MAINE, ALDEN WALANG IWASAN; HARUTAN ‘DI NAWALA

alden maine12

ANG GARA NI VINIA(NI VINIA VIVAR)

WALA naman daw iwasan na nagaganap sa pagitan nina Alden Richard at Maine Mendoza sa Eat Bulaga ayon kay Jose Manalo. In fact ay sweet pa rin naman daw ang dalawa kapag magkasama sa studio.

“Nag-uusap ‘yun, parang mga bata ‘yung dalawa na ‘yun pag nag-uusap, ‘yung magbiruan. Masaya, masaya kami,” sabi ni Jose nang makatsikahan ng entertainment press sa presscon ng Starstruck Season 7 kung saan ay isa ang komedyante sa mga hurado.

“’Yung sweetness, nandu’n. Naghaharutan ‘yung dalawa,” dagdag pa ni Jose.

Wala raw siyang nararamdamang pinaghihiwalay or hiwalay na ang AlDub loveteam.

“Sa Eat Bulaga kasi, siguro, ‘yung portion namin, maraming portion sa Bulaga, so bawat host, binibigyan sila ng kanya-kanya. Mayroong time naman na magkasama. Minsan, kasama rin namin sila sa Juan For All (All For Juan), eh. Siguro sa isang linggo, isang beses, dalawang beses, kasama namin sila. Hindi naman siguro pinaghihiwalay,” sey pa ni Jose.

Anyway, bago pala tinanggap ng komedyante ang pagiging StarStruck Council, tinanong muna raw niya kung alam ba ito ni Joey de Leon since for the longest time ay napapanood din natin ito bilang hurado sa mga nakaraang seasons ng StarStruck.

Pero ang sabi nga raw sa kanya ay hindi naman daw regular ang mga nagiging judges sa StarStruck at alam din daw ito ni Joey.

Idol daw niya si Joey at siya naman ay first time pa lang na magiging council sa nasabing artista search kaya kung baga ay bagitong-bagito pa siya pero siyempre, gagawin naman daw niya ang best niya sa trabahong in-assign sa kanya.

 

Please follow and like us:
Read More

BARIL NILARO, KAINUMAN BUMULAGTA

crime55

(NI FRANCIS SORIANO)

PATAY noon din ang isang 26 -anyos habang tumatagay ito,  makaraan aksidenteng mabaril sa dibdib ng kanyang kainuman matapos na paglaruan ang gatilyo ng baril sa Caloocan  City, Miyerkoles ng gabi.

Kinilala ni P/Col. Noel Flores, hepe ng Caloocan City Police Station, ang biktima na si Aries Bulaon, 26,  habang ang suspek naman na tumakas ay kinilalang si Edison Calima, ng Phase 7B, Package 8, Brgy. 176, Bagong Silang.

Ayon sa imbestigasyon,  tumatagay sina Bulaon, Calima at iba pang kalugar sa Phase 7B, Brgy. 176  dakong alas 9:30 ng gabi nang bumunot ng boga si Calima at pinaglaruan ito sa harap ng mga kainuman.

Dito ay pabiro umanong itinutok ng suspek sa biktima ang baril subalit dahil sa kalasingan ay nakalabit nito ang gatilyo kaya’t pumutok at nasapul ng bala sa dibdib si Bulaon na nagresulta sa kanyang kamatayan.

 

Please follow and like us:
Read More

PARLORISTANG BADING, PAROKYANO HULI SA DROGA

ARRESTEDHAND12

(NI FRANCIS SORIANO

HINDI na himas buhok kundi himas rehas naman ngayon ang isang hairstylist at kasama nito, matapos maaktuhan ng mga pulis na nag-aabutan ng droga sa Valenzuela City.

Kininilala P/Col. Carlito Gaces, bagong hepe ng Valenzuela City Police Station ang naarestong mga suspek na si Jordan Tanaun, alyas “JM”, ng 28 ng Blk 3 Bukid Malinta at Jeffrey Gadi alyas “Paula”, 29, ng Phase 1, Bagbaguin Caloocan City.

Ayon kay Gaces, dakong alas-4:25 ng madaling araw nang maaktuhan nina PSSg Rolando Magno Jr. at PCpl Mario Martin III ng Station Drug Enforcement Unit (SDEU) ang mga suspek na nag-aabutan ng hinihinalang shabu na nagresulta sa kanilang pagkakaaresto.

 

Please follow and like us:
Read More

NBA FINALS: GAME 6; ALAS NASA RAPTORS

raptors12

NASINGITAN ng Golden State ang Toronto, 106-105, noong Martes at nakapwersa ng  Game 6 pero mukhang lahat ng alas ay nasa Raptors, na isang panalo na lang ang kailangan para masungkit ang kauna-unahang NBA championship crown.

Una, tuluyan nang naglaho ang pag-asa ng Warriors na makalaro si Kevin Durant matapos operahan dahil sa ruptured Achilles nang piliting maglaro noong Game 5.

Pangalawa, lumala rin ang cartilage fracture sa right collarbone area ni big man Kevon Looney noong Martes kaya’t malabo siyang makalaro ngayon.

Pangatlo, mayroon nang anim na technical fouls si Draymond Green at isang pagkakamali lang ay automatic suspended na siya kaya’t inaasahang magiging limitado ang galaw niya.

At bagama’t gumana ang hot shooting ng Splash Brothers na sina Stephen Curry at Klay Thompson sa Game 5, inaasahan nang bantay-sarado sila ngayon sa Raptors.

“We don’t want to give up that many to those guys,” ani Raptors coach Nick Nurse. “I think you got to guard them, got to find them in transition. They get a good chunk of them in that.”

 

Please follow and like us:
Read More

MAG-ASAWANG OCTOGENARIAN PATAY SA MAGNANAKAW

crime44

(NI NICK ECHEVARRIA)

NATAGPUANG naaagnas ang bangkay ng mag-asawang octogenarian  na pinatay umano ng mga magnanakaw na nanloob sa kanilang bahay sa bayan ng San Jose, Camarines Sur, Miyerkoles ng tanghali.

Lumalabas sa paunang imbestigasyon ng pulisya halos isang linggo nang patay ang mag-asawang Ely Balcueva, 83, at Nelly Balcueva, 86, nang madiskubre ang kanilang mga bangkay sa loob ng kanilang bahay sa Zone 1, Barangay Kinalasan ng nasabing  bayan.

Nabatid din na walang kasama ang mag-asawa sa kanilang bahay dahil bumukod na ang mga anak nila na may kanya-kanya nang  pamilya.

Samantala, patuloy pang inaalam ng pulisya kung sino ang mga responsable sa pagnanakaw at pagpatay sa mga biktima.

Batay sa ulat, bandang alas-12:10 ng tanghali nang madiskubre at iulat sa pulisya ang  bangkay ng mga biktima ng kanilang anak na si Emerita Balcueva Chavez, 53, matapos nitong mapag-alaman ang sinapit ng kanyang mga magulang.

Agad namang rumesponde ang pulisya sa lugar at base sa inisyal na imbestigasyon ay pagnanakaw ang motibo sa pagpatay sa mga ito patunay ang puwersahang pagpasok ng hindi pa kilalang mga suspek sa pamamagitan ng pagwasak ng pintuan sa likurang bahagi ng bahay.

Gulo-gulo rin ang loob ng bahay na pinaniniwalaang hinalughog ito ng hindi bababa sa dalawa o higit pang mga suspek.

Isang bag naman ang nakuha ng pulisya na pag-aari ng nasawing ginang at may laman na aabot sa P25,762 na nakakalat sa sahig ng kuwarto ng mag-asawa.

Teorya ng pulisya posibleng nagising ang mga biktima habang pinagnanakawan ng mga suspek at nanlaban umano ang mga ito habang kinukuha ang bag na naglalaman ng pera dahilan upang patayin sila ng mga magnanakaw bago nagsitakas.

Patuloy pa rin ang imbestigasyon ng pulisya para sa agarang pagkakakilanlan ng mga suspek.

 

Please follow and like us:
Read More

TAXI NILAMON NG LUPA

cab321

(NI KIKO CUETO)

DAVAO CITY– Nilamon ng lupa ang isang taxi habang dumaraan sa Diversion Road sa Barangay Ma-a sa lungsod na ito sa kasagsagan ng ulan, Miyerkoles ng gabi.

Sinabi ni James Babao, nagulat na lang siya nang biglang natabunan ang kanyang taxi.
Kwento pa ni Babao, natakot sila sa nasaksihan at hindi agad na nakaatras dahil na rin sa mga sasakyan na kasunod nila sa likod.

“Na-stuck ako kasi yung paa ko, hindi ko na maapakan ang brake kasi takot na ako. Nabigla ako eh. Nanginginig na ang tuhod ko. Natagalan pa akong kumilos. May tumalsik na tubig sa gilid ng taxi. Napasigaw na kami lahat.

Bumulwak na yung lupa, may kasamang kahoy,” sabi ni Babao.

Tinulungan si Babao ng Barangay rescue team ng Matina Crossing at pag-rescue ng Central 911 Urban Search and Rescue Team sa pasahero’t driver na na-trap sa loob ng natabunang lupa.

Matagumpay naman silang nailigtas.

Pansamantalang isinara ang bahagi ng Diversion Road na apektado ng landslide habang patuloy ang clearing operations ng Department of Public Works and Highways.

Please follow and like us:
Read More

LOVI POE BALIK-PINAS NA AFTER NG ACTING CLASS ABROAD

loviepoe12

AKO PA BA NI ROSE GARCIA(NI ROSE GARCIA)

PAGKATAPOS  na mag-take ng acting classes sa America, balik Pilipinas na muli si Lovi Poe.

Isa si Lovi sa mahusay na aktres na natin ngayon, pero humingi pa rin ng time-off mula sa network at nag-pursue pa ng acting class. Supportive naman ang GMA sa mga ganitong desire ng mga artists nila na gusto pang i-enhance ang talento na meron sila.

Tulad ni Lovi, si Rhian Ramos ay nag-aaral din ng impromptu comedy sa New York habang si Glaiza de Castro naman ay paalis naman para mag-aral din.

Ang Mega Equality Ball ang unang ganap ni Lovi sa pag-uwi niya at usual, naging kapansin-pansin si Lovi sa kanyang very stylist ruffles and sequins dress.

Ang tagal din niyang nawala na kung hindi kami nagkakamali, January pa yata. So ngayong balik Pinas na nga siya, siguradong may inihahanda na rin ang GMA na bago niyang teleserye.

Sabi ni Lovi, gusto raw niyang may maipakitang bago sa mga manonood. Feeling niya, umiyak na siya ng balde-balde sa mga roles. Nagpaka-daring na rin siya, pero more than that, gusto raw niyang may maipakita pa.

Gusto rin subukan ni Lovi ang magsulat ng script at mailabas ang artistic side naman niya sa pagsusulat.

Binigyan ng pa-welcome ng pamilya niya si Lovi na pinost nito sa Instagram. Sabi nga niya, “This is actually me just coming home on a normal day after work. My family just really loves me.”

Kahit ilang buwan lang din na nawala, hindi itinanggi ni Lovi na namiss niya ang lutong bahay at lutong Pinoy kaya ipinost din niya ang mga niluto ng mommy niya, ang dating aktres na si Rowena Moran at may hashstag itong sinigang is life.

IWAS-PUYAT SI JOSE

Dinadaan sa biro ni Jose Manalo ang pagigiong council/judge niya ngayon sa sa StarStruck dahil pareho raw sosyal at inglisera ang mga kasama niya na sina Cherie Gil at Heart Evangelista.

Pero sabi naman ni Jose, ayos at maganda naman daw ang batuhan nilang tatlo.

“Maganda naman yung rapport namin, nakikita ko.May kanya-kanya kaming ginagawa.”

Although, madalas daw na magkasundo sina Cherie. at Heart sa desisyon ng mga ito, siya naman ang kontrapelo

“Madalas, madalas, lalo na kapag nag-uusap sila. Huy, kinuha rin ako rito, kayo lang ang nag-uusap. Kasi, alam naman nilang hindi ko naiintindihan,” natawa niyang sabi.

Kung tutuusin, pang-balanse nga si Jose sa dalawang sosyal. Siya naman yung masa talaga. Kaya kapag medyo sumososyal na raw ang dalawa, mapapalingon sa kanya at saka maaalalang may jologs pala silang kasama.

“Ha ha ha! Pero hindi, hindi naman, mababait yung dalawa.”

May kanya-kanya raw silang forte.

Sey pa niya, “Si Heart nga, puwedeng magtayo ng sariling portion dito sa StarStruck. Taga-bigay ng payo. Gusto niya, kapag nagbigay siya ng comment o advice, talagang advice sa buhay.

“Si Cherie naman, gusto niya, dire-diretso siya. Ako naman yung medyo kumakalma, pero kailangan may laman din ang sasabihin ko, hindi puro patawa lang.”

Bilang isa sa mga council, ang pinaka-mahirap daw sa kanya kapag nagkuwento na ng mga buhay-buhay nila na suprtado pa ng mga video. Dun daw talaga lumalambot ang puso niya.

Sa history ng StarStruck, parang siya ang sumusunod sa yapak ni Joey de Leon na naging StarStruck council din.

Iwas puyat na rin naman pala si Jose dahil matagal-tagal na rin daw siyang hindi nagsu-show kada-gabi sa mga comedy bar. Kaya naman okay siya na may bagong show tulad ng StarStruck at everyday naman siya sa Eat Bulaga.

Ngayong Sabado at Linggo na ang pilot ng StarStruck 7 sa GMA-7.

 

 

 

 

Please follow and like us:
Read More

GUN FACTORY NADISKUBRE SA MAGUINDANAO

maguindanao map12

(NI JG TUMBADO)

ISANG sinasabing gun factory at repair shop ang nadiskubre ng pulisya at militar habang nagsisilbi ng arrest warrant laban sa isang “High Value Target” (HVT) sa General SK Pendatun sa Maguindanao.

Sa Barangay Madconding natagpuan ang nasabing pagawaan ng armas sa kalagitnaan ng operasyon ng pinagsanib na pwersa ng PNP-Criminal Investigation and Detection Group (PNP-CIDG), Maguindanao Provincial Police Office-Public Safety Battalion, 33rd Infantry Battalion at 2nd Mechanized Infantry Battalion.

Ayon kay Major General Cirilito Sobejana, Division Commander ng 6th Infantry Division, isang Sukarno Buka, ang sinasabing sub leader ng ISIS terror linked na Bangsamoro Islamic Freedom Fighter (BIFF) ang siyang target ng arrest warrant sa lugar.

Pero sinabi ni Sobejana na nakatakas na si Buka bago pa man makarating ang  mga awtoridad sa lugar ng operasyon kung saan sa bahay nito bumungad sa mga awtoridad ang naturang gun factory at repair shop nito.

Batay sa intel report, gumagawa si Buka ng mga baril para sa mga miyembro at opisyal ng nasabing terrorist group.

Sangkot din umano ang suspek sa illegal drug activities sa lugar.

Nasamsam ng mga awtoridad ang ilang hindi pa tapos na assemble parts mula sa iba’t ibang uri ng mga armas, equipment at mga amunisyon.

Ang pagkadiskubre sa pagawaan ng mga baril ay nakaapekto umano sa kakayahan ng BIFF na lumaban sa gobyerno.

Patuloy naman ang manhunt operation ng pulisya at militar kay Buka.

 

Please follow and like us:
Read More

TAXI DRIVER, HINOLDAP, PINASLANG SA PASAY

cabdriver12

(NI KOI HIPOLITO)

INAALAM  ng otoridad ng Pasay City Police Station ang pagkakakilanlan ng mga suspek sa pamamaslang sa isang taxi driver na natagpuan sa loob ng kanyang minamanehong taxi at iniwan sa lugar ng F.B. Harrison Avenue corner Gotamco St., Brgy. 16, Zone 1 sa Pasay City, dakong 9:30 ng gabi noon Miyerkoles.

Nakilala ang biktima na si Edgardo Egan, 54, residente sa No.696 Block 2, Nueve de Pebrero St., Brgy. Mauway, Mandaluyong City, taxi driver ng Elpa Taxi Company na meron plaka na UVW-582.

Base sa ipinadalang report ng Buendia Police Community Precint (PCP-2) kay Pasay City acting Chief of Police Colonel Bernard R. Yang, isang tawag umano ang kanilang natanggap galing sa isang security guard na nakatawag pansin sa grupo ng mga kalalakihan na nakapaligid sa isang kulay puting kotse. Nang lapitan para alamin ang pangyayari ay nakita niya bangkay ng biktima.

Sinabi ni P/Cpl. Anthony Rico na posibleng hinoldap muna bago pinaslang ng hindi pa kilalang salarin ang biktima.

Limang saksak sa katawan ang tinamo ng biktima.

 

Please follow and like us:
Read More

FDA NAGBABALA VS ONLINE BEAUTY PRODUCTS

fda12

(NI FRANCIS SORIANO)

DAHIL sa kaliwa’t kanan pagsulpot ng mga online beauty products sa mga retail platforms o social media ay nagbabala ngayon ang pamunuan ng Food and Drugs Administration (FDA) sa publiko laban sa pagbili ng mga pampaganda at pampaputing produkto online.

Ayon kay officer-in-charge Eric Domingo, dapat na mayroong Certificate of Product Registration mula sa FDA at hindi maaring ibenta ang isang produkto kung hindi naman ito nakarehistro.

Ang pagbebenta ng gamot online o beauty products na hindi rehistrado ay maituturing umanong iligal at may kaukulang parusa.

Samantala, nauna nang nagbabala ang FDA sa mga gamot naman na nabibili online, lalo pa at walang guarantee kung ang mga gamot na ibinibenta sa internet ay tunay.

Dagdag pa nito, kailangan umano ng seller na may existing FDA-licensed pharmacy na may physical address.

 

Please follow and like us:
Read More

SIRANG DIKE BUMIGAY; 2 MAG-UTOL NADAGANAN, PATAY

dike12

(NI JG TUMBADO)

DALAWANG batang lalaki ang nasawi nang madaganan ng gumuhong dike ng flood control project sa Bayan ng Bambang, Nueva Vizcaya, araw ng Miyerkoles.

Tinukoy ng pulisya ang pagkakakilanlan sa mga biktima na magkapatid na sina Kevin Jose, 10 anyos at Mike Jhon Yadao, 8, habang nakaligtas naman ang isa pa nilang kapatid na apat na taong gulang na si Justine Sean.

Batay sa naisumiteng report kay Nueva Vizcaya Provincial Police Office (NVPPO) Director Police Lt. Col. Leumar Abugan, naglalaro ang magkakapatid na Yadao malapit sa sirang bahagi ng dike sa Barangay Macate nang bigla itong gumuho at madaganan ang dalawa.

Napag-alaman na katatapos lamang umanong mamulot ang magkakapatid ng tuyong mga tangkay ng puno sa ilog malapit sa dike at sumilong sa sirang pader ng dike para maglaro.

Sinasabing lumambot ang pundasyon at haligi ng dike sa paglipas ng panahon at una na itong nasira noong taong 2017.

Please follow and like us:
Read More

HEPE SINIPA SA DUGYOT NA PRESINTO

eleazar12

(NI MAC CABREROS)

INALIS sa puwesto ni National Capital Regional Police Office (NCRPO) director Major General Guillermo Eleazar ang commander ng isang istasyon ng pulisya sa Pasig City dahil sa maruming presinto.

Sa isinagawang sorpresang inspeksyon, agad sinipa ni Director Eleazar si Capt. Eleno Ilustrisimo matapos makitang nagkalat ang mga basura sa presinto.
“Strike two na,” diin ni Director Eleazar sa pagtanggal kay Capt. Ilustrisimo na wala sa kanyang opisina.
Pinagalitan din Eleazar ang desk officer at administrator ng himpilan ng pulisya.
Nabatid na nagsagawa rin ng inspeksyon si Director Eleazar sa presinto ng pulisya sa Quezon City upang imulat sa mga kapulisan ang kahalagahan ng kalinisan sa kapaligiran.

“Gusto nating ipakita na mahalaga ang kalinisan ng kapaligiran at maibalik ang magandang pagtingin at pagtitiwala ng publiko sa pulisya,” sabi ni Eleazar sa panayam ng media.

Please follow and like us:
Read More

ANDREA: AYAW NAMIN NA NAG-AAWAY SILA!

andrea22

(NI BOY ABUNDA)

KAMAKAILAN ay sabay na pumirma ng kontrata sa ABS-CBN ang mga bida ng teleseryeng ‘Kadenang Ginto’ na sina Andrea Brillantes at Francine Diaz. Masayang-masaya ang dalawa dahil sa tiwala at suportang ibinibigay ng Kapamilya network sa kanila.

“Sobrang kinakabahan ako hindi ko po alam kung bakit. Ito po ‘yung second time ko na nag-contract signing. Noong una ten years old ako, sobrang saya ko lang, hindi ako kinabahan and carefree ko lang. Tapos ngayon hindi ko alam kung bakit ako kinabahan,” nakangiting pahayag ni Andrea.

Tinaguriang Gold Squad ang mga tambalan sa nasabing serye na sina Kyle Echarri at Francine, Seth Fedelin at Andrea. “Excited po ako na kinikilig and kinakabahan kasi first time ko po. Sobrang saya ko kasi ang first time ko po na pagpirma dito sa ABS-CBN. Kasama ko pa po ang squad ko,” pahayag naman ni Francine.

Naging malapit na magkaibigan sina Francine at Andrea dahil halos araw-araw nagkakasama sa trabaho. Kahit nagbabangayan ang kanilang mga karakter sa serye ay ramdam umano ng dalawa ang init nang pagtanggap sa kanila ng mga tagahanga lalo na sa social media. “Siyempre ayaw namin na nag-aaway sila. Kasi kami po, sobrang friends naman po kami. Kaming lahat maayos kaya ayaw namin na mag-away sila kasi walang point,” giit ni Andrea.

“More on love po sana. Kasi kami po, sobrang okay kami. Kaya sana sa mga supporters po namin, sana okay sin sila,” dagdag naman ni Francine.

Nilinaw rin ng dalawa na walang nangyayaring kompetisyon sa pagitan nila pagdating sa trabaho.
“Wala po,” sabay na sambit nina Andrea at Francine.
“Mas nagtutulungan po kami,” pagtatapos ni Andrea. -Reports from JCC-

Please follow and like us:
Read More

TSUPER NG JEEP PATAY SA AKSIDENTE

accident12

(NI JUN V. TRINIDAD)

SARIAYA, Quezon – Todas ang isang tsuper ng pribadong jeep matapos sumalpok ang kanyang sasakyan sa isang trak sa bayang ito araw ng Huwebes.

Sa spot report ng Sariaya police station, minamaneho ni Leondrino Calizo, 61, ang isang Mitsubishi Fuso Wrangler nang aksidente niyang mabangga ang kasalubong na Isuzu truck wing van sa isang bahagi ng Maharlika Highway sakop ng Barangay Poblacion 1, dakong alas-12:15 ng hatinggabi ng Huwebes.

Agad dumalo ang mga rescuers mula sa lokal na pamahalaan at isinugod si Calizo sa Greg Hospital sa kabayanan subalit hindi na ito umabot nang buhay sa nasabing pagamutan sanhi ng grabeng pinsala sa kanyang katawan.

Halos hindi naman nasaktan ang tsuper ng trak na si Jayson Zamora.

Inaalam pa ng pulisya ang tunay na dahilan kung bakit sumalpok ang jeep sa kasalubong na trak.

 

Please follow and like us:
Read More

4 HOLDAPER PATAY SA PAMPANGA SHOOTOUT

crime robber12

PATAY ang apat katao na hinihinalang mga holdaper matapos makipagbarilan sa mga nagrespondeng pulis sa Apalit, Pampanga nitong Huwebes.

Sinabi sa report na habang isinasagawa ang panghoholdap sa isang convenience store Barangay San Vicente, isang concerned citizen ang nagreport sa pulisya.

Agad nagresponde ang mga pulis ng 2nd Provincial Mobile Force Company at nakita ang mga suspect sa sasakyan. Hinarangan ang sasakyan ng mga ito ngunit sa halip na sumuko ay nakipagbarilan ang mga suspect.

Dead on the spot ang apat. Nakuha sa pinangyarihan ng krimen ang .45 kalibre, 9mm pistola at hindi pa batid na cash.

 

Please follow and like us:
Read More

MESSAGE SA FB BINULATLAT; GF BUGBOG SA SELOSONG BF

huli

(NI MAC CABREROS)

KALABOSO ang isang binatang estudyante na nambugbog sa kanyang 16-anyos na kasintahan sa Marikina City.

Desidido ang pamilya ng biktimang sinadyang itinago sa pangalang ‘Dmet’ na sampahan ng kaso laban kay Kyle Gabriel Coronado,18.

Sa imbestigasyon ng pulisya, pinuntahan ng lalaki ang bahay ng kasintahan sa Tuazon Ville, Brgy. Tanong, ng nasabing lungsod alas-10:00 ng umaga ng Martes at kinompronta hinggil sa mga mensaheng nababasa sa messenger account.

Nagkaroon ng mainit na pagtatalo ang dalawa hanggang sa hilahin ng lalaki,  na noo’y sinukluban ng matinding galit, ang kamay ng babae saka ibinalandra sa dingding kung saan nagtamo ng pinsala sa katawan ng huli.

Agad na humingi ng tulong  sa awtoridad ang tiyahin ng biktima kung saan agarang rumesponde at naaresto ang suspek.

Paglabag sa Republic Act 7610 o Anti-Child Abuse, Exploitation and Discrimination ang isasampa laban sa akusado.

 

Please follow and like us:
Read More

KALAYAAN LUBOS BA?

KALAYAAN-2

(NI ANET VERGEL)

GITNA ng labanan ng mga Kastila at Amerikano nang ipahayag ng mga sundalong Filipino sa pangunguna ni Emilio Aguinaldo ang kasarinlan ng Inang Bayang Pilipinas matapos ang 300 taon na pagsailalim sa kapangyarihan ng mga Kastila. Subalit hindi pa rin naging totoong malaya ang Pilipinas sapagkat inari ng Estados Unidos na bahagi ang ating bansa ng usapang pangkapayapaan ng kanilang bansa at ng Espanya.

Noong nasa ilalim ng pamamahala ng mga Kastila nang ika-16 na siglo hanggang ika-18 siglo, hindi kumikibo ang mga Filipino sa ginagawang pagsupil sa Kalayaan natin. Subalit noong nasa huling bahagi na ng ika-19 na siglo, nagsimulang mag-aklas ang ilang paring Filipino, na nagsimulang magreklamo kaugnay sa pagdodomina ng mga Kastila habang ang mga may pinag-aralan mga kababayan natin at ang nasa nakakaluwag sa buhay ay nagsimulang manawagan para sa Kalayaan.

Unti-unting lumaki ang lihim na samahan ng mga rebolusyunaryo hanggang maitayo ang Katipunan noong 1892 sa Maynila, ang kabisera ng Luzon noong panahong yaon. Mabilis ang pagdami ng mga miyembro subalit noong 1896 ay nabulgar ang planong rebelyon ng mga katipunero kung kaya’t napilitan ang mga ito na isagawa ang kanilang plano nang maaga.

Pinamunuan ni Aguinaldo ang mga nagrerebeldeng Filipino at kanyang pinalawak ang samahan sa iba’t ibang bahagi ng Luzon. Subalit nakipagkasundo si Aguinaldo at ang kanyang mga heneral sa mga Kastila na naging sanhi upang maipatapon sila sa Hong Kong dahilan upang matigil pansamantala ang rebolusyon.

Nang makabalik sa Pilipinas si Aguinaldo, nakipagkasundo siya sa mga Amerikano na tutulong sa laban ng mga ito sa Espanya. At nang makabuwelo, muling pinatatag ni Aguinaldo ang rebolusyon at pinangunahan ang ilang lugar sa Maynila. Noong Hunyo 12, 1898, idineklara ni Aguinaldo ang Araw ng Kasarinlan o Araw ng Kalayaan sa Kawit, Kabite kung saan sa bandang huli ay pinamunuan niya ang lalawigan.

Subalit nagtuluy-tuloy pa rin ang pakikipaglaban ng mga Filipino sa Kastila at sa bandang huli ay sa mga Amerikano. Noong 1899, naitatag ang unang pamahalaan ng Pilipinas kung saan si Aguinaldo ang tumayong presidente. Subalit nang taon ding yun, pinagtibay ang Treaty of Paris kung saan ang Pilipinas ay naidagdag sa teritoryo ng Estados Unidos sa pamamagitan nang pagbabayad sa Espanya ng $20 milyon.

Muling nagtatag ng rebolusyon si Aguinaldo subalit sa pagkakataong iyon, hindi na laban sa Espanya subalit sa Amerika na. Nagpadala ng libo-libong sundalong Amerikano ang Estados Unidos upang masugpo ang mga rebelde kaya’t nagtuloy-tuloy ang giyera.

Sa pagpapatuloy ng labanan, maraming mga kababaihan at mga bata ang pinaslang hindi lang sa Luzon subalit maging sa Samar at iba pang bahagi ng Kabisayaan. Maraming kalalakihan ang dumanas ng hirap lalo’t nakulong sila sa mga garrison at nagbuwis ng buhay ang iba.

Umabot sa 4,000 Amerikano na nanlulupig sa mga Filipino ang napatay na sampung beses ang dami sa mga nasawi sa labanan ng Espanya at Amerika habang mahigit 20,000 insurektong Filipino ang napatay at hindi mabilang na sibilyan ang nawala.

Noong 1935, naitatag ang Commonwealth of the Philippines sa pagpayag ng Estados Unidos kung saan si Manuel L. Quezon ang naihalal na unang pangulo ng  Pilipinas. Noong Hulyo 4, 1946 nabigyang ng lubusang Kalayaan ang Pilipinas mula sa Estados Unidos.

US bases pinalayas

Inuutos ng Pilipinas  sa Estados Unidos na tanggalin na ang kanilang base military – Subic Bay Naval Base, noong 1992, katapusan ng pagtigil ng mga military na Amerikano sa bansa mula nang kunin nila ang bansa mula sa Espanya noong 1898.

Kasabay nang pagpapasara ng Subic base ang pagsasara rin ng Clark Air Base na naapektuhan nang pagsabog ng Mt. Pinatubo noong 1991. Ang Su­bic Bay Naval base ang pangunahing lugar kung saan dinadala ang supply at ginagawa ang mga barko sa rehiyon.

Bagaman nag-alok ng $203 milyon taunang tulong ang Amerika para sa panibangong 10 taong ekstensyon, tinanggihan ito ng Senado ng Pilipinas at nanindigan na nais na nitong makawala sa anumang pananakop ng mga dayuhan.

Base bumalik?

Noong 2014, nakipagkasundo umano si dating Pa­ngulong Benigno Aquino III sa Estados Unidos sa pagtatayo ng unang gusaling ginastusan ng Estados Unidos sa Basa Airforce Base sa Pampanga sa pamamagitan ng  Enhanced Defense Cooperation Agreement (EDCA).

Ginawa umano ni Presidente Aquino ang pakikipagkasundo at pagpayag na okupahin ng pasilidad ng EDCA ang base military ng Pilipinas bagaman hindi sang-ayon ang mga mambabatas ng bansa. Naging kwestiyunable ang ginawa ni Aquino sapagkat hindi ang ehekutibo ang dapat mamayani sa usaping tulad ng pagpapapasok ng base military sa bansa subalit ang tanging may kapangyarihan upang aprubahan ang mga usapin sa base military ay ang Senado. Kaya naman ang pagpapatupad nang pagtatayo ng pasilidad ay nasa balag ng alanganin pa rin.

Umabot na sa panahon ng panunungkulan ni Pangulong Rodrigo Duterte, kritiko ng Estados Unidos at mabuting kaibigan ng karibal ng Amerika ang China, ngunit hindi pa rin batid kung ano ang kahihinatnan ng EDCA.

Pilipinas, nasakop na ng China?

Hindi maikakaila na kahit saang panig ng Pilipinas tu­mingin, maraming Chinese ang makikita na nagkalat.

Hindi naman mga basta turista ang mga ito na dumalaw lang sa Pilipinas upang magpasarap at makita ang mga magagandang tanawin at bakasyunan subalit gumagalaw na rin ang mga ito sa merkado at ko­mersiyalismo ng bansa.

Maraming negosyanteng Tsino at maging manggagawa ang makikita sa Maynila lalo na sa Divisioria at ilang mall na kilalang puntahan at pamilihan ng mga Pinoy.

Sa totoo lang, wala namang giyera at hindi rin naman para sakupin ng China ang ating bansa subalit talagang lumalawak ang abilidad at kapasidad ng mga ito para sa negosyo hindi lang sa ating bansa subalit sa lahat ng sulok ng mundo.

Nangunguna ang China sa usapin ng infrastructure, tele­communication, property at maging sa gaming industry.

Hindi ba’t nag-aaway ang Amerika at China dahil sa paggalingan ng Apple at Huawei? Ibig lang sabihin nito ay talagang tuloy-tuloy na at hindi na mapipigil ang pag-asenso at pangunguna ng China pagdating sa pagiging makapangyarihan.

China rin ang pumapasok na ikatlong telco player sa bansa. Ang China Telecom, China Mobile at North Telecommunications ay kasalukuyang naghahanap ng potential na Filipino partner sa kanilang negosyo.

Makikitang maraming Chinese sa bansa na sangkot sa mga sugal at pasugalan sa Pilipinas kung saan isang halimbawa na rito ang Chinese giant Galaxy Entertainment Group na nabigyan ng lisensiya upang maitayo ang $550 milyon casino resort sa Boracay.

Malaya pa rin

Mabilis man ang pag-unlad ng mga negosyong unti-unting naitayo ng Chinese sa Pilipinas, hindi pa rin masasabing nasakop ng mga ito ang ating bansa. Sapagkat ang pagdagsa nito sa bansa ay pinapakinabangan din naman ng maraming Filipino.

Maging ang pamahalaan ay kampante sa pagdagsa ng mga Tsino sa ating bansa sapagkat nagkakaroon ng trabaho ang ating mga kababayan bukod pa sa kumikita tayo sa usapin ng turismo.

Tayo pa rin ang may hawak ng batas sa ating bansa sa mga sandaling ito kaya masasabing sa ngayon, malaya pa tayo.

Hanggang kailan?

May mga balitang sangkot ang ilang Chinese sa pagdukot sa mga kapwa nila Chinese na ipinatutubos ng milyon-milyong piso sa mga kamag-anak nito na nasa bansa. Sa madaling salita, dumaragdag sila sa pagsira ng kaayusan at katahimikan sa Pilipinas at nadadagdag sa trabaho ng ilang ahensiyang sangkot sa peace and order tulad ng  Philippine National Police (PNP) at National Bureau of Investigation (NBI)

Walang kwestiyon sa pagdadala nila ng mga pagkakakitaan para sa mga Filipino subalit hanggang kailan nga ito? Hindi kaya magkaroon ng masamang bentahe sa atin? Kasi nga, dumarayo na rin ang ilang Chinese sa bansa upang magtrabaho at kapag nagtuloy-tuloy ang pagpasok nila ay baka sila na ang makinabang sa mga trabaho na dati ay naibigay nila sa mga Pinoy.

Sabagay, hindi pa naman dumarating ang panahon na iyon lamang ay maging maingat tayo at bantayan ang posibleng mang­yari bukod pa sa maialerto ang pamahalaan upang magawan ng paraan o mapaghandaan ang sakaling pagsakop ng China sa Pilipinas.

Please follow and like us:
Read More

PUMATAY, GUMAHASA SA GRADE 12 STUDENT ARESTADO

suspect12

(NI TJ DELOS REYES/PHOTO BY ARCHIE CRUZ POYAWAN)

NADAKIP na ng Quezon City Police District (QCPD) ang responsable sa pagpatay at panggagahasa sa grade 12 students matapos na makita ang necklace sa facebook na siyang narekober sa crime scene.

Sa ulat na nakarating kay NCRPO Director Major General Guillermo Lorenzo Eleazar nakilala ang suspek na si Elimond Domingo, 25, residente ng No. 25 La Trinidad St., Group II, Brgy. Payatas B. Q.C.

Base sa ulat, dakong alas-10:00 ng gabi nang arestuhin ng mga operatiba ng Criminal Investigation and Detection Unit (CIDU) sa pangunguna ni P/Major  Elmer Monsalve at Batasan Police Station P/Lt Col Joel Villanueva, ang suspek sa mismong bahay nito.

Matatandaan na June 7, nang matuklasan ng mga kalapit na kuwarto ang walang buhay na katawan ni Allison Dacillo, 18, nakatira sa No. 25 La Trinidad St., Group II, Brgy. Payatas B, na kalapit kuwarto lamang ng suspek.

Sa eksaminasyon nagtamo ng saksak sa leeg,  kaliwang kamay at kaliwang bahagi ng katawan ang biktima na siyang dahilan ng kamatayan nito.

Lumalabas na kasama ang suspek sa inimbitahan  ng pulisya para sumailalaim sa imbestigasyon dahil sa kalapit kuwarto lamang ito sa tinutuluyan ng biktima.

Naramdaman ng mga pulis na tensyonado si Domingo sa ginawa nilang pagsisiyasat dahilan upang sa kanya matuon ang konsentrasyon ng mga otoridad.

Nang siyasatin ang social media account ng suspek nakita ang necklace na may dog tag na suot nito sa larawan sa Facebook na siya namang narekober sa lugar ng krimen.

Isang witness din ang nagsabi na nakita nito si Domingo na lumabas sa kuwarto ng biktima na siyang dahilan upang agad na arestuhin ito.

Kasong robbery with homicide at rape ang siyang kakaharapin ng suspek.

 

Please follow and like us:
Read More

MAGING HAYAHAY ANG BUHAY NG LAHI NI JDC

BOMBAHAN NA FINAL

MATINDI ang tagubilin ni Pangulong Rodrigo Roa Duterte sa kanyang mga gabinete na gawing maging kumportable ang buhay ng mga Pilipino.

Sa aming mga bisaya, ang tawag sa kumportable ay ‘hayahay’, ibig sabihin sa tagalog, maging madali o magaan.

Kamakailan, naging panauhin sa isang kilalang network ang ilang gabinete ni Pangulong Duterte at napag-usapan nila ang 75 infrastructure projects ng administrasyon.

Kabilang sa mga gabinete sina DPWH Secretary Mark Villar, DOTr Sec. Art Tugade, NEDA Sec. General Ernesto Pernia, Budget Sec. Benjamin Diokno at ma­ging itong si Bases Conversion and Development Authority (BCDA) President/CEO Vince Dizon.

Nagkakaisang ina­min ng mga opisyal na ito na ang tagubilin sa kanila ni Pangulong Duterte ay gawing hayahay ang buhay ng lahi ni Juan Dela Cruz (JDC).

Sa paanong paraan, mga silipero ng BOMBAHAN NA?

Sa pamamagitan ng sabay-sabay na proyekto ng administrasyon.

Ika nga, kaliwa’t kanang makikita natin ang konstruksyon dito, konstruksyon doon.

Sa Metro Manila (National Capital Region), nariyan ang sub-way train project, MRT-7, Harbor Link Skyway, PNR train mula Tutuban hanggang Clark, Pampanga at Tutuban hanggang Bicol Region.

Nariyan din ang sabay-sabay na proyekto ng mga paliparan o airport at mga pantalan sa iba’t ibang lugar sa bansa.

Unahin natin ang MRTs at LRTs, pagdudugtungin ang mga dulo nito na kasalukuyang nasa konstruksyon sa pagitan ng SM department store at Trinoma sa panulukan ng North Ave­nue at EDSA sa Quezon City.

Pag natapos ito, hayahay ang pagsakay ng mga ordinaryong Pilipino. Hindi na nila kailangan pang bumaba sa mataas na hagdanan nito para pumunta sa LRT kung galing sa MRT dahil magkarugtong na ito.

Ang Harbor Link Skyway naman na matatapos ngayong taon ay hindi na kinakailangan pang dumaan sa EDSA ang mga pribadong sasakyan mula North patu­ngong South o mula Bulacan patungong Laguna.

Ang subway train ay malaking tulong din sa mga ordinaryong mananakay dahil mamimili na lang sila kung saan sila sasakay – sa ilalim (subway train) o sa itaas (MRTs at LRTs).

Madali na rin ang transportasyon mula Bicol patu­ngong Manila sa PNR train at Clark Pampanga-Tutuban, Tondo Manila vice versa.

Maiibsan na rin ang problema ng masikip ng daloy ng mga sasakyan patungo sa Ninoy Aquino International Airport sa Parañaque City dahil operational na rin ang Clark International Airport.

Bagamat hindi pa ganap na tapos ang Clark International Airport na talaga namang world class.

Mismong ang BOMBAHAN NA ay nakaranas na sumakay rito ng eroplano.

Bagamat hindi pa operational ang PNR mula Tutuban patungong Clark International Airport ay madali na rin nga­yon ang transportasyon dahil may mga nakaabang na Point 2 Point bus dito patungong Trinoma department store sa EDSA, Quezon City.

May natanggap pang info ang BOMBAHAN NA na plano rin lagyan ng tulay ang pagitan ng Matnog (Sorsogon, Bicol) at Allen (Samar Island), maging ang pagitan ng Leyte at Mindanao.

Bilyong dolyares ang pondo sa mga proyektong ito.

At siyempre, kaakibat ng maraming proyekto na yan ang maraming trabaho para sa lahi ni Juan.

Nariyan din ang magandang plano sa Clark Global City, isang mala-HongKong na siyudad, ayon kay Vince Dizon ng BCDA na silang namamahala sa pagbuo nito.

Sa dami ng mga proyektong ito na tinawag ng admi­nistrasyong Duterte na BUILD, BUILD, BUILD kahit pa pagsama-samahin ang lahat ng mga proyekto ng mga nakaraang administrasyon ay malalagpasan pa nito.

At ang lahat ng ito ay sa loob lamang ng maigsing pa­nahon, ang 6-taon termino ng tinawag ng mga ordinaryong Pinoy na si Tatay Digong.

Yan ang tunay na RODRIGO NG PAGBABAGO!

God Bless Us!

oOo

Pasabugin ang katiwalian at kabutihan isumbong sa BOMBAHAN NA mag-email joel2amongo@yahoo.com

Please follow and like us:
Read More

CHINA, BANTA SA KALAYAAN

PANALO KA

KUNG sinoman ang magsasabi at ipaggigiitan pa na ang China ay hindi banta sa kasarinlan at kalayaan ng ating bansa ay isa siyang dakilang tanga.

Sa ngayon, kung meron mang nagagawang maganda ang gobyerno ng China sa ating bansa sa pamamagitan ng administrasyong Duterte ay marapat lamang na magpasalamat tayo. Pero sabi ko nga, mas malaki ang bantang dulot ng puwersahang pagsakop ng China sa ating teritoryo sa West Philippine Sea (WPS) dahil ‘yan ang tunay na banta sa kalayaan nating mga Pilipino.

Kung totoo ang mga naglalabasang datos na halos nasa kalahating milyong Intsik na ang nandito sa ating bansa at iligal na nagtatrabaho sa iba’t ibang sektor ng a­ting lipunan, aba e, kabahan ka na!

Bakit? Sakaling sumiklab ang putukan sa pagitan ng US at kanyang mga kaalyadong bansa laban sa mga Intsik sa WPS, ang halos kalahating mil­yong Intsik na ‘yan ay puwedeng mag-armas at manggulo sa loob mismo ng ating bansa.

Talo pa sa bilang ang pinagsanib na pu­wersa ng Armed Forces of the Philippines (AFP) at Philippine National Police (PNP).

Sabi nga ng mga magagaling, kasama na ang mga bobo, ay ‘yang bilang na ‘yan ng mga Intsik na nasa ating bansa, karamihan ay intelligence operatives kung hindi man sundalo mismo ng China na nagsuot sibilyan. Totoo man o hindi ito, nanganganib na ang kasarinlan at kalayaan nating mga Pilipino.

Sakaling sumiklab nga ang digmaan sa WPS, sasaklolo ba ang US sa atin? Hindi, kahit na meron pa ang tinatawag na Mutual Defense Treaty sa pagitan ng dalawang bansa. Pansariling interes ng mga Kano ang kanilang uunahin, lalo na ang mas malawak na interes nila sa rehiyon. Hindi nga natulungan ng US na i-modernisa ang kaga­mitan ng AFP sa tinagal-tagal ng “pagkakaibigan” ng dalawang bansa. Kaya naghahalusinasyon ang mga Amboy sa gobyerno na sasaklolo ang US para sa mga Pilipino.

Walang mangunguna sa pagtatanggol sa ating kasarinlan at kalayaan kundi tayong mga Pilipino mismo.

oOo

Lalo pang umiinit ang gusot sa pagitan ng retiradong Army Lieutenant General Rolando Bautista at ang broadcaster na si Erwin Tulfo. Mas pinapalala pa ngayon ang bangayan ng mga cyber warriors ng magkabilang kampo.

Nagtataka lamang ako kung bakit pinapalawig pa ang bangayang ito na puwede namang ayusin ng magkabilang kampo. Parehas lang naman na masugid na tagasuporta ni Pangulong Duterte. At sa katunayan, mauuwi naman ito sa pag-aayos ng dalawa. Pinatatagal pa e.

Isantabi na muna ang kamalian ng bawat isa. Kung saan-saan na napunta ang usa­pin hanggang sa may persona non-grata pa. Kung minsan, nakatatawa na ang mga ganitong desisyon na dala siguro ng bugso ng damdamin.

Ang kailangan lang naman ay magkausap nang personal sina Bautista at Tulfo, ‘yan lang. Pustahan tayo, magkakahiwalay ang dalawa na nakangiti at may photo-ops pa.  (PANALO KA! / FLORANTE SOLMERIN)

Please follow and like us:
Read More

 COCO ‘DI NAGPAUNLAK SA INTERVIEW

coco12

(NI GORGY RULA)

SUSUBUKAN sana naming interbyuhin si Coco Martin nang dumalo ito sa Thanksgiving party ng Ang Probinsyano Party-list na ginanap sa Crowne Plaza nung nakaraang Martes, June 11 pero tumanggi ang manager niyang si Biboy Arboleda. Wala raw munang interviews, dahil kailangan lang daw niyang daluhan ang pagtitipon na yun dahil naging bahagi si Coco sa pangangampanya nitong party-list nung nakaraang eleksyon.

Kasama rin niya sa pag-endorse nito si Yassi Pressman na dumalo rin nung gabing iyun.

Pinakiusapan namin si Biboy na kung puwede itanong lang namin tungkol kay Eddie Garcia, pero ayaw na rin daw ni Coco na magsalita kaugnay sa nangyari sa beteranong aktor.

Pero dumalaw daw si Coco sa hospital nung nakaraang Martes ng madaling araw pagkatapos ng taping niya sa Ang Probinsyano.

Siyempre apektado raw si Coco sa nangyari kay Sir Eddie, kaya isiningit niya sa schedule niya sa pagdalaw sa hospital.

Tinanong din namin si Yassi tungkol dito at gusto rin daw niyang dumalaw sa hospital. Pero kararating lang daw niya galing ibang bansa.

Sabi ni Yassi nang tinanong namin tungkol kay Sir Eddie; “Kanina pa nga po ako tinatanong about this.

“I’m just really sad kasi siyempre Tito Eddie reminds me of my Dad, and alam mo yun mabuting tao,” pakli ng Kapamilya actress.

“Matagal din kami sa show eh.

“Sa simula pa lang naging mabait si Tito Eddie. Hindi siya namimili ng kung sino ang kakausapin. Sana he gets better.”

Sa ngayon ay patuloy pa ring nakatutok sa kalagayan ni Sir Eddie at naglabas din nung araw na iyun ng medical bulletin ang Makati Medical Center, at sinabi nga nilang comatose pa rin daw ang beteranong aktor kaya nasa critical condition pa rin ito.

May mga ilan pa kaming nakalap na impormasyon pero nakiusap ang source naming huwag munang ibalita. Mabuting hintayin na lang daw ang pahayag mula sa pamilya o kaya sa kanilang doktor.

Samantala, thankful naman ang dalawang nominee ng Ang Probinsyano party-list na sina Alfred delos Santos at Ronnie Ong dahil sa all-out na suporta nina Coco at Yassi.

Silang dalawa ang uupo sa Kongreso dahil nakakuha ng dalawang seat ang naturang party-list nung nakaraang eleksyon.

DONG NINONG SA ANAK NINA SARAH AT CHARD

Isa si Dingdong Dantes sa tatayong ninong sa binyag ng bunsong anak

nina Richard Gutierrez at Sarah Lahbati sa darating na Linggo, June 16.

Kuwento sa amin ni Dingdong sa nakaraang mediacon ng Starstruck, inaayos na rin daw nila ang binyag ng baby nila ni Marian Rivera na si Sixto.

May mga napili na raw nilang ninong at ninang, kaya abangan na lang ang announcement nila kung kailan ito.

Pagkatapos ng binyag ay puwede na sigurong bumalik sa trabaho si Marian, kaya napabalitang babalik na siya sa July. Pero mukhang hindi pa raw matutuloy dahil nagi-enjoy pa raw si Marian sa pag-alaga sa kanilang baby Sixto pati na rin kay Zia.

“Ini-enjoy pa niya yung early stages ni Sixto,” saad ni Dingdong.

“Kung may choice din naman ako, ako rin eh. Ayoko rin umalis ng bahay. Kaya ako na bahalang magtrabaho para sa amin. Relax ka lang diyan,” dagdag niyang pahayag.

Nakakatuwa rin daw si Zia dahil feel na feel daw nito ang pagiging ate.

“May sarili siyang task,” kuwento ni Dingdong.

“Pag kunyari may itatapon na diaper, siya ang gumagawa nun. Feel niya ang pagiging ate niya,” sabi pa ng Kapuso Primetime King

Bukod sa taping at shoot ng ilang segment ng Starstruck, isinisingit ni Dingdong ang pag-ensayo para sa pagsali niya sa BMW Berlin Marathon sa September.

Kaya pala ang laki nang ipinayat niya dahil panay ang workout niya at ensayo para sa marathon na sasalihan niya.

“Naging panata ko sa sarili ko at sa pamilya ko. Kasi mula nung ipinanganak si Sixto, gusto  ko i-renew yung commitment ko sa kalusugan.

“Kasi dati naging active ako nung si Zia ang ipinanganak. Sabi ko ibalik ko yun. So nag-comit ako na sumali sa isang marathon. Parang reflection yun na talagang committed ka para sa health mo,” pahayag ni Dingdong nang nakatsikahan namin sa mediacon ng Starstruck.

Si Kim Atienza raw ang nagkumbinse sa kanyang sumali sa marathon kaya masayang grupo raw silang tatakbo sa darating na September.

Gusto man niyang isama si Marian, pero naka-focus daw kasi ito sa pag-alaga sa dalawang anak nila. Kaya, hindi siya masasamahan.

Sa darating na Sabado, June 15 na magsisimula ang Starstruck pagkatapos ng Daddy’s Gurl.

Sa Linggo naman ay pagkatapos ng Daig Kayo ng Lola Ko.

Kasama ni Dingdong na mag-host si Jennylyn Mercado na baka magiging leading lady niya sa Pinoy adaptation ng Descendants of the Sun.

 

 

Please follow and like us:
Read More

TULFO BROTHERS NGAYON, BUKAS SINO?

ITO ANG TOTOO

HINDI natin kinakampihan si Erwin Tulfo at mga kapatid nito.

Ito ang Totoo: mali talaga ang ginawa ni Erwin Tulfo kay Social Welfare Sec. Rolando Bautista, at humingi na siya ng kapatawaran.

May karapatang tumanggi si Bautista na magpa-interview na ikinagalit ni Tulfo, pero hindi natin dapat balewalain na lehitimo ang isyu na nais ipasagot ni Tulfo sa retiradong heneral na naging sekretaryo.

Bakit nga ba hindi napunta sa mga taga-Marawi ang mga donas­yon at pondong sadyang para sa kanila?

Ito Ang Totoo: dahil sa pagkakamali ni Tulfo ng reaksiyon sa pag-iwas ni Bautista na magpaliwanag sa taumbayan, natatabunan na ang isyu.

At hindi lamang natabunan ang isyu, ang hindi maitutok na “killer instinct” ng mga heneral sa mangangamkam na bansang Tsina, sa magkakapatid na Tulfo ibinubuhos.

Damay na ang mga kapatid ni Erwin, na persona-non-grata na rin sa Philippine Military Academy (PMA) sa bisa ng deklarasyon ng alumni association.

Ito Ang Totoo: ma­raming nasagasaan ang magkakapatid na Tulfo, at maging sa hanay ng mamamahayag ay may hindi sila kasundo.

Pero ang over-reaction ng AFP at PNP ay hindi dapat binabalewala dahil ito’y masamang indikasyon ng labis at ma­lisyosong paggamit ng kapangyarihan, power trip baga.

Bagama’t hindi natin kinukunsinte ang pagkakamali ni Erwin Tulfo, hindi dapat nagbubulag-bulagan sa dinaranas na kalabisan laban sa kanya at mga kapatid niya. Tulfo brothers ngayon, bukas sino?

Ito Ang Totoo: kung may tampo o galit man sa mga Tulfo, lalo na ang mga kabaro sa media, hindi ito dapat maging dahilan para kunsintihin ang mga kalabisang ginagawa sa kanila sa kasalukuyan.

Hindi na lamang ito usapin ng magkakapatid na Tulfo, direksiyon, tu­nguhin at paniniwala na ng AFP at PNP sa tama at mali ang nakasalalay.

Wala sa lugar ang mga kondisyones ni Bautista para patawarin niya si Tulfo, at pagpapa­mukha ng kapangyarihan ang ginagawa ng mga kabaro niya, mga bagay na dapat ikinahihiya pero hindi sila nahihiya, indikasyon na may tama na ang kanilang pananaw at paniniwala. Ito Ang Totoo!  (ITO ANG TOTOO / VIC VIZCOCHO)

Please follow and like us:
Read More