RIDER PATAY SA SINALUBONG NA TRUCK

accident121

(NI BONG PAULO)

MAAGANG sinalubong ni kamatayan ang isang 21-anyos na drayber ng motorsiklo matapos na makasalpukan ang isang wing van truck sa road mishap na naganap sa sa Brgy. Ulamian, Libungan, North Cotabato, Linggo ng umaga.

Kinilala ang nasawi na si Nick Kadil Bad, residente ng Supermarket Site, Cotabato City, habang kinilala naman ang drayber ng truck na si Randy Vilos Masil, 51, ng Taal 1, Bangkal, Davao City.

Ayon sa inisyal na pagsisiyasat ng pulisya, alas-10:40 ng umaga nang maganap ang aksidente kung saan galing sa direksiyon ng Cotabato City ang motorsiklo papunta ng Libungan nang masalpok nito ang isang multicab dahilan para mawalan ito ng kontrol hanggang sa bumangga sa isang Fuso wing van truck.

Tumilapon ang biktima at nabagok ang ulo nito habang nagtamo ito ng matitinding pasa at sugat sa katawan na mabilis namang isinugod sa  Mount of Blessing Hospital, sa Brgy Poblacion, Libungan, Cotabato at kalaunan ay inilipat sa Cotabato Regional Medical Center, sa Cotabato City, pero dakong alas-11:45 ng gabi ay binawian ng buhay ang biktima.

 

Please follow and like us:
Read More

CONSTRUCTION WORKER KINATAY SA BAHAY

(NI TJ DELOS REYES/PHOTO BY EDD CASTRO )

INAALAM na ng pulisya kung sino ang responsable sa pananaksak sa isang construction worker na natagpuan na naliligo sa sarili nitong dugo sa loob ng kanyang tirahan sa Quezon City.

Kinilala ang biktima na si si Ronald Sepida Valdez Jr., 26, construction worker at residente ng No. 141 Blessing St., Area 6, Brgy. Bagong Silangan, QC.

Base sa ulat, dakong alas-8:00 ng umaga nang matuklasan ang duguang katawan ng biktima ng nobya nito na si Jeraldine Tolentino na  nakahandusay at tadtad ng saksak sa  leeg   loob ng bahay.

Ayon kay Tolentino, nagpupunta lamang siya sa tahanan ni Valdez tuwing weekend at kung may freetime siya kaya wala siyang nalalaman kung sino ang may kagagawan ng krimen.

Nagulantang na lamang siya nang buksan nito ang pintuan at tumambad sa kanya ang wala nang buhay na katawan ng nobyo.

Agad naman ipinagbigay alam ni Tolentino ang pangyayari sa mga barangay officials ng Brgy. Bagong Silanganan na siya naman tumawag sa kapulisan.

Patuloy ang pagsisisayat ng mga otoridad sa nangyari krimen at kung ano ang motibo sa pamamaslang kay Valdez.

 

Please follow and like us:
Read More

BANGKA LUMUBOG; 49 PASAHERO, 7 CREW NASAGIP NG PCG

(NI NICK ECHEVARRIA)

NASAGIP ng mga tauhan ng Philippine Coast Guard (PCG) ang lahat ng 49 pasahero at 7 crew members nang lumubog ang bangkang de motor malapit sa pantalan ng Calbayog City sa Samar nitong Lunes.

Batay sa report, hindi pa halos nakalalayo ang bangka sa layong isang daang metro mula sa pantalan nang hagupitin ito ng malakas na hangin at alon na naging sanhi ng paglubog nito sa kabila ng wala namang forecast ng bagyo o sama ng panahon sa Samar.

Nabatid kay Samar PCG commander Lt. Junior Grade Wilky Homer Saga, na umalis ang lumubog na bangka lagpas alas-11:00 ng umaga lulan ang 49 na mga pasahero nito at 7 crew patungo sana sa bayan ng Tagapul-an.

Mabilis naman ang naging pagtugon ng mga rescuers mula sa  Coast Guard Station Samar Quick Response Team, City Disaster Risk Reduction Management Council, Philippine National Police Maritime Group at lite ferries na nagresulta sa pagkakaligtas sa lahat ng mga sakay ng lumubog na bangka na naibalik din sa Calbayog City.

Agad na inilipat ang mga nailigtas na pasahero sa pangangalaga ng  PNP Maritime Group sa Calbayog, City at Coast Guard para sa kaukulang medical assistance na sa kabutihang palad ay wala namang naiulat na malubhang nasugatan.

Lumalabas na tatlong oras sana ang kabuuang biyahe ng isang bangkang de motor mula sa Calbayog City patungo ng bayan ng  Tagapul-an na may layong 44 na kilometro.

 

Please follow and like us:
Read More

SULU NIYANIG NG MAGKASUNOD NA PAGSABOG

(NI AMIHAN SABILLO)

MAGKAKASUNOD na pagsabog ang yumanig sa mga residente ng Patikul, Sulu Martes ng umaga, na nagresulta sa pagkakasugat ng isang kawani ng Armed Forces of the Philippines (AFP).

Ayon kay Westmincom spokesperson Maj. Arvin Encinas, ang unang pagsabog ay naganap bandang alas-7:34 ng umaga.

Isang improvised explosive device (IED) ang sanhi ng unang pagsabog, na masuwerteng walang sugatan.

Ang ikalawa ay habang nagsasagawa ng clearing operations ang mga tropa ng 13 Special Forces Company, kasama ang K9 units sa blast site, nang maganap ang ikalawang pagsabog, sampung metro lang ang layo mula sa unang pagsabog dakong alas-8:30 ng umaga.

Sugatan sa ikalawang pagsambulat si Cpl Rene M Mediana ng 43rd K9 pltn, ng Phil army, na nagtamo ng shrapnel wounds sa ibabang bahagi ng katawan.

Kasalukuyang namang nagpapatuloy ang imbestigasyon sa insidente.

Please follow and like us:
Read More

ADVERTISERS MAG-AATRASAN SA SERYE NI GERALD?

(NI GORGY RULA)

PAWANG mga training sa Scout Ranger ang ipinu-post ni Gerard Anderson

bilang paghahanda sa drama series niyang A Soldier’s Heart.

Ilan sa mga kasama niyang nag-training sina Elmo Magalona, Nash Aguas, Jerome Ponce at Yves Flores.

Three days daw ang training na proud na proud si Gerald na walang sumuko sa sobrang hirap na pinagdaanan nila,

Inaasahang huhupa na ang mainit na isyung hiwalayan nila ni Bea Alonzo na  ngayon ay ina-analyze nila bakit lumaki nang husto ang isyung ito.

Isa nga sa segment ng Rated K na pinag-usapan ni Korina Sanchez ay itong Gerald-Bea brouhaha at ang kaibigang si Noel Ferrer ang isa sa naimbita para sagutin kung bakit halos naging national issue ito.

Isa raw sa nabanggit ni Noel ay ang Star Magic kung meron ba silang action na ginawa rito.

Sabi nga ni Noel sa PEP Alerts namin, “Ano kaya ang stand ng Star Magic sa issue?

“Hindi ba’t sa tunay na pamilya, pinag-uusapan ito at inaayos at sa proseso ay may natutunan?”
Nagulat daw silang naimbitahang nasa panel nung pinanood nila nung Linggo, na-edit na ang bahaging iyun.

Kaya naintriga tuloy kami bakit hinayaan ng ABS-CBN 2 na lumaki ito.

Ang tanong na rin ng ilang sumusubaybay sa isyung ito, hindi kaya makaapekto ito sa teleseryeng gagawin ni Gerald?

Makakalimutan na kaya ng mga tao ang mainit na isyung ito bago umere ang A Soldier’s Heart niya?

Ang latest pa kasing naririnig namin, hindi pa raw gaanong type ng mga advertisers si

May ilang nagsasabing, mag-aatrasan daw ang possible advertisers sa bagong teleseryeng ito ni Gerald.

Wala pa naman silang schedule ng airing, kaya baka patagal-tagalin pa muna nila.

Please follow and like us:
Read More

BEERMEN, KATROPA UNAHAN SA GAME 5: ‘TOSS COIN’

(NI ANN ENCARNACION/PHOTO BY MJ ROMERO)

“BACK to square one” ang TNT Katropa at San Miguel Beer matapos magtabla, 2-2, kaya’t inaasahang  mas magiging mahigpit ang sagupaan ng dalawang team sa krusyal na Game 5 ng 2019 PBA Commissioner’s Cup best-of-seven finals Miyerkoles sa Araneta Coliseum.

Mag-uunahan ang Katropa at Beermen na masungkit ang ikatlong panalo para magkaroon ng bentahe at makalapit sa Commissioner’s Cup crown sa alas-7:00 ng gabi.

Nagawang maitabla ng Beermen ang serye Linggo ng gabi matapos maisahan ang Katropa, 106-101.

Muling ipinamalas ni San Miguel big man June Mar Fajardo kung bakit siya ang natatanging five-time league MVP nang akayin sa panalo ang Beermen sa Game 4 at maitabla ang serye. Nagposte si Fajardo ng 22 points at seven rebounds sa harap ng 13,578 manonood na biggest “so far” sa mid-season conference at “largest finals attendance without Barangay Ginebra” simula noong Game 7 ng 2016 Philippine Cup finals sa pagitan ng San Miguel at Alaska.

“Buti nakuha namin yung panalong ito. Mahirap kasing mabaon sa 1-3, so buti naitabla namin yung series,” sabi ng 6-foot-10 Fajardo matapos ang laro kung saan ginawaran ng Best Player of the Conference si Jayson Castro at Best Import of the Conference si Terrence Jones, kapwa ng TNT Katropa.

Binigyan keredito naman ni Fajardo ang kanyang teammates sa magandang inilaro niya. “Hinahanap ako ng mga teammates ko. Kahit nagmimintis ako, pero hinahanap pa rin nila ako. Binibigyan nila ako ng kumpiyansa, kaya kailangan suklian ko yung tiwala nila.”

Inaasahang sasandigan din ng Beermen ang kanilang import  na si Chris Mccolough na nagtala ng 27 puntos, 22 rebounds, apat na assists, isang steal at isang block at nagbigay ng krusyal na pasa kay Fajardo na nagselyo ng kanilang panalo.

“We just have to play harder and tougher on both offense and defense,” sabi naman ni Katropa coach Bong Ravena.

Umaasa rin si Ravena na mas magkakapagpokus sa kanyang game ang kanilang import na si Jones, na laging may nakakabanggang Beermen, ang pinakahuli ay si Arwind Santos na nakasigawan niya.

 

Please follow and like us:
Read More

ENGINEERING STUDENT KULONG SA ‘SEXTORTION’ 

sextortion

(NI ANNIE PINEDA)

HIMAS-rehas ngayon ang isang engineering student matapos arestuhin ng mga awtoridad sa reklamong ‘sextortion’, iniulat sa probinsya ng Aklan.

Ayon sa Kalibo-PNP, nadakip ang 20-anyos na suspek na hindi pinangalanan sa ginawang entrapment operation nang ireklamo ito ng 19-anyos na dalaga.

Batay sa reklamo ng biktima, inaya siya ng suspek na magtalik subalit tinanggihan niya ito na ikinagalit ng una.

Dito, pinagbantaan siya ng suspek na ipapakalat ang mga malaswa nilang larawan, kapag hindi ito pumayag na makipag-sex sa kanya.

Sa takot na totohanin ng suspek ang banta, agad siyang nagtungo sa himpilan ng pulisya para humingi ng tulong.

Inilatag naman ang operasyon laban sa suspek at nagkasundo ang dalawa na papasok sa lodging house sa bayan ng Kalibo.

Pagpasok sa lodging house, lumabas ang operatiba at pinosasan ang suspek saka dinala sa naturang himpilan ng pulisya at nahaharap sa kaukulang kaso.

Depensa naman ng suspek na kasintahan niya ang biktima at kagustuhan nila ang magkita sa lodging house.

Pero , nakita sa cellphone ng suspek ang banta nito sa kanyang nobya.

Please follow and like us:
Read More

‘AKIN KA LANG!’ 

suicide12

(NI ANNIE PINEDA)

MATINDING selos umano ang nagtulak sa isang babae na tapusin ang sariling buhay sa pamamagitan ng pagbigti sa hinalang may ibang kinalolokohan babae ang kinakasama nito, iniulat kaninang umaga sa probinsya ng General Santos City.

Kinilala lamang ang biktima sa alyas na Angelica, residente ng Barangay San Isidro, ng nasabing lungsod.

Batay sa report ng pulisya, dakong alas 7:50 ng gabi nang matagpuang nakabitin ang biktima sa kusina ng kanilang bahay.

Kuwento ng kapatid ng biktima, hindi siya makapaniwalang makitang nakabigti si Angelica.

Bago ang insidente, nagtalo umano ang biktima at kanyang live-in partner na hindi pinangalanan, dahil sa selos, nagbitiw rin ng salita si Angelica na magpapakamatay siya.

Pero , binalewala ng kinakasama ang biktima ang bantang pagpapakamatay ni Angelica hanggang sa nakita na lamang itong wala nang buhay at nakabitin gamit ang lubid.

Patuloy naman ang imbestigasyon ng pulisya para alamin kung totoong nagpakamatay ang biktima o kung may naganap na foul play sa nasabing insidente.

 

Please follow and like us:
Read More

2-ANYOS, SUNDALO, CAFGU PATAY SA AMBUSH

shooting incident123

(NI ANNIE PINEDA)

PATAY ang tatlo katao na kinabibilangan ng paslit, kasapi ng Philippine Army (PA) at miyembro ng Citizen Armed Force Geographical Unit (CAFGU) matapos tambangan at pagbabarilin ng mga pinaniniwalaan kasapi ng Abu Sayyaf Group, nitong Lunes, kasabay ng selebrasyon ng Eid’l Adha ng mga Muslim sa Talipao, Sulu.

Kinilala ang mga nasawi na sina Private First Class Joie Halasan, ng 2nd Special Forces Battalion; Aldazier Hassan ng CAFGU, at Abdukalim Sahisa, 2-anyos habang ginagamot naman sa ospital ang isang 11-anyos na bata.

Batay sa report ng pulisya, naganap ang insidente sa Barangay Kagay, Patikul-Talipao, Sulu.

Lumabas sa pagsisiyasat, sakay ng motorsiklo sina Halasan at Hassan habang binabagtas ang kahabaan ng Patikul-Talipao nang bigla na lamang silang hinarang ng armadong teroristang grupo at pinaulanan ng bala mula sa matataas na kalibre na armas.

Agad namatay ang sundalo at cafgu habang nadamay naman ang dalawang bata na mabilis isinugod sa ospital pero nalagutan din ng hininga ang paslit habang patuloy na inoobserbahan ang 11 anyos.

Matapos ang pamamaril tumakas ang mga suspek sa hindi malamang direksyon.

Nagpapatuloy ang ginagawang operasyon ng mga otoridad laban sa teroristang grupo.

Please follow and like us:
Read More

LALAKI SINAKSAK NG FLAT SCREW, PATAY

(NI ANNIE PINEDA)

TIGOK ang isang lalaking tauhan ng munisipyo makaraan saksakin ito ng flat screw ng kanyang kaaway, iniulat kaninang umaga sa probisnya ng Leyte.

Kinilala ang biktimang si Jimuel Tado, 28,  job order employee ng Sta. Fe Municipal, at ng Barangay Zone 3, Sta Fe, Leyte.

Nadakip naman ang suspek na kinilalang si Donaldo Quero, kalugar ng biktima .

Batay sa report ng Sta. Fe Police Station, bumili ang biktima ng gamot sa isang tindahan sa kanilang lugar nang bigla na lamang dumating ang suspek at walang babalang pinagsasaksak ang biktima gamit ang flat screw.

Agad dinala sa ospital ang biktima pero wala na rin itong buhay nang idating.

Tumakas ang suspek pero nadakip din ng mga awtoridad sa ginawang follow-up operation.

Lumabas sa imbestigasyon, matagal na alitan ang motibo sa krimen.

Nakakulong ngayon sa Sta. Fe Police Station ang suspek at naharap sa kasong pagpatay.

Please follow and like us:
Read More

INTEL AGENT NG NBI NANG-ARBOR NG DRUG SUSPECT, HULI

(NI DAVE MEDINA)

NAHAHARAP sa kasong obstruction of justice at paglabag sa Republic Act 3019 o ang Anti-Graft and Corrupt Practices Act ang isang nagpakilalang intelligence agent ng  National Bureau of Investiggation ( NBI) sa drug buy bust operation, Lunes ng gabi sa Makati City.

Agad inaresto ng Makati City Police ang suspek na si Monakiram Batabor matapos tangkaing arborin ang kaniang tiyuhin na nadakip sa ikinasang drug buy-bust operation ng Makati Police sa Brgy. Guadalupe Nuevo.

Nakita pa sa surveillance video ng Makati City Police ang pagpiprisinta ni Batabor ng kaniyang NBI ID at  iba pang ID sa mga pulis at nakikiusap na arborin ang kaniyang tiyuhin na hindi agad natukoy ang pangalan.

Kinumpiska kay Batabor ang kanyang service firearm na kalibre .45 at sa pag-iimbestiga pa ng mga pulis ay nabatid na nakatalaga ito sa CARAGA Region.

Nauna rito ay kasama sa pitong nadakip ang tiyuhin ng suspek

sa San Jose St., Brgy Guadalupe Nuevo, Makati City, ng mga operatiba ng Station Drug Enforcement Unit ng  Makati City Police Station (MCPS) na pinamumunuan ni PLt Jeson Vigilla matapos maaktuhang gumagamit ng ilegal na droga sa isang hinihinalang drug den.

Please follow and like us:
Read More

LALAKI SA BOMB JOKE ARESTADO SA CHECKPOINT 

NI DONDON DINOY

DAVAO CITY–Inaresto ng pulisya ang isang mangingisda na nagbirong may dalang bomba at mga armas kung kaya’t hinuli sa checkpoint ng Task Force Davao sa Brgy. Sirawan, Toril, Lunes ng gabi.

Ang suspek ay kinilalang si Raymond Santosidad, 44, residente ng Gutierrez Village sa Brgy. Sirawan.

Sa imbestigasyon ng Toril Police Station, sinasabing iniinspeksyon ng TF Davao ang isang Mindanao Star Bus mula sa General Santos City, kung saan lulan ang suspek.

Sinita umano ng TF Davao ang suspek kung ano laman ng dalawang baldeng dala nito na may mga damit sa ibabaw ngunit sumagot ito na may dala siyang bomba at mga armas.

Ayon sa suspek nagbibiro lamang siya sa mga sundalo at mga pulis ngunit hindi nito alam na isa itong paglabag sa Presidential Decree 1727 (Anti-Bomb Joke Law).

Ngunit, mas swerte ang suspek dahil di na umano itutuloy ng mga otoridad ang kaso matapos mapag-alamang isa itong “person with disability.”

Nagpaalala na rin ang mga otoridad sa publiko na iwasang gumawa ng bomb joke dahil makapagbibigay ito ng alarma sa publiko at haharapin nila ang kaso ng Anti-Bomb Joke Law.

Sa ngayon ay mahigpit na ipinatutupad ang maraming checkpoint sa buong Davao dahil sa isang buwan na pagdiriwang ng Kadayawan sa Davao kung saan maraming aktibidad ang ginagawa sa sentrong parte ng lungsod.

 

Please follow and like us:
Read More

MAJA SIMPLE, INTIMATE WEDDING ANG GUSTO

boy abunda(NI BOY ABUNDA )

UMAASA si Maja Salvador na ang kasintahang si Rambo Nuñez na ang kanyang mapapangasawa at makakasama sa habambuhay. “I’m praying, sana, yes, I want. Kaya pinagdadasal ko. Yes, I hope. So Rambo, behave,” nakangiting bungad ni Maja.

Para sa aktres ay nakita niya kay Rambo ang lahat ng mga katangiang kanyang hinahanap sa isang lalaki. “When I’m with him, nando’n ‘yung nare-relax ako. After ng work, nando’n ‘yung mabe-burn out ka eh. So I’m very lucky na talagang minsan nag-iisip siya anong trips pwedeng puntahan to relax. Siya ‘yung nagpa-plan ng lahat. With Rambo, may other world. Nilalagay niya ako sa ibang world na nagagawa ko nang magaan lahat,” makahulugang pagbabahagi ng dalaga.

Ayon kay Maja ay malaki ang kinalaman ni Rambo kung bakit hindi nagtagal ang mga dating relasyon ng aktres. “Kasi nine years ago naging kami but I’m too young. So kailangan kong mag-work muna. Nine years ago nando’n ‘yung gusto mo sa isang relationship, sa isang guy. Baka kaya hindi nagwu-work ‘yung mga past ko? Kasi may mga hinahanap ako na hindi ko ma-pinpoint kung ano. No’ng bumalik siya, no’ng tinanggal ko ‘yung rule na walang balikan ng ex (boyfriend), sabi ko, ‘Parang baka ito ‘yung gusto ko talagang relationship.’ Basta kung ano ‘yung meron kami,” paliwanag ng aktres.

Sa ngayon ay nagpag-uusapan na rin ng magkasintahan ang tungkol sa pagpapakasal. Naiisip na raw ni Maja kung anong klase ang magaganap nilang pag-iisang dibdib ng binata. “Oo napag-uusapan but too early pa nga lang to say. Kasi ilang months pa lang kami. Gusto ko simple lang, hindi ‘yung artista way, very intimate lang,” pagtatapat niya. -Reports from JCC-    

 

Please follow and like us:
Read More

CHINESE NATIONAL KULONG SA KINUPIT NA P1-M

(NI KOI HIPOLITO)

ARESTADO ang isang Chinese national matapos itong ireklamo ng pagnanakaw na umaabot sa P1 milyon sa pinapasukan na kompanya sa Star Cruise New Port City, Pasay City, Lunes ng gabi.

Nakilala ang supek na si Zheng Jiabin, 24, customer service sa Rivendell Global Support Inc., residente ng Cluster 3 9D Sarasota Condominium ng nasabing lugar sa Pasay City.

Base sa report na ipinadala ng Villamor Police Community Precinct sa tanggapan ni Pasay City acting-chief of police PCol. Bernard Yang, inireklamo ni Yow Hong Peng na isang Malaysian national, 26, admininistration staff ng nabanggit na kumpanya bandang alas-8:00 ng gabi ang suspek na si Jiabin dahil sa iligal nitong pagsasagawa ng money transfer na nagkakahalaga ng 150.000 RenMinBi (RM) o may katumbas na P1 milyon na pera ng kompanya.

Pansamantala ngayon nasa kustodiya ng Station Investigation and Detective Management Branch (SIDMB) sa Pasay City Police Station ang suspek habang iniimbestigahan ang isasampang kaso na qualified theft.

Please follow and like us:
Read More

STL KUBRADORES KUMAKATOK NA SA LANGIT

KUBRADOR NG STL

 (Ni Jun V. Trinidad / Unang bahagi)

QUEZON –  Sa u­nang linggo pa lang matapos na ipatigil ni Pangulong Rodrigo Duterte ang operasyon ng iba’t legal na sugal – Lotto, Small Town Lottery, Peryahan ng Bayan at Keno – sa ilalim ng pamamahala ng Philippine Charity Sweepstakes Office (PCSO) dahil umano sa ma­lawak na korupsyon sa nasabing ahensya, sinasakmal na ng matinding desperasyon ang hukbo ng mga kubradores ng STL sa biglang pagkawala ng kanilang trabaho.

“Hindi ako relihiyosa pero nagtitirik ako ng kandila at humihingi ng tulong ngayon kay San Hudas Tadeo na sana ay ibalik na ni Tatay Digong ang STL,” ang pahayag ni “A­ling Teresa”, edad 50 pataas at beteranang kubrador ng STL sa Barangay Cotta sa Lucena City.

Santong patron ng kanilang barangay si San Hudas Tadeo, ang pinagdadasalan ng mga desperado at may mga kahilingan na parang imposibleng magkatotoo.

Batay sa record ng PCSO, nasa 314,596 empleyado ng STL ang mga nawalan ng trabaho kabilang ang mahigit na 270,000 na mga kubradores at 26,000 na mga kabo o superbisor sa iba’t ibang panig ng bansa na may operasyon ng legal na loterya.

Sa kabuuan ay tinatayang nasa 700,000 mga manggagawa sa STL at kanilang mga pamilya ang direktang naapektuhan sa pagkakahinto sa operasyon ng STL sa buong kapuluan.

“Lumalakad ng paluhod”

Kumakatok na rin sa pinto ng langit si “Marta”, isa rin sa libo-libong kubrador ng STL na nawalan ng kanilang pang-araw-araw na kayod.

“Nagtitirik nga ako ng kandila sa harapan ni Mama Mary sa katedral para muling payagan ang STL. Nakita ko ang isa kong kasamahan na lumalakad ng paluhod. Parang umiiyak pa nga,” ang kuwento niya sa Diaryo Bomba.

Ani Marta, todo-sayad na ngayon ang kanilang buhay simula nang ipatigil ni Pangulong Duterte ang mga legal na sugal noong July 27.

Tanging ang operasyon lang ng lotto ang muling nakapagbukas nang pahintulutan ito ng Malakanyang makaraan ang apat na araw.

“Kubrador din ng STL ang asawa ko kaya pareho ka­ming nawalan ng kayod. Ubos na ang konting ipon namin. Mahirap namang mangutang nang walang siguradong pambayad. Kaya dalawang beses na lang kaming kumakain sa isang araw,” ang pagtatapat ni Marta.

Parehong humiling si A­ling Teresa at Marta na huwag isulat ang kanilang tunay na pangalan sa istorya.

“Iniiwasan ko lang na ako ay mamarkahan. Maaaring sa mga sumunod na araw ay iligal na naman ang aking trabaho,” ang paliwanag ni Aling Teresa. Ganito rin ang katwiran ni Marta. May kasunod

Please follow and like us:
Read More

PICKUP VS PICKUP: 7 SUGATAN

(NI BONG PAULO)

PITO katao ang naiulat na nasugatan, kabilang na ang isang empleyado ng gobyerno, makaraang magsalpukan ang dalawang pickup sa pakurbadang daan ng Purok 11, Brgy. Poblacion, Makilala,  Cotabato, Lunes ng tanghali.

Kinilala ang mga sugatan na sina Mojahid Cosain Magayan, 39, government employee, na siya ring drayber ng Toyota pickup (A7N222); Anisa Macadato Magayan, 39-anyos; Noraima Gapor Sarip 32; Rainida Limgas Gapor, 24; Nassiba Mapandi Botawan, 49; Almira Ritone Gapor, 15, lahat ng Brgy. Poblacion, Pikit, Cotabato.

Habang ospital din ang bagsak ng drayber ng Nissan pickup calibre na Navara na si Ruel Aguilar Serrano, 76, ng Quezon Blvd, Kidapawan City.

Nangyari ang insidente alas-12:35 ng tanghali kung saan binabaybay ng isang Nissan Navara Calibre Pick-up  (F2K780) ang national highway galing Davao City papunta ng Kidapawan at pagdating sa nabanggit na lugar ay napadako ito sa kabilang lane ng kalsada dahilan para masalpok ang paparating na pickup mula sa kasalungat na direksiyon.

Please follow and like us:
Read More

EX-BFFs NA EX-GFs NI GERALD ALIW SA BONDING SA NJ

(NI ROSE GARCIA)

NAALIS kami sa parehong Instagram post ng dating mag-best friend at dating ex-girlfriends ni Gerald Anderson na sina Kim Chu at Maja Salvador.

Kung matatandaan, may panahong nagkatampuhan at hindi rin nag-usap ang dalawa. Ito yung naging girlfriend naman ni Gerald si Maja.

Pero naibalik ng dalawa ang friendship nila as time passes by. Pareho na rin silang happy sa kanya-kanyang lovelife nila. Si Kim kay Xian Lim at si Maja naman kay Rambo Nunez.

Nasa New Jersey sina Kim at Maja for a Kapamilya show.

Sa IG post ni Kim, sinabi nitong, “endless reminiscing with this one, remembering our kalokohan before… laugh here and there, stories this and that. From wedge, heels to white sneakers now!!! hahaha some things never change!! Still the same us!!! Fun times in times square at 1am.

Pati si Kris Aquino ay napa-comment sa happy pictures ng dalawa at sey nito, “May I join?,” sa bonding o future bonding pa nila. At sabi pa rin niya, “So happy to see the happiness.”

Pareho din malapit ang dalawang Kapamilya stars kay Kris.

Siyempre dahil sa napakasayang pictures nina Kim at Maja, hindi maiiwasang maisip naman ang patuloy na isyu sa pagitan nina Bea Alonzo at Julia Barretto ngayon.

All of them, may pagkakatulad, lahat sila naging o Gerald Anderson’s girls.

Both Kapamilya rin, but Gerald’s ex and present now na nag-unfollow na sa isa’t-isa sa Instagram.

Tulad nina Kim at Maja, darating kaya ang panahon na magiging okay rin sila at babalik muli sa “Ate” ang tawag ni Julia kay Bea? Huh!

 

 

 

Please follow and like us:
Read More

PHL HIGH SCHOOL FOR SPORTS ISUSULONG  

(NI ESTONG REYES)

IPINAPANUKALA ni Senador Edgardo “Sonny” Angara ang paglikha ng Philippine High School for Sports (PHSS) na magsasanay sa mga kabataang Pinoy bilang future world class athletes.

Ayon kay Angara, maraming magagaling na kabataang atleta sa bansa ngunit kulang tayo sa “elite athletes” na kayang makipagsabayan sa pinakamagagaling sa mundo.

Aniya, kung gusto natin na magkaroon ng world-class athletes, kailangang simulan ang pagsasanay sa murang edad, matutukan at mapopondohan.

“Hindi tayo magkakaroon ng mga gold medalist sa Olympics at wala din tayong pag-asa na magkaroon ng Pinoy sa mga premyadong liga tulad ng NBA at MLB kung hindi natin seseryosohin ang pag-train sa ating mga atleta,” sabi ni Angara.

“We are all waiting for the day when we will be able to watch more of our homegrown athletes competing at the world stage and seeing them bring home glory for the country,” dagdag niya.

Kaya naman inihain ng senador ang Senate Bill 330 na naglalayong lumikha ng Philippine High School for Sports (PHSS), isang educational institution na tututok sa mga sumisibol na kabataaang atleta na magbibigay din sa kanila ng de-kalidad na  secondary education.

Ito ay bilang suporta na rin sa panawagan ni Pangulong Rodrigo Duterte na pagtatatag ng  pambansang akademya para sa sports para sa high school students sa ikaapat na State of the Nation Address (SONA) nito.

Noong 17th Congress ay isinulong ni Angara ang  Republic Act 11214 o pagbuo sa Philippine Sports Training Center (PSTC) sa ilalim ng superbisyon ng Philippine Sports Commission (PSC).

“Unlike the PSTC, the proposed PHSS will provide student athletes with the same quality education as regular high schools but with special emphasis on developing athletic skills of the students through subjects pertaining to physical education and sports development,” sabi ni Angara.

“The objective of the bill is to prepare students who have shown their early potential of excelling in sports for a sports-related career while undergoing quality secondary education.”

Please follow and like us:
Read More

WALA SA HULOG

NIPIS

ILANG araw na­ging problema ang pagkahaba-habang pila ng mga sasakyan sa kahabaan ng Efipanio Delos Santos Avenue (EDSA) kaya’t mara­ming motorista at commuter ang inis na inis sa Metropolitan Manila Development Authority (MMDA) dahil inakala nila na walang ginagawa ang mga ito.

Habang si Manila Mayor Francisco “Isko Moreno” Domagoso naman ay walang tigil sa pag-aksyon upang maisaayos ang daloy ng trapiko sa kanyang nasasakupan kaya nga nawala ang mga nagtitinda sa lansangan dahilan upang tuloy-tuloy lang ang pasada ng mga pampasaherong sasakyan at daloy ng mga pribadong sasakyan.

Kaya naman, upang maipakitang hindi inutil ang ibang opisyales ng ibang lungsod ay nag-utos ang ang Department of Interior and Local Government (DILG) na kumilos sa kanilang nasasakupan upang hindi sila magmukhang walang ginagawa upang isaayos ang kanilang pamayanan.

Pero parang overacting (OA) naman ang ginawang aksyon sa Caloocan (North) kung saan ang ilang subdivision ay pinakialaman ng ilang pinagkakatiwalaan ni Caloocan City Mayor Oscar Malapitan.

Isa ang Sunriser Village sa Barangay Llano na apektado sa pagmamaga­ling ng ilang opisyales ni Mayor Malapitan dahil minamadali nila ang road widening sa nasabing subdibisyon na kung tutuusin naman ay hindi dinaraanan ng mga sasak­yan maliban na lang sa mga nakatira sa lugar.

Susunod naman ang mga residente kung makikitang totohanan at walang pinipili ang nagpapatupad. Lamang, palaisipan sa kanila kung bakit inuna ang subdibisyon, gayung sa labas pa lang ng Llano Road ay marami na ang dapat gibaing pader dahil lumampas sa talagang sakop ng kanilang pag-aari.

Ayon sa isang opis­yal na nakausap ng NIPIS, sumusunod lang sila sa kautusan ni Pangulong Rodrigo Duterte na paluwagin ang mga daanan. Plano umano ng pamahalaang lungsod ng Caloocan na gawing daanang pampubliko ang Sunriser Subdivison kaya’t pinapaluwagan ang kalye.

Teka muna, naisip ba nila na posibleng ang pagbubukas ng subdivision bilang alternate route sa mga sasakyan ay magpapataas ng “crime against property” sa lugar.

Kapag bukas sa lahat ng daraan ang subdibisyon, magiging target na ito ng mga magnanakaw. Nalagay na sa balag ng alanganin ang ari-arian ng mga tao, posibleng pati ang kanilang buhay ay malagay din sa peligro.

Mayor Oca Malapitan, paluwagin muna ang mga pangunahing daanan sa iyong nasasakupan, bago naman ang mga subdibisyon na posibleng maging target naman ng mga kawatan kapag nabuksan.

Isa pa, huwag na gamitin si Presidente Duterte sa mga maling diskarte. May gustong kumitang contractor na hawak ng isa sa mga alaga ni Mayor kaya gustong unahin ang subdibisyon. (NIPIS / LEA BOTONES)

Please follow and like us:
Read More

HINDI INANGKIN NI GEN. ELEAZAR ANG TAGUMPAY NG NCRPO

BAKBAKAN NATIN

KAHIT sinong tao ay pihadong matutuwa kapag nakatanggap ng pagkilala at parangal, lalo na kung nagmula ito sa pangulo ng Republika ng Pilipinas.

Tiyak, ipagmamalaki ang kanyang nagawa kung bakit siya nakatanggap ng parangal.

Ngunit, kakaiba si Major General Guillermo Lorenzo Eleazar.

Sa pagdiriwang ng ika-118 anibersaryo ng paglilingkod ng pulisya sa bansa, kinilala at pinarangalan ang National Capital Region Police Office (NCRPO) bilang “Best Regional Police Office” mula sa napakara­ming regional police office ng Philippine National Police (PNP).

Ang nagbigay ng plake ng pagkilala at gantimpala sa pagiging “pinakamahusay na regional police office” ay mismong si Pangulong Rodrigo Duterte.

Natural, nagbigay ng pahayag si Eleazar sa nakamit na tagumpay ng NCRPO sa ilalim ng kanyang pamumuno.

Ang maganda sa kanyang pahayag, hindi inangkin ni Gen. Eleazar ang tagumpay ng NCRPO.

Unang-una, kinilala ni Eleazar ang lahat opis­yal at kawani ng NCRPO bilang pagpapahalaga sa kanilang mga nagawa kung bakit “sa wakas” naging numero uno ang NCRPO.

“I commend all the officers, men and women of our different districts for a job well done. You do us proud and you ins­pire everyone to continue to raise the bar of excellence in the performance of your tasks, our tasks. I congratulate you all,” tugon ng heneral.

Karamihan ng pulis na kabilang sa iba’t ibang yunit ng NCRPO, kundi man lahat, ay mayroong ginawa upang matugunan ng NCRPO ang kanyang gawain, tungkulin at obligasyon sa bawat pamayanan, residente at negos­yante sa labing-anim na lungsod at isang bayan sa Metro Manila.

Sila ang naging sandigan at dahilan ng pamumuno ni Eleazar sa NCRPO.

Sila ang pinagsilbihan ng NCRPO sa ilalim ng liderato ni Eleazar.

Pinasalamatan din niya si Duterte dahil sa “vision he has for our country – a drug free country that shall be capable to stand on its own one day.”

“By zeroing in on the illegal drug trade as a priority of his administration, President Duterte is the first president of our republic to have a diffe­rent and unique platform upon which everything else should follow and fall into place – peace and order, economic development and ultimately self-sustainability. For sure, in the area of peace and order, our President is pro­ving himself absolutely correct,” saad ni Eleazar.

Pinasalamatan din niya ang pangulo sa pagtataas nito ng sahod ng mga pulis.

Ganito ang banggit ni Eleazar tungkol sa bagay na ‘yan: “By rai­sing our salaries and allowances, he gave us the chance to lessen the financial stress among our personnel, thereby impro­ving every police officer’s productivity. In Metro Manila, where the cost of living is higher than most regions, the salary adjustment is very meaningful. But most of all, in increasing our salaries, the President re-instilled the pride and self-respect of all members of the PNP,” wika niya.

Tinukoy din niya ang nagawa ni dating pambansang pinuno ng PNP sa pagsasabing “former PNP Chief and now Senator Ronald “Bato” dela Rosa, whose task was to launch the war against illegal drugs – a first in our country. His firm resolve to make sure that the war against illegal drugs does not flop in an early stage [wa]s another significant step that… led to this milestone for NCRPO.”

Pinahalagahan din niya ang paglulunsad ni General Oscar Albayalde ng “internal cleansing” sa PNP.

Sa paglilinis sa PNP, walang dudang si Eleazar ang katangi-tangi sa aspetong ito, sapagkat siya lang ang heneral at hepe ng isang pang­rehiyong tanggapan ng PNP ang naging tapat, seryoso at mapagpasyang nagtanggal ng mga pulis na kriminal kung mag-isip at kumilos.

Hindi siya nagdalawang-isip na sibakin sa puwesto ang mga pumalpak na mga hepe ng mga police station.

Kahit heneral at bata ni Albayalde ay tinanggal ni Elea­zar sa puwesto.

Ang tinutukoy ko ay si Brig. Gen. Christopher Tambungan na tinanggal ni Eleazar sa pagiging direktor ng Eastern Police District (EPD) makaraang mapatunayang sinaktan nito ang isang babaeng pulis.

Hindi rin niya binalewala at kinaligtaan ang media.

Ani Eleazar: “I wish to share this award with all our Media friends. It is our Media friends who helped me project to our people, that hey, there is a new PNP evolving, one that will truly serve and protect you.”

“It is our Media friends who help reincarnate in the hearts of our Filipino people, their trust and confidence in their policemen so that now, our people are more cooperative in giving information and reports that lead to faster crime solution. This is why Crime is continually on the descent.”

“Through all these, it is our Media friends who are finally telling the people, the President was right, and continues to be right after all. The beauty of this is that the people really feel the positive changes in peace and order in their daily lives,” paliwanag ng heneral.

Kinilala rin ni Eleazar ang mga pamahalaang lokal at mga residente sa Metro Manila na nagpamalas ng “increasing faith and trust in NCRPO.”  (BAKBAKAN NATIN / NELSON BADILLA)

Please follow and like us:
Read More