DEADMA SI BF; DALAGITA LUMAKLAK NG BLEACHING AGENT

suicide

(NI FRANCIS SORIANO)

DAHIL sa pag-ibig, kasalukuyang inoobserbahan ngayon sa Valenzuela Medical Center ang isang dalagita makaraan tangkahin nitong magpatiwakal sa pag-inom ng bleaching agent, Biyernes ng hapon sa Valenzuela City.

Kinilala ng awtoridad ang biktima na si ‘Katya’ di tunay na pangalan, Grade 7 student.

Ayon sa inisyal na imbestigasyon dumaranas umano ng depresyon ang biktima dahil sa patuloy na pagdeadma ng kanyang boyfriend.

Bandang alas-2:00 ng hapon, bumili ito ng bleaching agent sa tindahan saka ininom pagdating sa kanilang tirahan.

Tiyempo namang naroon ang boyfriend ng biktima at nakita niyang kinakapos at hinahabol na ng paghinga ang dalagita kaya’t mabilis niya itong isinugod sa naturang pagamutan kung saan patuloy na inoobserbahan

 

 

Please follow and like us:
Read More

HAWAK-KAMAY NANG MAKITA; 3 ESTUDYANTE NALUNOD

NILUNOD

(NI JG TUMBADO)

TATLONG mag-aaral ang nasawi makaraang malunod ang mga ito habang naliligo sa ilog malapit lamang sa kanilang paaralan sa Itogon, Benguet.

Batay sa impormasyon mula kay Major Carol Lacuata, Public Information Officer ng Provincial Regional Office ng Cordillera Administrative Region, nangyari ang trahedya sa Sitio Calew, Barangay Dalupirip, Biyernes ng umaga.

Wala nang buhay nang marekober ang labi ng mga biktima na sina Kyla Mae Fernandez, Grade 9 student; Dickzy Mae Catos, Grade 7 student at Angel Hernandez, Grade 9 student na pawang mag aaral sa Blessed His Place Academy Incorporated.

Sa inisyal na imbestigasyon, nagtungo umano sa ilog ang tatlo upang maligo nang ang isa sa kanila ay malunod.

Sinubukang sagipin ng dalawa ang kasamahan, pero dahil hindi rin marunong lumangoy ay magkakasama na silang nalunod.

Natagpuan ng mga awtoridad ang tatlo na magkakahawak pa ang kanilang mga kamay.

Please follow and like us:
Read More

SEX, SHABU ALOK NG BEBOT SA CUSTOMER

arrestwomen12

(NI ROSS CORTEZ)

HINDI nag-aksaya ng oras ang mga operatiba ng Cavite Provincial Intelligence Branch at agad nilusob ang room 21 ng isang motel sa Barangay Talaba 7 sa lungsod ng Bacoor, Cavite, ala-1:00 ng madaling araw ng Sabado.

Arestado ang pangunahing suspek na si Jocelyn Martinez, Ashly, 27, na nakacheck-in sa nasabing motel room kasama ang poseur-buyer na ipinain ng mga operatiba sa kanya.

Sa planadong buy-bust operation laban sa suspek na kilalang tulak ng droga at nagbebenta ng panandaliang aliw, napagkasunduan na magchecheck-in sila ng umaktong poseur-buyer

Habang hinihintay ang isa pang drug suspect na si Jayson Alejandro, 18, na magdadala ng shabu na ibebenta ni Ashly sa operatibang poseur-buyer.

Kaya naman nang dumating si Alejandro sa room 21, ibinigay nito ang shabu kay Ashly na ibinenta rin agad sa kasama niyang poseur-buyer sa loob ng kwarto ang shabu kapalit ng P200.

Kaya agad na silang inaresto ng iba pang mga operatiba na nakaabang sa ibaba ng motel

Sa panayam, hindi itinanggi ni Ashly na nagbebenta siya ng droga sa mga nakaka sex niyang customer, habang si Alejandro, itinuturo ang kanyang kuya na siya umanong tulak ng droga at nag-utos sa kanya na ihatid ang shabu kay Ashly sa motel.

Sa kabuuan, nasa 7 gramo ang timbang ng narekober na mga pakete ng shabu, kasama ring nabawi ang P200 buy bust money

Nahaharap ang mga naarestong suspek sa reklamong paglabag sa RA 9165.

 

 

Please follow and like us:
Read More

EDDIE GARCIA KRITIKAL SA ‘SEVERE HEART ATTACK’

eddie garcia12

(NI HARVEY PEREZ)

PATULOY na inobserbahan at nasa kritikal na kondisyon ang beteranong aktor na si  Eddie Garcia matapos mag-collapse sa kasagsagan ng taping  ng isang teleserye ng isang TV network, Sabado ng hapon sa Tondo, Maynila.

Nalaman na  dumanas ng atake sa puso  ang 90-anyos na aktor  bumagsak habang tumatakbo sa isang action scene sa   taping ng “Rosang Agimat” ng GMA-7, sa Tondo, Maynila pasado alas-3:00 ng hapon.

Kinumpirma  ng kaanak ni Garcia na malubha man ang kalagayan ng aktor ay ginagawa naman ng mga doktor sa isang hospital sa Quezon City ang lahat para mailigtas.

Himingi din ang mga kaanak ni Garcia ng panalangin  sa mga fans at mamamayan para sa aktor.

“Manoy Eddie Garcia was at a taping this Saturday morning when he suffered from a severe heart attack. He is still under critical observation and all his doctors are doing their best to assure that he gets the best care. Our family would like to extend our sincerest gratitude to all those who have expressed concern and extended prayers. Please continue praying for Tito Eddie’s fast recovery. At 90, he is still doing what he loves most, acting. He is a pillar of the industry and is very passionate about his craft. We would like to request his fans and everyone to pray with us so he could get better the soonest time possible. Thank you. ” ayon sa opisyal na pahayag ng kaanak ng aktor.

Si  Garcia ay matagal na lumabas  sa “Ang Probinsiyano” ng ABS-CBN at sa pagbabalik sa GMA7 ay unang proyekto nito ang “Rosang Agimat” kasama sina Gabbi Garcia, Chanda Romero, Tonton Gutierrez, Thea Tolentino, Gil Cuerva, Jeric Gonzales, Kristoffer Martin, Luz Valdez, Aubrey Miles, Victor Neri, Roi Vinzon at Betong Sumaya.

Please follow and like us:
Read More

COAST GUARD BIGO PA RIN SA NAWAWALANG DIVER

tubbataha12

(NI HARVEY PEREZ)

HINDI pa rin natatagpuan ng mga elemento ng  Philippine Coast Guard (PCG), ang nawawalang diver   matapos na sumisid sa bahagi ng Tubbataha Reef sa Palawan noong Lunes.

Gayunman, patuloy na umaasa ang pamilya ng diver na si  Bryan Nazareno na buhay pa ito  matapos mag-dive sa Amos Rock sa bahagi ng Tubbataha Reef.

Si Nazareno ay kasama ng grupo ng photographer divers  na nag dive sa 150 feet lalim para kumuha ng larawan underwater.

Nang magsiahon dakong alas 4:00 ng hapon hindi na nakita ng grupo si Nazareno.

Nalaman na may 20 taon na nagda-dive si Nazareno.

Nagsagawa nitong Sabado ng pagpupulong ang Joint Task Force Integrated Crisis Action Response to Emergencies (I-CARE) ng Western Mindanao Command sa Puerto Princesa para talakayin ang resulta ng ginagawang search and rescue operation para sa nawawalang diver na si  Nazareno.

Habang patuloy  pa rin  ang isinasagawang air, underwater and sea surveillance ng search and rescue task force para hanapin si Nazareno.

 

Please follow and like us:
Read More

PARAK HULI SA PAGTUTULAK NG SHABU

arrested124

(NI JESSE KABEL)

ARESTADO ang isang police corporal sa ikinasang buy-bust operation ng kanyang mga kabaro sa Barangay Basak Pardo sa Cebu City, Biyernes ng gabi.

Pansamantalang hindi kinilala ng  Cebu City Police Office ang nadakip na pulis dahil sa ikinakasang follow-up operation laban sa hinihinalang source ng shabu ng nasabing pulis.

Sa ulat ng Cebu City PNP, Biyernes kamakalawa ng gabi inilunsad ng mga tauhan ng CCPO Station 7 ang  operasyon laban

Sa kanilang kabaro matapos na magpositibo ang kanilang test buy.

Kasunod ng isinagawang buy-bust operation laban sa target na pulis ay nakumpiska ng mga awtoridad ang may 15 gramo ng hinihinalang shabu na tinatayang nagkakahalaga ng P120,000 at P27,000 cash.

Nakumpiska rin ng awtoridad ang service firearm ng suspek na pulis, kasama ang magazine at mga bala nito.

Base sa record ng Cebu City Police Office (CCPO), kabilang sa drug watchlist ang pulis na taga-Barangay Sawang Calero.

Pansamantalang nakakulong ang pulis sa CCPO detention cell.

 

Please follow and like us:
Read More

LALAKI SINAKSAK; KUTSILYO INIWAN NAKATARAK SA LEEG

crime34

(NI JESSE KABEL)

TULUYAN nang hindi nagising ang isang trike driver nang tarakan sa leeg habang natutulog sa loob ng isang tricycle sa Barangay Cabangcalan sa Mandaue City, sa ulat ng pulisya nitong Biyernes ng gabi.

Kinilala ang nasawi na si Dale Abayon na umano’y suspek sa pagnanakaw naman ng biseklata ng suspek sa krimen.

Nabatid sa Mandaue City Police Station na Sabado ng umaga ay hawak na nila ang suspek sa pamamaslang kay Abayon.

Sinasabing pinatay ng suspek ang biktima dahil sa galit nang nakawin nito ang kanyang mountain bike.

Positibo umanong nakilala ang biktima sa mga kuha ng CCTV sa lugar  na responsible sa pagnanakaw ng bike noong Miyerkoles ng umaga.

Dahil dito tiniyempuhan ng suspek ang trike driver at habang natutulog ito ay sinaksak niya ng kutsilyo sa leeg.

Nadatnan ng mga pulis na nakatarak pa ang kutsilyo sa leeg ng biktima.

Sinasabing kusang sumuko ang salarin Sabado ng umaga at inamin ang krimen kasabay ng pagturo sa kinaroroonan ng napaslang.

 

Please follow and like us:
Read More

LALAKI TUMAMBAY NANG MAY BARIL ARESTADO

arrested76

(NI KEVIN COLLANTES)

KALABOSO ang isang lalaki nang maaktuhan ng mga awtoridad na may bitbit na baril sa labas ng kanilang tahanan sa Barangay Cupang, Antipolo City, nitong Biyernes.

Ito ay isang malinaw na paglabag sa ipinatutupad na gun ban ng Commission on Elections (Comelec) kaugnay ng midterm elections na idinaos noong Mayo 13.

Dakong alas-11:20 ng gabi nang maaresto ang suspek na si Luisito Mabaza, sa kanyang tahanan sa Purok 6 Zone 8, Bayabas Street, Barangay Cupang, dahil sa kasong paglabag sa Republic Act 10591 (illegal possession of firearms) in relation to Omnibus Election Code (gun ban).

Batay sa ulat ng Antipolo City Police, nabatid na bago ang pag-aresto ay nakatanggap sila ng sumbong mula sa isang concerned citizen na namataan si Mabaza habang may bitbit na baril sa gilid ng kalsada.

Kaagad namang nagtungo sa lugar ang mga awtoridad upang beripikahin ang ulat at dito nila namataan ang suspek na may nakasuksok na baril sa beywang habang nakatayo sa gilid ng kalsada.

Sinita ng mga pulis ang suspek ngunit nagtatakbo ito papasok sa loob ng bahay upang umiwas sa pag-aresto.

Hinabol naman siya ng mga awtoridad at kaagad na pinosasan saka binitbit sa presinto para idetine at sampahan ng kaso sa piskalya.

Narekober ng mga awtoridad mula sa suspek ang isang kalibre .45  pistola na may serial number 1692470, dalawang magazine at 11 live ammunition.

 

Please follow and like us:
Read More

JANE HINDI NAGING GF NI ARJO

JANE32

(NI BOY ABUNDA)

BAGO pa man naging kasintahan ang miyembro ng Girltrends noon na si Sammie Rimando ay si Jane Oineza muna ang naka-date noon ni Arjo Atayde. Taong 2016 nang magsimulang lumabas sina Jane at Arjo pero hindi naging opisyal na magkasintahan ang dalawa.

“Hindi naman umabot sa gano’n, wala pong gano’n. Busy kasi pareho so hindi umabot sa gano’n. Wala po akong issue sa kanya. Sa scheduling din, parang naudlot na hindi na natuloy,” pagtatapat ni Jane.

Kahit sinasabing nagkakamabutihan na umano ngayon sina Arjo at Maine Mendoza ay wala naman daw problema kay Jane kung sakaling magkasama sila ng aktor sa isang proyekto. “Oo naman, wala naman sa akin. Magaling siyang actor at it would be interesting kung ano ang kalalabasan kung magkakaroon kami ng project together,” giit ng aktres.

Samantala, kamakailan ay nakatambal ni Jane sa pelikulang ‘Finding You’ si Jerome Ponce. Ayon sa aktres ay malaki na ang ipinagbago ni Jerome bilang isang aktor. “Proud ako kay Jerome na nag-mature siya as an actor at nakita ko ‘yon. Pero team player tayo dito, bigayan. Dapat parehong makikita ‘yung characters namin, wala namang dapat na lamunang nagyayari. Nag-mature siya as an actor and nakita ko binigay niya talaga ‘yung all niya sa pelikula,” pagbabahagi ni Jane.

Kabilang din sa nasabing proyekto si Barbie Imperial at ayon kay Jane ay siya ang nakaisip na isama rin sa pelikula ang kaibigan. “Kasi magkasama kami sa Christmas Special ng ABS-CBN and naghahanap ng mga gaganap na ex ni Jerome dito. Sabi ko si Barbie baka pwede tapos tinanong ko din siya, close kami. And then ayun, pinaalam na namin sa Star Magic. Sila na ‘yung nag-usap-usap. And masaya ako na natuloy na nakasama namin si Barbie sa pelikula. Though wala kaming eksena dito masyado,” nakangiting pahayag ng dalaga. -Reports from JCC-   

 

Please follow and like us:
Read More

P6.8M SHABU NABAWI; 2 ARESTADO SA LANAO DEL SUR

lanaodelsur12

ARESTADO ang dalawa katao habang umaabot sa P6.8 milyong halaga ng umano’y shabu ang nasamsam sa buy bust operation na naganap sa Lanao del Sur nitong Biyernes.

Nasamsam ang droga sa joint buy bust operation sa Purok Kapigis, Eastern Eastern Wao in Lanao del Sur.

Ikinasa ng mga operatiba ng Philippine Drug Enforcement Agency (PDEA) BARMM, PDEA Region 12, Wao Municipal Police Station, 34th Infantry Battallion Philippine Army, Lanao del Sur Provincial Police Office, at CIDG BARMM ang buy bust operation.

Nahuli sina Darangji Ombo Angatong, alyas Salaudin at Lendi Asiw Mangondacan  na sugatan din sa pagsalakay at agad isinugod sa Wao District Hospital.

Nabawi rin ang isang transparent plastic bag na naglalaman ng may isang kilong hinihinalang shabu na may halagang P6.8 million, buy bust money, iba’t ibang card, at isang blue Kia Picanto.

 

Please follow and like us:
Read More

GRADE 10 STUDENT PATAY SA SAKSAK

stab

WALA nang buhay sa tinamong saksak sa katawan nang madatnan ang isang 18-anyos na babaeng estudyante sa La Trinidad, Payatas sa Quezon City, Biyernes ng hapon.

Sinabi ni Police Lt. Col. Joel Villanueva, hepe ng Quezon City Police District Station 6, huling nakita ang biktima noong Biyernes ng tanghali.

Ang biktima, isang grade10 student ay mag-isang nakatira sa kanyang bahay dahil kapwa nasa ibang bansa ang mga magulang nito.

Magulo ang kabahayan ng biktima at ayon sa mga pulis ay posibleng natutulog ito nang pasukin ng salarin at nanlaban.

Inaalam pa kung napagsamantalahan ang biktima o ninakawan lamang bago pinaslang.

 

Please follow and like us:
Read More

ALDEN-VILMA MOVIE SA JULY ANG UMPISA NG SHOOTING

alden12

(NI KC GUERRERO)

VIRAL ang post ng isang Vilma Santos’ fan.

In the works na ang pelikula ni Cong. Vi na sisimulan ang shooting sa July.

Ang exciting, after ng pelikula niya with Kathryn Bernardo sa Star Cinema, ang Hello, Love, Goodbye, ang next co-star ni Alden Richards ay ang Star For All Seasons.

Bigatin pa ang ibang mga balak na isama sa Vilma-Alden Movie.

Sina Aga Muhlach at Gabby Concepcion lang naman.

Habang busy sa pagliliwaliw ang other half ng ALDub sa ibang part ng world, heto, si Alden at panay ang tanggap ng projects para maka-ipon muli.

Ubos-ubos din ang mga savings ni Alden dahil malaki ang nakain ng investment niya sa sikat na fastfood chain na McDo.

SI GAZINI GANADOS TOP CHOICE TO SUCCEED CATRIONA GRAY

Sa survey ng kaibigang  journalist at beauty contests aficionado na si Bobby Requintina ay top choice ng mga media personalities ang representative ng Talisay, Cebu na si Gazini Gandos para manalo bilang Miss Universe Philippines 2019.

Tanong ni Bobby, sino sa palagay ninyo ang tatlong magiging Miss Universe Philippines.

Naka-15 votes si Gazini.

Thirteen votes si  Patch Magtanong. Twelve ang kay Emma Tiglao.

Abangan na lang natin kung ang choice ng mga high-profile media practitioners/friends ni Bobby ay choices din ng mga judges sa Binibining Pilipinas.

Si Gazini ay pageant veteran na rin pala like Emma Tiglao.

Half Palestinian si Gazini. Never met her dad. Kaya sumali sa beauty contest at positibo siyang someday ay makikita niya rin in person ang ama.

5’8” ang height  ni Gazini Christina Jordi Ganados na ang birthdate ay December 26, 1996.

Sa Dapitan city ipinanganak sa Zamboanga del Norte.

Nasa top 15 siya ng Miss World Philippines 2014.

Graduate na rin siya ng Tourism sa University of San Jose-Recoletos.

Matagal na rin siyang nagmo-model at nagwagi na ng mga local titles like Miss Milo Olympics 2012, Miss Aliwan Fiesta 2015 2nd runner-up, Miss PRISAA 2017 at Miss. Bohol 2017 1st runner-up.

Puro local pageants muna ang mga naging priority niya as her training ground. Kasi priority niya this past years ay ang matapos ang kanyang pag-aaral.

Ngayon, she’s ready for the world. Very much ready para mag-succeed kay  Catriona Gray as our next Miss Universe.

 

Please follow and like us:
Read More

MALE STAR ATRAS SA REQUIREMENT NG PRODU PARA SA LEAD ROLE

malestar silhouette

(NI ED DE LEON)

TOTOO iyon Tito KC, isang dating male star talaga ang nagsabi sa amin. Tinawagan daw siya ng isang film producer, bago pa natapos ang unang pelikulang kanyang ginagawa. Sinabi sa kanya, sa susunod niyang pelikula ay bida na siya, solong bida at bibigyan ng malaking build up. Pelikula iyon tungkol sa isang macho dancer. Pero ang kapalit, kailangang maging syota siya ng bading na film producer.

Natakot daw siya, at nang umalis sa opisina ng producer ay hindi na nagbalik pa, kahit na may ilan pang eksenang hindi nakukunan sa ginawa niyang pelikula. Siyempre siniraan siya, sinabing unprofessional, at sinabing inuna pang itinanan ang girlfriend niya kaysa sa kanyang career. Pero hindi naman totoo iyon. Hindi siya nagtanan. Nag-aral siyang muli.

Pero kagaya nga noon, may kaso ng sexual harassment, pero ang katuwiran ay “wala namang nangyari eh”. May isang kasong napagsamantalahan “pero kung magdedemanda ako, sabi ni attorney para din daw rape iyan, kailangang ikuwento ng detalyado kung papaano ako inabuso ng bakla. Ano naman ang mangyayari sa akin pagkatapos, malalaman lang ng mga tao ang nangyari sa akin”.

At saka mahal ang attorney’s fees. Mabuti ngayon nag-aalok si Jimmy Bondoc ng legal assistance, kung hindi, aba sa acceptance fee pa lang ng kaso, patay ka na sa pagbabayad.

 

Please follow and like us:
Read More

TARA, LARO TAYO!

TUMBANG-PRESO

(Ni Dan Salcedo / Unang bahagi)

Laro noong unang panahon hindi na kailangang gumastos. Simpleng imahinasyon at kagustuhang sumaya ang puhunan.

Sino ang hindi mawiwili kapag nalalagpasan ang nakabantay sa guhit ng PATINTERO?  Ipinapakita ng mga bata ang taktika sa pagtatago o paghahanap sa mga nagtago sa TAGUAN.  Namamalas sa bata ang galing sa pagpapamalas sa lata sa larong TUMBANG PRESO,   at ang husay umigpaw sa LUKSONG TINIK.

Ilang lamang ito sa mga tradisyonal na laro na binibigyan aksyon ng mga bata.

Ilan lang ito sa kinulugdang libangan ng mga bata noon na bihira nang nilalaro ngayon.

Walang pagsidlan sa tuwa ang mga bata noon kapag nakalabas ng bahay upang makapaglaro.

Kahit kalye ang palaruan ay isa na itong lugar na entablado ng kanilang mundo ng kagalakan.

Iba ang udyok at kaway ng mga laro noon. Hindi matanggihan ang anyaya. Lalabas at lalabas ang bata kahit hindi nagpaalam sa magulang,  kahit may iniindang sakit.

Wala ang takot na mapagalitan, kahit mapingot ang mga tenga,  basta para sa kanila ay nakapaglaro sila.

Hindi rin alintana kung masaktan,  masugatan,  madumihan o masira ang damit,  maputol o mawala ang tsinelas.

KABUTIHAN NG MGA LARONG BATA NOON

Pinasisigla ng mga laro noon ang paglaki ng mga bata,  sa aspetong pisikal at kaisipan.

Malaki ang benepisyo na makukuha sa mga larong ito dahil nangangailangan dito ng pisikal na aktibidad,  kasanayan sa pakikisamuha at pakikipagkaibigan,  imahinasyon, pagkamalikhain at pangkaibigang kompetisyon. Ito ay dahil kinalulugdan nila ang mga laro at giliw na giliw at naaaliw makapaglaro. Nailalabas nila ang natural na talino,  istratihiya,  ang liksi at natagpuan ang hinahanap na tunay na kaligayahan ng inosenteng kabanata

Hindi kailangan pang gumastos para sa mga gagamitin sa laro. Simpleng imahinasyon at kagustuhang sumaya ang puhunan.

Sa mga tradisyonal na laro ay matututo ang bata na makisalamuha sa mga kalaro.  Kasama ang kanyang halakhak sa pinagsama-samang kagalakan at karanasan na mahalaga sa yugto ng kanyang paglaki.

Hindi maiiwasan ang mga hindi inaasahan at minsan lang na aksidente ngunit masasabi pa rin na ligtas ang mga naglalaro.

Maaaring madapa at magalusan at mapilayan sa habulian o akyatan sa puno,  o kaya’y matinik sa taguan,  ngunit hindi ito dahilan upang tumigil ang bata na suungin ang laro.

Ang tradisyonal na laro ay ehersisyo na nagpapalakas at nagpapalusog sa kalamnan ng puso.

Pinabibilis at pinalalalim ang paghinga kaya nadaragdagan ang oxygen.

Pinatitibay ng paglalaro ang mga muscle.  Ang malakas na nagbibigay ng mas magandang suporta sa mga joints.

Tumataas din ang temperatura kaya napabubutii ang pagsunog sa mga lason sa katawan.

Bumubulaga ang mga butas ng balat, dahilan upang lumusog at matanggal ang mga dumi.

LARO NOON SINAPAWAN NA  NG VIDEO GAMES

Mabilis na inaagaw o tuluyan nang kinamkam ng mga tabing ng computer,   tablet,   gadgets at iba pang hi- tech na gamit ang atensyon ng mga bata.

Minsan o tuluyan nang ipininid ang interes sa mga nakaugaliang nga laro.

Puno na ang bahay ng mga gadget na madaling abutin at gamitin ng mga bata.

May pakinabang ang mga television,  smart phones,  computer, video games at iba pang pang-aliw na anyo na ibinibigay ng internet at mga apps.

Sa kabila ng mga pakinabang na nakukuha sa computer ay may kasamang epekto rin ito sa mga bata lalo na’t video o computer games ang aatupagin.

Hindi nila batid na ang mga laro sa computer o cellphone ay walang magandang epekto sa kanilang katawan

SABI NG MGA MAGULANG

May mga magulang na nababahala at umaangal sa ginagawa ng mga bata na laging nakatutok sa television,  computer at iba pang gadget  ,

Ayon sa isang nanay,  nagbibigay siya ng limitasyon sa kanyang mga anak hinggil sa paggamit ng computer,  smartphone at ibang gadget.

Kulang sa sa mga bata ang magpatupad ng sariling regulasyon sa kinagigiliwan mga laro.

Ang magulang ang dapat nagtatakda  at nagpapatupad ng limitasyon lalo na  sa mga bata na lulong na sa video games.

Kailangang may mga alituntunin tulad ng gaano katagal ang oras na dapat ituon sa paglalaro.

Sabi ng isang nanay na nakausap ko, kapag hindi sumunod ang kanyang anak sa regulasyon niya ay may parusa siyang ipapataw.  Babawasan ang allowance sa pag-aaral.

Ang Ilang bata ay hindi ginagastos ang baon sa pagkain dahil inilalaan ito na pambayad sa computer shop. Bago umuwi galing sa eskuwelahan ay dadaan muna sa computer shop kaya nakakigtaan ang pagkain na kapag madalas mangyari ay humahantong sa pagkakasakit.

DISBENTAHE NG DIGITAL O VIDEO GAMES

  1. Ang pagbababad sa harap ng computer o pagtutok sa smartphone ay nagiging sanhi ng mga sintomas ng pagkapagod. Nagiging sanhi ito ng pagkasira ng mata, pagkahilo,  sakit ng ulo,  mababang enerhiya at pananakit ng likod at balikat.
  2. Ang mga mata ang isa sa napipinsala ng pagbababad sa harap ng mga gadget at computer consoles. Ayon sa pag-aaral, ang mga gumagamit ng computer ay bumaba ang average na pagpikit ng mga mata,  na malaking banta para magkaroon ng dry  eyes. Lumalala ang farsightedness, nearsightedness at astigmatism.
  3. Ang matagal na posisyon habang nakababad sa harap ng mga screen ay nagpapatigas sa leeg at balikat, at hahantong sa sakit sa panga.
  4. Nakaliligtaan ng mga bata ang nasa labas na mundo. Nagiging irritable at nawawalan ng interes sa pag-aaral at mga laro sa labas, na makakaapekto sa kanilang kalusugan.
  5. Obesity. Sa pagsaliksik, ang mga bata na patuloy na nahuhumaling sa mga laro sa gadget at computer ay maaaring maging obese at maaapektuhan ng malalang sakit sa hinaharap. (May karugtong)
Please follow and like us:
Read More

TAMA NA, SOBRA NA!

BOMBAHAN NA FINAL

TAMA ang sinabi ni Pangulong Rodrigo Roa Duterte na wakasan na ang paggamit sa Smartma­tic sa 2022 presidential election.

Iniutos ni Pangulong Duterte sa Commission on Elections (Comelec) na maghanap sila ng bagong supplier ng Voting Counting Machine (VCM) na “free of fraud”.

Iisa lang ibig sabihin ni Pangulong Duterte wala na siyang tiwala sa Smartmatic.

Ang problema lang humirit pa itong si Comelec Spokesperson Dir. James Jimenez na wala daw legal para hindi pa­yagan na sumali uli sa bidding ang Smartmatic.

Wow ha!

“Ang tigas pala talaga ng ulo ni Jimenez sir, magkano po pa ba ang kinikita niya sa Smartmatic?”, pahayag ni Mang Tonyong Barbero isa sa mga silipero ng BOMBAHAN Na.

“Nagsalita na po sir ang Pangulong Duterte laban sa Smartmatic tapos si Jimenez ayaw niya pa ata paalisin ang Smartmatic, anung mayroon po?”, pagtatanong pa ni Mang Mario a.k.a Kalkalero ng LTO.

May tama sina Mang Tonyo at Mang Mario sa kanilang mga sinasabi.

Sapat na at kumita na ng bilyong piso ang kompanyang Smartmatic sa mga Pilipino sa nakalipas na tatlong eleksyon na nagamit ang kanilang mga makina.

Nagsimulang na­gamit ang Vote Counting Machine (VCM) ng Smartmatic noong 2012, 2016 at ngayong katatapos na 2019 midterm election.

Baka gusto pa ni Director Jimenez ng Comelec na makalkal kung sinadya o hindi ang mga aberya ng VCMs ng Smartmatic.

Maraming Pinoy na ang nagngingitngit sa galit laban sa Smartmatic dahil sa mga kapalpakan nito.

Hindi rin kuntento ang mga Pinoy sa paliwanag ng Smartmatic at Comelec sa tuwing nagkakaaberya ang mga makina nito.

Partikular ang naitalang unauthorized access na ginawang nitong si Marlon Garcia, isa sa mga opisyal ng Smartmatic noong nakaraang 2016 election.

Matapos ang pakikialam ni Garcia sa makina ng Smartmatic ay nagsimulang mag-iba na ang bilangan.

Biglang lumamang na sa bilangan itong si Leni Robredo laban kay dating Sen. Bongbong Marcos.

Ito ang dahilan ng pagpoprotesta ng kampo ni Marcos dahil naniniwala silang may naganap na dayaan noong 2016 election.

Nitong nakalipas namang midtern 2019 election, marami rin ang tumaas ang kilay sa mga silipero ng BOMBAHAN NA dahil halos pitong oras natigil ang tranmission mula sa lokal patungo sa national canvassing.

Sa kabila ng mga pagdududang ito ay ayaw pa rin pakawalan ng Comelec ang Smartmatic kahit sinabi na ni Pangulong Duterte, anong mayroon direk?

Alalahanin nyo ang mga boto ng lahi ni Juan Dela Cruz ay sagrado dahil tuwing eleksyon lang nagkakapantay-pantay ang mahihirap at mayayaman.

At karapatan nilang pumili kung sino ang kanilang ibobotong kandidato, tapos hindi sila kuntento sa resulta ng eleksyon?

Nauna nang may nagsumbong sa BOMBAHAN NA na may nagaganap na bentahan ng ‘political position’ sa Comelec.

Milyong piso ang pinag-uusapang presyo kapalit ng mga ‘political position for sale’.

Ang mga ito ay kinabibilangan ng mayor, kongresista, vice governor, governor at maging vice president.

Kaya dapat maipaliwanag ng mga opisyal ng Comelec at Smartmatic yan.

“Kaya tama na ‘wag na tayong magpaloko pa uli sa kanila,” giit pa nina Mang Mario.

Sabi pa ni Atty. Vic Rodriguez, abogado ni Sen. Bongbong Marcos, “Itigil na at ibasura ang problematic na Smartmatic”.

“How much do you love, Smartmatic?,” pagtatanong pa niya sa Comelec.

Abangan na lang natin kung anong kalalabasan ng isinagawang pagdinig ng Senado sa katatapos na midterm election.

Sana may managot kung may mapatutunayang nagkasala.

oOo

Pasabugin ang katiwalian isumbong sa BOMBAHAN NA, mag-email joel2amongo@yahoo.com

Please follow and like us:
Read More

6 CHINESE NATIONAL HULI SA KIDNAPPING, BRIBERY

nbi12

(NI JULIE DUIGAN/PHOTO BY KIER CRUZ)

ANIM na Chinese National ang binitbit ng mga tauhan ng National Bureau of Investigation (NBI), na sangkot sa kidnapping ng kanilang kababayan at panunuhol sa mga awtoridad, sa Paranaque City.

Nauna nang natimbog ng  NBI-Cybercrime Division noong  Mayo 31,ang mga suspek na sina Junrong Jia, Xurjian Li at Quijin Tian makaraan umanong idetine ang tatlo nilang kababayan sa isang hotel sa Paranaque City.

Modus operandi ng grupo na hikayatin ang kanilang kababayan na magsugal at kapag nagkautang na ang mga ito ay idedetine at tatawagan ang kanilang kamag-anak sa Beijing ,China at pagbabayarin ng ransom na higit na mas malaki sa pinahiram nilang pera na ipinang-sugal ng biktima.

Nabatid sa NBI na nakakumpiska sila ng  dalawang skimming devices, mga blangkong cards, security strips, smartphones, USB, holographic stickers at mga identification cards.

Batay kay NBI Deputy Director for Services Ferdinand Lavin, nakautang umano ang mga biktima ng may P1.5 milyon ngunit P7 milyon ang hinihingi nilang kabayaran para mapalaya ang mga biktima.

Nang dalhin sa NBI headquarters para sa imbestigasyon ,inalok umano ng mga suspek ang mga ahente ng NBI ng P500,000 suhol para sila palayain.

Kinabukasan, nagpunta sa tanggapan ng NBI-CCD sina Peter Lim Santos,Wang Liping at Au Pang Liang, para ibigay ang pera, kaya agad na isinagawa ang isang entrapment operation. Nahaharap sa kasong Kidnapping at paglabag sa RA 8484 (Access Device Regulation Act) sa Paranaque Prosecutors Office sina Jia,Li at Tian.

Habang paglabag naman sa Article 212 sa ilalim  RPC,ang isinampa kina Santos sa Manila Prosecutors Office.

 

 

Please follow and like us:
Read More

SERYOSO ANG UNIVERSAL HEALTH CARE LAW

KAAA BOOM

PINIRMAHAN noong Pebrero 21, ng taong ito ni Pangulong Rodrigo Duterte ang Universal Health Care Law na talaga naman ang mahihirap nating kababayan ang siyang makikinabang.

Pero maraming kontra sa administrasyon ang ngaw-ngaw ng ngaw-ngaw na kesyo papogi lang daw ito ni Pangulong Duterte. Nagtatanong kung saan daw kukuha ng pondo, ito na raw ang umpisa na mangungutang ang Pilipinas sa bansang China at ito raw ang maglulubog sa bansa sa utang. Ganun?

Kaya naman ang aking katanungan sa mga bumabatikos at kumukwestyon sa nasabing batas ay ano ba talaga ang gusto ninyo? Hindi ba kayo masaya at lahat covered na ng Philhealth kasama na ang pinakamahihirap nating kababayan na masasaklaw ng insu­rance at Health Care Services.

Sa naturang batas, mabibigyan ng libreng accommodation sa mga pampublikong ospital, libreng check-up at basic laboratory test at health care ang mga pobre na­ting kababayan, lalo ang senior citizens at PWD’s na madalas pumipila sa mga opisina ng mga politiko para mamalimos ng pambili ng gamot at para may pambayad sa ospital.

Kaya naman panawagan ko sa aking mga kababayan na huwag tayong magpaudyok sa sulsol ng mga grupong ginagamit lamang kayo para kontrahin ang ginagawang magagandang batas ng pamahalaan katulad nitong Universal Health Care Law.

Tandaan po natin, hindi po tanga si Presidente Duterte na pipirmahan ang naturang batas na hindi alam kung saan kukunin ang pondo dahil natitiyak ko na bago pa man lagdaan ito ay pinag-aralan ito nang husto at nakita na kaya ngang ibigay ang ganitong serbisyo para sa mga Pilipino.

Ngayon ay isa ang planong pagtataas sa buwis ng sigarilyo sa mga napipisil na pagkunan ng pondo. Kasunod niyan ay pinag-aaralan na rin na taasan ng buwis ang alak. Kaya tiyak na magkakaroon ng pondo ang UHC Law.

Tigilan natin ang sobrang pamumulitika sa bansa at nararapat lamang ibigay ang dapat na tulong sa bawat pamil­yang Pilipino lalo na ang mga naghihikahos at nangangailangan ng basic services. (KAAA…BOOM!!! / JOEL GOROSPE)

Please follow and like us:
Read More

‘JOURNALIST’ ARESTADO SA BARIL

huli

(NI JG TUMBADO)

ISANG 28-anyos na babae ang dinakip ng mga awtoridad dahil sa pagtatangka nitong magpuslit ng hindi lisensyadong baril habang papasok sa Coron Port sa Palawan, araw ng Huwebes.

Nakilala ang suspek na si Jennifer Figalan Maquilan, residente ng Don Bosco sa Paranaque City at nagpakilala bilang journalist ng umanoy local newspaper na Private Manila Hotline (PMH).

Ayon kay Police Lt. Col. Socrates Faltado, tagapagsalita ng Police Regional Office 4B (Mimaropa), si Maquilan ay pinigilan ng mga security personnel ng Coron Port sa Barangay Tagumpay ilang sandaling ma-detect ng x-ray machine ang bag nito na naglalaman ng isang baril dakong alas-2:30 ng hapon.

Nakatakda sanang bumalik pa Maynila si Maquilan mula sa ilang araw na pananatili nito sa Coron nang siya ay mapigilan ng mga awtoridad na makasakay ng MV June Aster passenger vessel.

Sinabi ni Faltado na hindi na inihayag ni Maquilan kung saan nanggaling ang caliber .22 berretta na may walong bala na kanyang dala-dala habang patuloy pa itong isinasailalim sa interogasyon ng Coron Municipal Police Station (CMPS).

Nakadetine na si Maquilan sa CMPS habang inihahanda na ang kaso sa paglabag nito sa ilalim ng RA 10591 o mas kilala sa comprehensive firearms and ammunition regulation act.

 

Please follow and like us:
Read More

TINULDUKAN NA NG KASAYSAYAN ANG IKA-17 KONGRESO

RESPONDE.jpg

SA pagsuri natin ng kanyang performance, masasabi natin na matagumpay na naisulong ng administrasyong Duterte ang kanyang mga prioridad na mga panukala, at ito ay dahil na rin sa magandang pagkakahawak ng liderato ng parehong Kamara.

Saludo tayo sa epektibong collaboration ng ehekutibo at ang pangasiwaan ni Senate President Tito Sotto at House Speaker Gloria Macapagal Arroyo para maisabatas ang mga matatawag natin na landmark legislation tulad ng Free College Education Law, Bangsamoro Organic Act, National ID System, Universal Health Care Act, at ang Magna Carta for the Poor.

Itong mga bagong batas na ito ay masasabi natin na matagumpay na pagtaguyod sa kapakanan ng mga mamamayan, at ito ang mga klase ng batas na alam natin na talagang magtutulak sa a­ting bayan upang maging mas asensado.

Kaya naman din ipinakita ng taumbayan ang kanilang buong suporta sa administrasyong Duterte nitong nakaraang eleksyon. Ipinadama ng sambayanang Pilipino sa pamamagitan ng kanilang kapangyarihan sa balota na nais pa nilang bigyan ng pagkakataon ang kasalukuyang gob­yerno na ipursige ang mga natitira pang legislative agenda ng Pangulo.

Marami ang na-accomplish ng 17th Congress. At ito ay sa kabila rin ng mga kaakibat na mga problema tulad nung na-delay ang pagpasa ng national budget. Pero nakita at nadama natin na inalalayan talaga ng Kongreso ang mga nais na maipatupad ni PRRD, at dahil dyan, tayo po ay nagpapasalamat sa lahat ng mambabatas na naging katuwang ng bayan.

At para sa papasok na mga bagong mambabatas, nawa’y gabayan po kayo ng maykapal na ituloy po ang pagsulong para sa tuluyang pag-unlad ng Pilipinas.

Andito kaming mga mamamayan na magmamasid, susuri, susuyod at susugod sa inyo para sa aming kapakanan.

Sulong Pilipinas! (RESPONDE ORA MISMO /KUYA JOE)

Please follow and like us:
Read More

DUGO-DUGO ALIBI ‘DI UMUBRA; 2 KASAMBAHAY HULI

ARRESTED-2

(NI FRANCIS SORIANO)

KASONG theft o pagnanakaw ang haharapin ng dalawang kasambahay matapos na ipaaresto ng kanilang amo makaraan hindi umubra ang kanilang kwento na nabiktima sila Dugo-Dugo Gang.

Kinilala ng Malabon PNP,  ang mga suspek  na sina Michelle Sumayang, 19, at Stephanie Entoy, 18, pawang kasambahay at kasalukuyang stay-in sa 21 Tuazon Avenue, Brgy. Potrero at taga Masbate.

Ayon sa ulat,  inireklamo umano ang mga suspek ng kanilang amo na si Susan Lim, 58, matapos na maabutang tangay-tangay ang mamahaling bag na naglalaman ng mga alahas, relo na nagkakahalaga ng P500,000 dakong alas-8:30 ng gabi.

Dito na kinumpronta si Entoy at sinabi na una nang nakaalis si Sumayang dala ang P600,000 cash upang dalhin ang pera sa tagpuan ng kausap nila na agad naman binalikan si Sumayang na inaresto na ng mga awtoridad.

Pero depensa ng mga suspek, inutusan umano sila ng kausap sa telepono na kunin ang pera at alahas sa isang cabinet at dalhin sa isang napagkasunduang lugar dahil naaksidente umano ang kanilang amo.

Sinabi umano ng dalawang kasambahay na nagoyo sila ng Dugo-Dugo Gang.

Gayunman, hindi naniwala ang kanilang amo sa alibi ng dalawa matapos panoorin sa footage mula sa Closed Circuit Television (CCTV) camera sa kanyang bahay at kitang-kita kung paanong hinakot ng dalawa ang mga nawawalang gamit.

 

Please follow and like us:
Read More