LALAKING NAGPAPA-5-6, PINASABOG ANG ULO

crimeshooting12

(NI JG TUMBADO)

PINAGBABARIL hanggang sa mapatay ang isang 40-anyos na market collector matapos pagbabarilin ng  nag iisang salarin sa Sta. Maria, Bulacan.

Hustisya ang sigaw ng pamilya at kaanak ng biktima na si Ronaldo del Rosario na binaril nang malapitan sa ulo pasado alas 3:00 ng hapon ng Sabado.

Nabatid sa report ng pulisya, pasakay na umano ang biktima sa kanyang motorsiklo nang tambangan ng isang hindi pa matukoy na lalaki.

Dead on the spot sa lugar ng krimen si Del Rosario bunsod ng isang tama ng bala ng baril sa kanyang ulo.

Base naman sa pahayag ng kaanak ng biktima sa mga imbestigador, wala naman umano silang alam na naging kaaway ito.

Teorya ng pulisya, posibleng may kinalaman sa sideline ng biktima na guarantor at naniningil ng pautang sa 5-6.

Pagkatapos ng pamamaril, hindi na nagpakita ang malaking kliyente nito sa pautang.
Bago umano ang pamamaril ay nakatakda sanang makipagkita si del Rosario sa isang kliyente nito subalit hindi ito sumipot pagkatapos ng pangyayari.

Patuloy ang imbestigasyon ng pulisya kaugnay ng naturang krimen.

Please follow and like us:
Read More

ROAD RAGE O CRIME OF PASSION? LOVERS PINATAY SA HIGHWAY

san fabian pangasinan12

(NI JESSE KABEL)

BUKOD sa kasong road rage, crime of passion  ang isa sa tinitingnang motibo ng pulisya sa highway killing sa mag-live-in partner na pinagbabaril sa bayan ng San Fabian, Pangasinan.

Ayon sa San Fabian PNP, isa sa mga anggulong tinitingnan ang motibong love triangle dahil kapwa umano may asawa ang dalawang biktima

Kinilala ang mag live-in partner na sina Patrocenio Malicdem, 53, ahente ng lupa at Solna Parlan, 54.

Nabatid na bukod sa anggulong love triangle, tinututukan din ng mga imbestigador ang posibleng road altercation o away sa lansangan dahil sa posisyon ng mga sasakyan.

Lumilitaw sa pagsisiyasat na  ang mga biktima, sakay ng kanilang motorsiklo  ang sumusunod sa kulay dilaw na kotse ng suspek nang maganap ang pamamaril.

Hinala ng mga pulis, nag-overtake ang suspect sa kotse saka bumaba para barilin ang mga biktima.

Nagsasagawa na ngayon ng backtracking ang pulisya sa mga dinaanang lugar ng mga biktima upang malaman kung nagkaroon ng kaaway sa daan bago maganap ang pamamaril sa kanila.

Una rito, binabagtas ng mag-live in partner ang San Fabian-San Jacinto Road partikular sa Barangay Angio nang bigla umanong tumigil ang sinusundan nilang dilaw na kotse saka sila pinagbabaril gamit ang kalibre .45 pistola na kanilang ikinasawi.

Please follow and like us:
Read More

DOKTOR  NATAGPUANG PATAY SA NAIA T 3

naia3

(NI DAVE MEDINA)

PATAY na nang matagpuan ang  isang lalaking doktor sa Domestic Pre-Departure Area, Terminal 3, Pasay City, Linggo ng umaga.

Kinilala ang biktima na si Richard Alexander DL Pareñas, medical doctor, nag-eempleyo bilang Medical Officer III sa Viga District Hospital sa San Vicente, Viga, Catanduanes .

Sa ulat ng mga awtoridad, dakong 8:23 ng umaga nang makita ni John Paul Mortal, building attendant si Pareñas na walang malay sa loob ng  cubicle ng panlalaking comfort room malapit sa FSSCP Domestic Exit.

Agad itong inireport ni Mortal sa security guard na tumawag ng medical team sa NAIA .

Kasalukuyan namang nagsasagawa pa ng proper examination sa katawan ng doktor ang Scene of Crime Operatives upang malaman ang dahilan ng kamatayan ng biktima.

Please follow and like us:
Read More

LEA NA-DISTRACT SA NAG-RING NA PHONE SA CONCERT

(NI GORGY RULA)

INI-UPDATE ako through messenger ng kaibigan kong taga-Arizona, USA nang mag-concert doon si Lea Salonga nung nakaraang Biyernes, May 17 ng gabi.

Ginanap daw ang concert sa Scottsdale Center for the Performing Arts, at sold-out daw ito.

Hanggang ngayon ay mabenta pa rin talaga si Lea dahil laging iba-iba raw ang repertoire at magaling naman kasi.

Kaagad napuno raw ang venue, at nang pumasok na si Lea, ang lakas ng sigawan at palakpakan.

Ipinaliwanag pa niyang naka-sneakers siya kahit naka-gown ito dahil nagti-therapy pa pala siya pagkatapos niyang maaksidente sa skiing vacation niya nung nakaraang January.

Hindi pa rin nagbabago ang boses at lalo pa nga raw yatang gumaling kaya keri niyang magtaray kung type niya.

Noong nasa pangalawang kanta raw niya, nabigla raw si Lea nang may tumunog na ring ng cellphone sa audience.

Pagkatapos daw ng second song niya, nagp-dialogue daw ito ng tipong; “I heard a phone ringing over there and I will stop and ask you to answer because it could be emergency.

“Emergency happens and just go ahead and answer it. I’ll wait, that could be an emergency.”

Medyo nakataas daw ang kilay ng lola mo dahil isa kasi yan sa ikinairita niya talaga habang nagpi-perform.

Bago magsimula ang concert, may warning naman na i-off ang mobile phone o kaya i-mute para hindi maka-distract sa performance ng artist.

Kaya hindi pinalagpas ‘yun ni Lea.

Masaya naman ang nanood sa concert niya na karamihan mga Pinoy. Mabenta talaga ang concert ni Lea dahil sulit naman daw ang biniling ticket na nagkakahalaga ng 35 at 85 US dollars.

Please follow and like us:
Read More

INIWAN NG ASAWA, NEGOSYANTE NAGBIGTI

suicide

(NI JULIE DUIGAN)

MULA  umanong iwan ng asawa, anim na buwan na ang nakararaan, nagpasiya nang kitlin ang sariling  buhay ng isang 37 anyos na negosyante, nang matagpuang nakabitin sa loob ng kanyang kuwarto sa Tondo, Manila, Linggo ng umaga.

Nakilala ang biktimang si Ranier Lao, ng Raja Matanda St., Tondo.

Batay sa ulat ni Det. Donald Panaligan na isinumite kay P/Capt. Henry Navarro , hepe ng Manila Police District-Homicide Section, bandang alas-9:30 ng umaga , nang matagpuan si Lao sa ikalawang  palapag ng kanyang kuwarto.

Salaysay ni Rosita Briones, 53, kasambahay ng pamilya Lao , bandang alas-6:00 ng umaga nang dumating ang kanyang amo galing sa labas ng bahay.

Sinundan umano nito si Lao, sa utos umano ng tiyahing si Lolita ngunit, pinababa siya ng biktima.

Ilang saglit pa ay humihingi na ng tulong ang anak ng biktima dahil nakabitin na ang kanyang ama at halos wala nang buhay.

Dito na humingi ng saklolo si Briones sa kapitbahay. Napag-alaman na mula umanong iwan ng asawa ay madalas na tulala at naiba na ang pag-uugali nito.

Please follow and like us:
Read More

‘DI KINAYA; 62-ANYOS PATAY SA HOTEL KASAMA ANG 20-ANYOS

crime

(NI JULIE DUIGAN)

MALAKI ang hinalang uminom muna ng sex pills ang isang 62- anyos na retiradong kawani ng Manila City Hall , makaraang isugod sa Jose Reyes Memorial Medical Center ,  habang nasa loob ng isang hotel, sa Sta. Cruz, Manila, Sabado ng gabi.

Kinilala ang biktimang si Wilfredo Hainto, 62, may asawa ng Francisco Varona St., Tondo, na idineklarang patay dakong alas-8:25 ng gabi.

Base sa imbestigvasyon ni Det.Rodel Benitez, ng Manila Police District-Homicide Section, bandang 7:00 ng gabi nang mag check-in ang biktima sa Century Pension House sa Rizal Avenue, sa Sta Cruz,  at doon na umano nakipagkita sa 20-anyos na babae.

Salaysay ng babae , nakipagkita umano siya sa biktima , upang manghiram ng P1,000 na sana’y  pambili ng gatas ng kambal na anak.

Habang nakaupo umano sa dulo ng kama ang biktima ay  bigla itong bumagsak at naghahabol ng hininga kaya kaagad nagpasaklolo ang babae sa staff ng hotel na tumulong upang maisugod sa naturang pagamutan ang biktima. Gayunman,  hindi na ito umabot nang buhay.

 

Please follow and like us:
Read More

NABALIW SA GUTOM; 2 PASLIT PINUGUTAN NG NANAY

mindoro12

(NI JG TUMBADO)

DEPRESYON at nararanasang gutom ang nakikitang dahilan sa brutal na pagpatay ng isang 30- anyos na ina sa kanyang dalawang batang anak sa bayan ng Sta. Cruz, Occidental Mindoro.

Hawak na ngayon ng pulisya ang ina na hindi pinangalanan habang ang isang anak nitong menor de edad na babae na nakaligtas sa tangkang pagpatay nito ay nasa pangangalaga na rin ng Municipal Social Welfare and Development.

Ayon kay Police Major Librado Manalang, hepe ng Sta. Cruz Municipal Police Station, nangyari ang karumal-dumal na krimen sa mismong bahay ng pamilya na nasa malayong kabihasnan sa Sitio Landing, Barangay Pinagturilan ganap na alas 7:00 ng umaga ng Sabado.

Ang mga biktima ay 8-anyos na babae at 1-taong gulang na lalaki. Habang ang naka ligtas sa tiyak na kamatayan ay nasa edad 10-taon gulang.

Nabatid sa imbestigasyon, na hinintay lamang umano na makaalis ng bahay ang mister para mangahoy at manguha ng kanilang makakain na kamote.

Gamit ng suspek ang isang gulok na pangtabas nito ng mga halaman at pananim sa labas ng kanilang bahay, ay walang habas na pinagtataga ang kanyang mga anak bago pinutulan pa ng ulo ang mga Ito.

Sinasabing dumaranas umano ng mental illnes ang suspek na miyembro ng Alangan Mangyan Tribe gayundin ang buong pamilya.

Nakatakda namang sampahan ang suspek ng double parricide at attempted homicide kaugnay ng insidente.

Please follow and like us:
Read More

MOIRA: IT HURTS AND IT’S NOT OKAY!

moira12

boy abunda(NI BOY ABUNDA)

MULA nang makumpirang isa si Moira dela Torre sa mga judges ng ‘Search for the Idol Philippines’ ay umani ng mga mapanirang salita ang singer sa social media. Ngayon ay patuloy na nakararanas si Moira ng pamba-bash mula sa netizens kapag napapanood sa episodes ng nasabing programa.

“They are always entitled to their own opinion. For me, alam ko po sa sarili ko na Fremantle and ABS management chose me and gave me this position. But at the end of the day, it was my listeners who placed me in this kind of position. There are people who don’t like me but I know there are people who still love me so as long as I know people who love me know I’m credible to be there. At least nagva-viral,” natatawang pahayag ni Moira.

Aminado ang singer na nasasaktan siya sa lahat ng masasakit na salitang ibinabato sa kanya ng online bashers. “Siyempre masakit. But this isn’t my first time being bashed. It hurts honestly and it’s not okay. I want to say (sa sarili) na, kebs lang. i-ignore mo lang,” pagtatapat niya.

Tanggap naman ni Moira na marami pang mga bagay ang kailangan niyang matutunan pagdating sa pagiging hurado ng isang competition. “Kasi may constructive criticism at may mga criticism na tinatago nila sa constructive criticism. But at the end of the day, constructive criticism should build people up and inspire not bring them down. There are so many unnecessary comments. I take the constructive criticism to heart and aminado naman ako that I have so much to improve. As a judge sobrang mahiyain ko po kasi. So ‘pag may energy ako sa stage, nagmumukha akong OA (over acting). Kasi hindi ako ‘yon eh, but I’m improving, I know I’ll get better but I know that in the last eleven years in the industry, I deserve this spot,” paliwanag ni Moira.  -Reports from JCC-

 

Please follow and like us:
Read More

2 MAID HULI SA P1.5-M NINAKAW NA ALAHAS, PERA NG AMO

crime robber12

(NI KEVIN COLLANTES)

PINAG-IINGAT ni San Juan City Police chief, P/Col. Ariel Fulo ang publiko sa pagkuha ng mga kasambahay, matapos maaresto ang  dalawang kasambahay na bagong pasok lamang sa trabaho, at inaakusahang nagnakaw ng P1.5 milyong halaga ng iba’t ibang uri ng mga alahas at cash ng kanilang amo sa San Juan City.

Kinilala ni Fulo ang mga suspek na sina Lourdes De Asis, alyas ‘Lulu,’  49, at Analyn Escari , alyas ‘Inday,’ 20, kapwa stay-in helpers sa 105 Kennedy St., North Greenhills, Barangay Greenhills, San Juan City.

Ang mga suspek ay naaresto dakong 8:45 ng umaga ng Sabado, , sa isang fastfood chain sa Annapolis, Barangay Greenhills, batay sa reklamo ng kanilang amo na si Victoria Marzan, 58, isang pribadong employer, at residente ng naturang lugar.

Batay sa salaysay ng biktima kay SPO2 Dennis Ramos, na nakarating kay Eastern Police District (EPD) director, P/BGen. Christopher Tambungan, nabatid na Abril nang tanggapin niya bilang katulong ang mga suspek, batay sa referral ni Meriam de Asis Ropaning, na kaanak umano ni Lourdes.

Matapos lamang naman ang isang buwan mula nang sila ay tanggapin sa trabaho, o nitong Mayo 16, ay nagpaalam na umano ang mga suspek sa amo na aalis na, na pinayagan naman umano niya.

Laking gulat na lamang ni Marzan nang madiskubre niyang nawawala na ang kanyang mga alahas at cash na nakalagay sa kanyang safety vault.

Kaagad namang kinontak ni Marzan si Ropaning at sinabihang dalhin ang mga suspek sa Greenhills dahil nais niyang makausap ang mga ito kaugnay ng insidente.

Pumayag naman umano si Ropaning, ngunit lingid sa kanilang kaalaman ay naireport na pala ni Marzan sa pulisya ang insidente, kaya’t nang magkita sila sa loob ng isang fastfood chain ay kaagad nang dinampot ang mga ito ng mga tauhan ng Police Community Precinct 1 (PCP) ng San Juan City Police.

Mariin namang itinatanggi ng mga suspek na sila ang nagnakaw ng mga nawawalang cash at alahas ng biktima.

Batay sa report ng pulisya, ilang alahas at mga accessories na ang nagkakahalaga ng P150,000 ang nabawi nila ngunit hindi pa narerekober ang P910,000 halaga pa ng iba’t ibang uri ng alahas, gayundin ang P500,000 cash na nakalagay sa vault.

Kasalukuyan nang nakadetine ang mga suspek sa San Juan City Police Custodial facility at mahaharap sa kasong qualified theft.

 

Please follow and like us:
Read More

BF SINAKSAK NG UTOL NG GF

stab

(NI MAC CABREROS)

HINDI sukat inakala ng isang lalaki na ang pagsundo nito sa bahay ng girlfriend ang maglalagay sa kanya sa kritikal na kondisyon nang saksakin ng kapatid na lalaki ng kanyang syota sa Marikina City.

Matamang binabantayan ang kalagayan sa Amang Rodriguez Memorial Medical Center sanhi ng tama ng patalim sa likod si Julius Lovendico, 24, gas attendant, habang nakakulong ang suspek na si Jayson Gonzales, 29, residente ng Angel Santos St., Brgy. Tumana ng nasabing lungsod.

Sa imbestigasyon ng pulisya, sinundo ni Lovendicio ang kanyang girlfriend sa bahay nito para sa isang date alas-5:00 ng hapon ng Sabado.

Sa hindi pa malamang kadahilanan ay nagkaroon ng mainitang pagtatalo ang
biktima at suspek hanggang sa kumuha ng kutsilyo ang suspek at sinaksak sa likod ang biktima.

Agad namang naaresto ng nagrespondeng awtoridad ang suspek  at nakatakdang sampahan ng kaso.

Samantala,  nakaratay din sa ARMMC si Malbert Baguio, 21, construction worker, nang saksakin ng nakainumang sina Joel Aquino Jr., 20 at Gerald Aquino, 24, na pinaghahanap ngayon ng mga awtoridad.

Ayon sa pulisya, nag-inuman ang biktima at dalawang suspek alas-8:00 ng gabi nitong Sabado sa Lot 11 Block 73 Katipunan St., Brgy. Concepcion Dos nang saksakin ni Aquino ang biktima. Nagtamo ng saksak sa dibdib ang biktima at inoobserbahan sa pagamutan.

Please follow and like us:
Read More

EROPLANO NAGLAHO;  ESTUDYANTE, PILOTO NAWAWALA

baron12

(NI DAVE MEDINA)

PATULOY na pinaghahanap ngayon ang piloto at estudyanteng Arabyano na  sakay ng Beechcraft Baron 55 (BE55) trainer aircraft na iniulat na nawawala matapos ang takeoff nito, Linggo ng umaga sa San Jose Airport, sa Mindoro.

Ayon sa Civil Aviation Authority of the Philippines (CAAP), ang Beechcraft Baron ay ino-operate ng Orient Aviation Corporation na may registry number RP-C9078 at sakay ang Filipino pilot-in-command at isang estudyanteng  Saudi Arabian national.

Makaraan umano ang take off ng maliit na eroplano ay hindi na nakarinig ng ulat mula sa piloto simula sa departure nito sa San Jose Airport bandang  alas-8:13 ng umaga.

Huling lokasyon ng eroplano na naitala ng radar ay  16 Nautical Miles timog ng  San Jose Airport.

Kasama sa aktibong paghahanap sa posibleng lokasyon sa mga nawawala ang apat na grupo ng Philippine Air Force (PAF) gamit ang kanilang Angel 922 Helicopter,  ang Philippine Navy sa kanilang 310 Islander aircraft, isang  King Air private jet, at ang Philippine Coast Guard (PCG) sa pagsuyod sa karagatan.

 

Please follow and like us:
Read More

FAKE NEWS…. FAKE NEWS…

FAKE NEWS-4 copy.jpg

Balitang nasa Cardinal Santos hospital si Pangulong Duterte at nasa critical condition ay gawa-gawa lang ng isang dating anchor ng isang TV station na nakabase sa QC.

Ang katotohanan, ayon sa source ng Newsblast Online na doktor mismo sa nasabing ospital, ay nagpa-checkup ang Pangulong Duterte isang araw matapos ang halalan, pero umuwi rin agad.

“Gabi na noon nang nakasalubong ko si Digong na naglalakad at nalaman kong nagpa-checkup… pero makalipas ang ilang oras ay nakita kong pauwi na sjya at mga kasama,” pahayag ng doktor, na nagsabi pang “siguro napagod noong mga araw ng kampanya hanggang noong araw ng botohan.”

Idinagdag pa ng nasabing doktor na isang kilalang malapit na kaibigan ng dating TV anchor ang nag-usisa sa ilan tauhan ng ospital kaninang umaga lang tungkol sa kalagayan ng kalusugan ng Pangulong Duterte.

Ang TV anchor at ang kanyang kaibigang nag-usisasa ospital ay kilala umanong “dilawan.”

Please follow and like us:
Read More

KATHDEN MAG-PROMOTE SA EAT BULAGA HABANG ANDOON SI MAINE

kathden1

ang kulit ni Lolit(NI LOLIT SOLIS)

NOONG Sabado, May 18 lang pala ang last shooting day ng Hello, Love, Goodbye nina Kathryn Bernardo at Alden Richards.

Ang saya raw ng last shooting day nila na kung saan may pa-T-shirts pa si Alden sa mga staff doon at  siguro may pakimkim pa  yan.

Ang nakakatuwa, dumaan din doon si Daniel Padilla para dalawin lang si Kathryn at matagal-tagal din daw siyang nakipagtsikahan doon.

Bago nga umalis si Daniel, nagkatsikahan din daw sila ni Alden kaya ang gaan lang daw ng feeling doon sa set.

Natapos ang movie na ito na maayos, walang intrigahan, walang gusot. Kaya sana maganda ang kalalabasan di ba?

Dapat nga kasali pa diyan ang isa kong alagang si Benjie Paras, pero hindi pumuwede sa schedule niya dahil may ginagawa rin siyang isang pelikula sa Star Cinema.

Excited ako sa pelikulang ito ha? Dati mga pelikula lang ni Sarah Geronimo at John Lloyd Cruz ang pinapanood ko, ngayon papanoorin ko itong sa kanilang dalawa.

Ang bait kasi ni Alden at pati na rin si Kathryn, kaya gusto ko suportahan yan!

Ang dinig ko mga end of July daw ang showing nito, kaya maplano pa nila nang mabuti ang promo nito.

Siguro naman papayagang mag-promote si Alden sa ABS-CBN 2, at ganundin si Kathryn.

Ang saya siguro pag mag-promote sila sa Eat Bulaga, at nandun din si Maine Mendoza. Bongga yan!

    ALDEN IPAPALIT KAY REGINE BILANG HOST NG THE CLASH 2ND SEASON 

Si Alden Richards daw pala ang matunog na pinag-uusapang maghu-host ng The Clash na nasa second season na.

Nagsisimula na kasi ang audition ngayon ng The Clash at sabi ni direk bert de Leon na isa sa screening panel, umaasa raw silang makakahanap ng kakaibang talent sa musical competition na ito.

Marami nga ang nagtatanong kung saan na ba ang first grand winner na si Golden Canedo.

Alam ko may single na siya sa GMA Records pero siguro dapat push pa nang bongga para makilala siya.

Magaling naman ang batang yan eh!

Tuluy-tuloy na raw ang audition nila. Katatapos lang sa Dagupan City at meron pa sila sa Gen. Santos City, sa Davao, Bacolod at marami pang lugar.

Maganda nga kung si Alden ang mag-host para ibang-iba talaga ang look kung ikumpara sa unang season na si Regine Velasquez ang host.

Pero ang mga judges daw sina Aiai delas Alas, Christian Bautista at Lani Misalucha pa rin.

BIRTHDAY  KO TODAY.  WAIT AKO SA BAHAY NG PADALA NINYONG GIFTS

you pala sa mga nakaalala na sa birthday ko at naibigay na ang regalo nila in advance.

Feeling ko tuluy-tuloy pa ang dating ng regalo sa akin kaya waiting na lang ako ngayon sa bahay.

Sabi raw ni Mayor Lani Mercado, dapat na magpa-party daw ako ngayon.

Sinabi ko kasi noon na gusto ko lang magpa-party pag nakalabas na si Bong Revilla. Eh nakalabas na nga at nanalo pa sa election kaya dapat na nga sigurong magpa-party.

Pero parang mas type kong get na lang nang get ng regalo at sabi ko nga  kina Lani at Bong, sa halip na ipa-party ko, perahin na lang nila no!

Sa totoo lang nagkasakit na nga ako sa katututok sa bilangan ng boto.

Nung binasahan ng verdict si Bong sa Sandiganbayan na kung saan ‘not guilty’ nga siya, nagkasakit din ako dun sa sobrang tensyon siguro.

Ngayon, sumama rin ang pakiramdam ko sa kapupuyat para bantayan lang sa TV ang update sa bilangan ng boto.

Na-tense din ako nang husto habang binabantayan kong makakaakyat siya sa magic 12.  Kaya hindi na ako magpa-party! Rest na lang ako sa bahay habang hinihintay ko ang pagdating ng mga regalo sa akin.

Kaya padala nyo na birthday gift nyo sa akin no!

 

 

 

Please follow and like us:
Read More

2 LOLA, 1 PA PATAY SA KILLER HIGHWAY  SA QUEZON

motoraccident12

(NI JUN V. TRINIDAD)

LUCENA CITY – Dalawa ang patay at isa ang sugatan sa dalawang magkahiwalay na aksidente sa Maharlika Highway sa bayan ng Lopez at Calauag sa lalawigan ng Quezon araw ng Sabado.

Magkasamang tumatawid ang dalawang matanda na sina Estilita de Luna, 70, at Nemia Vejerano, 73, nang bigla silang tumbukin ng rumaragasang motorsiklo na minamaneho ni Roy Afarin sa may bahagi ng Barangay Vinas sa Calauag bandang alas-9:00 ng gabi, ayon sa report ng pulisya.

Nagtamo ng grabeng pinsala sa katawan ang dalawang biktima.

Agad silang isinugod sa Magsaysay Memorial District Hospital sa karatig na bayan ng Lopez subalit hindi na umabot nang buhay si Vejerano sa nasabing pagamutan.

Hindi naman tumakas ang motorcycle rider at sa halip ay siya pa ang nagreport ng insidente sa istasyon ng pulisya.

Sa bayan ng Lopez ay todas din si Michael Bryan Tabuga, 24, habang tumatawid sa Maharlika Highway nang salpukin naman siya ng humaharurot na Mistsubishi L300 van na minamaneho ni Ruel Bismar patungong Bicol.

Agad din na dinala ang biktima sa Magsaysay Memorial District Hospital subalit hindi na rin ito umabot ng buhay sa nasabing ospital.

Nakakulong sa Lopez police jail ang tsuper ng van.

 

Please follow and like us:
Read More

LALAKING NAKIPAGLIBING SA KAANAK, BINARIL, PATAY

batangas1

NI NILOU DEL CARMEN)

ISANG tama ng bala sa ulo at isa sa dibdib ang ikinasawi ng isang nagbabakasyong OFW  na binaril sa harap ng sementeryo sa San Pascual,  Batangas, Sabado ng hapon.

Ayon sa San Pascual police,  katatapos lamang makipaglibing sa isang pumanaw na kamag-anak ng biktimang si Dennis Abrahan,  44, ,  residente ng Barangay Manginao Proper,  Bauan,  nang ito ay barilin ng hindi nakilalang gunman sa harap ng Holy Cross Cemetery sa Barangay Sambat,  pasado alas 3:00 ng hapon.

Ayon kay Police Major John Rillian,  hepe ng San Pascual Police,  nakatayo lang sa gilid ng kalsada ang biktima at hinihintay ang kasamang bumibili ng sigarilyo nang lapitan ito ng nag-iisang salarin at malapitang barilin.

Isinugod pa ang biktima sa Bauan Doctor’s Hospital subalit nalagutan din ito ng hininga habang nilalapatan ng lunas.

Nakatakas naman ang suspek matapos pamamaril.

Nagsasagawa pa ang San Pascual police ng malalimang imbestigasyon sa pangyayari at inaalam pa rin kung sino ang suspek at ano ang motibo sa likod ng krimen.

 

 

Please follow and like us:
Read More

HALALAN KONTROLADO NG MGA TRAPO AT POLITICAL WARLORDS

warlords copy.jpg

(Ni Nelson S. Badilla / Ikatlong Bahagi)

SA pagsasaliksik ng manunulat na ito sa kasaysayan ng halalan sa Pilipinas, walang lider-manggagawa ang pinatakbo ng pampolitikang partido ng mga manggagawa mismo.

Sa pananaw ni Wilson Fortaleza, tagapagsalita ng Partido Manggagawa (PM), walang nabuong partido ng mga manggagawa mula nang magsimula ang eleksyon sa bansa sa panahon ng paghahari ng Kastila hanggang sa panahong kontrolado ng Amerika ang Pilipinas hanggang bago matapos ang Ika-20 Siglo.

Ani Fortaleza, hindi inintindi ng uring manggagawa ang halalan, marahil sa dahilang ‘laro’ ito ng mga tradisyonal na politiko at political warlords.

Kung babalikan at sisipating mabuti ang mga halalang naganap sa bansa, ang mga lider-manggagawa o nag-sasabing sila ay kinatawan ng uring manggagawa na lumahok sa mga nakalipas na eleksyon upang maging kasapi ng Kongreso, sila ay “boses” o kinatawan ng “Masang Pilipino” at hindi solo ng uring manggagawa.

Kapag sinabi nating Masang Pilipino, pumapatungkol ito sa lahat ng sektor ng pangkaraniwang tao o ng mga inaapi at pinagsasamantalahan sa lipunan kung saan kasama ang mga magsasaka, mangingisda, kardador sa piyer, guro, nars at marami pang iba.

Kaya, hindi lang manggagawa ang sinasabing Masang Pilipino, bagamat pinakamarami sila sa mga inaapi, pinagsasamantalahan at nililinlang sa lipunan.

Sa halip, ang lumahok sa ilang piling halalang kontrolado ng mga tradisyonal na politiko at political warlords ay ang mga partido-komunista.

LUMAHOK ANG PKP SA ELEKSYON

NOONG 1946, nanalo sa halalan ang walong kandidato ng Democratic Alliance (DA) sa pagiging kasapi ng Kamara.

Ang DA ay itinatag ng Partido Komunista ng Pilipinas (PKP).

Sa esensya, ‘lumahok’ ang PKP sa eleksyon at nagpatakbo ng walong kandidato upang maging mga kon-gresista.

Kabilang sa walong naipanalo ng DA ay si Luis Taruc, ang pinuno ng Hukbong Bayan Laban sa Hapon (HUKBALAHAP).

Ngunit, hinarang ni Manuel Roxas ang kanilang pag-upo sa Kamara sapagkat takot si Roxas na magkaroon ng malaking puwersa sa Kamara na lalaban sa pag-amiyenda ng Saligang-Batas ng 1935 upang magkaroon ng patas na karapatan ang mga Pilipino at Amerikano sa iba’t ibang larangan sa Pilipinas.

Ang HUKBALAHAP ay ang armadong yunit ng PKP.

Ang PKP ay itinatag noong 1930 sa pamumuno ni lider-manggagawang Crisanto Evangelista.

Si Taruc ay naging kasapi ng Partido Sosyalista (PS) na itinatag noong 1938 sa pamumuno ni Pedro Abad San-tos.

Nagsanib ang PS at PKP kung saan si Evangelista ang siyang kinilalang pangulo at si Abad Santos ang pan-galawang pangulo.

PKP ang piniling opisyal na pangalan ng pamunuan ng dalawang organisasyon.

Si Taruc ang naging hepe ng sandatahang lakas ng PKP.

Tumuon ang puwersa at lakas ng PKP sa Luzon.

Ang pangunahing adyendang ipinaglaban ng DA (na siyang ring adyenda at ipinaglaban ng PKP) ay ang interes at kapakanan ng mga manggagawang-bukid, magsasaka at mga Pilipino na nakipaglaban noong panahon ng Hapon (1942 – 1945) sa bansa, ngunit pinabayaan ng pamahalaan at ginawa pa siyang “kaaway ng estado” ng administrasyon noon ni Manuel Roxas.

Pagkatapos harangin at ipagtabuyan ng administrasyong Roxas ang DA mula sa kanilang lehitimong pagkapa-nalo sa halalang 1946, hindi na muling sumali ang PKP sa eleksyong ipinapatawag ng pamahalaan sa mga su-munod na taon.

Tuluyan nang naasar, nadismaya at nawalan ng tiwala ang PKP sa pamahalaan.

Hindi na rin nagtiwala ang PKP kahit noong si Ramon Magsaysay ang pangulo na isang popular at makamasa.

Sa halip na eleksyon, sa armadong pakikibaka at kilos-protesta isinulong at pinamunuan ng PKP mula 1930 hanggang 1968 — ang pakikibaka ng mga manggagawa, magsasaka at iba pang inaapi at pinagsamantalahang sektor sa bansa.

Ang pag-abandona ng PKP sa eleksyon bilang lugar at pagkakataong isulong at ipaglaban ang adyenda nito sa ligal at parlamentong paraan ay nagpapakita ng lubusang nawalan ng tiwala  ang pamunuan at kasapian ng PKP sa halalan.

Noong 1968, tuluyang nahati ang PKP sa dalawang pangkat.

Itinatag ang Communist Party of the Philippines (CPP) sa pamumuno ni Jose Ma. Sison noong Disyembre 26,1968 sa Tarlac.

CPP, LUMAHOK SA HALALAN

KAHIT mayroong nabuong bagong Partido-Komunista na ang kinilalang ideolohiya ay ang Marixismo-Leninismo at Kaisipang Mao Zedong (Mao Tse Tung), hindi pinasok at lumahok ang CPP sa halalan, sapagkat labis nitong pinaniniwalaang hungkag at  walang laman ang nasabing laro at laban ng mga tradisyonal na poli-tiko at political warlords.

Armadong pakikibaka at mga protesta sa lansangan ang ginamit ng CPP sa pagsusulong ng mga layunin nitong iwinagayway sa ideyang “Pambansang-Demokrasya.”

Nang maging pangulo si Corazon Cojuangco Aquino, lumahok ang kaliwang puwersa sa eleksyong 1987.

Itinatag ang Partido ng Bayan (PnB) batay sa direktiba ng pamunuan ng CPP.

Ang PnB ay hindi pampolitikang Partido ng mga manggagawa, kundi ng Masang Pilipino, batay na rin sa oryen-tasyon nito.

Ang isa sa mga kandidato sa pagkasenador ng PnB ay si Bernabe “Kumander Dante” Buscayno.

Si Buscayno ay siyang unang pinuno ng New People’s Army (NPA) nang binuo ito noong Marso 29,1969 bilang armadong puwersa ng CPP.

Ang isa pang pamosong personalidad ng pambansa-demokratikong kilusan na si lider-manggagawa Crispin “Ka Bel” Beltran ay pinatakbo ring senador sa tiket ng PnB.

Natalo ang PnB, sapagkat dinahas at tinakot daw ng mga sundalo at pulis ang grupo nito, ayon sa PnB. (Itutuloy)

Please follow and like us:
Read More

ANG PAKIKIALAM NG BSDO NG BRGY. 171 SA CALOOCAN

KAAA BOOM

ANO itong nakarating sa atin na reklamo na diumano’y nakikialam sa bentahan ng lupa ang BSDO ng Barangay 171 sa Bagumbong, Caloocan City partikular sa Myrna Roque Subdivision.

Sa pahayag ng magkapatid na Lina Roque at Juliet Mendoza, wala silang ibinigay na pahintulot sa kanilang hipag na si Erlinda dela Cruz, upang ibenta ang kanilang tatlong ektaryang lupa subalit laking gulat nila na nagawa nitong  maibenta  ang kanilang property. Inay ko po! Anong nangyari?

Ayon pa sa magkapatid, gumawa na sila ng hakbang upang masawata ang ginagawang pagbebenta ng kanilang lupa ni Erlinda Dela Cruz na pawang peke umano ang mga dokumentong hawak subalit dahil sa pakikipag-sabwatan ng ilang opisyal ng barangay, nagagawa nitong si Erlinda na mapaniwala ang mga buyer na genuine ang hawak niyang titulo.

Dahil dito, nais manawagan nila Lina at Juliet kay Department of Interior and Local Government Undersecretary Martin Dino, ng Barangay Affairs para swetuhin nito ang mga opisyal ng Barangay 171 Bagumbong, Zone 51, District 1, para mapigil na ang pagbebenta ni Dela Cruz ng kanilang ari-arian.

Ipinakita ng magkapatid sa inyong lingkod ang katunayan na sila ang totoong may-ari ng lupa at sila rin ang nagbabayad ng buwis sa pamahalaan kahit pa noong nabubuhay ang kanilang inang si Filomena na nag-iwan ng testamento na walang ipagkakaloob na karapatan o mana sa lupang kanyang maiiwan si dela Cruz.

Iginiit din ng magkakapatid na sina Ernesto Timbal, Danilo Baringuel at Nonito Gonzales ang binigyan ng “special power of attorney” ng pamilya upang  makipag-usap sa mga nais bumili ng kanilang mga ari-arian sa Myrna Roque Subdivision.

Nakatakdang magsampa ng kaso ang pamilya Roque laban kay Dela Cruz dahil sa iligal na pagbebenta ng kanilang mga lupa sa Caloocan City at balak din nilang kasuhan ng administratibo ang ilang barangay opisyal ng 171 na nakipagsabwatan sa kanilang hipag.

GEN. BATO DELA ROSA TULOY ANG LABAN SA ILIGAL NA DROGA

Congratulations General Ronald ‘Bato’ Dela Rosa sa iyong pagkapanalo bilang senador ng bansa. Naniniwala ako na ang mga binitiwan mong pangako ay iyong isasakatuparan sa anim na taon na serbisyo publiko hindi bilang pulis kundi bilang senador.

Tiyak ko na ang iyong laban sa iligal na droga ay magtutuloy-tuloy at iyong dadalhin sa Senado upang tuluyan nang mahinto ang salot na ito sa ating lipunan partikular na sa mga kabataan na siyang binibiktima nito.

Mabuhay ka General Bato, ipakita mo sa mga kasamahan mo na mga senador na hindi sa pagalingan sa pagsasalita ng English ang paglilingkod sa Senado kundi sa gawa at hindi ngawngaw o pasayaw-sayaw.  (KAAA..BOOM!!! / JOEL GOROSPE)

Please follow and like us:
Read More

SINO ANG SOURCES MO?

PINOY ABROAD

SA buhay na ito, marami tayong needs o pangangailangan tulad ng pagkain, bahay, damit, pera, kapayapaan, kalayaan, pahinga, karunungan at marami pang iba!

Tanong, sino ang source mo?

May mga nagsasabing mapalad ang mga may magulang o nagmula sa angkan na mayaman o nakaririwasa sa buhay. Ang iba naman ay magaling dumiskarte kaya nagagawang tugunan ang kanilang pangangailangan, anoman ito.

Sa panahon ngayon, tila baga ‘survival of the fittest’ ang labanan.

Dahil nga sa needs or to the extent, dahil sa greediness. Dahil sa kulang ang resources o sadyang walang sources marami ang nakagagawa ng hindi tama.

Maging sa mga politiko, kailangan na nakadikit sila sa pinagmumulan ng resources at para mangyari ito, yun iba nagagawang ‘ibenta’ ang kanilang karangalan manatili lang sa poder at nakaugnay sa sources.

Alam ba ninyo na may tunay na pinagmumulan ng resources o sources na walang pagkaubos at sagana? Ito ay ang Diyos na buhay na pinagmumulan ng lahat ng bagay, anoman ito!

Dapat siya ang ating lapitan at pagtiwalaan sapagkat siya ang lumikha ng langit at lupa. He can provide!

Sinasabi sa Philippians 4:19, ”And my God will supply all your needs according to His riches in glory in Christ Jesus.”

Si Mateo ay nangaral din ng ganito, (Matthew 6:26), “Masdan ninyo ang mga ibon. Hindi sila nagtatanim ni umaani man o kaya’y nagtitipon sa kamalig, ngunit pinakakain sila ng inyong Ama na nasa langit. Hindi ba’t higit kayong mahalaga kaysa mga ibon?

Kung ang mga ibon ay nabubuhay sa biyayang kaloob ng langit, gayundin tayo.

Ipagpatuloy natin ang isinasaad naman sa Matthew 6:31-33, “Kaya’t huwag kayong mag-alala na baka kayo kapusin sa pagkain, inumin o damit. (32) Hindi ba’t ang mga Hentil ang nababahala tungkol sa mga bagay na ito? Alam na ng inyong Ama na nasa langit na kailangan ninyo ang lahat ng ito. (33) Ngunit higit sa lahat ay bigyang-halaga ninyo ang kaharian [ng Diyos][b] at ang pamumuhay nang ayon sa kanyang kalooban, at ibib-igay niya sa inyo ang lahat ng mga bagay na ito.

Alam ng ating Amang nasa langit ang ating mga pangangailangan. Ang mga pagsubok at pagdurusang ating pinagdaraanan.

Lumapit ka lang sa kanya at magtiwala. Sigurado ako na bibiyayaan ka niya nang lubos. Siya ang true sources of everything. Wala nang iba pang pagmumulan ng biyaya, kapayapaan at ano pa mang bagay na maaari nating maisip sa buhay na ito.

Sa kanya lang umasa o lumapit. When we have God in our lives, He will take care of all our needs because He is our provider. He is the source of life and He sustains it. Sources of all sources and resources! (givalencia777@gmail.com) (PINOY ABROAD / GUILLER MVALEMCIA)

Please follow and like us:
Read More

BULOK ANG HALALAN MATAPOS ‘MULING MATALO’ SI NERI COLMENARES

BAKBAKAN NATIN

MAGALING talagang mag-ingay at magpalundag si Atty. Neri Colmenares.

Narito ang pinakabagong pahayag ni Colmenares pagkatapos lumabas sa “partial and official” na resulta ng bilangan sa pagkasenador na nakarating sa Commission on Elections (Comelec) na talo siya sa halalan: “I will never concede defeat to a rotten electoral exercise that has basically deceived, bribed, intimidated and manipu-lated our people into electing the worst kinds of leaders imaginable.”

Umabot na sa 95.63% ng kabuuang presinto ang nakapagpasa na ng resulta ng bilangan sa Comelec nitong Mayo 14.

Umabot lamang sa 4,584,506 botong nakuha ni Colmenares.

Napakalayo sa senador na pasok sa ika-12 puwesto na mahigit 14.4 milyon ang nakuhang boto hanggang noong Biyernes, ilang oras bago tipahin ang paksa kong ito.

Kahit saang anggulo tingnan, malinaw na talung-talo si Colmenares sa eleksyon.

Tapos, iginiit niyang hindi niya tatanggapin ang kanyang pagkatalo dahil “bulok” ang halalan.

Kaya raw bulok dahil “basically deceived, bribed, intimidated and manipulated our people into electing the worst kinds of leaders imaginable.”

Ito raw ang ginawa sa mga botante, kaya nakasisiguro na ng panalo sina Cynthia Villar, Grace Poe, Christopher “Bong” Go, Pia Cayetano, Ronald dela Rosa, Edgardo Sonny Angara, Lito Lapid, Imee Marcos, Francis To-lentino, Ramon Revilla Jr., Aquilino Pimentel Jr. at Nancy Binay?

Sinong tao ang sinasabi ni Colmenares na nanloko, nanakot, nanuhol at nagmanipula sa mga botante?

Si Pangulong Rodrigo Duterte ba o ang hepe ng Comelec na si Sheriff Abas?

Madaling sabihin ang akusasyon ni Colmenares, ngunit walang batayan.

Iyan ang hindi maganda kay Colmenares, madaling maglabas ng akusasyon at inimbentong pangyayari, ngunit walang ebidensya kahit kasing liit man lang ng butas ng karayom.

Natalo na noong eleksyong 2016 si Colmenares sa pagkasenador.

Tapos, lumahok pa rin siya ngayong halalang 2019 na nauwi sa kanyang ikalawang pagkatalo.

At dahil dalawang beses nang natalo, iwinasiwas at itinambol niya sa media na bulok ang eleksyon.

Si Colemenares ay pambato ng Makabayan (samahan ng mga party-list na kasama sa ‘sapot’ ng pangkat ni Jose Maria Sison sa Communist Party of the Philippines) para sa pagkasenador nitong eleksyong Mayo 13.

Si Colmenares din ang pambato ng Makabayan sa pagkasenador noong 2016 kung saan lagpak din siya.

Noong halalang 2013, si Teddy Casiño ang pinatakbo ng Makabayan sa pagkasenador, ngunit talo rin.

Simula nang sumabak ang Makabayan sa eleksyon sa pagkasenador ay wala pa itong naipapanalo kahit si-nasabi ng mga sagad-saring loyalista ni Joma Sison na napakalakas at nakakalat pa rin sa napakaraming panig ng bansa ang mga orga¬nisasyon at puwersa ng pambansa-demokratikong kilusan.

Dinaig pa ang pangkat ni Joma ng Akbayan na nagkaroon na ng isang senador.

Hindi malaking party-list ang Akbayan People’s Party.

Hindi rin nakakalat ang organisasyong ito sa iba’t ibang panig ng bansa, ngunit naipanalo nito si Risa Hontiveros sa pagkasenador noong 2016.

Nanalo si Honteveros nang makipagkaisa ang Akbayan sa Liberal Party (LP) ng administrasyong Benigno Simeon Cojuangco Aquino III.

Walang masama rito, sapagkat kahit ang Makabayan ay nakipagkaisa rin noon sa Nacionalista Party (NP), ngunit hindi pa rin ito nakakuha ng puwesto sa Senado.

Dumikit at nakipag-alyansa ang Makabayan sa tambalan nina Grace Poe at Francis Escudero noong ele-ksyong 2016, ngunit lagpak pa rin si Neri Colmenares sa kanyang kandidatura sa pagkasenador.

Ginamit pa niya sa patalastas sa TV ang kanyang pamangkin na si Angel Locsin, ngunit hindi rin  naakit at na-kumbinsi ang mamamayang Pilipino na piliin at ihalal si Colmenares sa pagkasenador.

Sinubok muli ng Makaba¬yan na patakbuhin si Colmenares nitong nakalipas na eleksyon, ngunit talagang talo.

Ibig sabihin, ayaw ng mamamayan kay Colmenares.

Ayaw ng mamamayang Pilipino sa kandidato ng pangkating Joma Sison.

Totoong malaki ang problema natin sa halalan sa Pilipinas hanggang sa kasalukuyan.

Pero, kung ipipinta nating bulok ito, huwag nang lumahok ang Makabayan sa eleksyon.

Huwag nang patakbuhin sa party-list elections ang mga party-list groups ng Makabayan, sapagkat bulok ang sistemang halalan.

Maglunsad na lang ng kilos-protesta sa kalsada ang Makabayan at ilantad ang totoong kulay nito.

Ipagtanggol at isulong na rin ng Makabayan at ni Neri Colmenares ang armadong pakikibaka upang mabago ang pamahalaan at lipunan ng Pilipinas, sapagkat ito naman ang ‘katapat’ ng bulok na sistema.

Hindi ang elektoral na pakikibaka ang makapagbabago ng bulok na sistemang binabanggit ni Colmenares, kun-di ang armadong pakikibaka.

Talunang Neri, itanong mo kina Joma, Satur Ocampo at Nathaniel Santiago kung tama ‘yang binabanggit ko o hindi.  (BAKBAKAN NATIN / NELSON BADILLA)

Please follow and like us:
Read More

UAAP SEASON 81 FINALS: KATIPUNAN KAMPEON

champ12

HINDI “kami naman” kundi “kami ulit” ang kinalabasan ng decider game sa pagitan ng UST at Ateneo makaraang manalo ang Lady Eagles 25-17, 25-22, 25-22, sa UAAP Season 81 Finals kahapon sa MOA Arena.

Sa simula pa lang ay naging agresibo na ang Ateneo sa pangunguna ng team captain nitong si Bea de Leon at mga kapwa graduating Lady Eagles na sina Maddie Madayag at Kat Tolentino nang kunin ang unang set, 25-17.

Pilit na bumawi ang Tigresses sa pamamagitan ng tandem nina Season 81 MVP Sisi Rondina at Rookie of the Year Eya Laure pero nagpamalas ng mas balanseng laro ang Lady Eagles na muling inangkin ang second set.

Ilang beses na nagtangkang humabol ng Tigresses sa pangatlo at huling set pero nanaig pa rin ang Lady Eagles at tuluyang sinungkit ang kampeonato.

Matatandaan na kinuha ng UST ang Game 1 nang talunin ang Ateneo sa tatlong sets din 25-17, 25-16, 25-20.

Inakala ng marami na tatapusin na ng Tigresses ang laban nooong Game 2 (Mayo 15) pero sa malas ay nagkaroon ng  left ankle sprain ang kanilang rookie sensation na si Laure, na sinamantala ng Lady Eagles na nakatakas ng panalo 24-26, 25-14, 21-25, 15-25, at nakapwersa ng decider game.

Malaking panghihinayang ang nadama ng garaduating UST team captain na si Rondina matapos ang kanilang pagkatalo sa Game 2.

“Akala ko huli na, hindi pala. Na-extend pa,” ani Rondina na nangakong gagawin ang lahat ng kanyang makakaya upang maibalik sa Tigresses ang championship crown.

Huling nagchampion ang Tigresses noong Season 72 sa panahon nina Rhea Dimaculangan, Angge Tabaquero, at Aiza Maizo na tinalo ang La Salle Lady Spikers.

Huli namang nagkampeon ang Lady Eagles noong Season 77 kaya’t masayang-masaya sila na nabawi ang korona ngayong Season 81.

Please follow and like us:
Read More

29 SUGATAN SA BANGGAAN NG DALAWANG  LRT 2 TRAINS

train12

NAGBANGGAAN ang dalawang train ng Light Rail Transit 2 (LRT 2) sa pagitan ng Cubao at Anonas stations, Sabado ng gabi, ayon sa Light Rail Transit Association (LRTA).

May 29 pasahero ang nasaktan at isinugod sa ospital. Ayon sa ilang pasahero, puno ang train patungong Santolan station nang sumalpok sa isa pang train sa riles.

Ilan sa mga nabasag na salamin ay nahulog sa ilalim na kalsada.

Hanggang hatinggabi ay patuloy na iniimbestigahan ang dahilan ng banggaan, ayon kay Lyn Janeo, LRTA communications officer.

Please follow and like us:
Read More