,000.

Sinasabi sa report na si Casao ang lider at “distributor” ng shabu sa southern part ng Batangas.

Nabatid pa kay Celedio na inamin ng dalawa na ang shabu na kanilang ibinebenta ay nagmula pa sa loob mismo ng New Bilibid Prison (NBP).

Natunton ang dalawang suspek matapos makatanggap ng tip ang mga awtoridad.

Napag-alaman na bago naisagawa ang matagumpay na pagkaka dakip kina Casao ay una ng nahuli ang isang drug personality na kalaunan ay inginuso ang mga ito.

Please follow and like us:
Read More

TSERMAN ‘IMPORMANTE’ NG MILITAR,  ITINUMBA NG NPA

leyte12

(NI JG TUMBADO)

PINAGBABARIL hanggang sa mapatay ng apat na hinihinalang mga miyembro ng New People’s Army (NPA) ang isang kapitan ng barangay sa bayan ng Hilongos sa probinsya ng Leyte.

Nakilala ang biktima na si Juan Loquisa, 43, ng Barangay San Antonio na dead on the spot sa lugar bunsod ng dalawang tama ng bala sa kanyang ulo.

Batay sa inisyal na report ng Hilongos Municipal Police, kasama ng biktima ang kanyang biyenan at dalawa pa nang isagawa ang pagpaslang kay Loquisa sa labas ng bahay nito Huwebes ng hapon.

Bago tumakas ang mga suspek ay sinabihan ng mga ito ang kasamahan ni Loquisa na sila ay miyembro ng NPA at napag-utusang patahimikin ang punong barangay bilang ganti dahil sa umanoy pagiging isang impormante nito ng militar.

Kaugnay nito ay kinondena naman ni General Lope Dagoy, ang commanding officer ng 802nd Infantry Brigade na nakabase sa Ormoc City ang pagpaslang kay Loquias.

“We are calling the people to stand and fight the inhumane, senseless, and brutal actions of this organization (NPA). Do not let this brigands run fear in our community,” pahayag ni Dagoy.

 

Please follow and like us:
Read More

DALANGIN NG BAYAN, IBALIK ANG STL

STL-4

Mahirap walang pagkain sa mesa

(Ni Jun V. Trinidad / Huling labas)

NGUNIT may ilan din namang STL kubradores na pilit lumalaban sa kabila ng desperasyon sa biglang pagkawala ng legal na hanapbuhay.

“Sa hirap ng buhay ngayon, hindi dapat umasa lang sa pangungulekta ng taya para makaraos sa 24 oras. Kailangang humanap din ng ibang pagkakakitaan,” katwiran ni Maria Sheila Sarguilla, 53, isa sa mga dating kubrador ng loterya na nawalan din ng trabaho.

Pinagkakaabalahan ngayon ni Sarguilla ang pagbebenta ng iba’t ibang kakanin sa bangketa – mainit na sopas, pansit, tinapay, puto, suman, macaroni atbp – sa tapat ng kanilang bahay sa isang subdibisyon sa Lucena City.

Malaking dagok din aniya sa kaniya ang pagtigil ng STL.

“Bahagi ng badyet ko ang nasa P5,000 kita ko sa pangungubra sa isang buwan. Bukod pa ang balato kapag may patama,” ang pagtatapat ni Sarguilla, isang single parent na bumubuhay sa tatlo pa niyang anak, ang bunso ay nasa kolehiyo.

Isa pang kubrador ng loterya ang tumatanggap ngayon ng paglalaba at pamamalantsa para may pagkakitaan.

“Mahirap ang walang pagkain sa lamesa. Hindi dapat maging pihikan sa trabaho kahit na gaano man ito kahirap. Mas lalong mahirap ang matulog ng gutom,” ang natatawang paliwanag ni Lolita Marquez, 65,

Ayon sa report ng pulisya sa lalawigan ng Quezon, may ilang mga kubradores ng STL na nawalan ng trabaho ang napapasangkot sa mga gawaing labag sa batas partikular ang pagbebenta ng iligal na droga pagkatapos na tumigil ang bola ng STL.

Sa gitna ng ganitong sitwasyon ay nagpasa ng resolusyon ang Sangguniang Panglalawigan nitong nakaraang linggo na humihiling kay Pangulong Duterte na muling buksan ang operasyon ng STL.

Ayon kay Senior Board Member Isaias Ubana, wala umanong record ang Pirouette Corp., ang operator ng STL sa lalawigan ng Quezon, na nagpapakitang nandadaya ito sa pamahalaan sa loob ng 13 taon nitong pagpapatakbo ng loterya.

“Inasahan ko po na matapos ang isinasagawang imbestigasyon ay malilinis ang pangalan nito (Pirouette) at maibabalik na ang operasyon ng STL upang maiwasan din ang posibilidad na pagbabalik ng operasyon ng jueteng,” ang pahayag ni Ubana sa kanyang privilege speech noong August 5.

Ang kanyang isinulong na resolusyon na nagpapahayag din ng suporta sa kampanya ni Pangulong Duterte laban sa iligal na sugal at korapsyon ay sinuportahan ng buong kasapi ng Sangguniang Panglalawigan.

Please follow and like us:
Read More

TINAMBAKAN: MAPUA PANALO SA JRU

(PHOTO BY MJ ROMERO)

HINDI pinaporma ng Mapua Cardinals ang Jose Rizal University Heavy Bombers, 83-63,  sa NCAA Season 95 seniors basketball tournament Biyernes sa Filoil Flying V Centre, San Juan.

Pinagbidahan ni Laurenz Victoria ang Cardinals sa kinamadang 24 points sa 5-of-9 three-point shooting na sinamahan pa ng apat na rebounds.

Nagdagdag naman si Rookie Paolo Hernandez ng career-best 20 points, five boards, three assists, at two steals.
Dahil sa pangatlong sunod na pagwawagi ay nagimprub ang kartada ng Cardinal sa 3-5 panalo-talo kapareho ng JRU.

“I’m happy and satisfied with the three straight wins. Tinrabaho ng players ko yun, tinrabaho ng buong team and credit sa coaching staff dahil talagang after ng 0-5 start namin, binusisi namin kung saan kami nagkamali at nagawan namin ng paraan at nag-respond ang players,” sabi ni coach Randy Alcantara.

Lamang ng 15 puntos ang Mapua, 63-48, sa fourth quarter ngunit nagrali ang Heavy Bombers at naibaba ito sa walong puntos, 69-61.

Ngunit hindi nagpabaya ang Cardinals na sa pangunguna ni Victoria ay sumagot ng 14-2 para maselyuhan ang panalo.

Nanguna para sa Heavy Bombers si Agem Miranda na nagtala ng 19 points, six rebounds, at two assists habang nagambag si Marwin Dionisio ng 14 points, eight boards, at assists.

Box Scores:
MAPUA 83 — Victoria 24, Hernandez 20, Bunag 10, Bonifacio 8, Lugo 7, Gonzales 5, Nieles 5, Serrano 2, Gamboa 2, Aguirre 0, Garcia 0.
JRU 63 — Miranda 19, Dionisio 14, Delos Santos 10, Macatangay 5, Amores 4, Arenal 4, Abaoag 4, Steinl 3, Dela Rosa 0, Jungco 0, Aguilar 0.  EBG

 

Please follow and like us:
Read More

YAM IPINALIT KAY ERICH

MAY creative differences  nga sa gitna nina Erich Gonzales at mga production people ng new series ng Dreamscape, ang  Love Thy Woman.
Si Yam Concepcion ang ipinalit kay Erich sa role na Dana Wong. So sobrang for  adults only na mga eksena
kaya sumuko sa role.
As in sobrang sexy o graphic ang mga bed scenes. Maapektuhan ang personal lovelife ni Erich
pag ipalalabas na sa TV ang mga eksena.
Mas nagiging daring na ang mga eksena sa TV series ng Kapamilya Network. Lalo na  ang mga lumalabas na mga series sa kanilang IWant TV o sa kanilang cable networks.
Kahit umaaray si Yam sa mga nilalabas ng netizens na screenshots ng kanyang mga nude scenes sa 2012 Erik Matti film na Rigodon at feeling niya ay nababastos siya, magagawa pa rin ni Yam ang rated PG na mga eksena sa Love Thy Woman.
Please follow and like us:
Read More

KORAPSYON SA BCDA/CLARK

BOMBAHAN NA FINAL

MATINDI raw ang korapsyon sa Clark, Angeles City sa ilalim ng pangangasiwa ng Bases Conversion and Development Authority (BCDA).

Marami raw locator ang nagtatanong, kung bakit para yatang may mga pinapaboran na kompanya sa Clark?

Duda tuloy nila ay laganap ang korapsyon o lagayan dito.

May alam kaya rito ang BCDA, Clark Development Corporation (CDC) at Clark International Airport Corporation (CIAC)?

Mukhang may mga tao silang kasabwat, kung hindi man sila at bakit pinapaboran ang isang kompanya na ang nakuhang lupain ay ekta-ektarya?

Sa paanong paraan sila kumikita?

Halimbawa, uupahan nila ang lupain sa Clark ng isang milyong piso (P1M) ang bawat ektarya sa loob ng isang buwan. Kanila namang pauupahan ang lupa sa mga negosyante sa halagang labing limang milyong piso (P15M) kada buwan.

Tabo ang may pakana nito, mucho dinero sila.

At alam nyo ba kung sino at anong pangalan ang ginagamit nila kaya sila pinapaboran sa Clark?

Pangalan lang naman nina Paolo “Polong” Duterte at Mayor Inday Sara.

Taga-Davo daw kasi ang nasa likod nito.

Hala! Lagot kayo, ‘pag nalaman ni Pangulong Duterte yan, may paglalagyan kayo.

Kawawa naman ang pamilyang nagagamit nang hindi nila alam at pinagkakakitaan pa sila ng iba.

Gusto pang makakuha at mapanatili ang kontrata. Dami raw kasi ng pera ng kompanyang ito para ipang-lobby na kahit ide-develop na ng gob­yerno ang lugar ay ‘di magawa.

Totoo po ba ito BethaPhil?

Mistulang kayo na raw po ang may-ari ng Clark?

Kung walang nangyayaring lagayan dito sana walang pinapaboran na kompanya ang BCDA.

Sana hindi ito alam ni BCDA President at Chief Executive Officer Mr. Vivencio Dizon.

Kasi ang masisira dito ay si Sir Vince, ‘di po ba boss?

Ang Clark ay gaga­wing New Clark City na parang Hong Kong ang style.

Pag nagkataon, ito na ang magiging sentro ng Pilipinas.

Maluluma na ang Metro Manila rito at ito na ang magiging sentro ng Pilipinas.

Bukas po ang BOMBAHAN NA para sa sagot ng mga tinutukoy sa kolum na ito.

oOo

Pasabugin ang katiwalian, isumbong sa BOMBAHAN NA mag-email joel2amongo@yahoo.com.

Please follow and like us:
Read More

PAGPASOK NG MGA DAYUHAN DAPAT NAAAYON SA BATAS

RESPONDE.jpg

PINAIIMBESTIGAHAN ng ilang mambabatas ang biglaang pagdami ng mga Tsinong manggagawa sa Pilipinas partikular na tinutukoy ngayon ay ang mga nasa Philippine Offshore Gaming Operations (POGO). Nakababahala ang pagdagsa nila mula sa Tsina lalo na may mga ilang ulat na hindi umano dumaan sa tamang proseso at walang tamang working visa ang mga ito. Ang ilan sa kanila ay nakapapasok bilang turista ngunit tumutuloy na bilang mga manggagawa kaagaw ang mga Pilipino sa trabaho rito sa ating sariling bansa.

Heto na nga at pinatatawag na ng Kamara ang mga taga-Bureau of Immigration (BI) para ma­bigyang-linaw kung ligal ba ang mga papeles ng mga ito. Ayon kay Rep. Eric Yap, chairman ng House Committee on Games and Amusement, kanilang susuriin ang tamang bilang ng mga manggagawang mula sa ibang bansa na ngayon ay nasa POGO hubs. Dapat maayos ang mga dokumento ng bawat isa sa kanila pagkat may mga ulat na may ilang grupong mula Tsina na siya rin namang nambibiktima sa mga kapwa Tsino sa iba’t ibang iligal na paraan.

Mula naman kay Senador Win Gatchalian sa kanyang Senate Resolution No. 89, hindi umano nakakokolekta ng tamang buwis ang ating pamahalaan sa mga manggagawa sa industriya ng POGO na tinatayang nasa 130,000 indibidwal na.

Sa ibang balita naman ukol pa rin sa mga dayuhan sa bansa, inireklamo ng isang turista sa Boracay ang pagpapadumi ng isang dayuhang babae sa kanyang anak sa baybayin at gayundin ang pagtatago ng dumi nito sa buhangin.

Bawal ito base sa nakasaad sa Municipal Ordinance Number 311 o “Anti-Littering Law” sa Malay, Aklan na saklaw nito ang pagdumi, pag-ihi at pagdura sa pampublikong lugar katulad ng Boracay.

Sa aking opinyon, maaari namang magtrabaho ang mga dayuhan dito sa atin basta sumunod sila sa mga batas, magkaroon ng tamang permits at visa, magbayad ng nararapat na buwis, bigyang halaga ang ating kultura at higit sa lahat ay ‘wag agawan ang mga Pinoy sa trabaho na kaya nating gampanan. Dapat mas maging alerto tayo sa mga hindi magandang nangyayari sa ating paligid at ipagbigay-alam agad sa otoridad upang agarang mahuli ang mga ito. Protektahan natin ang bansang Pilipinas at ang bawat Pilipino na naririto!  (RESPONDE ORA MISMO / KUYA JOE)

Please follow and like us:
Read More

URONG SULONG: ANG PAGBAWI NG BENEPISYO SA MGA EMPLEYADO

yourservice

MADALAS tayong makabalita mula sa ating mga kababayang manggagawa na minsan binabawi ng kanilang mga amo ang kanilang mga benepisyo — mga benepisyong matagal nang binibigay sa kanila taon-taon. Kadalasan, ginagawa na lamang dahilan ng mga amo na binabago nila ang istraktura ng kanilang mga benepisyo o kinakailangan nang magtipid dahil sa kahinaan ng negosyo o para maiwasang malugi at mawalan ng trabaho ang lahat. Dahil dito, karamihan sa mga ina­lisan o binawian ng mga benepisyo ay pumapayag kesa naman mawalan ng trabaho.

Maaari bang gawin ito? Ito’y madalas na katanungang nakararating sa akin mula sa aking mga kakilala at maging sa mga taong nakikilala ko. Simple lang naman ang sinasabi ng batas at maging ang mga kasong naiangat na sa Korte Suprema — kapag ang isang benepisyo o pribilehiyo ay naibigay na ng kompanya sa mga manggagawa nito at naging parte na ng kani-kanilang pangkalahatang sahod — hindi na maaaring bawiin ito.

Ngunit ang problema ay ang realidad sa lugar ng trabaho — kalimitan, natatakot ang mga empleyado na magreklamo sa kadahilanang baka sila maalis sa kompanya o mawalan ng trabaho. Hindi biro ang mawalan ng trabaho lalo na sa panahong ito — hindi rin madaling lumaban batay sa prinsipyo kung kumakalam naman ang tiyan ng empleyado at ng kaniyang pamilya. Lalo rin mahirap ipaglaban ang karapatan kung ikaw ay nag-iisa o nagtatrabaho sa isang kompanyang walang unyon na pwedeng sumuporta sa iyo.

Madalas nangyayari ito sa mga kompanyang pabago-bago ang mga alituntunin sa kanilang pakikitungo sa mga empleyado — kalimitan, ang nalulugi ay ang kawawang manggagawa at hindi ang amo. At dahil sa pananakot — tumatahimik na lamang ang tao, ang mga empleyado para hindi sila maalis sa trabaho.

Ang sunod na tanong — ganun na lamang ba? Hahayaan na lamang ba nating balewalain ang ating karapatan sa ilalim ng batas sa kadahilanang gusto ng kompanyang makatipid sa pagbayad ng mga benepisyo?

Sa aking munting palagay — hindi biro ang mawalan ng benepisyo o mabawasan nito at lalong hindi biro ang matanggal sa trabaho. Ngunit kinakailangan na ang pamahalaan mismo, sa pamamagitan ng mga kawani ng DOLE, ng NLRC, ng BLR ang siyang mag-umpisa ng pagbabantay at pagseseguro na hindi nawawalan ang ating mga kababayan ng kanilang karampatang benepisyo sa ilalim ng batas. Oo, madali itong sabihin, ngunit mahirap gawin — lalo na sa kadahilanang ang mga kawani mismo ng pamahalaan ang siyang nagkukulang at hinahayaan na lamang ang mga manggagawa na lutasin ang kanilang problema. Kailangang magkaisa ang mga empleyado o mga manggagawa upang maprotektahan nila ang tamang kalakaran pagdating sa pagbibigay ng sahod at ng mga benepisyo. Tandaan, kakampi mo ang batas — hindi sapat na alam mo ang batas — nararapat ding alam mo paano gamitin ang batas para ipaglaban ang iyong karapatan, sa tulong din ng mga ahensya ng pamahalaan tulad ng DOLE, NLRC, at BLR. Lahat ito’y itinayo upang mabigyang lunas at ayuda ang mga manggagawa sa kanilang suliranin tulad ng pagbawi ng benepisyo, hindi sapat na pagbibigay ng sahod at iba pa. Napapanahon na malaman nating lahat ang batas tungkol dito at ang mga ahensyang tutulong sa atin.  (@YOURSERVICE / ATTY. DAVID AQUINO)

Please follow and like us:
Read More