‘DI LANG PANG-SPORTS; ATLETA SA POLITIKA

alvin12

SA Pilipinas, gahibla lang ang pagitan ng politika, showbiz, at sports.

Mayroong mga dating atleta na naging artista, atletang naging politiko, o kaya’y atleta na naging artista at kinalaunan ay naging politiko.

Pinakasikat na atleta na naging artista at politiko siyempre pa ay si Senador Manny Pacquiao. Pero maliban sa kanya, maraming iba pang atleta o may kinalaman sa sports ang pumalaot na rin sa politika.

Ngayong 2019 midterm elections, maraming incumbent at ang iba ay bagitong kandidato sa iba’t ibang posisyon ay galing sa basketball, volleyball, boxing, at iba pang sports.

Ilan sa mga basketball players at coaches na kandidato ngayong eleksiyon ay sina dating PBA star Vergel Meneses; San Miguel, Alaska, at Alab Pilipinas player Dondon Hontiveros;  dating PBA veteran Don Allado at katandem nitong si Green Archer Francis Zamora; PBA legend at dating Purefoods franchise player Alvin Patrimonio;

Gilas Pilipinas at NLEX head coach Yeng Guiao; PBA legend at ngayon ay isa sa San Miguel Beer deputies Renato Agustin; dating Beerman at UAAP coach Franz Pumaren; MPBL Marikina Shoemasters coach Elvis Tolentino; Phoenix Fuel Master coach Ariel Vanguardia; at Philippine U18 Girls team assistant coach Denden Velez

Mula sa volleyball naman ay nariyan sina dating University of the Philippines standout at dating Senator Pia Cayetano, at ex-Ateneo setter at current national team player Ish Polvorosa.

Sa boxing, gustong sumunod sa yapak ni Sen. Pacquiao ang dating lightweight contender at nakababatang kapatid niya na si Bobby Pacquiao.

Ang aktor na si Monsour del Rosario ay naging representative ng bansa sa taekwando, habang sa fencing naman ang dating sikat na matinee idol na si Richard Gomez.

Si Rene Tongson naman ay senior master ng International Modern Arnis Federation of the Philippines.

Sina PBA team owner at dating La Salle basketball player Mikee Romero, ex-UP basketball player Martin Reyes, at national weightlifting association chief Monico Puentevella, matapos ang kolehiyo ay pumasok agad sa politika.

Mayorya sa mga nabanggit na kandidato ay naging manlalaro sa UAAP, NCAA at CESAFI. Ang iba ay representative pa ng Pilipinas sa international sporting events–si Gomez ay naging Southeast Asian Games gold medalist sa men’s fencing epee event, at si Tongson ay naging grandmaster ng International Modern Arnis Federation.

Sa mga nabanggit na atleta at coaches, tanging si Cayetano ang tumatakbong senador at ang iba pa ay kandidato sa Kongreso at iba’t ibang local posts.

 

Please follow and like us:
Read More

1 PATAY, MANUGANG NG VICE MAYOR LIGTAS SA AMBUSH

GUN FIRE-2

(NI NICK ECHEVARRIA)

NAKALIGTAS sa pananambang ng riding in tandem ang manugang ng isang vice mayor subalit nasawi naman ang drayber nito sa Samar, Sabado ng hapon.

Naganap ang pananambang ng dalawang hindi pa nakikilalang armadong lalaki lulan ng isang motorsiklo sa kahabaan ng Maharlika Highway, Brgy. Macatubig, Tinambacan District sa Calbayog City ganap na alas-4:00.

Sa ulat ng Calbayog City Police Office, dead on the spot ang biktimang si Joseph Ortega, empleyado ng Calbayog City Local Government Unit (LGU) makaraang magtamo ng mga tama ng bala sa kanyang katawan habang sugatan ang kasama nitong si Manuel Sajul, manugang ni reelectionist Calbayog City Vice Mayor Diego Rivera.

Patungo sana ang dalawang biktima sakay ng kulay itim na Mitsubishi Adventure sa Barangay San Joaquin nang pagbabarilin ng mga suspek.

Nagawa namang manehohin ng sugatang si Sajul ang sasakyan sa kabila ng kanyang mga tama ng bala malapit sa istasyon ng pulisya.

Patuloy na inaalam ng pulisya ang motibo ng ambush ng mga suspek na mabilis na nakatakas matapos ang krimen.

Please follow and like us:
Read More

GRUPO NG CHINESE KFR ARESTADO SA ENTRAPMENT

arrested12

(NI KOI HIPOLITO)

NASAKOTE ng mga operatiba ng Las Pinas City Police Station ang anim na Chinese nationals na mga miyembro umano ng kidnap for ransom syndicate na bumibiktima ng kanilang mga kababayan at dalawang Filipino noong madaling-araw ng Lingo sa magkasunod na entrapment operation sa  Circuit Plaza, Ayala Avenue sa lungsod ng Makati at Sta. Ana, Maynila.

Nakilala ang mga inarestong mga suspek na sina Li Wei, 29, Ruan Hu Bin, 29, Chen Sing, 29, Weng Peng Chao,  29 at sina Lao Xie at Li Hui Sie habang kinilala naman ang tatlong biktima na sina Zhou Yang, Sengxiao Ling at ang nakatakas at nakapagsumbong sa pulisya na si Ou Shen.

Ayon sa ipinadalang report ni Las Piñas City Chief of Police P/Col. Simnar Gran kay Southern Police District (SPD) Director P/BGen. Eliseo DC. Cruz, dumulog umano sa kanilang tanggapan si Ou Shen noong umaga ng Sabado at ikinuwento nito na habang naglalakad silang tatlong magkakaibigan sa kahabaan ng Verdant Avenue, Pamplona 3, Las Piñas ay hinintuan umano sila ng isang Toyota van (AIA 2234) na may sakay na hindi bababa sa 10 katao at sapilitan silang isinakay sa loob ng sasakyan subalit nagawang makawala ni Ou Shen at inireport sa kanyang amo ang nangyaring pagdukot.

Mabilis na inutusan ni Col. Gran si P/Maj. Alabastro at P/Maj. Gran para maglatag ng entrapment operation laban sa mga suspek na humihingi ng P200,000 subalit napakiusapan ang mga ito sa halagang P150,000 at napagkasunduan na magkikita sa lugar sa Makati.

Nasakote ang limang suspek matapos tanggapin ang marked money sa loob ng sasakyan at bahagyang nagkaroon ng komosyon nang makatawag pansin sa mga guwardya sa lugar.

Iitinuro naman ng mga suspect ang tinutuluyang lugar ng limang iba pang mga kasama sa River Green Center, Pedro Gil, Sta. Ana sa  Maynila kaya’t muling naglatag ng panibagong operasyon na nagresulta ng pagdakip kay Lao Xie na pinaniniwalaang nagtimbre sa iba pang mga nakatakas na suspek kasamang inaresto sina Marvin Villas, 38  at isang Lolito Angeles, 40, driver, ng ginamit na get away van at inaalam na rin ang kanilang naging partisipasyon sa krimen.

Pansamantalang nakakulong ngayon ang anim na suspek sa Las Piñas Custodial Facility at sasampahan ng kaso sa piskalya habang nagpapatuloy ang manhunt operation laban sa iba pang mga sangkot sa pagdukot sa mga biktima.

 

 

Please follow and like us:
Read More

NASAMPOLAN SA LIQUOR BAN

liquor ban12

(NI JULIE DUIGAN)

SA panimula pa lamang ng liquor ban na may kaugnayan sa halalan , nasa 19 katao  ang nasampolan ng Manila Police District (MPD) na nagsimula ng madaling araw ng Linggo at matatapos bago mag alas-12:00 ng madaling araw ng Martes.

Base sa report ng  MPD, sa pagitan ng ala-1:00 at alas-2:00 ng madaling-araw nang bitbitin ng mga tauhan ng MPD-Binondo Police Station 11  ang 15 katao sa ilang KTV bars sa kanilang nasasakupan sa Muelle dela Industria.

Kabilang sa mga naaresto sa Riverside KTV Bar, ay nakilalang sina Junefel Acebes, 24; Edison Acuyado, 34; Anthony Casio, 34; at Joel Olisco, 35, habang naaresto naman sa 3M KTV bar sina Angelito Manalac, 20; Marlon Amoroso, 19; Nestor Olmido, 26; at Angelo Medrano, 18.

Sa Redlight KTV bar naman sa Binondo din, naaresto sina Ariel Nolasco, 36; Jhon Paulo Cruz, 22; Prince Jimenez, 20; at Florante Marabe, 60, habang sa Juancho KTV bar naman natiyempuhang nag-iinuman sina Ariel Juanillo, 27; Jerry Ponelas, 20; at Marvin Alcantara, 30.

Samantala, bandang alas-2:00 ng madaling-araw naman nang madakip ng mga tauhan ng nasabing himpilan ng pulisya sa panulukan ng Muelle De Binondo, at Tabora Sts., sina Jay-R Carllas, 21; Reynold Atillo, 30, barangay tanod; Peter Bajar, 54; at Renato Aji, 46.

Ayon sa mga pulis, nagpapatrulya sila sa mga nabanggit na lugar bilang bahagi ng pagbibigay ng seguridad sa halalan, nang mamataan ang mga suspek, na nag-iinuman, na paglabag sa Section 261 ng Omnibus Election Code o Liquor Ban, kaya’t kaagad na inaresto ang mga ito at binitbit sa presinto.

Please follow and like us:
Read More

LALAKI NAGPAMASAHE, NAKATULOG, NINAKAWAN NG MASAHISTA

arrest

(NI JULIE DUIGAN)

BINITBIT ng mga operatiba ang isang  40-anyos na umano’y massage therapist na may modus umanong patulugin ang kliyente gamit ang essential oil na hinihinalang may pampatulog  bago umano nito pagnakawan  ng mahahalagang gamit at pera, Luneta sa Rizal Park, Ermita, Manila iniulat ng pulisya.

Kasalukuyang nasa kustodiya ng District Police Intelligence Operation Unit ng Manila Police District- ang suspek na nakilalang si Evelyn Gabucan, na nagpakilala din sa mga alyas na “Sandra Abanda Y Torres”, Brion Midland Y Wetter, Linda De Guzman Y Solis, at Liza Santos Y Sapanta, 40 anyos, residente ng Block 3 Lot 9 Zenna,  Cavite at may addreess din sa lungsod ng Quezon.

Ang suspek ay nahaharap sa  mga kasong paglabag sa Article 308 ng Revised Penal Code o Theft,  Art. 178  ng RPC o  Using Fictitious Name and Concealing True Name at Art. 172 section 1 ng RPC o Falsification of Document.

Batay sa report ng pulisya, bandang alas-3:00 ng madaling araw, nitong Biyernes  nang madakip ang suspek sa panulukan ng R Salas  at Roxas Blvd., sa Service Road, sakop ng  Ermita , habang nagmamaneho ng kaniyang motorsiklo.

Narekober sa kanya ang isang sling bag Lacoste  na naglalaman ng P10, 000.00 cash, relos na G- Shock (P5,000) at Iphone XR (P65, 000.00) na ninakaw niya sa biktima na si Marcos Santos, 33, residente ng  10th Ave., Grace Park,  Caloocan City.

Nabatid kay Santos , bandang alas-2:00 ng madaling araw nang magising ito at nawawala na ang kanyang sling bag at ang suspek sa Rizal Park, kung saan siya nagpamasahe.

Habang naglalakad umano ang suspek sa parke nang alukin siya ng suspek ng masahe at nakipagkuwentuhan pa sa kanya hanggang sa naging palagay na ang loob niya.

Sinabihan siya na P200 lamang ang babayaran kaya pumayag siya at umupo na sa dalang upuan ng suspek at sinabihan siya na tanggalin sa katawan ang bag at ilagay sa ilalim ng inuupuan hanggang sa makatulog dahil mahusay umano ang pagmamasahe at nakaka-antok ang ginamit na essential oil.

Nang magising ay saka nadiskubre na naglaho na ang suspek kaya mabilis na hinanap sa paligid at inireport sa MPD-DPIOU.

Agad namang umaksiyon ang mga tauhan ng DPIOU at nakita ang suspek base sa paglalarawan ng biktima kaya nabawi ang bag ng biktima subalit ang pera ay P2,000 na lang ang narekober.

Sa beripikasyon, may mga nakahain pang reklamo laban sa suspek na tulad din ng complainant, na mga nabiktima ng pagnanakaw gamit ang modus nito.

 

Please follow and like us:
Read More

MGA PAALALA NG CELEBRITIES NGAYONG ELEKSYON

(NI SIR NOEL FERRER)

ARAW ng pagboto, bukas, Lunes. Nasa sarili natin nakaatang ang  responsibilidad na pumili ng ating mga lider.
Sabi nga, hindi sa mga survey nakasalalay ang result, kundi sa ating mga well-informed at pinag-isipan at pinagnilayan talaga na mga boto.

Tinanong natin ang mga kaibigan nating taga-industriya, heto raw ang gabay nila para sa mga pipiliing iboboto.

Sana may mapulot tayong kaalaman at inspirasyon sa mga paalala nila.

ATOM ARAULLO : Matuto na po tayo – ang magnanakaw, para sa kulungan, hindi panghalalan.

NONIE BUENCAMINO: ‘Yung mga may kaso pa o may may kailangan pang ipaliwanag sa bayan, huwag iboboto yan!

SHAMAINE CENTENERA- BUENCAMINO : Una naman – dapat may alam sa batas. At yang mga sipsip at walang sariling isip, huwag nang iboto yan.

JOEL LAMANGAN: Kailangan natin ang isang Senado na lalaban sa political dynasty; isang Senado ha hindi tayo ipagbibili sa China at isang Senado na malaya at hindi sunud-sunuran lang

JOANNA AMPIL: This election, we are voting for Lawmakers, Not law-breakers.
Ang dapat nating hinahalal, mga alagad ng batas. Hindi angat sa batas!

LAURICE GUILLEN: Iboboto natin yung may takot sa Diyos at respeto sa kapwa tao.
Iboto yung hindi lang magaling sa salita kundi sa gawa rin. Leadership by example dapat.

JUAN MIGUEL SEVERO: Salamat sa P5,000 pondo pambili ng boto ko.
Salamat sa pagsauli ng pera ng bayan.
Tatanggapin ko pera mo,
Pero boboto ako ayon sa prinsipyo ko.

HIDILYN DIAZ: Huwag ho kayong maniniwala sa matrix na walang basis;
Di ba sabi ni Lord, wag magsinungaling – kaya wag tayong boboto ng mga nagsisinungaling at nagfe-fake news…
Kasi ang sinungaling daw ay kakambal ng magnanakaw.
Wag din tayo boboto sa mga ganun. Bad yun!!!
Ito po si Hidilyn Diaz, isang taong may takot sa Diyos at tunay na nagmamahal sa bayan.Muli, wag kayong maniniwala sa matrix at sa mga taong nagpapakalat nito.. Sa darating na eleksyon, mag Level up at makonsyensya po tayo!!! GOD BLESS US ALL!

Basta, tulad ng pinagsama-samang boses ng mga kasama natin industriya – Sana pagkatapos ng bilangan, ang panalo ay TAUMBAYAN.

 

 

Please follow and like us:
Read More

UAAP: TIGRESSES INILAMPASO ANG ATENEO 

VOLLEY12

(PHOTO BY MJ ROMERO)

PINATUNAYAN ni University of Sto Tomas Lady Tigresses team captain Sisi Rondina na kaya niya at ng kanyang team na manalo laban sa Ateneo Lady Eagles nang ilampaso ito kahapon sa loob ng tatlong sets sa Game 1 ng best-of-three UAAP Season 81 women’s volleyball Finals.

Ipinakita ng Tigresses ang kanilang bangis at hindi pinaporma ang Lady Eagles simula sa unang set hanggang sa ikatlo at huling set 25-17, 25-16, 25-20.

Ayon kay Rondina wala silang ibang inisip kundi “finals na ‘to” kaya’t ibinigay na nila ang lahat sa laro.

Malaki rin umano ang naitulong ng kanilang coach na si Kungfu Reyes sa pag-motivate nito sa kanya at kanyang mga kasamahan.

Bago ang Game 1 ay kinuwestyon ng ilang kritiko ang kakayanan ng UST na manalo laban sa Ateneo.

“Sabihin na nila na hindi pa kami nanalo sa Ateneo, lalong lalo na ako,” ani Rondina bago ang kanilang Game 1 match up. “Pero andun pa rin yung kagustuhan naming manalo, ilalaban namin team namin.”

“Kayang-kaya nating mag-champion basta puso,” sabi pa ng hinirang na UAAP Season 81 Most Valuable Player.

Huling nanalo ang Tigresses kontra Lady Eagles pitong taon na ang nakararaan kaya’t gano’n na lang ang panggigigil nina Rondina at coach Kungfu Reyes na makabawi.

Ipinakita naman ng graduating na si Rondina at Rookie of the Year Eya Laure na kaya nilang akayin sa finals, at malaki ang posiblidad sa kampeonato, ang UST.

 

Please follow and like us:
Read More

MAYORAL BET HULI SA ARMAS

agusan del sur12

ARESTADO ang isang tumatakbo sa pagka-alkade sa Agusan del Sur at apat na iba matapos masamsaman ng mga armas at bala.

Si Jupiter Abulog, tumatakbong mayor ng Rosario, Agusan del Sur, ay dinala ng mga pulis matapos isagawa ang search warrant na inisyu ng Regional Trial Court branch 7.

Nakuha kay Abulog ang anim na kalibre. 45 pistola, isang kalibre .40 pistol, isang M16 rifle at mga bala at magazine.

Samantala, sa Surigao del Sur, arestado rin sina Reynold Sinzo, Jonalito Tello, at

Ronald Ruba matapos makipaghabulan sa mga pulis dahil sa umano’y  pananakot at tangkang pagnakaw sa isang barangay captain.

Dalawang kalibre .45 pistola, apat na kalibre .45, steel magazine, ilang bala ang nakumpiska sa mga ito.

Huli rin si Christopher Sullano sa Madrid, Surigao del Sur matapos masamsaman ng isang kalibre .45

pistol, isang Elisco M16A1 rifle, at iba’t ibang mga bala.

Please follow and like us:
Read More

UAAP: 1 PANALO NA LANG PARA SA NU 

men;s volleyball12

ISANG panalo na lang ang kailangan ng National University para makuha ang ikalawang  UAAP men’s volleyball crown matapos talunin ang Far Eastern University sa Game 1 ng Season 81 Finals Sabado sa Araneta Coliseum.

Talo sa unang set ang Bulldogs pero dahil sa championship experience ay nagawa nitong makabawi sa mga sumunod na sets 21-25, 25-23, 25-23, 25-18, para kamkamin ang  unang panalo sa best-of-3 series.

Nagbida para sa Bulldogs si Bryan Bagunas na nagukit ng 18 puntos na may 16 kills, habang ang Player of the Game na si James Natividad ay umiskor ng 16 sa 15 attacks at isang ace.

“Medyo nagka-problema kami noong first set,” pagamin ni NU head coach Dante Alinsunurin.

“Ang tagal naming nakapag-adjust,” sabi naman ng team captain na si Francis Saura. “Sobrang saya, kasi nanalo pa rin kami kahit ganoon ang performance namin (noong Set 1).”

Ayon kay Alinsunurin, malaking paktor ang championship experience nila para makabangon at tuluyang manalo sa mahigpitang laban kontra FEU.

“Ang laking tulong ng experience namin sa championship,” aniya. “Every time na may situation ang kalaban namin, nagagawan namin ng paraan, mapa-opensa mapa-depensa.”

Umaasa naman ang NU coach na maipagpapatuloy nila ang magandang laro sa Game 2 ng Final series sa Miyerkoles sa Mall of Asia Arena.

“Sana, magtuloy-tuloy lang ito sa next game,” sabi pa ni Alinsunurin.

Please follow and like us:
Read More

DRUG-MONEY GAMIT SA VOTE BUYING

VOTE BUYING-1

(Ni NELSON S. BADILLA)

MISMONG chairman ng Commission on Elections (Comelec) na si Sheriff Abas ang nagbunyag sa isang press conference kamakailan na talamak ang bilihan ng boto sa iba’t ibang panig ng bansa.

Batay sa mga ulat at reklamong nakarating sa tanggapan ng Comelec, sinabi ni Abas na napakalaking suliranin ang vote buying ngayong mid-term election 2019.

Ang pahayag ni Abas ay kinatigan ni Police General Oscar Albayalde, hepe ng Phi¬lippine National Police (PNP), kamakalawa.

Ayon kay Albayalde, batay sa text messages at tawag sa kanyang cellular phone, nagaganap ang bilihan ng boto kahit saang lugar sa Pilipinas.

Sa gitna ng mga ulat ng talamak na bilihan at bentahan ng boto, kaagad na pinatutok ng Comelec ang iba’t ibang grupo na bumubuo ng “Kontra Bigay” Task Force na siyang hahabol at uusig sa mga mamimili at magbebenta ng kanilang boto.

DRUG MONEY GAMIT SA BILIHAN NG BOTO

ANG masama sa bilihan ng boto sa ngayon ay ang paggamit ng pera mula sa iligal na droga, ayon kay Senador Richard Gordon.

Ani Gordon, ang pagbili ng mga boto gamit ang pera mula sa iligal na droga ay naglipana sa napakaraming lugar sa bansa.

Iginiit ni Gordon, sa kanyang lalawigan na Zambales ay hindi maitatanggi ang bilihan ng boto ng mga tinatawag na narco- politicians.

PERANG GALING SA ILIGAL ANG PONDO SA VOTE BUYING

PEBRERO ng taong kasaluku¬yan ay pinalundag na sa media ni Philippine Drugs Enforcement Agency (PDEA) Director General Aaron Aquino ang ideyang tanging sa iligal na droga o korapsyon lang manggaling ang perang ipantutustos sa pamimili ng mga boto ng mga politiko.

Sabi ni Aquino, “Walang politiko na bibili ng boto nang galing sa anumang tamang pinagmulan.  Kadalasan talagang nanggagaling iyan sa korap¬syon o sa ilegal na droga.”

Dahil galing sa iligal, hindi manghihinayang ang mga politikong sangkot sa iligal droga o korapsyon na magtapon ng pera, anang opisyal.

Noong Marso, inilabas ng PDEA na mahigit 80 ang mga opisyal mula sa iba’t ibang posisyon sa pamahalaang lokal mula sa iba’t ibang panig ng bansa ang kasama sa drug list ng PDEA.

Ang mga politikong kasama sa listahan ay mula Ilocos Norte hanggang Maguindanao.

Kung sisipatin ang mapa ng mga kinaroroonang lungsod, bayan at lalawigan ng narco politicians ay masasabing napakalaking halaga ang pakakawalang pera ng mahigit 80 narco politicians.

Syempre, ang layunin ng narco politicians ay manalo sa halalan.

Sa nasabing bilang, 46 lang ang kinasuhan sa Office of the Ombudsman at sa kalauna’y isinapubliko ni Duterte ang kanilang mga pangalan.

Sabi ni Duterte, ang mga botante na ang magpasya kung ihahalal nila ang mga politikong sangkot sa iligal na droga o hindi.

Ayon sa tagapagsalita ng Comelec na si James Jimenez, maaari pa ring tumakbo ang mga kinasuhang narco politicians, sapagkat ang pinagbabawalan lamang ng Omnibus Election Code na tumakbo sa anumang posisyon sa pamahalaan ay iyong mga napatunayang nakagawa ng krimen at hinatulan ng korte dahil dito.

“KONTRA BIGAY TF” TUTUTOK SA CARAGA

Sinabi ni Comelec Chairman Sheriff Abas na napakaraming natatanggap na ulat ng kanyang tanggapan kaugnay sa talamak na bentahan at bilihan ng boto nitong mga nakaraang linggo.

Ayon kay Abas, base sa ulat, pinakamataas ang presyo ng bilihan ng boto sa Caraga o Region 13 na bahagi ng North Eastern Mindanao na binubuo ng mga lalawigan ng Agusan del Norte, Agusan del Sur, Dinagat Islands at mga siyudad ng Surigao, Tandag, Bislig, Bayugan, Cabadbaran at ang Capital City na Butuan, kung kaya ditto tututok ang “Kontra Bigay” TF.

Umaabot sa 1,311 ang barangay sa nasabing rehiyon kung saan 93 sa mga barangay ang itinuturing na “areas of concern” o “hot spots.”

Dahil sinasabing malaki ang presyo ng bilihan at bentahan ng boto sa Caraga kung kaya’t masusing imbestigasyon ang ginagawa ng mga miyembro ng task force kaugnay sa perang gamit sa pamimili ng boto na posibleng mula sa iligal na droga.

REPORT NA VOTE BUYING NG PACC

INAASAHANG aaksyon ang Commission on Election (Comelec) tungkol sa 15 kaso ng vote buying na ipinarating sa Presidential Anti-Corruption Commission (PACC).

Inihayag ni PACC Commissioner Greco Belgica kama¬kalawa na hiniling ng PACC sa Comelec na imbestigahan ang 15 kaso ng pamimili ng boto.

Noong nakaraang plebesito naman, naiulat na nagkaroon din ng “vote buying” sa Isabela City sa Basilan. Kaya naman, ngayong Mid-term election ay magiging bigilante na ang mga mamamayan ng Region 9.

MAYNILA, PASAY, MUNTINLUPA ‘PASOK’ SA VOTE BUYING

ANG mga lugar na nahulihan ng bilihan ng boto ay ang Maynila, Lungsod ng Pasay, Lungsod ng Muntinlupa, Lungsod ng Ozamiz at Lungsod ng Santiago sa Isabela.

Hindi binanggit ni Belgica kung sinu-sino ang opisyal ng pamahalaan at mga kandidato ang namimili ng mga boto.

Ngunit, tiniyak niyang mayroong “sapat na katibayan” ang 15 kaso ng pamimili ng mga boto.

Batay sa ulat ng Manila Police District (MPD) at Southern Police Distrit (SPD) sa National Capital Region Police Office (NCRPO) na pinamumunuan ni Major General Guillermo Lorenzo Eleazar, ang talamak ang iligal na droga sa Maynila, Pasay at Muntinlupa.

MPD ang nakasasakop sa Maynila sa pamumuno ni Brig. Gen. Vicente Danao Jr., samantalang nakapaloob sa SPD ang Pasay at Muntinlupa na pinamumunuan ni Brig. Gen. Eliseo Cruz Jr.

Please follow and like us:
Read More

MAY PUSONG POLITIKO; RAISE YOUR RIGHT HAND, PLEASE!

RATSADAHIN NATIN

SA nagdaang Labor Day noong Mayo 1, hiniling sa ating gob¬yerno ng mga manggagawa at ng ordinaryong kawani na dagdagan ang kanilang minimum wage. Sa Metro Manila, ang arawang sweldo ay P512. Mas mababa rito ang rate ng mga nasa probinsya.

Ang hirit ng Trade Union Congress of the Philippines na sinusuportahan ng Anak-Pawis para sa minimum wage ay P750. Kasi nga, sobra na ang taas sa presyo ng mga bilihin, nariyan pa ang dagdag singil sa koryente at tubig. At maya’t maya rin ang oil price hike. Opkors, mayroon itong chain reaction.

Ang manggagawa at may-ari ng kompanya ay di-mabubuhay nang wala ang isa sa kanilang dalawa. Daig pa nga raw nila ang mag-asawa na kapag di-magkasundo ay pwedeng mag-babu sa isa’t isa. Kaya naman masasabing forever silang mag-partner in life.

Ang masaklap sa panig ng mga nabubuhay sa arawang sweldo, ang kanilang pamilya ay nakararanas na ng matinding gutom at wala pang kakayahang magpadoktor man lang. Kung minsan, naibubulalas tuloy ng ilan sa labor sector: “Gusto ‘ata ng mga nasa gobyerno at ng mga may-ari ng kompanya na sa leeg na kami dapat maghigpit ng sinturon.”

Idaraos ngayong Lunes ang May 13, 2019 elections. Sangkatutak ang mga kandidatong naghahangad na maluklok sa pwesto sa Senado at ma¬ging sa pamahalaang lokal man sa buong bansa.

Sa araw na ito gagamitin ng mga mamamayan ng bansa ang karapatan nila sa pagpili ng mga opisyal ng pamahalaang lokal o nasyunal. Boboto syempre ang isang botante ayon sa kanyang kursunada.

Para sa nabanggit na okasyon, ikinampanya ng ibang samahang sibiko ang pagtataguyod ng isang mapayapa at malinis na halalan. At may nagsasabi rin na dapat natin pusuan ang mga kandidato na karapat-dapat masulat sa balota ang pangalan.

Teka, pupusuan natin ang mga politiko. Pero sino-sino naman kaya sa kanila ang may puso na totoong magmamalasakit sa interes ng bayan at sa ating mga kababayan?

Sige nga, tingnan nga natin kung sino o sino-sino sa hanay ng mga kandidato sa ngayon ang makapagtataas ng kamay. Raise your hand, please! Kung nahihiyang magtaas ng kamay, paa na lang ang itaas. At kung may putok sa kilikili, huwag na lang, yuks!  (RATSADAHIN NATIN / REY ATALIA)

Please follow and like us:
Read More

MAGPASALAMAT

PINOY ABROAD

“IN everything, give thanks: for this is the will of God in Christ Jesus concerning you.” 1 Thessalonians 5:18 (KJV)

Ang ating paksa sa araw na ito ay tungkol sa pasasalamat.

Gaano ka kadalas nagpapasalamat? Sa magulang, sa kaibigan, katrabaho o kasama sa bahay?

Hindi ba’t masarap sa pakiramdam na ipadama sa kanila ang iyong appreciation sa kahit mumunting bagay na nagawa nila para sa iyo?

Isa sa mga hinahangaan ko si Apostol Pablo dahil sa kanyang pahayag at pangaral na “Magpasalamat sa lahat ng bagay.” Alam natin na si Apostol Pablo ay isang edukado at mataas ang tungkulin sa gobyerno ng Romano at namumuhay nang marangya at ginagalang bago niya nakatagpo ang Panginoon JesuCristo sa daan ng Damasco.

Mula noon ay naging tagasunod siya at masugid na tagapangaral ng Ma¬buting Balita ng Panginoon Jesus. Nawala sa kanya ang karangalan at kasaganaan dahil sa pangangaral ng Mabuting Balita. At kung dati siya’y tagausig ng mga mananampalataya kay Kristo, nangyaring siya naman ang inuusig ng mga Romano.

Bukod pa roon ay dumanas siya ng iba’t ibang pagsubok at kahirapan tulad ng paglubog ng sinasakyan niyang barko, nakagat ng ulupong, hinagupit ng mga sundalong Romano at ibinilanggo. Sa kabila ng kanyang mga naranasan, ipinangaral pa rin niya na, “In everything gives thanks.”

Ganito rin ang naging saloobin ni Haring David na laging nagpapasalamat sa dakilang Diyos. Sa Psalms 35:18 isinasaad na ”I will give thee thanks in the great congregation: I will praise thee among much people.”

Si Haring Hezekiah ay nag-appoint ng mga saserdote at levita para maghandog ng peace offerings, to minister and to give thanks, and to praise in the gates of the tents of the Lord. (2 Chronicles 31:2)

How about us? Na¬ging gawi na ba nating magpasalamat sa tuwi-tuwina?

Siguro sa panahon lang kung tayo’y may tinatanggap na biyaya.

Walang mawawala kung susubukan natin at pakikinggan si Apostol Pab¬lo. Anomang kalagayan o sitwasyon ay magpasalamat tayo.

“In everything give thanks…” and “Rejoice in the Lord, ye righteous; and give thanks at the remembrance of his holiness.” Psalms 97:12 (KJV)(givalencia777@gmail.com) (PINOY ABROAD / GUILLER VALENCIA)

Please follow and like us:
Read More

TIYAKIN NINYONG HINDI PRESS RELEASE ANG AKSYON LABAN SA BILIHAN NG BOTO

BAKBAKAN NATIN

MAGKASAMANG nagpa-press conference kamakailan ang mga opisyal ng Commission on Elections (Comelec) at Department of the Interior and Local Government (DILG) kung saan inamin nilang talamak ang bilihan ng boto sa eleksyong ito.

Kaya, tiniyak ni Comelec Chairman Sheriff Abas na kikilos ang Comelec upang matigil ang ka-demonyohang ito ng mga politiko.

Katunayan, binuhay ng Comelec ang Task Force Kontra Bigay para sa natu¬rang layunin, saad ni Abas.

Todo-suporta naman ang DILG upang mahuli ang mga sangkot sa krimeng ito, tugon ni Usec. Jonathan Malaya.

Ang Philippine National Police (PNP), ayon kay Major General Mao Aplasca ay bumuo ng 105 grupo upang hulihin ang mga taong masasangkot sa bilihan at bentahan ng mga boto sa iba’t ibang panig ng bansa.

Maging ang Presidential Anti-Corruption Commission (PACC) ay kumikilos din laban sa bilihan at bentahan ng boto.

Todo-todo ang suporta ko sa mga aksyong ito ng Comelec, DILG, PNP at PACC, sapagkat para sa bayan ito.

Ang hangad ko lang ay hindi hanggang “press release” lang ang mga pahayag ng mga opisyal ng mga nasabing ahensya ng pamahalaan laban sa tala¬mak na bilihan at bentahan ng boto.

Marami na kasing pahayag at pangako ang mga nasabing ahensya laban sa masasamang gawain patungkol sa eleksyon, ngunit pagtapos maglabas ng kanilang opisyal na press release sa publiko sa pamamagitan ng media ay wala nang resulta.

Tama ba ako o mali?!

SI COL. SEGUN, SI ‘COLLECTOR’ ZALDY AT PERGALAN SA CAVITE

HINDI maipagkakailang ginagampanan nang husto ni Col. William Segun ang kanyang gawain, tungkulin at obligasyon laban sa iligal na droga bilang hepe ng pulisya sa Cavite.

Naglulunsad din ng sorpresang dalaw si Segun sa iba’t ibang himpilan ng pulisya sa mga lungsod at bayan ng Cavite upang malaman at madiskubre niya mismo kung sinu-sino ang mga pulis-Cavite na batugan, natutulog sa himpilan ng pulisya at umiinom habang naka-duty.

Sa aspetong ‘yan ay maaari nating sabihing pasado si Segun na maging brigadier general.

Pero, may nakikita akong sagka sa kanyang promosyon.

Ito ay ang kanyang kapalpakang sugpuin ang napakatalamak na iligalidad sa buong Cavite.

Talamak ang jueteng na gamit ang small town lottery (STL) ng Philippine Charity Sweepstakes Office (PCSO), saklaan, pergalan at marami pang iba.

Iyong saklaan ni alyas “Zaldy” sa loob ng Cavite Cockfighting Arena sa Cavite City at buong Cavite City ay pihadong hindi magagalaw, sapagkat ipinagyayabang ng taong ito na nakapuwesto sa Task Force Ma-verick ng Criminal Investigation and Detection Group (CIDG) ng Philippine National Police – Region 4 – A (PNP–Region 4–A) ang kanyang boss na pulis.

Walang takot si alyas Zaldy na ipangalandakang ‘collector’ siya ng pulis sa Task Force Ma¬verick.

Ito marahil ang dahilan kung bakit namamayagpag ang mga saklaan ni Zaldy sa Cavite City at kung bakit hindi magalaw ni Segun ang iligalidad ng Zaldy na ito.

Hindi nakapagtataka, sapagkat ultimong mga pergalan sa Lungsod ng Imus ay hindi rin ipinatitigil at ipinasasara ni Segun.

Maraming pergalan sa mga barangay sa Imus kung saan ang isang alyas “Nelma” ang patok na patok ngayon sa lungsod na ito.

Kitang-kita ang pergalan ni Nelma sa erya ng MCI na lahat na yata ng iligal na sugal ay nakalatag, ngunit hindi ipinatitigil at ipinasasara ni Col. William Segun.

Bakit? Malakas ba si Nelma kay Segun o sa hepe ng pulisya ng Imus?

Ang balita ko, inayos na ni alyas Nelma ang isang alyas Landong Bulag tulad ng ginawa nina Atienza, Panganiban at iba.

Ibang klaseng magyabang ang alyas Lando na ito dahil ang sinasabi ng taong ito sa mga operator ng mga iligalidad ay ‘malakas’ siya kay Col. Segun.

Abangan ang kahulugan ng ‘malakas.’  (BAKBAKAN NATIN / NELSON BADILLA)

Please follow and like us:
Read More