WARRIORS ‘DI SUSUKO

green12

GAHIBLA na lang ang tsansa ng Golden State Warriors na magkampeon sa tatlong magkakasunod na pagkakataon matapos silang idiskaril ng Toronto Raptors noong Sabado at kunin ang 3-1 bentahe ngunit sa kabila nito ay ayaw pa rin nilang isuko ang laban.

It’s “important to have that pride, to have the faith in what we’re capable of,” sabi ni Dryamond Green bago ang Game 5 ng Warriors-Raptors finals series sa Toronto, Lunes ng gabi (Martes ng umaga, Manila time).

“I’ve been on the wrong side of 3-1 before, why not make our own history?” dagdag pa niya.

Hindi ito ang unang beses na naunahan ng kalabang team ang Golden State. Nasa 3-1 din ang seryes pabor sa Oklahoma City (plus Kevin Durant) noong 2016 Western Conference nang makahabol ang Warriors at magkampeon pa.

Gayunman nabalewala ang pagsisikap ng Warriors nang matapos makuha ang 3-1 advantage sa NBA Finals ay ginantihan naman sila ng Cleveland Cavaliers ni Lebron James, na tinanghal na kampeon ng nasabing taon.

“We’ve been on the wrong side of history,” sabi ni Golden State guard Shaun Livingston. “We look to be on the right side of it now.”

Maging si Stephen Curry ay naniniwala na may ganitong mindset ang Warriors. “You don’t succeed the way we have over the course of these years without that mentality. So as the second half unfolds and things aren’t going our way, we’re still fighting and trying to get over the hump. But until the final buzzer sounds and somebody gets the four wins, we still have life and have an opportunity to win.”

Ayaw din magkampante ng Toronto sa kabila ng kanilang kalamangan sa defending champs.

“It’s not over yet, so I can’t say that we’re better,” ani Kawhi Leonard na naging susi sa Game 4 win ng Toronto matapos umiskor ng 36-point at 12-rebounds noong Sabado.
Naniniwala naman si Warriors coach Steve Kerr na kaya pang bumalik ng kanyang team. “You just try to win one game. That’s what we did a few years ago against OKC. Win one game, and then you move forward. So that’s our focus now.”

Please follow and like us:
Read More

PUGANTE, PATAY; 1 PA ARESTADO SA SAFEHOUSE

crime43

(NI BONG PAULO)

NORTH COTABATO – Napatay ang isang matagal nang wanted sa batas na isang pugante habang naaresto naman ang isa pang kasama nito sa shootout nang isilbi ng mga otoridad ang warrant of arrest laban sa suspek sa safehouse nito sa barangay Olandang sa bayan ng Midsayap, North Cotabato, ayon sa ulat nitong Linggo.

Kinilala ang nasawing suspek na si Thorag Sandalan Sabal, alias Erick Pasanggalan, habang arestado naman ang kasama nitong si Nasser Makabangen Usman.

Sa ulat na nakarating kay Brig. Gen. Eliseo Tam Rasco, pinuno ng Police Regional Office 12 (Soccsksargen), alas-10:00 ng umaga nitong Sabado nang salakayin ng mga pulisya ang pinagkukutaan ng suspek pero imbes na sumuko si Sabal ay nagpaputok ito sa mga otoridad dahilan para gumanti rin ng putok ang mga pulisya hanggang sa nabaril si Sabal.

Sa ulat, kabilang si Sabal sa mga pugante ng Maguindanao Provincial Jail na pumuga noong Mayo 24 ng nakaraang taon.

Nahaharap ang suspek sa patung- patong na kaso tulad ng murder, illegal drugs possession at illegal possession of firearms.

Nasabat naman ng pulisya ang kalibre .45 na pistol, dalawang piraso ng plastic sachet na naglalaman ng shabu  at bala ng kalibre .45.

Timbog din ang kasama ng suspek na si Usman matapos makuhanan din ng illegal na armas at illegal drug paraphernalia.

 

Please follow and like us:
Read More

GRADE 1 BDAY GIRL PATAY SA SANGA NG PUNO

negros occidental12

(NI JESSE KABEL)

HINDI akalain ng pamilya ng isang anim na taong gulang na batang babae na ito na ang huling taon na magdiriwang siya ng kanyang birthday nang mabagsakan ito ng sanga ng puno sa loob ng kanilang paaralan na kanyang ikinamatay sa Negros Occidental.

Sa report ng Negros  Occidental PNP, halos wala nang buhay nang idating sa pagamutan ang biktimang si Fei Francine Limsiaco, Grade one pupil ng Talaban Elementary School.

Nabatid na masaya pang pumasok ang bata para ipagdiwang ang kanyang kaarawan sa paaralan subalit iyon na pala ang kanyang huling birthday nang aksidenteng mabagsakan ito ng sanga ng puno ng Narra.

Ayon sa mga magulang ng bata humiling pa ito ng cake para sa kanyang kaarawan subalit hindi na ito nakauwi pa nang buhay.

Agad namang umanong naisugod sa pagamutan ang bata subalit sadyang malubha na umano ang lagay nito nang makarating sa pagamutan.

Nabatid na habang hinihintay ng biktima ang kanyang sundo ay nakikipag laro pa ito sa mga kamag aral nang mabagsakan ng sanga ng Narra habang naglalaro.

Nasira rin  ang bahagi ng bubong ng isang classroom na nabagsakan ng sanga.

Giit ng principal ng paaralan, hindi nila inakalang mahuhuhulog ang sanga kaya itinuturing nilang aksidente ang nangyari.

Ayon naman sa pamilya ng biktima may pananagutan ang paaralan. Naiwasan sana ang insidente kung pinaputol na ang sanga bago pa nagsimula ang klase ngayong linggo.

 

Please follow and like us:
Read More

MAG-UTOL ARESTADO SA RAPE

arrested12

(NI KEVIN COLLANTES)

KAPWA naghihimas na ng rehas na bakal ang dalawang lalaking magkapatid na kapwa arestado dahil sa pagiging wanted sa kasong panggagahasa sa magkahiwalay na lugar sa Marikina City at Mandaluyong City, nitong Sabado. Batay sa ulat ng Marikina City Police, nabatid na magkasunod na naaresto ang mga suspek na nakilalang sina Ronnie Ric Paz, 27, parking boy at Ricky Ryan Paz, 38, sa kani-kanilang tahanan.

Lumilitaw na dakong alas-12:50 ng hapon nang unang maaresto  ng mga tauhan ng Intelligence Branch si Ronnie Ric sa Saint Mary Street, Provident Village, Barangay Tañong, Marikina City habang dakong ala-1:30 naman ng hapon nang maaresto si Ricky Ryan sa Piling Santos Street, Doña Petra, sa Barangay Tumana, Mandaluyong City.

Dinakip ang mga ito sa bisa ng warrant of arrest na inisyu ni Hon. Edwin Valdez, Presiding Judge ng Family Court Branch 7 dahil sa kasong rape, ngunit habang isinusulat ang balitang ito ay hindi pa nakapagbibigay ng anumang detalye hinggil sa kaso ang mga awtoridad.

Si Ronnie Ric ay itinuturing na No. 1 most wanted person habang si Ricky Ryan naman ay itinuturing na No. 2 most wanted person ng Marikina City Police dahil sa naturang kaso na kinakaharap nila.

Kapwa detenido na ang dalawa habang hinihintay pa ang commitment order sa kanila ng hukuman.

 

Please follow and like us:
Read More

IPINASASARANG KAPA OFFICE, NINAKAWAN, SINUNOG

kapa12

(NI JESSE KABEL)

SINALAKAY ng mga magnanakaw at sinunog pa ang tanggapan ng KAPA Community Ministry Foundation, isang religious organization na sinasabing sangkot  sa investment scam  sa bayan ng Compostela sa Cebu, Sabado ng madaling araw.

Naganap ang sunog ilang araw matapos ipag-utos ni Pangulong Rodrigo Duterte na imbestigahan ang Surigao del Sur-based religious corporation at isara kapag napatunayan na sangkot sa investment scam.

Ayon sa PNP-Criminal Investigation and Detection Group (CIDG) sa Region 10, may mga pagkilos na silang gagawin kaugnay sa kautusan ni Duterte na isara na operasyon ng KAPA Community Ministry International Inc. o Kabus Padatoon ni Pastor Joel Apolinario.

Ayon sa Compostela Police station desk, may 21 empleyado na nasa loob ng KAPA office nang pasukin at pagnakawan ng may 10 armadong suspek.

Bukod sa pagkuha sa vault ng KAPA na may lamang hindi pa tukoy na halaga ng pera, kinuha rin ng mga suspek ang mga cellphone, cash at laptop ng mga empleyado.

Ayon sa imbestigasyon, pwersahang binuksan ng mga armadong lalaki ang pintuan ng KAPA.

Matapos pagnakawan ang mga empleyado ay tumakas ang mga suspek ngunit sinunog din ang tanggapan ng KAPA na nasa 400 metro lamang ang layo  sa Compostela police station.

 

Please follow and like us:
Read More

NAKAIINTRIGANG POST TUNGKOL SA CHEATING NG EX-NI DEREK

joanne12

(NI GORGY RULA)

MUKHA may ipinaparating ang dating girlfriend ni Derek Ramsay na si Joanne Villablanca sa ilang post niya sa kanyang Facebook account.

Isang netizen ang nakapansin sa kanyang Facebook account na ni-repost niya ang blog post ni Maricar Reyes tungkol sa isang article on cheating.

Nag-react pa siya tungkol sa isang blind item na paghihiwalay ng celebrity couple dahil sa third party.
Kaya parang ipinapahiwatig niyang may third party involved sa paghihiwalay nila ni Derek.

Pero sabi ni Derek sa interview sa kanya sa DZRH, wala raw third party involved at maayos daw ang kanilang paghihiwalay.

Na-check namin ang Facebook account ni Joanne, wala na yung dalawang item na nirepost niya.

Maaring binura na niya ito, pero ilan sa mga FB friends niya ay nagsabing may ganun siyang post.

Pinadalhan na nga ito ng mensahe ng PEP.Ph kung puwede siyang interbyuhin, hindi ito sumasagot. Ewan ko lang kung magsasalita nga siya tungkol sa break-up.

Noon pa man ay tahimik lang siya talaga at sumusuporta lang ito kay Derek.

Please follow and like us:
Read More

BABAENG KUKUHA NG SWELDO, PATAY SA SAGASA

jeep accident12

(NI JULIE DUIGAN)

HINDI na nagawang maisalba ng mga manggamot sa Claire Medical Center ang isa babae, makaraang masagasaan ng pampasaherong jeep sa Malate, Manila iniulat ng pulisya.

Nakilala ang biktimang si Christina Flores habang sumuko naman sa nakasasakip na presinto sa Manila Police Station 9 si Nerio Jumawan, ng 2467 Coral St.,Sta. Ana,Manila.

Sinasabi na kukuha lamang ng sweldo sa banko ang biktima nang maganap ang aksidente.

Batay sa ulat ni P/Staff Sgt.Gregory Catalan na isinumiti kay P/Capt.Jaime Gonzales, hepe ng Investigation Section ng MPD-Traffic Enforcement Section, bandang alas-2:00 ng hapon ng Sabado,nang maganap ang aksidente sa panulukan ng Singalong at Estrada Sts. sa Malate.

Sa report ng pulisya, habang tumatawid si Flores sa Estrada St.nang bigla umanong lumiko ang isang pampasaherong jeep (PYD-118) na minamaneho ni Jumawan at masapol ang biktima.

Tumagal pa ng ilang minuto sa ilalim ng jeep ang biktima at pahirapan pa itong maialis ng mga taumbayan na sumaklolo. Naisugod sa nasabing pagamutan si Flores pero kalaunan ay binawian ito ng buhay.

Dahil dito ,nahaharap sa kasong Reckless Imprudence Resulting to Homicide

si Jumawan na nagtangka pang tumakas kundi naharang ng taumbayan.

 

Please follow and like us:
Read More

6 SAF TRAINEE NAKURYENTE SA KAMPO

saf21

(NI NILOU DEL CARMEN)

OSPITAL ang binagsakan ng anim na trainee ng PNP SAF Commando nang ang mga ito ay makuryente sa kanilang training camp sa Calatagan,  Batangas, nitong Sabado.

Ayon sa report ng Batangas Provicial police office, apat sa mga ito at nagtamo ng mga sugat sa iba’t bahagi ng katawan samantalang dalawa sa mga ito ang nagtamo ng mga minor injuries.

Ginagamot pa ang apat  sa Metro Balayan Balayan Medical Center na sina Patrolman John Gardoce,  John Efren Cachero,  Ian Mariano at Pat.  Nathaniel Danga.

Nasa Don Manuel Lopez Memorial Hospital naman sina Pat. Gary Tan at Michael Villaester.

Batay sa report, nagsasagawa ang mga biktima ng water pump sa SAF training camp sa Barangay Talibayog alas 5:30 ng hapon,  nang tumama ang hawak ng mga itong bakal na tubo sa linya ng kuryente.

Matatandaang isa ring kasamahan ng mga itong SAF trainee ang nasawi noong nakaraang linggo matapos na ito ay malunod sa dagat.

 

 

Please follow and like us:
Read More

14-ANYOS ‘CARNAPPER’ ARESTADO

arrested12

(NI MAC CABREROS)
LALONG tumindi ang kahilingan na ibaba ang minimum age of criminal liability ng menor de edad.

Ito’y matapos maaresto ng awtoridad ang 14-anyos na itinago sa pangalang ‘CP’ na nangarnap ng isang motorsiklo sa Pasig City.

Narekober naman ang motorsiklo ni Dariush Maneses, 40, ng 15 M B Tanangco St. Brgy. Buting, nasabing lungsod.

Alas-2:45 ng madaling araw ng Linggo nang maaresto si ‘CP’ sa Brgy. Buting at umaming siya ang nagnakaw sa motor ni Meneses at dinala sa J.P. Rizal, Makati.

 

Please follow and like us:
Read More

WE ARE PAID TO WAIT –EDDIE GARCIA

eddie12

ang kulit ni Lolit(NI LOLIT SOLIS)

DITO mo talaga nakikita kung gaano kamahal ang isang tao, kapag marami
ang nagdarasal para sa yo.

Talagang dagsa ang post ng mga taga-showbiz na ipagdasal si Eddie Garcia.

Nakikita mo talagang well-loved siya dahil ang daming nag-aalala sa kanya nang napabalita ang nangyari sa kanya sa taping ng bagong drama series ng GMA 7 na Rosang Agimat.

Kasali pa naman diyan ang alaga kong sina Tonton Gutierrez at Amy Austria.

Alam ko si Manoy Eddie ang ama diyan ni Tonton. Marami silang mga eksena, pero nung nakaraang Sabado hindi kasali si Tonton sa taping.

Dapat meron silang taping ngayong Lunes, pero sinabihan na kaming mapa-pack up munat humihingi pa ng dagdag na dasal para sa agarang paggaling ni Manoy.

Sa totoo lang, hindi naman kailangan ni Manoy na magtrabaho eh.

Sabi nga ng mga staff, hindi raw sa pera yan para kumita.

Gusto lang talaga niyang magtrabaho dahil iyun ang nagpapalakas sa
kanya.

Silang dalawa ni Gloria Romero ang hindi pa talaga tumitigil sa trabaho kaya nakakabilib din ang lakas nila talaga.

Nakatutuwa pa nga ang professionalism nilang dalawa. Kay Manoy Eddie ko nga narinig yang linyang “we are paid to wait”. Kaya hindi siya nagrereklamo kapag naghihintay siya sa taping o shooting.

Sa ngayon ay marami pa rin ang nag-aabang sa latest update kay Manoy Eddie, at naglabas na nga ng statement ang pamilya. May mga nagkakalat na kasi ng kung anu-anong balita tungkol sa kanya.

Hindi rin ganun kalinaw kung heart attack ba talaga o aksidenteng napatid siya sa sa kable dun sa set. Kasi kumalat naman yung video ng eksenang kinukunan nang natumba siya.

Hintayin na lang siguro natin ang statement mula sa GMA 7 kung ano talaga ang totoong nangyari doon sa set ng Rosang Agimat.

Sana malagpasan ito ni Manoy Eddie dahil sinasabi niya yan noon pa sa mga interviews na gusto pa niya talaga magtrabaho.

     INSIDE STARSTRUCK STARTS TODAY WITH KYLINE AS HOSTESS

Sa June 15 na pala magsisimula ang Starstruck at marami na ang nag-aabang dahil bago ang line-up ng mga judges na sina Heart Evangelista, Cherie Gil at Jose Manalo.

Pero ngayong araw ay magsisimula na ang online show ito na tinawag nilang Inside Starstruck.
Si Kyline Alcantara ang host nito at tuwang-tuwa nga ang young actress dahil sa kanya raw ito ipinagkatiwala.
Dito sa Inside Starstruck nyo mapapanood ang mga auditons at mga interview ng mga Starstruck hopefuls.

Mapapanood ito sa official You Tube channel ng naturang programa.

Dito mapapanood ang mga behind the scenes at highlights ng talent-reality search na ito.
Kaya mag-subscribe na kayo sa You Tube channel nitong Starstruck para masubaybayan nyo ito.

Bongga naman ang mga nag-audition, lalo na yung mga natirang finalists kaya abangan nyo na yan.

Ngayong araw ang mediacon ng Starstruck, pero ang mga hosts na sina Dingdong Dantes at Jennylyn Mercado, pati mga judges ang haharap. Hindi pa yata yung mga finalists.

Abangan na lang!

 

Please follow and like us:
Read More

LALAKI TIGOK SA SUNTOK

crime200

(NI NILOU DEL CARMEN)

NASAWI ang isang lalaki matapos malusutan ng suntok sa ulo ng kanyang nakasuntukan sa Biñan City, nitong Sabado.

Dead on arrival sa Ospital ng Binan ang biktimang kinilalang si Joey Berroya samantalang tumakas ang suspek na si John Paulo Delejos.

Batay sa report ng Binan City police, sa hindi malamang dahilan, nagkaroon muna ng mainitang pagtatalo ang dalawa nang magkatagpo sa Barangay Timbao mag-alas-7:00 ng umaga.

Nauwi sa suntukan ang away ng dalawa hanggang sa tamaan ng isang solidong suntok sa ulo ang biktima.

Nawalan ito ng malay kaya agad itong itinakbo sa ospital subalit nasawi habang nasa daan.

Pinaghahanap na ngayon ang suspek at inihahanda na rin ang kaso laban dito.

Please follow and like us:
Read More

TRAHEDYA NG PAMAMANHIKAN; 2 IKAKASAL, 11 PA, PATAY, 25 SUGATAN 

accident121

(UPDATED)

(NI JESSE KABEL)

NASA 13 katao na ang iniulat na nasawi habang 25 ang sinasabing sugatan nang mahulog sa bangin ang truck na sinasakyan ng magkasintahang ikakasal at mga kamag-anak na kasamang namanhikan sa lalawigan ng Camarines Sur.

Sa ulat ng Camarines Sur PNP at local disaster risk reduction management office, mula sa naunang ulat na walo tao ay umakyat na sa 13 ang bilang ng nasawi nang mawalan ng preno ang sinasakyan nilang truck sa Brgy. Tagpocol, San Fernando, Camarines Sur.

Sinasabing biglang mawalan ng preno ang truck habang binabaybay ang pababang bahagi ng lugar at nagtuluy-tuloy itong bumulusok.

Lima sa mga biktima ang naitalang dead on the spot habang ang iba ay binawian na ng buhay nang itakbo sa ospital kabilang ang magkasintahan na ikakasal.

Sa inisyal na impormasyon, lulan ng truck ang ikakasal na magkasintahan at mga kaanak nito mula sa pamamanhikan sa Barangay San Joaquin nang mawalan umano ng preno ang truck at bumangga sa kahoy hanggang nahulog sa bangin.

Inaalam pa ng awtoridad ang mga pagkakakilanlan ng mga biktima kasabay sa beripikasyon sa tunay na bilang ng mga nasawi at sugatan na itinakbo sa ibat ibang pagamutan.

Please follow and like us:
Read More

QCPD HANDA NA SA PAGDAKIP SA MAY-ARI NG WELLMED

welmedd

NAKAALERTO ang Quezon City Police District sa pag-deploy ng mga tauhan para arestuhin ang may-ari ng WellMed Dialysis Center sa nabuking na ‘ghost dialysis’ sa Philhealth kung saan umabot sa bilyong pisong halaga ang pinekeng ‘claims.

Sinabi ni QCPD director Brigadier General Joselito Esquivel na gayung wala pang kautusan sa pag-asiste mula sa National Bureau of Investigation (NBI) , nakahanda na umano ang mga operatiba anumang oras magka-go signal ang NBI.

Nasa Quirino Avenue, Novaliches, Quezon City ang naturang dialysis center.

Mahaharap ang mga may-ari nito sa estafa.

Nauna nang ikinapikon ni Pangulong Rodrigo Duterte ang paglaki ng claims na sa P164-B

sa Philhealth.

Hinihinala ring nagkakaroon ng sabwatan sa pagitan ng ahensiya at ng dialysis center para makubra ang mga claims kahit patay na ang pasyente.

Sa harap nito, mahigpit namang pinabulaanan ng WellMed ang nabunyag na anomalya.

Nabuking ang operasyon matapos lumutang ang dalawang empleyado ng dialysis center at ikanta ang ginawang anomalya.

Iniutos agad ng Pangulo ang pag-aresto sa may-ari gayundin ang pagtanggal ng maskara sa mga opisyal at kawani ng Philhealth.

Iniutos na din ng Pangulo ang malawakang balasahan sa ahensiya.

Please follow and like us:
Read More

BGY. TREASURER PATAY SA RIDING IN TANDEM

crime55

PATAY ang municipal treasurer ng Occidental Mindoro sa riding in tandem sa bayan ng Sta. Cruz, Sabado ng gabi.

Sakay ng kanyang motorsiklo ang biktimang si Reydante Bernardo De Lara, 53, ng Sta. Cruz, Occidental Mindoro, nang pagbabarilin ng mga suspect na lulan din ng motorsiklo bandang alas-6:30 ng gabi.

Namatay noon din ang biktima.

Nabatid na pagdating sa national road ng Barangay Mulawin ay biglang niratrat ang biktima ng mga suspect na naka-bonet.

Patuloy ang isinasagawang imbestigasyon sa pagtugis sa mga gunman.

 

Please follow and like us:
Read More

TARA, LARO TAYO! BALIKAN ANG LARONG PINOY

VIDEO GAME ADDICTION-2

(Ni Dan Salcedo / Ikalawang  bahagi)

PAKINABANG NG VIDEO GAMES

PINATATAAS nito ang pagtalas ng pag-iisip. Ang paglalaro ng video o digital games ay nagpapaunlad  ng lohikal na galing ng mga bata sa pangangatwiran.

Pinagbubuti ang kilos at galaw. Isa sa pinakamatandang bentahe ng teknohiya ay ang paglalakad sa koordinasyon ng mata at kamay ng mga bata. Ang regular na pagsasanay ay magpapaganda sa kasanayan ng mga galaw na maaaring makatulong sa bata na magtagumpay sa mga pag­lulunyagi.

Walang limitasyon ang makabagong mga laro at nakatutulong ito na matuto ang mga bata ng bagong teknolohiya.

VIDEO GAME ADDICTION, ISA NANG SAKIT SA PAG-IISIP

Itinuturing na ng World Health Organization (WHO) na isang mental health disorder ang pagkalulong sa digital gadgets at video gaming at idinagdag na ang kondisyon sa  International Statistical Classification of Diseases and Related Health Problems o ICD-11, na magiging epektibo sa Enero 2022.

Ang ICD ay basehan sa pagtukoy ng kalakaran at istatistika sa buong mundo at international na pamantayan para sa pag-uulat ng mga sakit at kondisyon ng kalusugan. Ito ay ginagamit ng mga medical practitioner sa mundo upang masuri ang mga kondisyon at ng mga nagsasaliksik upang mabigyan ng kategorya ang mga kondisyon.

Ang gaming disorder, ayon sa depinisyon ng WHO,  ay naglalarawan ng mga indibidwal na walang ginawa kundi maglaro at wala nang atensyon o interes sa ibang aktibidad.

Ang pagbibigay ng interes sa paglalaro kesa ibang aktibidad,  kawalan ng kontrol sa paglalaro at hindi matigil na paglalaro sa kabila ng masamang epekto nito ay sintomas ng gaming disorder.

Ngunit hindi nangangahulugan na ang laging naglalaro ay may gaming disorder na.

Ayon sa eksperto sa mental health ng WHO, maliit na bilang lang ng indibidwal na naglalaro ng video games ang magkakaroon ng problema sa pagkalulong.

DESISYON NG WHO, INALMAHAN

Tinuligsa ng mga health official at mga kinatawan ng industriya ng video game ang hakbang ng WHO.

Ayon sa kasulatan ng internasyonal na grupo ng mga mental health researcher,    wala pang sapat na pananaliksik na gumagarantiya sa klasipikasyon ng gaming disorder..

Inirekomenda naman ng American Psychiatric Association ang higit pang pananaliksik sa nasabing isyu matapos silang  magpahayag na wala pang sapat na katibayan para ituring ang pagkalulong sa laro bilang kakaibang sakit sa pag-iisip.

Hiniling naman ng mga grupo ng video game sa WHO na muling pag-isipan ang kanilang desisyon.

BAKIT MAHALAGA ANG LARO NG LAHI?

Ang mga larong Pinoy tulad ng tumbang preso, bahay-bahayan, taguan, sipa, at mga katulad nito ay mahalagang simbolo sa maraming Filipino lalo na sa mga isinilang noong 60s, 70s at 80s. Ang mga katutubong laro ng ating lahi ay nagbibigay ng masayang alaala sa halos karamihan ng Pilipino, lalo na noong hindi pa uso ang mga modernong laruan tulad ng video games. Maraming kwento ang mga magkakaibigan tungkol sa mga laro na nagpatibay lalo ng kanilang samahan at pagkakaibigan. Naaalala ng mga kabataan noon na ngayon ay pawang mga magulang na kung paano sila naging bida sa mga laro, kung paano silang naging “patotot”, kung sino sa kanilang magkakalaro ang laging balagoong na kapag napag-uusapan sa panahon ngayon ay nagdudulot ng ngiti sa mga labi, tuksuhan ng mga magkakaibigan at minsan ba­gaman nakakapikon ay nagi­ging masayang alala sa isipan. Sa pakikipaglaro sa kapit-bahayan nabubuo ang samahan at ala-ala ng magkababata.

Ginintuang ala-ala ang dala ng mga larong ito. Ito ang nagbibigay buhay sa mga kumunidad. Ito rin ay isa sa mga nagbibigay lalim sa samahan ng mga magkababata.

Sabi ni Sen. Win Gatcha­lian, marami sa mga estudyante na kapag tinanong kung ano ang paboritong asignatura, sinasabi ng mga ito na Math o Science pero mas marami ang nagsasabi na Physical Education.

Ang laro ng lahi ay puwedeng-puwede na maging bahagi ng PE sa mga paaralan upang hindi ito mamatay o mawala tulad nang nangyayari sa panahong ito dahil mas nakakahiligan ng mga bata ang paglalaro ng video games.

Ayon sa mambabatas, pagkatapos ng mahabang oras nang pakikinig sa mga guro, pagbabasa at pagsusulat ng leksyon, kailangan din ng mga estudyante ang balanseng gawain tulad ng isports o laro.

Kasi nga naman, bukod sa saya na dulot nito sa mga bata ay maraming benepisyo ito sa kalusugan. Ngayon, marami sa mga bata ang hindi maayos at malusog ang pangangatawan dahil halos hindi nasisikatan ng araw dahil natutuon ang pansin sa computer at iba pang gadyet na kanilang pinag-uukulan ng pansin at halos hindi na kumakain.

Sabi nga ni Sen. Gatcha­lian, ang paglalaro ng sports ay isang paraan ng pangangalaga ng katawan at pagpapaunlad ng pangangatawan ng mga kabataan.

Iginiit ng dating alkalde ng Valenzuela na dapat bigyang diin ng ng P.E. at  Health tea­chers na maging aktibo sa athletics o sports ang kanilang mga mag-aaral habang sila ay bata pa kaya ang pagtuturo ng P.E. subject ay dapat magsi­mula sa nursery.

IMPORTANSIYA NG LARONG PINOY

Nagpapalakas sa resis­tensiya upang ma­ging mahusay at makaiwas sa sakit.

Humuhusay sa pag-iisip at mabilis makapagbigay ng solusyon sa problema.

Aktibo at praktisado ang utak.

Malakas ang loob sa pakikisalamuha at pakikibagay.

Nakatatanggal ng stress.

Bukod dito, may limang prinsipyo ang pag-eehersisyo upang maging matatag sa pagla­laro ang bata:

Overload—walang humpay na pagsa­sanay na pabigat nang pabigat hanggang sa maging pamilyar na ang katawan.

Progression—patuloy na pag-angat ng hirap at bigat ng gawain.

Specificity—pagtukoy ng paraan ng ehersisyo.

Variation—paggamit ng iba’t ibang estilo sa ehersisyo.

Reversibility—kapag masakit ang ka­tawan sa ehersisyo, pansamantalang ihinto, tukuyin ang pinanggagalingan at magpaga­ling.

Napakaraming estud­yante ang interesado na maging parte ng sports team, ngunit, hindi nakasasali ang iba dahil sa problema sa ma­hinang pangangatawan, kakulangan sa taas o hindi sapat ang bilis at lakas sa pagkilos.

Ang mahalaga, may kaakibat na respon­sibilidad at disiplina sa sarili, sa loob at labas ng klasrum. Patuloy nating hikayatin at supor­tahan ang kabataan sa paglalaro!

BUHAYIN ANG LARO NG LAHI

Makabago na ang teknolohiya,  subalit hindi dapat kaligtaan ang mga tradisyonal o larong Pinoy na sumasalamin sa tradisyon at kultura ng mga Pinoy tungkol sa halaga at kaligayahan ng pagiging bata.

Mananatili sa ala-ala ang masayang yugto ng pagkabata. Ito ang magpapangiti sa matatanda kapag sinariwa ang nakalipas.

Ang sulyap sa mga nilaro ay kahapon na nagpapaningning sa karugtong na ngayon..

Nagpasaya sa nagdaang mga henerasyon.

Dapat lang buhayin ang mga tradisyonal na laro – ang laro ng ating lahi.

Please follow and like us:
Read More

MAIBA KAYA ANG PANGAKO NI MAYOR ISKO?

RATSADAHIN NATIN

THROWBACK muna tayo. Taon 1998-2001 nang maging konsehal ng Maynila si Isko Moreno. Na­ging vice mayor siya ni Lim noong 2007-2013. May 2012, hinikayat siya ni Estrada na maging running mate nito sa pagtakbong alkalde ng lungsod. Sabi sa kanya ni Estrada, one term lamang ito at ‘di na muling tatakbo sa mga darating pang mayoral race. Nag-bise nga siya kay Estrada noong halalan ng 2013. At kapwa sila nagwagi sa May 13, 2013 elections.

Pero ang pangako kay Moreno ni Estrada na “one term” lang na magme-ma­yor ay hindi nito tinupad. Kaya naman marahil nang panahong iyon ay napilitan siyang tumakbong senador para lamang hindi siya mawala sa limelight. Sa panunungkulan nina Lim at Estrada bilang alkalde ng Maynila ay nabansot ang kanyang political career.

oOo

Mauupo na si Isko Moreno bilang alkalde ng Maynila sa darating na June 30. Sa wakas ay natupad na rin ang matagal na niyang pangarap na maging mayor ng lungsod. Tinalo kasi niya noong nakalipas na May 13 elections sina ex-President Mayor Erap Estrada at ex-Mayor Alfredo Lim. Sabi-sabi, inilampaso raw niya sa botohan ang dalawang tanders. Ang kanilang iskor: Moreno — 357,925; Estrada — 210,605; at Lim – 138,923.

Ayon sa nakasalamuha nating mga miron na sumubaybay sa nakaraang mayoral race sa Maynila, masakit daw para kay Moreno ang pagkabigo matapos siyang magpaubaya at magbigay-daan noon  kina Lim at Estrada  na kapwa tumakbong alkalde ng lungsod. Ang malakas na isinisigaw ng kanyang damdamin ay tila na-feel umano ng mga botanteng Manileño. Hayun, siya na ngayon ang nasa dating pwesto nina Lim at Estrada.

Teka… Sa panahon ng mga pangangampanya noon ni Moreno ay marami siyang ipinangako sa mga Manileño. Aniya, pagtutuunan ng kanyang admi­nistrasyon ang nauukol sa usaping pang-edukasyon, pagkakaloob ng maayos na pabahay at serbisyong pangkalusugan sa mga mamamayan, tutugunan din ang problema sa trapiko at basura, at kung ano-ano pa.

Pero kasabihan nga, ang bottom line ng lahat ng kandidato na pumapaloob sa political arena ay ang maipanalo ang kanilang laban. Kaya syempre pa, pati na ang langit ay ipangangako nila sa panunuyo sa mga botante.

Maiba kaya ang mga pangako ni Mayor Isko sa tinatawag na pangakong politiko? Well, tsapter muna tayo. (RATSADAHIN NATIN / REY ATALIA)

Please follow and like us:
Read More

PAGPAPALA SA MATUWID

PINOY ABROAD

FOR You, O LORD, will bless the righteous; with favor you will surround him as with a shield. Psalm 5:12 NKJV

Ayon kay David, the Lord will bless the righteous. Ang tanong sino ang righteous o matuwid? Sila ba ‘yung mga tao ‘who walk in sinless perfection’?

Maging si David ay sinasabi na, “There is none who does good, No, not one.” Walang taong hindi nagkakamali o nagkakasala.

Sa katunayan nito, si David ay hindi rin papasa sa sinasabing bless the righteous. Dahil siya mismo ay mayroong mala­king kasalanang nagawa sa buhay.

Ayon kay Apostol Pablo, ang actual point of view ni David, o ang tinutukoy niyang matuwid ay yun mga nagkasala pero napatawad. ‘Gaya naman ng sinasambit ni David na kapalaran ng tao, na sa kaniya’y ibinibilang ng Dios ang katuwiran nang walang mga gawa’ (Romans 4:6).

Ang tinatalakay na­ting verse sa araw na ito ay nagpapahayag na binibiyayaan ng Diyos ang mga nagkasala at kanyang napatawad at sila iyong mga itinuturing na righteous o matuwid.

Ano naman ang blessings ng mga righteous? Sa Bible ay nagbanggit ng napakaraming halimbawa na hindi magkakasya sa espasyo ng column ko.

Sa Psalms 84:11, the sons of Korah sum them all up by saying, “Sapagka’t ang Panginoong Dios ay araw at kalasag: ang Panginoo’y magbibigay ng biyaya at kaluwalhatian: hindi siya magkakait ng anomang mabuting bagay sa nagsisilakad ng matuwid.

Ang matutuwid, sa madaling salita, ay pinagpapala anoman ang kanilang pangangailangan.

Ang ating verse ngayon ay nagpapahayag ng partikular na blessing na tinatanggap ng mga matuwid. Sila ay napalilibutan ng mga pabor na nagsisilbing kalasag (shield).

Kalasag na magsisilbing proteksyon sa kanila sa sandali ng labanan.

Gayundin ang Panginoon Diyos na siyang nagbibigay ng kalasag sa isang taong matuwid upang ma­ging ligtas siya at protektahan sa anomang panganib sa buhay. Kung ang tao ay may favor ng Panginoon then good things happen to that person anoman ang pangyayari.

Isang halimbawa nito ay si Noah. Sa panahon ng malaking pagbaha, siya at kanyang pamilya ay may nakamit na pabor sa Panginoon at sila ay naligtas sa kapahamakan (Genesis 6:8).

Ang matuwid ay tumatanggap ng favor katulad ni Noah hindi dahil sila ay hindi nagkakasala, bagkus dahil sila ay humingi ng kapatawaran sa kanilang mga kasalanan. Tandaan natin, na ang Panginoon ay hindi tumitingin sa mga self-righteous with favor, kundi sa mga taong “humble and contrite in spirit” (Isaiah 66:2).

Sa oras na ito, tayo’y lumapit sa Panginoon Jesus na may mapagkumbaba at nagsisising diwa, katulad ng Psalmist sa kanyang panalangin, “I entreat your favor with all my heart, be gracious to me according to your promise” (Psalm 119:58). (givalencia777@gmail.com)  (PINOY ABROAD / GUILLER VALENCIA)

Please follow and like us:
Read More

‘NBI OFFICER’ ALYAS ELYWIN, BOSS NG SAKLAAN SA CAVITE

BAKBAKAN NATIN

KAPAG opisyal o ahente ng National Bureau of Investigation (NBI), dapat sumusunod at ipinatutupad ang lahat ng batas sa bansa.

Ang lahat ng opisyal at ahente ng NBI ay inaasahan ng mamamayan na hindi gagawa ng masama, lalo na iyong ipinagbaba­wal ng batas.

Dapat hindi guma­gawa o pasok sa iligal na negosyo.

Ngunit, tila balewala ito sa isang taong nagpapakilalang “NBI officer” daw siya.

Isang alyas “Elywin” na ayon sa intelligence report ng Philippine National Police (PNP) sa Cavite ay isang “NBI officer” na boss ng mga saklaan o saklang-patay sa limang bayan sa Cavite.

At isang alyas “Eric” ang kasosyo ni alyas Elywin sa negosyong saklaan.

Ang saklang-patay nina alyas “Elywin” at alyas “Eric” ay matatagpuan sa Kawit, Noveleta, Rosario, Tanza at Amadeo na pare-parehong makikita sa Cavite.

Opisyal sa NBI, may negosyong saklaan sa mga patay?!

Pokaragat na ‘yan!

Bukod sa mga iligalidad na ginagawa nina alyas Elywin at alyas Eric sa limang bayan (limang bayan ha!) sa Cavite, namamayagpag din ang pa-color games ni alyas Baby Mapanganiban sa GMA na ang poste ay si alyas “Boknoy.”

Napakatagal na ng iligal na pasugalan ni alyas Baby, pero hindi ipinatitigil ng hepe ng GMA.

Ganoon din ang pergalan ng isang Jason P. na nakabase rin sa GMA.

Hindi rin patatalo ang pergalan ni alyas “Atienza” sa Imus.

Itong pergalan ni alyas Atienza ay hindi rin ipinatitigil ng pulisya ng Imus, kaya hindi kalabisang sabi­hing puwesto pijo ito.

Ang masama rito ay ginagawang pugad ng mga sugapa sa shabu ang nasabing pergalan.

Sa Dasmariñas naman ay napakatalamak ng bookies ng STL at karera nina alyas “Jun” at alyas “Toto.”

Kontrolado rin ng da­lawang ito ang loteng, EZ 2 at ending na kahit saang anggulo tingnan ay iligal na sugal.

Ang tindi pala nitong sina alyas Jun at alyas Toto sa rami ng pinatatakbong iligal na sugal.

Nagkalat din ang mga pergalan at saklaan sa Gen. Trias.

Kung iikutin ang mga lungsod at bayan sa Ca­vite ay mayroong iligal na sugalan, ngunit hindi ipinasasara ng mga kinauukulan.

Kaya, tiyak mayroong kumikitang mga opisyal mula sa mga gambling lord sa Cavite.

Ang masama, karamihan sa iligal na pasugalang ito ay mistulang prente ng iligal na droga.

Kaya, hindi kalabisang sabihing napakatalamak din ng iligal na droga sa maraming lungsod at bayan sa Cavite.  (BAKBAKAN NATIN / NELSON BADILLA)

Please follow and like us:
Read More

TRUCK NG SAN FERNANDO GOV’T TUMAOB; 8 PATAY!

CAMSUR12

(NI JG TUMBADO)

WALO ang patay habang nasa 35 ang nasugatan na pawang sakay sa naaksidenteng utility truck na pag-aari ng lokal na pamahalaan ng San Fernando sa Camarines Sur.

Ayon kay Police Colonel Roderico Roy Junior, director ng Camarines Sur Provincial Police Office, dakong alas-5:20 ng hapon ng Sabado nang madisgrasya ang trak sa bahagi ng Barangay Tagpocol ng nabanggit na bayan.

Lumabas sa paunang imbestigasyon na binabagtas ng trak ang pababang bahagi ng mabundok na daan sa nasabing barangay nang mawalan umano ng preno.

Lima sa mga biktima ang agad na namatay sa aksidente habang sa ospital na pumanaw ang iba pa.

Natukoy ang pagkakakilanlan ng mga kumpirmadong nasawi na sina Ailene Pelaez – Mirasol, 45; Ramona Pelaez – Mirasol, 53; Pedro Pelaez; Victoria Delos Reyes; Shierwin Mendoza, 18; Marvin Chavez; Erwin Mendoza at isang nagngangalang Walastik.

Naisugod na sa ospital ang mga sugatang biktima habang nagpapatuloy pa ang imbestigasyon ng pulisya sa insidente.

Please follow and like us:
Read More