BUGAW TININGGA SA ULO

cebu city12

(NI NICK ECHEVARRIA)

PATAY ang isa umanong bugaw na  miyembro ng LGBT makaraang taniman ng bala sa ulo ng hindi pa nakikilalang suspek sa Cebu City, Miyerkoles ng madaling araw.

Sa report ni P/Master Sargeant Gerry Genilaso, ng Station 2 ng Cebu City Police, naganap ang insidente ganap na ala-1:00 ng madaling araw habang nakatayo sa gilid ng kalsada ang biktima na nakilala lamang sa alyas na “Danica”.

Isang motorsiklo na sakay ang isang lalaki ang biglang huminto sa harapan nito at makalipas ang ilang saglit na pag-uusap ay bumunot ng baril ang suspek at saka pinaputukan sa ulo ang biktima.

Nang bumulagta sa kalsada ang biktima, mabilis namang tumakas ang hindi pa nakikilalang salarin palayo sa lugar ng krimen.

Dead on the spot ang biktima na kilala umanong bugaw sa kanilang lugar.

Patuloy na iniimbestigahan ng pulisya ang motibo at pagkakakilanlan ng suspek at kung may kinalaman ba ang krimen sa pagiging bugaw ng biktima.

 

Please follow and like us:
Read More

MAINE PANAY GUESTING HABANG NASA NEW YORK SI ALDEN

aldub23

(NI GORGY RULA)

OBVIOUS na nagkakanya-kanya na nga talaga sina Alden Richards at Maine Mendoza.

Habang nasa New York si Alden para sa GMA Pinoy TV nung nakaraang linggo, panay naman ang guesting ni Maine at mataas ang rating ng guestings  niya ha?

Guest co-host si Maine sa Sunday Pinasaya nung nakaraang Linggo dahil absent nga roon si Alden. Mataas ang rating nito na nakakuha ng 5.3 percent ayon sa AGB NUTAM, at 4.8 percent ang katapat na ASAP.

Kinagabihan naman sa The Boobay and Tekla Show ay wagi rin ang guesting doon ng phenomenal star ng Eat Bulaga. Nag-enjoy sa mala-Dante Gulapa na sayaw niya kaya humataw ang rating na 7.7 percent at muling tinalo ang katapat na Gandang Gabi Vice na may 6.6 percent.

Ang nakakalungkot lang, hindi pa rin makagulapay ang Daddy’s Gurl nila ni Vic Sotto sa Idol Philippines.

Nung nakaraang Sabado ay 9.9 percent lang ang nakuha at 13.1 percent ang katapat na Idol Philippines.

Kaya dapat talagang magkaroon sila ng reformat at maghanap ng i-partner kay Maine para abangan ito at pag-usapan.

Puwede pa talaga silang magpakilig depende kung sino ang mapiling ka-partner ni Maine

Marami pa rin ang nagsasabing swak na swak si Jake Ejercito, pero depende yan ngayon kung ano ang plano ng binata ni Mayor Erap pagkatapos nilang mabigo sa nakaraang eleksyon.

Samantala, nung nakaraang Sabado naman nagsimula ang bagong reformat at recast na Home Sweetie Home. Mataas ang rating nito na 10 percent laban sa Pepito Manaloto na 9.4 percent ang nakuha,

Ngayon lang nakatikim ng talo ang Pepito na consistent itong toprater.

Ewan ko lang kung kaya ma-maintain nila dahil mas nakakatawa naman talaga ang Pepito Manaloto ni Michael V.

Abangan natin yan!

 

Please follow and like us:
Read More

BABAE NA-TRAP, PATAY SA SUNOG

fire

(NI CHERK BALAGTAS)

ISANG babae ang patay matapos ma-trap sa nasusunog nilang bahay sa Lungsod ng Caloocan, Martes ng hapon.

Natusta na nang matagpuan sa loob ng kanilang sunog nang bahay ang biktimang si Alice Simbulan, 46, ng Barangay 49, ng nasabing lungsod.

Sa ulat ng Caloocan City – Bureau of Fire Protection (BFP), ganap alas – 4:30 ng hapon nang sumiklab ang sunog sa residential area sa kanto ng 4th Avenue at Nadurata Street sa nasabing lugar.

Agad naman nakaresponde ang mga tauhan ng iba’t ibang brigada kung saan umabot sa 79 firetrucks ang dumating.

Sa lakas ng apoy ay agad na iniakyat sa ikatlong alarma ang sunog na idineklarang fire out ng 5:42 ng hapon.

Naging pahirapan ang pag-apula ng apoy dahil na rin sa makikipot na daanan patungo sa mga nasusunog na kabahayan.

Ayon kay Arson Investigator FO1 Zoren Cabagay hindi bababa sa 35 pamilya ang apektado ng sunog habang tinatayang nasa P1.2 milyon ang inisyal na halaga ng ari-arian na natupok.

Nang magsagawa na ng mopping operation ay doon na nadiskubre ang bangkay ni Simbulan na nasa banyo ng kanilang bahay.

Sa ngayon ay patuloy pa rin ang pagsasagawa ng imbestigasyon ng BFP upang malaman ang pinagmulan ng apoy.

 

Please follow and like us:
Read More

DRIVER LUMUWA ANG BITUKA SA SAKSAK; ISINIKSIK SA LIKOD NG TAXI

stab100

(NI CHERCK BALAGTAS)

ISA na namang taxi driver na tadtad ng saksak ang natagpuang patay sa back seat ng pinapasadang taxi sa Lungsod ng Caloocan, Miyerkoles ng madaling araw.

Sa ulat ni Caloocan police deputy chief for administration P/Lt. Col. Ferdie Del Rosario, kinilala ang biktima sa pamamagitan ng kanyang driver’s license na si Pablo Damot, Jr. ng Bocaue, Bulacan.

Nadiskubre siya ng isang streetsweeper na si Clarita Castro, 59, ganap na alas- 4:30 ng madaling araw sa kahabaan ng C-4 Road, Barangay 8, ng nasabing lungsod.

Ayon sa nakasaksi, napansin na lamang umano niya na nakasindi ang head at tail lights ng sasakyan na nakaparke sa nasabing lugar kung saan siya naglilinis.

Nang lapitan ay doon na niya nadiskubre ang wala nang buhay na biktima na naliligo sa sariling dugo sa likurang bahagi ng passenger’s seat.

Agad niyang ipinagbigay-alam sa kanilang barangay ang insidente.

“Lumuwa na ang bituka ng biktima dahil sa dami ng tama ng saksak, posibleng nanlaban dahil may tama rin ng saksak ang mga kamay, ” ayon sa mga tauhan ng barangay.

Posible umanong mga holdaper ang nasa likod ng krimen na nagpanggap na pasahero ngunit nanlaban ang biktima kaya nila ito pinatay.

Please follow and like us:
Read More

3 BATA INIWAN SA LOOB NG KOTSE, PATAY

crime12

(NI JG TUMBADO)

PATAY  na nang matagpuan ang tatlong bata matapos iwan ang mga ito sa loob ng kotse sa bayan ng Orion, Bataan.

Nakilala ang mga biktima na sina Agatha Morales, 9, , Shamel Alghela Morales, 8, at Pauline Keziah Morales, 6, na pawang magpipinsan.

Batay sa naantalang ulat ng Orion police, huling nakita ang mga bata na naglalaro sa loob ng kanilang kotse sa Barangay Calungusan, ilang metro lamang ang layo sa plantasyon ng petrolyo nitong araw ng Lunes, May 13.

Mismo ang ama ng isa sa mga bata na si Jessie ang nakadiskubre sa insidente pasado alas 8:00 ng gabi.

Ayon sa pahayag ng ama sa pulisya, iniwan nya sa loob ng kanilang sasakyan ang mga bata alas 4:00 ng hapon habang ipinarada nito sa bahagi ng eskinita.

Dinala pa ng ama ang mga bata sa St. Michael Hospital subalit idineklarang dead on arrival na ang mga ito.

Sinasabing na suffocate o nahirapang huminga ang mga biktima nang sila ay iwanan dahil sa pagkakasara ng mga bintana ng kotse.

Please follow and like us:
Read More

HEART WILLING TUMIRA SA SORSOGON TO BUILD SHELTER FOR DOGS

ANG GARA NI VINIA(NI VINIA VIVAR)

Hindi na senator’s wife si Heart Evangelista kungdi Governor’s wife na dahil nga sa pagkakapanalo ng kanyang asawang si Chiz Escudero bilang governor ng Sorsogon.

Kaya naman ngayon, we could expect na mas madadalas na ang aktres sa Sorsogon para suportahan ang mga proyekto ng mister.

And of course, isa rin si Heart sa pinaka-unang nag-congratulate sa bagong Sorsogon Governor.

“Congratulations to my Governor Chiz Escudero!  You’ve worked in the senate for such a long time, but now, it’s time for you to concentrate in your beloved Sorsogon, the place which you and your family have loved for years.

”For the past few months, you’ve told me endlessly about your plans for Sorsogon – developing their tourism, sports programs, health programs, and agricultural industry. I cannot wait to see your visions come to life.  Sorsogon, it’s your time to shine!

“My love, I’ll always be here for you, cheering you on forever,” ang post ni Heart sa kanyang Instagram account.

Ngayong gobernador na ng Sorsogon ang mister, nagpahayag na rin si Heart na willing siyang mag-stay na sa nasabing lalawigan. Sa panayam ng GMA News sa kanya, sinabi ng aktres na mahirap man para sa kanyang trabaho ay kakayanin niya ito.

“I have to go! Although I’ll be constantly working, pero kakayanin ko,” Heart was quoted saying.

Kung sakali, ani Heart ay gusto raw niyang magkaroon ng shelter for abandoned dogs sa Sorsogon.

“You know I don’t mind having a little house there. I really love dogs and I really wish to have a shelter there for dogs.

“If things turn out the way we want, as much as I can, I really want to help out in the animals there. I don’t mind actually staying there. I really enjoy it there, super!”

                  GT NA ANG GIRLTRENDS NA PINALAKAS AT PINAGSANIB-PUWERSA

Mula sa pagiging isang all-girl dance group ng “It’s Showtime,” mas pinalakas at mas palaban ang pinagsanib-pwersa at talento ng pitong miyembro ng bagong GirlTrends na ngayon ay tatawagin nang GT sa paglulunsad sa kanila bilang isang pop group.

Bagong look at isang debut single ang unang handog nina Mica Javier, Krissha Viaje, Chie Filomeno, Mikee Agustin, Sammie Rimando, Joana Hipolito, at Dawn Chang sa pagbabagong bihis ng grupo bilang recording artists at performers.

Pinamagatang “Breakthrough” ang single na isinulat at ipinrodus ng member na si Mica Javier na hatid ang mensahe ng women empowerment at pagiging positibo sa kabila ng mga dagok sa buhay.

Sa bagong GT, isa sa lead vocalists si Mica, na isa ring music producer, indie artist, at theater and film actress. Kasama niya sa lead vocals ang family breadwinner na si Krissha, na una nang ipinamalas ang galing sa pagkanta nang manalo bilang isa sa representatives ng bansa sa global talent competition sa Japan na “Nodojiman the World” noong 2017.

Lead dancer naman ng grupo ang host-actress na si Dawn, na sumikat para sa dance covers niya mula nang sumali sa “PBB” noong 2015. Game rin sa hatawan ang main dancer na si Joana, isang dating university cheerleader at “It’s Showtime” dancer.

Kilala naman si Chie para sa kanyang prangka at masiglang personalidad, palabang social media posts, at pagiging isang professional racer. Produkto rin ng “PBB” ang makulit at masayahing si Mikee na isa ring online sensation dahil sa kanyang song covers.

Samantala, si Sammie, 21, ang pinakabatang miyembro ng grupo at isa sa mga pinakakilalang Pinoy stars sa app na TikTok.

Sa ngayon ay out na ang music video ng Breakthrough na mapapanod sa You Tube kung saan ay  makikita na kung gaano ka-hot, ka-sexy at ka-daring ang bagong GT ngayon.

 

Please follow and like us:
Read More

LALAKI MAY BITBIT NA BALA, ARESTADO SA MRT3

mrt312

(NI JEDI PIA REYES)

KALABOSO ngayon ang isang lalaking pasakay na ng Metro Rail Transit Line 3 makaraang makumpiskahan ng magazine at mga bala sa kanyang bag, Miyerkoles ng umaga.

Nakita sa x-ray machine sa North Avenue station ng MRT 3 ang bag ng suspek na si Don Ray Adina na naglalaman ng isang magazine ng baril gayundin ang walong piraso ng bala ng 10mm pistola.

Patungong southbound ng Edsa si Adina nang sitahin ng guwardiya sa istasyon si Adina dakong alas-8:00 ng umaga dahil sa kahina-hinalang mga gamit sa bag nito.

Walang ibinigay na paliwanag ang suspek sa bitbit nitong mga bala at patuloy ang pag-iimbestiga ng pulisya sa insidente.

Kasalukuyang nasa kustodiya ng Regional Mobile Force Battalion ng Philippine National Police sa Shaw Boulevard ang suspek na maaaring maharap sa kasong paglabag sa illegal possession of ammunition.

Please follow and like us:
Read More

2 SUSPEK SA PAGSUNOG NG COUNTING MACHINE LAGLAG

vcmsuspect12

(NI NICK ECHEVARRIA)

NAARESTO na ng mga awtoridad nitong Martes ng gabi ang dalawang suspek na nanunog ng vote counting machine at mga election paraphernalia sa Jones, Isabela.

Kinilala ni Cagayan Police Regional Office spokesperson Lieutenant Colonel Chevalier Iringan ang dalawang nadakip na sina Jayson Leaño at Rodel Pascual, kapwa nakatira sa Brgy. Sta Isabel sa bayan ng Jones.

Unang naaresto si Pascual sa isang hot pursuit operations bandang alas-10:30 sa Barangay Diarao habang si Leaño naman ay kusang sumuko sa barangay captain ng kanilang barangay ganap na alas-9:30 ng umaga nitong Miyerkoles.

Ayon sa mga umarestong pulis, ang dalawang suspek ay positibong kinilala ng mga nakasaksi sa insidente ng panununog.

Matatandaan na noong Martes ng umaga, ganap na alas-6:20, hinarang ng mga armadong lalaki ang isang dump truck at saka ipinababa ang lulan nitong VCM at mga election paraphernalia sa grupo ng mga Board of Election Inspectors (BEI) na silang maghahatid sana sa sinunog na VCM sa municipal hall ng Jones.

Ang sinunog na VCM ay may lamang 200 mga balota na hindi pa nabibilang mula sa mga polling precinct ng Barangay Dicamay 1 at 2.

Isinailalim ng pulisya sa kaukulang interogasyon ang mga nahuling suspek.

 

Please follow and like us:
Read More

EX-COP HULI SA MURDER NG KALAGUYO SA OLONGAPO

pnpsuspect12

(NI KOI HIPOLITO)

NALAGLAG sa kamay ng mga pinagsanib na elemento ng Regional Intelligence Division (RID-NCRPO), Regional Drug Enforcement Unit (RDEU-NCRPO) at ng Police Station 1 ng Olongapo City Police Station ang dating pulis na Absent without leave o (AWOL) na sinasabing suspek umano sa pagpaslang sa tiyahin ni dating world champion billiard hall of fame Efren “Bata” Reyes matapos itong matiyempuhan ng mga otoridad dakong alas-11:00 ng umaga nitong Lunes sa West Bajac, Olongapo City.

Nakilala ang suspek na si dating Patrolman Elias Gamboa, 45, na na-recruit noong 1999 ng Phillipine National Police (PNP) at dating naka-assign sa Meisic Police Station 11 ng Manila Police District (MPD) at tubong Concepcion East, Nueva Ecija at itinuturing na National Most Wanted Person at may monetary reward na P145,000.

Nadismis sa serbisyo ang suspek noong 2006.

Base sa panayam kay NCRPO Chief P/MGen. Guillermo Eleazar, inaresto ang suspek matapos itimbre ng isang confidential informant na papunta sa nasabing lugar ang suspek para bumoto.

Agad namang sinilbihan ng arrest warrant si Gamboa na inisyu ni Hon. Tita Bughao Alisuag, ng Regional Trial Court Branch 1, National Capital Region sa Maynila, para sa kasong murder na may petsang October 5, 2005 at walang inirekomendang piyansa. Pinatay umano ng suspek si Victoria Pangilinan, 60, alyas Nanay noong March 20, 2005.

Ayon sa anak ng biktima, nagkaroon umano ng relasyon ang suspek at ang biktima at madalas umanong bigyan ng pabor o tulong ni Pangilinan si Gamboa, subalit nagkaroon umano ang mga ito ng hindi pagkakaunawaan na nauwi sa pagtatalo at pananaksak ng 19 na beses ng suspek sa biktima na naging dahilan ng agaran nitong kamatayan. Simula noon ay nagtago na ang suspek sa iba’t ibang lugar at nagtrabaho bilang tricycle driver.

Nakakulong ngayon sa RSOU Custodial Facility ang suspek habang inihahanda sa korte ang kanyang kaso.

Please follow and like us:
Read More

OLIVAREZ, GOLEZ PROKLAMADO NA SA PQUE

oli23

(NI ROSE PULGAR)

NAIPROKLAMA na ng Commission on Election ang nanalong Mayor at Vice Mayor ng Paranaque City sa naganap na midterm election Martes ng gabi.          Dakong alas-11:00 ng gabi nang itinaas ng City Board of Canvasser ang mga kamay nina Edwin Olivarez na muling wagi bilang alkalde at si Rico Golez sa pagka-bise alkalde.

Si Olivarez ay nakakuha ng 169,224 na boto sa kanyang ikatlong termino bilang mayor ng lungsod habang si Golez naman ay nakakuha ng 141,433 na votes.

Ginanap ang proklamasyon sa Parañaque City Sports and Social Hall na kung saan dumalo ang buong pamilya Olivarez, maging ang kanyang mga supporters.

Naiproklama na rin si Joy Tambunting bilang nagwaging kongresista para sa ikalawang distrito ng Parañaque City, matapos manguna sa botong 103,028.

Matagal ang naging hintayan ng proklamasyon sa mga nanalong kandidato, sa nasabing lungsod dahil kinailangang hintayin ang hash code, na magpapababa sa threshold sa 90 percent, pero sa katunayan ay nasa 99 percent na ang transmission of votes.

Ang isa pang naging opsyon ay mapalitan ang mga pumalyang SD cards na magmumula pa sa Laguna.

Natagalan ang paghihintay dahil maraming lugar sa bansa ang humiling din na babaan ang threshold.

Nagpasalamat naman ang Team Paranaque sa pangunguna ni Mayor Olivarez sa kanilang pagkapanalo sa naganap na halalan 2019.

“ In behalf, therefore of my constituents and fellow Paranaquenos, I now urged everyone to be part of our collective advocacies for a more develop and progressive city,” ani Olivarez.

Samantala, sinabi naman ni Police Colonel Rogelio Rosales , hepe  ng Paranaque City Police na very peaceful ang pagdaraos ng eleksyon sa lungsod.

Ayon kay Rosales, walang untoward incident at wala ring violence o kaharasan na naitala ang pulisya habang isinasagawa ang botohan hanggang sa canvassing o bilangan.

Ngunit aniya, mayroong mga report na nakarating sa kanila gaya ng “hakot” ng mga politiko, at vote buying.

Subalit sa serye ng kanilang monitoring at surveillance,wala namang napatunayan sa mga alegasyon.

Mahigit sa 580 pulis ang ipinakalat sa buong lungsod ng Paranaque, mula noong Sabado hanggang Miyerkoles.

Please follow and like us:
Read More

MAYNILA IPINAUBAYA NA NI ERAP KAY ISKO

erap100

(NI HARVEY PEREZ)

IBINIGAY na ni outgoing Manila Mayor Joseph Estrada ang Lungsod ng Maynila sa kanyang katunggali na si incoming Manila.Mayor Francisco “Isko” Moreno Domagoso at nagwagi sa natapos na national and local elections.

Sa opisyal na pahayag ni Estrada, sinabi nito na nagdesisyon na ang mga mamamayan ng Maynila at mayroon nang bagong liderato na papasok at inihahanda na niya ang lokal na pamahalaan ng Maynila sa isang maayos na turn-over.

“By June 30, my 50 years in politics and public service will come to an end with sterling colors of honesty and genuine concerns for the poor,”ani Estrada.

Gayundin, pinasalamatan  ni Estrada ang lahat ng nakasama niya at sumuporta sa loob ng limang dekada niya sa pulitika.

Isang panibagong buhay umano ang kanyang haharapin pagkatapos ng kanyang karera sa politika.

“I congratulate the new mayor and I wish him all the best for the good of the people of Manila,” ayon pa kay Estrada.

Hinimok rin ni si Estrada ang kanyang mga supporters na suportahan ang bagong liderato ng Lungsod ng Maynila.

Hangad umano ni Estrada ang tagumpay ng bagong liderato para sa kabutihan ng nakararami.

Idinagdag pa ni Estrada na dahil sa masinop niyang pamamahala, iiwanan umano niya ang Lunsod ng Maynila ng P14 bilyon pondo.

Please follow and like us:
Read More

5 BIKTIMA NG TRAFFICKING NAPIGIL

arrestwomen12

(NI MINA DIAZ)

HINDI nagawang makalusot ng limang kababaihan sa mga tauhan ng Bureau of Immigration (BI) sa Clark International Airport (CIA) sa Angeles City, Pampanga matapos matuklasang hindi dokumentadong overseas Filipino workers (OFWs) ang mga ito nang tangkaing umalis ng bansa na nagkunwaring mga turista.

Sinabi ni BI port operations division chief Grifton Medina, ang mga pasahero na pawang kababaihan ay naharang sa dalawang magkahiwalay na insidente noong Mayo 8, ng mga enforcement officer habang pasakay ng kanilang mga flight sa Malaysia at United Arab Emirates.

Nabunyag na ang tatlong babae ay papunta ng Kota Kinabalu kung saan sila ay tinanggap upang magtrabaho bilang mga entertainer sa nightclub habang ang dalawa ay papuntang Lebanon na magtatrabaho bilang kasambahay.

Ayon sa BI, ang tatlo ay naengganyong magtrabaho dahil sa isang job offer na kanilang natanggap sa online, at nakilala ang isang ‘Danilo’ sa isang mall sa Quezon City, kung saan sila ay nagbayad ng P10,000 para sa kanilang recruitment. Inamin nila na inalok silang magtrabaho sa isang pub sa Kota Kinabalu, at ang kanilang mga dokumento ay ibibigay sa kanila sa Hong Kong.

Samantalang ang dalawa ay nagpakita ng mga pekeng visa sa UAE.

Sa ginawang interogasyon inamin nila na inalok silang magtrabaho sa Beirut, at iniutos ng kanilang recruiter na huwag ibunyag ang kanilang tunay na patutunguhan.

“Obviously these women have been victimized by unscrupulous human trafficking syndicates that prey on the poor. We must pursue cases against these illegal recruiters to protect our fellow Filipinos from exploitation in foreign lands,” wika ni Medina.

Sinabi ni Medina na sa panahon ng Inter-Agency meetings, nalaman na ang ilang mga biktima ay humahantong sa prostitusyon, o mas mababang sahod na lihis sa pamantayan ng industriya.

“Illegal recruiters will put their victims in a tight spot. The victims, knowing that they entered through illegal means, would be forced to agree to the unfair work conditions given to them and would even be asked to pay via salary deduction hefty sums for their recruitment,” ibinahagi pa ni Medina.

Dahilan ito upang alertuhin ni BI Commissioner Jaime Morente ang lahat ng kanyang tauhan sa mga daungan sa labas ng Maynila na bantayan ang iba pang mga biktima ng trafficking na maaring magtangkang umalis sa pamamagitan ng parehong pamamaraan.

Naniniwala si Morente na ang “mga sindikato ng trafficking ay maaaring inilipat o ibinaling  ang kanilang operasyon sa iba pang mga international airport dahil sa maraming interception sa NAIA (Ninoy Aquino International Airport).”

Lahat ng limang pasahero ay dinala sa Inter-Agency Council Against Trafficking (IACAT) para sa karagdagang imbestigasyon at tulong.

Please follow and like us:
Read More

KATATAGAN NI CHYNNA SA GITNA NG DALAMHATI

chynna12

AKO PA BA NI ROSE GARCIA(NI ROSE GARCIA)

NAPAPAHANGA kami sa ipinakikitang katatagan ng Kapuso actress na si Chynna Ortaleza sa gitna ng pagdadalamhati ng kanilang pamilya.

Pumanaw na ang ama ni Chynna na si Gryk Ortaleza noong mismong election day. Malapit sa amin ang pamilya nila kaya alam namin kung gaano ka-close si Chynna sa mga magulang.

Siguradong hindi madali para sa kanila ang pagpanaw ng ama na sa mga hindi nakakaalam, former record producer at nakagawa rin ng ilang mga kilalang O.P.M. songs. Naging producer rin ito ng pelikula at dahil sa kanyang creative at mga ideas ay napakaraming natulungan mapa-individual o kompanya man.

Sa post nga ng Mister ni Chynna na si Kean Cipriano, very proud ito na ipinagmayabang na father-in-law niya si Gryk Ortaleza na sumulat ngf mga kantang “Umagang Kay Ganda,” “Mamang Sorbetero,” “Hallmark Memories” atbp. Ayon dito, napakaraming naiambag sa mundo ng advertising, pelikula at musika.

Sey pa ni Kean, “Napakalaki ng naiambag niya sa kung sino at anong klaseng tao ako ngayon.”

Sa post naman ni Chynna, instead na ipakita ang nararamdamang lungkot, ang greatness ng ama ang ibinahagi niya at nagpasalamat sa pagmamahal at sa mga nagawa nito para sa pamilya nila.

Bumilib pa kami dahil alam ni Chynna na ang Papa niya ay isa sa mga sumusulong sa good governance. Kahit na namayapa ang ama, nag-post si Chynna ng finger niya na katibayan na bumoto siya.

Aniya, “Hey Papa! I hope you are proud of Kuya and I. We still managed to vote for the future. How’s the landscape of Philippine politics from your perspective now? Still thankful that dents have been made somehow.”

Sayang lang at hindi na naabutan ng Papa niya ang ikalawang apo kay Chynna na lalaki naman this time.

Please follow and like us:
Read More

TSERMAN  NADAKMA, 1 PATAY, SA INDISCRIMINATE FIRING

GUN FIRE-3

(NI NILOU DEL CARMEN)

ISANG barangay chair ang naaresto samantalang isa ring lalaki ang napatay matapos magresponde ang mga pulis sa dalawang kaso ng indiscriminate firing sa Batangas nitong Martes.

Batay sa report ng Batangas Provincial Police Office, dakong alas-10:30 ng umaga nang maaresto si Barangay Captain Leodegario Roxas, 44, matapos na ito ay walang habas na magpaputok ng kanyang baril sa labas ng kanyang bahay sa Barangay Sampalocan, Balete, Batangas.

Narekober dito ang isang kalibre .45 baril.

Inihahanda na ang kasong paglabag sa RA 10591 at Omnibus Election code laban dito.

Sa Tanauan City, nadatnan naman ng mga pulis na hawak-hawak pa ng suspek na si Isagani Latuna ang maiksing baril na ginamit nito sa walang habas na pagpapaputok sa Barangay Bagbag dakong alas 10:00 ng gabi.

Subalit nang ipinapasuko ng mga pulis, pinutukan nito ng dalawang beses ang mga awtoridad  na napilitang gumanti.

Nagtamo ng dalawang tama ng bala sa katawan ang suspek at isinugod sa ospital subalit idineklarang dead on arrival.

Please follow and like us:
Read More

NARCO POLITICIAN LANDSLIDE WINNER

san rafael12

(NI ELOISA SILVERIO)

TINULDUKAN na ang kontrobersyal at pinakaaabangan resulta ng local election sa bayan ng Bocaue at San Rafael sa mayoralty race makaraang iproklama ang mga nanalong alkalde sa mga nasabing bayan sa kakatapos lamang na national at local midterm election.

Sa bayan ng Bocaue, ang tinaguriang “Toss Coin Mayor” na si Mayor Joni Villanueva ay pormal na ipinroklama bilang opisyal na waging kandidato sa pagka-alkalde makaraang ilampaso nito ang kanyang katunggali na si Jim Valerio via landslide win.

Si Villanueva ay umani ng kabuuang boto na 32,083 mula sa 19 na barangay sa Bocaue kontra sa 22,422 boto para kay Valerio.

Magugunita na noong nakaraang 2016 election ay kapwa nagharap sina Villanueva at Valerio kung saan nagtabla sa score na 16,694 votes ang dalawa ngunit idinaan ang resulta ng panalo sa pamamagitan ng “toss coin” kung saan wagi sa 3-0 standing “best of five” mechanics si Villanueva laban kay Valerio.

Samantala, wagi rin sa landslide win over si re-electionist Mayor Goto Violago na may kabuuang boto na 36,508 votes kontra naman sa 11,180 votes para kay retired police general Francisco Villaroman.

Si Violago ay kabilang sa narco politician ni Pangulong Rodrigo Roa Duterte na hindi naging balakid sa kandidatura ni Violago na ayon sa kanya ay pagpapatunay lamang na hindi naniniwala ang taumbayan ng San Rafael sa isyu ng pagkakadawit ng kanyang pangalan sa droga.

Sa gubernatorial race naman as of 12:00 noon nitong Martes ay patuloy na lumolobo ang bilang ng kalamangan ng aktor na si Vice Governor Daniel Fernando para gobernador na mayroong 696,164 partial tally votes habang 400493 votes naman kay Malolos Mayor Christian Natividad.

Gayundin si Gobernador Wilhelmino Sy-Alvarado na malaki ang lamang at may 800,452 votes laban sa 420,650 votes ni Bokal Anjo Mendoza.

Wagi rin sina Congressman Jonathan Sy-Alvarado ng Unang Distrito; Cong. Apol Pancho ng 2nd District; Cong. Lorna Silverio ng 3rd District; Cong. Henry Villarica ng 4th District at Cong. Rida Robes ng Lone District ng City of San Jose Del Monte.

Please follow and like us:
Read More

ATBP NG POLITIKA

JOY-GIAN-2

JOY-GIAN  APRUB NA

NAPROKLAMA na ng Commission on Elections – Board of Canvassers ang magkatambal na Vice Mayor Joy Belmonte at Councilor Gian Sotto bilang bagong alkalde at bise-alkalde ng Quezon City.

Tinalo ni Belmonte at Sotto ang mahigpit na katunggaling si 1st District Representative Vincent “Bingbong” Crisologo at Jopet Sison.

Inaasahang mas pauunlarin pa ng tambalang Belmonte at Sotto ang lungsod Quezon. (Joel Amongo)

ISKO NAGTAGUMPAY

TINALO ni dating Vice Ma­yor Francisco “Isko Moreno” Domagoso si Mayor Joseph Estrada sa ginanap na 2019 midterm election.

Maging ang katambal ni Moreno na si Vice Mayor Honey Lacuna ay nagwagi rin laban kay dating Manila 5th District Rep. Amado Bagatsing na running mate ni Estrada.

Si Moreno, na dating bise alkalde ni Estrada sa una nitong termino bilang local exe­cutive, ay nangako ng pagbabago na aniya’y hindi nagawa ni Estrada sa Maynila sa loob ng dalawang termino nito.  (Mina Diaz)

MILLENIAL MAYOR VICO

TINAGURIANG ‘millenial mayor’ si Councilor Vico Sotto nang magwagi at maagaw ang puwesto mula kay incumbent Pasig City Mayor Bobby Esuebio sa katatapos na May 13 midterm elections.

Landslide victory si Sotto, 29, anak ng komedyanteng si Vic Sotto at beteranang aktres na si Connie Reyes, na nagpapakita lang na tinapos na ng mga botante ang 27-taong pamumuno sa lungsod ng Pasig ng mga Eusebio.

Tiyak rin ang panalo ng unopposed incumbent Vice Mayor Carucho Bernardo habang nagwagi rin si dating Pasig Rep. Roman Romulo laban kay incumbent Pasig Rep. Ricky Eusebio, kapatid ng kasalukuyang alkalde.

REMULLA  AT REVILLA PA RIN SA CAVITE

NANALO sa pagka-Gobernador ng Cavite si Juanito Victor “Jonvic” Remulla laban sa dati ring Gobernador na si Erineo “Ayong” Maliksi.

Si Maliksi ay dating Go­vernor ng Cavite  mula 2001 hanggang 2010 hanggang sa natalo ito ni Jonvic at nani­nilbihan itong Governor mula 2010 hanggang 2016 matapos na palitan siya ng kanyang kapatid na si Jesus Crispin “Bo­ying” Remulla na nanalo naman sa pagka-Congressman ng ika-7 Distrito ng Cavite.

Muli naman naluklok sa pagka Bise Gobernador si Ramon “Jolo”  Revilla na walang nakalaban nitong nakaraang midterm election.  (Sigfred Adsuara)

 ZAMORA TINAGPAS ANG MGA ESTRADA

HINDI na umabot sa ika-50 taon ang pamumuno ng mga Estrada sa San Juan matapos tapusin ni dating Vice Mayor Francis Zamora ang pamamayagpag ng una nang ilampaso sa halalan ang katunggaling si Janella Ejercito Estrada.

Papalitan ni Zamora, anak ni San Juan Rep. Ro­naldo Zamora, si Mayor Guia Gomez, dating kapartner ni outgoing Manila Mayor Joseph Estrada.

Noong panahon ng campaign period ipinangako ni Zamora na babaguhin nito ang San Juan at gagawing Smart City, magkakaloob ng mga libreng WiFi sa lahat ng mga pampublikong lugar, mga high-rise city housing at abot kayang healthcare.

Si Zamora ay tumakbo sa ilalim ng partido ng PDP-Laban habang si Janella naman ay sa partido ng kanyang lolo na Pwersa ng Masang Pilipino.

Sa Mandaluyong City, landslide ang pagkakapanalo ni Mayor Menchie Abalos laban sa katunggaling si Florencio Solomon habang sure win din ang running mate ng una na si Anthony Suva laban kay Boy De Quinto.

Bagaman walang kalaban, nabinbin ang proklamasyon ni incumbent Marikina Mayor Marcy Teodoro sa kanyang ikalawang termino dahil hindi pa nabibilang ang lahat ng boto. Nanalong bise- alkalde naman si Doc Marion Andres.      (Nick Echevarria)

BINAY BIGO SA MINORITY POST

HINDI na makukuha ni da­ting Vice-President Jejomar Binay ang minority leadership para sa 18th Congress matapos malasin at mabigong masungkit ang  1st District Congressional seat sa Makati City.

Bago ang kampanya, kabilang si Binay sa matunog at inaasahang tatakbo sa Spea­kership sa Kamara subalit hindi para maging top-leader ng Kapulungan kundi para ma­ging House Minority Leader.

Lamang, nasilat siya ni dating Makati City Vice Ma­yor Romulo “Kid” Pena Jr.

ABBY BINAY TINAMBAKAN ANG KUYA

MALAKI ang lamang ni incumbent Mayor Abby Binay sa kanyang kapatid na si da­ting Mayor Jun-jun Binay sa ginanap na banggaan nilang magkapatid sa Mayoralty race sa Makati City.

Nakakuha si Abby ng 175,385 boto mula sa kanyang mga taga suporta habang ang kuya niya ay nakakuha ng 96,299 na boto mula naman sa mga tagasunod.

Si re-electionsit Muntinlupa Mayor Jimmy Fres­nedi ay idineklarang panalo ng board of canvassers. Si Fres­nedi ay nasa huling termino na niya bilang alkalde. (Dave Medina)

MGA PANABONG NI DIGONG TINOLA SA MALABON

TALUNAN ang mag-asawang manok ni Pangulong Rodrigo Duterte sa lungsod ng Malabon na sina Vice Mayor Jeannie Sandoval, na tumatakbong alkalde, at reeleksyonistang Congressional bet na si Fe­derico “Ricky” Sandoval.

Iprinroklamang nagwagi kahapon ng umaga si Malabon Mayor Antolin “Len Len” Oreta III laban sa kanyang bise  na si Sandoval.

Samantala, matapos mabilang ang boto sa mga presinto, lumamang ng halos 20,000 boto si dating Congresswoman Josephine Veronique “Jaye” Lacson-Noel  sa lalaking Sandoval.

Magugunitang inendorso ng Pangulo ang mga Sandoval at pinagbantaan pa ni Duterte si Mayor Oreta na ipadarakip at ipatatapon sa Manila Bay kapag hindi naresolba ang problema sa droga sa lungsod sa loob ng isang buwan.   (Alain Ajero)

Please follow and like us:
Read More

POKPOK NG MGA INTSIK SA SUBIC

ANG TOTOO

MULA nang nag­lipana ang mga Intsik sa Subic dahil sa malawakang Online Gambling Operations dito, naglipana na rin ang mga “pokpok” na parausan ng mga ito.

Ito Ang Totoo: pala-palapag at meron pang buong hotel mismo ay ginagamit sa Online Gambling na ang mga em­pleyado ay pawang mga Intsik mula sa Tsina.

Meron pang dating eskuwelahan na ginawa nang sugalan at pati mga dapat opisina ay sugalan na, tirahan pa ng mga intsik na hindi matiyak kung lahat ay dokumentado.

Mga Pinoy na residente mismo ang lumapit sa atin upang mag­reklamo, kaya tiningnan natin at ang reklamo, nakita natin mismo na totoo.

Ito Ang Totoo: nakakaawa rin ang Pinay na gabi hanggang mada­ling araw ay lumalagare sa  lansangan, palipat-lipat sa mga Intsik na kung sa salita ay hindi magkaintindihan, pero sa senyasan ay nagkakaunawaan, medyo malaswa nga lang tingnan.

Hindi natin hinuhusgahan ang ating mga Pinay na kababayan pero may mali sa kanilang kinasasadlakan.

At ang mga intsik na empleyado ng dapat sana ay Pinoy ang nagtatrabaho, hindi natin alam kung ano-anong sakit ang dala, kung meron man, na maaaring kumalat sa ba­lat ng lupa ng ating bansa.

Ito Ang Totoo: ipinaabot na ito sa kaalaman ni Subic Bay Metropolitan Authority (SBMA) Chair & Administrator (ChAd) Atty. Wilma T. Eisma kaya siya ay nagtakda ng pakikipagpulong sa mga operator ng Online Gambling.

Ang pag-approve sa Online Gambling sa Subic ay inabutan na ni Chad Eisma mula sa nakalipas na administrayon kaya, aniya, nakatali ang kanyang mga kamay.

Pero ang ganitong mga sitwasyon ay pwede niyang pakialaman bilang kasalukuyang tagapamuno ng SBMA.

Sabi ni Chad Eisma, wala siyang sinasanto pagdating sa tama at mali. Sa bagay na ito, ang kanyang salita ay pwede niyang patunayan, o pabulaanan.

Kung ano ang kahihinatnan ng pakikipag-usap sa Online Gambling operators, aabangan natin. Ito Ang Totoo! (ANG TOTOO / VIC VIZCOCHO JR.)

Please follow and like us:
Read More

PANGAKO NG MGA NANALONG KANDIDATO TUPARIN!

CHRISTIAN BOMB

LAHAT ng mga kandidato ay ina­aming dumarami ang naghihirap na mga Pilipino.

Ito ang katotohanang hindi nila kayang itago. Isang katotohanan na lagi na lang may “solusyon” sa panahon ng kampanya ng eleksyon. Katotohanan na ang “solusyon” diumano ay kung si ganito o si ganoon ang mananalo at makaupo sa pwesto. La­ging ganito ang naririnig at nababasa ng taumbayan, laluna ng manggagawa at maralita tuwing sasapit ang halalan.

“Malinis na pamahalaan”, “matino at tapat na taong nasa pwesto”, walang kurakot sa gob­yerno”, “libreng edukas­yon”, “trabaho”, “tamang sahod”, “lupa”, “pabahay”. Ito na ang laging sinasabi ng mga kandidatong nangangailangan ng boto ng manggagawa at maralita para masungkit nila ang kapangyarihan sa bulok na pamahalaan.

Bawat isa sa mga kandidato ay nagsasabing “ako at ang aking partido ang may tunay na plataporma at programa para maiahon ang sambayanan mula sa kahirapan”. Ilang dekada na ba nating narinig ang mga katagang ito? Ilang dekada na ba nating na­rinig na naghirap diumano ang bansa dahil sa “maling pamamahala”, dahil “hindi mga tamang tao ang naluklok sa gob­yerno”. Hindi ba’t ito lagi ang sinasabi ng nasa oposisyon na nais palitan ang administrasyon?

Ang administrasyon naman ay laging nagsasabing wala sa kanila ang problema kundi “hindi sapat na panahon ng panunungkulan” ang siyang dahilan kung bakit ang mga pangako ay hindi natupad. Ang nasa admi­nistrasyon ay sinisisi ang lahat maliban sa kanilang sarili sa mga kapalpakan ng kanilang “plataporma” at “programa”.

Ganito lagi ang eksenang nakikita natin sa kada tatlo at anim na taong palabas ng eleksyon.

Ngayong tapos na ang eleksyon, at may mga nananalo na, sana ay alisin na ang sistema ng mga trapo o traditional politician na kung ano-ano ang ipinangangako sa publiko para sila ay maiboto, pero kapag naluklok na, ang mga pangako ay napako na. Ayaw nang tuparin.

Dapat, kung ano ang ipinangako sa publiko ng mga nanalong kandidato ay tuparin na alang-alang sa kapakanan ng bayan at mamamayan. (CHRISTIAN’S BOMB / CHRISTIAN HERNANDEZ)

Please follow and like us:
Read More