LOLO KALABOSO SA RAPE NG APO

arrested124

(NI JULIE DUIGAN)

KALABOSO ang isang 63-anyos na lolo makaraang ireklamo ng panggagahasa ng sariling apo, sa Tondo, Manila.

Kasong rape o paglabag sa Republic Act 8353  ang haharapin ng suspek na residente ng Tondo, Manila dahil sa reklamo ng 13-anyos na dalagitang apo, Grade 9.

Batay sa ulat ng Manila  Police District-Jose Abad Santos Police Station 7, naganap ang panghahalay ng bandang ala-1:00 ng hapon nitong Lunes (Hunyo 10) sa loob ng kanilang bahay.

Inaresto nina Kagawad Rodolfo Cabinbin at Ex-O Dennis Romio Marquez, ng  Barangay 232 Zone 21 District 2 ang suspek nang pormal na ireklamo ng biktima.

Sa salaysay ng biktima kay P/Corporal Shiela Marie De Guzman, habang mag-isa siyang  natutulog  sa loob ng kanilang bahay ay nagulat siya nang gisingin ng kanyang lolo.

Ini-lock umano ng lolo niya ang pintuan at inutusan siyang maghubad ng underwear at gahasain ito.

Please follow and like us:
Read More

ENCHONG: WE ALL WANT A BETTER COUNTRY

boy abunda(NI BOY ABUNDA )

Mahalaga para kay Enchong Dee ang pagkakaroon ng isang tao ng opinyon tungkol sa kung ano ang nangyayari ang bansa. Bilang isang artista ay naniniwala ang aktor na malaki ang maitutulong niya para sa pagbabago ng bayan.

“It’s very important for me. First of all there’s a certain influence that are handed to celebrities. We have the power to make and affect change. And if you have that power, try to use it for the good. Try to use it to benefit the majority. So if we can make some changes along the way through social media or being active in socio-political issues. It’s supposed to be a responsibility,” makahulugang pahayag ni Enchong.

Nakapagtapos ng kursong Political Science ang aktor kaya aktibo rin sa pagpapahayag ng kanyang mga nararamdaman tungkol sa mga kaganapan sa bansa. Para kay Enchong ay nagsisilbing malakas na impluwensya ang mga artistang katulad niya lalo na sa mga tagahanga. “I always say that celebrities, or actors, or artists are the first defense of democracy. Kasi you have that instant following eh. So if you can give a light to a certain topic, or certain issue, or certain subject. Then go for it because we will all benefit from it. It’s a collective effort and we all want a better country. We all want a better life for the Filipino people,” paliwanag niya.

Umaasa si Enchong na mas marami pang kapwa-artista ang maging aktibo rin pagpapahayag ng mga opinyon para sa ikauunlad ng bayan. “Yes, I would like to encourage them but there’s a way wherein you can say your opinions without hurting anyone,” pagtatapos ng aktor. -Reports from JCC- 

 

Please follow and like us:
Read More

BAHAY NG ROOKIE COP NILOOBAN NG MGA ‘BATANG HAMOG’

arested12

(NI GUILLERMO OCTAVIO)

LIMANG kabataan ang nasakote, kabilang ang apat na menor-de-edad, matapos looban ang bahay ng isang bagitong pulis at tangayin ang salapi nito sa Valenzuela City, Martes ng gabi.

Arestado si Jomel Ibabao, 18, ng 2144 Angeles St., habang nasa pangangalaga na ng Social Welfare ang nahuling 14-anyos na nene at tatlong totoy nasa nasa edad 16 at 17 matapos pasukin ang  bahay ni Patrolman Emerson Magallon, 23, nakatalaga sa District Mobile Force ng ­ Northern Police District (NPD) at nakatira sa 453 H. Maple Residence, Rambotan, Brgy. Gen. T. De Leon.

Bumangon mula sa pagkakahimbing ang pulis para umihi ala-1:50 ng madaling-araw at nagulat nang makita sa loob ng kanyang bahay ang nene at isa sa mga totoy sa loob ng kanyang bahay at nagpulasan nang makita ang parak.

Nang suriin ng pulis ang kanyang mga gamit ay natuklasan niyang wala na ang kanyang Samsung cellular phone at P3,000 salapi kaya’t humingi ng tulong ang pulis sa mga tanod nagresulta sa pagkakasakote kay Ibabao at sa dalawang totoy.

Sa follow-up operation ay nasakote ang nene at isa pang totoy sa Beta Computer shop sa  Francisco St., Brgy. Gen. T. De Leon

Narekober ang nawawalang cellular phone at P500 sa sinikwat na P3,000 sa mga nadakip habang ang P2,500 ay nasa lider na nagngangalang John Axel Pallares, ayon sa mga nadakip.

 

 

Please follow and like us:
Read More

JENNYLYN NO-SHOW; HEART IPINAGTANGGOL SI JOSE

heart12

(NI VINIA VIVAR)

HINDI nakarating si Jennylyn Mercado sa mediacon ng StarStruck 7 held last Monday night dahil may taping siya ng Love You Two. Pero nagpadala naman siya ng video greetings ang expressed how excited she is sa pagsisimula ng talent search na kanyang pinagsimulan.

Fifteen years ago nang sumali si Jen sa kauna-unahang Starstruck wherein she emerged as the Ultimate Female Survivor.

It’s amazing na mula sa pagiging hopeful, ngayon ay siya na mismo ang nagho-host ng nasabing artista search kasama ang original host na si Dingdong Dantes.

Ayon kay Jen, walang katapusang pasasalamat ang ibinibigay niya para sa GMA-7 at sa StarStruck because they made her who she is today.

Magsisimula na sa June 15 ang StarStruck Season 7 with 11 boys and 11 girls vying to become the next Ultimate Female and Male Survivors.

Ang mga StarStruck Council naman ay binubuo nina Heart Evangelista, Jose Manalo and Cherie Gil. Join din si Kyline Alcantara bilang StarStruck Insider, the host of Starstruck’s online show, Inside StarStruck na nag-premier na last Monday, June 10 at napapanood every Monday to Friday, 6 pm.

HEART IPINAGTANGGOL SI JOSE

Sa nasabing presscon pa rin ng StarStruck 7, Ipinagtanggol naman ni Heart ang co-judge na si Jose sa mga nagsasabing wala itong karapatan na maupo as Starstruck Council dahil isa siyang komedyante.

Ayon kay Heart ay napakahirap din daw maging komedyante.

“Sobrang hirap maging komedyante. It’s really something that innate and I think, for him to be a judge, he’s perfect. Because hindi biro ‘yung ginagawa niya everyday,” sabi ni Heart.

Ayon naman kay Jose, hindi naman daw niya inilalagay sa kukote niya na judge siya at pinili siya dahil karapat-dapat siya.

“Hindi ko po nilalagay sa ulo ko ‘yun, kaya kung ano ang marinig ko sa kanila, hindi naman masakit,” sey ni Jose.

Hindi raw niya pinoproblema ang mga pangba-bash sa kanya.

“Wala akong Facebook, wala akong social media, para hindi nag-iinit ang ulo ko,” aniya.

“Ang dami ko na ngang problema, poproblemahin ko ba sila? So ‘yung mga taong ganu’n, siguro naghahanap lang sila ng atensyon sa buhay. Sabi nga, pag meron kang problema sa buhay mo, pilit mong ibinabato sa ibang tao para mapagtakpan.

“’Yun ang pinakamahirap sa tao, ‘yung tanggapin mo ang pagkakamali,” he said.

 

Please follow and like us:
Read More

EX-PARAK PATAY SA TANDEM

negros occidental12

(NI JESSE KABEL)

NILIKIDA ng riding in tandem ang isang isang retiradong pulis, Miyerkoles  ng umaga sa Bonifacio Street sa Silay City, Negros Occidental.

Patay habang nilalapatan ng lunas sa pagamutan  ang biktimang si Lindy Chan na isa rin dating barangay chair sanhi ng apat na tama ng punglo.

Lumitaw sa pagsisiyaat ng Silay PNP na kasama ng biktima at ng saksi nang isagawa ang pananambang.

Nag-uusap umano sila ng biktima sa gilid ng kalsada nang biglang lapitan ng mga gunman.

Agad na pinaputukan ng mga suspect na naka-helmet si Chan.

Narekober ng awtoridad ang limang empty shell ng kalibre .45 na pistol mula sa pinangyarihan ng krimen matapos na tumakas ang mga suspek.

Tinitingnan din ng awtoridad ang anggulo na may kinalaman sa negosyo ang pamamaslang kay Chan.

Ito ay matapos mabatid na may ilang beses na umanong nakatatanggap ng banta sa buhay ang biktima na minsan na ring na-ambsuh pero nakaligtas.

Please follow and like us:
Read More

GASTOS KAY EDDIE GARCIA, SAGOT LAHAT NG GMA-7

eddie12

pwede ed deleon(NI ED DE LEON)

HINDI mo naman masisisi kung may ilang personalities mula sa GMA-7 na medyo napipikon doon sa mga akusasyon na iniiwasan daw ng network ang kanilang responsibilidad sa aksidente ni Eddie Garcia sa pagsasabing nagkaroon iyon ng atake sa puso, ganoong ang totoo ay napatid pala sa cable.

May nagsabi pang umiiwas daw ang network sa pananagutan sa nangyari sa actor.

In fairness, ang pinagmulan naman ng mga naunang detalye ay kinikilalang mga members ng pamilya ng actor. Ungkatin na natin para maliwanag ha. Si direk Eddie ay open naman sa kanyang relasyon kay Lilibeth Romero noon pa man. May dalawang anak si Lilibeth sa naunang asawa, isa si Congressman Mikee Romero na siya ring may-ari ng Global Sports Batang Pier team sa PBA, at ang kapatid niyang si Nikki. Lumaki na ang dalawang batang iyan, kasama si Eddie Garcia at sila ay itinuring na ngang mga anak niya.

Si Nikki ang unang nagsabi na inatake si direk Eddie, dahil iyon ang presumption na nangyari noong una. Wala pang opisyal na medical bulletin. Nagsasagawa pa ng pagsusuri ang medical team ng Mary Johnston Hospital. Natural pagdating sa ER, ang titingnan muna ay kung ano ang physical damage, at pagkatapos at saka gagawa ng mas malalim na pagsusuri sa kalagayan ng pasyente.

Bakit sa isang taxi isinakay si direk Eddie nang ihatid sa ospital? Nasaan ang ambulansiya at wala ba silang ibang sasakyang magagamit?

Iyon daw pong location nila ay medyo makipot na kalye, at ang mga sasakyan ay kailangang iparada sa mas malayong lugar sa set. Mas madali para sa kanila na tumawag ng taxi at madala ang actor sa pinakamalapit na ospital. Wala silang ideya na cervical fracture ang nangyari. Akala rin nila inatake dahil sa init, kaya isinakay nila sa taxi. Iyong location pala nila, sa kalye Katubusan. Medyo sulok na iyon at siguro nga malayo ang mga sasakyan nila para hindi iyon mahagip ng kanilang camera.

Ang mahalaga, iyong commitment ng GMA na pananagutan nila ang lahat.

HINDI NABABAHALA ANG ABS-CBN… IN FACT, PANAY PAPIRMA NILA NG NETWORK CONTRACTS

Doon naman sa kabilang bakod, sa ABS-CBN, ang nababalita ay ang muling pagpapapirma nila ng kontrata sa kanilang mga stars. Parang pahapyaw, sinasabi nilang hindi mangyayari ang ikatutuwa ni Jimmy Bondoc. Maaari namang ang ibig sabihin noon, mangyari man ang kinatatakutan ng marami nilang empleyado, mayroon pa rin silang malilipatan at walang mawawalan ng trabaho, after all may mga internet streaming sites na ang kanilang network kung sakali man.

Sana nga wala namang mangyaring hindi maganda sa kanilang network. Sana nga maayos pa rin nila ang kanilang naging mga problema.

 

Please follow and like us:
Read More

UTOL TODAS KAY UTOL, 1 PA SUGATAN 

crime34

(NI SIGFRED ADSUARA)

HULI na ang  pagsisisi ng isang 31-anyos na mangingisda  nang nahimasmasan sa sobrang kalasingan at nalaman niya na napatay niya ang kanyang nakababatang utol at nadamay pa ang kanyang kainuman  sa Maragondon, Cavite.

Namatay noon din si Kenneth De Guzman, 29, ng Brgy. Patungan, Maragondon, Cavite habang namatay din habang ginagamot sa General Emilio Aguinaldo Memorial Hospital (GEAMH)  si  Mark Aries Mojica, , isa ring Mangingisda ng Bry Patungan, Maragondon, Cavite dahil sa saksak sa katawan.

Nakakulong na sa Maragondon, Custodial Center ang suspek na si Sonnylet De Guzman, 31, isang mangingisda, nakatatandang kapatid ni Kenneth at kapitbahay nito sa Brgy Patungan, Maragondon, Cavite.

Sa ulat ni Pat. Juviel De Leon ng Maragondon, Municipal Police Station, dakong alas-10:00 ng Martes ng gabi nang naganap ang insidente kung saan nag-iinuman si Kenneth at Mark sa loob ng bahay ng una nang dumating ang nakatatanda nitong kapatid na si Sonnylet na nakainom din.

Agad umanong sumiklab ang galit ng nakatatandang De Guzman dahilan upang magkaroon ng mainitang pagtatalo hanggang sa nagbunot ng patalim si Sonnylet at itinarak sa dibdib ng nakababata nitong kapatid na nagresulta sa kanyang agarang kamatayan.

Tinangka namang namagitan si Mark Aries pero siya naman ang binalingan ni Sonnylet na may tama rin sa ulo na hinihinalang nakuha nito habang nakikipambuno sa kanyang kapatid.

Ayon kay De Leon, may matagal na umanong alitan ang magkapatid na sumiklab ito nang nagpang-abot sa bahay ng nakababatang utol.

 

Please follow and like us:
Read More

MISIS NILOOBAN, PINATAY

crime

(NI KOI HIPOLITO)

WALA nang buhay at naliligo na sa sariling dugo ang isang ginang nang matagpuan ng kanyang mister na pinaslang ng hindi pa kilalang magnanakaw o akyat bahay, hapon ng Martes sa loob ng kanilang bahay sa Lot 5, Block 4, Saint Jude Street, Multinational Village, Brgy. Moonwalk, Paranaque City.

Nakilala ang biktima na si Cristina Torres, 29, habang kinilala naman ang asawa nitong nakadiskubre sa bangkay na si Noel Torres.

Base sa inisyal na imbestigasyon ng Paranaque City Police Station at ayon na rin sa salaysay ng asawa ng biktima, kasalukuyan umano siyang nasa biyahe at kausap sa text ang kanyang misis na kasalukuyan umanong naghahanda ng kanilang hapunan subalit pagsapit umano niya sa kanilang tahanan ay nagsindi muna siya ng ensenso sa altar at tinawag ang biktima subalit hindi umano ito sumasagot kaya agad nitong tinungo ang kanilang kuwarto. Nakita nitong magulo ang kanilang mga gamit sa loob ng master’s bed room at nadiskubreng sira ang kanilang vault.

Subalit laking gulat umano nito nang makita ang wala nang buhay na katawan ng kabiyak at nakahandusay sa sahig.

May mga saksak sa katawan ang biktima. Agad humingi ng tulong ang mister sa kanilang mga kapitbahay at tumawag sa istasyon ng pulisya para ipaalam ang nangyaring krimen.

Patuloy naman ang isinasagawang technical investigation ng SPD SOCO para alamin ang pagkatao ng posibleng suspek na umatake at pumaslang sa biktima, inaalam na rin kung magkano ang halaga ng mga pera at alahas na nilimas ng hindi pa tukoy na salarin.

 

Please follow and like us:
Read More

MALE STAR NAGSAWA SA MGA BAKLUSH KAYA LUMIPAT NG NETWORK?

malestar silhouette

pwede ed deleon(NI ED DE LEON)

KAYA pala naging “favorite” siya noon sa dati niyang network,  dahil si male star naman pala ay “very accommodating”. Hindi nga lang siya suwerte dahil nang dumating siya sa network ay may mga boyfriends nang lahat ang mga gay executives, pero “natuto naman siyang makisama sa mas mabababa, kaya napapansin pa rin siya at naisasali sa mga shows”.

Pero ngayon dahil “seriously in love” na ang male star sa kanyang girlfriend, tinigilan na niya ang pagiging “very accommodating” pero siguro naman tama na ang kanyang pakikisama noong araw kaya nakakakuha pa rin siya ng assignments kahit na sa kanyang bagong network.

Pero iyon nga ba ang dahilan kung bakit siya lumipat ng network?

 

Please follow and like us:
Read More

BRGY CAPTAIN  SA LUMBAN, NIRATRAT SA LOOB NG  VAN

lumban12

(NI NILOU DEL CARMEN)

WALA nang buhay nang datnan ng mga pulis sa loob ng kanyang minamanehong van ang isang barangay captain na pinagbabaril ng hindi nakilalang salarin sa Sta Cruz, Laguna, Martes ng gabi.

Kinilala ang biktima na si Rommel “Toktok” Pandakila, residente at chairman ng Barangay Bagong Silang, bayan ng Lumban.

Batay sa report ng Sta Cruz police, sakay ng kanyang ipinapaarkilang   van, kasama ang barangay tanod ng Barangay Bubukal na si Mario de Lima, pupuntahan sana ng kapitan ang umarkilang  pasahero sa nasabing barangay nang makita ng mga ito ang nag-aabang na suspek na nakatayo sa gilid ng highway, alas 11:30 ng gabi.

Sa suspek pa mismo nagtanong ng direksyon ang biktima, subalit apat na bala ang isinagot nito sa kapitan. Pinilit pa ng biktima na patakbuhin ang sasakyan subalit hinabol pa ito ng suspek at muli pang binaril ng tatlong beses.

Agad ding tumakas ang salarin matapos ang pamamaril habang nahulog naman ang sasakyan sa irrigation canal na nasa gilid ng highway.

Ligtas naman ang barangay tanod na kasama nito na nakatalon habang pinuputukan ang sasakyan.

Iniimbestigahan pa ng mga awtoridad ang pangyayari at inaalam kung sino ang salarin at ano ang motibo sa krimen.

Si Pandakila ang ikalawang barangay captain ng Lumban na napatay sa pamamaril ngayong taon.

Noong Pebrero 10 nang  pagbabarilin din ng hindi nakilalang mga riding in tandem suspect  ang barangay captain ng Maytalang 1 na si Ramir Evangelista habang ito ay nakahinto sa isang ginagawang tulay sa bayan ng Lumban.

Please follow and like us:
Read More

10 BAHAY NAWASAK NG BUHAWI

buhawi12

NORTH COTABATO– SAMPUNG kabahayan ang nasawak sa buhawi sa Mlang, North Cotabato.

Sinabi ni Bernardo Tayong, ng municipal disaster risk reduction and management, ang  buhawi ay buhat sa malakas na ulan sa bahagi ng Barangay Buayan bunsod ng Intertropical Convergence Zone.

Wasak ang mga bahay nang mabagsakan ng mga puno ng niyog at saging.

Wala namang naiulat na nasaktan o namatay sa insidente.

Nagpaabot naman ng tulong pinansiyal ang pamahalaang lokal ng Mlang sa mga apektadong pamilya.

Please follow and like us:
Read More

4-ANYOS PATAY SA SUNOG

fire

(NI KIKO CUETO)

ILOILO CITY — Hindi pinalad ang isang 4-taong gulang na batang lalaki nang mamatay dahil sa sunog na sumiklab sa kanilang bahay sa Barangay Rizal, Iloilo City Martes ng gabi.

Kinilala ang biktima na si Daniel John Peralta, na nakita ng mga bumbero sa loob ng banyo.

“Duda kami na sarado ang pintuan kaya hindi siya nakalabas,” ani Iloilo City fire marshal Christopher Regencia.

Sa imbestigasyon, sinasabing nagsimula ang sunog pasado alas-9 ng gabi ng Martes at mabilis na kumalat dahil pawang gawa sa light materials ang tatlong bahay.

Nakaligtas ang mga magulang at dalawang kapatid ni Peralta. Ayon sa kanila, mabilis na kumalat ang apoy kaya hindi nila namalayan na naiwan ang bata.

Inaalam pa ang pinagmulan ng sunog habang tinatayang nasa P75,000 ang danyos nito. 

 

 

Please follow and like us:
Read More

WALA AKONG DAPAT IPALIWANAG SA KANILA — ARJO

arjomaine12

ang kulit ni Lolit(NI LOLIT SOLIS)

SPECIAL guest pala namin ni Cristy Fermin si Sylvia Sanchez sa online show

namin kahapon at base sa mga sagot niya parang sina Arjo Atayde at Maine Mendoza na nga talaga.

Masaya raw siya para sa anak niya dahil nakikita niyang masayang-masaya ito kapag kasama si Maine.

Ipinakilala na nga raw sa kanya si Maine at magaaan daw ang loob niya. Mabait na bata raw si Maine at magalang, kaya gusto niya ito para sa kanyang anak.

Ang laki raw nang ipinagbago ni Arjo magmula nang dumating si Maine sa buhay niya.

Nakikita raw niyang good influence talaga si Maine kay Arjo kaya botong-boto siya rito.

May mangilang-ngilan pa ring namba-bash sa kanila, pero bilib daw siya kung paano ito dedmahin ni Arjo.

“Bilib nga ako diyan sa anak ko eh. King of deadma siya talaga. Hindi siya apektado at hindi na lang niya ito pinapansin.

“Sabi niya kasi, ‘wala akong dapat ipaliwanag sa kanila, dahil buhay ko to. Ako ang magdi-decide para sa buhay ko. Choice ko to,” sabi raw ni Arjo sa kanya.

“Kaya yun ang gusto kong ituro sa akin ni Arjo, kung paano man-deadma sa mga bashers talaga.  “Malaking bagay din kasing masaya siya sa relasyon nila ni Maine,” sabi pa ni Sylvia.

 

Please follow and like us:
Read More

LALAKI NANINGIL NG RENTA, BINUGBOG NG TENANT

crime145

(NI CHERK BALAGTAS)

ISANG 41-anyos na negosyante ang bugbog-sarado  sa kanyang tenant nang mapikon sa sinisingil na renta sa Valenzuela City.

Kinilala ang biktimang si Eddie Llena Manzanero, ng P. Faustino Street, Barangay Punturin, ng nasabing lungsod na kasalukuyang nilalapatan ng lunas sa Valenzuela Medical Center matapos ng magtamo ng malalalang pinsala sa mukha at katawan habang ang suspek ay kinilalang si Mervin Gripon, 35, ng Block 3 Lot 23 Northville 13 ng nasabing lugar.

Kusang  sumuko si Gripon matapos ang pambubugbog sa biktima.

Sa ulat ng Valenzuela City Police, ganap umanong alas -5:30 ng hapon noong Lunes nang maganap ang insidente sa inuupahang bahay ng suspek.

Pinuntahan ng biktima ang suspect upang paalisin na dahil sa hindi nakakapagbayad ng kanyang renta.

Nagkaroon ng mainitang pagtatalo ang dalawa hanggang bugbugin ng suspect ang may-ari ng bahay.

Duguan na ang biktima ay hindi pa rin ito tinatantanan ng suspect dahilan para awatin na ito ng mga kapitbahay.

 

Please follow and like us:
Read More

FOLAYANG KONTRA KING SA ONE

folaya12

(NI EM RUBIN)
MALAKING hamon ang haharapin ni Eduard “Landslide” Folayang sa ONE: Dawn of Heroes sa Agosto 2 sa Mall of Asia Arena.

Makakasagupa ng 35-anyos na si Folayang si dating Bellator at UFC lightweight champion Eddie “The Underground King” Alvarez sa kanyang pagbabalik-aksyon sa loob ng ONE Championship cage.

“Syempre nagkaroon ako ng excitement kasi isang legend na naman ang makakalaban ko. Maganda kasi palaging legend ang nakakalaban natin,” ani Folayang sa panayam ng Radyo Pilipinas 2.

Sa kanyang ikalawang laban ngayong 2019, asam ni Folayang na makabalik sa pagiging title contender matapos niyang isuko ang kanyang ONE lightweight belt kay Shinya Aoki ng Japan.

Nitong Marso sa Tokyo, pinatulog ni Aoki si Folayang sa pamamagitan ng arm triangle choke sa first round, dahilan para matapos ang paghahari ng Filipino MMA superstar sa kanyang dibisyon.

Hindi naman magiging madali ang daan para kay Folayang, dahil hangad din ni Alvarez na makabawi mula sa kanyang masaklap na pagkatalo sa unang pagsabak sa ONE Championship.

Sa quarterfinals ng ONE Lightweight World Grand Prix noon ding Marso, bumagsak ang 30-anyos na Amerikano sa unang round sa kamay ni Timofey Nastyukhin ng Russia.

Matinding aksyon ang aasahan ng nga Pinoy fans sapagkat kilala ang dalawa sa pagiging mga striker.

Samantala, susubukan ni Danny “The King” Kingad na umusad sa semifinals ng ONE Flyweight World Grand Prix kontra Kairat “The Kazakh” Akhmetov.

Makakatapat naman ni Honorio “The Rock” Banario si Nasthyukin sa semifinals ng lightweight tournament.

Nakabalik sa torneyo si Banario matapos mag-withdraw si Lowen Tynanes na tumalo sa Team Lakay fighter sa quarterfinals.

Please follow and like us:
Read More

BULLYING KAYANG TALUNIN

STOP BULLYING-2

(Ni ANET VERGEL / HULING BAHAGI)

SA ibang bansa, mara­ming grupo ang naitayo upang labanan ang bullying na sinasabing hindi lang nakakasakit ng damdamin ngunit nagiging daan upang ang isang bata o matandang biktima nito ay magbago ng ugali. Sinasabing nakakamatay din ang bullying sapagkat puwedeng ito ay maging pisikal, kung saan ay mismong katawan ng tao ang nasasaktan; verbal o pananalita, kung saan ang panlalait o mga salitang sinabi laban sa kapwa ay tumitimo sa puso at isipan; social o panlipunan, kung saan dahil sa pambubully sa kanya ay siya na mismo ang lumalayo sa mga kaibigan o kaya naman ay nilalayuan siya ng mga kaibigan at kakilala dahil sa mga ginagawang pag-iwas sa kanya ng bully at cyber o gamit ang teknolohiya, kung saan ang mga ipinopost na salita at larawang nakakasira sa pagkatao ng isang binubully.

Kapag tinamaan ng todo ang isang batang binubully, posibleng makaisip na gumawa ng hindi maganda para sa kanyang sarili kaya’’t minsan ay naiisip nilang tapusin na lang ang kanilang buhay. Makabubuting humanap ng tao o grupong makatutulong upang huwag makaisip ng masamang gawain sa sarili.

Alam ba natin na isa sa 4 na bata ang biktima ng bullying sa loob ng isang buwan? Sa bawat 7 minuto, isang bata ang biktima ng bullying kaya’t halos daang libong estudyante ang ayaw pumasok dahil sa takot na maging biktima ng bullying. Kaya nga para sa ilang magulang na batid ang masamang dulot ng bullying, mahigpit ang pagbabantay na ginagawa nila sa kanilang anak sapagkat batid nila na mas malaking panganib na dulot ang bullying na puwedeng mauwi sa trahedya.

Jackie Chan biktima ng bullying

Marami sa mga Pinoy ang nakakakilala at humahanga sa galing sa karate at martial arts ni Jackie Chan subalit ang hindi nila alam ay naging biktim ito ng bullying noong siya ay bata pa. Hindi nagawang lumaban ni Jackie Chan sa mga nananakit, nananakot at nanlalait sa kanya dahil sa takot.

Nang may masaksaihan si Jackie Chan na isang batang tinatakot at inaasar ng ilang kabataang mas malaki sa kanya, kaagad na uminit ang punong tenga ni Jackie Chan kung kaya’t bagaman isa siyang biktiman ng bullying ay nagawa niyang iligtas ang bata na maging biktima ng bullies.

Nagawang ipagtanggol ni Jackie Chan ang batang kasing laki niya laban sa mga batang hamak na mas malalaki sa kanila. Naintindihan ni Jackie Chan na ang paglaban sa bullies ay hindi lang dapat para sa sarili mo subalit mas higit dapat para sa ibang tao.

Grupong makakatulong laban sa bullying

Ang bullying ay puwedeng magsimula sa bahay pa lang lalo’t ang isang bata biktima nito ay hindi unang anak o sa madaling salita ay panggitna o bunso sa pamilya. May mangilan-ngilang kaso ng bullying na sa pamilya pa lang ay nakakaranas nang pang-aabuso ang isang bata lalo na sa mga nakatatandang kapatid o kaya naman pinsan at kamag-anak.

May mga kaso rin na ang bata ay biktima ng pang-aabuso ng mismong mga magulang na maituturing na bullying pa rin.

Kaya naman sa ibang bansa, tulad ng Amerika, may mga mismong kabataan na nagtatayo ng kanilang samahan upang labanan ang mga bullies.

Dito sa Pilipinas, ma­ngilan-ngilan pa lang ang naitatayong grupo upang labanan ang bullies ay sa kasalukuyan ay wala pang mga pundasyon ang mga ito.

Isa ang Rotary International sa Pilipinas na nagtutulak ng mga proyekto para labanan ang bullying.

StandUP Against Bullying

Sampung clubs mula sa 10 Rotary District sa Pilipinas ang nagsama-sama upang maging gulugod sa ilang anti-bullying awareness projects. Dahil malalayo ang pagitan, nagsimula sa pagtatawagan sa celfon, pagba-viber, at palitan ng email messages, nagsimula noong Setyembre 2018 ang StandUp Against Bullying at nagpatuloy sa loob ng apat na buwan at nagkaroon ng pagtitipon noong Disyembre 4, ang pagsilang ng grupong nagkakaisa upang labanan ang pananakot, panghihiya at pang-iinis. Motto ng grupo ang “Ten clubs, 10 Districts, zero bullying.”

Ang mga clubs ng Rotary International sa Pilipinas na nabuo para mapagtagumpayan ang laban sa bullying ay ang Rotary Club of Santa Barbara ng RI Ditrict 3790; Acropolis ng  RI District 3780; Cauayan ng RI District  3770; North Bay East ng RI District 3800; Raha Sulayman  ng RI District 3810; Metro Lucena ng RI District 3820; Makati Poblacion ng RI District 3830; Dipolog ng RI District 3850; Kandaya Tacloban ng RI District 3860 at RC Cotabato South ng RI District 3870

Wala pang nabuong pangalan ang sampung club sa sampung district subalit upang mapatibay ang kanilang samahan ay kinuha nila bilang pa­ngunahing sigaw ang “StandUP Against Bullying.”

Pangunahing layunin ng samahan ay upang makapagtayo ng grupo o samahan na puwedeng magpakalat ng kaalaman sa pamamagitan ng tulong ng mga paaralan kaugnay sa paglaban sa bullying. Layon din ng samahan na mamonitor kung hanggang saan ang nagawa nila bukod pa sa pagpapakalat ng kamalayan at impormasyon hinggil sa pagsugpo ng pananakot, panlalait, pang-aasar sa mga komunidad at maging sa mga paaralan.

Pagpapakalat ng impormasyon hinggil sa bullying

Upang mabigyan ng kaalaman ang mga estudyante hinggil sa masamang dulot ng bullying at kung paano labanan ito, naglunsad ang mga clubs ng distrito ng Rotary International sa Pilipinas ng mga proyektong kapaki-pakinabang sa mga bata.

Isang halimbawa ang RC Raha Sulayman sa sampung club na nagpapakalat ng impormasyon hinggil sa paglaban sa bullying.

Nasa ikalawang taon na ang nasabing club sa pamamahagi ng notebooks na may nakalagay na “StandUp Against Bullying” sa mga eskuwelahan sa loob at labas ng Maynila. Maliban pa sa nagkaroon na rin sila ng film showing, motorcade, testimonial o patunay kaugnay sa bullying at poster making.

Maliban sa notebooks, may set din ng school supplies at bag na may tatak na “StandUP Against Bullying” na ipinamimigay ang RC Raha Sulayman.

Isa pang proyekto ng RC Raha at mga kasamang club ang voice boxes. Ang voice box ay isang drop box na inilalagay sa iba’t ibang eskuwelahan upang  doon ihulog ng mga batang biktima ng bullying ang kanilang karanasan sa mga kaklase o nakatataas ang antas sa kanila sa eskuwelahan na madalas ay tinatakot, iniinis at inaagawan sila ng pagkain o kaya naman ay sinisira ang kanilang mga gamit. Ang proyektong “Voice Boxes” ay minomonitor ng club, ng guidance office at ilang eksperto na kaagapay din sa proyekto upang maging matagumpay.

Nang ilunsad sa FB ang StandUP Against Bullying, umani ito halos kulang 10,000 likes na patunay na unti-unting nagkakaroon ng kamalayan at malasakit sa mga biktima ng bullying ang mga mamamayan lalo na ang netizens.

Bilang patunay na kumakalat na ang kaalaman laban sa bullying, ilang paaralan na ang nakiisa sa pag-alalay sa proyekto upang mas lalong umani ito ng tulong na magdadala sa kanya sa tagumpay laban sa bullying.

Para sa kaalaman ng marami, ang gurpong nagsisimulang magpatibay ng laban sa bullying ay nakatutok ang atensyon sa patuloy na pagpapalakas ng kampanya dahil naniniwala sila ang ang bawat bata ay nararapat magkaroon ng magandang alaala sa kanyang pagkabata at ang bawat magulang ay dapat mabigyan ng seguridad na ang mga eskuwelahan ay ligtas na lugar para sa kanilang mga anak.

Please follow and like us:
Read More

RIGHT OF WAY

ANO ang “right of way”? Bakit nagkakaroon ng ‘di pagkakaintindihan o alitan dahil lamang dito? Madalas tayong makarinig ng balita ng pag-aaway ng magkakapitbahay dahil lamang sa usaping “right of way”.

Kadalasan, ito’y hango sa isang sitwasyon kung saan napaliligiran ng lupain ng ibang tao ang iyong lupain at nangangailangang makiraan ka sa lupain ng iba upang marating mo ang pampublikong daan. Kadalasan, pinagbibigyan ka na lang ng may-ari ng lupang dinaraanan mo, pero minsan — ayaw nila pumayag. Sa ganitong pagkakataon, maaari kang humiling sa hukuman na bigyan ka ng “right of way”. Ngunit hindi ganun- ganun lamang ang paghingi nito — may mga alituntunin ang ating batas na dapat nating sundin bago tayo mabigyan ng “right of way”.

Sa isang kasong iniakyat sa Mataas na Hukuman, ang may-ari ng lupain o taong humi­hingi ng “right of way” ay dapat magtatag ng mga sumusunod upang ma­ging karapat-dapat bigyan nito: (1) na ang kanyang lupain ay napalilibutan ng iba pang mga lupain na pagmamay-ari ng iba at walang sapat na lagusan tungo sa isang pampublikong kalsada; (2) na naibigay na ang tamang bayad sa paggamit nito; (3) na ang dahilan kaya walang lagusan ay hindi niya kasalanan o dulot ng kanyang kagagawan (4) na ang hinihiling na “right of way” ay hindi masyadong makapeperwisyo sa lupain ng iba.

Mahalagang tandaan na kung ang pagkawala ng lagusan ay dulot ng kapabayaan or kagagawan ng may-ari ng lupa, baka hindi ito pagbigyan ng hukuman sa kanyang hinihiling na “right of way”. Halimbawa, may tatlong lagusan na maaaring gamitin ng may-ari ng lupa ngunit sinarahan niya ang mga lagusang ito dahil nalalayuan siya at sa halip ay humiling siya sa hukuman na bigyan siya ng isang “right of way” na mas naaayon sa kanyang kagustuhan. Sa sitwasyong ito, may posibilidad na hindi siya pagbigyan dahil ang pagkawala ng kanyang mga lagusan ay dulot na rin sa kanyang kagagawan.

Ang karapatang “right of way” ay isang pambihirang karapatang na binibigay lamang kung ito’y nararapat at kinakailangan — ayon sa mga alituntunin na nilatag ng batas. Nasasaad din sa batas na ang lapad na maaring gawing “right of way” ay depende sa pangangailangan ng gagamit at maaring magbago sa paglipas ng panahon. Ating tandaan, sa mga sitwasyong ganito, huwag nating daanin sa dahas o alitan, dumulog sa hukuman at hayaang ang batas ang humusga kung nararapat ka nga bang bigyan ng “right of way” o hindi.  (@YOURSERVICE / ATTY. DAVID AQUINO)

Please follow and like us:
Read More

AGAWAN NG LUPANG SAKAHAN: 3 PATAY

crime

(NI BONG PAULO)

NASAWI ang tatlo katao makaraang sumiklab ang labanan sa pagitan ng Islamic Liberation Front (MILF) at mga armadong sekyu ng isang plantasyon ng saging sa Barangay Tukanalugong sa Datu Abdullah Sangki (DAS), Maguindanao, Lunesng hapon.

Sinabi ni Maguindanao PNP Director, Police Col. Ronald Briones, nagkasagupa ang grupo nina Kumander Tommy at Adrex Cali sa plantasyon ng saging sa Barangay Tukanalugong ng naturang bayan, alas-2:30 ng hapon.

Ang mga nasawi sa panig ng MILF ay kinilalang sina Datu Ila Mohammad at Toy Taha, habang ang nasawi sa panig ng mga armadong security na pinamumunuan ni alias Kali ay hindi pa tukoy.

Sugatan naman ang isang Tanto Abdul, isang civilian security volunteer, na dinala sa Isulan Provincial Hospital sa bayan ng Isulan, Sultan Kudarat.

Nabatid na personal na alitan sa pamilya dahil sa pinag-aagawang lupang sakahan at plantasyon ang dahilan ng bakbakan.

Tumagal ng mahigit isang oras ang palitan ng putok ng magkabilang panig kaya naman daan-daang mga sibilyan ang lumikas patungo sa mas ligtas na lugar.

Humupa lamang ang engkwentro nang dumating ang mga pulis at sundalo.

Sa ngayon ay nagpapatuloy ang mapayapang negosasyon ng mga lokal na opisyal sa bayan para resolbahin ang gulo ng dalawang grupo.

Please follow and like us:
Read More

DAPAT IPAHULI NI DUTERTE ANG MGA NASA LIKOD NG BENTAHAN NG CHINESE FLAGS SA LUNETA

CHRISTIAN BOMB

ISA sa naging mainit na isyu ngayong Araw ng Kalayaan ay ang tungkol sa pagbebenta ng mga vendor ng Chinese flags sa Luneta o Rizal Park sa Maynila.

Nag-viral ito sa social media, na itinaon pa ang bentahan ng Chinese flags apat na araw bago ipagdiwang ng Pilipinas ang ika-121 Araw ng Kalayaan.

Umani ito ng batikos sa netizens, na ayon sa kanila ay malinaw na pagyurak sa pagiging makabayan ng mga Pilipino.

Ang hindi kagandahan, imbes na ito ay batikusin ng gobyernong Duterte ay nag-post pa sa social media si Sec. Teddyboy Locsin ng Department of Foreign Affairs (DFA) na wala raw masama sa pagbebenta ng Chinese flags, dahil kapag Philippines-Ame­rican Friendship Day daw ay may nagbebenta rin naman ng mga United States (US) flag.

Kung walang pananakop na ginagawa ang China sa mga isla at karagatang sakop ng Pilipinas ay maaaring wala ngang masama.

Kung hindi nagpapakita ng pagpapakatuta si Pangulong Duterte sa China ay wala ngang masamang may magbenta ng Chinese flags bilang pagkilala na rin sa tinatawag na Philippines-China Friendship Day.

Pero kitang-kita ang pananakop ng China sa mga isla at karagatang pag-aari ng Pilipinas, at pati ang mga mangingisdang Pilipino ay pinagbabawalang mangisda na sa West Philippines Sea.

Ang China ay isang bagong umuusbong na makapangyarihang bansang nakikipagkumpe­tensya sa puwesto ng US bilang pinakamakapangyarihan sa mundo. Nakikipagkumpentensya ito sa dami ng neo-kolonya, base at instalasyong military, kita mula sa digmaan, at paghawak sa ekonomiya at pulitika ng ibang bayan.

Sa harap ng pag-okupa ng China sa teritoryo ng Pilipinas, pagtatayo ng mga base militar nito at pandarahas sa mga Pilipinong ma­ngingisda, ang masaklap ay walang ginagawang aksyon ang administras­yon ni Duterte sa matinding pambubusabos ng China sa soberanya ng ating bansa.

Dapat magpakita si Pangulong Duterte na siya ay isang Presidenteng makabayan, dahil sa totoo lang, malaking insulto sa Pilipinas at sa mga Pilipino na apat na araw bago ipagdiwang ang Independence Day ay may mga nagbebenta ng Chinese flags sa Luneta Park.

Ngayong Araw ng Kalayaan, sana ipakita naman ni Pangulong Duterte ang kanyang pagi­ging maka-Pilipino. Dapat gumawa ng aksyon ang kanyang gobyerno para madakip ang mga nasa likod ng pagbebenta ng Chinese flags, dahil ayon sa mga vendor na nagbebenta nito ay may mga kalalakihan daw na nagbigay sa kanila ng mga watawat ng China para ibenta mismo sa Rizal Park. (CHRISTINA’S BOMB / CHRISTIAN HERNANDEZ)

Please follow and like us:
Read More

1 PANG INVESTMENT FIRM SINALAKAY NG PNP

cebu mandaue12

(NI JESSE KABEL)

MATAPOS salakayin ng Philippine National Police ang tanggapan ng  Kabus Padatuon (KAPA) Community Ministry International Inc.,  isinunod ng mga tauhan ng PNP- Criminal Investigation and Detection Group (CIDG) sa Region 7 ang tanggapan ng isa pang investment company sa Cebu.

Martes ng umaga, isang araw matapos na madiskubre ang pagsasara ng tanggapan ng Organico Agribusiness Ventures Corporation sa A.C. Cortes Avenue sa Mandaue City ay isinagawa ng mga pulis ang raid.

Nabatid na nagsimulang dumagsa sa naturang tanggapan ang mga investor ng Organico matapos malamang isinara ito nang walang pasabi sa kanilang mga miyembro/investors.

Tanging ang karatulang ‘closed for renovation’ ang sumalubong sa mga tao na ngayon ay kinakaban at posibleng biktima na rin sila ng isang investment scam.

Nagreklamo ang mga investor dahil walang makapagbigay sa kanila ng paliwanag kung bakit isinara ang tanggapan.

Hanggang kahapon ay patuoy na dumarating sa Organico ang mga investor nito na umaasang makakokolekta ng kanilang payout.

Magugunitang ipinahuhuli na ni Pangulong Rodrigo Roa Duterte ang mga taong nasa likod ng KAPA investment na sinasabing nasa likod ng P50 billion investment scam na tinuturing na pinakamalaking organized fraud syndicate sa Pilipinas ngayon.

Please follow and like us:
Read More