BEBOT TINODAS SA APARTELLE

crime08

(NI GUILLERMO OCTAVIO)

ISANG hindi nakilalang bebot  ang na pinatay ng lalaking kasama niyang nag-check-in sa isang apartelle, Huwebes ng madaling araw sa Caloocan City.

Umaagos pa ang dugo mula sa ilong nang matagpuan ang bebot sa isang kwarto ng HSIRI Apartelle sa 208 A. Mabini St., Maypajo alas-3 ng madaling araw.

Nabatid na alas -12:04 ng hatinggabi nang mag-check in ang biktima at kasamang lalaki sa naturang apartelle at pumasok sa room no. 220.

Makalipas ang tatlong oras, nakita ng desk personnel na si Jesica Edquilang ang paglabas ng lalaki sa silid at tinangka niyang harangin upang singilin at tanungin na rin kung nasaan ang kanyang kasamang bebot.

Sa halip na huminto ay kumaripas ang lalaki patakas kaya’t agad na nagpasama si Edquilang sa dalawang roomboy na sina Jhonny Pombo at Reu Ben Bantilo sa room 220 at kinalabog ang pintuan subalit walang sumasagot.

Sa tagpong ito ay kinuha na ang duplicate key ng silid ang nang buksan ay bumulaga ang nakatihayang bangkay na biktima.

Nirerebisa na ang kuha ng CCTV ng apartelle upang makilala ang lalaking kasamang nag-check in ng biktima habang isasaailalim sa auwtopsya ang bangkay upang alamin ang dahilan ng kanyang kamatayan.

 

Please follow and like us:
Read More

DJ MOVES HEAVEN AND EARTH FOR KATHRYN’S ENDEAVORS

(NI OGIE N. RODRIGUEZ)

NAGDIWANG ang milyun -milyong  fans ng KathNiel worldwide dahil muling nakita ang magkasintahang Phenomenal Box Office King & Queen and King and Queen of Hearts na sila Daniel Padilla At Kathryn Bernardo together.

Pinatunayan ni DJ ang kaniyang pagmamahal at laging pagsuporta kay Kathryn at sa pamilya  Bernardo.

Si Daniel kasi ang naging guest of honor sa ribbon-cutting ceremony ng pinakabagong branch ng KathNails by kcmb Nail Salon & Spa. Ang KathNails ay ang nail salon chain na pag aari ni Kathryn at ng Bernardo family.

Maaga pa lang ay siksikan na ng mga tagahanga ng KathNiel sa SM City Rosario Cavite.  Eksaktong 2 p.m.  ay dumating ang dalawa kasama ang buong family ni Kath — Mommy Min Bernardo, mga kapatid na sina Tin Bernardo Alcantara, Kevin Bernardo at ang nag iisang niece ni Kath na si Lhexine. Puring-puri ng mga fans si Daniel.

Hindi na nga nila  inasahan na makakapunta pa ang aktor dahil may previous commitment si DJ, isang endorsement event in Bonifacio Global City, Taguig at 4pm.  Pero hindi pumayag si Daniel na hindi makasama sa pagbubukas ng ika-walong (8th) branch ng KathNails at kauna unahang provincial branch. Ginawan talaga ng paraan at inayos ang schedule ng actor para makasama ang nobya sa pagbubukas ng pinakabagong negosyo nito.

Kung matatandaan, lahat ng grand opening ng KathNails ay dinaluhan ni Daniel.

Ever loving and very supportive boyfriend talaga ang binatang aktor.  After nga ng ribbon-cutting ceremony and photo ops with family, friends, mall officers and fans, agad na umalis ang KathNiel para sa scheduled event ni DJ sa Taguig. Nakatutuwa ang dalawa kasi sinamahan ng aktor sa grand opening event ang nobya then si Kathryn naman ang sumama para sa event ni Daniel after.

Kaya naman super hiyawan at tuwang -tuwa ang supporters ng dalawa kasi sa kabila ng kasagsagan ng promo ng movie na Hello, Love, Goodbye nila Kathryn at Alden Richards ay muling nagsama in public ang magkasintahang Phenomenal Box Office Royalties.

Dapat abangan ay ang  malaking proyekto na  pagsasamahan ng KathNiel sa last quarter ng 2019. Exciting ‘yon at I’m sure magsasaya muli ang mga nagmamahal sa number one love team ng Philippine Showbiz.

 

Please follow and like us:
Read More

METRO BANK HINOLDAP; P1-M PABUYA VS ROBBERS IBIBIGAY NI ISKO

armed robbery12

(NI JULIE DUIGAN)

PAGBUKAS  pa lang ng banko, Huwebes ng umaga nang looban ng dalawang nakasuot ng uniporme ng security guard ang isang sangay ng Metro Bank habang umano’y may iba pang lookout sa labas at kulimbatin ang hindi pa batid na halaga sa Binondo, Manila.

Hinalang inside job ang isa sa anggulong binubusisi ng Manila Police District -Theft and Robbery Section, makaraang makitaan ng dalawang nakasuot ng security guard at mabilis na sumakay sa motorsiklo.

Batay sa ulat ng pulisya, bandang alas-9:00 ng umaga, nang pasukin ang nasabing banko sa Sto. Cristo St., sakop ng Binondo.

Iginapos at saka kinuha ang service firearm ng sekyu sa loob ng banko.

Hinalang nasa pito katao ang nanloob sa banko, ayon sa ilang saksi.

Gayunman,mabilis naman umanong nakapagresponde ang pinagsanib na puwersa ng MPD,sa pangunguna ni Brigadier General Vicente Danao Jr, kasunod naman si Manila Mayor Isko Moreno.

Nabatid na hindi muna pinapasok ang mga pulis sa hindi pa malamang kadahilanan, pero kalaunan ay pinayagan nang mag imbestiga sa insidente.

Kaugnay nito, magbibgay ng pabuyang isang milyon piso si Mayor Isko, kung sinu-sino ang dapat managot.

Please follow and like us:
Read More

P100-K MEDICAL ASSISTANCE SA MARIKINA RESIDENTS

(NI KEVIN COLLANTES)

MAGANDANG balita para sa mga residente ng Marikina City dahil inianunsiyo na ni Mayor Marcelino ‘Marcy’ Teodoro na handa silang magkaloob ng maximum na P100,000 medical assistance sa bawat residente nito na mangangailangan ng tulong.

Ayon kay Teodoro, naaawa siya sa mga taong nangangailangan kaya’t nagpasyang lakihan ang ibibigay na tulong para sa medical assistance na kakailanganin ng mga ito.

“Naawa ako sa mga taong nangangailangan. If sa ibang LGU mababa ang binibigay nila, dito sa Marikina ay hindi ganoon. Hanggang sa P100, 000 ang tulong na pinapaabot namin sa mga ngangailangan na residente,” anang alkalde.

Sinabi ng alkalde na sakaling hindi makababayad ng kanilang hospital bills ay kinakailangan lamang ng mga residente na magtungo sa kanyang tanggapan tuwing Lunes at humingi ng tulong.

May mga tao aniya silang magtutungo sa mga pagamutan at siyang magse-settle ng mga hospital bills ng mga residente na walang kakayahang magbayad para sa kanilang hospitalisasyon.

“We send people to accompany residents seeking medical help. The Marikina LGU is committed to help our residents who are incapable paying for hospitalization and medicines,” ayon kay Teodoro.

Kaugnay nito, maging ang mga health benefits para sa mga residente ng Marikina, partikular na ng mga senior citizens, ay daragdagan pa aniya nila, kagaya ng isinasagawa sa Makati City government.

“We are now coordinating with the local government of Makati City to imitate their health care system,” aniya.

Sa sandali umanong magaya na ng Marikina City ang Health Plus Program (MHP) o Yellow Card ng Makati City, ang mga residente ng lungsod at kanilang mga rehistradong dependents ay magiging entitled na sa libreng outpatient consultation at mabibigyan ng subsidiya sa hospitalisasyon at diagnostic tests.

Maaari rin umano silang mai-refer sa mga partner-facilities upang makapag-avail ng specialized medical at diagnostic services, gamit lamang ang kanilang Yellow Card.

Mabibigyan na rin ang mga residente ng libreng gamot, kabilang ang maintenance medicines para sa hypertension, diabetes at iba pang lifestyle diseases, na ipapamahagi sa pamamagitan ng walong pharmacy outlets sa mga strategic locations sa lungsod.

Nabatid na sa kasalukuyan ay mayroong 50,000 senior citizens sa Marikina na inaasahang makikinabang sa naturang programa.

Ayon kay Teodoro, ang pangangalaga sa kalusugan ng mga residente ang isa sa kanyang pangunahing prayoridad, at tiniyak na gagawin ng kanyang administrasyon ang kanilang makakaya upang mapagkalooban ang mga ito ng de kalidad at accessible health care.

“The commitment of Marikina City is to provide accessible and quality health care services for all,” anang alkalde.

Please follow and like us:
Read More

21 STUDENTS SA ILOCOS NORTE; 10 SA BACOLOD, ‘SINAPIAN’

(NI KIKO CUETO)

AABOT sa 21 na estudyante ang pinaniniwalaang sinaniban umano ng masamang espiritu sa Ilocos Norte.

Sa report, nagwawala at sumisigaw ang mga estudyante ng Marcos National High School.

Dinadasalan pa ng mga guro at kakalse ang mga estudyante na sinaniban umano.

May ilang estudyante din ang sumisigaw tapos ay biglang tumatawa.

Ang iba na nahimasmasaman ng mas maaga, niyakap ang magulang na umiiyak.

Kwento ng principal ng eskwelahan, pagkatapos ng blessing ng bagong gusali ng kanilang paaralan na Marcos National High School, saka nangyari ang naturang pagwawala ng mga estudyante.

“One by one they fell down. Hindi namin alam kung sino uunahin namin,” sinabi ni Principal Paciano Cid.

Itinakbo ang nga estudyante sa malapit na simbahan para dasalan.

“Nagseizure, meron nagsabi sa pinagtayuang building may tanim na mangga kasi nga pinutol,” dagdag ni Cid.

Pero para sa pari na pinagdalahang simabahan, posibleng ibang kaso ang nangyari.

“They should not think na they were influenced by evil spirits we just pray to help that God will help them,” sinabi ni Fr. Victor Calma, Parish priest ng St. Anthony Padua Parish.

“We need experts to determine,” sinabi naman ni Vilma Eda, superintendent ng DepEd Ilocos Norte.

Samantala, sa Bacolod, mabibilang ang mga estudyante na pumasok sa Father Gratian Murray Integrated, na nagkaroon din ng kaso ng umanoy mga siniban na estudyante.

Sa report, Martes ito nangyari kung saan 10 na estudyante ang sinasabing sinaniban.

Kwento ng guro na si Jocelyn Salamanes, Grade 2 teacher, ni isa na estudyante sa kanang classroom ay walang pumasok.

“Zero. Walang pumasok,” sabi ni Salamanes.

Dagdag niya, naintindihan naman niya ang takot ng mga magulang at estudyante.

Sinuspinde ang klase noong Martes dahil sa insidente ng mga sinapian na Grade 8 at 9 students.

Ang iba sa kanila nagwala at may nagsisigawan.

“Sabi ng pari i-try din namin investigate ang mga pamilya at background ng mga apektadong bata. Hindi pa naman natin masabi kung ano talaga, pero parang mass hysteria. May interview ako na bata wala naman silang nakita. May naramdaman lang daw,” kwento naman ni Dionisio Lindugan, Principal ng eskwelahan.

 

Please follow and like us:
Read More

PULIS BINARIL SA ULO NG TAUHAN SA NEGOSYO

crime

(NI NILOU DEL CARMEN)

LOS BAÑOS, LAGUNA — Patay ang isang pulis matapos barilin ng kanyang sariling tauhan sa kanyang negosyo sa Los Baños, Laguna, Miyerkoles ng gabi.

Kinilala ni PLtCol Louie Dionglay, hepe ng Los Baños Police, ang biktima na si Police Staff Master Sergeant Dominic Obligado, 43, nakatalaga sa Lucena City Police Station.

Batay sa report, nakikipag-inuman ang biktima sa mga kaibigan sa Barangay  Tuntungin-Putho  alas 9:50 ng gabi, nang biglang dumating ang suspek na si Ruel Nabatilan, alyas Burnok at binaril ang biktima gamit ang kalibre 45 baril.

Nagtamo ito ng tama ng bala sa ulo at nasawi matapos mairating sa  Los Baños Doctors Hospital.

Tumakas naman ang suspek at ang kasama nito na si Cresencio Pitogo matapos ang pamamaril.

Napag-alaman na ang dalawa  ay parehong pinagkakatiwalaan o mga  tauhan ng pulis sa kanilang negosyong pautang.

Nagkasa na ng manhunt operation ang mga awtoridad  laban kay Nabatilan at Pitogo.

 

Please follow and like us:
Read More

TOTOY KRITIKAL SA BUGBOG NG 2 BULLY

(NI ALAIN AJERO)

NAKARATAY sa pagamutan ang isang totoy na nawalan ng malay nang mag-tag-team ang dalawa ring totoy at suntukin saka  hampasin ng bato sa ulo ang biktima dahil sa umiiba na umano ito ng barkada, sa Navotas City.

Nananatili sa Tondo Medical Center ang 15-anyos na biktimang itinago sa pangalang  Kevin, grade 10 habang isinailalim na sa pangangalaga ng Bahay Pag-asa ng Navotas City Social Welfare and Development Office (CSWDO) ang mga suspek na sina alyas Steph, 17, at Klay, 16.

Ayon sa pulisya, nagtalo muna sa loob ng San Rafael Technological and Vocational School sa Taliba Street, Road 2 corner Kalakal St., sa San Rafael Village, ang suspek na si Steph at biktimang si Kevin dahil kumakalas na umano sa barkada ang huli.

Paglabas ng paaralan nina Steph at Klay ay bumubulusok umanong sinuntok ni Kevin si Steph.

Sinalubong naman ng kamao ni Steph ang nguso ni Kevin kaya’t nawalan ng malay ang huli.

Nabatid na pumasok pa sa eksena ang suspek na si Klay at hinampas pa ng bato sa ulo ang wala nang malay na biktima.

Itinakbo si Kevin sa nasabing ospital habang dinakip ng mga pulis sina Steph at Klay bago inilipat sa kustodiya CSWDO.

 

Please follow and like us:
Read More

RETIRADONG ARMY COLONEL LUMUSOB SA BRGY HALL, ARESTADO

arrested76

(NI MAC CABREROS)

LITERAL na pinalambot sa kulungan ang isang retiradong colonel ng Philippine Army nang arestuhin ng pulisya matapos na ‘sumalakay’ at maangas na inastahan ang Barangay chair at kagawad sa loob ng Barangay Hall sa Mandaluyong City.

Panay ngayon ng paghingi ng tawad si Retired Col. Rogelio De Leon, 75, sa nagrereklamong sina Richard Bassig, 42, at Fernando Alcaraz, 64, chair at Kagawad ng Brgy. Daang
Bakal, nasabing lungsod.

Nahaharap si De Leon ng kasong Grave Oral Defamation at Grave Threat nang pumasok sa opisina ng Bantay Bayan sa nasabing Barangay alas-kuwatro ng hapon ng Martes at pinagmumura at pinagbantaan ang nabanggit ng local officials.

Ayon sa pulisya, alsa boses na sinabi ng suspek ang katagang “P—-ng Ina mo, Mayabang ka… Gusto n’yo, uubusin ko kayo?” habang hawak ang baril nito na Glock 9mm pistol na puno ng 14 bala sa magazine nito. Humingi ng police assistance sina Bassig at Alcaraz at naaresto si De Leon at nakumpiska ang baril nito.

Please follow and like us:
Read More

NANAY UMAYAW SA SEX: 3-ANYOS PINATAY SA SAKAL NI TATAY

gensan12

(NI ANNIE PINEDA)

KAAWA-AWA ang sinapit ng tatlong taon na gulang na batang babae sa kamay ng kanyang sariling ama na adik sa droga matapos itong bugbugin at sakalin nang hindi umano pagbigyan ng kanyang misis na makipag-sex, iniulat kaninang umaga sa probinsya ng General Santos City.

Kinilala ang biktimang si Carla Jean Tobio habang naaresto naman ang ama at suspek na si Raldy Boy Tobio, kapwa residente ng nasabing lungsod.

Batay sa report ng pulisya, nakita na lamang ang bata ng kanyang ina na si Rowena na malamig na bangkay .

Ayon sa ina, bago ang insidente, nagpupumilit ang suspek na makipagtalik sa kanya, pero tinanggihan niya ito dahil pagod siya sa trabaho hanggang sa ito ay nakatulog na.

Kinaumagahan, nakita na lamang niya ang anak na nanghihina at may mga pasa, dahilan para kanya itong tanungin dito na nagsumbong ang bata tungkol sa pananakit  sa kanya ng ama.

Sa pag-akalang simpleng sakit lamang ang nararamdaman ng anak, di na agad ito nadala sa ospital dahil na rin sa kawalan ng sapat na pera, paglipas ng isang araw nakita na lamang niya ang anak na wala nang buhay.

Sinabi pa ni Rowena, na matagal na silang sinasaktan ng asawa at gumagamit ng iligal na droga.

Nadiskubre rin na may warrant of arrest sa kasong homicide sa Pigcawayan, Cotabato si Raldy Boy.

Isasailalim na rin sa otopsiya ang bangkay ng bata para alamin kung nagalaw rin ito ng kanyang ama.

Desidido naman si Rowena na magsasampa ng kaso laban sa kanyang asawa.

 

Please follow and like us:
Read More

BRGY SECRETARY, 4 PA, LAGLAG SA SHABU

(NI SIGFRED ADSUARA)

SWAK sa kulungan ang isang barangay secretary at apat nitong kasama nang maaresto sa isang buy bst operations sa Gen. Trias City, Cavite.

Kasong paglabag sa Sec. 5 at 11 Art. II ng RA 9165 ang isinampang kaso laban kina Benedicto Saringo, Barangay Secretary ng Pasong Kawayan 2, Gen. Trias City, Cavite; Shirley Trinidad; Jose Rey Lusong; at Ric Fauni, residente ng Sitio Canatuan, Brgy San Francisco, Gen. Trias City, Cavite.

Sa ulat ni PCpl Marnol Cunanan, ng Gen. Trias City Police Station, dakong alas-12:30 Huwebes ng madaling araw nang isinagawa ang buy bust operations sa Brgy Sitio Canatuan  ng mga miembro ng Gen. Trias CPS at PDEA Cavite na nagresulta sa pagkakaaresto sa mga suspek na pawang nasa Street Level Target (SLT).

Nakuha sa kanilang pag-iingat ang 19 pirasong sac het ng hinihinalang shabu  o 22.82 gramo na may street value na P155,000 at buy bust money.

 

Please follow and like us:
Read More

HINDI TAYO PUWEDENG MABUHAY SA TAKOT –DANIEL

(NI ROMMEL PLACENTE)

SABAY na nag-guest sa Magandang Buhay noong Martes sina Ian Veneracion at Daniel Padilla.

Kaya sabay silang pinag-guest sa nasabing morning show   ay dahil nagging very close sila.

Nagsimula ang friendship nila noong nagkasama sila sa defunct drama series ng Kapamilya network  na Pangako Sa ‘Yo

na gumanap sila rito bilang mag-ama.

Nahilig sa motorbike si Daniel dahil naimpluwensiyahan siya ni Ian na naunang nahilig mag-motor.

Ayon sa mommy ni Daniel na si Karla Estrada ay natatakot daw siya kapag nagmo-motor ang kanyang anak.

“Ang kaluluwa ko! Hindi kayang nagmo-motor si Daniel. Kung hindi si Tito Ian niya, o si Papa ( Rommel Padilla) niya ang makakasama niya (na nagmo-motor), hindi ako talaga (pumapayag).”sabi ni Karla

Patuloy niya,”So kapag magpapaalam siya, tapos dadaaan siya diyan sa kalsada, wala akong pahinga sa nerbiyos ko. Parang you’re in pain, but you just have to be used  to it,”

Sa sinabing ito ni Karla, sumagot si Ian:”Kaya nga sinasabi ko sa kanya (Daniel) lagi, mag-iingat ka.  Kahit ‘yung daliri mo sa paa, hindi pwedeng mabalian. Kahit siguro 50 years old ka na, ‘pag nasugatan ka sa motor, kasalanan ko pa rin ‘yun. Ako ang sisisihin ng nanay mo”

Ayon naman kay Daniel, naiintidihan niya ang nanay niya, kung ganoon na lang itong mag-alala sa kanya.

“Pero lagi ko namang sinasabi sa kanya, “Ma, hindi naman pwedeng lagi na lang tayong natatakot. Hindi tayo pwedeng mabuhay sa takot dahil hindi natin maabot ang  mga pangarap natin,”

Sa sinabing ito ni Daniel, tinanong siya ni Jolina Magdangal, co-host ng mommy niya sa MB, na paano raw kung muling magmahal ang mommy niya, matatakot ba siya? Ang tanging sagot ni Daniel,”Huwag nating pag-usapan ‘yan,”

Sa narinig na sagot ni Daniel, tinanong naman siya ni Melai Cantiveros, kung over-protective ba siya sa kanyang mommy?

“Alam ninyo, lumaki ako na marami akong nakilala rin (na mga minahal ni Karla) and alam naman natin na may darating at darating din. Pero pinag-usapan namin ni Mama. “sabay buntong-hininga ni Daniel at  hindi na itinuloy ang sasabihin.

At ang natatawang reaksyon naman ni Karla sa sinabing ‘yun ni Daniel.

“Ganito na lang anak, mag-compromise tayo. Hindi na ako mag-aasawa hanggang sa pagtanda ko. Pero kasakasama mo ako kahit saan kayo magpunta ni Kathryn (Bernardo) I’m just here anak, kasi hindi mo ako binigyan ng buhay ko,”

 Aminado naman si Daniel na seloso siya kaya hangga’t maari ay ayaw niyang mag-asawa ang kanyang ina.

Please follow and like us:
Read More

2 PASLIT KAPWA NI-RAPE, PINATAY SA HIWALAY NA LALAWIGAN

(NI ANNIE PINEDA)

MAAGANG binawian ng buhay ang dalawang limang taon gulang na batang babae matapos silang gahasain ng kanilang mga sariling tiyuhin sa magkakahiwalay na probinsya sa Bulacan at Bukinon, iniulat Huwebes ng umaga.

Hubo’t-hubad na nagpalutang-lutang sa ilog nang matagpuan ang biktimang si Ashley Nicole Silva, 5-anyos ng Calumpit Bulacan.

Arestado naman ang suspek at tiyuhin na kinilalang si Marvin Mengolia, 23-anyos, ng nasabing lugar.

Batay sa report ng pulisya, nakita na lamang ang bangkay ng biktima sa ilog sa nasabing lugar dahilan para iahon ito.

Lumabas sa pagsisiyasat, nagpositibong ginahasa ang biktima ng suspek na agad naman nadakip sa ginawang follow-up operation.

Ayon sa pulisya, bangag sa solvent ang suspek nang isakatuparan ang karumal-dumal na krimen at hindi lamang unang beses nitong ginawang kahalayan ang bata.

Sa himpilan ng pulisya, inamin ng suspek ang ginawa sa bata at sinabi pa nitong pinatulog niya muna ang pamangkin saka niya ginahasa dahil nagising dinala niya ito sa ilog saka itinulak.

Nahaharap ngayon sa kasong Rape with homicide ang suspek.

Samantala, sa Valencia Bukidnon, namatay din ang 5-anyos na paslit na babae matapos gahasain ng kanyang tiyuhin na pinatulog lamang ng kanyang magulang sa bahay ng suspek dahil nag-aaway ang mga ito.

Kinabukasan, tinungo ng ama ang anak sa bahay suspek at nadatnan nitong nakahiga at nakabalot ng kumot kaya ginising niya ito subalit hindi na gumagalawa pa.

Kaagad na dinala sa ospital ang bata kasama pa ang suspek pero idineklara na rin itong patay.

Nang malaman ng suspek na patay na ang bata, mabilis itong tumakas.

Sa ginawang eksaminasyon ng mga doktor, lumabas na ang sugat sa kaselanan ng bata na dulot ng panghahalay ang ikinamatay nito.

Hinagilap ng ama ng suspek sa labas ng ospital pero nawawala na ito kaya humingi na siya ng tulong sa mga awtoridad na nagresulta sa pagkadakip sa suspek.

Nahaharap sa kasong Rape at homicide ang suspek .

 

Please follow and like us:
Read More

RADIO ANCHOR PATAY SA AMBUSH 

CRIME12

(NI ANNIE PINEDA)

PATAY ang isang miyembro ng mamamahayag makaraan tambangan at pagbabarilin ng mga hindi pa kilalang suspek, Miyerkoles ng gabi sa Kidapawan City.

Kinilala ang biktimang si Eduardo ‘Ed’ Dizon, anchorman ng Brigada News FM-Kidapawan City, at residente ng nasabing lugar.

Batay sa report ng pulisya, dakong alas 10:30 ng gabi nang maganap ang insidente habang sakay ang biktima ng kanyang kotse .

Pauwi na si Dizon nang tambangan ng hindi kilalang suspek at pinagbabaril gamit .45 kalibre na baril.

Nang makitang duguan na ang biktima ay tumakas ang mga suspek patungo sa liblib na lugar sa Kidapawan City .

Isinugod sa ospital ang biktima pero nalagutan rin ito ng hininga.

Nagpapatuloy naman ang imbestigasyon ng pulisya para alamin ang tunay na motibo at isa na rito ang tinitignan anggulo kung may kinalaman sa trabaho ng biktima ang krimen.

 

Please follow and like us:
Read More

MAGNOLIA NAPANIS SA PAINTERS

(NI RAVENZON BIASON)

KAHIT may bagong import ang Rain or Shine Elasto Painters, pinatunayan ni Beau “Extra Rice” Belga na kaya nilang manalo sa tulong ng local players nang talunin ang Magnolia Hotshots, 86-82, Miyerkoles sa Smart Araneta Coliseum.

Nagbida si Belga sa naturang panalo nang magposte ng 22 puntos, 5 rebounds at 1 assist habang nagambag ang bago nilang import na si Carl Montgomery ng 20 puntos.

Si Montgomery ang pumalit sa na-injured na si Denzel Bowles.

Pinangunahan naman ang Pambansang Manok nina Ian Sangalang sa pagbuslo ng 24 puntos, 14 mula kay Mark Barroca at nagdagdag ng 19 puntos si James Anthony Farr.

Tabla na ngayon ang E-Painters at Hotshots sa panlimang puwesto na may 5-5 win-loss record.

Box scores:

Rain or Shine 86 – Belga 22; Montgomery 20, Daquioag 14, Rosales 7, Mocon 7, Norwood 5, Nambatac 5, Ponferada 3, Torres 2, Borboran 1.

Magnolia 82 – Sangalang 24, Farr 19, Barroca 14, Lee 9, Jalalon 7, Dela Rosa 6, Herndon 3, Melton 0, Pingris 0, Brondial 0.

Quarter scores: 15-22, 35-41, 64-61, 86-82.

 

 

Please follow and like us:
Read More

SI DIREK CATHY ANG MOTIVATION NI ALDEN

ANG GARA NI VINIA(NI VINIA VIVAR)

ANG direktor nila sa Hello, Love, Goodbye na si Cathy Garcia-Molina ang naging motivation pala ni Alden Richards para magpursigeng magpapayat.

Kwento ni Alden sa presscon ng first team-up movie nila ni Kathryn Bernardo last Tuesday night sa ABS-CBN Dolphy Theater, sa look test pa lang daw nila ni Kathryn for the movie, napansin na niyang may hinahanap sa kanya si direk Cathy.

“During the look test po, we did a couple of looks, kami po ni Kath, actually, more on my part po, well, si Kath din po, nagpalit. Parang nakikita ko na po si direk, parang may hinahanap. Parang naghahanap po ng panga,” pagre-recall ni Alden.

After several test shots, hindi na raw napigilan ni direk Cathy at diretso na siyang sinabihan. “Alden, halika dito, tingnan mo ang taba mo,” sabi raw ng lady director.

Pero sa halip na ma-offend ay ‘yun daw ang naging driving force niya para talagang magpapayat. Sinabi raw niya kay direk na the next time na magkita sila ulit ay hindi na ganu’n ang hitsura niya.

After the look test kasi ay may one month preparation pa raw sila para sumabak sa shooting kaya ginamit niya ang isang buwan na ‘yun para magpapayat.

“And he kept his word,” sabi ni direk Cathy.

Around 20-25 lbs daw ang nabawas sa kanyang timbang in a month and half’s time.

“Sarili ko pong program. I never asked any help. I just did my own work-outs, did my own meal diet. So, kaya ko pala siyang mag-isa,” proud na sabi pa ni Alden.

Nagbiro nga si Alden na ang last project daw kasi niya before Hello, Love, Goodbye ay Victor Magtanggol and that time he had to gain some muscles, pero ang na-gain daw niya yata ay taba.

“Marami po akong naging discoveries sa sarili ko with this movie and I’m really happy I was able to work with these amazing people and amazing director. Kasi binago po ni direk ‘yung the way I see my work now. Na hindi pwedeng half-baked ang commitment. Kailangang pag may ginagawa ka, ibuhos mo lahat,” he said.
Doing this film made Kathryn and Alden and even direk Cathy na pwede naman palang magsama ang Kapamilya at Kapuso stars.

“Masaya kami ni Alden dahil nakita namin dito sa movie na parang nawala ‘yung hati ng Kapuso at Kapamilya,” sey ni Kathryn na inayunan naman ni Alden.

“Yes po, parang ang sarap po ng (pakiramdam). Of course I’m very thankful to GMA kasi medyo ang haba po talaga ng proseso bago naging ganito.

“May hindi po ako makakalimutang sinabi ni direk Cathy when we were in the storycon, when we were being interviewed by the TV crew, nang nun’g makita po ni direk na magkatabi ‘yung mic nun’g ABS at GMA, sabi niya, ‘ay, pwede pala.’

“So, sana po, ito ‘yung mag-start ng collaboration ng different networks, different artists, actors na sa isang project magsama and to be able to tell a good story to the audience,” pahayag ni Alden.

Nang tanungin kung pwede rin bang makita si Kathryn na mag-cross-over sa GMA network, anang young actress, “ako, okay po sa akin. Kung payagan po nila, di ba? I would love to cross-over naman.”

Showing na ngayong July 31 ang Hello, Love, Goodbye mula sa panulat ni Carmi Raymundo hatid ng Star Cinema. Kasama rin sa movie sina Joross Gamboa, Maymay Entrata, Kakai Bautista, Jameson Blake at marami pang iba.

Please follow and like us:
Read More

TALIM ISLAND AYAW MAABUSO, AYAW MAGING CASINO

TALIM ISLAND

(Ni Fernan J. Angeles / Huling labas)

NABATID sa ilang residente ng Talim Island na sakop ng mga bayan ng Binangonan at Cardona sa lala-wigan ng Rizal na hinihimok sila ng isang grupong kumakatawan sa mga kumpanya ng business tycoon na si Lucio Tan na ibenta ang kanilang pag-aaring lupa sa mataas na halaga.

Iginigiit ng emisaryo ng negosyante na ang lugar ay gagawing malaking proyektong pangturismo na magbibigay ng maginhawang buhay sa mga mamamayan ng nasabing pamayanan.

Tutol sa proyekto ni Tan

Gayunpaman, nanati­ling may agam-agam ang marami sa kanila — kabilang si Chino Erasga Cerda na nagpahayag ng pagtutol sa nasabing proyekto ni Tan. Si Cerde na kasalukuyang nasa Estados Unidos ay nananati­ling nagmamay-ari ng ilang mga lupain sa Talim Island. Ang nasabing mga lupa, amiya ay ba-hagi ng mana mula sa kanyang mga magulang na pawang tubong Isla.

Bagamat malayo sa kanyang tinubuang bayan, patuloy ang kanyang pakikipag-ugnayan at panaka-nakang pagbibigay ayuda sa mga taga Isla Talim na kanya umanong “kinamulatang tahanan” Aktibo din siya sa isang kilusang naglalayong pangalagaan at protektahan ang Isla Talim laban sa mga nag-tatangkang “abusuhin o babuyin” ang kanilang isla.  Mayroon din siyang isang binuong grupo ng mga environmental advocates para sa Isla Talim.

Nagpahayag din ang pangamba si Cerda pata sa kanyang tinubuong bayan — “Ang feeling ko, sinaman-tala nila yung mga taga-isla. Marami kasi sa amin dun namumukot (mangingisda) lang kaya nung latagan nila ng pera, tinanggap agad kasi nga naman hindi na halos sumasapat sa pangangailangan ng pamilya ang kita sa pangi­ngisda.”

ST FRANCIS CHURCH

Hindi for sale dahil pamana

Maging ang kanyang pamilya (magulang at mga kapatid) ay minsan nang kinumbinsing ipagbili ang ka-nilang  mga lupain upang bigyang daan ang “tourism project” ni Tan subalit nananatiling matatag sa ka-nilang una nang naging tugon — “Hindi for sale ang property namin.  Pamana yan ng aming mga na-katatanda.”

Nakakaduda din aniya ang pag-iwas ng mga nasabing business brokers na sagutin ang mga tanong ng mga residente ng nasabing isla hinggil sa nasabing “tourism project”.

“Surprisingly, they (brokers) won’t give any detail on the company that has been bankrolling the land purcha­ses, pero somebody from their group eventually gave in – and dropped the name of Lucio Tan as the man behind the project”, ani Cerda.

International airport hindi pumasa

Una nang ibinasura ng gobyerno ang isang unsoli­cited proposal na naglalayong magtaguyod ng isang international airport sa gitna ng Laguna de Bay.

“I heard the Philippine government already dumped the project to construct an international airport sa Talim… as per the study (I heard also) that the airport project inTalim is not feasible because of the shallow foundation of the island itself. My mom is retired employee of government and yes it is true that they have plans like casino and international airport according to her the plan has already been submitted to the municipality of Binangonan… years back”, dagdag pa niya.

Sa pagsasaliksik ng Diar­yo Bomba, hangad din ng mga nagtutulak ng nasabing “tourism project” na ku-nin ang mayamang deposito ng basalt sa mala-bulubunduking terrain ng nasabing isla kasabay ng pagpa-patag sa lugar. Nananatiling nasa tanggapan ng Department of Environment and Natural Re-sources (DENR), Laguna Lake Development Authority (LLDA) at Mines and Geo-Sciences Bureau (MGB) ang aplikasyon para sa offshore basalt mining sa Laguna de Bay.

Ang Isla Talim ang pinakamalaking isla sa Laguna de Bay. Ito ay nahahati sa dalawang bahagi. Ang west-ern section na kinabibilangan ng 17 barangay ay sakop ng munisipalidad ng Binangonan. Ang eastern section naman ay bahagi ng bayan ng Cardona. Mayroon itong 10 barangay.

Tanging mga pampasaherong motorized banca ang paraan sa pagtungo sa Isla  Talim. Tinatayang isa’t kalahati hanggang dalawang oras ang travel time sa pagbiyahe patu­ngo o paalis mula sa Isla Talim.

Please follow and like us:
Read More

KARAPATAN NG ISANG NANGUNGUPAHAN

BOMBAHAN NA FINAL

ISA na naman pong tagasubaybay ng Bombahan na ang bibigyan natin ng espasyo upang mailahad ang kanyang hinaing na may kinalaman sa kanyang inuupahang kwarto.

Ipinadala ng ating tagasubaybay na nagpapatago sa pangalang San ang kanyang email nitong nakaraang Hunyo 28 lamang. Narito ang isinasaad sa kanyang email:

“Tanong ko lang po. Ako po ay nangu­ngupahan sa paupahan ng auntie ko.

Wala po kaming pinir­mahang kontrata at mahigit dalawang taon na po akong nangungupahan sa ka-nila.

Minsan hindi ko nababayaran ang upa ko. At may sistema siya kung paano ma-monitor yung mga bu-wang hindi ko nabayaran. Binabayaran ko rin naman kapag may pera na.

Dahil nga po sa auntie ko siya ay napapakiusapan ko siya.

Hindi po ako mag-isa na may mga kulang na buwan o ‘di nababayaran. Maging Sa ibang nangu­ngupahan ay mahaba ang kanyang pasensya.

Ngayon po, nasa malayong lugar ang aun­tie ko. Pero meron siyang pinagkakatiwalaan na maningil at mangolekta ng renta.

Babayaran ko sana ang para sa dalawang buwang pagkakautang pero sabi ng katiwala ng auntie ko ay hindi na niya tatanggapin ang bayad namin at hanggang sa katapusan na lang ng buwang ito kami (pwedeng tumira sa paupahan).

Ipa-padlock niya raw po ang room namin. At maaaring ilabas ang mga gamit namin.

Yun daw po sabi ng auntie ko, ayon sa pinagkakatiwalaan niyang mangolekta.

Pero di ko pa po nakakausap ang auntie ko dahil di ko siya nakokontak.

Ano po ang dapat kong gawin para di mapaalis sa room namin?

Ano po ang mga batas at karapatan ko bilang nangungupahan? Wala pong kontrata.

Narito po ang tugon natin sa liham ni Ma’am San: Mahalaga ang kontrata. Kahit magkamag-anak kapag negosyo at pera ang pinag-uusapan dapat may kontrata.

Dahil wala po kayong kontrata, lahat ng mga pinag-usapan nyo ng tiyahin mo ay balewala, nagbayad man kayo o hindi ng upa.

Dapat panibagong usapin na yan dahil may katiwala na ang auntie nyo.

Mag-umpisa kayo sa una, gawa na kayo ng kontrata.

Hindi pupwedeng hindi tanggapin ng katiwala ng auntie mo ang ibinabayad nyong upa.

At dapat kapag nagbayad kayo ay may resibo. Pwede ring ideposito sa bangko ayon sa batas ng paupa-han.

Hindi niya pwedeng gawin na ilabas ang gamit nyo dahil lalabagin niya ang batas sa pagpapaupa.

Ayon sa batas ng paupahan, sa loob ng tatlong buwan ay pwede kayong paalisin ng nagpapaupa.

Pero tatandaan nyo, hindi basta-basta paaalisin dahil dapat bigyan kayo ng panahon na makahanap ng lilipatan sa loob ng isang buwan o higit pa.

At hindi rin po pwedeng gawing dahilan kaya pinaaalis kayo dahil ibinibenta na ang paupahan.

Ang alam ko po Ma’am San, ang nakasasakop sa inyong reklamo kung saan pwede kayong dumulog  ay ang Housing and Land Use Regulatory Board (HLURB) na matatagpuan ang tanggapan sa Kalayaan Ave-nue, Diliman, Quezon City sa tabi lang po ng Quezon City Hall.

Maraming salamat po sa tiwala sa BOMBAHAN NA!

oOo

Pasabugin ang katiwalian, isumbong sa BOMBAHAN NA! mag-email joel2amongo@yahoo.com.

Please follow and like us:
Read More

USAPANG RESPONSABLENG GUN OWNER

PANALO KA

NAKATUTUWA ang dumaraming kababayan natin na nakakahiligan ang practical shooting bilang isang professional sports. Sa kabilang banda, nakapangingilabot na malaman na mala­king porsiyento sa bilang ng mga naiuulat, batay sa datos ng Philippine National Police (PNP), na sanhi ng krimeng patayan ay may kaugnayan sa baril.

Sa practical shooting muna tayo. Ako man ay nakakahiligan na ang pagsali sa mga shooting competition ilang taon na ang nakararaan.

Nitong mga nakaraang linggo lamang, aking napag-alaman na may mahigit 200 na re­histradong gun clubs na sa ating bansa. Dumarami na rin ang mga rehistradong guns and ammunition dealers sa ating bansa. Ikinagagalak kong maging isang miyembro ng Philippine Practical Shooting Association (PPSA) na nasa ilalim ng pamumuno ni Edwin Lim. Of course, sa tulong ng PPSA Media Bureau chief na si Raoul Esperas, reporter-broadcaster ng DWIZ radio station.

Ang isa pang malaki at respetadong grupo ng shooters ay ang Philippine Shooters and Match Officers Confederation (PSMOC) na pinamumunuan ngayon ni Teng Mangudadatu.

Hindi uusbong ang practical shooting sa ating bansa kung walang pahintulot ng Firearms and Explosives Office (FEO) na nasa pamumuno ngayon ni Police Brig. Gen. Val de Leon. Napakasigla ang ibinibigay niyang suporta para sa kanila kasabay ng pag-usbong ng industriya ng guns and ammunition dealers sa ating bansa na sa ngayon ay nasa pa­ngunguna pa rin ng Arms­cor Philippines at ang Association of Firearms and Ammunition Dealers of the Philippines (AFAD).

Sa gitna ng mga positibong balita hinggil sa practical shooting, nakapangingilabot na malaking por-siyento sa datos ng krimeng patayan sa ating bansa ay may kaugnayan sa baril. Hindi maipagkakaila na halos nasa 1M pa rin, ayon sa aking source sa PNP, ang bilang ng mga tinatawag na “loose firearms” na nagkalat sa ating bansa. Kadalasan, ang mga di rehistrado at di lisensyadong baril na ito ang sangkot sa krimen. Ang pagbawi sa mga iligal na baril na ito ang sakit sa ulo pa rin ng PNP.

Pero kahit papaano, dumarami na rin ang bilang ng mga nagkukusa na ipa­rehistro at mapalisensyahan ang kanilang mga hawak na baril na ikinagalak ng pamunuan ng FEO.

Mahalagang tip lang po, ang pagkakaroon at paghahawak ng baril sa ating bansa ay hindi isang karapatan, ito’y isang prebilehiyo. Alinsunod ito sa Republic Act 10591 at ang Revised Implementing Rules and Regulations (RIRR) nito. Isa pa, kailangan magka-License To Own and Possess Firearm (LTOPF) ka muna bago ka makabili at maiparehistro at mapalisensyahan mo ito. Ang LTOPF 2 taon ang validity, ang gun registration/license naman ay 4 na taon. Sa RIRR, kapag napaso ang LTOPF mo, otomatik paso na rin ang gun registration/license mo. Kung kaya kailangan mong i-renew agad ang LTOPF mo para ma-restore ang natitira pang 2 taon na validity ng gun registration/license mo.

‘Yan po ang nasa batas kaya sa mga responsible gun owner, susunod at susunod kung ano ang panun-tunan. Hindi yung hahanap ng dahilan makalusot lamang, ito ang mga taong dapat tanggalan ng pre-bilehiyo to own and possess firearm.

Kailangan na rin talaga ng FEO, sa tulong at suporta ng gun industry, na pasiglahin pa ang infor-mation/dessimination hinggil sa responsible gun ownerahip.  (PANALO KA! /FLORANTE SOLMERIN)

Please follow and like us:
Read More

HINDI LANG MAYNILA, SANA SA BUONG BANSA

ITO ANG TOTOO

MAAGA pa para sabihing matagumpay nga ang determinadong paglilinis ng bagong ma­yor ng lungsod ng Maynila na si Isko Moreno.

Ito Ang Totoo: ilang beses nang nagtangka ang mga naunang admi­nistrasyon na linisin ang Divisoria, Quiapo at iba pa pero naiiba ang estilo ni Isko, bagay na hinahangaan ng marami.

Marami ang natutuwa, meron ding hindi, lalo na ang mga apektadong vendor at kanilang mga pamilya.

Isa na tayo sa natutuwa dahil ipinatutupad ni Mayor Isko ang tama, ang pagsunod sa batas at patakaran para magkaroon ng kaayusan.

Ito Ang Totoo: dapat lahat ng mayor sa buong bansa ay kagaya niya.

Hindi dapat hinahayaang mamayagpag ang mga illegal vendor, una, dahil illegal nga, pangalawa, dahil nagbubunga ng kawalan ng kaayusan, pangatlo, pinagmumulan ng corruption sa pamamagitan ng mga tong at collection, at pang-apat, nagtatanim ng maling pananaw na pwede naman pala baliin ang batas.

Marami kasing ma­yor na kunwari naaawa sa mga vendor, pero ang totoo, iniisip nila ang kita sa koleksiyon, at boto sa darating na eleksiyon.

Ito Ang Totoo: sa Divisoria at ibang pa­nig ng bansa, ang mga may puwesto sa loob ng palengke ay sila rin ang mga may puwesto na sumasakop na sa lansangan.

Kaya kung tutuusin, hindi naman nila kailangang okupahan ang lansangan na para sa mga motorista at pedestriyan.

Iyon namang mga walang puwesto sa palengke, kahit pa bali-baliktarin ang mundo, hindi dapat bumabara sa kalsada para makapagtinda ng kung anong inilalako nila.

Ito Ang Totoo: susundan natin kung magiging tuloy-tuloy ang mga inisyatibo ni Isko Moreno sa pag-sasaayos ng Maynila, at titingnan natin ang mga mayor ng iba’t ibang bayan at lungsod sa bansa.

Kung kaya ni Isko, hindi kaya nila kaya? Hindi ba nakakahiya naman?

Sabi nga ni Isko, kapag nakabalik ang mga illegal vendor ay ma­ngangahulugang nalagyan na siya.

Kaya lumalabas, itong mga mayor na ang nasasakupan ay naglipana ang illegal vendors, isama na natin ang illegal parking, malamang tumatanggap ng tong o koleksiyon. Kung hindi eh bakit walang aksiyon? Ito Ang Totoo!  (ITO ANG TOTOO / VIC VIZCOCHO)

Please follow and like us:
Read More