DRIVERS NABULAGA SA OPLAN HARABAS NG PDEA

drug test12

(NI JULIE DUIGAN/PHOTO BY KIER CRUZ)

MAGKAKASUNOD na isinagawa ang sorpresang drug test sa mga truck drivers ng mga container van  sa Port Area at sa Tondo, Manila.

Ito ang napag-alaman kay Philippine Drug Enforcement Agency (PDEA), Director General Aaron Aquino, makaraang ipatupad ang  panibagong “Oplan: Harabas”   sa pakikipag-uganayan ng ilang ahensya ng gobyerno upang maibaba ang demand ng  illegal na droga ,pagtataguyod ng mga lugar ng trabaho na walang droga.
“We are also doing this to keep track of long haul drivers under the influence  of illegal drugs” , ayon kay Aquino.

Sa pagsasagawa ng  drug test sa mga truck drivers sa dalawang malalaking daungan, ang Manila International Container Port (MICP) sa North Harbor, Tondo at Port of Manila sa  South Harbor , Port Area, Manila, ang  Land Transportation Office  (LTO), Land Transportation Franchising  and Regulatory  Board (LTFRB) , Philippine  National Police  (PNP), Bureau of Customs (BOC) ,  Philippine Ports Authority (PPA), Philippine Coast Guard (PCG),  Manila International Container Port(MICP),  International  Container  Service Terminal Inc., (ICSTI), Asian Terminal Inc., (ATI), Manila Traffic and Parking Bureau (MTPB), at Manila  Tricycle  Regulatory Office (MTRO) .

Nabatid pa sa PDEA, na may  mga kaugalian ang ilang mga driver na gumamit ng droga upang manatiling gising sa kanilang biyahe kaya  isinailalim sila sa drug screening  dahil nag-ooperate sila ng malalaking sasakyan o heavy duty vehicles at bumabiyahe ng malalayo.

Dahil dito ,ang sinumang truck driver na tumangging  sumailalim sa mandatory drug test  ay irereport sa LTO at ang mga mapapatunayang positibo  sa illegal na droga ay matatanggalan ng lisensya.

Dumating din ang PDEA’s Preventive Education  and Community  Involvement  Service (PECIS) upang magsagawa naman ng on-site counseling  at tutulong  sa pagpapa-rehab sa mga driver na mapapatunayang nagpositibo sa paggamit ng illegal na droga  sa pakikipag-ugnayan na rin sa  Department of Health (DOH) at Local Government Units (LGUs).

 

 

Please follow and like us:
Read More

10-ANYOS PISAK SA TRAK

accident

(NI GUILLERMO OCTAVIO)

PATAY ang isang 10-anyos na nene matapos mabundol at magulungan ng tractor head, Miyerkoles ng hapon sa Navotas City.

Agad namatay ang biktima na si Ma. Isabel Advincula, Grade 8, ng 112 R. Domingo St., Brgy. Tangos, matapos magulungan ng tractor sa kahabaan ng R-10 Road sa Brgy. North Bay Boulevard South (NBBS) dakong alas-5:30 ng hapon.

Ayon sa pulisya, patawid ang biktima nang masagi ng humahagibis na Isuzu tractor head na minamaneho ni Martin Fale, 40, ng Area 4, Sitio Payong, Old Balara, Quezon City.

Dala ng pagkasalpok natumba ang biktima at nagulungan ng panlikod na gulong ng tractor head na naging dahilan ng dagli niyang kamatayan.

Nasakote si Fale ng mga rumespondeng pulis at kinasuhan ng reckless imprudence resulting in homicide sa Navotas City Prosecutor’s Office.

Please follow and like us:
Read More

2 KOREANO, PINOY HULI SA PEKENG $.2-M DOLYAR

fake12

(NI ROSE PULGARPHOTO BY RAFAEL TABOY)

ISANG Pinoy na  negosyante at dalawang Korean  nationals  ang natimbog ng pulisya matapos makuhanan ang mga ito ng pekeng dolyar na nagkakahalaga ng  mahigit $.2 million, Miyerkoles ng gabi sa isang hotel-casino sa  Pasay City.

Iniharap nitong Huwebes ni Police Colonel Bernard Yang, hepe ng Pasay City Police kina National Capital Regional Police Office (NCRPO) Director Major General Guillermo Eleazar at Southern Police District (SPD) Director Police Brigadier  General Eliseo Cruz Jr., ang mga suspect na nakilalang sina Fernando Silanga, 44, negosyante, binata, nakatira sa Living Stone Building, Aqua Private Residence, Mandaluyong City;  Tiange Wu, 31,  casino operator, nanunuluyan  sa Cluster 6, 6th Floor, Montecito Condominium, New Port, Brgy. 183, Villamor, Pasay City at Song Ho Sang, 53,  nanunuluyan sa Santiago City Isabela, kapwa Korean nationals.

Pinaghahanap naman ang isa pang suspect na  si James Park, isa ring Korean national.

Lumabas sa report ng Pasay City Police, nadakip ang mga suspect ng mga kagawad ng Pasay City Police alas-7:55 ng gabi sa Resorts World Manila, 3rd Floor, Genting Cage Grand, Wing Casino sa New Port City, Brgy. 183, Villamor, ng nabanggit na lungsod.

Nakatanggap ng tawag sa telepono ang duty desk officer ng Pasay City Police mula sa security personnel ng Resorts World Manila hinggil sa apat na kalalakihan kabilang ang tatlong dayuhan  na may dalang pekeng pera na nagkakahalaga ng $288,700.00.

Agad nagkasa ng follow-up  ang mga pulis  at nadakip ang tatlong suspect at nakumpiska mula sa mga ito ang mga pekeng dolyares.

Samantala, ang isa pang suspect na si Park ay nakatakas.

Ang tatlong suspect na nadakip ay nakakulong  sa Pasay City Police detention cell at nahaharap sa kasong  paglabag sa Article 168 (Illegal Possession and Use of False Treasury Bank Notes and Other Instrument of Credit) at Estafa.

Please follow and like us:
Read More

HAPONES HULI SA SHABU; TOY GUN ITINUTOK SA PULIS

arested12

(NI GUILLERMO OCTAVIO)

HULI ang isang Hapones ang inaresto matapos tutukan ng toy gun ang mga nagrorondang pulis, Miyerkoles ng gabi

sa Caloocan City.

Alas-10:30 ng gabi, nagmamanman  ang mga parak sa kahabaan ng M. Arce St. Brgy. 75 nang makita ng mga ito si Iku Yamawaki alyas “Sadam”, 25, na nakatambay.

Nang mapuna ng mga ng suspek ang mga parak, naglabas ito ng baril at itinutok sa mga operatiba.

Pinalad  na sana ang suspek  at sinunggaban lamang siya ng mga pulis at hindi pinutukan ngunit  minalas naman nang kapkapan dahil nakumpiska sa kanya ang dalawang sachet ng shabu at ang kanyang toy gun.

Samantala, alas-8:30 ng gabi nang maaresto ng mga pulis si Victor Soria, 31, pedicab driver, Celso Dumanlang, 32, pedicab driver, at Jaime Lagman, 50, jeepney barker dahil sa pag-aamok at paggawa ng kaguluhan sa kahabaan ng L. Lupa, Brgy. 32.

Nakumpiska sa mga suspek ang tatlong plastic sachets na naglalaman ng shabu nang kapkapan ng mga pulis.

Please follow and like us:
Read More

I ADMIRE ANG PAGIGING REAL NI ELLEN ADARNA — IVANA ALAWI

AKO PA BA NI ROSE GARCIA(NI ROSE GARCIA)

PASABOG ang kaseksihan at pagiging daring ng dating Star Struck alumna na ngayon ay isa na talagang Kapamilya star na si Ivana Alawi.

Si Ivana ang nagbibigay ng “init” sa pang-hapong serye ng ABS-CBN na “Sinong May Sala? Mea Culpa.” Palaban kasi itong si Ivana na isa rin sa mga PPL artist.

Palagi nitong sinasabi na ang peg niya sa kaseksihan ay ang ina ng anak ni John Lloyd Cruz na si Ellen Adarna.

“I admire her talaga and yung pagiging real niya,” sey ni Ivana.

Pero mukhang sa pagiging daring ay puwede pa yatang higitan ni Ivana ang iniidolo. Kahit sa serye nila, marami itong ginulat sa mga daring scene nila ni Kit Thompson.

When asked kung may limitasyon ba siya sa pagpapaseksi, “Well, okay lang ako na magpakita ng skin, kissing scene, bed scene pero ‘wag lang yung talagang hubo’t-hubad na, yun lang yung limitation talaga.”

Graduate ng dalawang kurso si Ivana. Fashion Design at Culinary at single raw siya sa kabila ng naiintriga ito na ang karelasyon ay ang dating actor at ngayo’y elected na Governor ng Laguna na si Dan Fernandez.

“Well, we’re just friends. Matagal na kaming magkaibigan and family friends talaga.”
Sa mga hindi nakakaalam, si Ivana ay kapatid ng dating Kapuso child star na si Mona Louise Rey.

Please follow and like us:
Read More

SHABU SA NOODLES NG ANAK, NANAY HULI

arrestwomen12

(NI KEVIN COLLANTES)

ARESTADO ang isang ginang at kasabwat nito nang tangkaing magpuslit ng shabu para sa kanyang nakapiit na anak na sinilid sa pakete ng instant noodles, upang maipasok sa custodial facility ng Angono Municipal Police Station, sa Barangay San Isidro, Angono, Rizal.

Ayon kay Rizal Provincial Director P/Col. Lou Evangelista, ang mga naarestong suspek na sina Divina Dizon, 52, ng Karangyaan Street, Karangalan Village, Pasig City; at Marimar Santos, 21, ng A. Roldan Street, Purok 2, New Lower Bicutan, Taguig City, ay nakatakdang sampahan ng mga kasong paglabag sa Republic Act 9165 o The Comprehensive Dangerous Drugs Act of 2002.

Batay sa naantalang ulat ng Angono Municipal Police Station, nabatid na dakong 5:30 ng madaling araw ng Mayo 14, nang makatanggap sila ng tip mula sa isang impormante, na isang alyas ‘Divina’ ang nakatakdang magpuslit ng illegal na droga para sa kanyang anak na nasa piitan.

Kaagad namang inabangan ng mga tauhan ng Station Drug Enforcement Team, sa pangunguna ni P/CMS Dennis Hernandez, ang suspek, na dumating sa piitan dakong 12:00 ng tanghali.

Nagpaalam ang ginang na dadalawin ang nakapiit na anak na si Jeffrey Dizon, na nahaharap sa kaso ng illegal na droga, upang dalhan ng tanghalian.

Bilang bahagi naman ng Standard Operating Procedure (SOP), isinailalim ang ginang at mga dala nitong suplay at pagkain sa inspeksiyon at dito na narekober ang anim na maliliit na pakete ng shabu, na nakatago sa loob ng pakete ng isang instant noodles, kaya’t kaagad siyang inaresto.

Natukoy naman ng mga awtoridad na may kasabwat si Divina na naghihintay sa labas ng presinto, kaya’t kaagad din itong inaresto.

Nang kapkapan ay nakumpiskahan si Santos ng dalawang pakete ng shabu kaya’t binitbit na rin ito sa presinto upang ipiit.

 

Please follow and like us:
Read More

MAG-INA INARARO NG TRUCK, NANAY, PATAY

accidentsign1

(NI JG TUMBADO)

HINDI nakaligtas sa kapahamakan ang mag-ina na kahit pa tumatawid sa tamang tawiran ay nabundol pa rin ng isang pick-up truck sa bayan ng Dumaguete, Negros Oriental.

Batay sa report, tanghali nitong Miyerkoles nang mangyari ang insidente habang magkahawak pa umano ng kamay ang hindi na pinangalanang mag-ina habang maingat na tumatawid sa pedestrian lane.

Subalit sa kalagitnaan ng kanilang paglalakad ay nasagasaan sila ng kulay pulang pick-up na mabilis na bumabagtas sa patawid na mga biktima.

Nabatid sa pulisya na nagulungan ng sasakyan ang mag-ina at namatay sa ospital ang ina at nasa malubha naman ang kalagayan ng bata.

Napag-alamang nagkaayos na ang pamilya ng mag-ina at ang driver ng sasakyan matapos na sagutin nito ang pagpapalibing at gastos sa bata.

 

Please follow and like us:
Read More

KOTSE NIRATRAT: LALAKI PATAY SA TABI NG GF

crimeshooting12

(NI NILOU DEL CARMEN)

PINAGBABARIL hanggang sa napatay ng mga hindi nakilalang salarin ang isang lalaki na kasama ang kanyang kalive-in sa kotse sa Lian,  Batangas Miyerkoles ng hapon.

Dead on the spot ang biktima na si Antonio Credito na pinagbabaril habang nagmamaneho ng kanyang Honda Civic na kotse sa Barangay 4 dakong alas-2:00 ng hapon.

Nagtamo naman ng tama sa paa ang live-in partner nito na si Maricar Sta.  Rosa na katabi nito sa passenger seat.

Batay sa report ng Lian police,  hinabol ng mga suspek na sakay ng isang kulay puti na Toyota Innova van ang kotse ng mga biktima at nang madikitan ay pinaulanan ng bala ang driver side.

Agad ding sumibad ang van patungo sa direksyon ng Poblacion matapos ang pamamaril.

Inaalam pa ng mga pulis ang pagkakakilanlan sa sasakyan at kung sino ang mga suspek at kung ano ang motibo sa krimen.

Please follow and like us:
Read More

8-BUWAN NA BUNTIS HULI SA SHABU

cavite

(NI ROSS CORTEZ)

SA kulungan na aabutin ng panganganak ang isang walong buwang buntis na drug suspect, matapos masakote sa buy-bust operation pasado alas 10:00, Miyerkoles ng gabi

Nabatid na naging target ng buy bust operation ng Cavite Police Provincial Intelligence Branch ang suspek na si Shiela Abenir,39,ng Brgy. Dulong Bayan, Bacoor City, Cavite.

Inaresto ang suspek matapos makabili ng isang pakete ng hinihinalang shabu ang poseur buyer, bukod pa rito’y nakuhanan pa ng ilan pang pakete ng shabu ang suspek na nakalagay sa hawak nitong coin purse.

Nabawi rin ang P300 buy bust money, nahaharap siya ngayon sa kasong paglabag sa sec 5 at 11 ng RA 9165, walang rekomendadong piyansa ang kasong kinakaharap nito.

Please follow and like us:
Read More

SCHOOL SA ZAMBO PINASABOG; VCM NASUNOG

zamboangadel sur12

(NI JG TUMBADO)

NIYANIG ng isang malakas na pagsabog ang paaralan sa Zamboanga del Sur na nagresulta sa pagkasunog naman ng isang unit ng Vote Counting Machine (VCM) na nagamit nitong eleksyon noong Lunes.

Nagulantang ang mga residente na naninirahan malapit sa San Pablo Central Elementary School kung saan sinasabing nagmula ang malakas na pagsabog nitong gabi ng Miyerkoles.

Nabatid kay Police Maj. Helen Galvez, tagapagsalita ng Police Regional Office 9, ang pagsabog ay nasundan ng sunog dahilan para matupok ang isa sa siyam na VCM na nakaimbak sa silid-aralan.

Hindi naman napinsala ang iba pang gamit.

Nilinaw naman ni Galvez na ang mga VCM at gamit na nasa silid-aralan ay pawang depektibo at hindi gumana noong nakaraang eleksyon.

Agad din namang naapula ang sunog makalipas ang 10 minuto.

Patuloy pa ang imbestigasyon ng mga awtoridad kaugnay ng insidente.

Please follow and like us:
Read More

PNPA CADET PATAY SA INIT; 4 PA NAG-COLLAPSE

PNPA-4

(NI JESSE KABEL)

PATAY ang isang 4th Class cadet ng Philippine National Police Academy (PNPA) matapos ma-stroke sa kasagsagan ng training sa loob ng Camp General Mariano Castañeda, sa Silang , Cavite.

Sa inisyal na ulat, namatay si Cadet  Al-Rasheed Macadato, 21, makaraang mag-collapse habang nagjo-jogging sa PNPA Oval.

Nabatid  na bukod pa kay Macadato ay may apat na iba pang kadete na nag-collapse din nitong Martes ang itinakbo sa PNPA dispensary para sa first aid treatment.

Subalit grabe umano ang naging kondisyon ni Macadato  kaya kinailangan ilipat ito sa  Qualimed Hospital sa Sta. Rosa, Laguna kung saan tuluyan na itong nasawi Miyerkoles ng umaga.

Nagrereklamo naman ang pamilya ni Macadato dahil hindi sila agad natawagan sa nangyari sa kanilang anak.

Pero, ayon kay Police Lieutenant Colonel Byron Allatog ng PNPA, sinunod lamang nila ang standard operating procedure sa nangyari kay Macadato.

Kinumpirma naman ng mga attending physician na hindi hazing ang sanhi ng kamatayan ng kadete na nasa 10 araw pa lamang ng kanyang summer training.

Ayon kay Police Brig. Gen. Jose Chiquito Malayo, PNPA director na paiimbestigahan niya ang insidente at ipasisilip din ang medical records ng biktima para malaman kung talagang fit itong sumailalim sa matinding pagsasanay.

Nakahanda ang PNP na magkaloob ng tulong sa pamilya Macadato.

Please follow and like us:
Read More

WAKAS NG LOVER BOY

lover12

(NI CYRILL QUILO)

PATAY sa dalawang tama ng baril sa ulo ang isang lalaki sa Calamba City ,Laguna, Huwebes ng umaga.
Hindi na nakuha pang himingi ng saklolo ang biktimang si Severino Arguelles, 29, may asawa at isang warehouse man sa Continental Science Park (LISP)Brgy. Real, Calamba City, Laguna.

Nasaksihan ni Nap Odhutan ng Purok 5,Brgy.Real ang pangyayari  habang nagsisigarilyo ang biktima sa harap ng kanyang tindahan, isang lalaking nakasuot ng gray na jacket na may hood ang lumapit ,sabay binaril ng dalawang beses sa ulo si Arguelles. Agad tumakas ang hindi nakilalang suspek gamit ang hindi naplakahang motorsiklo patungong Brgy.Turbina.

Ayon sa hepe ng Calamba Police Station na si Lt. Col. Jacinto Malinao, anggulong love triangle ang tinitingnang anggulo sa krimen dahil nabatid na tatlong  babae ang kanyang kalaguyo.

Sa nakuhang mobile phone ng biktima, sinabi ng pulisya na puro selosan ang laman ng messages sa mobile phone.

Ang mga babaeng kanyang kaluguyo ay may mga asawa na din.

Bukod pa dyan, isang babae din umano ang  nabuntis nito.
Kasalukuyang pa ding iniimbestigahan ng mga pulis ang  maaaring tumukoy sa taong nagpapatay o pumatay sa biktima.

 

Please follow and like us:
Read More

PAMILYANG ADIK SA SHABU, MENOR DE EDAD, KALABOSO

shabu12

(NI MAC CABREROS)

NAKAKULONG ngayon ang isang pamilya ng adik, isa rito ay menor de edad, nang mabitag sa ikinasang buy bust habang dalawa katao ang naaktuhang bumabatak sa Marikina City.

Nahaharap sa kasong paglabag sa Republic Act 9165 o Comprehensive Dangerous Drugs Act of 2002 sina Jennifer Bitonio, 42, Cris Jean Bitonio, 21, Bernabe Bitonio, 41, at 16-anyos na binatilyong itinago sa pangalang Jobix, pawang nakatira sa Blk 43, Singkamas St., Brgy. Tumana, ng nasabing lungsod.

Sa ulat na nakarating kay EPD director, BGen. Christopher Tambungan, nalambat ang mga nabanggit alas-10:45 gabi ng Miyerkoles.

Nakumpiska sa kanila ang 11 sachet ng pinapalagay na shabu, isang aluminum foil na may bahid ng shabu at improvised tooter, at P1,400 buy-bust money.

Samantala, naaktuhang nagsasagawa ng pot session sina Julius Rivera, 24, welder, at Arnulfo Gimpes, 19, sa No. 23 H. Roxas St., Brgy. San Roque, Marikina City.

Sa ulat, nagsasagawa ng surveillance ang mga operatiba ng Marikina City Police sa mga taong wanted sa nasabing barangay nang makatanggap sila ng impormasyon hinggil sa kasalukuyang pot session alas-6:30 ng gabi ng Miyerkoles.

Agad na kumilos ang mga pulis at nang mapasok ang bahay ay tumambad sa kanila na aktong bumabatak ang dalawang suspek kung saan hawak pa ng mga ito ang aluminum foil at lighter na gamit sa shabu session. Nakuha rin sa mga suspek ang isang sachet ng shabu.

Please follow and like us:
Read More

BUGAW NG MGA NENE HULI SA ANTIPOLO HOTEL

ARRESTEDHAND12

(NI KIKO CUETO)

ANTIPOLO City — Timbog ang isang babae na itinuturong bugaw umano sa pitong dalagita sa Bgy. Mambugan.

Sa imbestigasyon ng PNP Women and Children’s Protection Center, inilalako umano ng bugaw ang pitong dalagita sa isang hotel.

Unang nagpanggap ang isang pulis na kukuha ng babae. Nang i-aabot ang bayad ng nagpanggap na customer, agad inaresto ng Luzon Field Unit PNP-WCPC ang target nilang babae sa hotel.

Nabatid na ang mga nasagip na mga babae 13-17 taong gulang.

“Iyung sistema niya, may kakilala siyang estudyante, tina-transact niya sa mababang presyo pero ang presyo niya sa asset namin ay napakataas. Basta may pera, businessman man o empleyado ng gobyerno, yon ang mga parokyano niya,” sinabi ni P/Lt.Col. Samuel Mina, hepe ng Luzon Field Unit ng PNP-WCPC.

Ayon naman sa PNPWCPC, sa social media ang unang transaksiyon ng suspek, saka ipaparada ng suspek ang mga bata sa mga customer at doon pagpipilian.

“Through Facebook talaga, o social media account ang contact system niya,tapos magmi-meetup sa isang lugar doon niya ipapakilala sa would be kustomer niya ang mga alaga niya, and then that’s the time na pipili ang mga customer,” sinabi ni Mina.

Nagbabala naman ang PNP sa ganitong kalakaran lalo ngayong summer vacation at walang pasok sa eskuwelahan.

“Iyung ung iba, nag-iipon ng pang enroll sa eskuwela, mga rason na dapat na obligasyon ng mga magulang. Madali silang maimbita ng inom-inom, saka mga party-party na sa bandang dulo ay may kasabay na transaksiyon,” sinabi ni Mina.

Ayon sa WCPC, umaaligid ngayon ang mga bugaw sa mga eskuwelahan.

Payo rin nila sa mga kabataan, mamili ng kaibigan at mag-ingat din sa mga dadaluhang kasiyahan.

Please follow and like us:
Read More

LT, BET SI NADINE BILANG DARNA

nadine12

boy abunda(NI BOY ABUNDA)

MAINIT pa ring pinag-uusapan ngayon kung sino kaya ang posibleng pumalit kay Liza Soberano bilang pinakabagong ‘Darna’ sa pelikula. Matunog ang pangalan ni Nadine Lustre na posibleng mag-Darna at kamakailan nga ay kumalat sa social media ang video ng aktres na lumunok kunwari ng bato at sumigaw ng ‘Darna.’

Nagbigay ng reaksyon ang gumanap din bilang ‘Darna’ noon sa telebisyon na si Lorna Tolentino tungkol dito. “Marami raw nag-audition eh. Sa palagay ko kailangan meron din silang post kagaya kay Nadine. Kasi siya ‘yung nakita ko, bagay eh,” nakangiting pahayag ni Lorna.

Para sa beteranang aktres ay kakaibang hirap din ang naranasan niya noong araw nang gumanap siya bilang isang superhero.  “Ako ang unang Darna sa TV na naka-bathing suit ha, hindi bikini, naka-one piece si Darna, bawal pa ang two-piece noong araw. Traumatic sa akin kasi hindi nadaya ‘yung pagpukpok do’n sa guy. Meron lang nagtuturo ng stunts pero walang double. Kaya nga tinamaan ko ‘yung hindi dapat tamaan eh. Chroma, tapos walang harness no’n. Kaya nakahiga ka sa lamesa, tapos naka-tangle ‘yung paa at kamay mo. Mahirap din ‘yon ha. Na-enjoy ko naman ang twelve na episodes,” masayang kwento ng aktres.

Samantala, pagdating sa buhay pag-ibig ay kuntento naman daw si Lorna ngayon. Mula nang namatay ang asawang si Rudy Fernandez ay hindi na raw muling umibig pa ang aktres. “Kasama kong tumanda ang mga bata at aking apo. No more, it’s okay. I’m happy as is,” natatawang pagtatapos ni LT.  -Reports from JCC-

 

Please follow and like us:
Read More

DISKWENTO CARAVAN NG DTI ARANGKADA NA

DTI12

(NI ROSE PULGAR)

HINIMOK ng Department of Trade and Industry (DTI) ang publiko, lalo na ang mga magulang, na bumili ng school supplies sa “Diskwento Caravan” ng ahensya.

Ito ay bunsod ng nalalapit na pasukan ng mga estudyante sa Hunyo 3, batay sa school calendar 2019-2020 na inisyu ng Department of Education (DepEd).

Ayon sa DTI, sa kanilang Diskwento Caravan, makabibili ng mga murang gamit pang-eskwela gaya ng mga bag, notebooks, lapis, ballpens , pad at iba pa.

Sinabi ng DTI sa Metro Manila, ang mga Diskwento Caravan na maaaring dayuhin sa mga lugar ng Pasay City Hall, na nag-umpisa na nitong Mayo 15 hanggang Mayo 16.

Habang sa Parañaque City Hall, mula Mayo 15 din  hanggang sa Mayo 17.

Sa Navotas City Hall naman ay sa darating na Mayo 29 at sa Taguig City Hall, mula Mayo 30 at 31.

 

Please follow and like us:
Read More

ILAN SA MGA NAGWAGI AT BIGO SA HALALAN 2019

HALALAN 2019a

NAGING mainit ang halalan maging ang bilangan sa mga presinto sa Metro Manila subalit wala namang naiulat na karahasan at sa halip ay pawang nagbigay daan ang ilang mga natalong kandidato sa mga katunggali nilang politiko na mas pinaboran ng taumbayan.

METRO MANILA

Naiproklama na ng Commission on Election ang nanalong Mayor at Vice Mayor ng Parañaque City sa nagnap na Mid Term Election bandang alas-11 ng gabi kamakalawa kung saan itinaas ng City Board of Canvasser ang mga kamay nina Edwin Olivarez, muling nagwagi bilang alkalde sa botong 169,224 at si Rico Golez sa pagka-bise alkalde sa bilang ng boto na 141,433 na votes.

Naiproklama na rin si Joy Tambunting bilang nagwaging Kongresista para sa ikalawang distrito ng Parañaque City, matapos manguna sa botong 103,028 habang si Eric Olivarez ang nakasungkit ng 1st District.

Sa Las PIñas, nagwagi nilang alkalde si Imelda Aguilar ng Nationalist People’s Coalition na may boto na 170,789 habang ang nanalong vice mayor ay si April Aguilar (NPC) sa nakuhang boto na 161,789.

Naiproklamang nanalong Congresswoman sa Las Piñas bandang alas-11:30 ng gabi si Camille Villar, anak ni Senator Cynthia at dating Senator Manny Villar sa botong 173,9177. Si Camille ay tumakbong kongresista sa ilalim ng Nacionalista Party.

Naiproklama rin bilang alkalde ng Caloocan si Mayor Oscar Malapitan bagaman wala itong kalaban subalit hinintay pa rin na matapos ang bilangan.

Nakuha naman ni dating Congresswoman Emi-Calixto-Rubiano ang posisyon ng mayor ng Pasay City habang ang kapatid niyang si incumbent Mayor Antonino Calixto ang nanalong Representative sa lone District ng Pasay. Si Boyet del Rosario ang nagwagi na bise alkalde.

Nanalo rin si dating Marikina Mayor Bayani Fernando bilang kinatawan ng 1st District ng Marikina habang si Estella Quimbo naman ang naiproklama bilang kinatawan ng 2nd District ng Marikina.

Si incumbent Muntinlupa Mayor Jaime Fresnedi ang nanalong alkalde sa nasabing lungsod habang ang kanyang waging bise alkalde ay si Temy Sumindac at naiproklamang Congressman si Ruffy Biazon.

Sa Navotas, naluklok na mayor si Toby Tiangco habang ang kanyang kapatid na si John Rey Tiangco ang pinili ng mga tao bilang kinatawan ng kanlang lungsod.

Nanalong mayor si incumbent Rex Gatchalian sa Valenzuela habang si Lorie Borja ang kanyang makakasama bilang bise-alkalde, habang sina Weslie Gatchalian ang nagging paborito ng mga botante sa 1st District habang si Eric Martinez sa 2ndDistrict gayung si Lino Cayetano, kapatid ni dating Senator Alan Peter Cayetano ang nanalong alkalde ng Taguig City at ang dating alkalde na si Lani Cayetano ang nakasungkit ng 2nd District ng kanilang lungsod.

Sa usapin ng partylist, waging-wagi ang ACT-CIS na nangunguna sa talaan ng midterm election 2019.

ILANG LALAWIGAN ILOCOS NORTE

NAKUHA ng pamilya Maros ang dalawang mataas na puwesto sa provincial capitol ng Ilocos Norte. Si Matthew Marcos, anak ni out-going Ilocos Governor Imee Marcos ang naiproklamang gobernador matapos umatras si Rep. Rudy Fariñas. Nanalo rin sa vice-gubernatorial race si Mariano Marcos II.

Nanalo rin bilang kinatawan ng 2nd District ng Ilocos NOrte si Eugenio Barba, sinasabing kamag-anak ng mga Marcos.

Si Michael Keon, kamag-anak din ng mga Marcos ang niproklamang alkalde ng Laoag City matapos talunin ang re-eleksyunistang si Chevylle Fariñas.

PANGASINAN

HINDI pa rin kumukupas ang karisma ni dating Police General Leopoldo Bataoil na nagsilbing kinatawan ng dsitrito ng Pangasinan sa loob ng siyam na taon matapos manalong mayor sa Lingayen, Pangasinan.

Naiproklama si Bataoil na alkalde matapos makakuha ng boto na 29,887 labang sa katunggali na si Iday Castañeda na nakakuha ng 20,913 votes.

Si Nepthalie Pasihao ang nanalong bise-alkalde ng Lingayen na nakakuha ng botong 24,511.

Nanalong Congressman naman si Jumel Espino na nakakuha ng botong 25,479.

Hindi pa rin naman binibitiwan ng mga taga-Pangasinan ang kanilang gobernador na si Amado Espino III.

MGA BATA NI PNOY NABIGO

Maliban sa mga senatorial candidate ng partido ni dating Pangulong Benigno “Noynoy” Aquino III, ilan din sa mga manok nito sa local election ang nabigong Manalo.

Kung dati ay minamani ni dating Department of Budget and Management (DBM) Secretary Florencio “Butch” Abad ang lone Congressional seat sa kanilang lalawigan sa Batanes, natalo it okay Doc Gato na kandidato ng Nationalist Peoples Coalitin (NPC).

Papalitan sana ni Abad ang kanyang yumaong asawa na si Henedina Abad subalit umaabot lamang sa 3,129 ang nakuha nitong boto kaya tinalo ito ni Gato na may 3,367 votes.

Nabigo din ang dating Secretary ng Department of Agriculture (DA) ni Aquino na si Proseso Alcala sa Congressioal race sa ikalawang distrito ng lalawigan ng Quezon matapos itong talunin ni outgoing Gov. David Jayjay Suarez.

Hindi rin nagttagumpay si Ifugao Rep. Teddy Baguilat (LP) na makabalik bilang gubernador ng nasabing lalawigan matapos talunin ito ng kandidato ng National Unity Party (NUP) na si Jerry Dapilog.

Nabigo si Ayong Maliksi sa kanyang gubernatorial race sa Cavite matapos itong talunin ni Jonvic Remulla ng Nacionalista Party (NP).

Gayunpaman, nagtagumpay naman si Dinagat Islang Rep. Arlene “Kaka” Bag-ao na tumakbo bilang governor ng Dinagat matapos talunin ang kandidato ng PDP-Laban na si Benglen Ecleo. BERNARD TAGUINOD

Please follow and like us:
Read More

‘INOCENTENG’ PULIS SIBAKIN!

BOMBAHAN NA FINAL

HINDI dapat nagpulis itong si Capt. INOCENTE ng Quezon City Police District (QCPD) kung hindi niya alam ang kanyang trabaho.

Bakit nasabi ‘yan ng BOMBAHAN NA?

Noong nakaraang Mayo 12, 2019, hinuli ng mga tauhan ng QCPD ang mayoralty candidate na si Bingbong Crisologo dahil sa hinalang vote buying.

Dinala ito sa headquarters ng QCPD sa Camp Karingal, Sikatuna Village, Quezon City.

Natural lang dadagsain ng media ang pag-aresto kay Bingbong dahil kandidato siya.

Ika nga, sa aming mga media, malaking istorya ito dahil mayoralty candidate siya at kinabukasan eleksyon na.

Tinawagan ang BOMBAHAN NA ng Peryodiko Filipino Incorporated (PFI) bossing para ikober ang pag-aresto kay Bingbong.

Pagdating sa kampo ng QCPD ng BOMBAHAN NA kung saan dinala si Bingbong ay marami nang supporters sa labas ng gate nito na nagsisigawan pabor sa kanilang kandidatong hinuli.

Nakasara na ang malaking gate ng Camp Karingal at wala nang pinapapasok na media kabilang na ang BOMBAHAN NA.

Dahil hindi nabigyan ng pagkakataon na makapasok ang BOMBAHAN NA ay nag-interview na lang tayo kay Mel Chavez, isang broadcaster na tumatakbong senador sa ilalim ng Labor Party.

Lumapit itong INOCENTEng pulis at pinaaalis tayo habang nagi-interview at pinagtabuyan.

Ang sabi ko, “Bakit mo ko pinaaalis? Dapat nga pinapasok mo ko dahil may presscon daw sa pagkakahuli kay Bingbong, hindi mo ko dapat pinaaalis dito dahil trabaho ko to bilang media.”

Hindi tumigil itong si INOCENTE sa pagpapaalis sa atin hanggang sa kinampihan na siya ng iba pang pulis.

Pero nagmatigas ang BOMBAHAN NA na hindi umalis kaya nagyabang itong INOCENTEng pulis at talagang ipinakita pa niya ang kanyang pangalan na nakusalat sa kanyang uniporme.

Sa aking palagay, ang mga ganitong pulis na halatang hindi alam ang kanyang trabaho o baka sinasadya niya lang dahil may pinapanigan siyang kandidato, ay dapat inaalis na sa serbisyo kasi makasisira pa lalo ito sa imahe ng PNP.

Kung sila ay nagtatrabaho sa pagbabantay sa mga nagrarali na supporters ni Bingbong, ang BOMBAHAN NA ay nagtatrabaho rin para ikober ang nasabing kaganapan.

Sa pagkakataong ‘yun, wala po tayong pinapanigang politiko basta sa akin lang makakuha tayo ng istorya at pagtupad ko sa tungkulin bilang isang media.

Sana ganundin ang nasa utak nitong si INOCENTE.

Hindi na nga tayo nagpumilit makapasok sa Camp Karingal, pati ba naman ang pagi-interview ko sa labas ng gate ay pagbabawalan pa ako nitong INOCENTEng pulis.

Kung ikaw INOCENTE ka sa batas ay umalis ka na lang sa pagiging pulis kasi hindi mo alam ang trabaho mo.

Mag-alsa balutan na kayo ni Gen. Esquivel, hindi kayo nababagay sa QCPD.

Sinisira n’yo ang imahe ng QCPD na pinaganda ni Gen. Guillermo Eleazar. Di ba sir?

Adios! God Bless Us!

oOo

Pasabugin ang katiwalian, isumbong sa BOMBAHAN NA! sa email joel2amongo@yahoo.com o magtext sa cel#0917-120-40-74 (BOMBAHAN NA / Joel Amongo)

Please follow and like us:
Read More

RESTO NA EXCLUSIVE SA CHINESE?

TINIG NG MANGGAGAWA final

PABOR ako sa panawagan kamakailan ni Senador Panfilo Lacson na ipasara ang mga negosyo partikular ang mga restaurant na nagbabawal o hindi welcome ang mga Pinoy.

Isipin n’yo na lang, narito sila sa Pilipinas tapos para silang may sariling mundo at ang pagbabawalan e tayo pa mismo na tagarito?

Maling-mali talaga yan.

Hindi lang ang pagkakait na makakain tayo sa kanilang restaurant ang nais kong ipasilip sa mga ganyang uri ng establisimyento kundi maging ang usapin sa pagkuha nila ng manggagawa.

Hindi na naman bago sa atin na may mga reklamo nang nauna na prayoridad ng mga Chinese sa kanilang negosyo ay mga kalahi nila.

Hindi ba’t isa yan sa mga batikos sa programang Build, Build, Build ng administrasyong Duterte?

Na ang mga proyektong popondohan gamit ang inutang sa Chinese e mga Chinese din ang makikinabang dahil prayoridad ang kanilang mga manggagawa sa mabibigyan ng trabaho?

Ang sabi, iimbestigahan ni Labor Secretary Silvestre “Bebot” Bello III ang reklamong yan laban sa mga Chinese resto lalo na diyan sa parteng Parañaque at Pasay kung saan nag-uusbungang tila kabute ang mga establisimyentong ang pangalan ay nakasulat sa Chinese characters at ni walang Pinoy translation.

Ano na ba ang nangyari? Nag-imbestiga ba talaga ang DOLE o nag-press release lang? Natatanong natin ito dahil wala na tayong balita muli hinggil dito.

Wala na rin tayong narinig mula sa tanggapan ni Bello kung may resulta na ang sinasabi nilang imbestigasyon.

Bukod sa DOLE, dapat ding kumilos sa bagay na ito ang Department of Trade and Industry at iba pang ahensya ng gobyerno para mapigilan ang mga negosyante mula sa China sa pagpasok sa small and medium enterprise.

Sa ginagawa kasi nilang ito ay inaagawan nila ng pagkakataon ang mga Pilipino. Dapat na maging prioridad sa mga SME o Small and Medium Enterprise ay ang mga Pilipino at hindi ang mga Tsino na mayroong milyong pisong puhunan.

Bukod sa mga restaurant ay mayroon na rin daw convenience store sa Makati at Pasay na puro produkto ng China ang binebenta at walang produktong Pinoy.

Isa pang malaking tanong ay kung bakit hinahayang isama sa SMEs ang mga negosyanteng Tsinoy at kumpitensyahin ang maliliit na nagnenegosyong Pinoy.

Bantayan natin kung ano ang kahihinatnan ng imbestigasyon na iyan dahil dehado tayong mga Pilipino. Alamin ang mga paglabag sa batas ng mga dayuhan na naghahari-harian ngayon sa ating bayan, parusahan sila at palayasin. Hindi dapat inaapakan ang karapatan nating mga Pilipino sa mismong bayan natin.

-0o0-

Ang kolum na ito ay naglalaan ng espasyo para sa ating mga manggagawa. Ipadala ang inyong mga karaingan, sumbong, reklamo o maging solusyon sa mga problema sa inyong kapaligiran. Ilihan lang sa Diaryo Bomba o kaya ay i-email sa dongbvaleza@gmail.com (TINIG NG MANGGAGAWA / DONG VALEZA)

Please follow and like us:
Read More

THIS IS IT!

GO FOR GOLD final

TAPOS na ang boksing, ika nga.

Sabihin na natin na hindi transparent ang nakaraang eleksyon. O, na hindi ito credible. Ang tanong, mapapalitan pa ba natin ang resulta?

Kahit pa sabihin natin na nagkadayaan. Eh, bakit hindi ito napigilan o na-counter ng oposisyon?

Mas maaga na matanggap natin na talo ang oposisyon … mas mabuti para sa ating bansa.

Baka sa ganung paraan ay makapagmuni-muni sila ng taimtim para naman mapag-aralan nila nang maigi saan sila nagkamali at mabasa naman nila nang tama ang pulso at damdamin ng mamamayang Pilipino.

Ikaw ba naman … ang messaging mo pang class ABC, eh 6% lang sila?

Tapos, laitin mo at insultuhin mo ang followers ng administration? Eh, di pati yung ibang members ng class DE (94%) na undecided o kampi sa oposisyon ay tinamaan at na-turn-off na sa oposisyon?

oOo

The worst is yet to come!

So kapit lang mga kababayan. Asahan nyo na ang Federalismo, ang pagtanggal na ng term limits, ang pagdami pa ng trabahador galing Tsina, lolobo ang utang natin, ang pagsuko ng ating mga teritoryo, at baka pati TRAIN 3, 4, 5!!!

Marami pang iba. Parang panahon lang ni Marcos ang peg.

But do you really care?

Majority sa kapwa natin ay walang paki. Hangga’t hindi sila naaapektuhan, wala silang paki. Pero, pag nakanti naman, ang lakas humiyaw!

Kayo talaga! Hintayin nyo pang mapatay si bunso or mabiktima kayo mismo … para lang kayo mamulat o magising.

Actually, alam nyo naman ang katotohanan. Pero, kayo’y nagbubulag-bulagan or nagbibingi-bingihan. Sa anomang kadahilanan, kayo na lang ang may alam.

Marami ang talagang naniniwala na mahusay ang kasalukuyang administrasyon at walang katotohanan ang mga paratang. Hindi ito dapat minamaliit o iniinsulto.

Kung naniniwala ang oposisyon na mali ang mga ito, dapat alamin nila ano pinaghuhugutan nitong mga nasa laylayan.

Aralin nila ano ang pinaka-epektibong paraan para makumbinse nila ang mga ito.

Napaka-insensitive kasi ng nakaraang administrasyon sa hinaing ng mga nasa laylayan. Tuloy, nagamit ito ng mga kalaban nila para maghangad ng pagbabago ang masa … kahit pa sa mas tuso pa galing ang pangako ng pagbabagong ito.

Pagkatapos ng tatlong taon, kahit na panggagago ang naganap at nauwi sa wala ang mga pangakong ito … di pa rin matinag ang mga nakaluklok.

Marami nang tumiwalag, totoo yon. Pero marami pa rin ang nanatiling panatiko dala ng massive propaganda machinery at delubyo ng fake news.

We must give it to them. Matindi at magaling ang communications team nila. Not necessarily yung mga nasa pamahalaan. Out maneuvered at outclassed ang democratic forces.

Mukhang matagal pa ang ating aantayin bago magising sa panggagago ang mga panatiko.

Samantala, hold on to your cash and start saving. Dadami ang plunderers at ang nakaw na yaman dahil sa nakita naman nila na it pays to steal big!

Sa puntong ito, tanging ang Diyos na lang ang ating takbuhan. Siya na lang ang makakarinig ng ating hinaing at makatutulong sa atin.

Panahon na para magdasal. At magdasal ng madalas. Dahil sa resulta na 12-0 ng halalan, mukhang hinayaan ng Diyos na tayo ay maparusahan. (GO FOR GOLD / PAUL SISON)

Please follow and like us:
Read More

MABIGAT SA DIBDIB ANG TAPATANG JULIA, SHARON

(NI GORGY RULA)

MIYERKOLES nagsimulang mag-showing ang dalawang Pinoy film, ang Kuwaresma ni Sharon Cuneta at ang Between Maybes nina Julia Barreto at Gerald Anderson.

Mabigat talaga sa dibdib ni Sharon na magkatapat sila ng showing ng pelikula nila ni Julia.

Sobrang love daw niya talaga ang Kapamilya young actress, kaya pinu-promote na rin niya ito.

Binigyan ng Grade B ng Cinema Evaluation Board ang Kuwaresma at A naman sa Between Maybes.

Suportado ng mga close sa pamilya Barretto ang premire night nito nung kamakalawa nang gabi.

Ang Kuwaresma naman ay ginamit ang Cinema 1 at 2 ng SM Megamall ang premiere night nito nung

Mga close kay Sharon ang ilan sa dumalo sa premiere night nung nakaraang Lunes gaya nina Zsa Zsa Padilla at Iza Calzado.

Suportado rin ng Star Cinema Films executive na sina Olive Lamazan at Malou Santos.

Pati sina Mother Lily at Roselle Monteverde ay dumating din bilang suporta naman kina Dondon Monteverde at direk Erik Matti ng Reality Entertainment.

Kapansin-pansin lang dun ang magkasamang dumating sina JK Labajo at Maureen Wroblewitz.

Bago natapos ang pelikula ay umalis na si JK at sumusunod si Maureen.

Obvious na merong namamagitan sa dalawa, pero sabi ng  mga taga-Prima Stella na nagha-handle kay Maureen, close friends lang daw ang dalawa dahil pareho silang may halong German at kampante raw silang nag-uusap ng German.

Dumating din pala roon ang magkasintahang Jerome Ponce at ang volleyball player na si Mika Reyes.

Please follow and like us:
Read More