RIA KINIKILALA PA RIN SI JM

ria12

boy abunda(NI BOY ABUNDA)

ILANG buwan na ang nakalilipas nang unang napabalitang may espesyal nang ugnayan sina Ria Atayde at JM de Guzman. Mula noon ay wala namang naging kumpirmasyon mula sa dalawa kung ano talaga ang tunay na estado ng kanilang relasyon.

“Okay naman, we’re still friends. We’re still getting to know each other, friends talaga. I’m saying this all the time genuinely just friends,” bungad ni Ria.

Ayon sa dalaga ay hindi pa nanliligaw sa kanya si JM sa ngayon. “Hindi pa din naman kasi dumarating sa ligawan or whatever. So far they were okay naman as a person, like my brother is friends with him. My mom works with him and my mama’s said nothing but good things about him,” paglalahad ng aktres.

Para kay Ria ay masyado pang maaga upang magkaroon sila ng espesyal na ugnayan ng aktor. “As long as there’s no connection talaga. I go beyond the physical, it’s more like the mental, emotional connections, spiritual as well. You know what I mean? You can’t be you don’t know completely. Mas okay na kilala mo sila and I think right now we’re on that stage,” pagtatapat ng dalaga.

Madalas nang nakikitang magkasama sa mga pampublikong lugar sina Ria at JM. Nae-enjoy naman umano ng aktres ang mga oras na kasama niya ang binata. “We’re really friends. Doon talaga nag-umpisa, you know barkada. We started hanging out with everybody. Until you know, we started hanging out na kami na lang. So slowly but surely. I don’t know, we’ll see,” pagtatapos niya. -Reports from JCC-    

Please follow and like us:
Read More

MATATAAS NA KALIBRE NG BARIL, BALA, ISINUKO NG BEBOT

baril 21

(NI KOI HIPOLITO)

BOLUNTARYONG isinuko ng isang babaeng residente ang mga baril at bala na nasa pag-iingat ng kanyang namayapang ama, sa mga operatiba ng Pasay City Police Station Explosive Ordnance Division (EOD), Warrant Section, Station Investigation and Detective Management Section (SIDMS) at mga miyembro ng Maricaban Police Community Precinct sa ilalim ng direktiba ni acting Chief of Police P/Col. Bernard M. Yang nitong hapon ng Huwebes.

Base sa panayam ng Diaryo Bomba kay Colonel Yang, nakipag-ugnayan umano ang hindi na pinangalanan na babae sa Pasay City Police Station para sa gagawin na pagsasauli ng mga baril at bala na dating pagmamay-ari umano ng kanyang ama. Mabilis naman nirespondehan ng mga otoridad ang ibinigay na impormasyon ng babae at tinungo ang bahay nito sa lugar ng Maricaban sa Pasay.

Narekober sa ginawang kusang pagsasauli ay ang mga sumusunod; one pc. ng Para- Ordnance, cal.45 na may tatlong magazine, 2 pcs.ng Colt 1911, cal.45 at seven pcs. ng magazine, Arminius revolver cal.22, Smith and Wesson revolver cal.357, cal. 5.57 revolver, cal.22 revolver, Single shot cal.22, tatlong piraso ng Air gun pistol, 3 pcs. ng Air gun rifle, cal.22 rifle, seven pcs. ng M16 short magazine, 350 pcs.cal.5.57 live ammunitions, 141 pcs. ng super cal.38 live ammunitions, 397 pcs.ng Special cal.38 live ammunitions, 61 pcs.ng cal.22 live ammunitions, 334 pcs.ng cal.45 live ammunitions, 22 pcs. ng cal.50 live ammunitions at 245 pcs.cal.60 live ammunitions.

 

Please follow and like us:
Read More

5-ANYOS PATAY SA GULPI NG TATAY DAHIL SA BIGAS

davao del norte21

(NI BONG PAULO)

PATAY sa gulpi ang isang 5-anyos na paslit sa kamay ng sarili nitong ama matapos pagalitan dahil sa pinaglalaruang bigas sa Purok 7, Brgy. Kinamon, Sto. Tomas, Davao Del Norte, Huwebes ng gabi.

Kinilala ang biktima na si John Rey Corsiga Momo, residente ng nasabing lugar habang kinilala naman ang suspek na tatay nito na si Gilbert Antonio Momo, 32 anyos.

Batay sa ulat ng pulisya, aksidenteng natapon umano ang bigas sa sahig at naabutan ito ng ama na nilalaruan umano ng bata ang mga natapon na bigas bandang alas-10:45 ng gabi.

Dahil dito, nagalit ang tatay at kanyang sinampal ang bata at binugbog hanggang sa mahulog sa hagdan at kanya pa itong ginulpi hanggang sa mawalan ng malay ang paslit.

Mabilis pang naisugod ang biktima sa Municipal Health Center sa Brgy. Tibal-og, Sto. Tomas, Davao Del Norte upang bigyan ng medikal na atensiyon subalit idineklarang dead on arrival.

Habang ang suspek ay agad namang natimbog ng pulisya sa Tomas Municipal Police Station at inihahanda na ang kasong isasampa laban sa kanya.

 

Please follow and like us:
Read More

ANTIPOLO RESORT NILUSOB; 11 NENE NASAGIP, 2 BUGAW HULI

prostitution12

(NI NICK ECHEVARRIA)

NASAGIP ng mga awtoridad ang 27 mga kababaihan kasama ang 11 menor-de-edad na ibinubugaw sa isang protitution den sa Antipolo City, Rizal, Huwebes ng gabi.

Sa report ng pulisya, sinalakay ng mga elemento ng Women Children and Protection Center-Luzon Field Unit, Antipolo City Police, Destiny Rescue Philippines at Social Welfare Development ang dalawang resort sa Brgy. Sta Cruz na nasabing lungsod bandang alas-9:30.

Sa report ni PNP CALABARZON (Cavite, Laguna, Batangas, Rizal at Quezon) spokesperson P/Lt. Col. Chitadel Gaoiran, nadakip din sa operasyon ang mga bugaw na sina Rich Charlie Tugade Ada, 22, at Amelita Mica Francisco, 18.

Isang impormasyon ang natanggap umano ng mga awtoridad kaugnay sa pambubugaw ng mga suspek sa 27 mga kababaihan kabilang ang 11 minors na may edad 15 hanggang 16 sa kanilang mga parokyano para sa panandaliang ligaya.

Sa imbestigasyon, lumalabas na nasa P3,000 ang bentahan ng aliw at P5,000 naman pataas kapag menor-de-edad habang P500 hanggang P1,500 ang kinukuhang komisyon ng mga suspek sa bawat kanilang ibinubugaw.

Matapos makumpirma ang naturang impormasyon kaagad nagsagawa ng operasyon ang mga awtoridad sa pangunguna ni P/Col Narciso Verdadero, oficer-in-Charge Women Children and Protection Desk na nagresulta sa pagkakaligtas ng nabanggit na mga kababaihan ang pagkakaaresto sa dalawang bugaw.

Patuloy ang imbestigasyon ng pulisya para alamin kung may kasabwat pa ang mga ito at kung sino ang utak ng nasabing prostitusyon.

 

Please follow and like us:
Read More

PASTOR NAG-AMOK, ANAK, 2 PA PATAY;  SUSPECT NAPATAY

crime34

(NI JG TUMBADO)

NAPATAY ng rumespondeng mga pulis ang isang pastor ng tribung Manobo, ilang sandal matapos mag-amok at mapatay sa taga ang sariling anak na babae at dalawa pang indibidwal na kapitbahay sa bayan ng Jose Abad Santos sa Davao Occidental.

Nakilala ang napatay na pastor na si Roger Laquina, ng Barangay Marabatuan habang nasawi naman habang ginagamot sa ospital ang anak nito na si Analyn, 16, at ang 5 taong gulang na batang lalaki na si Rey John Munsag at Olipio Osso, 54.

Batay sa report kay Davao Occidental Police Provincial Office (DOPPO) Director Col. Narciso Bayugo, nangyari ang karumal dumal na insidente sa nabanggit na Barangay pasado alas 3 ng hapon araw ng Huwebes.

Nag-ugat ang pag aamok ni Laquiran dahil sa sobrang galit nito sa takdang pagpapakasal ng kanyang anak na biktima sa isang ka-tribu dahil sa hindi pagkakaunawaan nila sa bayaran sa tinatawag na “dore”

Ang “dore” ay isang sistemang uri sa kanilang tribu na kinakailangan munang bayaran ng halaga ng pera ang pamilya o ang magulang ng anak na babae bago ang pagpapakasal nito sa lalaki.

Kumuha umano ng itak si Laquiran at pinagtataga ang anak at ang batang kasama nito habang si Oso naman na kanilang kapitbahay at napadaan lamang sa kanilang bahay ay hinabol din ng taga.

Kapwa nasawi ang tatlo bunsod ng matinding sugat na tinamo sa pananaga ng suspek.

Agad namang nadakip ng rumespondeng pulisya si Laquiran matapos ang insidente subalit pagsapit ng alas 3 ng madaling araw ng Biyernes na habang nasa loob ng kulungan ng Jose Abad Santos Municipal Police station ay uminda ito ng pananakit ng sikmura at nakiusap sa mga pulis na itakbo siya sa ospital.

Habang isinusugod umano ng ilang police escort si Laquiran sa ospital at nasa bahagi na ng Barangay Caburan ay ipinahinto nito ang police mobile dahil gusto nitong umihi.

At nang pababa na ng sasakyan si Laquiran ay bigla nitong inagaw ang service firearm ng kanyang escort na si Patrolman Jeffrey Angeles at binaril siya sa likod.

Hindi naman direktang tumama ang bala sa katawan ng naturang pulis dahil nakasuot ito ng bullet proof vest hanggang gantihan na ng putok ni staff sergeant Edwin Mellejor at nabaril sa ulo ang pastor na agad nitong ikinasawi

Please follow and like us:
Read More

EPEKTO NG GRETCHEN FULLIDO SEXUAL HARASSMENT CASE

gretchen12

pwede ed deleon(NI ED DE LEON)

PISKALYA pa lang ang nagsabing may nakita silang ebidensiya para isampa ang kasong sexual harassment na iniharap ni Gretchen Fullido laban sa dating executive producer ng TV Patrol na si Cheryl Favila at isang segment producer noon na kinilalang si Maricar Asprec. Tiyak iyan, kung mayroon pang ibang biktima rin ng sexual harassment, “wait and see” ang mga iyan kung ano ang mangyayari sa kaso ni Gretchen Fullido. Basta may nangyari, tiyak iyon may susunod na riyan.

Maraming nag-iisip na sa kabila ng “sexual favors” na ibinigay nila ay hindi sila nabigyan ng tamang build up kaya hindi sila sumikat. Napakahirap tanggapin ng isang may ambisyong maging artista na hindi siya talaga sisikat. Sabihin mo mang mukhang kudkuran iyan ng niyog, naniniwala iyan na sisikat siya, eh kung “nakapagbigay nga ng sexual favors”, tiyak iyon lalantad na iyan.

Kung mayroon mang pumatol na “sexual advances” na ang naging palagay kalaunan ay hindi siya nabigyan ng katumbas na halaga, o pera, tiyak iyon sasabihin noon sexual harassment na iyan.

Hindi lang naman sa ABS-CBN nangyayari iyan. Siguro ang pinakakontrobersiyal ay ang mga kaso ng sexual harassment na sinasabi laban sa simbahan. Laban sa mga pari. Kung sabihin nga iyang mga ganyang kaso, para iyang “Pandora’s box”, basta nasimulan tiyak iyon may susunod na.

May masama at mabuting epekto iyan. Doon na lang tayo sa mabuting epekto. Una matatakot na ang mga alagad ng Sodom at Gomorrah sa kanilang maaaring maging kaso at siguro matitigil na ang hindi magandang practice na umiiral. Hindi lang sa telebisyon may ganyan, maski na mga pelikulang indie may ganyanan din.

May isa pa ngang baguhang artistang lalaki na umamin sa aming minsan daw ay sinabihan siya ng kanyang manager noon na “sana kung papatol ka sa bakla sa akin na lang”, at iyon daw ang dahilan kung bakit hindi na siya tumuloy sa pag-aartista. May isa pang umamin sa amin na isang film producer na bading ang “gusto akong galawin”, kaya tumigil na rin siya.

Kaya nga hinihintay natin ang kalalabasan ng kasong iyan. Si Gretchen Fullido ba ay kikilalaning hero pagkatapos niyan, o siya ay lilibakin kung walang mangyari sa kaso?

 

Please follow and like us:
Read More

JAILER NILANSI; PRESO NAKAPUGA

cell

(NI NILOU DE CARMEN)

NAGAWANG makatakas ng isang detainee sa Cabuyao City police station detention cell matapos  malansi nito ang naka-duty na jailer Huwebes ng hapon.

Kinilala ang nakatakas na inmate na si   Michael Eraña, tubong Pampanga at nakulong matapos ana maaresto  dahil sa kasong pagtutulak ng iligal na droga noong nakaraang taon.

Base sa report ng Cabuyao police, alas 3:30 ng hapon nang dumaing ng sobrang pananakit ng tiyan ang suspek habang nasa selda.

Nagpasiya ang duty jailer na si PSSg Lyndon   Bañez na ilabas ito ng kulungan at dalhin sana sa ospital.

Subalit nang aktong lalagyan ng posas, biglang itinulak ng suspek ang pulis at saka mabilis na tumakbo palayo ng presinto.

Sinubukan pa itong habulin ng jailer at ng ilan pang pulis subalit mabilis na nawala ang preso.

Nasa kostudiya naman ngayon ng Cabuyao police ang jailer na si Bañez at inihahanda na ang kaso laban dito.

 

Please follow and like us:
Read More

KATHRYN NAG-SPEECH LESSONS FOR HER HOSTING JOB

kathryn12

ANG GARA NI VINIA(NI VINIA VIVAR)

PROUD na proud si Daniel Padilla sa “walang buckle” na pagho-host ng girlfriend na si Kathryn Bernardo sa recently-concluded 35th PMPC (Philippine Movie Press Club) Star Awards for Movies.

“Husay, kita n’yo, walang buckle, di ba?” sabi ni Daniel nang makausap ng press after the awards night.

Proud din niyang ikinuwento na before the event ay nag-speech lessons pa si Kathryn.

“Dahil, gusto niya, wala siyang mali o mamaling bigkas. Talagang sabi ko nga sa inyo, ‘yang si Kathryn, eh tinatrabaho niya talaga at mahusay talaga,” pagmamalaki pa ni DJ.

Bukod sa host ng event ay nanalo rin si Kathryn na Best Actress for the movie, The Hows of Us at ang Kathniel loveteam naman ang itinanghal na Best Loveteam of the Year.

Nang matanong naman ang naganap na pagsasama nila ni James Reid sa isang endorsement, puring-puri niya ang aktor.

“Steady lang, simple, you know. Mabait na tao, tahimik lang din, ako nga lang ang magulo du’n sa shoot na ‘yun, tahimik lang talaga si James,” natatawang sabi ni DJ.

Willing din ba siyang magkasama sila sa isang pelikula?

“Why not? It depends on the story, always. Ayoko namang maging sell-out lang ‘yung pelikula dahil magkasama lang kami,” sey pa niya.

Samantala, sa relasyon nila ni Kathryn na nasa ika-7 taon na ngayon, natanong si DJ kung hindi ba siya natatakot sa tinatawag na 7-year-itch.

“Every year is a challenge, lagi namang challenge ang bawat taon, pero sa tamang balanse at tamang pagmamahal, it will work. It will work out in the end,” he said.

 

Please follow and like us:
Read More

MANGINGISDA TIGOK SA KIDLAT

kidlat12

(NI JUN V. TRINIDAD)

CALAUAG, Quezon – Isang mangingisda ang natodas pagkatapos siyang tamaan ng kidlat sa karagatan ng bayang ito noong Miyerkoles.

Sa impormasyon na nakarating sa pulisya noong Huwebes, tinamaan si Jose Bujatin, 60, ng humaginit na kidlat habang sakay ng kanyang bangkang pangisda sa dagat na nasasakop ng Barangay Kuyaoyao bandang alas tres ng hapon noong Miyerkules.

Agad na dinaluhan ang biktima ng mga nakakitang kapwa mangingisda at dinala sa St. Peter General Hospital sa kabayanan subalit hindi na siya umabot ng buhay dahil sa mga tinamong grabeng pinsala sa katawan.

Please follow and like us:
Read More

4 PAMPUBLIKONG CLASSROOMS NASUNOG 

maguindanao map12

(NI NICK ECHEVARRIA)

TINUPOK ng apoy ang apat na classroom sa pampublikong paaralan ng Pageda Elementary School sa Talitay, Maguindanao, Huwebes ng hapon.

Sa report ni P/Lt. Col. Karl Centinaje, hepe ng Municipal Police Station, naganap ang sunog bandang alas-3:30 kung saan katatapos lamang ng klase ng mga estudyante.

Dalawang anggulo ang tinitingnan ng pulisya kaugnay sa naganap na sunog kung saan wala namang nasaktan.

Ayon sa mga imbestigador, maaaring faulty electrical connections ang dahilan ng sunog habang hindi naman iniaalis ng pulisya ang posiblidad na sinadya umanong sunugin ang nabanggit na paaralan batay sa ilang mga reports.

Gayunman, ayon sa mga naninirahan sa lugar wala naman silang napansin na mga kahina-hinalang indibidwal na gumagala sa lugar bago nangyari ang sunog.

Ikinalungkot naman ng district supervisor ng Talitay Schools na si Edres Kasan ang insidente dahil 200 mga estudyante umano ang nagkaklase sa apat na silid aralan ng nasunog na isang palapag na gusali.

Balak namang tayuan ng pansamantalang classroom ng mga local school officials sa lugar ang bakanteng lote sa tabi ng nasunog na eskwelahan para magamit ng mga mag-aaral.

 

Please follow and like us:
Read More

P3-M HALAGA NG MARIJUANA NAKUMPISKA SA CAVITE

arrested124

(NI SIGRED ADSUARA)

INARESTO  ng Cavite police ang isang dancer  na umano’y  number  1 na tulak sa buong Lungsod ng Bacoor City, Cavite sa isinagawang buy bust operation.

Nakakulong ngayon sa Bacoor City Custodial Center ang  suspek na si Daniel Mendoza, binata, isang dancer, ng Blk 10, Lot 19 Sparrow St., Camella Springville East 2, Brgy. Molino 4, Bacoor City, Cavite.

Sa ulat ni PMSgt Christian Rosales ng Bacoor City, Cavite,  nagsagawa ng buy bust operation ang miyembro ng Station Drug Enforcement Unit (SDEU) ng Bacoor CPS at PDEA Cavite sa  Block 10 Lot 19 Sparrow St., Camella Springville East 2 Brgy Molino 4, Bacoor City, Cavite, dakong alas-7:50 Huwebes ng gabi,  kung saan nakabili sa kanya ang poseur buyer ng isang sachet ng pinatuyong frutty tops at mga buto ng marijuana (kush).

Ayon sa pulisya, ang suspek ay kilalang tulak at no. 1 na nagpapakalat ng marijuana sa buong Lungsod ng Bacoor, Cavite at kasama rin ang kanyang pangalan sa listahan ng  Station Drug Watch  at t Newly Identified Street Level Target.

Kasong paglabag sa RA 9165 ang isinampang kaso laban sa naarestong suspek.

 

Please follow and like us:
Read More

NAMATAY SA SARILING HUKAY

crime600

(NI JUN V. TRINIDAD)

TIAONG, Quezon – Isang magsasaka ang aksidenteng nalunod sa tubig ng kanyang hinuhukay na balon sa bayang ito noong Huwebes.

Batay sa report ng lokal na pulisya, natagpuang bangkay si Ronnie Mendoza, 50, matapos siyang malunod sa tubig sa ilalim ng kanyang hinuhukay na balon sa Barangay San Pedro bandang alas-9:35 ng gabi.

Huling nakita ang biktima na nagdudukal sa ilalim ng ginagawang balon dakong alas-3:00 ng hapon.

Sa teorya ng mga imbestigador, unang nahimatay at bumagsak ang biktima dahil sa matinding pagod at kakulangan ng hangin sa ilalim ng balon hanggang sa malunod ito sa mababaw na tubig na lumalabas na sa hinuhukay niyang kadluan ng tubig para sa pangangailangan ng kanyang pamilya at mga pananim.

 

Please follow and like us:
Read More

VAN SUMALPOK SA TRAK; 1 PATAY, 4 SUGATAN 

salpok12

(Ni JUN V. TRINIDAD)

TAGKAWAYAN, Quezon – Isang motorista na patungong Bicol ang namatay at apat naman ang sugatan matapos sumalpok ang kanilang van sa hulihan ng isang nakaparadang trak sa bayang ito araw ng Biyernes.

Sa ulat ng lokal na pulisya, bumibiyahe patungong Bicol ang Mitsubishi FB L300 Van na minamaneho ni Mark Anthony Palad nang mawalan ng kontrol sa manibela sa isang parte ng Quirino Highway sakop ng Barangay Bagong Silang bandang alas-5:30 ng umaga.

Sumalpok ang umalagwang sasakyan sa nakaparadang Isuzu ten-wheeler aluminum wing van truck sa tabi ng highway na nagresulta sa pagkapinsala sa ibat ibang parte ng katawan ni Palad at ng apat pa niyang pasahero na sina Christian Aslor, Leoncio Rañada Jr., Isidro Maravilla Jr., at Annabelle Aslor.

Isinugod sa Maria L. Eleazar Memorial District Hospital sa kabayanan ang mga sugatan subalit hindi na umabot ng buhay sa nasabing pagamutan si Christian.

Nagsasagawa ng imbestigasyon ang mga awtoridad upang alamin ang sanhi sa pagkawala sa kontrol ng sasakyan.

 

Please follow and like us:
Read More

I WAS A BULLY –VIN

vin12

ANG GARA NI VINIA(NI VINIA VIVAR)

INI-REVEAL ni Vin Abrenica na bully pala siya noong kabataan niya at ito raw ang isa sa medyo hindi magandang past niya.

“Ako ‘yung black sheep, medyo bad boy talaga ako noong bata ako,” pag-amin niya.

“I was also a bully, seryoso. Sobrang pinakamasama na pinaka-pinagsisisihan ko sa buong buhay ko,” pahayag ni Vin sa presscon ng Past, Present Perfect kung saan ay leading man siya ni Shaina Magdayao.

Ngayon ay nagkikita-kita raw sila ng mga friends na na-bully niya at humingi na raw siya ng tawad. Ang iba ay okay naman daw at sinabihan siya ng “ok lang ‘yun, mga bata pa tayo.”  Pero may mga iba raw na namumula pa rin ang mga mata sa tuwing magso-sorry siya.

“So, ewan ko, ewan ko kung ano ang ginawa ko noong bata ako and I said sorry. That’s my bad past.”

Pero siyempre, he has learned his lesson na hindi talaga tama ang mang-bully at ngayon ay against na against na siya rito.

 

Please follow and like us:
Read More

PBA D-LEAGUE : CIGNAL-ATENEO BYAHENG FINALS

thirdy12

(NI LOUIS AQUINO)

FIRST time lucky.

Ganito ang nangyari sa Cignal-Ateneo na pasok agad sa finals sa unang pagsabak nito sa PBA D-League matapos talunin ang Valencia City Bukidnon-SSCR, 100-73, kahapon sa Ynares Sports Arena, Pasig.

Nanguna para sa Blue Eagles ang two-time UAAP Finals MVP na si Thirdy Ravena na nagbuhos ng 14 sa kanyang kabuuang 19 points sa first half para makaahon ang team mula sa 12 puntos na kalamangan ng Valencia-SSCR.

Nagposte rin si Ravena ng limang rebounds, limang assists, dalawang steals at isang block upang walisin ng Cignal-Ateneo ang best-of-three semifinals series.

Nagsilbing dingas sa apoy si Ravena para sa Blue Eagles na nagpasabog ng 20-2 matapos ang  halftime break upang tambakan ang kalaban na lumobo hanggang 29 puntos, 81-52, sa triple ni Isaac Go pagpasok ng fourth quarter.

Tumapos si Go na may 13 puntos sa 3-of-8 shooting sa tres kasama ang anim na rebounds, habang nagambag ang Ivorian slotman na si Ange Kouame ng double-double 12 points at 18 rebounds.

“Everything that were doing is in preparation for the UAAP. It’s a big help for us entering the Finals, but we can’t be happy with just that,” sabi ni deputy coach Sandy Arespacochaga.

Ito ang kauna-unahang pagsabak ng Cignal-Ateneo sa developmental league at swerteng pasok agad sila sa finals at makakaharap ang sinumang mananalo sa Centro Escolar University o St. Clare College Virtual Reality sa best-of-five titular showdown.

Please follow and like us:
Read More

ANO PA ANG BUWIS-BUHAY NA IPAGAGAWA NILA KAY ANGEL?

pwede ed deleon(NI ED DE LEON)

HINDI kami impressed doon sa pra la la na sumisid si Angel Locsin nang walang double sa dagat. Ginawa na rin iyan ni Bianca Umali sa Sahaya. Maraming under water shots, sumisisid siya nang wala pang nakakabit na oxygen tank o kung ano man. Kasi ang character naman niya Badjao, sanay sa sisiran.

Kung anu-ano na ang ipinagawa nila kay Angel ha. Pinababa nila sa isang building na gamit lang ay lubid. Ngayon naman pinasisid sa dagat. Ano ang susunod na gagawin ni Angel? Kaya ba nilang paliparin siya nang walang double?

Pero aminin natin, may peligro ang ginagawa nilang iyan, pero kailangan nilang gawin para tumaas ang kanilang ratings. Lintek na ratings na iyan. Buwis-buhay ang mga artista dahil diyan at ano nga ba ang nakukuha nila kalaunan? Kung madisgrasya sila sino mananagot?

  ANO KUNG DYOWA NI SEBASTIAN CASTRO SI VICE MAYOR?

Eh ano nga ba ang masama kung inamin man ng modelo at nag-aartista ring si Sebastian Castro na boyfriend niya ang Vice Mayor ng Silang Cavite na si Aidel Belamide? Wala naman silang itinatago. Pareho naman nila inaamin na bading sila. Nagkagustuhan sila at wala naman silang ini-istorbo eh di hayaan na lang ninyo sila.

Modelo naman si Sebastian Castro, marami ring ibang modelong bading diyan. At saka eh ano naman kung bading si Vice Mayor, may epekto ba iyon sa kanyang serbisyo sa bayan? Ang dami rin namang public official na bading, hindi lang umaamin. Aminin, maraming politicians na bading.

At least iyang mga iyan umaamin na.

 

Please follow and like us:
Read More

AFRICAN SWINE FEVER OUTBREAK

AFRICAN SWINE FEVER OUTBREAK

(Ni EDZER LANUZA / Ikalawang Bahagi)

Paano maiiwasan ang ASF?

Depende sa mga bansa kung paano maiiwasan ang ASF, sa pamamagitan ng implementasyon ng tamang mga patakaran sa pag-import at biosecurity measures.

Kabilang din ang wastong pagtatapon ng waste food mula sa aircraft, ships o vehicles na galing sa apektadong mga ­bansa.  Patakaran sa illegal imports ng live pigs at pork ­products mula sa apektadong mga bansa.

Sa panahon ng outbreaks sa  napinsalang mga bayan, nahirapang makontrol ang ASF. Dahil kailangang angkop sa epidemiological situation o ­pagharap sa transmisyon ang pagkontrol sa sakit.

Mahalaga ang maagap na paniniktik sa pagkatay sa mga hayop kasama ang wastong disposal sa katawan at basura, wastong paglilinis at disinfection.

Importante ang pagsosona, pagbubukod, pagkontrol at  paniniktik sa mga lugar na posibleng may ASF at istriktong biosecurity measures sa mga bukirin.

Sa Europe at sa ilang rehiyon sa Asia, ang transmisyon ng ASF ay tila nakadepende sa kakapalan ng populasyon ng baboy ramo at sa interaction sa sistema ng low-biosecurity pig production.

Ang African swine fever na viral disease sa mga baboy at  baboy ramo ay kadalasang nakamamatay. Walang vaccines o lunas dito.  Bunga nito ay ang malalang epekto sa  pananalapi sa apektadong mga bansa.

Hindi madaling kapitan ng ASF ang mga tao

Sa ulat ng U.S. pork industry, ang African swine fever virus ay contagious viral disease na nakakaapekto lamang sa mga baboy, hindi sa tao, kaya di ito isang public health threat o food safety concern.

Ayon naman sa U.S. Department of Agriculture, hindi maaapektuhan ng ASF ang tao kaya’t hindi ito banta sa  kalusugan. Hindi rin ito maisasalin sa tao sa pamamagitan ng contact sa pigs o pork.

Kadalasang mga palatandaaan ng African swine fever ay pareho sa classical swine fever. Ang dalawang karamdamang ito ay karaniwang nakikilala sa laboratory diagnosis.

Kinabibilangan ang mga sintomas ng paglalagnat, kawalang gana, panghihina, abortions, internal bleeding, na may kasamang haemorrhages makikita sa mga tainga at  biyas.

Ang biglaang pagkamatay ay maaaring mangyari. Ang severe strain ng virus ay karaniwang ikamamatay sa loob ng 10 araw. Maaaring walang naipakikitang typical clinical signs ang hayop na infected ng mild strain.

Karaniwang nahahawa ang malulusog na mga baboy at wild boar sa pamamagitan ng:

-Pagdidiit sa infected animals, kabilang ang free-ranging pigs at wild boar.

-Paglunok sa karne o meat products mula sa infected animals – kitchen waste, pagpapakain ng scrap, infected wild boar (kasama ang internal organs ng butchered animals).

– Pagdikit sa anomang kontaminado ng virus gaya ng mga damit, sasakyan at iba pang equipment.

-Kagat ng infectious ticks (garapata).

-Pagkilos ng infected animals, kontaminadong pork products at illegal disposal ng mga patay na hayop ang pinakamahalagang sanhi sa pagkalat ng sakit.

Saan matatagpuan ang ASF?

Ang African swine fever ay endemic o likas sa sub-Saharan Africa. Naging endemic ito sa Sardinia sa loob ng ­maraming dekada. Nagkaroon ng 2007 outbreaks sa Georgia, Armenia, Azerbaijan at sa European part ng Russia, Ukraine, at Belarus.

ASF, panganib sa ­kalusugan ng tao-Russian doctor

Sinasabing hindi mahahawahan ang tao ng ASF.

Pero isang head ng Russian epidemiology service, ang chief state sanitary doctor, ay ­nagbabala kaugnay sa pig phy-siology na malapit sa human physiology.

Ipinahayag sa press-conference sa St. Petersburg ni Gennady Onishchenko, na sa future mutations ng virus maaari ring maging mapanganib ito sa mga tao.

Ayon kay Onishchenko, halos lahat ng viruses ay paminsang nagdaraan sa  mutation processes kung saan nagbibigay sa kanila ng ilang additional functions.

“Kung titingnan ang katotohanan, ang pig physiology ay sobrang malapit sa human physiology, at nagdurusa sila sa karamdamang halos pareho sa atin, walang dahilan para di paniwalaang sa susunod na  round ng mutation ang virus ay maaari ring maging panganib sa mga tao.”

Sa kasalukuyan, sinabi ni Onishchenko nagaganap lang ang ASF sa mga hayop. Ang pinakaepektibong paraan umano para maiwasan ang pagkalat ng sakit ay “very severe quarantine measures”.

Ang ASF ay maaaring maisalin sa direct contact sa infected animals. Kinilala ang baboy ramo ng ilang pangkalahatang tanggapan ng pamahalaan bilang isa sa maraming posibleng salarin sa pagkalat.

Naisasalin din ang ASF sa pamamagitan ng mga insekto gaya ng garapata.

Pero ang virus ay maaari ring mag- survive ng ilang buwan sa processed meat, at ilan pang mga taon sa frozen carcasses, kaya ang meat products ay hinihigpitan sa cross-border transmission.

Pinaniniwalaang unang dinala ng east Africa ang ASF sa Georgia sa pamamagitan ng kontaminadong mga produkto ng baboy.

Noong 2013, isang packet ng sausages na nagtataglay ng virus ang kinumpiska sa Japanese airport mula sa isang ­traveller na nagmula sa China.

Ang China ang sinasabing tahanan ng kalahati sa world’s domestic pigs, at lumilitaw na mabilis itong lumaganap. Ayon sa report, umabot sa 41 outbreaks simula mapansin ito noong 2018.

ASF sa Pilipinas

Para mapaigting ang qua-rantine security at mapigilan ang pagpasok ng pork at pork products na apektado ng kinatatakutang ASF sa bansa, nag-isyu si Department Agriculture (DA) Secretary Emmanuel “Manny” Piñol ng Memorandum Circular No. 07.

Pinamamahalan nito ang courier service companies para pigilan ang pagtanggap ng canned meat at iba pang meat products mula sa ASF-affected countries sa pamamagitan ng shipment.

Ipinagbabawal din ng DA ang importasyon ng live domestic at live pigs at kanilang mga produkto kabilang ang pork meat, at semen na nagmumula sa Belgium, Bulgaria, China, Czech Republic;

Kasama rin dito ang Hungary, Latvia, Moldova, Poland, Romania, Russia, South Africa, Ukraine, Zambia, Mongolia, ­Vietnam, Cambodia, Hong Kong, at North Korea.

Nakasaad sa memorandum: “Furthermore, all arriving agricultural commodities from restricted countries are subject to immediate stoppage, confiscation, and destruction by the Veterinary Quarantine Officers (VQOs) at the border of entry for proper disposal.”

Noong May 29, nakasamsam ang quarantine officers sa Subic Port sa Zambales ng refrigerated container mula sa China na naglalaman ng meat balls nakatago sa likod ng fish tofu.

Please follow and like us:
Read More

HULIHIN ANG MGA KAPITALISTANG NAGPAPATAY KAY DENNIS SEQUEÑA

BAKBAKAN NATIN

WALANG dudang ­kapitalista ang nagpapatay kay ­Leonides “Dennis” Sequeña, vice-chairman ng Partido Manggagawa (PM) sa Cavite.

Si Dennis ay kasapi rin ng National Council ng PM at isa sa mga nominado ng PM party-list nitong nakalipas na halalan.

Si Dennis ay binaril nitong Hunyo 2 habang nagsasagawa ng pulong sa mga manggagawa sa Tanza, Cavite.

Tapat, masipag, seryoso, determinado at dedikadong organisador ng mga manggagawa si Dennis.

Wala siyang takot kumilos, organisahin at pakilusin ang mga manggagawa sa iba’t ibang kompanya at pabrika sa Cavite, lalo na iyong mga kompanyang pag-aari ng mga dayuhan sa Cavite Economic Zone kahit mayroon nang 42 organisador ng mga manggagawa ang pinaslang ngayong panahon ni Pangulong Rodrigo Duterte.

Sabi ni Wilson Fortaleza, tagapagsalita ng PM, “malaking kawalan” sa PM si Dennis.

Wala akong pagdududang mga kapitalista ang nagpapatay kay Ka Dennis Sequeña, sapagkat ­tanging kapitalista lamang ang makikinabang sa ‘tuluyang pananahimik’ ng ­naturang organisador ng mga manggagawa sa Cavite.

Ang problema, napakaraming ganid na mga kapitalista, kabilang na ang mga dayuhan, sa Cavite.

Ang tanong, sino o sinu-sino sa kanila?

Kung magsasagawa ng imbestigasyon ang pulisya ng Cavite na pinamumunuan ni Col. William Segun, maaaring simulan sa mga kompanyang pag-aari ng South Koreans, sapagkat sa aking pagkakaalam napaka-aktibo ni Dennis sa paggabay sa mga unyonista ng mga kompanyang pag-aari ng South Koreans nitong mga nakalipas na buwan.

Naging paksa ko pa sa kolum ko ang mga kontra-manggagawang ginagawa ng mga ­kapitalistang dayuhan sa Cavite Economic Zone.

Kapag natukoy ng mga tauhan ni Segun ang pumaslang kay Dennis, lawakan pa ang imbestigasyon hanggang matukoy at mahuli ang mga kapitalistang may kinalaman sa pagpatay sa kanya.

Tahasang kinondina ng Nagkaisa Labor Coalition na pinamumunuan ni Atty. Jose Sonny Matula ang “brutal” na pagpas-lang kay Dennis.

Ang Nagkaisa ay nanawagan ng katarungan sa pagpaslang kay Dennis.

Ako, na matagal nang kakampi ng uring manggagawa, ay nananawagan sa pamunuan ng Philippine National Police (PNP) sa Cavite, sa pangunguna ni Col. William Segun, na hulihin ang mga kapitalistang nagpapatay kay Sequeña.

Huwag namang balewa-lian at maliitin ang pagkamatay ni Dennis, sapagkat ika-43 na siyang tagapagsulong at tagapagtanggol ng mga karapatan ng mga manggagawa na napatay sa panahon ni Duterte.

Huwag namang gawing karagdagang bilang sa istadistika ng mahigit 40 lider-manggagawa at organisador ng mga manggagawa na hindi natukoy at naparusahan ang mga kapitalistang nagpapatay sa kanila.

Hindi ko kilala si Dennis, ngunit nakapanayam ko siya sa pamamagitan ng cellular phone noong Abril hinggil sa mga anti-manggagawang patakarang pinaiiral sa Jisoo garments at ­Daegyoung apparel na nakabase sa Cavite.

Naglinaw ako ng ilang punto tungkol sa binabanggit sa kalatas ng PM tungkol sa dalawang kompanyang pag-aari ng South Koreans.

Minabuti kong kontakin si Dennis bago ko talakayin ang laman ng kolum kong may pamagat na “Igalang ng Jisoo Garments at Daegyoung ­Apparel ang mga Karapatan ng mga Manggagawa.”

Hanggang ngayon, lubos akong naniniwala na walang saysay ang pagpapapaslang ng mga kapitalista sa mga lider-manggagawa at organisador ng mga manggagawa, sapagkat hindi matitigil ang paglaban at pakikibaka ng mga manggagawa kahit saang panig ng mundo hangga’t umiiral ang sistemang kapitalismo. (BAKBAKAN NA / Nelson Badilla)

Please follow and like us:
Read More

DYNASTY DELIKADO

curry12

NANGANGANIB na maputol ang dynasty ng Golden State Warriors dahil sa injury ng mga star player nito.

Kahapon ay hindi na pinalampas ng Toronto Raptors ang pagkakataon na samantalahin ang pagkawala ng mga injured key players ng Warrios na sina Kevin Durant (calf), Kevon Looney (costal cartilage fracture) at Klay Thompson (hamstring) at binigo ang defending champ, 123-109, sa homecourt nito sa Oakland.

Dahil sa panalo ay angat na ngayon sa best-of-seven finals series ang Raptors, 2-1, at muling naging liyamado kontra depleted Warriors.

Gaya nang inaasahan nagpakitang-gilas si Warriors star guard Stephen Curry na kumamada ng 47 puntos, three points higher sa kanyang postseason career best na 44 puntos noong 2013 playoffs laban sa San Antonio Spurs.

Ngunit hindi ito naging sapat lalo’t wala siyang gaanong tulong na nakuha mula sa kanyang teammates.

Naging game-time decision ang paglalaro ni Thompson sa Game 3 ng Warrios.

“The whole point was to not risk a bigger injury that would keep him out of the rest of the series,” sabi ni Warriors coach Steve Kerr. “So that was the decision we made, and I feel very comfortable with it.

Ayon pa sa kanya, “I never would have forgiven myself if I played him tonight and he had gotten hurt. So you live with the decision you make, you make a wise decision, the wisest one you can, and then you live with it and move forward.

“So the good thing is, Klay has done well the last two days; now he has a couple more days to heal, and hopefully he’ll be out there on Friday,” sabi pa ni Kerr.

Samantala, sumali na si Durant sa 3-on-3 scrimmages at umaasa ang Warriors coach na makapaglalaro na rin ito sa Game 4 sa Biyernes (Sabado, Manila time).

Huling naglaro si Durant sa Game 5 (May 8) ng Western Conference semifinals kontra Houston Rockets kung saan niya nakuha ang kanyang right calf injury.

Kung sakaling makalaro na siya sa Game 4, naniniwala si Draymond Green na agad makukuha nito ang kanyang rhythm.

“That’s a good problem to have,” sabi ni Green sa ESPN. “That’s a much better problem than trying to make up for what he do. So we’ll take that problem.”

Nangako naman si Green na mas pagbubutihin pa ang kanyang laro sa Biyernes lalo’t aminado siya na hindi natulungan ng husto si Curry sa pagbitbit sa kanilang team.

“I got to play better and offer him more help. I think if I played better with the night that he had, we would have won. So we need him to continue to be aggressive like he’s been, and all of us got to continue to fill in and be better.”

Please follow and like us:
Read More

HOW A HIGHLY MOTIVATED WORK FORCE CAN MOVE MOUNTAINS

GO FOR GOLD final

“PAANO nyo nagawa ang 15% sales growth? Eh 4% lang ang average growth for the previous decades based on historical sales?”

Ayan ang tanong sa akin ng isang taga ­McKenzie Consulting nung inaral nya ang aming financials sa isang ­kompanya na mina-manage ko bilang general manager.

2% of sales lang ang marketing budget namin at kulang pa kami ng stocks nung taon na yon. Pero na times 5 pa rin namin ang previous year’s growth na 3%!

“Our employees are responsible for that. From survival mode, they began to hope and sacrifice for the company once again,” ang sagot ko.

Ano pa kaya kung may marketing budget kami at may right stocks at the right time? Eh, di baka more than 30% growth pa?!

Ganyan kahalaga at kalakas ang impact ng mga empleyado na well-motivated. Ilang beses ko na ito na-witness at napatunayan sa higit 30 years kong nagpapatakbo ng organisasyon o kompanya.

Kaya akmang-akma ang GO FOR GOLD advocacy campaign na ni-launch namin para sa aming brands nung unang taon ko sa kompanya.

Two-pronged ang mensahe nitong GO FOR GOLD. Una, Go for gold … do your best! Anoman ang katayuan mo sa buhay, do your best! Atleta ka? Be the best athlete that you can be. Estudyante ka? Be the best student that you can be. Ganun din kahit ano ka pa. Traffic enforcer, janitor, clerk, etc. Go for gold! Do your best. Nadapa ka? Bangon! Kumbaga, positive values ang nais naming ma-inculcate sa tao.

Ang pangalawang mensahe, GO FOR GOLD! Go for GOLDTOE! Ibig sabihin, go for quality! Masyado kasing price conscious ang mamimiling Pilipino kaya tuloy parati na lang “pwede na” ang mentalidad natin.

Ngayon, para ­maging epektibo itong kampanya na ito, kailangan namin simulan sa loob ng kompanya ang call-to-action na ito bago namin dalhin ang mensaheng ito sa labas — sa aming mga customer.

Kaya minabuti namin na klaro muna ang mensahe  ng  Go  For  Gold  advocacy naming ito sa aming mga kasama sa trabaho sa opisina, bago pati na rin sa mga frontliner namin sa mga tindahan. Kailangan naming isabuhay ito. ­Dapat kami ang mauna sa pag  “do  your best, be your best!” We have to start from within our ranks  before  we  radiate  outwards.

Sinimulan namin ito sa pamamagitan ng mga early morning prayers, inspirational talks at anecdotes tuwing Lunes para sa mga empleyado sa head office.

Mula sa opisina, dinala namin ang mensahe sa mahigit 300 tindahan namin sa department stores, malls, atbp.

Importante na mapaliwanag sa mga promo girls namin kung ano ang Go for Gold! Kaya madalas kaming umiikot sa ­Luzon, Visayas at Mindanao ng ­aming National Sales Manager na si Jerry Mallari. Pati buong Metro Manila, ilang beses na namin nabisita ang mga promo girls ng Goldtoe at CityLady. Quarterly sa Metro Manila.

Malaking bagay sa kanila ang mga pagbisitang ito. They feel relevant. Iba kasi pag nabibisita sila ng mga taga head office sa puwesto nila. Iba raw ang pakiramdam na they exist.

May mga pagkukulang din kami sa aming mga kasama sa trabaho. Pero at least, ­pagdating dito sa palagiang pagbisita, pagpapasalamat, pagtapik sa balikat, at pagpapaalala ng GO FOR GOLD! … hindi kami nagkukulang.

Mapalad kami sa ­aming mga kasama sa trabaho dahil itong nakaraang 2018, biniyayaan na naman nila kami ng 23% sales growth!

Maraming salamat sa lahat ng aming frontliners sa department stores, back office ­support staff sa MIS, ­Accounting, ­Admin, ­Warehouse, atbp. (GO FOR GOLD / Paul Sison)

Please follow and like us:
Read More

LIZA NAGKA-BONE INFECTION; 3RD OPERATION INIHAHANDA

lizabone12

pwede ed deleon(NI ED DE LEON)

HINDI lang nawalan ng pagkakataon si Liza Soberano na gampanan ang pinag-aagawang role ni Darna, malaki na rin ang gastos niya dahil sa kanyang injured finger, na naoperahan na naman siya sa ikatlong pagkakataon sa US.

Inoperahan na iyang finger ni Liza dito, hindi lang minsan kundi dalawang beses pa, iyon pala walang nangyayari dahil hindi yata tama ang pagkakalagay ng bakal sa kanyang kamay. Bukod doon, nagkaroon pa ng infection ang kanyang finger, kaya ngayon kailangang gamutin muna iyong infection at saka siya inoperahan ulit.

Iyong sinasabing mga isang linggong gamutan lang sa LA, tumagal na nang tatlong linggo ngayon. At sa totoo lang, hindi biru-birong gastos iyon. Ang naitatanong nga lang namin, tinulungan man lang kaya ng network sa gastusin si Liza lalo na’t kung iisipin na nangyari ang aksidente sa set mismo ng isang teleserye na kanyang ginagawa.

Kung sa bagay ang narinig namin noong panahon ni Angel Locsin tinulungan naman siya at pinasamahan pa nga sa Singapore. Aywan namin si Liza kung ganoon din.

Pero kung maisipan man ni Liza na humingi ng refund ng kanyang mga ginastos sa pagpapagamot palagay naman namin tama lang eh, kasi nangyari iyan sa set ng teleserye. Bagama’t hindi karaniwang ginagawa kasi iyang mga artista may pera naman, ayaw nilang masabing suwapang sila, o siraan pa sila at sabihing walang utang na loob o unprofessional, pero karapatan nila iyon eh.

Kung iisipin nga hindi na kailangang hintaying humingi ng refund si Liza, dapat magkusa ang network na panagutan ang malaking gastos na iyan.

Please follow and like us:
Read More

KAPRITSO NI CARDEMA NA MATAWAG NA CONGRESSMAN, IBASURA!

CHRISTIAN BOMB

INAPRUBAHAN ng Commission on Elections (Comelec) ang pagsumite ni dating National Youth Commission (NYC) Chairman Ronald Cardema ng request of substitution of nominee noong hapon ng ika-12 ng Mayo upang maging kinatawan ng Duterte Youth partylist sa Kongreso.

Ito ay magbibigay daan upang tuluyang makaupo si Cardema sa Kongreso.

Ang desisyon na ito ng Comelec ay isang insulto at pambabastos sa ating demokratikong proseso at institusyon. Nakasaad kasi sa Partylist System Act na ang kinatawan ng sektor ng kabataan ay dapat 25 taong gulang na at hindi hihigit sa 30 taong gulang sa araw ng eleksyon, pero noong nagsumite si ­Cardema ng request of substitution of nominee noong Mayo 12 ay lampas na siya sa nakatakdang edad bilang representante ng sektor ng kabataan.

Bagamat nilinaw ni Comelec Commissioner Rowena Guanzon na ­hindi pa approve ang  substitution ni Cardema, kundi ‘yung application lang ang tinanggap, ay makikita naman na umaasta na siya bilang kinatawan ng Kongreso, at patunay diyan ang pagdalo niya sa mga pagpupulong ng mga nanalong kongresista ng mga partylist group.

Ibig sabihin, kung hindi sana tinanggap ng Comelec ang application ni Cardema para sa ­substitution ay hindi na sana ito nag-aastang ­kongresista.

Sa totoong lang, maraming anomalyang kinasangkutan ang Duterte Youth partylist. Kamakailan lamang ay kumalat ang mga litrato na nagpapakita ng mga gastos sa ­ilang online ads para sa Duterte Youth. Kasabay pa nito ang paglabas ng utos ng Commission on Audit (COA) na dapat ibalik ng mga opisyal at empleyado ng National Youth ­Commission (NYC) ang mga monetized leave ­credits at travel expenses na ­natuklasang puno ng katiwalian.

Bukod diyan, ibinasura na rin pala dati ng Comelec ang aplikasyon ng Duterte Youth Partylist dahil hindi ito ­nakapagsumite ng mga dokumento sa itinakdang panahon o oras ng Comelec, pero dahil malakas si ­Cardema kay ­Presidente Duterte, ­inaprubahan din ng Comelec ang  aplikasyon nito para makalahok sa halalan.

Maraming ginawang paglabag, kaya’t malinaw na ang Duterte Youth partylist at si Ronald Cardema ay magiging huwad na representante ng sektor ng kabataan at nariyan lamang upang suportahan si Pangulong Duterte at hindi para gumawa ng mga batas para sa kapakanan ng mga kabataan.

Sa ngayon ay patuloy pa rin ang pagdinig ng Comelec en banc sa petisyon ng mga kumukuwestyon sa ­pagiging substitute ni Cardema, at sana lang magdesisyon nang tama ang Comelec, dahil kung ­papaboran nila ito (Cardema) ay lalabas na binabalahura na mismo ng Comelec ang batas, para lang mapagbigyan ang ­kapritso ng “bata” ni Pangulong Duterte na congressman. (CHRISTIAN’S BOMB)

Please follow and like us:
Read More

MISIS BINARIL NG MISTER

crimeshooting12

(NI BONG PAULO)

NORTH COTABATO – Patay ang isang 55-anyos na misis makaraang barilin ng mismong asawa nito makaraang hindi pumayag ang una na iatras ng kanyang anak ang reklamo laban sa mister sa Barangay Datal Bob, T’boli, South Cotabato, Miyerkoles  ng umaga.

Kinilala ni Major Bernie Faldas, ang T’boli Acting Chief of Police, ang biktima na si Emma Segundo ng nasabing barangay.

Ayon kay Faldas, agad binawian ng buhay ang biktima sa tinamong mga tama ng bala sa katawan.

Agad namang tumakas ang mister ng biktima na si Freddie Segudo, 47 anyos, magsasaka.

Sinabi ni Faldas na nagalit umano ang suspek sa kanyang misis nang tumanggi itong iatras ng anak ng biktima ang reklamo laban sa suspect.

Ayon kay Faldas, nang umalis ng bahay ang misis hinarangan siya ng kanyang mister sa daan. Nagkaroon ng mainitang pagtatalo ang magsawa na humantong sa pagbaril umano ng suspek sa biktima.

 

Please follow and like us:
Read More