KUNG BUMALIK SI JOHN LLOYD; TONI ‘DI ALAM ANG MANGYAYARI

toni1

ANG GARA NI VINIA(NI VINIA VIVAR)

 

VERY thankful si Toni Gonzaga na kahit nagpalit-palit na ng lead actor ang Home Sweetie Home, nananatili pa ring matatag ang sitcom at ngayon nga ay nasa ikalimang taon na’t bagong chapter na naman ang binuksan.

“Very thankful, very blessed, part na siya ng sistema ko na every Tuesday, may taping ako ng Home Sweetie Home,” sey ni Toni sa presscon ng sitcom na ngayon ay Home Sweetie Home Extra Sweet na.

Ayon pa sa aktres/TV host, hindi raw niya inakalang tatagal pa nang ganito ang programa dahil nga naharap sila sa malaking challenge sa pag-alis ng leading man niya na si John Lloyd Cruz.

“Alam mo ‘yung feeling na there was a time, for a year, we were taping one episode at a time, we’re taping it one taping per week, kasi parang inisip namin, baka ito na ‘yung last taping.

“Hanggang sa hindi naman tayo binitawan ng mga Kapamilya natin, ‘yung suporta nila sa programa, nagtuloy-tuloy pa rin kami hanggang sa nagkaroon na ng bagong mukha.

“Very grateful dahil may sitcom ang ABS-CBN na tinatangkilik ng mga Kapamilya natin,” she said.

Siyempre, dahil nga nang umalis si Lloydie ay indefinite leave of absence lang naman ang idineklara ng aktor, marami pa rin ang umaasa na one day ay babalik pa rin ito sa iniwang show.

At this point ay welcome pa ba si Lloydie na bumalik sa show?

“Actually, ang tagal nang na-discuss niyan. Magtu-two years na, since he left our program and I’m not sure sa magiging desisyon ng of course, ng management, ng pamilya ng buong Home Sweetie Home, but siyempre, si Julie, ‘yung karakter ko, maghihintay lang siya kung anon’g pwedeng mangyari.

“But I don’t think na I can decide or I have anything to. . .ewan ko, hindi ko rin alam,” sey ni Toni na natawa, “hindi ko kasi alam kasi hindi naman natin alam kung ano ang pwedeng mangyari bukas. We just take it one day at a time kung anon’g pwedeng mangyari.”

Nang umalis si Lloydie ay si Piolo Pascual ang kinuha ng show na bagong lead actor. Pero ngayon ay umalis na rin si Papa P dahil mag-aaral ito sa Italy. Enter naman si Vhong Navarro at nagdagdag pa ng ibang cast tulad nina Alex Gonzaga, Bayani Agbayani, Luis Manzano at ang “PBB Otso” housemates na sina Fumiya Sankai at Yamyam Gucong. Join na rin sa cast si Edgar Mortiz who also directs the show.

Sa ngayon ay hindi pa rin daw alam ni Toni kung magkakaroon sila ng romansa ni Vhong sa kwento dahil wala pa naman daw sinasabi sa kanila pero open naman daw sila sa possibility at okay naman sa kanila if ever.

 

Tatalbog sa apat na sikat noong 60’s-to 70’s

DREAMSCAPE LAUNCHES THE GOLD SQUAD: FRANCINE, ANDREA, SETH AT KYLE

Inilunsad ng Dreamscape Entertainment sina Francine Diaz, Andrea Brillantes, Seth Fedelin at Kyle Echarri bilang The Gold Squad para sa seryeng Kadenang Ginto.

Sila ang apat na teenagers na masayahin, responsable, masipag at mapagmahal sa pamilya na iba’t iba ang pinagmulan, kinalakihan at pinagdaanan sa buhay.

Maglulunsad ang “The Gold Squad” ng sari-saring proyekto na magdadala ng saya at makaka-relate sa kanilang batang fans, kabilang na ang sarili nilang album sa ilalim ng Star Music.

Sobrang happy ng apat especially Francine and Andrea sa napakalakas na pagsuportang ibinibigay ng manonood sa serye lalo na nga sa parang aso’t pusa nilang relasyon bilang Cassie and Marga respectively.

In fact, parang nakikita ng press kina Francine at Andrea sina Kathryn Bernardo and Julia Montes noong nagsisimula pa lang ang mga ito sa Mara Clara.

Bukod sa The Gold Squad, marami pang pasabog at bangayang hatid ang serye dahil matagal pa ang itatagal nito sa ere. Ayon kay Deo T. Endrinal na head ng Dreamscape Entertainment, aabutin pa raw ang Kadenang Ginto ng isang taon at mapapanood pa hanggang next year.

Ang Kadenang Ginto ay pinagbibidahan din nina Beauty Gonzalez, Dimples Romana at Albert Martinez na napapanood sa Kapamilya Gold ng ABS-CBN tuwing hapon.

 

 

Please follow and like us:
Read More

PAGKATAPOS NG ROLLBACK; TAAS PRESYO ULIT SA GASOLINA

LANGIS-2

(NI ROSE PULGAR)

MAGPAPATUPAD na naman ang mga kompanya ng langis sa bansa ng pagtataas sa presyo ng mga produktong petrolyo sa susunod linggo matapos ang magkasunod na linggong rollback.

Sa abisyo ng ilang insider sa oil industry, ang panibagong dagdag presyo ay bunsod sa paggalaw ng presyuhan nito sa pandaigdigang pamilihan.
Ang presyo ng gasolina ay inaasahang tataas sa pagitan ng P0.90 hanggang P1.00 kada litro.

Habang aabot naman sa pagitan ng P0.70 hanggang P0.80 ang dagdag sa halaga ng bawat litro ng diesel samantalang P0.70 hanggang P0.80 rin kada litro ang sa presyo ng kerosene.

Sa Martes (Mayo 21) ng umaga inaasahang ipatutupad ng mga oil companies ang panibagong oil price hike.

Please follow and like us:
Read More

MAG-AMA NALUNOD SA ILOG

isabela12

PATAY ang mag-ama nang malunod sa malalim na bahagi ng Pinacanauan river sa Isabela, ayon sa report ng pulisya.

Si Loreto Salas Jr., 48, tricycle driver, at anak na si Mia Marloleth, 13, ng Sto Tomas ay sumama sa outing  kasama ang pamilya at kaibigan at nag-picnic sa tabi ng ilog sa Barangay Angancasillian.

Lumangoy umano si Mia sa malalim na bahagi ng ilog kung saan bigla itong naglaho.

Agad namang sumaklolo ang tatay ngunit siya man ay hinigop ng current bandang alas-11:50 ng umaga.

Naiahon ang mga ito ng mga mangingisda kung saan isinugod sa ospital ang mag-ama ngunit patay na nang idating sa Milagros Albano District Hospital.

Please follow and like us:
Read More

KAHIT NAG-SORRY NA; ALEX HAHARAP KAY MAYOR OLIVAREZ

alex21

(NI GORGY RULA)

MULA  mismo sa mga taga-Paranaque nanggaling ang balitang idedeklarang persona non grata si Alex Gonzaga dahil sa komento niya sa isang kampanya noon tungkol sa pandurugas daw sa mga taga-Paranaque.

Nasa entablado siya noon ng kalaban ng incumbent Mayor Edwin Olivarez at doon niya sinabing gaya ng kalaban daw ng tatay niya, nadugas din daw sila. Tipong ganun na ang dating pinatatamaan nito si Mayor Olivarez.

Kaya kaagad nagkalat iyun, at nung kamakalawa nang gabi lang sinabing ipa-persona non grata siya.

Nanggaling naman mismo sa Paranaque City Administrator Ding Soriano na wala pa raw ganung order mula kay Mayor Olivarez.

Pero nakatakda nang makipagkita si Alex kay Mayor Olivarez para personal na mag-apologize.

Text naman niya sa isang kaibigang dati niyang nakatrabaho, wala raw siyang sinasabing ganun. Pero makikipag-meet  nga raw siya para mag-apologize.

Nangampanya doon si Alex para sa partylist na Juan Movement na ini-endorse niya.

Suporta na rin niya iyun kay Dominic Ochoa dahil kaibigan niya ang asawa ng aktor na si Denise Go.

Sabi naman ni Arnelli Ignacio na isa rin sa sumusuporta sa Juan Movement, wala raw siya sa kampanyang iyun at tingin daw niya, kung anu-ano lang naman ang lumalabas sa bibig ni Alex.

“Alam nyo naman si Alex kung anu-anong pinagsasabi. Pero wala sa kanya yun,” natatawa na lang na pahayag ni Arnell.

Tingin naman ng ilang staff ni Mayor Olivarez, hindi raw niya pinersonal ang isyung iyun kaya alam nilang maaayos nila yun.

Kahit nga si Toni Gonzaga ay alam niyang haharapin naman daw ng kapatid niya ang pagkakamaling iyun, mag-sorry at mag-move on na.

 

PROMISE NI BACOOR MAYOR LANI MERCADO: ” SUSUKLIAN NI SEN.  BONG ANG SUPORTA NINYO”

 

“Stop the hate, Spread the love,” yun lang ang pakiusap ng reelected

Bacoor Mayor Lani Mercado-Revilla sa lahat na patuloy pa ring umaatake sa asawa niyang si Sen. Bong Revilla

Kaya siya nag-post na tigilan na raw ang ganung pamba-bash kay Sen. Bong dahil sobra na raw ang masasakit na ibinabato laban sa kanya, pati sa buong pamilya.

“Kasi nakakapagod na rin. Feeling mo na the country was so divided. Parang naaawa ako sa mga tao na bumoto kay Sen. Bong at sinasabing bobo sila. Parang, it’s so unfair kasi may mga tao na maliit…yung mga magsasaka na bumoto kay Bong. Meron ding nakakaangat especially yung members ng mga religious sector na sumuporta sa kanya.

“Huwag naman natin sila paratangan ng kung anu-ano. Tao lang sila na may paniniwala na may paninindigan. Sana, huwag naman ganun.

“Basta lahat na bumoto kay Bong, rest assured na susuklian yan ni Sen. Bong Revilla ng tapat na paninilbihan,” pahayag ni Mayor Lani.

Kaya kapag maproklama na raw ang asawa niya, talagang paghahandaan daw niya ang pagbabalik niya sa Senado na parang nagsimula raw ito ulit para linisin lang ang pangalan niya.

“This is his second chance in life eh. Iri-rebuild niya ulit ang pangalan niya from the very beginning…ah hindi naman from the very beginning.

“Kumbaga, meron siyang gagamutin. Kailangan niyang patunayan sa mga tao na mali ang mga akusasyon sa kanya…na mali sila. So, extra effort yun para kay Bong,” seryosong pahayag ni Mayor Lani nang nakausap namin sa radio program namin sa DZRH nung Biyernes nang gabi.

 

Please follow and like us:
Read More

BEAUTICIAN NA DADALAW SA BF NA PRESO BINARIL

crimeshooting12

(NI ALAIN AJERO)

HIMALANG nabuhay ang isang beautician matapos barilin sa ulo ng isa sa dalawang maskaradong lalaki habang dadalaw sa nakakulong na kinakasama, sa Malabon City, nitong Biyernes.

Agaw-buhay sa Jose Reyes Memorial Medical Center si Sheryl Pineda, 48, ng Block 1, Lot 10 Sitio 6, Brgy. Catmon sanhi ng tama ng bala sa ulo habang nakatakas naman ang mga hindi nakilalang maskaradong suspek

Paalis ang biktima kasama ang pamangkin na si Jian Ronquillo sakay ng isang tricycle ala-1:40  ng hapon para dalawin ang kinakasama ni Pineda na nakapiit sa Malabon City Jail, nang bumulusok sa eksena ang mga suspek sa Governor Pascual Avenue, Sitio 6, Brgy, Catmon.

Isa sa mga suspek ang bumunot ng baril at pinaputukan nang malapitan sa ulo ang biktima.

Sa pag-aakalang todas na ang biktima ay tumalilis ang mga salarin habang itinakbo ni Ronquillo ang tiyahin sa nasabing ospital.

Isang basyo ng hindi nabatid na kalibre ng baril ang narekober sa pinangyarihan ng insidente.

Patuloy ang imbestigasyon upang makilala at mahuli ang mga suspek at malaman ang motibo sa likod ng pamamaril.

Please follow and like us:
Read More

KAWANI NG CAAP PINIGIL SA DALANG GRANADA SA AIRPORT

grenade12

(NI FROILAN MORELLOS)

INARESTO ng mga tauhan ng Aviation Police ang isang pasahero sa Ninoy Aquino International Airport NAIA) terminal 2, makaraang mahulihan ng granada noong Biyernes ng hapon  habang pasakay sa kanyang flight palabas ng Metro Manila.

Nabatid sa report ng  Office for Transportation (OTS), ang nasabing MK2 grenade ay itinago ni Deogracias Pulmano sa loob ng kanyang backpack , at nadiskubre matapos dumaan sa x-ray scanner sa initial screening inspection.

Ayon sa impormasyon, si Pulmano, sinasabing kawani ng Civil Aviation Authority of the Philippines (CAAP),  ay isang domestic passenger. Hindi rin maipaliwanag ng Aviation police ang destinasyon nito.

Napag-alaman mula sa ilang tauhan ng (OTS) , agad inalerto ng Aviation Security Group nang lumabas ang imahe ng isang granada sa x-ray monitor.

Agad naman nagpadala ang pamunuan ng Aviation police ng K9 unit sa terminal 2 para suriin ang nasabing bagay. Doon ay nakumpirma na isang live grenade ang nasa bag nito.

Walang maipakitang papeles o dokumento ang suspect sa dala nitong granada.

Ayon naman sa CAAP , mayroon silang kawani na nagngangalang Deogracias Pulmano, ngunit sa kasalukuyan ay inaalam pa ng mga ito kung saan siya nakadestino.

Tiniyak naman ni Manila International Airport Authority general manager Ed Monreal sa riding public at sa airport users na ginagawa ng MIAA ang lahat para maging ligtas ang naturang paliparan.

 

Please follow and like us:
Read More

UTOL SINUNDAN SA HUKAY

suicide

(NI GUILLERMO OCTAVIO)

ISANG retiradong  manager ng banko ang nagkaroon umano ng depresyon nang mamatay ang kanyang kuya kaya’t nagdesisyon itong sundan sa kabilang-buhay ang kapatid, sa Valenzuela City, nitong Biyernes.

Nadiskubre ang bangkay ni Glenn Brecio Ruiz, 61, ng kanyang pamangkin na si Laarni Jeanne Ruiz, alas-10:00 ng umaga, na nakabitin sa comfort room  ng kanilang bahay sa 35 Sabino Alley Compound, Brgy. Maysan.

Kable ng kuryente na ipinulupot sa leeg ang ginamit nito sa pagpapakamatay.

Kukuha sana ng damit si Laarni sa gilid ng kanilang bahay nang mapansin ang suicide note ng biktima kung saan nakasaad na sa banyo matatagpuan ang kanyang bangkay.

Humahangos na sinabi ni Laarni sa isang tiyahin ang nalaman at inutusan siya nitong humingi ng tulong sa barangay.

Sa  tulong ng mga tanod ay pinuwersa ang pinto ng banyo at bumulaga sa kanila ang bangkay ng biktima.

Diabetic ang biktima at dumanas ng  depresyon  mula nang mamatay ang kanyang kuya.

 

Please follow and like us:
Read More

MATTEO SASABAK NA SA MILITARY TRAINING

matteo12

boy abunda(NI BOY ABUNDA)

KAMAKAILAN ay sumali si Matteo Guidicelli sa Philippine Army bilang Army Reservist. Ngayon ay pinaghahandaan na ng aktor ang gagawing 45-day training program bilang isang Scout Ranger ng Armed Forces of the Philippines (AFP). Mangyayari ang nasabing military training sa Camp Tecson sa Bulacan.

“I’ll be gone for one month. I’m entering the military. I’ll be in the military for one month. I’m entering on May 27 then I’ll be out July 1. It’s not normal military, it’s a scout ranger school,” pagbabahagi ni Matteo.

Hindi raw inakala ng binata na matutupad ang mga pinapangarap lamang niya noon. “Actually hindi ko naman plano talaga eh. It was never planned na ito na gusto ko na talaga. but back when I was in college, I was always walking to my dorm. Sa Amerika kasi mayroong mga booth na parang ‘Join the Military’ and I was tempted to go inside. But I never had the courage to do so. Few months back, the people of sky diving were rangers. People from the military and I got close with them. Sabi ko, ‘How can I be like you?’” natatawang kwento ng aktor.

Ayon kay Matteo ay talagang malaki ang paghanga niya sa mga sundalong laging nakahandang makipaglaban at itaya ang sariling buhay para sa bayan.

“These people are all heroes. People know about their efforts but not really… These guys are heroes of our country, these guys serve our country. We have hundreds of soldiers who die for our country and sabi ko a civilian like me, how can I help? How can I show importance to soldiers? How can I show importance to Filipino soldiers? So ayun, dahan-dahan everyday a new opportunity came,” paglalahad ng binata.

Hinihikayat din ng aktor ang iba pang mga kabataan na sumubok at magkaroon ng interes na pumasok sa military. “This is my advocacy on reminding the Filipino youth to be proud to be Filipino. To look at the flag and say, ‘I’m Pinoy and proud to be Filipino,” pagtatapos niya. -Reports from JCC-  

Please follow and like us:
Read More

COED GINAHASA, PINATAY SA LOOB NG BAHAY

crime

(NI NILOU DEL CARMEN)

MATAPOS gahasain,  brutal na pinaslang ng hindi pa matukoy na salarin ang isang 21-anyos na college student sa Lipa City,  Batangas.

Biyernes ng alas-3:00 ng hapon nang madiskubre ng isang kaanak ang bangkay ng biktimang si Fidex Therese Maranan,  estudyante ng De La Salle-Lipa,  na may takip na kumot at nakabulagta sa sahig ng kanyang kuwarto sa kanyang bahay sa Miracle Heights Subdivision,  Barangay Antipolo,  Lipa.

Ayon sa kaanak,  ilang araw na nilang hindi makontak ang biktima kaya pinuntahan na ito sa bahay.

Nag-iisang nakatira sa bahay ang dalaga matapos na parehong pumanaw na ang mga magulang.

Ayon kay Police Col.  Ramon Balauag,  hepe ng Lipa City police,  batay umano sa pagsusuri ng SOCO ay posibleng tatlong araw nang patay ang biktima.

May saksak ito sa leeg at may mga pasa sa katawan at ulo na tila pinalo ng matigas na bagay o iniuntog  sa sahig.

Wala namang palatandaan na pwersahang pinasok ang biktima kaya posible umano na kakilala nito ang suspek.

Patuloy pa ang imbestigasyon ng mga awtoridad sa pangyayari at inaalam kung sino ang huling nakasama ng biktima sa bahay.

Please follow and like us:
Read More

ALDUB HINDI PA TULUYANG NABUWAG — BOSSING VIC

(NI GORGY RULA)

KUNG si Vic Sotto ang tatanungin mo tungkol sa AlDub, naniniwala siyang

Hindi pa ito tuluyang nabuwag.

Kaya parang malabo pa raw na hanapan nila ng ka-love interest si Maine sa sitcom nilang Daddy’s Gurl.

Naniniwala siyang nandiyan pa rn ang AlDub.

“May mga paminsan-minsan naman may mga episodes kami na nagkakaroon siya ng parang love interest pero on a regular basis siguro hindi pa muna.

“Siguro sa mga darating na episode para maiba naman yung takbo ng istorya. Kasi mahirap na eh, dahil may kanya-kanya silang manok ang mga manonood eh. Siguro at this point, neutral muna tayo.

“Para sa akin naman kasi, ang AlDub eh, hindi naman mawawala yun eh. Kahit na sinong maka-partner nila, AlDub pa rin yun, hindi na mawawala yun,” pahayag ni Bossing Vic.

 

 

Please follow and like us:
Read More

3 MIYEMBRO NG HOLDUP GANG PATAY SA ENCOUNTER

batangas12

(NI JG TUMBADO)

PATAY sa pakikipagbarilan sa pulisya ang tatlong lalaki na umano’y mga miyembro ng notoryus na robbery hold up group sa Malvar, Batangas, araw ng Sabado.

Kapwa wala nang buhay na bumulagta sa isang madilim na eskinita sa Barangay Luta Sur ang hindi pa nakikilalang mga suspek na tinatayang nasa edad 30 hanggang 35.

Nakatakas naman ang isa nilang kasamahan sa gitna ng engkwentro at subject ngayon ng follow up operation.

Ayon kay Police Captain Kermin Amor Cabrales, hepe ng Public Information Office (PIO) ng Batangas Provincial Police Office (BPPO), bago ang shootout ay nakapang-holdap muna ang mga suspek sa isang gasolinahan sa Barangay Bugtong sa Lipa City bago mag-ala 1:00 ng madaling araw.

Nang makarating ang insidente ng holdapan sa pulisya ay agad nagkasa ng checkpoint sa bahagi ng Malvar.
Pero hindi umano huminto ang mga suspek nang harangin ng mga pulis bagkus ay pinaputukan pa sila ng mga Ito.

Nagkaroon na ng running gunbattle ang magkabilang panig hanggang umabot sila sa bayan ng Lipa at nang makorner sa naturang eskinita ay doon na tuluyang napaslang ang mga suspek.

Nakuha sa tabi ng kanilang bangkay ang tatlong .45 baril, ilang piraso ng basyo ng bala at dalawang motorsiklo na ginagamit sa kanilang modus.

Nabatid pa sa report na ang napatay na mga suspek ay isinasangkot sa ilang mga serye ng nakawan at holdapan sa Batangas at Laguna.

 

Please follow and like us:
Read More

CARETAKER TODAS SA BAWAL NA RELASYON

crimebolo123

(NI DANN RIVERA)

SARIAYA,QUEZON- Duguan at naghihingalong isinugod sa ospital ang isang farm caretaker matapos itong pagtatagain ng isang construction worker sa loob ng Tuna Boys Farm na nasa bahagi ng Purok 6, Brgy.Sto Cristo, bayan ng Sariaya.

Ang dahilan: Selos. Natuklasan ng suspect na si Ariel Matibag, alyas Paeng, 41, na may lihim na relasyon ang kanyang misis at ang biktimang  si Eufrocino Ferrer,47, residente ng Brgy. Concepcion,Palasan.

Batay sa imbestigasyon ng Sariaya PNP, dakong alas 6:30 ng umaga nakita umano ng kasamahan ng biktima na si Edgardo Panaligan ang pagsugod at pananaga ng ilang beses ni Matibag, gamit ang isang itak, kay Ferrer habang ito ay naglalaba ng kanyang mga damit sa kanyang barracks.

Nagtamo ng maraming sugat sa katawan ang farm caretaker at nagawa pang dalhin ito sa pagamutan subalit binawian ito ng buhay habang ginagamot.

Tumakas naman ang suspect matapos ang insidente.

Please follow and like us:
Read More

BARBIE NAPUNO KAY JM KAYA NAWALA ANG LOVE

barbiejm12

boy abunda(NI BOY ABUNDA)

AMINADO si Barbie Imperial na talagang napamahal siya noon kay JM de Guzman. Nagkamabutihan ang dalawa mula nang magkatambal sa teleseryeng ‘Araw-Gabi.’ “Oo naman po. Totoong in love naman talaga kaso wala, nagpe-fade siya eh, pag may mga nangyayari. Hindi talaga ako naniniwala na bigla-bigla na lang nagpi-fade ‘yung love, pero totoo pala talaga ‘yon kasi nangyari siya sa akin. ‘Pag napuno ka pala talaga sa tao, bigla na lang wala na,” makahulugang pahayag ni Barbie.

Kontrobersyal ang naging paghihiwalay ng landas ng dalawa at hindi malinaw kung ano talaga ang totoong dahilan nito. “Kahit naman sabihin niya na ready siya, ako naman, hindi naman ako ‘yung iisipin ko lang ang sarili ko na, siyempre bilang babae gusto natin ng label, di ba? Pero ako naman po, hindi ako ‘yung klase ng tao na parang alam ko eh, na hindi siya ready. So hindi ko naman ipipilit dahil lang babae ako at gusto ng label,” giit ng dalaga.

Masalimuot ang mga pinagdaanan ni JM bago pa nakilala at napamahal kay Barbie. Naramdaman naman ng aktres na talagang ibinigay din sa kanya ang lahat ng binata noon. “Alam ko rin naman ‘yung pinagdaanan ng tao at alam ko kung paano siya ma-inlove, na ibibigay niya talaga ‘yung mundo. Kaso hindi pwede ‘yung gano’n, eh. Kahit ako po mismo, sinasabi ko sa kanya na ‘Huwag mong ibigay sa akin ang mundo.’ Sabi ko, ibigay mo sa sarili mo,” paglalahad ng aktres. -Reports from JCC- 

 

 

Please follow and like us:
Read More

HALALAN KONTROLADO NG MGA TRAPO AT POLITICAL WARLORDS

POLITICAL WARLORDS

(Ni Nelson S. Badilla / Ikalawang Bahagi)

ANG nakita at nadiskubre ng manunulat na ito ay tanging mga abogado at iba pang propesyonal ang regular na sumabak at tumakbo sa eleksyon tulad nina Quezon, Osmeña, Claro M. Recto, Manuel Roxas, Elpidio Quirino, Lorenzo Tañada, at iba pa.

Mayroon sa kanilang tiniyak na manatili ang imaheng “malinis,” “progresibo,” “malayang mag-isip” at “makabayan.”

Ngunit, marami sa mga taong pumasok at nagpakadalubhasa sa politika ang naging tradisyonal na politiko at political warlords, lalo na sa mga lalawigan at bayan.

Nagmistulang regular na bahagi ng sistemang pampolitika ng bansa ang “political warlordism,” kaya masama ang pananaw at karanasan ng mga Pilipino sa politika sa bansa sa napakatagal na panahon.

oOo

Eleksyong kontrolado ng mga trapo at political warlords

KUMBINSIDO sina Wilson Fortaleza, tagapagsalita ng Partido Manggagawa (PM), at Leody de Guzman, tagapangulo ng Bukluran ng Manggagawang Pilipino (BMP), na ang eleksyon o elektoral na pakikibaka sa Pilipinas ay mundo at teritoryo ng mga tradisyonal na politiko at political warlords sa napakahabang panahon.

Ang tradisyonal na politiko ay ang mga taong ginawang regular na trabaho ang pagiging politiko, ngunit wala namang ginagawang mabuti para sa interes at kapakanan ng mga pangkaraniwang tao, lalo na ng mga mahihirap.

Ang political warlord naman, sa kabilang banda, ay mga politikong istilo ng boss sa sindikato kung mamuno at magpatakbo ng kanilang lalawigan, bayan at lungsod, lalo na sa mga malalayong lugar.

Kung umasta sila, animo’y pribadong pag-aari nila ang pamahalaang lokal.

Batay sa napakaraming akda at literatura hinggil sa political warlords, ang namamayani sa desisyon at aksyon ng political warlord ay ang paggamit ng karahasan, papanakot at pera upang manatili sa pampolitikang kapangyarihan.

Ang pinakamasahol na instrumento ay pagpatay sa mga taong sagabal sa kanilang pananatili sa posisyon.

Naniniwala ang mga lider-manggagawang tulad ni De Guzman na nagpakadalub¬hasa ang mga tradisyonal na politiko at political warlord sa uri ng politika at paghahari sa isang lalawigan, bayan o lungsod sa mga pamamaraang matitiyak nila ang kanilang pananatili sa pampolitikang kapangyarihan sa napakahabang panahon.

Ayon kay Fortaleza, ang halalan sa bansa at kontrolado ng mga tradisyonal na politiko at political warlords bago pa man sakupin, kontrolin at ang¬kinin ng Estados Unidos ang Pilipinas noong Agosto 1898.

Ani Fortaleza, walang sabstansiyal na pinagbago ang paghahari ng mga tradisyonal na politiko at political warlords hanggang sa modernong panahon.

Nakakalat, nakalatag at nakabaon pa rin ang mga tradisyonal na politiko at political warlords sa iba’t ibang posisyon sa pamahalaan mula Senado hanggang sa mga pamahalaang lokal sa iba’t ibang panig ng bansa hanggang kasalukuyan.

Kaya, walang dapat ipag¬taka kung bakit halos lahat kundi man lahat ng programa, proyekto, batas at patakarang umiiral sa bansa ay hindi ganap na pabor sa mga manggagawa. (Itutuloy)

Please follow and like us:
Read More

UAAP SEASON 81 CHAMPIONSHIP: KATIPUNAN  O ESPANA?

volleyball12

(PHOTO BY MJ ROMERO)

WALA nang bukas para sa UST Lady Tigresses at Ateneo Lady Eagles na maghaharap sa decider game ngayon sa MOA Arena.

Inakala ng marami na tatapusin na ng Tigresses ang laban noong Miyerkoles makaraang ilampaso sa tatlong sets ang Lady Eagles sa Game 1 ng kanilang best-of-three finals series. Pero sa malas ay nagkaroon ng  left ankle sprain ang kanilang rookie sensation at UAAP Season 81 women’s volleyball Rookie of the Year na si Eya Laure, na sinamantala ng Lady Eagles na nakatakas ng panalo 24-26, 25-14, 21-25, 15-25, at nakapwersa ng decider game.

Malaking panghihinayang naman ang nadama ni UST team captain at Season 81 Most Valuable Player Sisi Rondina matapos ang kanilang pagkatalo sa Game 2.

“Akala ko huli na, hindi pala. Na-extend pa,” ani Rondina na kumpiyansa pa rin lalo’t hindi grabe ang pinsala ng teammate na si Laure.

“Thankful pa rin kami na hindi ganoon kalala ‘yung nangyari kay Eya. Alam kong babawi kami. It’s just a bad game,” dagdag na sabi niya matapos ang panalo ng Ateneo.

Nangako rin si Rondina, nasa huling taon na sa UST, na gagawin ang lahat ng kanyang makakaya sa Game 3 upang maibalik sa Tigresses ang championship crown.

Huling nagchampion ang Tigresses noong Season 72 sa panahon nina Rhea Dimaculangan, Angge Tabaquero, at Aiza Maizo na tinalo ang La Salle Lady Spikers.

Samantala gaya ng UST, target din ng Lady Eagles na makuha ang korona na huli nilang nahawakan noong Season 77.

Gaya ni Rondina, nasa huling taon na rin sa Ateneo ni team captain Bea de Leon kaya’t gusto niyang maging masaya ang pag-exit niya sa Lady Eagles.

“Well, it’s our last. Actually our last this time,” ani  de Leon. “So kami, our mindset talaga, whatever happens, we keep praying na we enjoy every moment.”

“Whatever happens, whatever is next for us, we made it this far. That’s really big for us, so talaga for us, we’re going to Game 3 with grateful hearts, with happy hearts, with love for each other, and love for the game,” sabi pa nito matapos ang Game 2 win ng Ateneo.

 

Please follow and like us:
Read More

COMELEC MEDIA ID BALEWALA SA QCPD

BOMBAHAN NA FINAL

MALINAW na pambabastos sa Commission on Elections (Comelec) ang pagharang sa atin ng isang opisyal ng pulisya na makapasok sa headquarters ng Camp Karingal sa Sikatuna Village, Quezon City noong hinuli nila ang mayoralty candidate na si Bingbong Crisologo.

Bago pa man isagawa ang campaign period ay naglabas na ng form ang Comelec para sa mga magkokober na media sa eleksyon.

Sila po ang bibigyan ng awtorisasyon ng Comelec na magkaroon ng access sa lahat ng lugar kung saan may pangyayari na may kinalaman sa eleksyon.

Hindi po lahat ng media ay nabibigyan ng Comelec Media ID.

Isa po tayo sa nais¬yuhan ng ID, ibig sabihin, awtorisado tayong magkober.

Tulad ng ginawang paghuli ng mga tauhan ng QCPD kay Bingbong, may awtorisasyon tayo na magkober.

Subalit hindi pinansin ni Capt. Inocente ng QCPD ang ating pagkakaroon ng Comelec ID kaya hindi tayo pinapasok sa press conference sa nasabing kampo.

Kaya ginawa natin, nag-interview na lang tayo sa labas pero habang nag-i-interview ay nilapitan pa tayo nitong si Capt. Inocente at pilit na pinaalis.

‘Di ba alam ni Inocente na ang lead agency ng gobyerno na nangangasiwa tuwing eleksyon ay ang Comelec?

Lahat ng ahensya ng gobyerno ay suporta lang sa Comelec, kasama na ang Department of Interior and Local Government (DILG) at nasa ilalim nito ang pulisya.

Kaya ang ginawang pagtaboy sa atin ni Capt. Inocente ay hindi pagrespeto sa Comelec na nag-isyu sa atin ng ID.

Kaya dapat sa mga pulis na ito ay isinasailalim sa seminar ng Comelec para alam nila ang kanilang gagawin tuwing eleksyon.

Hindi ‘yung pumapasok sila sa alanganin at ang tatapang pa na akala mo ay sila lang ang may karapatan.

Para sa kaalaman ng mga pulis, kung sila ay itinatalaga ng kanilang pamunuan ganun din po ang media. Itinatalaga rin kami ng aming mga bos¬sing para magkober.

Kaya dapat itong si Inocente ay isailalim sa seminar dahil hindi niya alam ang kanyang ginagawa.

O baka naman nagpapaka-Inocente lang siya at sinasadya niya para ipakita niya na matikas siya?

RD SINISISI SA PATUNG-PATONG NA TITULO

Maraming reklamo laban sa Register of Deeds (RD) dahil sa pagdami ng titulo ng lupa lalo na sa National Capital Region (NCR).

Lahat ng gustong magkaroon ng titulo o magparehistro ng titulo ng lupa ay tinatanggap nila na hindi nila inaalam ang mga dokumento na ipinapasok sa kanila kung peke o orihinal.

Kaya patung-patong na ang titulo ng lupa sa NCR.

Kahit na ministerial lang ang trabaho ng RD, dapat magkaroon sila ng malasakit sa tunay na mga may-ari ng lupa.

Lalo na ang mga lupain o ari-arian na napabayaan ng mga may-ari na naninirahan na sa ibang bansa.

Hindi yung kapag may nagpunta sa kanila (RD) na may perang inaabot sa kanila ay tatanggapin na nila ang mga dokumento na hindi inaalam kung ito ba ay peke o orihinal.

Ang nangyayari ay wala silang pakialam basta sila ay nagkapera na sa lumapit sa kanila.

Lagi nilang itanim sa kanilang isipin na ang “PUBLIC OFFICE IS A PUBLIC TRUST”.

Kung hindi sila pagkakatiwalaan, umalis na lang sila sa opisina ng gobyerno.

Sa private office na lang sila pumunta, tingnan natin kung magtagal sila kapag puro pagkakaperahan ang kanilang gagawin.

Palagay ko naman hindi papayag ang may-ari ng pribadong kompanya pag ganun ang kanilang ginawa.

Paging Sir Greco Belgica ng PACC, paki-lifestyle check po itong mga empleyado at opisyal ng RD para malaman kung saan galing ang kanilang mga yaman.

God Bless Us.

oOo

Pasabugin ang katiwalian isumbong sa BOMBAHAN NA! sa email joel2amongo@yahoo.com o magtext sa cel#0917-120-40-74.

Please follow and like us:
Read More

GESTA NAIGANTI: DUNO PANALO via KO

DUNO12

(NI ARIEL BORLONGAN)

TIYAK na papasok sa WBO rankings si Romero Duno matapos mapabagsak sa 8th round si Mexican knockout artist Juan Antonio Rodriguez at magwagi sa 9th round technical decision kahapon sa Fantasy Springs Casino, Indio, California sa United States.

Dahil dito ay napasakamay ni Duno ang WBO North America Boxing Organization (NABO) lightweight title.

“Lightweight prospect ‘Ruthless’ Romero Duno scored a nine round split technical decision over Juan Antonio ‘Mozo’ Rodriguez to claim the vacant NABO title on Friday night at Fantasy Springs Resort Casino in Indio, California,” ayon sa ulat ng Fightnews.com.

“A hard fought fight went to the scorecards after an accidental headbutt in round nine. Scores were 85-84, 86-83 Duno, 85-84 Rodriguez. Duno was deducted a point in round seven. Duno dropped Rodriguez with a body shot in round eight,” dagdag sa ulat.

Sa pagwawagi, naiganti ni Duno ang pagkatalo ng ka-stable sa Golden Boy Promotions at kababayang si WBO No. 2 Mercito Gesta, na tinalo ni Rodriguez via 9th round TKO noong Marso 21, 2019 sa The Avalon, Hollywood, California.

Napaganda ni Duno ang kanyang rekord sa 20 panalo, 1 talo na may 15 pagwawagi sa knockouts samantalang bumagsak ang kartada ni Rodriguez sa 30 panalo, 8 talo na may 26 pagwawagi sa knockouts.

 

Please follow and like us:
Read More

TULUNGANG MAGNEGOSYO ANG MGA OBRERO

TINIG NG MANGGAGAWA final

MAGANDANG balita itong naisipan ng Department of Labor and Employment (DOLE) na tulungan ang mga manggagawa sa informal sector na magbenta ng kanilang produkto online o online marke¬ting.

Oportunidad ito sa mga manggagawa na may kakayahang mamuhunan para umangat ang kanilang pamumuhay. Kapag sinuwerte nga naman ay maaari silang umasenso kaya mula sa pagiging manggagawa ay pwede silang maging negosyante.

Mula nang mauso ang online selling ay dumami na rin ang sumubok nito. Napakadali nang magbenta ngayon sa tulong ng internet.

Maaari kang magsimula sa iyong mga Facebook friend na aalukin mo ng iyong paninda. Kadalasan, mga misis na gustong tumulong sa kanilang mister sa pagtataguyod ng pamilya ang sumusubok nito.

Karaniwan na RTW o ready-to-wear na mga damit ang produkto pero mas marami ang ‘pampa’- pampaganda, pampapayat, pampatangkad at kung ano-ano pa.

Tamang-tama ang naisipan na ito ng mga opisyal sa Labor department dahil kasabay ng pagdami ng mga nagbebenta sa online ang pagdami rin ng mga do¬robo.

Iyon bang nag-aalok ng produkto tapos kapag nakapagpadala na ng pera ang kostumer ay maghihintay ito sa wala. Lilipas ang mga araw at linggo na walang matatanggap na order ang kostumer at kapag muling kinontak ang online seller ay maglalaho na itong parang bula.

Luhaan ang kostumer dahil gustuhin man niyang magreklamo ay hindi nila alam kung sino ang irereklamo at kung saan ito matatagpuan.

Kapag katuwang na ang DOLE ay makasisi¬guro na ang mga kostumer na lehitimo ang kanilang binibilhan ng produkto.

Ang libreng online market platform ay tinawag na DOLE Livelihood Beneficiaries Pro¬ducts Showcase (DLBPS), na binuo at pinamamahalaan ng Bureau of Workers with Special Concerns (BWSC).

Naglalayon itong mapahusay ang kakayahan sa pagbebenta ng mga benepisyaryo ng DOLE Integrated Livelihood Program (DILP).

Tutulungan din nitong mapabuti ang mga produkto at serbisyo ng maliliit na mamumuhunan, kasama ang isang pagsusuri ng produkto na nasa online platform kung saan ang mga mamimili o mga nami¬mili ay maaa¬ring magbigay ng feedback o i-rate ang mga produktong mina-market.

Target na matulungan ng DOLE ang mga nasa informal sector tulad ng mga construction worker, kasambahay at maging ang mga tricycle driver.

oOo

TINIG NI JUAN: Matapos ang eleksyon, may mga nabasa akong post sa social media ng ilang botante. Naghihimutok. Yun iba galit talaga. Tatandaan daw nila ang kandidatong si ganoon at si ganito. Hinding-hindi na nila muling iboboto.

Na-curious ako kaya ilan sa mga post na ganito ang binasa ko.

Ang ipinagngingitngit pala nila ay ang pangakong pakinabang ng ilang kandidato nitong midterm election.

Yung isang nagrereklamo ay pinangakuan daw ng groceries ng isang partylist kaya naman wala na siyang anomang pagsusuri o pagtatanong tungkol sa partylist. Minarkahan niya ito sa kanyang balota. Matapos ang botohan, binalikan nya ang lider na nangako ng groceries pero dedma na raw ito.

Nagoyo siya. At para siguro makaganti ay ikinuwento niya ang karanasan sa Facebook.

Mayroon pang ibang nabiktima ng ‘vote now, pay later’ na yan.

Gaya ng inaasahan, marami sa kanila ang luhaan.

Kung bakit naman kasi kailangan ninyong ibenta ang inyong boto.

Kailan ba natin ituturing na sagrado ang ating boto?

oOo

Ang kolum na ito ay naglalaan ng espasyo para sa ating mga manggagawa. Ipadala ang inyong mga karaingan, sumbong, reklamo o maging solusyon sa mga problema sa inyong kapaligiran.  Iliham lang sa Diaryo Bomba o kaya ay i-email sa dongbvaleza@gmail.com  (TINIG NG MANGGAGAWA / DONG VALEZA)

Please follow and like us:
Read More

MAKATI COUNCILOR SUGATAN SA CAR CRASH

yabut12

(NI ROSE PULGAR)

SUGATAN ang isang konsehal ng Makati City makaraang araruhin ng kanyang minamanehong kotseng Mercedez Benz ang isang nakaparadang pick-up , Biyernes ng madaling araw sa Makati City.

Agad na naisugod sa Makati Medical Center si Councilor Nemesio Yabut, Jr. makaraang dumaing ng pananakit ng balikat sanhi ng malakas ng pagbangga sa Nissan Frontier pick up na may plakang ZGY-724 na pag-aari ng ABS-CBN television network na nakaparada sa harap ng headquarters ng Makati City Police  sa Barangay San Antonio.

Lumalabas sa imbestigasyon, mabilis na tinatahak ni Yabut ang kahabaan ng Ayala Avenue sakay ng minamanehong mamahaling sasakyan na may plakang VFP-939 patungo sa Yakal St. mula sa Kamagong St, dakong ala-1:30 ng madaling araw nang mawalan ng kontrol at bumangga sa nakaparadang sasakyan.

Base sa pahayag ni Makati City Police Public Information Office (PIO) head Maj. Gideon Ines, galing umano sa isang pagtitipon si Yabut at umano’y nasa impluwensiya ng alak nang mangyari ang insidente.

Matatandaan na tumakbo bilang kongresista sa ikalawang distrito ng lungsod ng Makati si Yabut subalit nabigo makaraang talunin ni Congressman Luis Campos na asawa ni Makati Mayor Abby Binay.

Mahaharap sa kasong reckless imprudence resulting in damage to property at paglabag sa Republic Act10586 o ang Anti Drunk and Drugged Driving Act of 2013.

Patuloy naman nagsasagawa ng masusing imbestigasyon ang Makati City Traffic Bureau ang naganap na insidente.

 

Please follow and like us:
Read More

BAWAL PA RIN ANG PANINIGARILYO SA PUBLIKONG LUGAR

ITO ANG TOTOO

UMIIRAL pa rin ang pagbabawal sa paninigarilyo sa publikong lugar.

Ito Ang Totoo: panganib sa kalusugan hindi lamang sa naninigarilyo kundi pati sa lahat ng nakapaligid dito ang usok ng sigarilyo na punong-puno ng nakalalasong kemikal tulad ng tar, nicotine at iba pa.

Mismong siyensa (science) na ang nagpatunay sa mga panganib at sakit na dala ng panini¬garilyo.

Pero sa Gitnang Luzon, at iba pang panig ng bansa, mistulang kinalimutan na ang pagbabawal sa paninigarilyo sa publikong lugar.

Ito Ang Totoo: sa mga lansangan at ma¬ging sa mga paligid ng gusali, may mga lantarang naninigarilyo, walang pakialam sa dumaraang buntis, bata o matanda, na muli, ayon sa mga dalubhasa, ay vulnerable sa masasamang kemikal na dala ng usok ng sigarilyo.

In fairness, sa loob ng mga mall, wala namang naninigarilyo, pero sa paligid nito, lalo na sa mga parking lot, walang pakundangan ang mga naninigarilyong sarili lang ang iniisip sa bisyong wala namang dulot na kabutihan sa katawan.

Pero bakit naglipana ang mga naninigarilyo na lumalabag sa pagbabawal sa bisa mismo ng Executive Order mula Malacañang?

Maaaring dahil sa halalan, walang may lakas-loob na namamahalang manita o manghuli ng naninigarilyong malamang ay botante.

Maaari ring dahil nakikita na ang mga dapat nagpapatupad ng patakaran mismo ay pawang mga naninigarilyo.

Ito Ang Totoo: maaari ring ang dahilan ng paglabag sa pagbabawal ng paninigarilyo sa publikong lugar ay dahil hindi nila pinaniniwalaan ang nag-issue ng Executive Order sa Malacañang.

Mismong si Pa¬ngulong Duterte kasi ay walang pakundangan sa pananalita at paninindigan, halimbawa pati Diyos, relihiyon, mga Obispo at ka-Parian ay binabalahura.

Ang pagdamay sa mga hindi naninigarilyo sa masamang usok na ibinubuga ng naninigarilyo ay isang uri ng pambabalahura, na kung tutuusin ay mistulang pagpatay na maituturing.

Tapos na ang Eleksyon, wala nang botong mawawala, kaya dapat, ang mga namamahala, muling maghigpit sa pagpapatupad ng Executive Order no. 26.

Buhay ng tao ang nakataya. Kung nagpapakamatay ang mga naninigarilyo, dapat huwag na mandamay ng ibang tao. Ito Ang Totoo!  (ITO ANG TOTOO / VIC. VIZCOCHO)

Please follow and like us:
Read More

1 PANG ABOGADO ITINUMBA

abogado12

(NI KOI HIPOLITO)

ISA na namang abogado ang pinagbabaril ng hindi pa nakikilalang mga suspek lulan ng kanyang sasakyan sa Blk 11 Eastwood Phase 2 Brgy. San Isidro , Rodriguez, Rizal.

Kinilala ang biktima na si Adilberto Gola Jr., 45, ng Sultan Kudarat, at nakatira sa Phase 2E Blk 2 Lot 8 Eastwood, Greenview,  Brgy. San Isidro,  Rodriguez, Rizal

Ayon sa inisyal na report ng Rodriguez Police kay Rizal Police Provincial Director P/Col Lou Frias Evangelista, habang papunta sa kanyang meeting sakay ng kulay orange na Isuzu D-max na may plaka 73322 ang biktima.

Nang makarating sa Blk .11 sa nasabing subdibisyon ay dalawang lalaking nakaabang sa kanya ang agad  nagpaulan ng bala sa kanyang sasakyan at agad itong namatay. Agad na tumakas ang mga suspek sakay ng itim na motorsiklo.

Ayon sa maybahay ng biktima, patungo ang asawa sa isang board meeting nang isagawa ang pagpatay dito.
Naniniwala naman ang mga awtoridad na posibleng matindi ang galit ng mga suspek sa biktima dahil inubos ng mga ito ang mga bala ng dalawang baril, na nagresulta sa agaran nitong kamatayan.
Nabatid na nasa 42 basyo ng bala ang narekober ng mga awtoridad mula sa crime scene.

Ang pagkamatay ni Gola ay sinundan ng isang abogado na binaril at napatay din sa Dagupan, Pangasinan habang  dadalo sa hearing.

 

Please follow and like us:
Read More